ნინო რამიშვილის ხელოვანისთვის დამახასიათებელი ქალური მომხიბვლელობა, სისადავე და ლაკონურობა

ისტორია

ნინო რამიშვილის ხელოვანისთვის დამახასიათებელი ქალური მომხიბვლელობა, სისადავე და ლაკონურობა

2017 მაი 16 13:39:36

"მე ყველაზე უფროსი ვიყავი, შემდეგ ჩემი და _ თამარი და ძმა _ ვახტანგი", თამარი კარგად ცეკვავდა და დახვეწილი ტექნიკა ჰქონდა, მაგრამ, როცა გათხოვდა, მთლიანად ოჯახს უძღვნა თავი".

დედასავით პატრონობდა თენგიზს, ქალბატონი ნინო თვლიდა, რომ მისი დახმარების გარეშე ძნელად თუ მოხერხდებოდა თავისი საქმის გაგრძელება. ძმა, ვახტანგიც სწავლობდა ცეკვას, მაგრამ ბოლოს მაინც ფეხბურთი აირჩია.

სამივე და-ძმას გამოყვა გურული სიმკვირცხლე და იუმორი. ნინოს განსაკუთრებულად უყვარდა მამისეული სოფელი სურები და ზაფხულობით ხშირად სტუმრობდა მას. შემდეგ კი, როდესაც ანსამბლი დააარსა, უკვე საკონცერტო პროგრამით წარსდგა ჩოხატაურელი მაყურებლის წინაშე.
აზერბაიჯანელებსა და სომხებს შორის შეტაკების შემდეგ ოჯახი თბილისში გადმოსახლდა. მამა შალვა რამიშვილი, მენშევიკი იყო. მას დროდადრო აპატიმრებდნენ და ასახელებდნენ. უკანასკნელად ომის დროს დააპატიმრეს. პროვოკატორმა არალეგალური ლიტერატურა შესთავაზა, შალვამ წიგნი არ გამოართვა, მაგრამ ბრალად ის დასდეს, რომ სათანადო ორგანოებს არ აუწყა მომხდარის შესახებ. კომის ასსრ-ში  გადაასახლეს და იქვე გარდაიცვალა. ოჯახს არც ნეშტი დარჩა, არც _ საფლავი.

"როდესაც ილიკოს მივყვებოდი, ყველა წინააღმდეგი იყო. ამბობდნენ, ვინ არის, მოცეკვავე, რად გინდაო... მამაჩემმა კი მითხრა: გინდა? გაყევი, არა  და, სახლი გაქვს უკან მოხვალო. ილიკოს ზურგდაკემსილი პერანგი ეცვა და მეც, ყველას  ჯიბრზე, ამ ზურგაკემსილს გავყევი".
ომის დროს ილიკომ სიმამრი საპყრობილეში ინახულა, ეს სახიფათო იყო. შვილები საკუთარი მშობლების მონახულებასაც ვერ ბედავდნენ.
 "საოცრად თბილი და მზრუნველი იყო ჩემიანების მიმართ  და ძალიან მსუბუქი _ ურთიერთობაში... ეს მართლაც დიდი სიყვარული იყო ერთმანეთის და საქმის მიმართ, სხვაგვარად ჩვენი ოჯახური ცხოვრება ძნელად შეიქმნებოდაო", _ ამბობდა ნინო.
როგორც ყველა დიდი მოცეკვავე, ილიკოც, მართალია, სულ რაღაც ერთი წელიწადი, მაგრამ მაინც სწავლობდა პერინის საბალეტო სტუდიაში. "ყველა ქართველმა მოცეკვავემ გაიარა მარია პერინის სკოლაში", _ იგონებდა ილიკო, _ "ეს სტუდია სამხატვრო აკადემიის ეზოსი მდებარეობდა და აქ მრავალი სახელოვანი ადამიანი აღიზარდა: ქართული ბალეტის ფუძემდებელი-ვახტანგ ჭაბუკიანი, უკრაინული ხალხური ცეკვის ანსამბლის დამაარსებელი- ვახტანგ ნადირაშვილი, ელენე ჩხიკვაძე, დიმიტრი ალექსიძე, ილია არბატოვი, მარია ბაუერი, სოლიკო ვირსალაძე, თამარ ჭაბუკიანი, ნინო რამიშვილი"...

