საქმე #201 ჩიხლაძე თ.ვ. და სხვები _ "და იყო განაჩენი სასტიკი და უსამართლო"

ისტორია

საქმე #201 ჩიხლაძე თ.ვ. და სხვები _ "და იყო განაჩენი სასტიკი და უსამართლო"

2017 თებ 27 16:29:42

მიუხედავად იმისა, რომ ე.წ. "თვითმფრინავის საქმიდან" 34 წელი გავიდა, საზოგადოების ინტერესი ამ საქმის ირგვლივ დღემდე მაღალია და თან _ არაერთგვეროვანი. "თვითმფრინავის საქმის" შესახებ დაიწერა მრავალი სტატია, მიეძღვნა წიგნები, დაიდგა სპექტაკლი და ამჟამად იღებენ ფილმს. ჩვენი რუბრიკის გმირი თვითმფრინავის საქმეზე დახვრეტლი სასულიერო პირი, მღვდელ-მონაზონი თეოდორე (თეიმურაზ) ჩიხლაძეა, რომლის შესახებ სასაუბროდ ჩოხატაურის მკვიდრს, ამჟამად ამერიკაში მოღვაწე დეკანოზ კონსტანტინე პაიჭაძეს დავუკავშირდით. მამა კონსტანტინე ლოს ანჯელესის წმიდა ნიკოლოზის სახელობის სამრევლოს წინამძღვარია. მან თავის დროზე წიგნი მიუძღვნა მამა თეოდორეს საქმეს.

_ როგორც ჩვენთვის ცნობილია, თვითმფრინავის საქმეზე დახვრეტილი სასულიერო პირის შესახებ თქვენ გამოეცით წიგნი, როგორ გაჩნდა ეს იდეა და, ზოგადად, რას გვეტყვით წიგნის შესახებ.

_ მეოცე საუკუნე განსაკუთრებულად სისხლიანი იყო _ ომები, რევოლუციები და ქრისტეანეთა გაუგონარი დევნა ბოლშევიკური ხელისუფლების მიერ. მრავალი ქრისტესთვის თავდადებულის ცხოვრება შემორჩა ხალხის მეხსიერებას. ვინც თავი დადო ქრისტესთვის. ღვაწლთა შორის  გამორჩეულია მოწამეობრივი აღსასრული. ასე შეიქმნა XX საუკუნის წმიდა მოწამეთა დასი. საქართველოს სამოციქულო ეკლესიამ ტოტალიტარული მმართველობის დროს მოწყვეტილი ყველა ახალმოწამე წმიდანად შერაცხა. ხსენების დღედ დადგენილია 27 აგვისტო. შეიქმნა ხატი, რომელზეც გამოსახულია  წმინდანად შერაცხული რამდენიმე სასულიერო პირი და მრავალი შარავანდედი, რაც მოიაზრებს თითოეული იმ ადამიანის წმიდათა დასში ყოფნას, რომელთა ცხოვრება არ შემოგვრჩა, მაგრამ ქრისტესთვის იქნენ მოკლულნი.

გადავწყვიტე შემეგროვებინა ასეთი ბიოგრაფიები და გამომეცა წიგნად. პირველად გამოვეცი წიგნი _ "მათ არ უღალატეს ქრისტეს”, რასაც მოჰყვა შემდეგი გამოცემები: "გულნი ქრისტესთვის გამზადებული” და "მაშვრალნი და ტვირთმძიმენი”. ყველა ეს წიგნი ბიოგრაფიული ხასიათისაა და მათში აღწერილია იმ სასულიერო თუ საერო პირთა ცხოვრება, რომლებმაც ბოლომდე გაუძლეს ბოლშევიკურ რეპრესიებს და არ დაუტევეს ქრისტეს მსახურება. ბოლო წიგნი კი მივუძღვენი "თვითმფრინავის საქმეზე" უდანაშაულოდ დახვრეტილ მამა თეოდორეს. წიგნის სათაური აღებულია თვით საქმის მასალებიდან, რითაც დაკვალიფიცირდა საბოოლოდ ეს საქმე. "საქმე #201 ჩიხლაზე თ.ვ. და სხვები”. წიგნში განხილულია სასამართლოს განაჩენი. ანუ, წიგნი მთლიანად დოკუმენტურია.

