ბარბი ანუ იყო თუ არა რევოლუციამდელი ბავშვი გონებაჩლუნგი


ისტორია

ბარბი ანუ იყო თუ არა რევოლუციამდელი ბავშვი გონებაჩლუნგი

21 აგვ. 2017, 17:29:55

როგორც კი პირველი ადამიანი გაჩნდა ამ ქვეყანაზე, მან მაშინვე დაიწყო ქვიდან თუ თიხიდან სათამაშოების გაკეთება. ამის დასტურია არქეოლოგების მიერ ნაპოვნი სათამაშოები _ პომპეიში, ტროასა თუ ეგვიპტურ პირამიდებში. მსოფლიოში უძველესი თოჯინა ეგვიპტურ სამარხშია ნაპოვნი. ის გაკეთებულია პატარა ფიცრებისაგან და თმების მაგივრად თიხის მძივები აქვს. ოთხი ათასი წლის წინათ შექმნილი ეს თოჯინა თავის პატარა პატრონს ჩააყოლეს სამარეში. თოჯინას ფეხები არ ჰქონდა, რადგან ეგვიპტელებს სჯეროდათ რომ საიქიოში ის შეიძლება გაცოცხლებულიყო და პატრონს გაქცეოდა. ამის გარდა ნაპოვნია ჩვენი წერილის გმირის, ბარბის წინაპრები, რომელთაც ზედმიწევნით ჰქონდათ გამოძერწილი სახეები, ჰქონდათ ნამდვილი თმები, ამოძრავებდნენ კიდურებს...

თუ ცნობილი ქართული ფილმის “თოჯინები იცინიან” გმირის  გამონათქვამს გავიხსენებთ, რევოლუციამდელი ბავშვი (ნაგულისხმებია ოქტომბრის 1917 წლის რევოლუცია), სათამაშოს არ ქონის გამო იყო გონებაჩლუნგი. თუმცა როგორც ირკვევა, რევოლუციამდელ ბავშვებს, ბევრად უფრო კარგი სათამაშოები ჰქონდათ, ხშირ შემთხვევაში ეს სათამაშოები ხელოვნების ნამდვილ ნიმუშებს წარმოადგენდა. რევოლუციის შემდეგ კი საყოველთაო თანასწორუფლებიანობის ხანაში, როდესაც ყველას ყველაფერი ერთნაირი უნდა ჰქონოდა, სათამაშო უკვე სათამაშოს აღარ ჰგავდა. ვინ იყო გონებაჩლუნგი, საკითხავი აი ეს არის. საბჭოთა კავშირის მოქალაქენი არასოდეს ვიყავით განებივრებულნი ნორმალური სათამაშოებით, უცხოური სათამაშო კი, თუ კი ის ხელში ჩაგვივარდებოდა (რაც არც თუ ისე ხშირად ხდებოდა), ეს უდიდესი ბედნიერების ტოლფასი იყო.

მადლობა ღმერთს, რომ ამ დრომ ჩაიარა და ახლა მაღაზიის დახლებზე ნაირ-ნაირი, სხვადასხვა ზომის, შეფერილობის და ფასის სათამაშო დევს. ამ ოცი-ოცდახუთი წლის წინათ კი ჩვენს რეალობაში შემოვიდა ბარბი. მის შესახებ საკმაოდ კარგად ვარ ინფორმირებული და მასთან საკმაოდ ბევრი შეხვედრა მქონდა, რადგან მას შემდეგ რაც ბარბი თბილისში გამოჩნდა, რამდენიმე თოჯინამ ჩვენს ოჯახშიც დაიდო ბინა (ორი ქალიშვილის მამა გახლავართ, რომლებიც ახლა ბარბის სამშობლოში ცხოვრობენ). მას შემდეგ ჩვენთან ნამდვილი სპექტაკლები და “საპნის ოპერები” იდგმებოდა ბარბის თოჯინების მონაწილეობითა და ჩემი ქალიშვილების რეჟისორობით.

ჩვენგან განსხვავებით დასავლეთელებს, განსაკუთრებით კი ამერიკელებს, არასოდეს აკლდათ კარგი სათამაშოები, მაგრამ როგორც აღმოჩნდა, ისინიც განიცდიდნენ უკმარისობის გრძნობას. მადა ჭამაში მოდისო და 1959 წელს ამერიკაში გამოჩნდა ახალი თოჯინა სახელად ბარბი, რომელმაც თითქმის მაშინათვე დაიპყრო ბავშვების, და არა მარტო მათი, გულები.

