ნაღობილევი _ შალვა მახარაძის მოგონებიდან

ისტორია

ნაღობილევი _ შალვა მახარაძის მოგონებიდან

2019 აპრ 18 15:31:45

„სოფელი ნაღობილევი მდებარეობს ოზურგეთის რაიონის დასავლეთ მხარეს. მას აღმოსავლეთით ესაზღვრება სოფელი მერია, რომელთა შორის ჩამოედინება მდინარე ბოგილა. დასავლეთით ნაღობილევს ესაზღვრება სოფელი ნატანები, მათ შორის ჩამოედინება მდინარე ჭახვათა. სამხრეთით მისი საზღვარია ისევ მდინარე ბოგილა, ხოლო ჩრდილოეთით სოფელი თხინვალი. თხინვალს წინათ ერქვა ახალსაყდარი, ნაღობილევი სოფელ ახალსაყდარს გამოეყო 1930 წელს და ჩამოყალიბდა ცალკე ერთეულად.

სოფელ ნაღობილევის ჩრდილოეთი მხარე მაღლობზეა განლაგებული, ხოლო სამხრეთი დაბლობში. სოფლის შუაზე გადის სამანქანო გზა, რომელიც ოზურგეთს აერთებს ურეკთან.

როგორც აღვნიშნე, სოფელ ნაღობილევის აღმოსავლეთით, დასავლეთით და სამხრეთით ჩამოედინება მდინარეები ბოგილა და ჭახვათა. მდინარე ბოგილას უერთდება სოფელს შუა ჩამომდინარე ღელე სახელწოდებით შუაღელე. შუაღელეს უერთდება პატარა ღელეები კანჭიანა და მახარაძის ღელე. სოფელში ჩამოედინება და მდინარე ბოგილას უერთდება აგრეთვე არობელიძის ღელე. ნაღობილევშია აგრეთვე სხვა სამახსოვრო ადგილები, როგორიცაა: არობელიძის წყარო (საცივი), მახარაძის წყარო (საცივი), გობრონიძის ნასახალარი, ბაჯელიძეების ნასახლარი, ჭაყვათის პირი, ბოგილას პირი.

სოფელ ნაღობილევში იყო მრავალსაუკუნოვანი წიფლის ხე, რომელიც სიძლიერისა და დღეგრძელობის სიმბოლოს წარმოადგენდა, მაგრამ რამდენიმე წლის წინ ის მოჭრეს.

ნაღობილევში კომპაქტურად დასახლება დაიწყო XIX საუკუნის დასაწყისში. მამაჩემისა და ბიძისაგან ვიცი, რომ მათი ბაბუა დავით მახარაძე სოფელში ქვედა ბახვიდან ჩამოსახლდა XIX საუკუნის პირველ მეოთხედში. მათივე გადმოცემით იმ დროს სოფლის ახლანდელ ტერიტორიაზე მაღლობ ადგილებში ცხოვრობდა სამი თუ ოთხი ოჯახი.

1941 წლამდე, მეორე მსოფლიო ომამდე ნაღობილევში ცხოვრობდა 100 კომლამდე შემდეგი გვარის ოჯახები: არობელიძე, აროშიძე, ბაბილოძე, ბარამიძე, ბაქანიძე, ბაჯელიძე, გვიჩია, გობრონიძე, გოგატაძე, გოგიტიძე, გორდელაძე, გუჯაბიძე, დოლიძე, ვასაძე, ვაშაყმაძე, კეჭაყმაძე, კვერნაძე, კოიძე, კოსტავა, მახარაძე, მიმინოშვილი, მიქატაძე, მჟავია, მუჯირი, ნაცვალაძე, პინჩუკი, ჟღერია, სურგულაძე, ტურიკაშვილი, ქარჩავა, ქუტიძე, ღლონტი, ცინცაძე, ცერცვაძე, ჩხაიძე, ხინთიბიძე, ხურციძე...

ამჟამად სოფელი ნაღობილევი ცალკე ერთეულად გამოყოფილი არ არის, ის შედის სოფელ მერიის შემადგფენლობაში.

ჩვენს სოფელში დაწყებითი სკოლა გაიხსნა 1930 წელს, როცა ის გამოეყო სოფელ ახალსაყდარს.

მშობლებისაგან ვიცი, რომ ყოველ ქრისტიანულ დღესასწაულზე ისინი დადიოდნენ ახალსაყდრის ან გოგორეთის ეკლესიებში, რომელიც 30-იან წლებში დაანგრიეს.

1914-18 წლებში პირველ მსოფლიო ომში თურქეთის ფრონტზე იბრძოდნენ ძმები ალექსანდრე, კირილე, იოსებ და ტიმოთე მახარაძეები, ხოლო დასავლეთის (გერმანია, ავსტრია, უნგრეთი) ფრონტზე ერმილე კოიძე და სინო მახარაძე (მახარაძეების მეხუთე ძმა). ყველა მათგანი ომიდან ცოცხალი დაბრუნდა. სინო დაჭრილი იყო, ხოლო ერმილე კოიძემ რამდენიმე წელი ტყვეობაში გაატარა ავსტრიაში და ომის დამთავრების შემდეგ დაუბრუნდა ოჯახს. ტიმოთა მახარაძე ომიდან დაბრუნების შემდეგ 1918 წელს სრულიად ახალგაზრდა გარდაიცვალა.

