მექორწინე მდივნები

ისტორია

მექორწინე მდივნები

25 მაი. 2020, 18:06:00

XX საუკუნის 20-30 იან წლებში ევროპისა და ამერიკული პრესისა და საზოგადოების ყურადღების ცენტრში აღმოჩნდა გენერალ ზაქარია მდივნის ხუთი შვილი _ სერგო, ალექსი, დავითი, რუსუდანი და ნინო. მათი სახელებით აჭრელებული იყო პრესის ფურცლები. მდივნებს აქებდნენ, აღმატებულ ეპიტეტებით ამკობდნენ, ხშირად არასახარბიელო კონტექსტშიც იხსენიებდნენ. ისინი ცნობილნი იყვნენ როგორც ,,მექორწინე მდივნები”. სიმონ სიდამონ-ერისთავი მათ შესახებ წერდა: ,,იმ დროს ასი ათასი ამერიკელიდან ერთმა იცოდა რაიმე საქართველოს შესახებ. შემდეგ მრავალი წლის მანძილზე ყველა ამერიკული გაზეთი ძმები მდივნების, მათი ქორწინების შესახებ წერდა. ასე რომ, ახლა ასი ათასმა ამერიკელმა იცოდა მდივნების შესახებ და შესაბამისად ქართველების შესახებ” და შენიშნავდა ,,საერთო ჯამში ძმებმა ნახევარ მილიარდ ამერიკულ დოლარზე იქორწინესო".

ზაქარია მდივანი ნიკოლოზ II-ის ამალის გენერალ-მაიორი, მე-13 ლეიბ-გრენადერების ერივანსკის პოლკის მეთაური (1912-1915 წლები), კავკასიის კორპუსის შტაბის უფროსი იყო. საქართველოს ოკუპაციის შემდეგ გენერალი მდივანი ოჯახთან ერთად ემიგრაციაში წავიდა. ის ქალიშვილებთან ერთად პარიზში დასახლდა, ძმები კი ამერიკაში გადავიდნენ. იქ სხვადასხვა სამუშაო გამოიცვალეს, მაგრამ სულ მალე გამონახეს უფრო გამდიდრების იოლი გზა. სასიამოვნო გარეგნობის უცხოელმა ძმებმა _ ,,პრინცებმა" (ამ ტიტულით გააცნეს მათ საზოგადოებას თავი. ზაქარია მდივანი თურმე ხუმრობდა: მე ალბათ ერთადერთი ადამიანი ვარ, რომელმაც თავადის ტიტული შვილებისაგან მიიღოო. ცნობილია, რომ საკუთარი ,,კარიერის” დასაწყისში ალექსიმ ნოე ჟორდანიას მიმართა თხოვნით, რათა მიეცა ცნობა იმის თაობაზე, რომ მდივნები თავადები არიან. ჟორდანიამ უარი განუცხადა) მაშინვე მიიქციეს მაღალი წრის საზოგადოების წარმომადგენელთა, განსაკუთრებით, მანდილოსანთა ყურადღება. ქართველებმაც, რა თქმა უნდა, ასეთი შანსი არ გაუშვეს ხელიდან. უფროსმა ძმამ სერგო-სერჟმა (1903-1936), ცოლად მუნჯი კინოს ცნობილი ვარსკვლავი, ქალი ,,ვამპირი”, როგორც მას ეძახდნენ, პოლა ნეგრი მოიყვანა. მაგრამ 1927 წელს მსახიობი გაკოტრდა და სერგომ იგი მიატოვა. მალე სერჟმა ცოლად ოპერის მომღერალი მერი მაკკორმაკი მოიყვანა, რომელიც მალევე მიატოვა. ეს უკანასკნელი აცხადებდა რომ მთელი ქორწინების პერიოდში სერჟი მას შეურაცხყოფას აყენებდა. სერჟმა დავითთან ერთად ნავთობის კომპანია Pacific Shore Oil Co შექმნა. 1936 წელს მან ყოფილი რძალი, გარდაცვლილი ძმის ალექსის ცოლი, უმდიდრესი ოჯახის წარმომადგენელი ლუიზა ვან ასტორი შეირთო. ქორწინების ერთი თვის, ხოლო ძმის გარდაცვალების შვიდი თვის თავზე, ის პოლოს თამაშის დროს ცხენიდან ჩამოვარდა და დაიღუპა. დავითი (1905-1984) 1925 წელს ცნობილ კინოვარსკვლაზე 28 წლით უფროს მეი მიურეიზე დაქორწინდა. სამსახიობო კარიერის ზენიტში მყოფ მეი მიურეისაც, ისევე როგორც სხვა ქალბტონებს, სურდა პრინცესა გამხდარიყო, პირველ რიგში თავისი მეტოქეს გლორია სვენსონის ჯიბრზე. როგორც კი გათხოვდა მდივნის რჩევით მიურეი სტუდია MGM-დან წამოვიდა, რითაც სტუდიის მფლობელი ლუის ბ. მაიერი განარისხა, ხოლო საკუთარ სამსახიობო კარიერას წერტილი დაუსვა. მოგვიანებით მას უკან დაბრუნება სურდა, ამისთვის თავიც კი დაიმცირა და მეიერს ევედრებოდა, მაგრამ ცივი უარი მიიღო.