"მე სულ ვცეკვავდი, სულ".., _ ამბობდა ნინო, _ "ეს ჩემში ადრეული ბავშობიდან იდო. დედა ხედავდა ამას და საბალეტო სტუდიაში მიმაბარა...  ჩემი და-ძმაც იქ სწავლობდა, დედას ეშინოდა, რომ ბავშვები უსაქმურობას არ მივჩვეოდით და უნდოდა დავესაქმებინეთ... ბავშვობაში, როდესაც პერინის სტუდიაში მივდიოდი, ხშირად სრული სერიოზულობით  მიფიქრია _ "ალბათ, რა მოსაწყენია ცხოვრება იმათთვის, ვინც არ ცეკვავს".

1937 წლამდე ნინო და ილიკო ოპერის თეატრში მუშაობდნენ და პარალელურად ესტრადაზე ცეკვავდნენ . ესეც ანსამბლის შექმნამდე იყო...

ილიკომ ნინოს ცალკე ნომრის გაკეთება შესთავაზა ცეკვა "მთიულურის" მოტივებზე. ორივენი ჩოხებში გამოწყობილი ცეკვავდნენ. ნინოს კლასიკური სკოლა ჰქონდა გავლილი და, როგორც თავად მიიჩნევდა, სწორედ ამიტომ შეძლო ადვილად აჰყოლოდა ილიკოს, რომლის "ილოური" ილეთები ფილიგრანული ტექნიკითა და სისწრაფით გამოირჩეოდა.
"ჩემდა გასაოცრად, ეს გურული გოგონა არ ჩამორჩა, _ წერდა ილიკო, _ის  ჩემს ილეთებს იმეორებდა, როცა სინქრონულ დუეტს ვასრულებდით, მაგრამ სოლოებს თავისი მანერით ცეკვავდა საოცრად დახვეწილად. როცა ნინო ბოხოხს მოიხდიდა და ტალღებად გადმოიშლებოდა თმები, აღტაცებული მაყურებელი ტაშით ანგრევდა დარბაზს".
1945 წელს ნინო  რამიშვილი თავის მეუღლესთან, ილიკო სუხიშვილთან ერთად ქმნის საქართველოს ხალხური ცეკვის სახელმწიფო ანსამბლს. მან ამ ანსამბლთან ერთად შემოიარა თითქმის მთელი მსოფლიო.
 ნინო რამიშვილს ჰქონდა ხელოვანისთვის დამახასიათებელი ქალური მომხიბვლელობა, სისადავე და ლაკონურობა. იგი ქალთა შორის ქართული ცეკვის ერთ-ერთი საუკეთესო შემსრულებელი იყო. მის მიერ შესრულებული ცეკვებია: "ქართული", "მუხამბაზი", "მთიულური", "სამაია" და მრავალი სხვა. მისი დადგმები გამოირჩევა გრაფიკული სიზუსტით, პლასტიკის სკულპტურული გამომხატველობით. საცეკვაო ფოლკლორს უხვად გამოყენებით.

1949 წელს მიენიჭა სტალინური პრემია, 1952 წელს საქართველოს სახალხო არტისტის წოდება, 1963 წელს _ სსრკ სახალხო არტისტისა , დაჯილდოებულია 3-ჯერ ლენინის ორდენით, რუმინეთის ოქროს ვარსკვლავის ორდენით, ახალგაზრდობისა და სტუდენტების მეოტხე ფესტივალზე მიღებული აქვს ოქროს მედალი და მსოფლიოს ლაურეატის წოდება. 1973 წელს ახალი ქორეოგრაფიული დადგმებისა და საკონცერტო  მოღვაწეობისათვის მიენიჭა შოთა რუსთაველის სახელობის სახელმწიფო პრემია.  1981 წელს მიენიჭა თბილისის საპატიო მოქალაქის წოდება. 1988 წელს სსრკ-ს სოციალური გმირის ოქროს ვარსკვლავით დაჯილდოვდა.
ნინო რამიშვილი გარდაიცვალა 2000 წლის  სექტემბერში. დაკრძალულია მწერალთა და საზოგადო მოღვაწეთა დიდუბის პანთეონში.
ასეთია მოკლე ბიოგრაფია ჩოხატაურელი ქვემოსურებელი (ახლანდელი დიდი ვანი) ნინო რამიშვილისა.

