დაბოქლომებული “გურული პალმა“ და საქართველო პრეზიდენტის სალო-ბიე

გიორგი გირკელიძის ბლოგი

დაბოქლომებული “გურული პალმა“ და საქართველო პრეზიდენტის სალო-ბიე

26 ნოე. 2019, 21:40:07

“არაფერი დატოვეს ამ ქვეყნად წმინდა, რომ არ შეხებოდნენ!“ _ ეს ფრაზა შეიძლება ცოტა ხანში ასე შეიცვალოს: „ამ ქვეყანაში არაფერი დატოვეს დაბოქლომების გარეშე“.

ოპოზიცია ახალ ეტაპზე გადავიდა და აბოქლომებს ყველაფერს, რაზეც ხელი მიუწვდება.

ეს პროცესი ეპიდემიასავით მოედო მთელ საქართველოს და შეიძლება ითქვას, პაექრობის სახე მიიღო. მიდის პატარა ბრძოლები, რომ მუნიციპალიტეტების ადმინისტრაციულ შენობებზე და მაჟორიტარი დეპუტატების ბიუროს კარზე ბოქლომები დაადონ ან არ დაადებინონ.

რა ხდება ოზურგეთში? აქ, შეიძლება, ითქვას, სხვა სამყაროში გვიწევს ცხოვრება _ „ევროპული საქართველოს“ 10-მდე წევრს, ოზურგეთის მუნიციპალიტეტის ადმინისტრაციულ შენობასთან, მათზე ოთხჯერ მეტი სამართალდამცავი და “ქართული ოცნების“ მხარდამჭერები დახვდნენ. აქციამ ბოქლომის დადების გარეშე ჩაიარა, ერთ-ერთმა საინფორმაციო სააგენტომ კი თავის მკითხველს ამცნო, რომ  დეპუტატის ბიუროს კარზე ბოქლომიდაადეს. სააგენტო “ევროპული საქართველოს“ წევრის მიერ გადაცემულ ინფორმაციას დაეყრდნო.

როგორც გავიგეთ, რაკი ბიუროს დაბოქლომება ვერ მოახერხეს, „ერთიანი ნაციონალური მოძრაობა“ უკმაყოფილო დარჩა. აქედან გამომდინარე, მეორე აქცია გუშინ გაიმართა. აქციაზე გამოჩნდა „ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარე დავით მჟავანაძე, რომელიც თბილისში გამართულ აქციაზე დააკავეს და ოთხდღიანი პატიმრობა ჰქონდა მისჯილი.

ოპოზიცია აცხადებდა, რომ მათი მიზანი იყო საკრებულოს კომისიების სხდომაზე დასწრება, მაგრამ მათი ეს განცხადება დამაჯერებელი არ აღმოჩნდა სამართალდამცავებისთვის.

აქციაზე“ქართული ოცნების“ და “ნაცმოძრაობის“ წარმომადგენლებს შორის დაპირისპირება მოხდა. დავით მჟავანაძემ ამჯერადაც არ უღალატა ტრადიციას და დეპუტატებს, მარი ჩხიკვიშვილს და როზეტა სკამკოჩაიშვილს შემდეგი სიტყვებთ მიმართა: “დაგავიწყდათ, თქვენს სახლში რომ იმართებოდა “ნაცმოძრაობის შეხვედრები 2012 წლამდე?!“ მარი ჩხიკვიშვილის პასუხიც ტრადიციული იყო: „შენ ხარ მატყუარა! კარგად მახსოვს, თქვენი მმართველობის დროს ჯარიმას ჯარიმაზე, რომ უწერდით მამაჩემს და დედაჩემს სამსახურიდან აგდებდით!“

 „წამოძახების სერია“ ამით არ დასრულებულა _ თავდასხმის შემდეგი ობიექტი ოზურგეთის მუნიციპალიტეტის ერთ-ერთი განყოფილების უფროსი, გელა ჭანუყვაძე იყო: „თქვენი საბუთები ახლაც ინახება ჩვენს ოფისში _ “ნაცმოძრაობის“ კოორდინატორი იყავი“, _ უთხრა მას მჟავანაძემ, რაზეც გელა ჭანუყვაძე აღშფოთდა და მჟავანაძე შემოელანძღა: “უნამუსო კაცი ხარ!“

