"ყველას თემურის სახელზე ანთებული სანთელი ეჭირა ხელში"

ისტორია

"ყველას თემურის სახელზე ანთებული სანთელი ეჭირა ხელში"

2017 აპრ 10 16:48:59

ამერიკაში, ტექსასის შტატში არსებულ იესო ქრისტეს სახელობის დედათა მონასტერში 11 მარტს საქართველოში დაწერილი წმ. შუშანიკის ხატი დააბრძანეს. წირვის შემდეგ კი პარაკლისი გადაიხადეს  ლანჩხუთელი თემურ ჯიბლაძის სახელზე, რომლის ხსოვნასაც უკავშირდება ამ ხატის დაწერის ისტორია.

თემურ ჯიბლაძის შვილი, ეკა ჯიბლაძე წლებია ამერიკაში, ტექსასის შტატში ცხოვრობს. იგი პროფესიით ექიმია და საქველმოქმედო კლინიკაში მუშაობს. პარალელურად, სადოქტოროს დაცვისთვის ემზადება და თვლის, რომ ეს მეტ შესაძლებლობას მისცემს, განახორციელოს კეთილი და მადლიანი პროექტები. ეკას მეუღლე, ქრის სედაკი კი ამერიკის ფედერალურ მთავრობაში საფინანსო სფეროს ექსპერტ-ანალიტიკოსად მუშაობს. წყვილს  ოთხი წლის ტყუპები _ ელენე და ნიკოლოზი ჰყავთ. მთელი ოჯახი მართლმადიდებელი ქრისტიანები არიან და ხშირადაც ესწრებიან წირვა-ლოცვებს იქაურ მართლმადიდებლურ ტაძარში.

"იესო ქრისტეს სახელობის დედათა მონასტერში, რომელიც ტექსასის შტატშია,  ამერიკაში სტუმრობისას, რამდენჯერმე  დედა და მამაც იმყოფებოდნენ. იქ  ერთი მორჩილი გავიცანით, რომელიც, როგორც შემდეგ გავიგე, მონაზვნად იმ დღეს აღკვეცეს, რომელ  დღესაც მამა გარდაიცვალა.

14 იანვარს მთელი ოჯახი ამ მონასტერში ვიყავით და გარდაცვლილი მამის, თემურ ჯიბლაძის სახელზე პარაკლისი შევუკვეთეთ. იღუმენია ბარბარემ მითხრა, რომ მორჩილს უკვე დედა შუშანიკი ჰქვია, თან სურვილიც გამანდო _ "ძალიან მინდა, საქართველოში შეძენილი წმ. შუშანიკის ხატი გვქონდეს ეკლესიაში. იქნებ ვებგვერდი იცი, რომ შევუკვეთო ან საეკლესიო მაღაზია ამერიკაში, სადაც შეიძლება ხატის ყიდვაო", _ იხსენებს ეკა ჯიბლაძე, რომლის თქმითაც, იღუმენიას სიტყვები მზის გამონათებასავით იყო მისთვის, რადგან მანამდე თავში გამუდმებით უტრიალებდა აზრი, რაღაც გაეკეთებინა მამის სამარადისო ხსოვნისთვის.

ეკა და მისი ოჯახი  მეგობრობს ქალაქ დალასის წმ. სერაფიმეს სახელობის მართმადიდებლური საკათედრო ტაძრის მოძღვართან, არქიმანდრიტ გერასიმესთან, რომელიც სამხრეთ ეპარქიის ადმინისტრატორია და სინოდის მიერ მომავალ მეუფედაა დასახელებული, რომელიც უკვე ოთხჯერ იყო ჩამოსული საქართველოში. ბოლოს მამა გერასიმე წინა წლის ოქტომბერში ლანჩხუთშიც იყო ჩამოსული, სამება-ჯიხეთის დედათა მონასტერში ავიდა და ჯიბლაძეების ოჯახშიც იყო  თემურის მოსანახულებლად. ეკას თქმით, არქიმანდრიტ გერასიმეს ძალიან უყვარს საქართველო და უსასრულოდ შეუძლია ისაუბროს, როგორი დიდებული ქვეყანაა იგი.