პირველი მსოფლიო ომის მონაწილეს კირილე მახარაძეს (ბაბუაჩემი - ი.მ.) - ფელდფებელს, მეზარბაზნეს, ბატარეის მეთაურს მიღებული ჰქონდა გიორგის ოთხი ჯვარი... მან აგრეთვე აქტიური მონაწილეობა მიიღო 1918 წელს მდინარე ჩოლოქთან თურქების წინააღმდეგ ბრძოლაში. აქ ამოქმედდა ქვემეხი მისი მეთაურობით”.

ბაბუაჩემის, კირილე მახარაძის ჯვრით დაჯილდოების ერთ- ერთი ბრძანებაში წერია შემდეგი: старший фейрверкер 6-ой горной батареи 2-го горного дивизиона 39-ой артиллерийской бригады Махарадзе Кирилл Иванович в бою 26 июня 1916 г за высоту 2350 у Кюкертлинского перевала под сильным ружейным и артиллерийским огнем турок отыскал и указал наносившую нам урон неприятельскую батарею и тем дал возможность привести ее к молчанию. პირველი ჯვარი თურქეთის ფრონტზე თავად იმპერატორმა ნიკოლოზ მეორემ ჩამოჰკიდა.

ერთხელ თურმე ბათუმში ქუჩაში მიდიოდა და ტროტუარზე ვიღაც გენერალს შეეფეთა, რომელმაც დაუღრიალა Ты почему блядь честь не берешь კირილემ შინელი გადაწია და ოთხივე ჯვარი დაანახვა, გენერალმა თავად აუღო “ჩესტი” და გაატარა თურმე.




