მე თავისუფლება წამართვეს, მაგრამ შენი სიყვარული ვერა...

gurianews.com

ისტორია

მე თავისუფლება წამართვეს, მაგრამ შენი სიყვარული ვერა...

მაისი 18
09:00:58 2017

ნინო! ჩემო მადონავ! მე ახლა პეტერბურგის ციხეში ვზივარ და შენზე ვფიქრობ. ჩემი სული შენსკენ ისწრაფვის, ვითარც ზღვის ტალღა ნაპირისაკენ, ვითარც დაჭრილი არწივი წყაროსაკენ... შენა ხარ ჩემი შვების ნაპირი, შენა ხარ ჩემი სიყვარულის უკვდავი წყარო... მე თავისუფლება წამართვეს, მაგრამ შენი სიყვარული ვერა...

შენ ერთხელ მითხარი ჯვრის მონასტერთან, ადამიანი თავად არისო ტაძარი. მე ახლა გავიგე იმ შენი გრძნეული სიტყვის ჭეშმარიტი არსი. შენა ხარ ჩემი ტაძარი ჭეშმარიტი, მე სალოცავად მოვსულვარ შენთან. შენა ხარ ხატი... საღვთო სანთლის დასანთებად მოვედი შენთან... მიახლოება შენს სულთან ღმერთთან მიახლოებას თუ შეედრება ნინო. სხვა ბადალი მას ამ ქვეყანაზე არ გააჩნია...

სიყვარული არის მუსიკა! მაგრამ რა არის შენთან ფილდის მუსიკა, რა არის შენთან მუსიკა ბახის... შენ ყოველივე ამაზე უფრო ნატიფი და მშვენიერი ხარ ჩემთვის... და ამიტომ გეტრფი. აი, შენ ნახავ, მე დავწერ სიყვარულის ახალ ბიბლიას, სიყვარულის ღვთაებრივ სახარებას. მე მას ყველაზე მშვენიერ სახელს-ნინოს დავარქმევ...

ჩვენ მაშინ არ გვესმის ერთმანეთის, როცა ადამიანები საკუთარ თავს აღვემატებით. ჩემი სიყვარული ჩემზე დიდია და მე ის წამლეკავს თუ შენ ხელი არ შემაშველე. სანამ შენს სურათს ვნახავდი აქ, ციხეში, ნინო, სანამ მფარველ ანგელოზად გამომეცხადებოდი, მე ჩემი თავი იმ უბედურ ადმიანად დავსახე, რომელიც ყოველ წუთს მზად არის მოკვდეს, მაგრამ იმიტომ კი არა, რომ აღასრულა რაც დაიქადა, არამედ პირიქით, ვერაფერიც ვერ გააკეთა და ყოველგვარი იმედიც გაუწყდა, რომ რამის გაკეთებას შეძლებს. როცა შენ გამომეცხადე, ისევ დამიბრუნდა სიბრძნეც, იმედიც, მხნეობაც, სიცოცხლის წყურვილიც...

მე, რომ მხატვარი ვიყო,მხოლოდ შენი ფრესკებით მოვხატავდი საქართველოს ციხე-ტაძრებს... მე ახლა მივხვდი, რომ ადამიანის ხსნა სიყვარულშია. ის არის უნაზესი ღვთაებრივი არსი, რაიც ადამიანს მხოლოდ ღვთაებრივ ხილვათა ჟამს გაუცხადდება.

შეყვარებული ადამიანი ღმერთია! ამ სიყვარულის განსახიერება ჩემთვის შენა ხარ, ნინო! ამ ციხეში ჩემზე თავისუფალი არავინაა, როცა შენზე ვფიქრობ...

მე მუდამ მწამდა, რომ სიყვარული პოეზიაა, სიყვარული სიბრძნეა... რად მინდა სოლომონ ბრძენი ვიყო, თუ შენ ჩემი სიყვარული არა ხარ... რად მინდა დავითის ფსალმუნების დაწერის ნიჭი, თუ შენ ჩემი არ იქნები... სოლომონის სიბრძნეა შენდამი ჩემს სიყვარულში და დავითის ფსალმუნების სილამაზე და ჰაეროვნება... შენ ჩემი უზენაესი პოეზია ხარ!..

