როდიდან დაიწყო იესო ქრისტეზე ფილმების შექმნა

ისტორია

როდიდან დაიწყო იესო ქრისტეზე ფილმების შექმნა

25 ივლ. 2017, 19:26:04

ამ რამოდენიმე წლის წინ აქტიურად მსჯელობდნენ დავით აღმაშენებლის ბიოგრაფიული ფილმის პროექტის თაობაზე. მე, როგორც კინორეჟისორს ეს იდეა თავიდანვე განუხორციელებულად მიმაჩნდა და დღემდე მიმაჩნია, რადგან ჩვენს პირობებში მსგავსი ფილმის გადაღება, თუ გვინდა რომ კარგი შედეგი მივიღოთ, კოპროდუქციის გარეშე წარმოუდგენელია.

მეორეც, მსგავს პროექტს რამდენიმე ასეული მილიონი დოლარი მაინც დასჭირდება; ამავე დროს საქართველოში არ მეგულება ადამიანი, რომელსაც შეეძლება მსგავსი სირთულის მაღალ ბიუჯეტიანი ბლოკბასტერის გადაღება, მაგრამ ახლა ამის შესახებ არ გვაქვს საუბარი. ყველაზე საინტერესო ამ (ჯერ არშემდგარი) პროექტის გარშემო ის იყო, რომ ადამიანები გამოდიოდნენ და მთელი სერიოზულობით აცხადებდნენ, რომ დავით აღმაშენებლის ეკრანზე განსახიერებამდე, მსახიობი კათალიკოს-პატრიარქმა აუცილებლად უნდა დალოცოსო...

უნებურად იესო ქრისტესა და სახარებაზე გადაღებული ფილმები გამახსენდა. ამ თემაზე უამრავი ფილმია შექმნილი და დღემდე ბევრმა მსახიობმა განასახიერა იესო, მათ შორისაა ამერიკელი უილემ დაფო, რომლის შესახებ სერჯიო ლეონემ განაცხადა, რომ მას ფსიქოფატი მკვლელის სახე აქვს. ამას ხელი არ შეუშლია მარტინ სქორსეზისთვის, რათა სწორედ ეს მსახიობი ამოერჩია ქრისტეს როლისთვის ფილმში ,,ქრისტეს უკანასკნელი ცდუნება” (1988).

ამ არჩევანისკენ მას უბიძგა დაფოს მიერ შესრულებულმა სერჟანტ ელისის როლმა (,,ოცეული”, რეჟ. ოლივერ სთოუნი, 1986), განსაკუთრებით კი მისი სიკვდილის სცენამ. უილემ დაფოს ჯვარცმული ქრისტესავით ხელებგაშლილი პოზა ახლა ნამდვილ კინოხატად და კლიშედ იქცა. ,,ქრისტეს უკანასკნელი ვნებანში” მსახიობმა რომის პაპის დალოცვის გარეშე და აგრეთვე იქამდე უამრავი არამზადის, მკვლელის და ბანდიტის განსახიერების შემდეგ შეძლო ბრწყინვალედ ეთამაშა მაცხოვარი ამ დღემდე საკამათო ფილმში.

სურათმა, რომელიც დაფუძნებულია ნიკოს კაზანდაკისის ამავე სახელწოდების რომანზე, ქრისტიანულ სამყაროში მძაფრი ემოციები გამოიწვია: ზოგიერთ ქვეყანაში ფილმის ჩვენება აკრძალეს, დაარბიეს კინოთეატრები, სეანსიდან გამოსული მაყურებელი ერთმანეთს ცხვირ-პირს უმტვრევდა. საინტერესოა, რომ უმრავლესობას, რომელიც პროტესტს გამოთქვამდა, ფილმის საერთოდ არ ენახა. (ამან ჩვენს კინოთეატრებში გამოსული ,,და ვინჩის კოდის" პრემიერა გამახსენა) ასეთი ,,რეკლამა” ფილმს წაადგა და მოგებამ 400 მილიონ დოლარზე მეტი შეადგინა.

მსახიობისთვის ქრისტეს როლი ერთ-ერთი ყველაზე მძიმე სათამაშოა, რადგან ყველას და ყველგან ჩამოყალიბებული აქვს სტერეოტიპი თუ როგორ გამოიყურება ქრისტე და აქედან გამომდინარე, მაყურებელი ეკრანზე საკუთარ წარმოსახვაში დახატულ ტიპაჟს ელოდება. თვითონ უილემ დაფო ამბობდა რომ მას არასოდეს უყვარდა ჩვეულებრივი როლები (ამიტომაც წამოვიდა თავის დროზე მილუოკის X თეატრიდან). მას უყვარს ,,როცა მის მიერ ნათამაშები როლები კითხვებს აჩენენ”. ამ კონკრეტულ შემთხვევაში კი ორთოდოქს ქრისტიანებს ფილმის შემქმნელების მიმართ არა მარტო კითხვები, არამედ აგრესიაც გაუჩნდათ: ფილმში იესო ჩვეულებრივი, უნებისყოფო და გაუბედავი ადამიანია, რომელმაც შეიტყო რომ ღმერთიცაა. მას ვერ გადაუწყვეტია რა არის მისი ხვედრი _ ღვთაებრივი მოწოდება თუ უბრალო ადამიანის ცხოვრებით ცხოვრება.

კინო ისტორიის მანძილზე სახარება არაერთხელ გადმოუტანიათ ეკრანზე (ჩვენში ყველაზე პოპულარული ფრანკო ძეფირელის ,,იესო ნაზარეთელი” იყო). ბევრი ნიჭიერი შემომქმედი გაურბოდა სახარების ბუკვალურ და დეტალურ ჩვენებას, ზოგიერთ დიდ რეჟისორს კი საერთოდ არ გასჩენიათ სურვილი სახარების ეკრანიზაციისა, მაგრამ უამისოდაც მშვენივრად ახერხებდა ქრისტიანული იდეალების ჩვენებას და დამკვიდრებას კინონაწარმოებებში. თუ გადახედავთ მსოფლიო კინოს ისტორიას თვალნათლივ დაინახავთ, რომ არის უამრავი სხვადასხვა თემატიკის ფილმი, რომელსაც ბიბლიურ სიუჟეტებთან არანაირი კავშირი არა აქვს, მაგრამ ის ღრმად რელიგიურია.