ოფიციალური ვერსიით ბარბის “დედა” ამერიკელი ქალბატონი რუთ ჰანდლერი გახლდათ, რომელსაც თოჯინის შექმნის იდეა მას შემდეგ გაუჩნდა რაც შეამჩნია რომ მისი შვილები უფრო მეტ უპირატესობას ანიჭებდნენ ქაღალდისაგან გაკეთებულ “მოწიფულ” თოჯინებს. მშობლებს ტრადიციულად ჰგონიათ რომ პატარა გოგონებს მხოლოდ დედა-შვილობანას თამაში უყვართ, რომ ისინი თავს მხოლოდ გამზრდელ დედებთან აიგივებენ, სინამდვილეში როგორც ბიჭებს უნდათ ყველაზე “მაგრები” გახდნენ და საკუთარი “მაჩო” კერპები ჰყავთ, გოგონებსაც სურთ ლამაზ და მშვენიერ ქალბატონებზე სწორება, რომელთაც შეუძლით ცხოვრებაში ბევრის მიღწევა. ცნობილი მომღერალი და ახლა უკვე თვითონაც მილიონობით ადამიანის კერპი მადონა ასე იხსენებს ბარბისთან დაკავშირებულ წლებს:” მე ბარბის თოჯინებთან მთელ დღეებს ვატარებდი. ჩემს წარმოსახვაში მე ისეთივე ვიყავი როგორც ისინი... ბარბის შეეძლო ეთქვა კენისთვის, მე არ ვაპირებს სახლში დარჩენას და სადილის მომზადებას. შენ თვითონ დარჩი სახლში! მე ღამით სახლიდან მივდივარ ბოულინგის სათამაშოდ, ასე რომ შენ მიხედე საოჯახო საქმეებს! ის ძლიერი პიროვნება, ძალიან სექსუალური და ძალიან ჯიუტი იყო”. აი ზუსტად ასეთი სათამაშო შესთავაზა მილიონობით ბავშვს ქალბატონმა ჰანდლერმა. მისი შექმნა კი მან გადაწყვიტა შევეიცარიაში მოგზაურობის შემდეგ, როდესაც იხილა ბარბის წინამორბედი გერმანული თოჯინა ლილი, რომელიც თავის მხრივ კომიქსის გმირი იყო და წარმოადგენდა არიული რასის იდეალს_მოწიფულ და დაღვინებულ ქალის ასლს მშვენიერი ტანით, სწორი ნაკვთებითა და თეთრი თმებით. ლილიმ ისეთი შთაბეჭდილება მოახდინა ქალბატონზე რომ მან მაშინვე იყიდა სამი ცალი თოჯინა_ ორი გოგონებისთვის და ერთი კი თავისთვის. ამერიკაში დაბრუნებისთანავე ჰანდლერმა გადაწყვიტა ეს თოჯინა მოერგო ამერიკული გემოვნებისათვის. სულ მალე იაპონელ დიზაინერთა წყალობით გაჩნდა ლილის მშვენიერი რიმეიქი ბარბი (ეს სახელი მან საკუთარი შვილის, ბარბარას საპატივსაცემოდ დაარქვა), რომელსაც რეკლამა უწოდებდა “ერთადერთ ანატომიურად სრულყოფილ თოჯინას, რომელსაც დღესდღეობით აწარმოებენ”.