მდივნებს ერთი შვილი კორან დეივიდი შეეძინათ, მაგრამ მათი ქორწინება სკანდალით დასრულდა. ,,მან მიურეი გააკოტრა, შემდეგ თავი დაანება”, _ ასე წერდნენ გაზეთები. მიურეი აცხადებდა, რომ დავითი საშინლად ეჭვიანობდა, მას მუშტებით სცემდა, იარაღით დასდევდა და საკუთარ ბავშვსაც არ ინდობდა. ერთხელ ნაცემი მიურეი სასტუმროს ოთახის სააბაზანოში გამოკეტა. შვილის გამო მათ სასამართლო პროცესი ჰქონდათ გამართული. სასამართლომ შვილი მიურეის დაუტოვა, ხოლო მდივანს ყოველთვიურად 400 დოლარის გადახდა დააკისრა. სიცოცხლის ბოლო წლებს მსახიობი Mოტიონ Pიცტურე ჩოუნტრყ Hოუსე –ში ატარებდა, სადაც ხშირად მედდებს ეუბნებოდა: ,,მე მეი მიურეი, პრინცესა მდივანი ვარ”. მეორე მსოფლიო ომის დროს დავითმა ამერიკულ ჯარში დაიწყო სამსახური და 44 წლის ასაკში სინკლერ ოილის პრეზიდენტის ჰენრი სინკლერის ქალიშვილ ვირჯინიაზე დაქორწინდა. სინკლერმა მას შვილი გაუჩინა. 1964 წელს ისინი გაშორდნენ ერთმანეთს, ეს განქორწინებაც არ იყო მეგობრული, რადგან სინკლერი, ისევე როგორც მიურეი, ამტკიცებდა რომ მისი აუტანელი ხასიათის გამო ის მუდმივ სტრესულ მდგომარეობაში იმყოფებოდა. დავით მდივანი 1984 წელს გარდაიცვალა.

