"ლივაის მაღაზიაში ვიმუშავე, იმსიმაგრე შარვალს კერავს, რუმ მეინდომო, ვერ დახევ"

ისტორია

"ლივაის მაღაზიაში ვიმუშავე, იმსიმაგრე შარვალს კერავს, რუმ მეინდომო, ვერ დახევ"

2017 აგვ 10 14:11:47
,,ცოტა ხანი ვიმუშავე ლივაის მაღაზიაში, ნამეტარი მდიდარია იმსიმაგრე შარვალს კერავს, რუმ მეინდომო, ვერ დახევ, თანაც ჩასაცმავია კაი”, – წერდა უცნობი გურული მოჯირითე საკუთარ დღიურში. არა მგონია, ვინმეს ამაზე უკეთესი რეკლამა გაკეთებინოს საქვეყნოდ ცნობილი ბრენდისათვის, რომელსაც Levi’s ჰქვია.
Levi’s ჯინსი ამერიკის ისტორიის განუყოფელ ნაწილია, ის ისეთივე საცნობი სიმბოლოა, როგორც მიკიმაუსი, კოკა-კოლა ან მაკდონადლდსი. ჯინსი დიდი ხანია, რაც აშშ-ს საზღვრები გაარღვია და ჩვენი პლანეტის მილიონობით ადამიანის ყოფა-ცხოვრებაში ისეთი მყარი ადგილი დაიკავა, რომ ჯინსის გარეშე, ალბათ, დღეს ნებისმიერი ჩვენგანის ცხოვრება წარმოუდგენელია. ყველაზე მთავარი ამ პრაქტიკულ სამოსში ის გახლავთ, რომ განსხვავებული აღნაგობის ადამიანს _ მსუქანს, გამხდარს, მაღალს თუ დაბალს უხდება და რაც მთავარია, მასში ისე გრძნობ თავს, თითქოს ის სპეციალურად შენთვის არის შეკერილი. არ გამიგია ვინმეს აუგი ეთქვას ამ სამოსის შესახებ, თუმცა მასხენდება, ასე 8-10 წლის ვიქნებოდი ,,ბარიგებისა” და ,,ინტურისტების” მეშვეობით, ნელ-ნელა რომ შემოიჭრა ჩვენს საბჭოთა სინამდვილეში ჯინსი. იმ დროს ჩემს მამიდაშვილს Levi’s ყიდვა უნდოდა და დედამისს ფული სთხოვა. მამიდაჩემმა დიდხანს ეჭვის თვალით ათვალიერა ,,რაცხა” შარვალი და შემდეგ ფასი რომ გაიგო, ამოიოხრა: ,,ნენა, რაფერ მივცე ამ ჩვარში 25 მანეთი?”
თუმცა ამ ლოკალურ ეპიზოდს არ შეუშლია ხელი ჯინსის ტრიუმფალურ სვლაში მთელი მსოფლიოს მასშტაბით, რომელიც დაიწყო 1873 წლის 20 მაისს, მას შემდეგ, რაც ჯინსის შემქმნელებმა ჯეიკობ დეივისმა და ლივაი სტრაუსმა მიიღეს პატენტი #139 121.
საინტერესოა, რომ ლივაი სტრაუსი საკუთარ ნაწარმს Waist Overall-ს უწოდებდა, კალიფორნიელებმა მას Denim შეარქვეს, ეს შემოკლებულია ვარიანტია Serge de Nimes, იმ ფრანგული ქალაქის სახელწოდების მიხედვით, საიდანაც სტრაუსი ნაჭრებს ღებულობდა. ის შარვლის შესაკერად სხვა ქსოვილსაც იყენებდა, რომელსაც Gენეს ერქვა. ეს ფრანგული სიტყვა წარმოქმნილია ქალაქ გენუას სახელიდან, ამერიკაში ის სწრაფად გადაიქცა უბრალოდ, Genes.