ადმინისტრაციულ შენობაში, ჩემი აზრით, ყველაზე მეტად, ეს ფრაზა იყო სიმართლესთან ახლოს: "ეს სამი ადამიანი დგამს შოუს ოზურგეთში და საქართველოს მასშტაბით კი _ 200. დაანებეთ თავი, მეტი მაგათ არაფერი არ იციან", _ უთხრა თავის თანაგუნდელებს ოზურგეთის მუნიციპალიტეტის. მერიის საინვესტიციო განყოფილების უფროსმა ხათუნა სურგულაძემ.

აქციის ბოლოს, ადმინისტრაციული შენობის დაბოქლომება “ნაცმოძრაობამ“ ვერ შეძლო, მაგრამ ბოქლომი წლების წინ დარგულ პალმას დაადეს. პალმა რა შუაშიაო, ალბათ, იკითხავთ, პასუხს კი ასეთს მიიღებთ: პალმა, თურმე, ბიძინა ივანიშვილის საყვარელი ხე ყოფილა.

ბევრს გაუკვირდა პალმის დაბოქლომება... ალბათ, თავად პალმასაც... მაგრამ, ხეს ლაპარაკი, ლანძღვა და ბრძოლა ხომ არ შეუძლია?! ჰოდა, იდგა წელზე ბოქლომიანი ჯაჭვით შემორტყმული პალმა ოზურგეთის ცენტრში _ უტყვი და უდანაშაულო...

კიდევ რა მოხდა? იმასაც მოვესწარი, რომ აქციის დასრულების შემდეგ, პოლიციის და ოპოზიციური პარტიის წარმომადგენლები მშვიდად საუბრობდნენ. ნამდვილად არ გამკვირვებია ეს ფაქტი, რადგან საქართველოში ყველა ერთმანეთს იცნობს, მით უმეტეს, ოზურგეთში...

პალმის დაბოქლომების შემდეგ, ოპოზიციონერები თბილისში გასამართ აქციაზე წავიდნენ.

პარლამენტის შენობის წინ, პოლიტიკოსების გამოსვლის დროს, ცნობილი გახდა, რომ საქართველოს პრეზიდენტი ღამით სალობიე “ბია“-ში იმყოფებოდა... დიახ, სალობიეში...

ამ ფონზე უკვდავი ფრაზა გამახსენდა: „ლობიო ჩვენი გამზრდელი და გამცილებელი“...

როდესაც ქვეყანას ყველა მხრიდან უტევენ, როდესაც ვაჟა ექიმი უკანონოდ არის დაკავებული, როდესაც პატარა ანიტას და გაბრიელს დახმარება სჭირდებათ, როდესაც დაპირებული პროპორციული არჩევნები 2020 წელს აღარ ჩატარდება, როდესაც ქვეყანაში ათასი პრობლემებია, რა გელობიებათ, ქალბატონო პრეზიდენტო!

„ბიაში“ ლობიოს საჭმელად მშვიდობიანად  მისული პრეზიდენტი, საბოლოოდ პოლიციელების გამოსაყვანი გახდა. მანამდე კი, რამდენიმე სამოქალაქო აქტივისტმა, სალობიეს შესასვლელთან ჯონჯოლი მიიტანა. მოგვიანებით კი “რადიო თავისუფლებამ“ გაავრცელა ინფორმაცია, რომ რუსთაველის გამზირზე მიმდინარე საპროტესტო აქციას სოლიდარობას უცხადებს სალობიე „ბიას“ მეპატრონე, გიორგი იოსავა: “გავედი თუ არა ქალაქიდან, ჩემ სალობიე „ბია"-ს ესტუმრა სალომე „ბუა", _ თავი გაიმართლა იოსავამ და სულაც არ გახსენებია ვაჟას სტუმარ-მასპინძელი და არც ის, რომ სალობიე იმისთვისაა, რომ ყველა იქ შემსვლელმა ჭამოს ლობიო მიუხედავად მისი პოლიტიკური შეხედულებისა.