ძმებში ყველაზე უმცროსმა ალექსი მდივანმა (1907-1935) დაამთავრა კემბრიჯის უნივერსიტეტი და მუშაობდა ნიუ იორკის ბანკის პარიზულ ფილიალში. 1931 დაქორწინდა ამერიკული ბეწვეულის კომპანიის შემქმნელის შთამომავალზე 21 წლის ლუიზ ასტორ ვან ალენზე. მათმა ქორწინებამ სულ რამდენიმე თვემ გასტანა. მისი შემდეგი არჩევანი ცნობილი ვულვორტების წარმომადგენელი ბარბარა ვულვორტ ჰატონი გახდა. მათი ჯვრისწერა მართლმადიდებლური წესით ჩატარდა და მედიის ცხოველი ინტერესი გამოიწვია. დამსწრეთა შორის იყვნენ ნოე ჟორდანია, ევგენი გეგეჭკორი და აკაკი ჩხენკელი. ჯვრისწერა და ბრწყინვალედ მოწყობილი ქორწილი ჰატონებს ერთი მილიონი დოლარი დაუჯდათ. ჯვრისწერის შედეგად ეკლესიამ საჩუქრად ახალთახალი ხალიჩა და ჭაღები მიიღო. ორი წლის შემდეგ ისინი ერთმანეთს გაშორდნენ. ალექსი ცნობილი სალვადორ დალის ახლო მეგობარი იყო. 1935 წლის ზაფხულში ის დალის საყვარელთან ბარონესა მოდ ფონ ტისენ-ბორნემიშასთან ერთად ესპანეთში თავისი სიძის, ესპანელი მხატვრის ხოსე მარია სერტის ვილაზე ისვენებდა. პირველ აგვისტოს ალექსი მდივანი საკუთარი როლს როისით ბარონესასთან ერთად ავარიაში მოჰყვა და ადგილზე გარდაიცვალა (როცა ბარბარა ჰატონმა მისი სიკვდილის შესახებ შეიტყო მან თქვა: ,,მე საშინლად განვიცდი, მაგრამ მე ეს არ გამკვირვებია. მე ყოველთვის ვგრძნობდი რომ მსგავსი რამ მოხდებოდა. ის გიჟივით ატარებდა მანქანას”). ბარონესა მხოლოდ ოდნავ დაშავდა. ,,სამშობლოსადმი მხურვალე სიყვარულის გრძნობებთან ერთად ალექსი მდივანს ჰქონდა მრავალი ისეთი თვისება, ნიჭი და შესაძლებლობა, რომ მას მრავალი სამსახურის გაწევა შეეძლო თავისი ერისათვის რომ დასცლოდა”, _ ასეთი სიტყვები მიუძღვნეს გარდაცვლილს ქართულმა ემიგრანტულმა ჟურნალ-გაზეთებმა. ხანმოკლე სიცოცხლის მანძილზე ალექსი მდივანი ყოველმხრივ დახმარებას უწევდა ქართულ კოლონიას ევროპასა და აშშ-ში. საქართველოს საკითხთან დაკავშირებით ხშირად აწყობდა შეხვედრებს უცხოელ პოლიტიკურ მოღვწეებთან, სხვადასხვა შეკრებებზე ქართველ დელეგატებს საკუთარი ხარჯით აგზავნიდა, თუ საჭირო იყო თავად ესწრებოდა ხოლმე. როგორც ,,ლტოლვილთა ოფისის” დირექტორის მოადგილემ ევროპაში მოსწავლე 15 ქართველ სტუდენტს სტიპენდიები დაუნიშნა (მას შემდეგ რაც 1934 წელს საქართველოს მთავრობის ლეგაცია გაუქმდა საფრანგეთის მთავრობამ ,,ლტოლვილთა ოფისი” შექმნა). ის შანხაიშიც ჩავიდა, ქუჩაში დარჩენილ ქართველებს სახლი უყიდა და იქაურ სტუდენტებსაც დახმარება გაუწია.

1935 წელს ალექსი მდივნის, ,,მშვენიერი პრინცის”, როგორც მას ეძახდნენ, დაღუპვით ,,...ჭეშმარიტად, ქართველობამ დაჰკარგა ერთი თვალსაჩინო მოამაგე და მოყვარული შვილი” (,,დამოუკიდებელი საქართველო”). აღსანიშნავია, რომ მისი დაღუპვის შემდეგ სტიპენდიების საქმე ჩაიშალა. 1987 წელს გადაიღეს ფილმი Pოორ Lიტტლე ღიცჰ Gირლ, სადაც აღწერილია ბარბარა ჰატონის (ფარა ფოსეტი) ბიოგრაფია. ალექსი მდივანი სურათში ნიკოლას ქლეიმ განასახიერა. ძმებს არც დები ჩამორჩნენ. ნინო მდივანი (1910-1987) იურისტ ჩარლზ ჰუბერიჩზე გათხოვდა, 1936 წელს კი ცოლად გაჰყვა ,,შერლოკ ჰოლმსის შვილს _ არა, შერლოკ ჰოლმსის არა, კონან დოილისას” _ (სიმონ სიდამონ-ერისთავის მოგონებებიდან), ცნობილ ამერიკელ ადვოკატსა და ავიატორს დენის კონან დოილს. ეს უკანასკნელი სპირიტუალიზმით იყო გატაცებული და ნინოც ჩაითრია. ქორწინების შემდეგ ნინომ ჟურნალისტებს განუცხადა, რომ ის საკუთარ გარდაცვლილ მამას ესაუბრებოდა და რომ ის ყოველთვის გონივრულ რჩევებს აძლევდა.