შენზე ფიქრი ფრთას მასხამს, შენზე დარდი მკლავს... შენ ხარ სიწმინდე, რომლის წინაშე მე ლოცვად ვარ დამხობილი. აქ, პეტერბურგში ვღაღადებ, რომ შენ თბილისში გაგაგონო... მე დემონი ვარ, ნინო, დემონი-ცოდვილი ანგელოზი. მე ფრთები მინდა, რომ ისევ ავმაღლდე. მხოლოდ შენ შეგიძლია შემასხა ფრთები. შენ სანთელი ხარ სიყვარულისა, მე ცეცხლი, რომელიც იმ სანთლისათვის გამოკვესა ღმერთმა. ჩვენ ერთი სანთელი და ერთი ცეცხლი ვართ. შენ ვეფხისტყაოსნიდან შუქად ამოფრქვეული ნესტანი ხარ, მე კი შენი ხელი მიჯნური. რუსთაველი თუ უმღერდა ჩვენს სიყვარულს ნინო, მხოლოდ რუსთაველი, აღმოსავლეთის დანტე! შენა ხარ პოემა პირველი სიყვარულისა, შენა ხარ ნუშის პირველი ყვავილობა და ჩემი ცხოვრების ვარდის ფურცლობაც შენა ხარ, ნინო...

მჯერა,როდესაც ნევაზე გატყდება ყინული და ზამთრის სასახლესთან გაზაფხული ალანქერდება, მე ისევ გიხილავ შენ... მე მოვყვები გაზაფხულის პირველ შხაპუნა წვიმას საქართველოში. მიწიდან პირველ იად ამოვალ... ყოჩივარდების კონას მოგიტან, მარცხენა ძუძუზე გეამბორები და შენს ბაგეებს მოვწყვეტ პირველი სასიყვარულო პაემანის უბიწო ამბორს. პირველ პაემანზე, მერცხლებთან ერთად დამელოდე საქართველოში... მე და გაზაფხული ერთად მოვალთ... მახათას მთაზე გაზაფხულის პირველი მეხი, რომ იქუხებს, ის ჩემი მოსვლის ნიშანი იქნება. პირველი სიყვარულის ბარათით პირველ პაემანს გინიშნავ, ნინო.

გკოცნი...