თავდაპირველად  Levi’s ყავისფერი ნაჭრისგან იკერებოდა, მაგრამ სტრაუსი მიხვდა, რომ ლურჯი ფერის შარვალი უფრო კარგად გაიყიდებოდა; იდეამ გაამართლა. პირველ ჯინსს მხოლოდ ერთი უკანა ჯიბე (წყვილი ჯიბე 1900 წლისთვის მიაკერეს), საათის ჯიბე და საბეჭურის ღილები ჰქონდა. 1886 წლიდან შარვალს გარედან მიაკერეს ტყავის იარლიყი, რომელზეც გამოსახული იყო ორი საპირისპირო მხარეს მიმავალი ცხენი, რომელიც ჯინსის გახევას ლამობდა. დაახლოებით 1890 წლისათვის კი Levi’s-ის ჯინსს ოფიციალური ნომერი 501 მიაკუთვნეს. უკანა მარჯვენა ჯიბეზე პატარა წითელი იარლიყი წარწერით Lევი’ს იმის მანიშნებელია, რომ ტრადიციული 501 ჯინსი ღილებითაა, თუ იარლიყი სტაფილოსფერია, მასინ შარვალს შესაკრავი ელვა აქვს. XIX საუკუნის მიწურულს ჯინსი დოლარი და 46 ცენტი ღირდა. ამ რამოდენიმე წლის წინათ აშშ-ს ერთ მაღაროში 1880-იან წლებში გამოშვებული ჯინსი იპოვეს, რომელიც აუქციონზე 30 ათას დოლარად გაიყიდა.
Levi’s-ის მაგალითით შეგულიანებულმა სხვა ფირმებმაც დაიწყეს ჯინსის კერვა და წარმატებასაც მიაღწიეს. წლების მანძილზე ჯინსი მხოლოდ დასავლეთ შტატების მცხოვრებლების სამოსად ითვლებოდა და ქაუბოებთან და მუშებთან ასოცირდებოდა. გასული საუკუნის 30-იან წლებში კი ვესთერნის ჟანრის პოპულარობასთან ერთად ჯინსი საზოგადოების თვალში თავისუფლებისა და ინდივიდუალობის სიმბოლოდ იქცა. ამ აზრს კინო კერპებიც ამყარებდნენ. სახელგანთქმულ ჯონ უეინს ,,დილიჟანსში” (რეჟ. ჯონ ფორდი, 1939) Levi’s 501 აცვია. ჯინსი უამრავი კინოლეგენდის და სხვა პროფესიის საყვარელ სამოსად იქცა, მათ შორის არიან, რენდოლფ სკოტი, გერი ქუფერი, მარლონ ბრანდო, ჯეიმს დინი, პოლ ნიუმენი, მერილინ მონრო, სთივ ჯობსი, ბარაკ ობამა, შერილ ქროუ, დრიუ ბერიმორი, სთივ მაკქუინი... ამ უკანასკნელმა ერთხელ ფილმის გადაღებისას უამრავი Lევი’ს შარვალი აყიდვინა პროდიუსერებს, რომლებიც ბუზღუნებდნენ, რათ უნდა ამდენი ჯინსიო, მაშინ, როცა ამ ფილმში მისი გმირი საერთოდ არ ატარებდა ამ შარვალს. მოგვიანებით გაირკვა, რომ მაკქუინი ჯინსებს უგზავნიდა იმ ძნელად აღსაზრდელ მოზარდთა სახლს, სადაც თვითონ გაატარა რამდენიმე წელიწადი.
მეორე მსოფლიო ომის დროს ჯინსი ცოტა რაოდენობით გამოდიოდა, მაგრამ სწორედ მაშინ გააცნეს ევროპას ეს შარვალი ამერიკელმა ჯარისკაცებმა, რომლებიც სამხედრო სამსახურიდან თავისუფალ დროს ჯინსს იცმევდნენ.