„როგორც კი იღუმენიამ სურვილი გამანდო, მაშინვე დავუკავშირდი  არქიმანდრიტ გერასიმეს და მე და ქრისმა კურთხევა ვთხოვეთ. მანაც დაგვლოცა. ზუსტად იმ დღეს მეგობარმა დამირეკა, რომ საქართველოში მიდიოდა და უკან 22 თებერვალს ბრუნდებოდა. ეს კიდევ ერთი ნიშანი იყო ჩემთვის, რომ ყველაფერი ღვთის ნებით ხდებოდა. 14 იანვრიდან 22 თებერვლის შუალედში უნდა მომესწრო ყველაფერი. მთელი ჩემი სამეგობრო ჩაერთო საქმეში, მაგრამ ხატი ვერსად ვიშოვეთ. ღვთის ნებით, ვიპოვეთ ხატმწერი, რომელიც დაგვპირდა, რომ 10 თებერვლამდე დაწერდა ხატს. ძალიან ვჩქარობდით,  რამდენიმე დღე კულტურის სამინისტროდან ნებართვის მიღებას სჭირდებოდა. თუმცა, უფლის წყალობით, ყველაფერი მოესწრო და ხატი ამერიკაში ჩამობრძანდა", _ ამბობს ეკა ჯიბლაძე.

მისივე თქმით, ხატი ამერიკაში წაბრძანებამდე დაბრძანებული იყო მეტეხის ტაძარში, წმინდა შუშანიკის საფლავზე, სადაც პარაკლისი გადაიხადეს. ხატმა, ასევე, მოილოცა წმ. აბო თბილელის და ასი ათასი მოწამის ეკლესიები. სიონის ტაძარი, წმინდა იოანე მანგლელის საფლავი. ბოლოს კი მამა ვიტალის (სიდორენკოს) საფლავი. ამ წმინდა ადგილებზე მოლოცვის შემდეგ, ხატი ჩაბრძანდა ლოს ანჟელესში, იქედან კი დალასში, წმ. სერაფიმეს სახელობის მართლმადიდებლურ საკათედრო ტაძარში, არქიმანდრიტმა გერასიმემ აკურთხა, რამდენიმე დღე იქ იყო დაბრძანებული ხატი. 

"აქ ყველამ გაიგო ხატის დაწერის  ისტორია.  11 მარტს კი ხატი მონასტერში თითონ მოძღვრებმა ააბრძანეს.  წირვის შემდეგ პარაკლისი გადაიხადეს თემურ ჯიბლაძის სახელზე. მოძღვარმა, ქადაგებაში ისაუბრა ხატის ისტორიის შესახებ და თქვა, რომ: „ეს ხატი არის სიმბოლო ჩვენი და ქართული მართლმადიდებლური ეკლესიის კავშირის და მეგობრობის.

საოცრად ემოციური იყო, როცა მლოცველებით სავსე მონასტერში, ყველას თემურის სახელზე ანთებული სანთელი ეჭირა ხელში. ბოლოს კი ხალხი მოდიოდა და ფოტოს იღებდა ხატთან", _ იხსენებს ეკა, რომელიც თვლის, რომ კიდევ ბევრი სიკეთე აქვს გასაკეთებელი მამის ხსოვნის უკვდავსაყოფად.