 ახალი ამბები
  • სახელმწიფოს ქონების თაღლითურად დაუფლების ფაქტზე სამი მოქალაქე დააკავესსაქართველოს ფინანსთა სამინისტროს საგამოძიებო სამსახურმა, ორგანიზებული ჯგუფის მიერ დიდი ოდენობით სახელმწიფოს საკუთრებაში არსებული უძრავი ქონების თაღლითურად დაუფლების ფაქტზე, სამი მოქალაქე დააკავა. საქმეზე ჩატარებული გამოძიებით დადგინდა, რომ ორგანიზებული ჯგუფის წევრებმა, სახელმწიფოს საკუთრებაში არსებული დიდი ოდენობით მიწის ნაკვეთების თაღლითურად დაუფლების მიზნით, მათთან დანაშაულებრივ კავშირში მყოფი ათეულობით მოქალაქის სახელზე, 2014-2017 წლებში დაამზადეს მიწის ნაკვეთის ყალბი მიღება-ჩაბარების აქტები, რაც წარადგინეს საჯარო რეესტრის ეროვნულ სააგენტოში და საკუთრებაში დაარეგისტრირეს თბილისში, გლდანის რაიონში, თბილისის ზღვის მიმდებარედ, ავშნიანის დასახლებაში მდებარე 3 694 840 ლარის ღირებულების 59 630 კვ.მ (59 ჰა) მიწის ნაკვეთი. საგამოძიებო მოქმედებები გრძელდება დანაშაულში მონაწილე სხვა პირების დადგენა - მხილების მიზნით. სისხლის სამართლის საქმეზე გამოძიება მიმდინარეობს საქართველოს სსკ-ის 180-ე მუხლის მესამე ნაწილის „ბ“ და მეოთხე ნაწილის „ა“ ქვეპუნქტით, რაც სასჯელის სახით ითვალისწინებს თავისუფლების აღკვეთას 7 - დან 10 წლამდე ... ...
  • ავტოსაგზაო შემთხვევა ჩოხატაურის ცენტრში _ "სავალალო შედეგი უნდა დადგეს, რომ რეაგირება მოახდინონ?"ავტოსაგზაო შემთხვევა ჩოხატაურის ცენტრში გუშინ მოხდა. დაბის ცენტრალურ გზაზე გამოსულმა ცხენების რემამ ჯერ ავტოსაგზაო მოძრაობა შეაფერხა, შემდეგ კი ერთ-ერთ ავტომობილს დაეჯახა. შემთხვევის შედეგად ერთი ცხენი დაშავდა _ როგორც გვითხრეს, მას ფეხი აქვს მოტეხილი. დაზიანებულია ავტომობილი, რომლის მძღოლმა ცხენების შეჯახების შედეგად მცირე დაზიანება მიიღო. ჩოხატაურელების თქმით, ეს პირველი შემთხვევა არ არის და ცხენებისა და ძროხების ცენტრალურ ქუჩებზე თავისუფლად გადაადგილების გამო ბოლო თვეების განმავლობაში რამდენიმე ავარია მოხდა. ადგილობრივები ხელისუფლებას მოუწოდებენ, რომ ეს საკითხი სასწრაფოდ დაარეგულირონ და ქუჩაში მოძრაობა, როგორც მძღოლებისთვის, ასევე ქვეითად მოსიარულეთათვის უსაფრთხო გახადონ: _ ყველა ნორმალურ ქალაქში არსებობს წესები, დადგენილება, რომ ქუჩებში ცხენებმა და ძროხებმა ასე არ იარონ და საფრთხე არ შექმნან. თუმცა, ჩოხატაურში, სადაც 4 წლის მანძილზე ისიც კი ვერ მოახერხეს, რომ საგზაო ნიშნები დაედგათ და ქუჩები წესიერად დაეხაზათ, როგორც ჩანს ეს არავის ადარდებს. მაინდამაინც სავალალო შედეგი უნდა დადგეს, რომ რეაგირება მოახდინონ?, _ აღნიშნავენ ... ...
  • რა კონსესუსს მიესალმება საქართველოს პრეზიდენტი კონსტიტუციის პროექტშიპრეზიდენტი მიესალმება ვენეციის კომისიის მდივნის თომას მარკერტის განცხადებას, რომელიც მნიშვნელოვნად მიიჩნევს კონსენსუსის მიღწევას კონსტიტუციის პროექტში პრეზიდენტის არჩევის წესისა და მანდატების განაწილების საკითხებთან დაკავშირებით. ვენეციის კომისიის მდივნის განცხადებას პრეზიდენტის საპარლამენტო მდივანი ანა დოლიძე ბერლინის კონფერენციიდან გამოეხმაურა, სადაც საქართველოს საკონსტიტუციო საკითხებზე მსჯელობენ. ანა დოლიძის განცხადებით, საქართველოს პრეზიდენტი საკონსტიტუციო განხილვების დაწყების პირველივე დღიდან აცხადებდა, რომ მიუხედავად საკონსტიტუციო ცვლილებების ირგვლივ არსებული განსხვავებული მოსაზრებებისა, უნდა შევქმნათ კონსენსუსის პრეცენდენტი და საქართველოს საკონსტიტუციო ცვლილებები, რომელიც ძალიან მნიშვნელოვან სისტემურ ცვლილებებს ითვალისწინებს, გახდეს თანხმობის ... ...