 ახალი ამბები
  • შშმ და მრავალშვილიან ვეტერანთა ოჯახებს პროდუქტები გადაეცათმიმდინარე წლის 7 აპრილს, ვეტერანების საქმეთა სახელმწიფო სამსახურის რეგიონული მართვის დეპარტამენტის შიდა ქართლის სამმართველოს წარმომადგენლებმა, შიდა ქართლის გუბერნატორის, გიორგი ხოჯევანიშვილის მხარდაჭერით, ადგილობრივ ომისა და თავდაცვის ძალების შშმ და მრავალშვილიანი ვეტერანების 50 ოჯახს საკვები პროდუქტები გადასცეს. COVID-19- ის პანდემიასთან დაკავშირებით, ჩვენს ქვეყანაში გამოცხადებული საგანგებო მდგომარეობის პირობებში, ვეტერანების საქმეთა სახელმწიფო სამსახური კვლავ გააგრძელებს უწყების ბენეფიციართათვის მთელი საქართველოს მასშტაბით დახმარების გაწევას. ვეტერანების საქმეთა სახელმწიფო სამსახური ვეტერანებს მიმართავს თხოვნით, გაითვალისწინონ ახალი კორონავირუსის გავრცელებისა და ეპიდემიის წინააღმდეგ მიმართული პრევენციული ღონისძიებების ფარგლებში, საქართველოს მთავრობის მიერ დადგენილი შეზღუდვები და უკიდურესი აუცილებლობის გარდა, მოერიდონ გარეთ გასვლას, საზოგადოებრივი თავშეყრის ადგილებს, რათა თავიდან ავირიდოთ, როგორც ჩვენი, ისე ჩვენს ირგვლივ მყოფ პირთა დასნებოვნება. გავუფრთხილდეთ ჩვენი და ერთმანეთის სიცოცხლეს! ... ...
  • გამყრელიძე: ეს თვე იქნება საკმაოდ რთული დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ვიდეო ბრიფინგი გამართა და კორონავირუსის გავრცელების პროგნოზზე ისაუბრა. როგორც გამყრელიძემ აღნიშნა, ქართველი სპეციალისტების პროგნოზი რეალობას გარკვეულად ემთხვევა. „მაგალითად, ჩვენ ვპროგნოზირებთ, რომ კვირის ბოლოს უნდა გვქონოდა 200 შემთხვევა. ანუ კვირა დღის ბოლოს გვქონდა 185, თუ არ ვცდები. ანუ რამოდენიმე ერთეულით შევცდით, მაგრამ ეს კარგია, რომ უფრო ნაკლები გვქონდა. ასევე ვპროგნოზირებთ, რომ ამ კვირის ბოლოს უნდა გვქონდეს სადღაც 350-დან 400-მდე. აი შემდგომი კვირები, და თქვენ კარგად გახსოვთ, რომ ჩვენს გამოსვლებში აღინიშნებოდა, რომ ეს თვე იქნება საკმაოდ რთული ჩვენთვის, მთლიანად აპრილი, და შემდეგ დაახლოებით ველოდებით, რომ შეიძლება იყოს გაორმაგება. ამიტომ, აპრილი - მაისის პირველი ორი კვირა იქნება რთული“, - განაცხადა გამყრელიძემ. ... ...
  • პატრიარქი: უნდა გვახსოვდეს, რომ ღმერთი მოწყალეა სრულიად საქართველოს კათოლიკოს-პატრიარქი, ილია მეორე მრევლს ხარების დღესასწაულს ულოცავს. „დღეს არის დიდი დღესასწაული - ხარებობა. გილოცავთ, სრულიად საქართველოს ვულოცავ ხარების დღესასწაულს, ვულოცავ უცხოეთში მცხოვრებ თანამემამულეებს, აფხაზეთის მოსახლეობას და სამაჩაბლოს მოსახლეობას. უფალმა ძალი ერსა თვისსა მოსცეს, უფალმან აკურთხოს ერი თვისი მშვიდობით. ძალა და მშვიდობა, როგორ სანატრელია ჩვენთვის. ჩვენ უნდა გვახსოვდეს, რომ ყველაფერი ღვთით არის, ღვთის ლოცვა-კურთხევით არის, უნდა ვიცოდეთ, რომ ძალა ღვთისა გამოვლინდება ყოველ ადამიანში, ყოველ ოჯახში, ყოველ სახელმწიფოში. ჩვენ უნდა ვიცოდეთ ისიც, რომ უღვთოდ არაფერი არ ხდება. ერთი მუშაკი მოსკოვის, კრემლის ეკითხება აკადემიკოს პავლოვს – ნუთუ თქვენ ასეთი დიდი მეცნიერი ბრძანდებით და მორწმუნე ხართო? პავლოვი იყო მღვდლის შვილი და მან უპასუხა – როცა ჩვენ ვსწავლობთ ადამიანის სისხლს, მორწმუნე კი არა წმინდანი შეიძლება, გახდეო. ეს უნდა გვახსოვდეს ჩვენ“, - განაცხადა პატრიარქმა. ილია მეორე აცხადებს, რომ რთული დრო გაივლის და ქვეყანაში მშვიდობა დაისადგურებს. „ჩვენ ვცხოვრობთ რთულ დროს, იმ დროს, როცა სხვადასხვა მოვლენები მოიცავს ადამიანებს, ჩვენ ხშირად ვერ ვაძლევთ პასუხს, რატომ ხდება ეს. ჩვენ უნდა გვახსოვდეს, რომ ყველაფერს ვერ ახსნის ადამიანი, მაგრამ ისიც უნდა გვახსოვდეს, რომ ღმერთი მოწყალეა და ყველაფერი ეს სიმძიმე გადაივლის და მშვიდობა დაისადგურებს. კიდევ ერთხელ ყველას გილოცავთ ამ დიდებულ დღესასწაულს. სიხარული მოგმადლოთ უფალმა. სიხარული არის შედეგი სიყვარულისა, ვისაც გააჩნია სიყვარული, იმას გააჩნია სიხარული. დალოცვილი იყავით, იხარეთ ორსავ სოფელსა შინა, ჩვენთან არს ღმერთი“, – განაცხადა პატრიარქმა. ... ...
  • ქუთაისში სწრაფი ჩარიცხვის აპარატი ურიკით მოიპარესკომენდანტის საათის დროს ქუთაისში სწრაფი ჩარიცხვის აპარატი ურიკით მოიპარეს. მომხდარის შესახებ ინფორმაციას „მთავარი არხი“ ავრცელებს. მაუწყებლის ცნობით, შემთხვევა ღამის 4 საათზე მოხდა. მაუწყებლის ინფორმაციით, დილით ობიექტზე მისულმა თანამშრომლებმა კამერის ჩანაწერები ნახეს, სადაც ჩანს, რომ რამდენიმე პირმა სწრაფი ჩარიცხვის აპარატი ურიკაზე დადო და რამდენიმე კილომეტრი ... ...
  • სოფელ ზოდში პოლიციის თანამშრომელი დააკავესდასავლეთ საქართველოს საოლქო პროკურატურის საგამოძიებო ნაწილისა და საქართველოს შინაგან საქმეთა სამინისტროს გენერალური ინსპექციის თანამშრომლებმა, სასამართლოს განჩინების საფუძველზე, სამსახურებრივი უფლებამოსილების ბოროტად გამოყენების ფაქტზე, პოლიციელი მ.ბ. დააკავეს. გამოძიებით დადგენილია, რომ საქართველოს შინაგან საქმეთა სამინისტროს ჭიათურის რაიონული სამმართველოს უბნის ინსპექტორ-გამომძიებელმა მ.ბ.-მ, ბოროტად გამოიყენა სამსახურებრივი უფლებამოსილება მის სამოქმედო ტერიტორიაზე, სოფელ ზოდში. მ.ბ.-ს ბრალდება საქართველოს სისხლის სამართლის კოდექსის 332-ე მუხლის პირველი ნაწილით, კანონით დადგენილ ვადებში წარედგინება, რაც სასჯელის სახედ და ზომად 3 წლამდე თავისუფლების აღკვეთას ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...