 ახალი ამბები
  • საქართველოს ბანკის მხარდაჭერით ბიზნესების ციფრული ადაპტაციის პროგრამა - Adapter ჩაეშვა28 მარტი, 2020 – საქართველოს ბანკის მხარდაჭერით ბიზნესების ციფრული ადაპტაციის პროგრამა - Adapter ჩაეშვა.  პროექტი მიზნად ისახავს ბიზნესების ხელშეწყობას, რათა მათ  გლობალურად შექმნილი მძიმე რეალობის მიუხედავად, წარმატებით მოახდინონ ადაპტაცია საქმიანობის წარმატებით გასაგრძელებლად. თანამედროვე ტექნოლოგიებისა და საჭირო რესურსების გაზიარებით Adapter ბიზნესებს დაეხმარება, გაერთიანებული რესურსებით, უსწრაფეს რეჟიმში მოახდინონ თავიანთი საქმიანობის გაციფრულება. ადაპტერი უზრუნველყოფს ისეთი სერვისების მიწოდებას, როგორიცაა: ონლაინ გაყიდვები; გაყიდვების და მარაგების მართვა; საბანკო სერვისები; დისტრიბუცია და ლოგისტიკა.  ადაპტერში ჩართვის შემდეგ, ბიზნესებს საგრძნობლად გაუმარტივდებათ ბიზნესპროცესები-  პროდუქტებისა თუ მომსახურებების გაციფრულება, ონლაინ სივრცეში განთავსება და მიწოდება, რაც მნიშვნელოვნად დაეხმარებათ მათ, არ შეაჩერონ ეკონომიკური საქმიანობა.  ბოლო დროს განვითარებულმა მოვლენებმა სამყარო რადიკალურად შეცვალა. საჭიროა მიდგომების სწრაფი ცვლილება და არსებულ რეალობაზე მორგება, რათა დისტანცირება ბიზნეს საქმიანობის შეფერხების ან  შეწყვეტის გამომწვევ მიზეზად არ იქცეს. „შესაძლებლობები უსაზღვროა! თანამედროვე ტექნოლოგიები კი იძლევა შესაძლებლობას, რომ ამ ყველაფერს გავუმკლავდეთ. მზად ვართ, სრულად გავაზიაროთ ჩვენს ხელთ არსებული ინფორმაცია, ცოდნა და ტექნოლოგიური გადაწყვეტები, რომლებიც ბიზნესს ადაპტაციაში დაეხმარება და ხელს შეუწყობს არა მხოლოდ დღეს, არამედ სამომავლო განვითარებაში.  მთავარია, გვჯეროდეს, რომ გამოსავალი არსებობს და  ამ გამოსავალს აუცილებლად ვიპოვით ერთობით! “ - განაცხადა საქართველოს ბანკის ინოვაციებისა და სტრატეგიული პროექტების ხელმძღვანელმა ანდრო რატიანმა.  ინფორმციისთვის, ბიზნესების ციფრული ადაპტაციის პროგრამაში უკვე ჩართულია:   Extra.ge - მულტივენდორული ციფრული პლატფორმა პროდუქტებისა და სერვისების გაყიდვისთვის, რომელიც სრულ ციფრულ დახმარებას გაუწევს ბიზნესებს პროდუქტებისა და მომსახურებების ციფრულად განთავსებაში, გაყიდვა/მიწოდებაში. Optimo - თანამედროვე ციფრული უზრუნველყოფა გაყიდვების, მარაგებისა და ოპერაციების აღრიცხვისთვის. ის  შესაძლებელს ხდის ბიზნესის მართვის და სრული კონტროლის წარმოება განხორციელდეს დისტანციურად, ნებისმიერი ადგილიდან. საქართველოს ბანკი - ბიზნესების ხელშეწყობისა და დახმარების მიზნით, Adapter-ის პარტნიორი ბიზნესებებისთვის სპეციალური პირობებია ხელმისაწვდომი, როგორც ციფრული საბანკო მომსახურებების, ასევე შეღავათიანი კრედიტების სახით.  დეტალურ ინფორმაციას შეგიძლიათ ეწვიოთ  ვებ გვერდს:  www.adapter.ge                                  ... ...