,,ერთხელ როცა არ დავუჯერე, კინაღამ დავიღუპე”, _ თქვა მან. ქმრის გარდაცვალების შემდეგ უფლებები არტურ კონან დოილის ნაწარმოებებზე ნინო მდივანს ერგო. რუსუდან მდივანი (1905-1937) მოქანდაკე გახლდათ. რუსი, როგორც მას შემოკლებით ეძახდნენ, ჰოლივუდში მსახიობების ბიუსტებს ძერწვდა. ახალგაზრდა სალვადორ დალი შეყვარებული იყო რუსუდანში. ის 1928 წელს გათხოვდა საკუთარ მასწავლებელზე, ხოსე მარია სერტზე, ვისთვისაც მოდელის როლს ასრულებდა. ამ უკანასკნელს და დიეგო რივერას ჯონ როკფელერმა ნიუ იორკში ღჩაღჩA-ს შენობის მოხატვა შეუკვეთა, რისთვისაც 150 ათასი დოლარი მიიღო. სერტს მაშინ მეუღლედ ცნობილი მოდელი და რამდენიმე მხატვრის, მათ შორის ტულუზ ლოტრეკის მუზა, პოლონელი მისია გოდებსკა (1872-1950) ჰყავდა. მაგრამ რუსუდანთან შეხვედრამ მას ყველაფერი დაავიწყა და სერტმა ცოლს თავი დაანება. თუმცა მომავალში ამას არავითარი გავლენა არ მოუხდენია მისიას, სერტის და რუსუდანის ურთიერთობაზე _ ისინი მეგობრებად დარჩნენ და ეს უცნაური სამთა კავშირი მითქმა-მოთქმის საგნად იქცა. ასაკით უფროსი, უშვილო მისია დედობრივი მზრუნველობით განიმსჭვალა მის მიმართ. უფრო მეტიც, ქორწილისთვის რუსუდანს სახელგანთქმულ კოკო შანელთან შეაკერინა კაბა და ყოველნაირად ეხმარებოდა მას ყოველდღიურ საქმიანობაში. ძმების გარდაცვალება რუსიმ მძიმედ განიცადა. ცოტა ხანში მას ტუბერკულოზის დიაგნოზი დაუდგინეს. მისიამ და კოკო შანელმა ის შვეიცარიაში სამკურნალოდ წაიყვანეს. მიუხედავად მათი მზრუნველობისა, რუსუდან მდივანი 32 წლის ასაკში გარდაიცვალა. რუსუდანის გარდაცვალებამ ისე იმოქმედა მისიაზე, რომ თვალს დააკლდა. მისია გოდებსკა 1950 წელს აღესრულა, სიკვდილის წინ კი თავის მეგობარს გულის მოყვანილობის მედალიონი აჩუქა. როცა გარდაცვალების რამდენიმე დღის შემდეგ მედალიონი გახსნეს _ შიგ რუსუდან მდივნის ფოტო აღმოჩნდა.

ამონარიდი ირაკლი მახარაძის წიგნიდან ,,ქართველები ამერიკაში”

ფოტოზე მარცხნიდან მუნჯი კინოს ვარსკვლავები რუდოლფ ვალენტინო, პოლა ნეგრი, მეი მიურეის და დავით მდივანის ქორწილში