მამა თეოდორე, კომუნისტური რეჟიმის მიერ დახვრეტილ სასულიერო პირთაგან, უკანასკნელია. მას შემდეგ რეჟიმი სასულიერო პირს აღარ შეხებია.

_ სიტყვიერი პორტრეტისთვის, მოგვიყევით მამა თეოდორეს პიროვნების შესახებ.

_ თქვენ მიერ დასმულ კითხვებს შევეცდები, ძირითადად, წიგნში აღწერილი მონაკვეთებით ვუპასუხო.

მღვდელ-მონოზონი თეოდორე (ერისკაცობაში თეიმურაზ ჩიხლაძე) დაიბადა თბილისში 1951 წლის 30 ივნისს. ის სასკოლო ასაკიდანვე გამორჩეული იყო თავისი მსოფლმხედველობით. ბავშვობიდანვე მოიძულა კომუნისტური სამყარო. ასაკის სიმცირეს მისთვის ხელი არ შეუშლია გამოეხატა განსხვავებული აზრი, არ შეშინებოდა რეჟიმის და მისი აშკარა მოწინააღმდეგე ყოფილიყო. ამის საჩვენებლად მოვიყვან ციტატას  დაკითხვის ოქმიდან:

"მე კარჩაკეტილ ცხოვრებას ვეწეოდი 15 წლიდან. გული მქონდა აცრუებული ჩვენს ხელისუფლებაზე, რადგან ჯერ ერთ რაღაცას იტყვიან და ამტკიცებენ და შემდეგ იმის საწინააღმდეგოს ამბობენ. ეს გარემოებები ჩემზე ზეგავლენას ახდენდა"...

მამა თეოდორეს ამ პასუხიდან ნათლად სჩანს, მე-8 კლასელი მოსწავლე რას ფიქრობდა საბჭოთა წყობაზე მაშინ, როცა მისი თანატოლების უმეტესობა სამყაროს მხოლოდ ლენინიზმის იდეოლოგიის თვალით ხედავდა. ფაქტია, რომ 60-70-იან წლებში ამგვარი მსოფლმხედველობა, რაც მოზარდ თეოდორეს ჰქონდა, მეტისმეტად საშიში იყო. 

მამა თეოდორეს ანტისაბჭოთა შეხედულებები არ შემოფარგლულა მხოლოდ ფიქრებით, არამედ მუდამ თავისუფლების ძიებაში მყოფი, ნებისმიერი ფორმით გამოხატავდა რეჟიმისათვის მიუღებელ იდეებს.

აღსანიშნავია, რომ მამა თეოდორემ ჩამოაყალიბა საქართველოში პირველი ჰიპური მოძრაობა, რომელსაც თავად ედგა სათავეში, მაგრამ მისი ხედვები აქაც განსაკუთრებული და განსხვავებული იყო, ქართველ "ჰიპთა” საზოგადოებაშიც განსხვავებული და თავისებური მიდგომები ჰქონდა. ის მხოლოდ არსებული პოლიტიკური წყობის მოწინააღმდეგეებს კი არ აერთიანებდა, არამედ ეძებდა ნიჭიერ ახალგაზრდებს, ათავისუფლებდა მათ რეჟიმის დაშტამპული აზროვნებისგან და აძლევდა საშუალებას, მოენახათ გზები, იდეოლოგიისგან თავისუფალი ხელოვნების ნიმუშების შესაქმნელად.

_ რა აკავშირებდათ მამა თეოდორეს და "თვითმფრინავის ბიჭებს"?

_ რა ურთიერთობა და კავშირი ჰქონდა ბიჭებთან მამა თეოდორეს, ამას იგი სრულად ასახავს დაკითხვის ოქმში.