მომდევნო წლებში ჯინსით დადიოდა ყველა და ყველგან, Lევი’ს-მა ასეთი სლოგანიც კი მოიგონა ,,ის ზედგამოჭრილია ჩვენი სკოლისთვის”, თუმცა, ამ წამოწყებას გააფთრებული წინააღმდეგობა შეხვდა უფროსი თაობის მხრიდან. ერთმა მშობელმა კომპანიას მისწერა კიდევაც: ,,შეიძლება ის ზედგამოჭრილია თქვენთან დასავლეთში, მაგრამ ჩვენთან (ანუ აღმოსავლეთში) არა!” ბევრ შტატში ეკლესიასა და სკოლებში ჯინსი მიღებული არ იყო და ხშირად ,,იდევნებოდა”. ჯინსი რა მოსატანია და გოგონებს შარვლის ტარების უფლება სკოლებში, დაახლოებით, 60-იანი წლების ბოლოს დართეს. ცნობილია ფაქტი, როცა 1951 წელს კანადის ერთ ფეშენებლურ სასტუმროში ჯინსის კოსტიუმსა და შარვალში გამოწყობილი ცნობილი მომღერალს, ამ სამოსის დიდი მოყვარულს ბინგ ქროსბის, უარს ეუბნებოდნენ სასტუმროში შესახლებაზე. ამაზე ქროსბი გადაირია და იქ დიდი ამბები დატრიალდებოდა, რომ ერთ კლერკს მომღერალი არ ეცნო.
ყველაფერი თავის ადგილას 60-იანმა წლებმა დააყენა. ჯინსმა როკ მუსიკასთან ერთად მყარად და სამუდამოდ დაიმკვიდრა ადგილი. ცნობილია 70-ზე მეტი სიმღერა, რომელშიც გამოყენებულია სიტყვა ჯინსი. გაიხსენეთ, თუნდაც, ინგლისური ჯგუფის Animals-is -ის ჰიტი House of the Rising Sun, სადაც ასეთი სიტყვებია: ,,დედაჩემი მკერავი იყო, მან შემიკერა ჩემი ახალი ლურჯი ჯინსი”. Rolling Stones-ის 1971 ალბომის Sticky Fingers გარეკანის ორივე მხარეს გამოსახულია Levi’s-ის ჯინსი, მისი დიზაინი ენდი უორჰოლს ეკუთვნის. ინგლისურმა ჯგუფმა Swinging Blue Jeans  სახელი ამ შარვლის საპატივსაცემოდ დაირქვა. მათ ერთხელ კურიოზი შეემთხვათ – ჯგუფის წევრები მუდმივად ლურჯ ჯინსებსა და ქურთუკებს ატარებდნენ და ერთხელ ქუჩაში ისინი პოლიციამ დააპატიმრა, რადგან ადგილობრივი ციხიდან გაქცეული პატიმრები ეგონა. პატიმრების ფორმა კი, მოგეხსენებათ, ლურჯი ჯინსია.
ჯინსი იქცა ვუდსტოკის თაობის უნიფორმად და მაშინ გამოჩნდა მისი უამრავი ნაირსახეობა _ შეღებილი, გახეხილი, აპლიკაციებითა და ნახატებით დამშვენებული. ჯინსის მოხატვის ხელოვნება ისეთი პოპულარობით სარგებლობდა, რომ 1973 წელს Levi’s-მა გამოაცხადა კონსკურსი საუკეთესო მოხატულ ჯინსზე და ყველას სთხოვა საკუთარი ნახელავის ფოტოების გამოგზავნა. მთლიანობაში მოვიდა ორი ათასი ცალი ფოტო. გამარჯვებულ ფოტოებს, რომელთაგან ზოგიერთი Levi’s-მა საკუთარი არქივისთვის შეისყიდა, 18 თვის განმავლობაში აჩვენებდნენ ამერიკის სხვადასხვა მუზეუმებსა და გამოფენებზე.
საბჭოთა კავშირსა და საოციალისტური ბანაკის ქვეყნებში ყველაფერი დასავლური, მათ შორის კი როკ-მუსიკა და ჯინსი იქაური საზოგადოების დეკადენტობის მანიშნებელი იყო და ჩვენში ეს ტანსაცმელი, პრაქტიკულად, ერთეულებს ეცვათ. Levi’s არქივებში შემონახულია ამ ქვეყნებიდან მიღებული წერილები, როემელთა ავტორები კომპანიას ჯინსის გამოგზავნას სთხოვდნენ.