 ახალი ამბები
  • "არ არის აუცილებელი გარე პერიმეტრზე აბიტურიენტის მთელი ოჯახით გულშემატკივრობა"არ არის აუცილებელი აბიტურიენტების გულშემატკივრების დიდი თავშეყრა გამოცდის გარე პერიმეტრზე, ნუ შევიკრიბებით, _ ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ პირველი არხის ეთერში განაცხადა. ამასთან, ამირან გამყრელიძემ აბიტურიენტებს სიმშვიდისკენ მოუწოდა და აღნიშნა, რომ მათთვის ყველა საჭირო პირობა იქნება შექმნილი. „აბიტურიენტებს მივმართავ, იყვნენ მშვიდად. მათთვის იქნება ყველა პირობა შექმნილი, ყველანაირი კომფორტი, რომ მშვიდ ვითარებაში ჩააბარონ ტესტი. მშობლებს და გულშემატკივრებს მივმართავ რეკომენდაციით - მიღებულია საქართველოში, რომ ვგულშემატკივრობთ ხოლმე აბიტურიენტებს, მიდის მთელი ოჯახი, არიან თავშეყრილი და ელოდებიან. არ არის ეს აუცილებელი. მოგეხსენებათ, ერთ-ერთი მთავარი რეკომენდაცია არის დისტანცირება და ჯგუფურად ნუ შევიკრიბებით“, - განაცხადა ამირან გამყრელიძემ. შეკითხვაზე, არის თუ არა რისკები მაქსიმალურად დაზღვეული, რომ ეპიდვითარება საგრძნობლად არ გაუარესდეს, რადგან ერთიან ეროვნულ გამოცდებზე, თითქმის, ერთი თვის განმავლობაში, ერთ სივრცეში ადამიანთა საკმაოდ დიდი ნაკადი იქნება თავმოყრილი, ამირან გამყრელიძემ განაცხადა, რომ გამოცდებზე რისკები მინიმუმამდეა დაყვანილი. „ეროვნული გამოცდები პანდემიის პერიოდში არის ერთ-ერთი ყველაზე ფართომასშტაბიანი ღონისძიება და ამიტომ, სერიოზული მოსამზადებელი სამუშაოები ჩატარდა. სპეციალური ჯგუფი ორი თვის განმავლობაში მუშაობდა, რომ ყველა ნიუანსი ყოფილიყო გათვალისწინებული, რათა ჩვენმა აბიტურიენტებმა ერთი მხრივ, კომფორტულ ვითარებაში დაწერონ საგამოცდო ტესტები და მეორე მხრივ, მაქსიმალურად იყოს დაზღვეული უსაფრთხოება, კორონავირუსული ინფექციის გავრცელების თვალსაზრისით. ვფიქრობ, რისკები მინიმუმამდეა დაყვანილი. მოგეხსენებათ, მედიცინაში აბსოლუტური არაფერია, მაგრამ ვფიქრობ, იმ მიდგომით, მეთოდოლოგიით და რისკების გათვალისწინებით, რითაც ეროვნული გამოცდები ჩატარდება, რისკები მინიმუმამდეა დაყვანილი“, - განაცხადა გამყრელიძემ. ამირან გამყრელიძის განმარტებით, თუ აბიტურიენტს რესპირაციული სიმპტომები გამოცდის პერიოდში, პირველი ან მეორე გამოცდის შემდეგ გამოუვლინდა, მას საშუალება მიეცემა, ტესტი იზოლაციის პირობებში დაამთავროს, შემდეგ გამოიკვლევა და თუ კოვიდ ინფექცია დადგინდა, შესაბამის სამკურნალო დაწესებულებაში იქნება გადაყვანილი, ხოლო მასთან შემხებლობაში მყოფი ყველა აბიტურიენტს და ზედამხედველს კარანტინში გადაიყვანენ და ლაბორატორიულად ... ...
  • ხობში მომხდარ ავტოსაზგაო შემთხვევას 16 წლის მოზარდი ემსხვერპლა ცოტა ხნის წინ, თბილისი-სენაკი-ლესელიძის საავტომობილო მაგისტრალზე, სოფელ ქვალონთან, ავტოსაგზაო შემთხვევას 16 წლის მოზარდი ემსხვერპლა. თვითმხილველების ინფორმაციით, „ტოიოტას“ მარკის ავტომობილი ფეხით მოსიარულე მოზარდს დაეჯახა. შსს-ს მომხდარ ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა ... ...
  • „ოჯახმა რამდენიმე წლის წინ ერთი გოგო დაკარგა, გუშინ კი 18 წლის ვაჟი“ _ ტრაგედია სენაკში სენაკში, სოფელ ნოქალაქევში მდინარე ტეხურაში გუშინ 18 წლის ბიჭი დაიხრჩო. როგორც „გურია ნიუსს“ ერთ-ერთი ადგილობრივი უყვება, მამაკაცს მდინარეში გული გაუსკდა. გარდაცვლილმა სკოლა წელს დაამთავრა. „ოჯახმა რამდენიმე წლის წინ ერთი გოგო დაკარგა, გუშინ კი 18 წლის ვაჟი. საშინელება ტრიალებს. მთელი სოფელი ტირის. ვიწვით ამ ოჯახის ტრაგედიით“, _ ამბობს ადგილობრივი მოქალაქე. შსს-მ მომხდარზე გამოძიება 115-ე მუხლით ... ...