"საბრალდებო დასკვნის თანახმად, ბრალი მედება მასში, რომ 1979 წელს გავიცანი დათო მიქაბერიძე და სოსო წერეთელი. მე სოსო წერეთელი გავიცანი 1978  წელს და იგი ასრულებდა კერძო დიაკვნის სამსახურს. იყო მოწოდება, რომ საქართველოში აღდგენილიყო სამონასტრო ცხოვრება, ჩვენ ოფიციალურად დავალებული გვქონდა, შეგვედგინა მსურველთა სია, შედგომოდა საეკლესიო სამსახურს, აღკვეცილიყო ბერად და მთელი ცხოვრება გაეტარებინა მონასტერში. ეს დავალება ჰქონდათ მიცემული სხვა პირებსაც. მე შევუდექი ამ დავალების შესრულებას სოსო წერეთელთან ერთად...  მე და სოსო წერეთელმა დავიწყეთ ჩვენი მსოფლმხედველობის ამაღლება. სოსო იყო ძალიან მონდომებული და უნდა აღინიშნოს, რომ ჩვენ ვცხოვრობდით ისე, როგორც წესი იყო.  ჩვენ უარი ვთქვით სიგარეტსა და სასმელზე. ვცდილობდით, ეს წესი დაგვეცვა, ჩვენ ვიცავდით ამ წესებს. . .

თევზაძემ მოიყვანა კახა ივერიელი ჩემთან სახლში. აღმოჩნდა რომ იგი იყო კეთილი ახალგაზრდა, პატრიოტი თავისი ქვეყნისა.

კახა ივერიელმა თქვა, ღმერთი არ მწამსო. მე ვუთხარი კახას, რომ შეესწავლა სახარება და  მოიპოვებდა სულის სიმშვიდეს, იქ ყველა კითხვაზე ნახავდა პასუხს.მე დავუწყე მას სახარების ანბანის სწავლა. კახას შევხვდი ჩემთან სახლში 10-ჯერ. ჩვენ გვქონდა რელიგიაზე საუბარი. გამოითქვა აზრი, რომ დასავლეთში იყო თავისუფლება, ითქვა, რომ ლუმუმბას სახელობის ინსტიტუტში იყო საშუალება უცხოელ სტუდენტებთან დაკავშირების და აქვე მითხრა, რომ იქ სწავლობდა მისი ძმა _ პაატა ივერიელი. 

რამდენიმე თვის შემდეგ, შევხვდი ჩემთან სახლში პაატა ივერიელს. . .  მე დავინტერესდი მისი პოლიტიკური მრწამსით, იგი რელიგიის მიმართ იყო მწყრალად და არ იყო რელიგიის მიმდევარი. გადავწყვიტე მისთვის  მექადაგა რელიგია, რომ გამხდარიყო ღვთის შვილი. . .

მე წინააღმდეგი ვიყავი გერმანე კობახიძეს ურთიერთობა რომ ჰქონოდა ჩვენთან. მე ვიცნობდი მას ქართული ფილმიდან "ლაზარე". მაგრამ იგი ძალიან პატარა მეგონა. სულ შევხვედრივარ 4-5-ჯერ. თინათინ ფეტვიაშვილს შევხვდი სამჯერ, მასთან რაიმე საუბარი არ მქონია”.

მამა თეოდორეს საუბრიდან ნათლად ჩანს, როგორ პირნათლად ასრულებდა ის მღვდელმსახურის მოვალეობას, როცა ინტერესდებოდა ყველა შემხვედრის რელიგიური მრწამსით და შეძლებისდაგვარად, ცდილობდა, ეს პიროვნება გაეთვითცნობიერებინა მართლმადიდებლურ რელიგიაში და ამ გზით, რაც შეიძლება მეტი ადამიანი ექცია ღვთის შვილად. მამა თეოდორე ახალგზრდებს თავის ბინაზე ხვდებოდა და ასწავლიდა, სამყარო დაენახათ არა საკუთარი წარმოსახვებით, არამედ საღმრთო თვალით. კეთილმსახური მოძღვარი ცდილობს, ასწავლოს მათ, რომ სახარებაში არის პასუხი ყველა კითხვაზე, რომ თავისუფლება, უპირველესად, ღმერთშია და მის გარეშე არ არსებობს ხსნა და გადარჩენა.

_ რა ბრალდებით დააკავეს მამა თეოდორე?

მამა თეოდორე დააკავეს როგორც ბანდის ხელმძღვანელი და ორგანიზატორი. მაგრამ საქმის მასალებიდან ირკვევა, რომ ის არც ხელმძღვანელი იყო და არც ორგანიზატორი. მეტიც, დაკითხვის ოქმშიც მინიშნებულია, რომ ბოლო 6 თვის განმავლობაში საერთოდ არ ჰქონდათ მასთან კავშირი.