გავიხსენოთ ნინო რამიშვილის ცხოვრებიდან საინტერესო ეპიზოდები: 1937 წელს მოსკოვში დეკადაზე, რომელშიც მონაწილეობდნენ მაშინდელი კულტურისა და ხელოვნების მოღვაწეები საქართველოდან, როცა სტალინმა გაიგო,  რომ მოცეკვავე გვარად იყო რამიშვილი წარმოთქვა ყველასათვის ცნობილი ფრაზა სურებელი რამიშვილები მენშევიკები არიან და ყველა უნდა დაიხვრიტოს.
ანსამბლის წევრი და ვარსკვლავი,  ნინო რამიშვილის მუდმივი პარტნიორი ომარ მხეიძე იხსენებს: "ნინო რამიშვილის პარტნიორი ვიყავი  ცეკვებში "ჯეირანი", "მუხამბაზი", უზბეკურ ხალხური ცეკვა "ლიაზგინი" და ცეკვა ქალ-ვაჟთა მთიულური"
1971 წელს ჩოხატაურში ერთ-ერთ ბოლო კონცერტზე ნინო რამიშვილთან ერთად ომარ მხეიძემ შეასრულა ორი ცეკვა ჯეირანი და ქალ-ვაჟთა მთიულური. კონცერტის დამთავრების შემდეგ ნინო ომარ მხეიძეს ეუბნებოდა  _ ნახე, როგორ მიგიღეს გურულებმა, გულში ჩაგიხუტესო. 1955 წელს ქალაქ სოჭში ომარ მხეიძე ასრულებდა ილეთს მუხლებზე ტრიალს, რა დროსაც დაეჯახა ნინოს. ნინო სცენაზე წაიქცა.  მაშინდელია ფრაზა, რომელიც კონცერტის შემდეგ დარბაზში მყოფმა ილიკო სუხიშვილმა შეწუხებულ ნინოს ნათქვამზე _ როგორ წავიქეცი, ილიკო, უთხრა _ სამაგიეროდ, რა ლამაზად ადექიო.
დაგვაინტერესა ულამაზესი ცეკვის  ხორუმის შექმნის  ისტორიამ. ქორეოლოგებმა გვითხრეს რომ ცეკვა ხორუმი არის გურულ აჭარული ხალხური ცეკვების სინთეზი და ერთადერთი სუფთა გურული ადგილია სამი მოცეკვავე რომ სწრაფ ტრიალს აკეთებს  და ამ მონაკვეთს ქვია დელი  გურულები. როცა ომარ მხეიძე გურიიდან ჩადიოდა თბილისში, ნინო რამიშვილს უყვებოდა _ გურულების სწრაფ ლაპარაკს ვერ ვიგებ, მეცინება და გურულები აბდალას მეძახიანო.]

კიდევ ბევრი რამ შეიძლებოდა ნინო რამიშვილზე მოგვეყოლა, მაგრამ დღეს წერილს ამით დავასრულებ. ვამაყობ, რომ ქართული ეროვნული ბალეტის ერთ-ერთი შემქმნელი ილიკო სუხიშვილთან ერთად და ხერხემალი ქართული ეროვნული ბალეტისა, ნინო რამიშვილი ჩოხატაურელია, ამაყობდა თავისი გურულობით  და ამ ფაქტს ყოველთვის ხაზგასმით აღნიშნავდა.
მოამზადა ზურაბ სიხარულიძემ