გასული საუკუნის 80-იან წლებში ცნობილმა დიზაინრებმა დაიწყეს საკუთარი ჯინსის მოდელების გამოშვება და ქაუბოებისა და მუშების შარვალი მაღალ მოდას აზიარეს, ასეთი წარმატება ლივაი სტრაუსსა და ჯეიკობ დეივისს არც კი დაესიზმრებოდათ... 
ირაკლი მახარაძე




 ახალი ამბები
  • რატომ არ მივიდა პრეზიდენტი 9 აპრილს დაღუპულთა მემორიალთან1989 წლის 9 აპრილიდან 31 წელი გავიდა. ჩვეულებრივი მოქალაქეებისა და სხვადასხვა პოლიტიკური პარტიების ლიდერებმა მემორიალი ყვავილებით შეამკეს და დაღუპულთა ხსოვნას პატივი მიაგეს. თუმცა, საქართველოს პრეზიდენტი 9 აპრილს დაღუპულთა მემორიალთან არ გამოჩენილა. როგორც პრეზიდენტის ადმინისტრაციის გვერდზე გავრცელებულ მიმართვაში წერია, ზურაბიშვილი მიიჩნევს, რომ დღევანდელი დღის მნიშვნელობის გააზრება სახლშიც შეიძლება. „დღეს 9 აპრილია. ეს ჩვენი ქვეყნის ისტორიაში ერთ-ერთი ტრაგიკული და ამავდროულად, უდიდესი გამარჯვების დღეა, რომელიც არ შეიძლება ერთად არ გავისხენოთ! ამავე დროს, დღეს 9 აპრილი სულ სხვა ვითარებაში გაგვითენდა - საგანგებო მდგომარეობის, შინ დარჩენისა და კარანტინის ვითარებაში და მთელი საზოგადოება 9 აპრილს სხვა განწყობით ხვდება. ბევრი ვერ მივიდა დღეს 9 აპრილის მემორიალთან, მე არ მივსულვარ მემორიალთან, რადგან საზოგადოების დიდი ნაწილი ვერ მივიდოდა. ეს არ ნიშნავს იმას, რომ ამ დღეს ჩვენ ნაკლებად განვიცდით. ეს არ ნიშნავს, რომ ჩვენ არ გვახსოვს იმ გმირების თავდადება! ეს არ ნიშნავს, რომ რამენაირად დაკნინდა 9 აპრილის დღესასწაული და ტრაგიზმი! ეს ყველაფერი ჩვენთანაა და შეიძლება კიდეც სახლში უფრო გავიაზროთ - რას ნიშნავს ეს დღე ჩვენი დამოუკიდებლობისა და სახელმწიფოსთვის, რამდენად მძიმე, მაგრამ ამავდროულად, სიმბოლური დღეა დღეს”,_ წერია პრეზიდენტის ... ...
  • დაესწრება თუ არა სააღდგომო ლიტურგიას პრეზიდენტი საქართველოს პრეზიდენტმა სალომე ზურაბიშვილმა მიმართვაში განაცხადა, რომ წელს აღდგომის დღესასწაულზე ტაძარში ვერ მივა, რადგან საზოგადოებას დაუმორჩილებლობის მაგალითს ვერ მისცემს. „სამ დღეში არის ბზობა, ათ დღეში კი – აღდგომა. მე არ მახსოვს ჩემი ცხოვრების არც ერთი წელი, როცა არ მივსულვარ ეკლესიაში აღდგომის წირვაზე ან თუნდაც ვნების კვირეულის რომელიმე ლიტურგიაზე. ეს იყო ჩვენს ოჯახში დიდი ტრადიცია, ეს იყო ჩვენი რწმენის გამოხატულება, თუმცა სხვა ვითარებაა ამ წელს და ამ წელს ვერ მივალ მე ეკლესიაში, ვერ მივალ აღდგომის წირვაზე, რამეთუ ქვეყნის პრეზიდენტს არ შეუძლია, დაარღვიოს ის, რაც არის კანონი და წესი. ქვეყნის პრეზიდენტი უნდა იყოს სამაგალითო ამ კუთხით და ვერ მისცემს საზოგადოებას დაუმორჩილებლობის რამე მაგალითს. ჩვენ, დარწმუნებული ვარ ამაში, ყველანი ერთად ვილოცებთ, ეკლესიაში მყოფი სასულიერო პირები ჩვენთვის ილოცებენ და ეს იქნება ასევე ჩვენი რწმენის დიდი გამარჯვება, ეს ერთიანობა, რომელიც არის ჩვენი მთავარი იარაღი დღეს ამ დიდ ბრძოლაში, რომელშიც ვართ ჩართული“, – განაცხადა სალომე ... ...