  • ოზურგეთში სტიქიის სალიკვიდაციო ღონისძიებები დასასრულს უახლოვდება (R)ოზურგეთის მუნიციპალიტეტის გამგებელმა სტიქიის სალიკვიდაციო ღონისძიებების ფარგლებში მრავალბინიანი და კერძო საცხოვრებელი სახლების სარეაბილიტაციო სამუშაოები დაათვალიერა. მერაბ ჭანუყვაძე მიმდინარე ინფრასტრუქტურულ სამუშაოებს დაბა ლაითურში, სოფელ ბოხვაურსა და დაბა ნარუჯაში მოადგილესთან, ბადრი გობრონიძესთან ერთად გაეცნო. 23 აპრილს მომხდარი სტიქიის შედეგად, ოზურგეთში 25-მდე სოფელში ადგილობრივი მოსახლეობა დაზარალდა. დაზიანებული საცხოვრებელი სახლების რეაბილიტაცია დასასრულს უახლოვდება. ინფრასტურქტურული სამუშაოები სხვადასხვა სოფელში პარალელურ რეჟიმში მიმდინარეობს. "დაზიანებული სახლების აღდგენითი სამუშაოები ყველა სოფელში მიმდინარეობს. საქართველოს მთავრობის განკარგულებით ოზურგეთის მუნიციპალიტეტს სტიქიის სალიკვიდაციო ღონისძიებებისთვის მილიონნახევარი ლარი გამოეყო. მინდა მადლობა გადავუხადო რეგიონული განვითარებისა და ინფრასტრუქტურის სამინისტროს. აღნიშნული თანხით სულ 119 საცხოვრებელი სახლი გადაიხურა, ხოლო სამშენებლო მასალებით 262 ოჯახი დაკმაყოფილდება", _ განაცხადა გამგებელმა.  ... ...
  • რა მოლოდინი აქვს პარლამენტის თავმჯდომარეს ვენეციის კომისიისგან„ვენეციის კომისიის ექსპერტებს საარჩევნო სისტემასთან დაკავშირებით დღეს შენიშვნები არ გამოუთქვამთ. მათთან ამ საკითხზე კონსულტაციები გაგრძელდება და დარწმუნებულები ვართ, რომ გვექნება აბსოლუტურად პოზიტიური დასკვნა მთლიანად დოკუმენტთან დაკავშირებით, მათ შორის, საპარლამენტო საარჩევნო სისტემასთან დაკავშირებითაც",_ ამის შესახებ საქართველოს პარლამენტის თავმჯდომარემ დღეს, ბერლინში, კონფერენციის დასრულების შემდეგ განაცხადა. ირაკლი კობახიძის თქმით, კითხვები არ დასმულა პრეზიდენტის არჩევის წესთან დაკავშირებით, რადგან, მისივე განმარტებით, წესი თავსებადია საუკეთესო ევროპულ პრაქტიკასთან. პარლამენტის თავმჯდომარე გამოეხმაურა კონსესუსის მნიშვნელობასთან დაკავშირებით ვენეციის კომისიის მდივნის, თომას მარკერტის განცხადებასაც. „კონსესუსი განსაკუთრებულად მნიშვნელოვანია მაშინ, როდესაც საქმე ეხება ქვეყნის კონსტიტუციას, ძირითად კანონს, თუმცა, ის ბევრ ფაქტორზეა დამოკიდებული, მათ შორის, იმაზეც თუ რამდენად მომწიფებულია პოლიტიკური სპექტრი კონსესუსისთვის. ჩვენ ცდას არ დავაკლებთ, მთავარია, სათანადო დამოკიდებულება გამოავლინოს პოლიტიკურმა ოპოზიციამ. ასეთ შემთხვევაში, კონსესუსი იქნება მიღწეული. ჩვენი მთავარი ამოცანაა, შევქმნათ ისეთი დოკუმენტი, რომელიც სრულად თავსებადი იქნება სამართლებრივ პრინციპებთან და რომელიც ჩამოაყალიბებს ძალიან დახვეწილ საპარლამენტო მმართველობის სისტემას. თუ ეს მიზანი იქნება მიღწეული, ამ შემთხვევაში, კონსტიტუცია ნამდვილად ჩაუყრის ძალიან მყარ კონსტიტუციურ საფუძველს ჩვენი დემოკრატიული პროცესების სტაბილურ განვითარებას",_ განაცხადა პარლამენტის თავმჯდომარემ. ჟურნალისტის კითხვის პასუხად, ირაკლი კობახიძემ აღნიშნა, რომ კონფერენციაზე დისკუსია სხვადასხვა საკითხზე, მათ შორის, ბონუსის სისტემაზეც გაიმართა. „საერთო პოზიცია მდგომარეობს იმაში, რომ ჯერჯერობით გრძელდება მსჯელობა, საბოლოო პოზიცია არ არის გამოკვეთილი და დარწმუნებულები ვართ, რომ გვექნება აბსოლუტურად პოზიტიური დასკვნა ვენეციის კომისიის მხრიდან გამომდინარე იქიდან, რომ დოკუმენტი არის სრულ თავსებადობაში სამართლებრივ პრინციპებთან, ფუნდამენტურ პრინციპებთან. ეს იყო ჩვენი ამბიციური ხედვა, ეს იყო ჩვენი ამბიციური მიზანი და ეს მიზანი იქნება აუცილებლად მიღწეული",_ განაცხადა პარლამენტის თავმჯდომარემ. 22-23 მაისს ბერლინში, კონსტიტუციურ კანონის პროექტზე მსჯელობენ. კონფერენციას, რომელიც გერმანიის საერთაშორისო თანამშრომლობის საზოგადოების (GIZ) მხარდაჭერით იმართება, საქართველოს პარლამენტის წევრები: თამარ ჩუგოშვილი, მამუკა მდინარაძე, გიორგი კახიანი, გიორგი ლომია, სალომე სამადაშვილი, ზურაბ ჭიაბერაშვილი, პრეზიდენტის ადმინისტრაციის წარმომადგენლები, მთავრობის საპარლამენტო მდივანი, საერთაშორისო და არასამთავრობო ორგანიზაციების წარმომადგენლები და ექსპერტები ... ...