„სრული სოლიდარობა აქციის მონაწილეებს“, _ წერს „ფეისბუკზე“ გიორგი იოსავა და იქვე ურთავს „ჰეშთეგს" #სტუმარი ღვთისაა#, რაც სრულიად ეწინააღმდეგება მის სინანულს, რა დროს არ ვიყავი ადგილზე, თორემ ზურაბიშვილის ფეხი არ იქნებოდა ჩემ „ბიაშიო“. ეს იოსავა ისეთი „ვაჟკაცი“ ჩანს, თავის სალობიეში რომ ყოფილიყო, ქვეყნის პრეზიდენტს კინწისკვრით გააგდებდა იქედან!

მოკლედ, პური და სანახაობა არ გვაკლდება ქართველს ხალხს. მიჩნდება შეგრძნება, რომ ხალხი ნაკლებად აინტერესებს პოლიტიკური ლიდერების უმრავლესობას, მაგათთვის სკამი უფრო მნიშვნელოვანია, მაგრამ ერთი რამ ავიწყდებათ _ სკამზე მუდმივად მყარად ვერ იქნებით... ხალხს მიხედეთ, ხალხს, რომელსაც პოლიტიკოსებისგან ცრუ დაპირებები თავსაყრელად ახსოვს.




 ახალი ამბები
  • მზად ვარ, ჩავენაცვლო მძევლებს – უგულავა ზუგდიდში განვითარებულ მოვლენებზე„ევროპული საქართველოს“ ერთ-ერთი ლიდერი, ზუგდიდის მაჟორიტარობის კანდიდატი გიგი უგულავა აცხადებს, რომ მზადაა, ზუგდიდში, ბანკში დარჩენილ მძევლებს ჩაენაცვლოს. „მთავარ არხთან“ საუბარში გიგი უგულავამ, რომელიც შემთხვევის ადგილას იმყოფება, თქვა, რომ მისი ინფორმაციით, ბანკში ახლა 3 მძევალია დარჩენილი და განაცხადა: „თუ ახლა გამტაცებელი გვისმენს … თუ ხმაური სჭირდება, — თუ რა სჭირდება, უცნობია, — ჯობია, დეპუტატობის კანდიდატი ჰყავდეს მძევლად და მე მზად ვარ, — თუ ამის შესაძლებლობა არის და ორმხრივი თანხმობა, — მზად ვარ, ჩავენაცვლო დარჩენილ მძევლებს“. „დარწმუნებული ვარ, რომ სამართალდამცავი ორგანოები ყველა ღონეს გამოიყენებენ იმისთვის, რომ ეს ღონისძიება ჩატარდეს ეფექტურად და მშვიდობიანად. და ვაცადოთ ამ ხალხს“, – განაცხადა მანამდე გახარიამ ჟურნალისტებთან. შეგახსენებთ, რომ ზუგდიდში, საქართველოს ბანკში რამდენიმე პირი შეიჭრა და მძევლები ჰყავთ ... ...
  • სპეცოპერაცია ზუგდიდში- შსს განცხადებას ავრცელებსშინაგან საქმეთა სამინისტრო  ზუგდიდში, ზვიად გამსახურდიას გამზირზე მდებარე ერთ-ერთ ბანკში შეიარაღებული პირის შეჭრის შესახებ განცხადებას ავრცელებს. „შეტყობინება შინაგან საქმეთა სამინისტროში დაახლოებით 14:21 საათზე შევიდა. პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია. ამჟამად ადგილზე მობილიზებული არიან სამართალდამცველები, მიმდინარეობს საგამოძიებო და ოპერატიული ღონისძიებები. პოლიციის თანამშრომლებმა შემოსაზღვრეს შემთხვევის ადგილის მიმდებარე ტერიტორია. ადგილზე მობილიზებული არიან სამართალდამცველები, მიმდინარეობს საგამოძიებო და ოპერატიული ღონისძიებები. საპოლიციო ღონისძიების მშვიდობიანად წარმართვისთვის, კრიტიკულად მნიშვნელოვანია შემთხვევის ადგილის მიმდებარე ტერიტორიაზე