გურულების შეთავაზება _ რის ნება არ დართო დონ ვინჩენცომ გურულებს იტალიაში

ისტორია

გურულების შეთავაზება _ რის ნება არ დართო დონ ვინჩენცომ გურულებს იტალიაში

2018 აგვ 10 10:20:04

ეს ამბავი სინამდვილეში მოხდა თუ არა, ახლა ძნელი დასადგენია. თურმე მეოცე საუკუნის დასაწყისში, ათიან თუ ოციან წლებში, ორი გურული ბედის და სამუშაოს საძებნელად იტალიაში ჩავიდა. იქ სახაჭაპურეს გახსნა მოინდომეს. მაგრამ იქაურებმა უთხრეს, ნებართვის ასაღებად ადგილობრივ დონს, ვინჩენცოს თუ ლუჩიანოს, უნდა მიმართოთო. გურულები მასთან მივიდნენ. რა გინდათო, _ იკითხა დონმა. სახაჭაპურეს გახსნაო. აბა, მიჩვენეთ, რა არის ეს თქვენი ხაჭაპურიო. გურულები დატრიალდნენ და გამოუცხვეს ხაჭაპურები. მიართვეს დონს, იმანაც გასინჯა და პაუზის შემდეგ უთხრა, პასუხს ხვალ გეტყვითო. მეორე დღეს მივიდნენ გურულები პასუხის გასაგებად.

_ ნებას არ გაძლევთო, უთხრა დონმა.

_ რეიზა, _ სახტად დარჩენ გურულები, არ მოგეწონაო?

_ პირიქით, ძალიან მომეწონაო, _ უპასუხა დონმა, მაგრამ ამდენ პიცერიას რაღა ვუყო, დავხუროო?

ხაჭაპურის სამშობლო დასავლეთ საქართველოა. თუმცა, ის ახლა მთლიანად საქართველოს საკუთრება გახდა, მას ჩვენი ქვეყნის ყველა კუთხეში აცხობენ - რა ფორმის და მოდიფიკაციის ხაჭაპურს არ შეხვდებით ახლა, შამფურზეც კი აცხობენ, თუმცა, ყველაზე პოპულარული ფორმაა წრიული, რომელიც, როგორც ამბობენ, წარმართულ რელიგიურ წარმოდგენებს უკავშირდება და მზეს განასახიერებს.   

ჩემთვის, როგორც გურულისთვის, ხაჭაპური უპირველესად დაკავშირებულია მუცლის სალოცავთან, ახლა გურულ ღვეზელს რომ ეძახიან და ის მთვარის ფორმისაა უმთავრესად. კალანდაზე ბავშვებს ძალიან გვიხაროდა, როცა მამიდაჩემი, ასევე, ბიცოლაჩემი (შეკვეთილსა და ნაღობილევში, შესაბამისად) მუცლის სალოცავს აცხობდნენ. ეს იყო ყველით გატენილი მომრგვალებული პატარა კვერები და შიგნით მთელი ან ნახევარი კვერცხი იყო ჩატანებული (ნამდვილი საოცრება, ამდენი წლის განვლის შემდეგ ახლაც მახსოვს მისი გემო). წესით, კვერცხი გამხმარი (ცეცხლზე გამომშრალი) უნდა ყოფილიყო, მაგრამ მამიდა ახლად მოხარშულ კვერცხს დებდა შიგნით, რაც ბევრად უფრო უკეთესია. მუცლის სალოცავზე უფრო გემრიელი რამ არაფერი მეგულებოდა, მიუხედავად იმისა, რომ საახალწლო დღეებში სუფრა გატენილია ნაირ-ნაირი ხორაგით.

,,ცნობის ფურცელის” სურათებიანი დამატება (1903) წერილში შობა (სურათი გურიის ცხოვრებიდან) წერდა:

_ აბა, მოი აგერ, ნახე ღვეძლები! - დაუძახა ქმარს მართამ, როცა გაათავეს ლოცვა.

_ ოო, ძალიანია! რამდენია? კეკლუცეიზა წასაღები რომელია?

_ ა, აი ყველაზე უმფროსი მისია, მისი ჭირიმე, ჩემი ნენაი; კი ჩემევიდოდა მეგონა! აჰა, მუცლის სალოცავი, ჩეიდევი ჯიბაში და შეჭმა არ დაგავიწყტეს შარშანდულა. აგი, ბებიავ, აჰა, შენ იალონზე შეჭამე, რავაც მეალილოების ხმაი გეიგონო, ა, კიდო მიორე დიდი ღვეძელი შეინახე და ჭამე ხვალ, როიცხა გინდა. აგი ორი მე და ბაბუაშენს, შედევი ეგერ მაღლა...”




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...