თავიდან ბავშვები და მათი მშობლები დიდი სიფრთხილით შეხვდნენ ბარბის გამოჩენას, ზოგიერთი მაშინაც და დღესაც მიიჩნევს რომ ეს სახიფათოა ბავშვის ფსიქიკისთვის (სანამ ბარბის გაყიდვაში გაიტანდნენ, ის ცალ_ცალკე აჩვენეს ას დედას და ას ბავშვს. დედებმა თოჯინა ერთიანად დაიწუნეს, ბავშვები კი აღტაცებულები დარჩნენ). ბევრი აცხადებდა რომ ეს თოჯინები ზედმეტად სექსუალურია, რომ ასეთ მკერდიან თოჯინას არც ერთი მშობელი არ უყიდის საკუთარ ბავშვს, რადგან მან შეიძლება ნეგატიურად იმოქმედოს პატარაზე. (როგორც ხშირად ხდება ხოლმე ზნეობის სადარაჯოზე მდგარი უფროსები ამ კონკრეტულ შემთხვევაშიც განტევების ვაცს ეძებდნენ. საქმე თოჯინაში კი არ არის, არამედ თუ როგორ და რანაირად აღზრდი საკუთარ შვილს, რაც ბევრი ოჯახისთვის მთავარ პრობლემად რჩება). მოკლედ, ისეთი ნეგატიური ქარიშხალი დაატყდა საწყალ ბარბის რომ იგი სასაცილო ფასად, სამ დოლარადაც კი არ იყიდებოდა. ქალბატონი ჰანდლერი დეპრესიაში ჩავარდა და თოჯინების პირველი პარტია გაანადგურებინა კიდევაც, მაგრამ როგორც აღმოჩნდა ნაადრევად. სულ მალე ბარბიზე მთელი ამერიკა, შემდეგ კი მსოფლიო გადაირია. მარტო 1959 წელს გაიყიდა 351 ათასი ცალი თოჯინა (ცნობისათვის: 1999 წელს ასეთი რაოდენობით ეს თოჯინა ყოველ მეორე დღეს იყიდებოდა). ბარბი ნამდვილ ბესთსელერად იქცა, იხსნებოდა მისი ფან კლუბები, ბარბი დიდი პოპულარობით მუსულმანურ ქვეყნებშიც კი სარგებლობდა, სადაც მისი გაყიდვა აკრძალული იყო და ამიტომ იქ ის კონტრაბანდული გზით ხვდებოდა.

ბარბის იმპერია ნელ_ნელა იზრდებოდა, ჰადლერმა შექმნა ფირმა მატელი, სადაც ცნობილი მხატვრები და დიზაინრები მუშაობდნენ, ბარბის მალევე “გაუჩინეს” მეგობარი კენი, პატარა დაიკო და უამრავი მეგობარი, ხოლო 80-იანი წლების პოლიტკორექტულობის ხანაში შავკანიანი ბარბიც კი მოევლინა ქვეყანას.

ბარბი ქუჩაში ხომ არ იცხოვრებდა და მისთვის სათანადო პირობები რომ შეექმნათ მას გაუკეთეს სახლი, ავეჯი, მანქანა, ველოსიპედი, მოკლედ ყველაფერი რაც ნორმალური ცხოვრებისათვის არის საჭირო და რა თქმა უნდა მშვენიერი ტანსაცმელი, რომლის შექმნაზე 80_იანი წლებიდან უკვე ზრუნავენ სახელგანთქმული მოდელების სახლები: ივ სენ ლორანი, პიერ კარდენი, ჟან პოლ გოტიე, კრისტიან დიორი... ბარბის ყველა აქსესუარი რომ შეიძინოთY1000 დოლარი უკვე საკმარისი არ არის, საკოლექციო თოჯინიის ღირებულება კი 5000 დოლარს აჭარბებს ხოლმე.

ბარბის გარეგნობა წლების განმავლობაში არ შეცვლილა. დიზაინრები ექსპერიმენტებს ატარებდნენ მისი თმების სიგრძისა და ფერის შესახებ (თავდაპირველად მას ყავისფერი თმა ჰქონდა, ე.წ. ცხენის კუდივით დაწნული).  როდესაც პირველად გამოუშვეს გრძელთმიანი თოჯინა მას არნახული წარმატება ხვდა წილად, მოგეხსენებათ გოგონებს ძალიან უყვართ ნაწნავების დაწნვა.

წლების განმავლობაში ბარბის თოჯინა მოძრავი ხდებოდა _მას შეეძლო ყველა კიდურებისა ამოძრავება, ასე რომ ბარბის სხვადასხვა პროფესიისა შეიძლებოდა ყოფილიყო: ბალერინა, მხედარი, მოცეკვავე, ველომრბოლელი და სხვა. ზოგიერთი თოჯინა სამ ფუტამდეც კი გაიზარდა და მის პატრონს საყვარელი თოჯინას ტანსაცმელიც კი შეეძლო ეტარებინა, რაც მათ უსაზღვროდ ახარებდათ. 1964 წლიდან კი ბარბის თვალების გაღება და დახუჭვაც შეეძლო.