  • covid 19 _ "იმერეთში კვლავ სიმშვიდეა",,იმერეთში კვლავ სიმშვიდეა"- ამას ამბობს ,,გურია ნიუსთან" კომენტარში დაავადებათა კონტროლის იმერეთის ბიუროს ხელმძღვანელი. გოჩა გიორგიძის თქმით, ამ წუთებში წყალტუბოს სამხედრო სანატორიუმში თვითიზოლაციაში მყოფთა დამატებით კონტიგენტს იღებენ: ,,როგორც ცნობილია, იმერეთში სულ სამ მუნიციპალიტეტში გვაქვს მოწყობილი საკარანტინო სივრცეები: საირმეში, წყალტუბოსა და საჩხერეში. საირმეში 215 ადამიანი გვყავს კარანტინში, წყალტუბოს პლაზაში-88 პირი, საჩხერეში-45 მოქალაქე, რაც შეეხება წყალტუბოს სამხედრო სანატორიუმს, ამ წუთებში იქ ხდება დამატებითი კონტიგენტის, 25 ადამიანის მიღება, კიდევ ელოდებიან 23 პირს, ხოლო ძველი ნაკადიდან რჩება 8 ... ...
  • გურიის რეგიონში ინფრასტრუქტურული პროექტები შეუფერხებლად მიმდინარეობს (R)გურიის რეგიონში ინფრასტრუქტურული პროექტები შეუფერხებლად მიმდინარეობს. ხორციელდება გზების რეაბილიტაცია და სკოლების მშენებლობა. ოზურგეთის მუნიციპალიტეტის დაბა ნასაკირალში 600 მოსწავლეზე გათვლილი სკოლის მშენებლობა მიმდინარეობს. პროექტი, რომლის ღირებულებაც 7 022 440 ლარს შეადგენს, მუნიციპალური განვითარების ფონდიდან ფინანსდება. სოფელ ბოხვაურში 5 კმ -იანი გზის სრული რეაბილიტაცია ხორციელდება. იგება ასფალტი, სამუშაოების ღირებულება 596 996 ლარს შეადგენს, ფინასდება რეგიონებში გასახორციელებელი პროექტების ფონდიდან. სამუშაოების პროცესს გურიის სახელმწიფო რწმუნებული ზურაბ ნასარაია, პირველ მოადგილესთან აკაკი შენგელიასა და ოზურგეთის მერის მოადგილე ოსიკო თოთიბაძესთან ერთად გაეცნო. ... ...
  • გუთურსა და ერკეთში ახალი საჯარო სკოლების მშენებლობა მიმდინარეობს (R)ჩოხატაურის მუნიციპალიტეტის სოფლებში - გუთურში და ერკეთში ახალი საჯარო სკოლების მშენებლობა მიმდინარეობს. პროექტების ჯამური ღირებულება 4 მილიონ 63 000 ლარს შეადგენს. სამშენებლო სამუშაოებს, რომელსაც მუნიციპალური განვითარების ფონდი ახორციელებს, წლის ბოლოსთვის დასრულდება. ასევე, დაბა ჩოხატაურში მიმდინარეობს საზოგადოებრივი ცენტრის მშენებლობაც, რაც მნიშვნელოვანია დაბის მოსახლეობისთვის. ჩოხატაურში სამშენებლო სამუშაოების პროცესს გურიის სახელმწიფო რწმუნებული ზურაბ ნასარაია, ჩოხატაურის მერთან ირაკლი კუჭავასა და ადგილობრივი ხელისუფლების წარმომადგენლებთან ერთად გაეცნო. ... ...
  • "ქვეყანას არავის დახმარება არ სჭირდება" _ გიორგი გახარიას პასუხი სააკაშვილის შეთავაზებაზესაქართველოს პრემიერ-მინისტრ გიორგი გახარია მიხეილ სააკაშვილის იმ განცხადებას ეხმაურება, რომლითაც საქართველოს ყოფილი პრეზიდენტმა უცხოეთში მყოფი მოქალაქეების ჩამოსაყვანად მთავრობას დახმარება შესთავაზა.  პრემიერის თქმით, საქართველოს მოქალაქეების ჩამოყვანის პროცესი გრძელდება და ამაში ქვეყანას არავის დახმარება არ სჭირდება. „საქართველო იყო ერთ-ერთი ქვეყანა, რომელმაც პირველივე დღიდან ოფიციალურად განაცხადა, რომ საქართველოს ყველა მოქალაქეს შეუძლია, მიმართოს ქვეყნის საელჩოებს და ჩვენ მათ ორგანიზებულად ჩამოვიყვანთ. ეს პროცესი გრძელდება და ამაში ქვეყანას არავის დახმარება არ სჭირდება“, – განაცხადა გიორგი ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...