 ახალი ამბები
  • საგანგებო მდგომარეობის რეჟიმის დარღვევის 125 ფაქტი გამოვლინდაბოლო 24 საათის განმავლობაში, საგანგებო მდგომარეობის რეჟიმის დარღვევის 125 ფაქტი გამოვლინდა. ამის შესახებ განცხადება შინაგან საქმეთა მინისტრის მოადგილე ვლადიმერ ბორცვაძემ ბრიფინგზე გააკეთა. "შინაგან საქმეთა სამინისტრო, ახალი კორონავირუსის გავრცელების თავიდან აცილების მიზნით განაგრძობს 24 - საათიან საგანგებო რეჟიმში მუშაობას საქართველოს პრეზიდენტის დეკრეტისა და მთავრობის დადგენილებით, საგანგებო მდგომარეობის ვადით, დაწესებულია სხვადასხვა შეზღუდვები, მათ შორის:• აიკრძალა საჯარო სივრცეში 10 პირზე მეტი ადამიანის შეკრება;• იმ ობიექტებში, რომელთა მუშაობაც არ შეჩერებულა, დადგინდა 2-მეტრიანი სოციალური დისტანციის დაცვის ვალდებულება;• მთელი ქვეყნის მასშტაბით შეჩერდა ავტობუსებითა და მიკროავტობუსებით მგზავრთა საქალაქთაშორისო გადაყვანა;• დაწესდა შეზღუდვები ეკონომიკურ საქმიანობაზე• აიკრძალა საკარანტინო ზონების თვითნებური დატოვება.შეზღუდვების დამრღვევი პირების გამოვლენის მიზნით პოლიცია 24 საათიან რეჟიმში მუშაობს და კორონავირუსის გავრცელების თავიდან აცილების მიზნით ოპერატიულად რეაგირებს სამართალდარღვევის თითოეულ ფაქტზე.შინაგნ საქმეთა სამინისტროს მიერ გატარებული მკაცრი მონიტორინგის შედეგად, ბოლო 24 საათის განმავლობაში, ქვეყნის მასშტაბით, საქართველოს ყველა რეგიონში, საგანგებო მდგომარეობის რეჟიმის დარღვევის 125 ფაქტი გამოვლინდა.96 მოქალაქე დაჯარიმდა საჯარო სივრცეში 10-ზე მეტი პირის შეკრების გამო.3 იურიდიული, ხოლო 8 ფიზიკური პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის ფაქტზე.მიკროავტობუსით მგზავრების საქალაქთაშორისო გადაყვანის ფაქტზე დაჯარიმდა 5 პირი.ხოლო, იზოლაციისა და კარანტინის წესების დარღვევაზე დაჯარიმდა 13 პირი.შინაგან საქმეთა სამინისტრო მოუწოდებს მოქალაქეებს, დაიცვან საგანგებო მდგომარეობით დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული ზომები.კიდევ ერთხელ შეგახსენებთ, რომ საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.განმეორებით საგანგებო მდგომარეობის რეჟიმის დარღვევა წარმოადგენს სისხლის სამართლის დანაშაულს და ითვალისწინებს 3 წლამდე ვადით თავისუფლების აღკვეთას",_ განაცხადა ... ...
  • მეუფე იოსები: “ნამდვილად ბოლო ჟამი დაიწყო და კურთხევას გაძლევთ, დათესეთ რამე"“არაფრით არ შეიძლება წირვა-ლოცვის შეწყვეტა. ეს იქნება კატასტროფა მსოფლიოსთვის. იესო ამბობს, როცა მსხვერპლშეწირვა შეწყდება, მაშინ კაცობრიობა დაამთავრებს თავის არსებობას. ღვინოს და პურს ვწირავთ ჩვენ ღმერთს,“ _ ამ სიტყვების მიმართა საკვირაო წირვაზე მრევლს, შემოქმედელმა მიტროპოლიტმა მეუფე იოსებმა. მისივე თქმით, ხალხის 2 პროცენტი ეზიარება, ალბათ, საქართველოში, არც კი იციან რა არის ზიარება. ეტყობა ღმერთმა იმიტომ მოავლინა ეს განსაცდელი, რომ ხალხი უზიარებელი არ დარჩეს. ვიღაცები გვეუბნებიან, რომ ჩვენც კათოლიკეებივით, ბაპტისტებივით და ა. შ. დავკეტოთ ეკლესია და წავიდეთ სახლში. “ეს რომ ვქნათ, კაცობრიობა დაასრულებს თავის არსებობას. პური და ღვინო არის ქრისტეს სხეული და როგორ უნდა დავიჯეროთ ჩვენ, რომ ქრისტეში ვირუსი შევა? არც ხატებთან და ჯვართან მთხვევით არ გადავა ვირუსი, მაგრამ სახელმწიფოს რეგულაციები უნდა