იესო ქრისტეზე ფილმების შექმნა კი კინოს ოფიციალური დაბადებიდან სამი წლის შემდეგ, ანუ 1898 წელს დაიწყო. კინოს მამებმა ლუი და ოგიუსტ ლუმიერებმა, რომლებიც ისეთ შანსს რომ იესო ქრისტე ,,ცოცხლად” ეჩვენებინათ, ხელიდან ვერ გაუშვებდნენ, რადგან ქარხნიდან გამოსული ადამიანებისა და რკინიგზის სადგურში მოსული მატარებლის ეკრანზე ჩვენება მაყურებელში უკვე არა იწვევდა წინანდებურად მძაფრ ემოციებს. და აი, 1898 წელს ჟორჟ ჰატომ და ლუი ლუმიერმა გადაიღეს ფილმი ,,ცხოვრება და ვნებანი იესო ქრისტესი”, რომელიც 13 სცენისაგან შედგებოდა და სულ დაახლეობით 7-8 წუთის ხანგრძლივობისა იყო (ანუ 250 მეტრი).

ეს უფრო ცოცხალ სურათებს წააგავდა, ვიდრე რაიმე სიუჟეტის მქონე ფილმს. ოპერატორებმა მხოლოდ თეატრალური სცენები გადაიღეს, რომელიც აბადაუბდად იყო ერთმანეთზე გადაბმული, ამიტომაც ამ ფილმმა ვერანაირი შთაბეჭდილება ვერ მოახდინა ევროპელ მაყურებელზე. სამაგიეროდ სურათით დაინტერესდნენ ამერიკელები, რომელთაც ფილმის ერთგვარი რიმეიქი გააკეთეს. ფილმში 700 მეტრი იყო, თითქმის სამჯერ უფრო მეტი ვიდრე ლიუმერისაში, რაც მთავარია, მას გამართული სიუჟეტი ჰქონდა და სურათმა XIX საუკუნის ახლად ფეხადგმული კინომრეწველობის ჯერობაზე კარგი შემოსავალი მოიტანა.

ამასთან ფილმის პროდიუსერმა მოახერხა და თითოეული ასლი 580 დოლარად გაყიდა. ეს ფილმი ნახა ,,პროფესიონალმა პლაგიატორმა”, როგორც მას ჟორჟ სადული უწოდებს, ზიგმუნდ ლუბინმა და სურათის საკუთარი ვერსია გააკეთა. ფილადელფიაში ფილმის გადაღებისას ქარმა ბეთლემის დეკორაციის კალთა მაღლა ასწია და უკან ფონზე ექვსსართულიანი სახლები გამოჩნდა, საიდანაც ცნობისმოყვარე ადამიანები იჭყიტებოდნენ. ლუბინმა ამ სცენის ახლიდან გადაღება საჭიროდაც კი არ ჩათვალა და მაყურებელი ქრისტეს ვნებებს თანამედროვე ფილადელფიის ფონზე ადევნებდა თვალს.

1902-05 წლებში ფრანგმა რეჟისორმა ფერდინანდ ზეკამ კომპანია Pathe-ში გადაიღო ,,ქრისტეს ვნებანის” მთელი ციკლი, რომელიც სიუჟეტურად ერთმანეთს უკავშირდებოდა. ყველაზე საინტერესო ის იყო, რომ ფილმი შავ-თეთრ ფირზე იყო გადაღებული, მაგრამ ყოველი კადრი (წამში კი 24 კადრია) ხელით იღებებოდა და ისე გადიოდა მსოფლიოს სხვადასხვა ქვეყნის ეკრანებზე.

ქრისტეს კანონიკური სახე კინემატოგრაფში ცნობილმა რეჟისორმა, ამერიკული კინოს ერთ-ერთმა ფუძემდებელმა, თავგადამკვდარმა რეაქციონერმა და ანტიკომუნისტმა სესილ ბი დემილმა დაამკვიდრა. 1927 წელს მან დადგა მუნჯი ფილმი ,,მეფეთ მეფე”, სადაც მთავარი როლი ჰენრი უორნერმა შეასრულა. დემილმა კონტრაქტი გააფორმა მთავარი როლის შემსრულებლებთან, რომელიც უკრძალავდა მათ ხუთი წლის განმავლობაში რაიმე სახის პროექტში მონაწილეობას, რომელიც შებღალავდა მათ ,,წმინდა” ეკრანულ იმიჯს. გადაღების პერიოდში კი მათ არ უნდა ეთამაშათ აზარტული თამაშები, არ უნდა ევლოთ ღამის კლუბებში და ა. შ. (ზუსტად ასევე აუკრძალა სქორსეზიმ მედიის წარმომადგენლებს შესვენებებზე გრიმწასმული უილემ დეფოს გადაღება, როცა ის სიგარეტს ეწეოდა).

ფილმს დიდი წარმატება ჰქონდა. სამი ათეული წლის განვლის შემდეგ, 1961 წელს ეკრანებზე გამოვიდა ამავე სახელწოდების სურათი (რეჟ. ნიკოლას რეი), სადაც ქრისტეს როლს ახლა დავიწყებული მსახიობი ჯეფრი ჰანთერი თამაშობდა. ეს პირველი ჰოლივუდური ნაწარმოები გახლდათ, სადაც ქრისტე ალაპარაკდა, იქამდე, ფილმებში იესო უბრალოდ მოიაზრებოდა ან კიდევ მას ზურგიდან აჩვენებდნენ, როგორც ეს ,,ბენ ჰურში” (რეჟ. უილიამ უაილერი, 1959) მოხდა. როგორც კრიტიკოსები აღნიშნავდნენ, ახალგაზრდების კერპი ჰანთერი უფრო თანამდროვე გმირს წააგავდა და პარალელს ატარებდნენ იმავე რეის მიერ გადაღებულ ,,უმიზეზო მეამბოხესთან” ჯეიმს დინით მთავარ როლში, ოღონდ ამ შემთხვევაში ქრისტეს ამბოხის მიზეზი ჰქონდაო. ფილმი შემქმნელებს ჯვარცმის ეპიზოდის გადაღება მეორედ მოუხდათ, რადგან წინასწარი ჩვენების დროს მაყურებელთა უმრავლესობას არ მოეწონა, რომ ქრისტეს ანუ ჰანთერს, თმიანი გულმკერდი ჰქონდა. ფილმი გაქირავებაში ჩავარდა, მაგრამ ამან ხელი არ შეუშალა რათა ოთხი წლის შემდეგ გადაეღოთ ,,ყველაზე ცნობილი ისტორია” (რეჟ. ჯორჯ სთივენსი), სადაც იესოს როლს მაქს ვონ სიდოვი ასრულებდა. ბრწყინვალე მსახიობებმა და რეჟისორმა ვერაფერი უშველეს ფილმს _ 60-იანებში ყველაფერი იცვლებოდა და მაყურებელს უკვე ნაკლებად აინტერესებდა ბიბლიური ისტორიების ნახვა ეკრანზე.

