ტყვე გურულისა და ჩეხი გოგონას სიყვარული საუკუნის შემდეგ გრძელდება

ისტორია

ტყვე გურულისა და ჩეხი გოგონას სიყვარული საუკუნის შემდეგ გრძელდება

2017 ივლ 3 14:25:06

ისტორია ასე იწყება - გასულ საუკუნეში,  ჩოხატაურის სოფელ შუა სურებიდან,  პირველ მსოფლიო ომში  ერთი გურული ბიჭი,  თეოფილე შათირიშვილი წავიდა. დაზუსტებული მონაცემები,  ეს მოხალისედ წასვლა იყო თუ მოკავშირეთა ძალებში მყოფი  რუსეთის იმპერიიდან  რიგითი  ჯარისკაცის ომში  წასვლა, არ მოიპოვება.  შთამომავლების მოყოლილი ამბის მიხედვით, რასაც  არაერთი თანასოფლელიც ადასტურებს, ომის პერიოდში თეოფილე შათირიშვილი ტყვედ ჩავარდნილა. ომის დასრულებამდე ის ჩეხოსლოვაკიაში,   ქალაქ ბრნოსთან ახლოს,  რაკვიცაში,  ერთ-ერთი  მკვიდრის იაკობ მახაჩის ოჯახში მოსამსახურედ  გაუმწესებიათ.  დროთა განმავლობაში, ოჯახის წევრებთან კარგი ურთიერთობა დამყარებულა,  მასპინძლის ქალიშვილს ტერეზა მახაჩსა და თეოფილე შათირიშვილს ერთმანეთი შეყვარებიათ და დაქორწინებულან. იქ საკუთარი ხელით აშენებული სახლიც  ჰქონია, რომელიც საქართველოში წამოსვლის დროს, როცა ერთი ქალიშვილი ანა სამი წლის ყოფილა, გაუყიდია.  ასე დაბრუნებულა შუა სურებში თეოფილე შათირიშვილი, სადაც მამაპაპურ ცხოვრებას შედგომია, შეძენია კიდევ ერთი ქალიშვილი _ თამარი და ისე, როგორც ზღაპარშია, ცხოვრობდნენ ბედნიერად.

მოულოდნელად მომხდარა ტრაგედია _ თეოფილეს გარდაცვალებას დაურღვევია ეს მყუდროება. ის ხიდან ჩამოვარდნილა, რაც სიკვდილით დასრულებულა.  მარტო დარჩენილ ჩეხ ქალბატონს, რომელმაც ქართული ენა არ იცოდა, შვილების ობლად გაზრდა მოუხდა.  შვილების გადმოცემით, ის ხშირად ითხოვდა, თურმე, საბჭოთა  მთავრობისგან, მიეცათ ჩეხოსლოვაკიაში წასვლის უფლება. თუმცა, პასუხად ისმოდა, რომ ეს შესაძლებელი იყო მხოლოდ შვილების გარეშე.  ასე გაზარდა  შვილები ქართველების რძალმა ჩეხმა ქალბატონმა, რომელმაც 90  წელი იცოცხლა  და იქვე,  სოფელ შუა სურებშია  დაკრძალული. ჩეხი გოგონასა და გურული ტყვე ბიჭის სიყვარულის ისტორიამ,  არათუ  შვილების,  ანას და თამარის შთამომავლების ხსოვნაშიც დაიკავა ადგილი და სოფელ სურებშიც  ლეგენდასავით დარჩა.

დღეისთვის, ანას და თამარის შთამომავლები გურიაში _ ჩოხატაურსა და ოზურგეთში და თბილისში ცხოვრობენ.  დიდი ბებიის  ჩეხ ნათესავებთან დაკავშირების  სურვილი არაერთხელ ჰქონდათ, რაც გასული წლის ივნისში აუხდათ.

 როგორც თეოფილე შათირიშვილის შვილთაშვილი თეა ბარამიძე და შვილიშვილი შაქრო კალანდაძე გვიამბობენ, გასულ წელს , ჩეხოსლოვაკიაში მცხოვრები ქართველი ექიმის, გვანცა ხარაიშვილის დახმარებით მიაკვლიეს დიდი ბებიის, ტერეზა მახაჩის ძმის შვილიშვილებს.