შევასრულოთ. ზოგადად მე კი ვფიქრობ, რომ არაფერი დაგემართებათ თქვენ, მაგრამ ქრისტიანობა არის მორჩილება და უნდა დავუჯეროთ. პირიქით, ეხლა ეკლესიები უნდა გაიხსნას, რადგან ღმერთი განრისხებულია სამყაროზე და გული უნდა მოვულბოთ მას, რომ მოგვაშოროს ეს საშინელი სენი. გაძლევთ კურთხევას, რომ წირვაზე პირბადეებით მოხვიდეთ, ეს არ არის ცოდვა. ნამდვილად ბოლო ჟამი დაიწყო და კურთხევას გაძლევთ, ვისაც მიწები გაქვთ, დათესეთ რამე, რომ საკვები გქონდეთ. ეს ვირუსი ხელოვნურია და იმიტომ გაუშვეს, რომ ფულის ერთეული გაქრეს მსოფლიოში.“ - თქვა ქადაგების დროს მეუფე იოსებმა. ... ...
  • ოზურგეთში პოლიციის სამი ავტომობილი მეგაფონით ივლისოზურგეთის მუნიციპალიტეტის მერიის მიერ გავრცელებული ინფორმაციით, ცნობილი ხდება, რომ დღეიდან ოზურგეთის განაპირა ქუჩებზე და სოფლების მიმართულებით, ადგილობრივი ხელისუფლების თხოვნით პოლიციის სამი ავტომობილი, მეგაფონით ივლის და მოსახლეობას შინ დარჩენაზე გაფრთხილებას მისცემს. პოლიცია ასევე იმ წესებს შეახსენებს მოსახლეობას, რაც გარეთ გამოსულებმა უნდა ... ...
  • სამეგრელოში მანქანით გადაადგილება მკაცრად გაკონტროლდებასამეგრელოში საზოგადოებრივი ტრანსორტის გადაადგილება იზღუდება, ავტომობილებით გადაადგილებას კი პოლიცია გააკონტროლებს. ამის შესახებ პრემიერ-მინისტრის პრესსპიკერმა, ირაკლი ჩიქოვანმა რამდენიმე წუთის წინ გამართულ ბრიფინგზე განაცხადა. სამეგრელოს რეგიონის ტერიტორიაზე საზოგადოებრივი ტრანსორტის გადაადგილება იზღუდება. ეს არის ერთადერთი დამატება საგანგებო მდგომარეობის ფარგლებში უკვე მოქმედ შეზღუდვებზე, რომელიც მთელი ქვეყნის ტერიტორიაზე არის მოქმედი. დადგება დამატებითი ბლოკპოსტები რეგიონის მუნიციალიტეტების შესასვლელებში. რაც ნიშნავს, რომ გაძლიერებული საპოლიციო ძალები მკაცრად გააკონტროლებენ მანქანით გადაადგილებას. მანქანების გადაადგილების კონტროლში იგულისხმება სოციალური დისტანციის დაცვით გადაადგილება, ანუ ერთ ავტომობილში სამი პირის ყოფნაა დასაშვები ანუ მძღოლი და 2 პირი, რომლებიც უკან უნდა ისხდნენ. ამავდროულად პოლიცია განახორციელებს პატრულირებას მთელი რეგიონის მასშტაბით, რომ ეს წესი იყოს დაცული“,_ განაცხადა ჩიქოვანმა. ჩიქოვანმა ასევე აღნიშნა, რომ გაკონტროლდება სხვა წესების დაცვაც, რაც საგანგებო მდგომარეობის გამო იკრძალება. პრემიერის პრესსიკერმა ასევე აღნიშნა, რომ ეს არ არის სამეგრელოს რეგიონის კარანტინის ზონად გამოცხადება და არც კომენდატის საათის ... ...
  • მეუფე იაკობი: რეკომენდაციები უნდა გავითვალისწინოთმეუფე იაკობის განცხადებით, კორონავირუსთან საბრძოლველად დაწესებული რეკომენდაციები გასათვალისწინებელია, რომ  ჯანდაცვის სისტემამ გაართვას თავი გამოწვევას. „სახელმწიფო, რასაც იტყვის, ნებისმიერი ქრისტიანისთვის მისაღებია, მთავრობა ნებისმიერი მოქალაქის ჯანმრთელობასა და და უსაფრთხოებაზე ზრუნავს. ჩვენ რეკომენდაციები უნდა გავითვალისწინოთ, რათა ჯანდაცვის სისტემამ გაართვას თავი გამოწვევას. თუ აუცილებელი საჭიროება არ არის, დავრჩეთ სახლში. თუ არ დავიცავთ დადგენილ წესებს, ქვეყანა კარანტინის წინაშე აღმოჩნდება. მადლობა მთავრობას და იმ ადამიანებს, ვინც ამ პროცსებში მონაწილეობს“, - განაცხადა მეუფე იაკობმა ჟურნალისტებთან ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...