  • ევროკავშირის ელჩი: საქართველოზე შეყვარებული ვარ„საქართველოზე შეყვარებული ვარ და კიდევ ერთხელ შემიძლია ვთქვა, რომ ეს საუკეთესო ადგილია, სადაც შეიძლება ახლა ვიმყოფებოდე“, - ამის შესახებ ევროკავშირის ელჩმა, კარლ ჰარცელმა რუსთავი 2-ის ეთერში განაცხადა. ევროკავშირის ელჩმა კორონავირუსის წინააღმდეგ საქართველოსთვის გამოყოფილ დახმარებაზე ისაუბრა მისი  თქმით, ადრეული და გაბედული ქმედებებით საქართველომ ძალიან კარგი პოზიცია დაიკავა. „იმედი გვაქვს, რომ გადავშალეთ ახალი გვერდი შემთხვევების კლების კუთხით, თუმცა ბრძოლა კვლავ მიმდინარეობს. საქართველოს რამდენიმე პროგრამით გათვალისწინებული ათეულობით მილიონი ევროთი ვეხმარებით, რაც ამ კრიზისულ პერიოდში მთლიანობაში დაახლოებით 250 მილიონიან დახმარების პაკეტს ქმნის. ჩვენ ეს თანხები გვინდა მივმართოთ ჯანდაცვის მწვავე საჭიროებებისკენ, ჩვენ ვიმუშავებთ მსოფლიო ჯანდაცვის ორგანიზაციასთან, რათა შევიძინოთ აღჭურვილობა, ჩავატაროთ ტრეინინგი. გვინდა დავრწმუნდეთ, რომ დავეხმარებით ყველაზე უფრო მოწყვლად ჯგუფებს და გამოვყოფთ უფრო მეტ თანხებს სამოქალაქო საზოგადოების ორგანიზაციებისთვის ქვეყნის მასშტაბით, რათა მივცეთ საშუალება განახორციელონ ეს მნიშვნელოვანი სამუშაო. ასევე გამოკვეთილი ნაწილი გახლავთ მხარდაჭერა, რომელიც გვსურს აღმოვუჩინოთ საქართველოს ეკონომიკის საყრდენს, ესაა მცირე და საშუალო ზომის საწარმოები, რომელთა დახმარებაც გვინდა იაფფასიანი კრედიტების მიწოდებით, რათა აღიდგინონ საქმიანობა“, - განაცხადა კარლ ჰარცელმა „რუსთავი 2-ის“- ... ...