მაქსიმალურად დაცული იყოს უსაფრთხოების ნორმები. შინაგან საქმეთა სამინისტრო მოუწოდებს მედიის წარმომადგენლებს დაიცვან უსაფრთხოების ნორმები, პირდაპირ ეთერის რეჟიმში არ გადასცენ საპოლიციო ღონისძიების და სპეცდანიშნულების თანამშრომელთა მიერ წარმართული ოპერაციის ამსახველი კადრები. ეს საფრთხეს უქმნის მოქალაქეების და პოლიციელთა სიცოცხლეს, ასევე მათ ჯანმრთელობას. მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. შინაგან საქმეთა სამინისტრო საზოგადოებას ინფორმაციას ეტაპობრივად მიაწვდის“,_ აცხადებებნ ... ...
  • ამ დრომდე მიმდინარეობს სპეცოპერაცია ზუგდიდში - ბანკში შეიარაღებული პირები შეიჭრნენამ წუთებში ზუგდიდში, „საქართველოს ბანკში“ სპეცოპერაცია მიმდინარეობს. არსებული ინფორმაციით, შეირაღებული პირები ბანკში ცოტა ხნის შეიჭრნენ. გავრცელებული ინფორმაციით, იყო სროლაც. წინასწარი ინფორმაციით, ბანკში რამდენიმე პირი იმყოფება. ადგილზე სპეცრაზმი და პოლიციაა ... ...
  • ზუგდიდში, საქართველოს ბანკში მძევლები ჰყავთ აყვანილიარსებული ინფორმაციით, ზუგდიდში, საქართველოს ბანკში შეიარაღებული პირები შეჭრნენ და მძევლები ჰყავთ აყვანილი. შემთხვევის ადგილზე სპეცრაზმია მობილიზებული და სპეცოპარაცია მიმდინარეობს. შსს ინფორმაციას არკვევს. ჯერჯერობით, სხვა დეტალები ცნობილი არ არის. წყარო: ... ...
  • ინფორმაცია სამკურნალო დაწესებულებებში ან იზოლაციაში მყოფი ამომრჩევლების ხმის მიცემის პროცესის გაშუქებასთან დაკავშირებით19 ოქტომბერს გამართულ სხდომაზე ცენტრალურმა საარჩევნო კომისიამ მიიღო დადგენილება, რომლითაც განსაზღვრა სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების 2020 წლის 31 ოქტომბრის არჩევნებში მონაწილეობის, საარჩევნო უბნებისა და სპეციალური ჯგუფების შექმნის, ასევე ზოგიერთი საარჩევნო ღონისძიებისა და სანიტარიულ-ჰიგიენური მოთხოვნების საკითხები.(დადგენილება იხილეთ თანდართულად) აღნიშნული დადგენილების შესაბამისად პრესისა და მასობრივი ინფორმაციის სხვა საშუალებებმა, რომლებსაც სურვილი აქვთ გააშუქონ საარჩევნო პროცესი სტაციონარულ სამკურნალო დაწესებულებებში ან იზოლაციაში მყოფი ამომრჩევლების ხმის მიცემის პროცესი, 26 ოქტომბრის 18:00 საათამდე უნდა წარმოადგინონ უფლებამოსილი პირის მიერ ხელმოწერილი განცხადება მატერიალური სახით შემდეგ მისამართზე: ქ. თბილისი, დავით აღმაშენებლის ხეივანი №138, ან ელექტრონული ფოსტის მისამართზე: observation@cec.gov.ge.   ელექტრონული ფოსტის მისამართზე განცხადება და შესაბამისი თანდართული საბუთები წარდგენილი უნდა იქნეს დოკუმენტების სკანირებული ვერსიების ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...