ერთ-ერთ პირველ მხატვრულ ფილმში, უფრო სწორად, 30 წამიანი კლიპში ,,შოტლანდიელების დედოფლის, მერის სიკვდილით დასჯა” (1895) ნაჩვენები იყო თუ როგორ კვეთენ თავს დედოფალს, უფრო სწორედ მანეკენს, მაგრამ იმდროინდელ მაყურებელზე ეს განუმეორებელ შთაბეჭდილებას ახდენდა. სიკვდილით დასჯა ხომ ერთ-ერთი ყველაზე პოპულარული ატრაქციონი იყო საუკუნეების მანძილზე (მათ შორის ცივილიზებულ და განათლებულ ევროპაში) და მსოფლიოს ზოგიერთ ქვეყანაში დღემდე რჩება. ასეთივე წარუშლელი ეფექტი მოახდინა ასი წლის შემდეგ გამოსულმა მელ გიბსონის უაღრესად პოპულარულმა ფილმმა ,,ქრისტეს ვნებანი”, სადაც აუდიტორია ლამის ორი საათის განმავლობაში თვალს ადევნებს ეკრანული ქრისტეს ნატურალისტურად დადგმულ წამება-ჯვარცმას.

მელ გიბსონი აცხადებდა, რომ იესოზე ფილმის გადაღების იდეა მას დიდი ხნის წინ მოუვიდა, ხოლო მის განხორციელებას მძიმე სულიერი დეპრესიის დროს შეუდგა, რამაც მისი სიტყვებით გადაარჩინა მძიმე ცოდვისაგან _ თვითმკვლელობისაგან.

ფილმში მსახიობები მხოლოდ ლათინურად და არამეულ ენებზე საუბრობენ. რეჟისორს სუბტიტრების გამოყენებაც კი არ სურდა, მაგრამ გამქირავებლების დაჟინებული თხოვნის შემდეგ დათანხმდა. გადაღებისას ქრისტეს როლის შემსრულებელს ჯეიმს ქავიზელს (რომელიც ქასთინგზე მისვლისას დარწმუნებული იყო რომ ფილმს სერფინგისტების შესახებ იღებდნენ) ორჯერ შემთხვევით ისე გადაუჭირეს მათრახი, რიომ მან ხელის მტევანი დაიზიანა, ერთხელ კი მას მეხი დაეცა, მაგრამ საბედნიეროდ არაფერი დაუშავდა. ფიზიკური ტანჯვა რომ განესახიერებინა მსახიობს თამაში არ დასჭირვებია: გრიმისაგან, რომელსაც ყოველ დღეს შვიდი საათის განმავლობაში უკეთებდნენ, მთელი ტანი წყლულით დაეფარა და მას დაძინება არ შეეძლო.

ჯვარი, რომელიც მას გოლგოთაზე მიჰქონდა არ ყოფილა ბუტაფორული, ის 70 კილოგრამს იწონიდა. გადაღება ზამთარში მიმდინარეობდა და ქავიზელი ისე იყინებოდა (მას კი მხოლოდ ლომის ტყავი ემოსა), რომ იძულებულნი იყვნენ მისი სახე გაეთბოთ, რათა მას ტუჩები ემოძრავებინა. ფილმის გამოსვლისთანავე სენსაციად იქცა. ყველა ბილეთი პრემიერამდე დიდი ხნით ადრე გაიყიდა.

ფილმის პრემიერის პირველივე დღეს კი ერთ 56 წლის ქალბატონს, როცა ჯვარცმის სცენას უყურებდა, გულის შეტევა მოუვიდა და საავადმყოფოში გარდაიცვალა. თვით ჯვარცმის სცენა იტალიის სამხრეთის ერთ ქალაქში იყო გადაღებული, სადაც 1964 წელს პიერ პაოლო პაზოლინი იღებდა ,,მათეს სახარებას”. ეს ფილმი ბევრი კრიტიკოსისა თუ კინომცოდნეს მიერ კრიტიკის ქარცეცხლში იყო გატარებული იესოს ცხოვრების მარქსისტულ-კათოლიკური მსოფლმხედველობის გამო, მას ,,კომუნისტურ მანიფესტსაც” კი უწოდებდნენ, რაც გასაკვირი არაა, რადგან რეჟისორი პაზოლინი კომუნისტი და ათეისტი იყო.

მან იესო რევოლუციონერად აქცია, მისი ქადაგებანი რევოლუციურ აგიტაციად, ხოლო ვინც მაცხოვრის დაიჯერა ხალხის მასებად, რომლებიც ბრძოლისთვის არიან მზად. მიუხედავად ყველაფრისა ფილმი იტალიაში დიდი პოპულარობით საარგებლობდა, დღემდე ის ინტელექტუალების ერთ-ერთ საყვარელ ნაწარმოებად რჩება, რაც მთავარია ფილმი ითვლება ბიბლიური ტექსტის ყველაზე ნაღდ ეკრანიზაციად, რაზეც რეჟისორმა განაცხადა, რომ ,,გამოსახულება ვერასოდეს მიაღწევს ტექსტის პოეტურ სიმაღლეებს”. იესოს როლი 19 წლის ესპანელმა სტუდენტმა ენრიკე ირაზოკიმ შეასრულა, ამბობენ, რომ პრემიერის შემდეგ ვატიკანმა მას პენსია დაუნიშნა, რათა მას არასოდეს ეთამაშა კინოში. არანაკლებ საინტერესო იყო ფილმის ეკლექტური საუნდტრეკი, სადაც ერთმანეთში იყო გადახლართული ბახი, მოცარტი, ბლუზი და ჯაზის ნიმუშებიც.