90-იან წლებში ბარბი აალაპარაკეს, თუმცა ამან ნეგატიური შედეგი გამოიღო. საქმე იმაშია რომ ბარბი შემდეგ ფრაზებს იძახდა: ‘მათემატიკა ეს ძალიან ძნელი საგანია”, “მე შოპინგი მიყვარს”, “მოდით საღამო გავმართოთ” და ა. შ. ამან მშობლების მხრიდან მწვავე რეაქცია გამოიწვია, რადგან ასეთი ბარბი ბადებდა ბრიყვი და არაფრის მაქნისი გოგონას იმიჯს და ბავშვებს ვერაფერს კარგს ვერ ასწავლიდა. საინტერესოა, რომ ამერიკაში ხშირად ბარბის ეძახიან ლამაზ, ქერათმიან, მაგრამ არც თუ გამჭრიახი ტვინის მქონე ქალბატონებს. ასევე ვერ მოიხვეჭა პოპულარობა ორსულმა ბარბიმ. თუ წინათ ბარბი მხოლოდ ტანსაცმელსა და გართობაზე ფიქრობდა, თოჯინური მშობიარობა “გამოიყურებოდა როგორც მექანიკური და უსულო პროცესი და ბავშვის დაბადება არ აღიქმებოდა სასწაულად, როგორც ეს რეალურ ცხოვრებაში ხდება”. მიუხედავად ამისა დღეს ბარბი მსოფლიო მასშტაბის ფიგურაა, მისი შემქმნელები დიდ ყურადღებას აქცევენ ბარბის ახალ “პროფესიულ საქმიანობას”_ გამოჩნდა მასწავლებელი, ექიმი, ბიზნესმენი, მეცნიერი თოჯინა. აგრეთვე გამოშვებულია სხვადასხვა ნაციონალობის, ეროვნულ სამოსში გამოწყობილი და სხვადასხვა ენაზე მოლაპარაკე ბარბი (ჯერჯერობით ქართველი ბარბი არენაზე არ გამოჩენილა). დიდი მოწონებით სარგებლობს თოჯინები რომელთაც ცნობილი ვარსკვლავების გარეგნობა აქვთ: მერილინ მონროს, ოდრი ჰეფბერნის, ვივიენ ლის, კლარკ გეიბლის, ელვის პრესლის და ა.შ. ყოველ ახალ კერპეთან ერთად ჩნდება ახალი თოჯინები.

გოგონებს არ ჩამორჩნენ ბიჭები და 1964 წლიდან მატელის ფირმის მიბაძვით მათთვის გამოუშვეს თოჯინები, თუმცა უნდა აღინიშნოს რომ მათ არასოდეს არ უწოდებდნენ თოჯინებს (რადგან ეს ბიჭებისთვის, მომავალი მამაკაცებისთვის იყო განკუთვნილი), არამედ G.I ჟოე-ს, ან “ამერიკის მოძრავ მებრძოლ კაცს”. გამოშვებული იყო სხვადასხვანაირი თოჯინა_ ქვეითი, მეზღვაური, პილოტი, მწვანე ბერეტი და სხვა. 1967 წელს ვიეტნამის გაგანია ომის დროს გამოუშვეს ექიმი თოჯინა, რომელსაც დაჭრილი ჯარისკაცებისთვის უნდა მოევლო. ანტისაომარი ჯგუფები გამოდიოდნენ ამ სათამაშოების წინააღმდეგ იმ მიზეზით რომ თოჯინების შემქმნელები ომს და ძალადობას ბავშვებს როგორც გართობას და თამაშს წარმოუდგენდნენ. “რატომ არ გამოვუშვათ თოჯინა რომლის სხეული დასახიჩრებულია შრაპნელით, ან კიდევ როდესაც რომელიმე მისი მოძრავი კიდური მოგლეჯილია და ის ტკივილისაგან ყვირის ან კიდევ ნაპალმისგან დამწვარია?”_ კითხულობდნენ ისინი. ამ სათამაშოების “დემილიტარიზაცია” მალე მოხდა და G.I. ჟოე გადაიქცა თავგადასავლის მაძიებლად: აკვალინგისტად, ალპინისტად, მონადირედ და ა.შ.

ბარბისადმი დამოკიდებულება დღემდე არაერთგვაროვანია, ზოგიერთისთვის ის მხოლოდ სექსუალური თოჯინაა, ვიღაცისთვის სილამაზისა და სიცოცხლისადმი სიყვარულის განსახიერება, ვიღაცას იგი შემოქმედებისკენ უბიძგებს, ზოგიერთს კი ის საერთოდ არ აინტერესებს. მაგრამ ერთი რამ უდავოა_ ბარბი იქცა მეოცე საუკუნის ერთ_ერთ სიმბოლოდ და თუ ეს თოჯინა უკვე ლამის 50 წლის განმავლობაში იპყრობს ყურადღებას, ალბათ მასში არის რაღაც განსაკუთრებული.