  • "ბევრს ავიწყდება, რომ საქართველოს ტერიტორიების 20% უკვე 12 წელია ოკუპირებულია" 2020 წლის სექტემბერში ამერიკაში წინასაარჩევნო კამპანია პიკს მიაღწევს და ამ რეგიონის შესახებ გავრცელებულ ნებისმიერ ინფორმაციას ბევრი არადამაჯერებლად მიიჩნევს, ისევე როგორც ეს 2008 წლის აგვისტოში მოხდა, მაშინაც აშშ-ში საპრეზიდენტო კამპანია მიმდინარეობდა. არ მსურს ტერმინ „იდეალური შტორმის“ გამოყენება, მაგრამ არსებობს არაერთი იდეალური პირობა იმისთვის, რათა კრემლმა ჩათვალოს, რომ უკრაინის წინააღმდეგ ჩატარებულ იერიშზე დასავლეთი და აშშ სათანადო პასუხს ვერ გასცემენ, - ევროპაში ამერიკის შეიარაღებული ძალების ყოფილმა მთავარსარდალმა, გენერალმა ბენ ჰოჯესმა გამოცემა LB.ua-სთვის მიცემულ ინტერვიუში განაცხადა. „უკრაინის სამხრეთში, განსაკუთრებით ხერსონის ოლქში მიმდინარეობს მასშტაბური საინფორმაციო კამპანია, რომლის დროსაც პრორუსული ძალები ჰუმანიტარულ კრიზისზე საუბრობენ და ადგილობრივ მოსახლეობაში უკრაინის მთავრობისადმი უნდობლობის გაჩენას ცდილობენ. ამ კამპანიის კიდევ ერთი ნაწილია სამხედრო სწავლებები „კავკასია 2020“. ეს სწავლებები რუსეთმა შესაძლოა ყურადღების გადასატანად გამოიყენოს. სწავლებების დროს მათ დაქვემდებარებაში იქნება სამედიცინო ტრანსპორტი, მანევრირების შესაძლებლობები, შეიარაღებული ძალების მართვის ცენტრი. ამასთან ერთად, ევროპასა და აშშ-ს ამ დროს უკრაინისთვის არ ეცლება. 2020 წლის სექტემბერში ამერიკაში წინასაარჩევნო კამპანია პიკს მიაღწევს და ამ რეგიონის შესახებ გავრცელებულ ნებისმიერ ინფორმაციას ბევრი არადამაჯერებლად მიიჩნევს, ისევე როგორც ეს 2008 წლის აგვისტოში მოხდა, მაშინაც აშშ-ში საპრეზიდენტო კამპანია მიმდინარეობდა. არ მსურს ტერმინ „იდეალური შტორმის“ გამოყენება, მაგრამ არსებობს არაერთი იდეალური პირობა იმისთვის, რათა კრემლმა ჩათვალოს, რომ უკრაინის წინააღმდეგ ჩატარებულ იერიშზე დასავლეთი და აშშ სათანადო პასუხს ვერ გასცემენ“, - აცხადებს ამერიკელი გენერალი. მისივე თქმით, უკრაინამ უფრო აქტიურად უნდა იმუშავოს სადაზვერვო ინფორმაციის გაცვლაზე საქართველოსთან, რუმინეთთან, მოლდოვასა და სხვა მეზობელ ქვეყნებთან. „ბევრს აღარ ახსოვს, რომ საქართველოს ტერიტორიების 20% უკვე 12 წელია ოკუპირებულია. დნესტრისპირეთი ამ დრომდე რუსეთის სრული კონტროლის ქვეშაა. რაც არ უნდა მოიმოქმედოს რუსეთმა უკრაინის, მოლდოვისა ან რუმინეთის წინააღმდეგ, ამაში დნესტრისპირეთში განლაგებული სამხედრო ძალები იქნება გამოყენებული“, - აცხადებს ბენ ჰოჯესი. წყარო: ... ...
  • 3 ინფიცირებული და 4 გამოჯანმრთელებული _ კოვიდსიტუაცია საქართველოშისაქართველოში კორონავირუსით კიდევ 3 ადამიანი დაინფიცირდა, 4 კი გამოჯანმრთელდა. ინფორმაცია ამის შესახებ ვებგვერდზე სტოპცოვ.გე გამოქვეყნდა. საერთო ჯამში ქვეყანაში კორონავირუსი 946 ადამიანს დაუდასტურდა, აქედან 825 უკვე გამოჯანმრთელდა, 15 ადამიანი კი გარდაიცვალა. კარანტინის რეჟიმში 3310 ადამიანი რჩება, სტაციონარში მეთვალყურეობის ქვეშ კი - 203. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...