ჩემი აზრით, საუკეთესო საუნდტრეკი ეს 1973 წელს რეჟისორ ნორმან ჯუისონის მიერ გადაღებულ მიუზიკლში ,,იესო ქრისტე სუპერვარსკვლავი” (იმავე წელს ეკრანებზე გამოვიდა ამავე თემაზე შექმნილი მიუზიკლი Godspell და ქანთრის ვარსკვლავის ჯონი ქეშის Gospel Road: A Story of Jesus).

ფილმი დაფუძნებულია ენდრიუ ლოიდ უებერისა და თიმ რაისის ბრწყინვალე მიუზიკლზე, რომელშიც Deep Purple-ის ვოკალისტი იან გილანი მღეროდა. მიუზიკლის ჩანაწერები თავის დროზე მთელ თბილისში იყო მოდებული, მას რატომღაც ,,ჰიპ-ოპერას” უწოდებდნენ (სიტყვიდან ,,ჰიპები”). ნორმან ჯუისონმა ამ სურათით დაამტკიცა, რომ ფილმის შექმნა ნებისმიერ თემაზეა შესაძლებელი, თუ ის ნიჭიერად იქნება დადგმული. დღეს რომ პოლიტკორექტულ ამერიკაში ,,ისეო ქრისტე სუპერვარსკვლავი” გადაეღოთ ერთი რაიმე აუცილებლად შეიცვლებოდა: იუდას როლს არავითარ შემთხვევაში არ ათამაშებდნენ შავკანიანს.

სამაგიეროდ, ეკრანებზე გამოჩნდა შავკანიანი იესო ქრისტე (Son of Man, რეჟ. მარკ დორჰფორდ-მეი, 2006), მაცხოვარი პოპულარული მულტფილმის  Simpsons ერთ-ერთ სერიაშიც გამოჩნდა, უფრო მეტიც, საშინელებათა ფილმში Zombie Jesus (რეჟ. სთივ მილერი, 2007) ქრისტე უკვდავი ზომბია (!) ალბათ იესო ქრისტეს შესახებ ფილმების გადაღება არასოდეს შეწყდება, სანამ იარსებებს ქრისტიანობა, სანამ ადამიანს ექნება რწმენა და სანამ იარსებებს კინო. მაყურებელი კი ნებისმიერი ფორმაციის და პოლიტიკური რეჟიმის დროს მოწყურებულია სანახაობას.