P.შ. 1976 წელს მილიონობით ბავშვის ეს პატარა კერპი მოათავსეს სპეციალურ კაპსულაში, რომელიც ორასი წლის შემდეგ უნდა გაიხსნას.




 ახალი ამბები
  • ჯო ბაიდენი: “…როცა საკითხებზე დებატები (საქართველოს) პარლამენტში გაიმართება და არა ქუჩაში!““თ "თქვენი ვარდების რევოლუცია მხოლოდ მაშინ დასრულდება, როცა მთავრობა გამჭვირვალე, ანგარიშვალდებული და მონაწილეობრივი იქნება; როცა საკითხებზე დებატები პარლამენტში გაიმართება და არა ქუჩაში. როცა გადაჭრით მთავარ კონსტიტუციურ საკითხებს პარლამენტსა და აღმასრულებელ ხელისუფლებას შორის ძალაუფლების ბალანსის თაობაზე; და როცა საარჩევნო ასპარეზი თანასწორი იქნება. როცა მედია სრულად დამოუკიდებელი და პროფესიონალური გახდება, რომელიც ხალხს მიაწვდის ინფორმაციას, ინფორმირებული არჩევანის გასაკეთებლად და საკუთარი მთავრობისგან მიღებულ გადაწვეტილებებზე ანგარიშვალდებულებას მოითხოვს; როცა სასამართლო გარე გავლენისგან გათავისუფლდება და კანონის უზენაესობა დამყარდება, და როცა ძალაუფლების გადაცემა მშვიდობიანი, კონსტიტუციური და დემოკრატიული პროცესით მოხდება და არა ქუჩაში“, _ ასე მიმართა ქართველ პოლიტიკოსებს ამერიკის შეერთებული შტატების ახალმა პრეზიდენტმა ჯო ბაიდენმა საქართველოს პარლამენტში გამოსვლისას 2009 წლის 23 ივლისს. მაშინ, ბაიდენი ვიცე-პრეზიდენტის რანგში, უკვე მეორედ იყო სტუმრად საქართველოში. როგორც ვხედავთ, 12 წლის შემდეგაც ეს გამოწვევები კვლავ აქტუალურია საქართველოსთვის. ფოტო: ... ...
  • აშშ-ს ახალი პრეზიდენტი, რომელიც საქართველოს წმინდა გიორგის ორდენის კავალერია“მე დავტოვე ქვეყანა იმაში დარწმუნებულმა, რომ რუსეთის საქართველოში შეჭრა, კომუნიზმის დასრულების შემდეგ ევროპაში ყველაზე მნიშვნელოვანი მოვლენაა“, _ თქვა ჯო ბაიდენმა 2008 წლის აგვისტოში საქართველოში ვიზიტის დასრულების შემდეგ. ამერიკის სენატის საგარეო საქმეთა კომიტეტის თავმჯდომარის რანგში ის აგვისტოს ომის დასრულებიდან რამდენიმე დღეში ჩამოვიდა საქართველოში. ვიზიტის მიზანი ქვეყნის მხარდაჭერა და ჰუმანიტარული ტვირთის გადმოცემა იყო. მალე, ჯო ბაიდენი ობამას შეთავაზებით, ამერიკის შეერთებული შტატების ვიცე-პრეზიდენტი გახდა. პირველი ვიზიტის წლისთავზე, ბაიდენი სწორედ ამ რანგში ეწვია მეორედ საქართველოს. ამ დროს, პრეზიდენტი ობამა მოსკოვში ოფიციალური ვიზიტით იმყოფებოდა. ბაიდენის ვიზიტს სწორედ მოსკოვთან “გადატვირთვის“ პოლიტიკას უკავშირებდნენ და შეშფოთებასაც გამოთქვამდნენ, რომ რუსეთთან ახალი ურთიერთობები  საქართველოს “ხარჯზე“ არ დამთბარიყო. ამ შეშფოთების გასაფანტად, ბაიდენმა საქართველოს პარლამენტში გამოსვლისას განაცხადა: “თბილისში ეს ვიზიტი მართლაც გამიზნულად მოჰყვა პრეზიდენტ ობამას მოსკოვში ვიზიტს... მე ვიცი, ბევრი წუხს, რომ ჩვენი მხრიდან რუსეთთან ურთიერთობის გაუმჯობესების მცდელობა საქართველოს ხარჯზე მოხდება. ნება მიბოძეთ მკაფიოდ ვთქვა, რომ _ არა, საქართველოს ხარჯზე არ მომხდარა, არ მოხდება და ვერ მოხდება“. სწორედ ამ ვიზიტისას, ჯო ბაიდენი საქართველოს განვითარებაში შეტანილი წვლილისა და მხარდაჭერისთვის წმინდა გიორგის სახელობის გამარჯვების ორდენით დააჯილდოვეს. ფოტო: ... ...