თვითმფრინავის გატაცება მოხდა 1983 წლის 18 ნოემბერს, ხოლო მამა თეოდორე დააკავეს 1984 წლის 2 თებერვალს. საეჭვოა საკავშირო სუკ-ის რჩეულ გამომძიებლებს, ამ ხნის მანძილზე ვერ მიეგნოთ "ბანდის"  ნამდვილი ხელმძღვანელი და ორგანიზატორი. არადა, ის, რომ მამა თეოდორე არ იყო დამნაშავე, თავად განაჩენსა და დაკითვის ოქმშიც არ ფარავენ.  "1983 წლის ნოემბრის დასაწყისიდან 18 ნოემბრამდე (თვითმფრინავზე თავდასხმის დღემდე) ბანდიტური ჯგუფის წევრები ღებულობენ ცალმხრივ გადაწყვეტილებას და რამდენიმე თავყრილობას აწყობენ თ.ვ.  ჩიხლაძის მონაწილეობის გარეშე. . .

...ბანდიტური ჯგუფის წევრებმა, თავისი ინიციატივით, მიიღეს ზემოხსენებული გადაწყვეტილება იმ მოტივებით, რომ ამ პერიოდისთვის "რაღაც საყოფაცხოვრებო საკითხებთან დაკავშირებით განაწყენდნენ ჩიხლაძეზე და გარდა ამისა " აღარ უნდოდათ  ყოფილიყვნენ ჩიხლაძის გავლენის ქვეშ, საზღვარგარეთ გასვლის შემდეგაც, მათ სურდათ დამოუკიდებლად ეცხოვრათ”. 

ასე რომ, აშკარაა და სახეზეა მამა თეოდორეს უდანაშაულობა წაყენებულ ბრალდებათა ამ მუხლებში. მამა თეოდორე ამ პერიოდისთვის თბილისშიც არ იმყოფებოდა. მეტიც, განაჩენში აღნიშნულია, ვინ აიღო რეალურად ჯგუფის ხელმძღვანელობა თავის თავზე:

"1983 წლის 15 და 16 ნოემბერს, დაბა წყნეთში, დ.რ. მიქაბერიძის  მშობლების აგარაკზე იკრიბებიან ბანდის წევრები:  ი.კ. წერეთელი, დ.რ. მიქაბერიძე, კ.ვ.ივერიელი, პ.ვ. ივერიელი გ.თ. ტაბიძე, გ.მ. კობახიძე, სადაც ბანდიტური ჯგუფის ხელმძღვანელის როლი თავის თავზე აიღო კ.ვ. ივერიელმა".

ცხადია, ხელისუფლება მოქმედებდა მხოლოდ იმ სურვილით, რომ საბჭოთა ინტელიგენტთა ოჯახებში აღზრდილი შვილები კი არა, მღვდელი ყოფილიყო ამ საქმის ხელმძღვანელი. რაც იმ პერიოდისთვის კიდევ ერთხელ გაუსვამდა ხაზს ეკლესიის უარყოფით როლს საბჭოთა ადამიანის აღზრდაში.

_ როგორ ფიქრობთ, მიუხედავად ყოველივე ზემოთ თქმულისა, მამა თეოდორეს ჰქონდა თუ არა გადაცდომა მათთან ურთიერთობაში, როგორც სასულიერო პირს, როგორც მოძღვარს?

_ მამა თეოდორეს არამც თუ გადაცდომა ჰქონდა ამ საქმეში, არამედ  მან აჩვენა ჭეშმარიტი სახე მოძღვრისა.

როდესაც მღვდელი გარდაიცვლება, მის სახეს მცირე დაფარნით ბურავენ. ეს სიმბოლურად ნიშნავს, რომ მან თავისი სულიერი შვილის აღსარება არ გასცა, არამედ დაიცვა და დაიმარხა უკუნისამდე. გარდა იმისა, რომ მამა თეოდორემ დაიცვა აღსარების საიდუმლო, შეეცადა, საკუთარ თავზე აეღო ყველას დანაშაული და ამ გზით ეხსნა ისინი განსაცდელისაგან.