ირაკლი მახარაძე




 ახალი ამბები
  • რა წესები უნდა დაიცვან ამომრჩევლებმა არჩევნების დღეს _ ცესკოს ეპიდემიოლოგიური პროტოკოლიცენტრალურმა საარჩევნო კომისიამ არჩევნებში ჩართულ მხარეებთან კონსულტაციების საფუძველზე შეიმუშავა და კენჭისყრის დღის ეპიდემიოლოგიური პროტოკოლი დადგენილებით მიიღო. ინფორმაციას ცესკო ავრცელებს. დოკუმენტი იმ სანიტარულ-ჰიგიენურ წესებს განსაზღვრავს, რომლის დაცვითაც ამომრჩევლებმა არჩევნებში მონაწილეობა უნდა მიიღონ და რომლის მიხედვითაც საუბნო საარჩევნო კომისიების წევრებმა და ჩართულმა მხარეებმა უნდა იმოქმედონ. პროტოკოლის თანახმად, კენჭისყრის შენობაში შესვლამდე, თერმოსკრინინგს გაივლიან როგორც საუბნო საარჩევნო კომისიების წევრები, ისე საარჩევნო უბანზე ყოფნის უფლების მქონე პირები; ისინი ხელებს დადგენილი წესით დაიმუშავებენ და გაიკეთებენ პირბადეს. საუბნო საარჩევნო კომისიის წევრები დამატებით უზრუნველყოფილი იქნებიან დამცავი ფარითა და ერთჯერადი ხელთათმანებით. კენჭისყრის შენობის შესასვლელებთან იქნება განთავსებული დეზობარიერი, ხელის დეზინფექციისთვის საჭირო ხსნარი და ინფორმაცია ვირუსის გავრცელების პრევენციული ღონისძიებების შესახებ. საარჩევნო ადმინისტრაცია უზრუნველყოფს ხშირად შეხებადი ზედაპირების სათანადო წესით დეზინფექციას და საარჩევნო უბნების შეძლებისდაგვარად ბუნებრივ ვენტილაციას. რაც შეეხება ამომრჩევლის მიერ კენჭისყრის შენობაში შესვლის წესებს: ამომრჩეველი არ გაივლის თერმოსკრინინგს, მაგრამ ვალდებულია, ეკეთოს პირბადე. იმ შემთხვევაში თუ მას არ ექნება პირბადე, ადმინისტრაცია უზრუნველყოფს აღნიშნულით. ამომრჩეველს უბანზე მისვლისას ორჯერ, მცირე დროით, მოუწევს პირბადის მოხსნა იდენტიფიცირებისა და კანონით განსაზღვრული პროცედურების შესასრულებლად. თუ ამომრჩეველი არ მოიხსნის პირბადეს, მასზე არ გაიცემა საარჩევნო ბიულეტენი/ბიულეტენები. ამომრჩეველი კენჭისყრის შენობაში უზრუნველყოფილი იქნება ინდივიდუალური მოხმარებისთვის განკუთვნილი კალმისტრით. ხმის მიცემის შემდეგ, ამომრჩეველმა კალმისტარი უნდა განათავსოს კალმისტრებისთვის განკუთვნილ სპეციალურ კონტეინერში და დროულად დატოვოს საარჩევნო უბანი. საარჩევნო ადმინისტრაციის ინფორმაციით, ფარული კენჭისყრის კაბინები ისე იქნება მოწყობილი, რომ მაქსიმალურად იყოს დაცული სანიტარულ-ჰიგიენური მოთხოვნები და ამასთან, არ დაირღვეს კენჭისყრის ფარულობის პრინციპი. „ცენტრალური საარჩევნო კომისიისთვის ამომრჩევლების და საარჩევნო პროცესის სხვა მონაწილეების ჯანმრთელობა უმთავრესი პრიორიტეტია. სწორედ ამიტომ, ცესკო-ს ინიციატივით სპეციალური სამუშაო ჯგუფი შეიქმნა, რომლის შემადგენლობაშიც შედიან როგორც საარჩევნო ადმინისტრაციის, ისე პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები. საარჩევნო ადმინისტრაცია მადლობას უხდის სამუშაო ჯგუფის წევრებს კონსტრუქციული მუშაობისთვის. ამასთან, სამუშაო ჯგუფი გააგრძელებს მუშაობას პანდემიასთან დაკავშირებული რისკჯგუფების არჩევნებში მონაწილეობასთან დაკავშირებით. ჩართულ მხარეებთან კონსულტაციების შედეგად შემუშავებული დოკუმენტის მიხედვით, რეგულირდება არჩევნების დღეს კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენების, საარჩევნო უბანზე უფლებამოსილი პირის სხვა პირით ჩანაცვლების წესები. დადგენილება კენჭისყრის დღეს კენჭისყრის შენობებში სანიტარულ-ჰიგიენური წესების შესახებ ყველასათვის ხელმისაწვდომია ცესკო-ს ვებგვერდზე. იმისათვის, რომ ამომრჩევლებს და არჩევნებში ჩართულ ყველა მხარეს დეტალურად მიაწოდოს ინფორმაცია, საარჩევნო ადმინისტრაცია დადგენილებით განსაზღვრული სანიტარულ-ჰიგიენური პროცედურების შესახებ, ფართომასშტაბიან საინფორმაციო კამპანიას გეგმავს. ცესკო აგრძელებს საქმიანობას პანდემიის პირობებში არჩევნების პროფესიულ დონეზე ორგანიზებისთვის და კენჭისყრის დღეს ყველასათვის უზრუნველყოფს თავისუფალ და ჯანმრთელობისთვის უსაფრთხო გარემოს“, – ნათქვამია ცესკო-ს მიერ გავრცელებულ ... ...