  • დღეს ჩოხატაური ჯემალ ნაკაშიძეს გამოემშვიდობადღეს საქართველო ქართული სიმღერის კიდევ ერთ უბადლო შემსრულებელს, ანსამბლ ,,გურიას“ ლოტბარს, ღირსების მედალოსან ჯემალ ნაკაშიძეს გამოემშვიდობა. ბატონი ჯემალი წლების განმავლობაში მღეროდა რესპუბლიკისა და არამარტო რესპუბლიკის სცენაზე ისეთ ბუმბერაზ მომღერლებთან ერთად, როგორებიც გახლდათ:  ჰამლეტ გონაშვილი, რამინ მიქაბერიძე, ჯემალ ჭკუასელი, ილია ზაქაიძე, აკაკი ლანდია და სხვები. დასანანია, რომ ნაადრევად წავიდა ჩვენგან კაცი, რომელიც ნამდვილად დააკლდება ოჯახს, ჩოხატაურს, გურიას, საქართველოს. ბატონი ჯემალის მისამართით სამძიმრის წერილები არ წყდება. გულისტკივილს გამოხატავენ კულტურის სფეროში მოღვაწე ადამიანები და არამარტო ისინი. „ვერც ერთი სიტყვა ვერ გადმოსცემს ჩემს სულიერ მდგომარეობას. დამამუნჯე და გული წამართვი, ჩემო ძმაო ჯემალ! შენ გამილამაზე სიცოცხლე, ახლა სიკვდილს მიადვილებ. ვუსამძიმრებ ჩემს ნანის და ლევანს. ბოლო გზაზეც კი ვერ გაცილებ. ამაზე მწარე რა უნდა იყოს. შენი რამინ მიქაბერიძე“. „ძალიან გულდასაწყვეტია, როდესაც დიდი ადამიანები მიდიან ამ ქვეყნიდან. ჯემალ ნაკაშიძე, ბრწყინვალე ქართველი, გურული სიმღერის უბადლო მცოდნე და შემსრულებელი. ჩოხატაურელების ნამღერი გურული სიმღერა უნიკალურია. მარტო ბერძენიშვილები რომ გავიხსენოთ, მხოლოდ ეს იქნება საკმარისი უნიკალურობის დასადასტურებლად. ჯემალი ბიძია (რომ მირეკავდა სულ ასე მეუბნებოდა-ჯემალი ბიძია ვარ ჩემო გიორგი) ამ დიდი ხალხის გზის გამგრძელებელი იყო და აი ისიც წავიდა ამ ქვეყნიდან. ძალიან დამწყდა გული. თან ვერ ჩავდივარ ამ სიტუაციის გამო. ვუსამძიმრებ ყველას, ჩოხატაურს, გურიას, მის მეგობრებს და ანსამბლის წევრებს. მადლობა ყველაფრისთვის, ჩემო ჯემალი ბიძია“, _ წერს მომღერალი გიორგი უშიკიშვილი. „კიდევ ერთი ძველი თაობის, გურული სიმღერის, განსაკუთრებით კი ბანის გამორჩეული მომღერალი გამოაკლდა ჩვენ ქვეყანას. დიდი ისტორიით, სხვადასხვა ანსამბლებში მოღვაწეობით, უნიკალური ჩანაწერებით და რთულად შესაქმნელი ისტორიით დაგვტოვა ბატონმა ჯემალ ნაკაშიძემ! ღმერთმა დაუმკვიდროს სასუფეველი და გაანათლოს მისი სული!“ _ წერს ანსამბლი „შავნაბადა“ სოციალურ ... ...
  • ფოტოგრაფი გიორგი ცაგარელი გარდაიცვალა 9 აპრილს ცნობილი ქართველი ფოტოგრაფი გიორგი ცაგარელი გარდაიცვალა. მან ისტორიას შემოუნახა 9 აპრილის კადრები. "კარანტინის, კომენდანტის საათის, სამედიცინო ნიღბებისა და COVID-19-ის შესახებ საუბრებს მიღმა, თითქოს დაგვავიწყდა... არადა, ეს ხომ დღევანდელ ღამეს მოხდა, 31 წლის წინ..." _ ეს გოგი ცაგარელის ბოლო პოსტია "ფეისბუქის" პირად გვერდზე. “გარდაიცვალა მამაჩემი, გიორგი ცაგარელი. შექმნილი მდგომარეობიდან გამომდინარე, გთხოვთ, გაუფრთხილდეთ ერთმანეთს და თავი შეიკაოთ სამძიმარზე მოსვლისგან. ყველას წინასწარ გიხდით მადლობას თანადგომისთვის.“ _ წერს სოციალურ ქსელში გიორგი ცაგარელის შვილი. “გურია ნიუსი“ მწუხარებას გამოხატავს გიორგი ცაგარელის გარდაცვალების გამო და თანაუგრძნობს გარდაცვლილის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...


პოლიტიკა

 

დაესწრება თუ არა სააღდგომო ლიტურგიას პრეზიდენტი

საქართველოს პრეზიდენტმა სალომე ზურაბიშვილმა მიმართვაში განაცხადა, რომ წელს აღდგომის დღესასწაულზე...

სრულად