"იკითხება სამართალში მიცემული ჩიხლაძე თეიმურაზ ვლადიმერის-ძე, რომელიც კოლეგიას უჩვენებს:

რელიგიურმა ჩემმა მრწამსმა მიკარნახა, რომ ყველას დანაშაული ამეღო ჩემს თავზე"...

მამა თეოდორეს თავგანწირვას სასამართლო ძალაუნებურად აღიარებს განაჩენშიც.

"განაჩენი

თ.ვ. ჩიხლაძის განმარტება სასამართლოში იმის შესახებ, რომ თითქოს გამოძიებას (მისი როლის თაობაზე ბანდიტურ ჯგუფში) აღიარებითი ხასიათის ჩვენებებს აძლევდა იმ მიზნით, რომ ამით "როგორც სასულიერო პირს, სურდა მათი მდგომარეობის შემსუბუქება”, ეწინააღმდეგება ამ სისხლის სამართლის საქმის გარემოებათა ყოველმხრივ, სრულყოფილ და ობიქტური გამოკვლევის მასალებს".

მიუხედავად იმისა, რომ მისი ბრალეულობა არ იკვეთება, მიუხედავად იმისა, რომ ის არ აქეზებდა მათ, არ იყო ორგანიზატორი, არ იყო მათი მეთაური, არ შეუმუშავებია გეგმა, არ იმყოფებოდა იმ ქალაქში, სადაც ეს მოხდა, მიუხედავად იმისა, რომ იგი წინააღმდეგი იყო მათი ასეთი გზით ქვეყნის დატოვების, არ შეუიარაღებია ისინი, არ იმყოფებოდა თვითმფრინავში, შეთქმულებს მასთან არ ჰქონდათ კავშირი, ის არ იყო საქმის კურსში და როგორც მოძღვარი, მათ მხოლოდ სახარებას უკითხავდა, ჭეშმარიტი ღმერთის სიყვარულსა და თაყვანისცემას უნერგავდა და ღმერთის სიყვარულთან ერთად, სამშობლოს ჭეშმარიტ ისტორიასაც ასწავლიდა, მიუხედავად ამ ყველაფრისა, განაჩენი იყო სასტიკი და უსამართლო.

_ და იყო განაჩენი, როგორც თქვენ ბრძანეთ, სასტიკი და უსამართლო...

განაჩენი: "საბჭოთა სოციალისტური რესპუბლიკის სახელით, საქართველოს სსრ უმაღლესი სასამართლოს საქმეთა სასამართლო კოლეგიამ ჩიხლაძე თეიმურაზ ვლადიმერის ძე ცნო დამნაშავედ... 

უფრო მკაცრმა სასჯელმა შთანთქოს ნაკლებად მკაცრი სასჯელი და საბოლოოდ, შეფარდებული დარჩეს სასჯელის უმაღლესი ზომა _ დახვრეტა, პირადი ქონების კონფისკაციით".

მამა თეოდორე დახვრიტეს 1984 წლის 3 ოქტომბერს 16 საათსა და 30 წუთზე 

მჯერა, საქართველოს მართლმადიდებლური ეკლესია, მოახდენს მღვდელ-მონოზონ თეოდორეს კანონიზაციას წმიდათა დასში.