  • დიმიტრი ხუნდაძე „ნაციონალურ მოძრაობას“: ტყუილსაც აქვს საზღვარი, რისი თქმა შეიძლება და რისი არა"„პარლამენტში ამ ოპოზიციის ხელში ძალიან ბევრი შეუსაბამო და უზრდელური გამოთქმა ისმის, მაგრამ  ზოგიერთებისგან წიხლი საწყენი ნამდვილად არ არის. ჩვენ ვსაუბრობთ საქმეზე. არა მგონია,  მათ ან კოვიდ პანდემია აინტერესებდეთ, ან ქვეყნის ეკონომიკა, ან ადამიანის სიცოცხლე და ჯანმრთელობა. საზოგადოებაც ხედავს ამას ",  -განაცხადა  საპარლამენტო უმრავლესობის წარმომადგენელმა, დიმიტრი ხუნდაძემ პარლამენტის პლენარულ სხდომაზე, სადაც  დეპუტატები ეკონომიკისა და მდგრადი განვითარების მინისტრს, ნათია თურნავას უსმენენ.  მისი თქმით, დღეს მთელი მსოფლიო პანდემიის რეჟიმშია და უკლებლივ ყველა ქვეყანას აქვს ეკონომიკური ვარდნა.  „ვფიქრობ, ოპოზიციის წარმომადგენლები მთელ მსოფლიოსაც უგუნურებაში ადანაშაულებენ, თითქოს მთელი მსოფლიოსგან განსხვავებით, მხოლოდ ისინი არიან ჭკვიანები. მგონი, იშვიათ დაავადებასთან გვაქვს საქმე. კოვიდ 19-თან დაკავშირებით საქართველოს გამორჩეული შედეგის ერთ-ერთი განმსაზღველი არის ის, რომ ჩვენ საკარანტინო სიტუაცია ავამოქმედეთ. დადასტურებულ შემთხვევათა შორის 20%   დადგენილია სწორედ საკარანტინო სივრცეებში. ანუ წარმოიდგინეთ, ისინი რომ გარეთ, სოციუმში გამოსულიყვნენ, რამდენად დიდი იქნებოდა ვირუსის გავრცელების მაჩვენებელი!  კითხვა, თუ ახლა რატომ არ ვკეტავთ, როცა ინფიცირების უფრო მაღალი მაჩვენებელი გვაქს, შეიძლება მსმენელმა ლოგიკურად აღიქვას, მაგრამ შინაარსობრივად აბსოლუტურად მიუღებელია საკითხის ასე დასმა. საწყის ეტაპზე საფრთხეები იყო მეტი,  ვირუსის აგრესიულობის ხარისხი იყო უფრო მაღალი, სიკვდილიანობის მაჩვენებელიც იყო 7%. ზოგიერთ ქვეყანაში 15%-მდეც კი ადიოდა და თავიდან ინფორმაცია შესაძლო გართულებების თაობაზე  არ ჰქონდათ არც ეპიდემიოლოგებს, არც ჯანდაცვის სხვა სპეციალისტებს მთელ მსოფლიოში. ამიტომ რისკები იყო უფრო მაღალი და ჩვენ იმ პერიოდში ნაკლებად ვიცოდით, როდის როგორ უნდა მოვქცეულიყავით. ამიტომ თავიდან მივიღეთ გადაწყვეტილება და დაბალი ინფიცირების შემთხვევაშიც კი შემოვიღეთ უფრო მკაცრი რეგულაციები და სრულიად გონივრილად ჩავკეტეთ იქ, სადაც ჩასაკეტი იყო. ჩვენ ასევე მოვიგეთ დრო, რომელიც ასეთ დროს ძალიან ძვირფასია. ჩვენ ვნახეთ, რომ ქვეყნებში, სადაც  ჯანდაცვის სექტორი გაცილებით მძლავრი იყო , ვიდრე საქართველოს ჯანდაცვა და უფრო მეტი გამოცდილება და ფინანსური რესურსი ჰქონდათ, შეიქმნა უმძიმესი მდგომარეობა. ექიმებს უწევდათ ძალიან მძიმე გადაწყვეტილებების მიღება, გართულებული პაციენტებიდან ვინ დაეერთებინათ აპარატზე და ვინ არა.  ჩვენ დღეს მზად ვართ. თუ მანამდე 5 კლინიკა იყო ჩართული კოვიდთან ბრძოლაში, დღეს უკვე 2 ათეულზე მეტი კლინიკაა ჩართული, და კლინიკების 80% სრულ მზადყოფნაშია, საჭიროების შემთხვევაში, მიიღოს პაციენტები. ბატონმა ზურაბ ჭიაბერაშვილმა გვისაყვედურა, რომ კერძო სექტორია ჩართული და ვავალდებულებთ მიიღონ ამ სისტემაში მონაწილეობა. სწორედ „ნაციონალური მოძრაობის" დროს იყო კლინიკების უმეტესი ნაწილი გასხვისებული და სწორედ ამიტომ გვაქვს ეს მოცემულობა და ამ მოცემულობაში მოვხვდით, მაგრამ მთავარი მიზნით, რომ დავიცვათ ჩვენი მოსახლეობის ჯანმრთელობა.  ტყუილსაც აქვს საზღვარი, რისი თქმა  შეიძლება და რისი არა. მათ ტყულით დაიწყეს და ტყუილით ასრულებენ. ნაციონალური მოძრაობის ფსიქოემოციური აშლილობის ტოლფასი   ნერვიულობა განპირობებულია იმით, რომ მათი დრო იწურება. ტყუილია ის, რომ ქვეყანაში სიცოხლის ხანგრძლიობა შემცირდა. კი, მათი პოლიტიკური სიცოცხლის ხანგრძლიობა შემცირდა და 1 თვეს და რამდენიმე დღეს ითვლის, მაგრამ ქვეყანაში ადამიანების სიცოხლის ხანგრძლიობა არის გაზრდილი, არათუ 15 წლით შემცირებული. ეს არის ტყული, რომელსაც არავითარი რეალური საფუძველი არ გააჩნია.  შემდეგი ტყუილია ის, რომ ქვეყანაში შიმშილით იღუპებიან ბავშვები და 60-70% სიღარიბის ზღვარს ქვევითაა. რა თქმა უნდა, სოციალური ფონი არის ის, რაც არის და ეს სოციალური გაჭირვება არ დაწყებულა გუშინ და გუშინწინ, მაგრამ 2012 წელთან შედარებით, სიღარიბე არის შემცირებული. ბატონი რომან გოცირიძე 2015 წელს ადარებს სიღარიბის მაჩვენებელს დღევანდელს და არა 2012 წელს, როცა ისინი იყვნენ ხელისუფლებაში. რა თქმა უნდა, სიღარიბე დღესაც პრობლემაა, მარამ სიღარიბის და შიმშილის გამო დღეს ქვეყანაში არცერთი ბავშვი არ იღუპება. არასრულფასოვან კვებასთან ჩვენც გვაქვს საქმე ისევე , როგორც მსოფლიოს - მოქალაქეების 55% არასრულფასოვნად იკვებება, მაგრამ  სრული პასუხისმგებლობით ვაცხადებ, რომ დღეს საქართველოში ბავშვები შიმშილით არ იღუებიან.  მორიგი გაუგონარი ტყუილი, რომ ჯანდაცვის სერვისები დღეს ხელმიუწვდომელია ჩვენს ქვეყანაში. როცა ქვეყანაში საყოველთაო ჯანდაცვის პროგრამა არსებობს და  გვახსოვს დრო, როცა ადამიანები ქუჩაში უფულობის გამო იღუპებოდნენ. დღეს ეს ასე არ ხდება. დღეის მონაცემებით, 8 მლნ სამედიცინო შემთხვევაა დაფინანსებული სახელმწიფოს მხრიდან და  საერთო დანახარჯი 7 მლრდ ლარამდეა. ეს ის თანხებია, რისთვისაც მოქალაქეები საკუთარი ქონებით მიადგებოდნენ ხოლმე ბანკებს ჯანმრთელობის პრობლემების გამო და შემდეგ ძალიან ხშირად ქუჩაში რჩებოდნენ.  ჩვენ ვდგავართ მასშტაბური გამოწვევის წინაშე, რომელიც მსოფლიოშია შეფასებული პანდემიად. პანდემია არ არის ლოკალური, რომელსაც ქმნის ადგილობრივი მთავრობა ან მხოლოდ ადგილობრივი მთავრობები ახერხებენ საკუთარ ქვეყანაში გამკლავებას.  