არქივი

ზაფრანი

ხელის ორიგინალურად თხოვნა

ვირჯინიის შტატის (აშშ) მცხოვრებმა კორი...

როგორ ვებრძოლოთ დეპრესიას

თუ უმიზეზოდ გეცვლებათ გუნება-განწყობილება, ადვილად...

"მეჯვარე" დათვი

33 წლის ამერიკელი ნატურალისტის, კეისი...

ვისთვის არის დამახასიათებელი სიზარმაცე

ახალი კვლევის თანახმად, მაღალი IQ-ს...

ყველაზე „საშიში“ მხეცი მსოფლიოში

მთელ აფრიკასა და სამხრეთ-აღმოსავლეთ აზიაში...

„თვინიერი“ ვეფხვი

ერთი წლის წინ სამხრეთ აფრიკის...
კარმიდამო ჩემი

მკურნალი მარწყვი

ხალხური მედიცინით რეკომენდებულია ხენდრო (მარწყვი)...

ყველაზე სასარგებლო პროდუქტები

უამინდობა, ცივი გამჭოლი ქარი და...

ბუნებრივი მკურნალები

სამკურნალო მცენარეებით დაინტერესება უფრო და...

კარტოფილის სამკურნალო თვისებები

 კარტოფილი არა მარტო გემრიელი საკვებია,...

კივის სამკურნალო თვისებები

ტრადიციულ ჩინურ მედიცინაში კივი უძველესი...

ჩაის რეაბილიტაციის სახელმწიფო პროგრამა არაეფექტურია და ვერ გახორციელდება

სოფლის მეურნეობა და გადამამუშავებელი მრეწველობა...

როგორ მოვაწყოთ მოლი და მოვუაროთ მას

კომპაქტურად აღმოცენებული მოლი საოცრად  ნაზ,...

როგორ ვებრძოლოთ ნაცრისფერი ობით გამოწვეულ დაავადებას მცენარეზე

სუბტროპიკული მცენარეების დაავადებებს შორის, როგორც...

გავუხანგრძლივოთ მცენარეს სიცოცხლე

ახლა, გაზაფხულზე, ყველაზე უკეთ არის...

პალმას სერიოზული მავნებელი უტევს

ფინიკის პალმის 15-მდე სახეობა ცნობილია...

სურნელოვანი ოსმანტუსი

მარადმწვანე ოსმანტუსი, საოცრად სურნელოვანი მარადმწვანე...

ნიადაგის ნაირსახეობები და მისი მოხმარების წესი

საგაზაფხულო სამუშაოების შესრულებისას, ხარისხიანი მოსავლის...