 ახალი ამბები
  • ოზურგეთში ტაძარი გაქურდესოზურგეთში ღვთისმშობლის მიძინების ტაძარი გაქურდეს. ამ წუთებში ტაძარში, სადაც შვიდგზის ზეთისცხება უნდა შესრულებულიყო,  პოლიცია იმყოფება და მიმდინარეობს მამაოების დაკითხვა. ჩვენს მიერ მოპოვებული ინფორმაციით, გატეხილია შესაწირი ყუთები. ზუსტი ინფორმაცია, რა წაიღეს ტაძრიდან ამ დროისთვის უცნობია. „გურია ნიუსი“ მომხდართან დაკავშირებით უფრო დაწვრილებით, დეტალებს ცოტა ხანში ... ...
  • საქართველოში კორონავირუსით ინფიცირების შემთხვევათა რაოდენობა ისევ გაიზარდააქართველოში კორონავირუსით ინფიცირების შემთხვევათა რაოდენობა 131 -მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5550 ადამიანი, ხოლო სტაციონარში მეთვალყურეობის ქვეშ - 281 პირი. ინფორმაციისთვის, 131 ადამიანიდან 26 ... ...
  • “პრემიერ-მინისტრი არ ამბობს, როდის დაიკეტოს მაღაზიები“ ჩოხატაურის მუნიციპალიტეტში სასურსათო მაღაზიებთან და აფთიაქებთან მერიის ზედამხედველობის სამსახურმა საინფორმაციო ფურცლები გააკრა; ტექსტში, ცხადია, აღნიშნულია, რომ ადამიანები სახლში უნდა დარჩნენ, ვაჭრობისას დისტანცია დაიცვან, თუმცა, ამ საინფორმაციო ფურცლებით, სასიცოცხლოდ მნიშვნელოვან სავაჭრო ობიექტებს სამუშაო დრო 19 საათამდე განუსაზღვრეს. “გუშინ, 7 საათზე რომ დავხურე მაღაზია, რამდენიმე ადამიანი გარეთ, ერთმანეთისგან დინსტანცირებით  მელოდებოდა; თხოვნის მიუხედავად, მათთვის უარის თქმა მომიხდა -  შიშში ვიყავი, ვინმემ არ დამაჯარიმოს-მეთქი. მთავარია, ცხრა საათზე სახლში ვიყოთ და შვიდ საათზე დავკეტავ თუ ცხრის ნახევარზე, ეს მგონი არაა კანონდარღვევა“, _ განუცხადა “გურია ნიუსს“ ერთ-ერთი მაღაზიის მეპატრონემ. სასურსათო მაღაზიის კიდევ ერთი მეპატრონე კი წუხს, რომ 7 საათამდე დისტრიბუციას ვერ მოასწრებს, რადგან მომწოდებელს რვა საათზე ელოდება. მისი თქმით, პრემიერ-მინისტრის მიერ კომენდანტის საათის გამოცხადების მერე შეუთანხმდა მომწოდებლებს და გრაფიკი შესაბამისად დაგეგმა. მერიის ზედამხედველობის სამსახურის მიერ 19 საათზე მაღაზიის დაკეტვის მოთხოვნის გამო კი გრაფიკი მთლიანად დაერღვა და ხელი ეშლება. ამგვარი შეზღუდვის დაწესება ადგილობრივი ხელისუფლების უფლებამოსილებას სცდება და დამატებით შეზღუდვებს უწესებს მოქალაქეებს, რაც არაკანონიერია.  მიუხედავად იმისა, რომ ინფორმაცია ამ შეზღუდვის შესახებ “გურია ნიუსში“ გუშინ გამოქვეყნდა, დღეს მდგომარეობა უცვლელი დაგვხვდა და შემზღუდავი საინფორმაციო ფურცლები ისევ გამოკრული იყო, არც მაღაზიის პატრონების ხელახალი ინფორმირება მომხდარა. ჩოხატაურის მუნიციპალიტეტის მერიის ზედამხედველობის სამსახურის უფროსის, ვლადიმერ ლომთათიძის თქმით, მერიაში მიიღეს გადაწყვეტილება, რომ 19 საათიდან დაკეტილიყო მაღაზიები: “ჩვენ გავაფრთხილეთ მაღაზიების მეპატრონეები. თუ მათი თანამშრომლები ცხოვრობენ სოფელში და სამსახურის შემდეგ მიდიან სახლში, რომ არ მოხვდნენ კომენდანტის საათში, 7 საათზე უნდა დაიწყონ მაღაზიების დაკეტვაზე ზრუნვა. შეიძლება 8 საათამდეც გააგრძელონ მუშაობა. არავისთვის