ხშირად გვსაყვედურობენ, რატომ ვაფასებთ საერთო ეპიდომიოლოგიურ ვითარებას და  მხოლოდ საკუთარზე არ ვსაუბრობთ. ამას სჭირდება ელემენტარული ცოდნა თუ ეპიდემიოლოგიის მიმართულებით არა, ჯანმრთელობის დაცვის დარგში მაინც. როცა პანდემიასთან გვაქვს საქმე, საერთო შეფასება უნდა მოხდეს და არა ისე ვისპეკულიროთ, როგორც  ოპონენტები აკეთებენ ამას.  ჩვენ გვაქვს რამდენიმე მიზანი: დავიცვათ ჩვენი მოქალაქეების  ჯანმრთელობა იმ ფონზე, როცა ეპიდემიოლოგთა უმრავლესობა ვარაუდობს, რომ შესაძლოა იყოს მეორე ტალღა, რომელიც იქნება უფრო მეტი ზიანის მომტანი და, რა თქმა უნდა, ამისთვის საჭიროა უფრო მეტი მზაობა. რა თქმა უნდა, ეკონომიკაშიც უნდა გატარდეს პრევენციული ღონისძიებები, რომ რაც შეიძლება  სწრაფად დავუბრუნდეთ სასტარტო მდგომარეობას და არ მივიღოთ შეუქცევადი პროცესები. ასევე მისახედია დღევანდელი პოლიტიკური რეალობა, რომ ჩვენ გვაქვს არჩევნები ჩასატარებელი. ჩვენს ოპონენტებს, როგორც ვხედავთ, ეშინიათ არჩევნების, ეშინიათ კოვიდთან ბრძოლის პოზიტიური  შედეგის და ამიტომ სრულიად ლოგიკურად არიან პანიკაში. როგორც ჩანს , მათ სურთ არჩევნების გადადება, მაგრამ ეს არ მოხდება, რადგან ჩვენ ყველაფერს გავაკეთებთ იმისათვის, რომ დავიცვათ მოქალაქეების ჯანმრთელობა, არ გავხადოთ შეუქცევადი ეკონომიკური პროცესები და პოლიტიკური პროცესიც იყოს ჯანსაღი.  1 თვე დაგვრჩა და საზოგადიოებას ვთხოვ, ავიტანოთ ჩვენი ოპონენტების ასეთი უმსგავსო საქციელი.  მაგრამ ჩვენი პასუხისმგებლობაა და თქვენიც, საზოგადოების თითოეული წევრის, რომ ასეთი გამოხდომები, ასეთი აცდენილი მსჯელობა და უზრდელობა პარლამენტში უნდა დაასრულოთ.  რადიკალური ოპოზიციის  სტანდარტი არის უზრდელობა და საზოგადოებისთვის საზიანო ქმედება, რაშიც საკუთარ პოლიტიკურ მომავალს ხედავენ.  ეს მომავალი არ იქნება! - განაცხადა დიმიტრი ხუნდაძემ.​ ... ...
  • „​ნაეკი“​ მაძიებელ მასწავლებლებს პასუხობს, შეძლებენ თუ არა შემოდგომის გამოცდაზე გასვლასმაძიებელ პედაგოგებს შემოდგომის გამოცდაზე გასვლის საშუალება არ მიეცემათ. აღნიშნულის შესახებ შეფასებისა და გამოცდების ეროვნული ცენტრის მიერ ერთ-ერთი მაძიებლისთვის მიწერილი ოფიციალური წერილიდან ირკვევა. საჯაროდ გამოქვეყნებულ წერილში აღნიშნულია, რომ შემოდგომაზე გამოცდა მხოლოდ პრაქტიკოსებისთვის ჩატარდება.   მაძიებელმა მასწავლებლებმა ცოტა ხნის წინ პეტიცია შეადგინეს მოთხოვნით, მასწავლებელთა გამოცდაზე, რომელიც შემოდგომაზე პრაქტიკოსის სტატუსის მქონე პედაგოგებისთვის ჩატარდება, დაშვებულიყვნენ. მაძიებლებმა მასწავლებლებმა ხელმოწერების შეგროვების შემდეგ კიდევ ერთხელ მიმართეს შეფასებისა და გამოცდების ეროვნულ ცენტრს აღნიშნული თხოვნით, რაზეც „ნაეკმა“ პასუხი ოფიციალური წერილით დაუბრუნა.  როგორც ნაეკი მაძიებელ მასწავლებლებს პასუხობს, ამ ეტაპზე, მათი საშემოდგომო გამოცდაზე დაშვება არ იგეგმება._ ამ ეტაპზე, როგორც თქვენთვის ცნობილია, დასრულებულია 2020 წლის და აპელაციის შემდგომი საბოლოო შედეგები ასახულია აპლიკანტთა გვერდზე, _ წერია ... ...
  • არჩილ თალაკვაძე: ჩვენ პირველ რიგში, ვესაუბრებით ჩვენს საზოგადოებას და ნაკლები დრო გვაქვს ოპოზიციასთან კინკლაობისთვის„დღეს ჩვენ მოვისმინეთ როგორ მუშაობს მთავრობა და ეკონომიკის სამინისტრო. ასევე, ცხადია კოვიდ პანდემიის მართვის პერიოდში არცერთი მნიშვნელოვანი გადაწყვეტილება პარლამენტის მონაწილეობის გარეშე არ ყოფილა მიღებული,  ზუსტად ვიცით, რა იყო საჭირო, გავაკეთეთ სწრაფი  რეაგირება და მივიღეთ სწორი გადაწყვეტილებები, როგორც კი პანდემია დაიწყო",- ამის შესახებ პარლამენტის თავმჯდომარემ პლენარულ სხდომაზე განაცხადა, სადაც  ინტერპელაციის წესით, ეკონომიკის მინისტრ ნათია თურნავას მოუსმინეს. არჩილ თალაკვაძემ  მინისტრს პროცედურაში მონაწილეობისთვის მადლობა გადაუხადა და პარლამენტის საზედამხედველო ფუნქციებზე გაამახვილა ყურადღება. მისი თქმით, საზოგადოებამ იცის, რა იყო პირველი პასუხი კოვიდ პანდემიასთან დაკავშირებული კრიზისის დაწყებისთანავე. „ პირველ რიგში ზრუნვა ადამიანების ჯანმრთელობაზე, მის უსაფრთხოებაზე, შემდეგ იყო პირველი ანტიკრიზისული სოციალური დახმარებები, სადაც საზოგადოების ყველა იმ ჯგუფს, შესაძლებლობების ფარგლებში მაქსიმალურად დავეხმარეთ, რომელთაც ყველაზე მეტად სჭირდებოდათ სახელმწიფოს დახმარება. რასაკვირველია, პანდემიით გამოწვეული კრიზისი გრძელდება მთელ მსოფლიოში და საქართველოც არ არის გამონაკლისი, ამიტომ, კარგია, რომ დღეს ეკონომიკის მინისტრი მობრძანდა პარლამენტში, რეგლამენტის და კანონის სრული