„ეს იყო უდიდესი ემოცია. ჩვენგან გაგზავნილი ინფორმაცია, რომელიც გვანცა ხარაიშვილმა   მიიტანა სოფელ რაკვიცეში (ბრჟეცლავის რაიონი), მალე რადიოთი გადასცეს.   პასუხს დიდხანს არ დაუგვიანია.  გაგვაგებინეს,  რომ დიდი ბებიას,  ტერეზა მახაჩის ძმის შვილიშვილები იქ ცხოვრობდნენ და ჩვენი შეხმიანება მათაც ემოციით მიიღეს.  მიგვიწვიეს ჩეხეთში.  შთამომავლები: სულიკო ბარამიძე, მზია მემანიშვილი, ნინო ბარამიძე, ია ჯიბუტი, სალომე სრესელი და მე  შარშან, ივნისში ჩავედით ჩვენს ჩეხ ნათესავებთან. ისეთი სითბო, რაც ჩვენ იქ დაგვხვდა, საქართველოში არსად მინახავს და მიგრძნია. არ ვიცი, იქნებ,  მეჩვენება... იქნებ, ეს დიდი სიხარულითა და ტკივილით ნასაზრდოები ემოციაა, მაგრამ  ნამდვილად ასეა“, _ გვეუბნება  თეა ბარამიძე, რომელიც ამჟამად თბილისში ცხოვრობს და მოღვაწეობს.

შეპირებისამებრ,  ჩეხი ნათესავები  ტერეზა მახაჩის  ძმის შვილიშვილები, სამი და: მილენა ზლამანოვა,  იაროსლავა იასინკოვა   და მარია იურეჩკოვა  მეუღლესთან, ოლდრიჟ იურეჩკასთან ერთად საქართველოს,  ჯერ თბილისს და მერე  კი გურიას ესტუმრნენ.

თეოფილე  შათირიშვილის შვილიშვილი შაქრო კალანდაძე ახლა 70 წლისაა და  ოზურგეთის მუნიციპალიტეტის სოფელ ნაგომარში ცხოვრობს. სწორედ ის გვეწვია „გურია ნიუსის“ რედაქციაში:

_  დღეს ჩემს უნახავ  ჩეხ ბიძაშვილის შვილებს ველოდები და გვესტუმრეთ, მინდა,  ქვეყანამ იცოდეს,  რომ საუკუნეზე მეტი ხნის წინ დაწყებული ორი ეროვნების ადამიანის სიყვარული, რომელმაც  ტყვეობაში ჰპოვა დასაბამი და თავისუფლებაში დასასრულის გარეშე გრძელდება, ხელახალ სიცოცხლეს იწყებს, _ გვეუბნება ის და  მისი მეუღლე,  ასმათ გოგოძე განაგრძობს,  _ „ემოციას ვერ მალავს,  დღეს ჩვენი სტუმრები არიან  ჩეხი ნათესავები.  ასეთ რამეს ხშირად მხოლოდ ზღაპარში წაიკითხავ. ბედნიერი ვარ, რომ ჩვენს ცხოვრებაშიც მოხდა ზღაპრული ამბავი, რასაც, დარწმუნებული ვართ,   შვილთაშვილებიც მოუყვებიან ერთმანეთს“...

დებმა, მილენამ, მარიამ და იაროსლავამ ცრემლებით უფრო მეტი თქვეს, მასპინძლებს კი საჩუქრად ჩეხური სუვენირები და ლუდი გადასცეს. გაიხსენეს თუ რამ გაეგონათ დიდი ბებია-ბაბუების შესახებ და განახლებული ურთიერთობის განმტკიცებისკენ  მოუწოდეს ერთმანეთს.   სტუმრებს ძალიან გაუხარდათ  თეოფილე  შათირიშვილისა და ტერეზა  მახაჩის ერთადერთი,  ოდნავ  გახუნებული ფოტოსურათის ნახვა.

სტუმარ-მასპინძლების _ ბიძაშვილ-მამიდაშვილების შვილიშვილების მოდგმა,  ჩეხეთსა და საქართველოში აპირებენ  გააგრძელონ ის ურთიერთობა,  რასაც, მათივე თქმით,  კაცთა მოდგმის ენაზე,  უსასრულო სიყვარული  ჰქვია და რომელსაც, ვერ აბრკოლებს ვერც ენობრივი,  ვერც  ეროვნული  და ვერც ტერიტორიული  ბარიერი.