გვითქვამს, რომ ამისთვის დავაჯარიმებთ ვინმეს. უბრალოდ, თუ 9 საათზე ისინი არ იქნებიან სახლში, დაჯარიმდებიან კომენდანტის საათის დარღვევის გამო. ჩვენ ყველას ვაფრთხილებთ, რომ ინდმეწარმეები და მაღაზიებში დასაქმებული პირები არ დაჯარიმდნენ“, _ გვითხრა ვლადიმერ ლომთათიძემ. საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელის, თამაზ ტრაპაიძის თქმით, მთავარია, რომ გონივრულ ვადაში დაიკეტოს მაღაზიები, რადგან ღამის ცხრა საათზე მისი მეპატრონეები და იქ მომუშავე პერსონალი სახლში იყვნენ. მისი თქმით, მთავრობის მიერ გამოქვეყნებულ შესაბამის დოკუმენტებში არსად წერია, რომ მაღაზიები 19 საათზე უნდა დაიკეტოს: “პრემიერ-მინისტრი არ ამბობს, როდის დაიკეტოს მაღაზიები. რადგან ქვეყნის მასშტაბით კომენდანტის საათი  იწყება 21 საათზე, თავად მაღაზიის მეპატრონემ უნდა გადაწყვიტოს, როდის დაკეტოს მაღაზია, ოღონდ ეს უნდა მოხდეს ისე, რომ კომენდანტის საათის დაწყებამდე ყველა თანამშრომელი  სახლში იყოს“, _ გვითხრა თამაზ ... ...
  • საქართველოში, კორონავირუსთან დაკავშირებული აპლიკაცია იტესტებასაქართველოში აპლიკაცია იტესტება, რომელიც სხვადასხვა ქვეყანაში კორონავირუსთან ბრძოლის ერთ-ერთ კომპონენტად დაინერგა. ჯანდაცვის მინისტრის ეკატერინე ტიკარაძის გქნცხადებით, აპლიკაციის ამოქმედების შემთხვევაში, მოქალაქეები მიიღებენ ინფორმაციას ჰქონდათ თუ არა მათ კონტაქტი ინფიცირებულ პირთან. მისივე თქმით, ადამიანები მიიღებენ ინფორმაციას იმ ლოკაციებთან დაკავშირებით, სადაც ინფიცირებულ ადამიანებს შეხება ჰქონდათ. „აპლიკაციასთან დაკავშირებით ვგეგმავთ დამატებითი ინფორმაციის მიწოდებას მოსახლეობისთვის. ის ამ ეტაპზე არის მხოლოდ სატესტო რეჟიმში და ჩვენ ვრწმუნდებით ახლა იმაში, რომ აპლიკაცია ნამდვილად იქნება ეფექტური და ასევე, მიმდინარეობს აპლიკაციის შესაბამისობაში მოყვანა ქართული რეალობისთვის და სხვადასხვა საინფორმაციო ბაზებით მისი გამყარება. მას შემდეგ შემდეგ რაც ეს ყოველივე იქნება მზად, ჩვენ შეგვეძლება უკვე მოქალაქეებს გავაცნოთ ამ აპლიკაციის დეტალები, რომ მათ შეძლონ საკუთარ უსაფრთხოებაზე ზრუნვა, რათა ჰქონდეთ ინფორმაცია, თუ სად იმყოფებოდა ინფიცირებული და ჰქონდა თუ არა მას პერსონალურად პოტენციურ ინფიცირებულთან გარკვეული კონტაქტი, რაც დაეხმარება დაავადებათა კონტროლის ცენტრის ეპიდემიოლოგებს შემდგომი და ადრეული კონტაქტების დაიდენტიფიცირებაში“, - განაცხადა ჯანდაცვის მინისტრმა ეკატერინე ... ...
  • ოზურგეთში თვითიზოლაციაში 11 პირი რჩება“ოზურგეთის მუნიციპალიტეტის საზოგადოებრივი ჯანდაცვის ცენტრის“ დირექტორის, მაია ქუტიძის ინფორმაციით, ოზურგეთიდან კარანტინში სულ 45 ადამიანი იყო, აქედან კარანტინის ვადა დაუმთავრდა 21 ადამიანს, ხოლო 24 ადამიანი ელოდება კარანტინის ვადის დასრულებას. მისივე ინფორმაციით, თვითიზოლაციაში ყოფნის ვადა ამოეწურა 69 ადამიანს. ამ ეტაპზე სახლში თვითიზოლაციაში 11 ადამიანი რჩება. მაია ქუტიძის თქმით, თვითიზოლაციაში მყოფ პირებს ყოველდღიურად ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...