დაცვით და მოგვახსენა იმის შესახებ, თუ რას აკეთებს მთავრობა ეკონომიკის მიმართულებით",- განაცხადა არჩილ თალაკვაძემ. პარლამენტის თავმჯდომარემ ხაზგასმით აღნიშნა, რომ ჯანმრთელობის და უსაფრთხოების დაცვის შემდეგ, მმართველი გუნდისთვის უმნიშნელოვანესი ამოცანა ქვეყნის ეკონომიკის სტაბილიზაცია და მისი აღდგენაა. „ჩვენ კარგად გვესმის, რომ არაერთი ადამიანი ამ მომენტში პირისპირ რჩება ბევრ სოციალურ პრობლემასთან, არაერთმა დაკარგა სამსახური და შემოსავალი, კარგად გვესმის, რომ ეკონომიკური ფონი მთელ მსოფლიოში, მათ შორის, საქართველოშიც უარესდება და კარგად გვესმის, რომ ეს არ იქნება ადვილი ამოცანა, რომ ჩვენ დროულად დავაბრუნოთ ჩვენი ეკონომიკა იმ რელსებზე და განვითარების იმ ტემპებში, როგორიც გვქონდა. მართალია ეს იქნება რთული, მაგრამ შესაძლებელი ამოცანა, ჩვენ ამას შევძლებთ ჩვენს საზოგადოებასთან ერთად! რასაკვირველია, პარლამენტი იქნება განუყოფელი ნაწილი იმ მნიშვნელოვანი გადაწყვეტილებების და პროცესის, რასაც ჰქვია პასუხისმგებლობა ქვეყნის მართვაზე, პასუხისმგებლობა კრიზისის მართვაზე, ჩვენ პირველ რიგში, ვესაუბრებით ჩვენს თანამოქალაქეებს, ჩვენს საზოგადოებას და ამ წუთას ნაკლები დრო გვაქვს ოპოზიციასთან კინკლაობისთვის, თუმცა, როგორც ხედავთ, მათ კინკლაობაც ვერ შეძლეს და დარბაზი დატოვეს დროზე ადრე",- განაცხადა არჩილ თალაკვაძემ.​ ... ...
  • აქ.ახლა, აღმოაჩინე "საქართველო - მუზეუმი" (R)თიბისიმ, საქართველოს ეროვნულ მუზეუმთან თანამშრომლობის ფარგლებში, ანიმაციური ვიდეორგოლი - „საქართველო - მუზეუმი" შექმნა. ანიმაციისთვის სცენარი მწერალმა - აკა მორჩილაძემ დაწერა. პროექტზე სტუდია „ანიმატორმა" იმუშავა, სამხატვრო მიმართულება ტჰეცრუხ.ტვ-ს ეკუთვნის. სპეციალურად ვიდეორგოლისთვის დაიწერა საუნდტრეკი, რომლის მუსიკა NIMIთ_თA-მ, ტექსტი კი ერეკლე დეისაძემ შექმნა. ანიმაციაში ასევე გამოყენებულია Kayakata-ს Sisona Darchia [TBA Rework].  ანიმაციის მიზანი მუზეუმის საცავებში დაცული კულტურული მემკვიდრეობის საზოგადოებაში პოპულარიზაცია და ახალი თაობისთვის მისი თანამედროვე და ინოვაციური გზით გაცნობაა. „საქართველო - მუზეუმი" მთავარი მოქმედი გმირის - ნიკოს და მასთან ერთად მაყურებლის საქართველოს წარსულში მოგზაურობაა. ანიმაცია სამუზეუმო ექსპონატების დახმარებით გვიამბობს საიდან დაიწყო და როგორ განვითარდა ჩვენი ერის ისტორია დასაბამიდან დღემდე. მართალია, ანიმაციის მთავარი გმირი წარმოსახვით მოგზაურობაშია, თუმცა ის ექსპონატები, რომელსაც ის აღმოაჩენს და შემდეგ მათთან ერთად ახალ გზებზე მიდის, აქ და ახლა, ჩვენთან სულ ახლოს, საქართველოს ეროვნული მუზეუმის კოლექციებშია დაცული. ზეზვა და მზია, მცირე ზოლებიანი ვეშაპის ჩონჩხი, შესაბნევები ცხენის გამოსახულებით, დიადემა და სასაფეთქლეები, არწივის ფიგურა, დავით აღმაშენებლის საწინამძღვრო ჯვარი, თამარ მეფის სანაწილე გულსაკიდი ჯვარი, თრიალეთის თასი, დავით კაკაბაძის იმერული „პეიზაჟი", ფიროსმანის „გოგონა ბუშტით", საქართველოს სახელმწიფოებრივი დამოუკიდებლობის აღდგენის აქტის ასლი და სხვა - ანიმაციაში გამოყენებული ამ არტეფაქტებისა თუ ექსპონატების აღმოჩენა, საქართველოს ეროვნული მუზეუმის კოლექციებშია შესაძლებელი. „ანიმაცია თავისთავად რაღაც ხალისს გულისხმობს. სისწრაფესაც, მოქნილობასაც. დროც ცოტა აქვს. ცოტა თამაშსაც უნდა ჰგავდეს. ამიტომ, ვიფიქრე, რომ ამბის სწრაფად და ხალისიანად მოსაყოლად კომპიუტერული თამაში გამოდგებოდა - იპოვი ნივთს და ახალი კარი გაიღება. რაღაცით, ჩვენი ისტორიაც ასეა: ყველა ეპოქას თავისი გასაღები აქვს. საინტერესო საფიქრალი იყო. ჩვენი თავგადასავალი მართლაც დიდია და რამდენიმე წუთში ანიმაციური სისხარტით მისი გადმოცემა თუ გამოვიდა, ხომ კარგი", - მწერალი, აკა მორჩილაძე. ანიმაცია - საქართველო - მუზეუმი" თიბისის კორპორაციული სოციალური პასუხისმგებლობის ნაწილია და ის კომპანიისათვის ისეთ მნიშვნელოვან მიმართულებებს აერთიანებს, როგორებიცაა ახალი თაობა, კულტურული მემკვიდრეობა და ციფრული ტექნოლოგიები. საქართველოს ეროვნულ მუზეუმთან თანამშრომლობის ფარგლებში, თიბისის მიზანია მუზეუმის საცავებში დაცული საგანძური, რომელიც საქართველოს ეროვნული მემკვიდრეობის ერთ-ერთი ცენტრალური შემადგენელი ნაწილი და წარსულის საუკეთესო მატიანეა, ინოვაციური ინსტრუმენტების დახმარებით ციფრულ ფორმატებში გადაიყვანოს და ახალ თაობას მისთვის გასაგები, სახალისო და ამავდროულად შემეცნებითი ფორმით გააცნოს. აღმოაჩინე „საქართველო - მუზეუმი" აქ, ახლა - https://www.facebook.com/tbcbank/videos/vb.331543856187/1028342370922136/?type=2&theater  ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...