 ახალი ამბები
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...
  • ხელისუფლების წარმომადგენლები მოსახლეობას შეხვდნენ (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები, ოზურგეთის მუნიციპალიტეტის სოფლებში: ურეკის, შრომის, ნატანების, ზემო ნატანების მოსახლეობას შეხვდნენ და არსებულ საჭიროებებზე ინფორმაცია მიიღეს. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს.შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა. საუბარი შეეხო მუნიციპალურ და სახელმწიფო პროგრამებს. მოსახლეობამ მთავარ საჭიროებად წყალმომარაგებისა და შიდა გზების პრობლემების მოგვარება დაასახელა. ასევე, ჭაბურღილების, გარე განათების, ტროტუარების მოწყობა და მცირე ბიზნესის ხელშეწყობა. შეხვედრას ესწრებოდნენ პარლამენტის თავმჯდომარე არჩილ თალაკვაძე, პარლამენტის წევრები გიორგი ვოლსკი, თემურ ჭკუასელი, ირაკლი ხახუბია, გია გაჩეჩილაძე, საგარეო საქმეთა მინისტრის მოადგილე ალექსანდრე ხვთისიშვილი, გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის ხელმძღვანელი თენგიზ კალანდაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები. ... ...
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...
  • ოზურგეთის ბაზარში ძაღლმა სოფელ მელექედურის მცხოვრები დაკბინადღეს ოზურგეთის აგრარულ ბაზარში ძაღლმა მოქალაქე დაკბინა. მელექედურელი მამაკაცი ბევრს ეცადა, ძაღლი მოეშორებინა, თუმცა, ცხოველის მოსაგერიებლად  ვერც ირგვლივ შემოკრებილი ხალხი აღმოჩნდა საკმარისი და სამაშველო სამსახრური გამოიძახეს. ბაზარში მომუშავე ქალბატონი მანანა ფერცულიანი ამბობს, რომ ახლახან ის დაკბინა მიუსაფარმა ძაღლმა და დღემდე მკურნალობას გადის. _ ამ მიუსაფარ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა მანანა ფერცულიანმა. ოზურგეთის სერვისცენტრის უფროსმა თენგიზ ქუტიძემ „გურია ნიუსთან“ თქვა, რომ ძაღლი, რომელმაც მოქალაქე დაკბინა, იდენტიფიცირებულია და მალე გადაიყვანენ თავშესაფარში. _ ბაზარი კერძო ტერიტორიაა  და თუ იქედან ოპერატიულად მოგვმართავენ ასეთ დროს, ჩვენ რეაგიებას არ დავაყოვნებთ, _ გვითხრა მან. ვრცლად ოზურგეთში მოხეტიალე მიუსაფარი ძაღლების, მათ მიერ მიყენებული დაზიანებების და მათზე ზრუნვის შესახებ,  სტატიას უახლოეს საგაზეთო ნომერში ... ...
  • „გალტ ენდ თაგარტმა“ კვლავ წარმატებით განათავსა „საქართველოს სალიზინგო კომპანიის“ 10 მილიონი აშშ დოლარის 2-წლიანი ობლიგაციები...სს „გალტ & თაგარტმა“ კიდევ ერთხელ უზრუნველყო შპს „საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების წარმატებით გამოშვება. ეს „საქართველოს სალიზინგო კომპანიისთვის“ რიგით მეოთხე ემისიაა, რაც კომპანიის სტაბილურობაზე, ინვესტორების მხრიდან ნდობის მაღალ ხარისხზე და ზოგადად, კომპანიის მზარდ ტენდენციებზე მეტყველებს.  „საქართველოს სალიზინგო კომპანია“ მომხმარებელს უკვე მეოთხედ აძლევს შესაძლებლობას, დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს, უახლოეს მომავალში კომპანია გეგმავს აღნიშნული ფასიანი ქაღალდების დაშვებას ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა შეადგენს 2 წელს და მისი სრულად დაფარვა მოხდება 2021 წლის 9 აგვისტოს. განთავსების აგენტი, როგორც ყველა წინა შემთხვევაში, აქაც „გალტ & თაგარტია“.  „მოხარულები ვართ, რომ “საქართველოს სალიზინგო კომპანიამ“ კიდევ ერთხელ, უკვე მეოთხედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა რადგან ეს, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვემაყება ის ფაქტიც, რომ ჩვენი და „გალტ & თაგარტის“ თანამშრომლობა უკვე წლებია ასე წარმატებულად გრძელდება“ , - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.  „მოხარული ვარ, აღვნიშნო „გალტ & თაგარტის“ როლი „საქართველოს სალიზინგო კომპანიის“ ობლიგაციების წარმატებით განთავსებაში. კიდევ ერთი წარმატებული განთავსება მეტყველებს, როგორც „საქართველოს სალიზინგო კომპანიის“ სანდოობაზე, ისე, ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო „გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში“, - განაცხადა „გალტ & თაგარტის“ მმართველმა დირექტორმა - ოთარ შარიქაძემ. ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...