  • გიორგი გახარია ჯო ბაიდენს აშშ-ის პრეზიდენტობას ულოცავსსაქართველოს პრემიერ-მინისტრი, გიორგი გახარია, ჯო ბაიდენს აშშ-ის პრეზიდენტობას ულოცავს.  როგორც გიორგი გახარია „ტვიტერში" ოფიციალურ გვერდზე აღნიშნავს,  საქართველო მოუთმენლად ელის თანამშრომლობის გაძლიერების შემდგომ ეტაპს.  „ჯო ბაიდენს ვულოცავ ამერიკის შეერთებული შტატების 46-ე პრეზიდენტობას. მადლიერი ვართ, აშშ-საქართველოს სტრატეგიულ პარტნიორობაში წლების განმავლობაში თქვენი წამყვანი როლისთვის. მოუთმენლად  ველით თანამშრომლობის გაძლიერების შემდგომ ეტაპს და მსოფლიოში დემოკრატიისა და თავისუფლების დაცვას", - აღნიშნავს გიორგი ... ...
  • ანა აბრამიშვილს ჩვენი დახმარება სჭირდება35 წლის რუსთაველ ახალგაზრდას, ანა აბრამიშვილს მოქალაქეების დახმარება ესაჭიროება. გასული წლის თებერვალში, ჰემორაგიული ინსულტის გადატანის შემდეგ, ექიმებმა ანა აბრამიშვილს სისხლძარღვების არტერიო-ვენური მალფორმაციისა და თავის ტვინის ცერებრული ანევრიზმის დიაგნოზი დაუსვეს. იმ დროიდან. ის მოწყვეტილია აქტიურ ცხოვრებას _ ექიმების მკაცრი რეკომენდაციით დაუშვებელია მისი ფიზიკური და გონებრივი დატვირთვა, რამაც შეიძლება ნებისმიერ დროს რისკის ქვეშ დააყენოს მისი სიცოცხლე. მდომარეობა დღითი-დღე კრიტიკული ხდება, სიტუაციას ართულებს ისიც, რომ მისი მკურნალობა საქართველოში ვერ ხერხდება. ანა აბრამიშვილის გადასარჩენად სასწრაფო ოპერაციაა საჭირო, რომელიც ამერიკის შეერთებულ შტატებში უნდა ჩატარდეს, ამისთვის კი 68 000 აშშ დოლარია საჭირო. ანა აბრამიშვილს ექიმები აძლევენ გარანტიას, რომ ოპერაციის ჩატარების შემდეგ, რამდენიმე თვეში ის ცხოვრების ჩვეულ რიტმს დაუბრუნდება. დახმარების მსურველებს თანხის ჩარიცხვა შეუძლიათ „თიბისი ბანკსა“ და "საქართველოს ბანკში" გახსნილ ანგარიშებზე. თანხის ჩარიცხვა სწრაფი ჩარიცხვის აპარატებიდანაცაა შესაძლებელი. თიბისი ბანკი: #GE21TB7671645061100002; საქართველოს ბანკი: #GE23BG0000000100997087.  მიმღები ანა აბრამიშვილი. მოქმედებს საქველმოქმედო ზარიც მაგთის, ბანის და ბილაინის აბონენტებისთვის _0901701322. Paypal: Anna.abramishvili85@gmail.com, პირადი ნომერი: ... ...
  • თელავში, სოფელ ქვემოხოდაშენში ხანძარი იყო - ცეცხლი საცხოვრებელ სახლში გაჩნდათელავში, სოფელ ქვემოხოდაშენში ერთ-ერთ ორსართულიან საცხოვრებელ სახლში ხანძარი იყო. ადგილობრივების ინფორმაციით, მიუხედავად იმისა, რომ ადგილზე სახანძრო ბრიგადები დროულად მივიდნენ, მეორე სართული სრულად დაიწვა.როგორც "გურია ნიუსს" მერის წარმომადგენელმა აღნიშნულ თემში, ომარ აჩუაშვილმა განუცხადა, მომხდარის შედეგად არავინ დაშავებულა.ხანძრის გამომწვევ პირველად ვერსიად ელექტროგაყვანილობა ... ...

არქივი

ტესტები

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ ყველაზე, ყველაზე...

იცი თუ არა გეოგრაფია

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....