წითელრაზმელი აფრასიონ მერკვილაძე _ ყაჩაღი თუ "იდეური მებრძოლი"

gurianews.com

ისტორია

წითელრაზმელი აფრასიონ მერკვილაძე _ ყაჩაღი თუ "იდეური მებრძოლი"

2017 ოქტ 4 12:00:32

თუ XX საუკუნის დასაწყისში გურიაში წითელი რაზმი გურიის კომიტეტს ემორჩილებოდა და მის ბრძანებებს ასრულებდა, მეზობელ რაიონში იყვნენ ისეთები, რომლებიც დამოუკიდებლად მოქმედებდნენ. ასეთი იყო ცნობილი წითელრაზმელი, თბილისის სასულიერო სემინარიის ყოფილი მოწაფე აფრასიონ მერკვილაძე, რომელსაც ზოგი "ყაჩაღს" უწოდებდა, ბევრისთვის `იდეური" მებრძოლი იყო, მაგრამ ის არც ბოლშევიკებს სწყალობდა და არც მაინცდამაინც მენშევიკებს. მერკვილაძე საკუთარ შეიარაღებულ ჯგუფთან (ერთ ასეულზე მეტი კაცი) ერთად იმერეთში მოქმედებდა. მერკვილაძის რაზმში სხვადასხვა ასაკის ადამიანები შედიოდნენ: "...შიგ ნახავდი 60 წლის მოხუცებულიდგან 15 წლის ბავშვამდის რაზმელებს, მაგრამ ყველას ერთი სულით და იდეით გამსჭვალულთ და გატაცებულ გმირებს" (ჟურნალი `რევოლუციის მატიანე").

მისი დამსახურებაა, რომ შორაპნის მაზრა დამოუკიდებელ, ე.წ. `ყვირილის რესპუბლიკად" გამოცხადდა. ასევე, მისი დამსახურებაა, რომ 1904-06 წლებში იქაურ გლეხებს `სალდათში~ ვეღარ იწვევდნენ _ `რუსის მეფეს თავისი ხალხიც ბევრი ჰყავს. ნიკოიას (ნიკოლოზ II) რაში სჭირდება ქართველი კაცის `სალდათობა~, _ ამბობდა თურმე მერკვილაძე. ის კომიტეტის გადაწყვეტილებებს არას დაგიდევდა და დამოუკიდებლად მოქმედებდა, რაც, რა თქმა უნდა, კომიტეტის გაღიზიანებას იწვევდა. `...მისი უბედურება მხოლოდ ის იყო, რომ მეტათ გაზვიადებული წარმოდგენა ქონდა თავის თავზე, რაიონში ყველაზე მაღლა ის იდგა, ამავე დროს, როცა ზესტაფონელი ამხანაგები წინადადებას აძლევდნენ, აქ ჩამოდი და რაიონულ კომიტეტის მუშაობაში მიიღე მონაწილეობაო, უარსყოფდა~ - წერდა ზაქარია გურული. ერთხელ მისი რაზმის განიარაღების ცდაც იყო, ის თბილისშიც კი გაიწვიეს მოლაპარაკებაზე, მაგრამ უკან დაბრუნებულმა საჯარო გასამართლება მოითხოვა. საბოლოოდ, ათიოდე კაცის გარდა, ყველა აფრასიონს გაჰყვა. ამის შემდეგ მერკვილაძემ კავშირი გაწყვიტა ორგანიზაციასთან, მხოლოდ იმ შემთხვევების გარდა, როცა პოლიციაზე ან ჯარზე ერთობლივი თავდასხმა იყო საჭირო.

1905 წლის რევოლუციის დამარცხების შემდეგ მერკვილაძე დათანხმდა პარტიის (სოც.-დეკების) შემოთავაზებულ წინადადებაზე, მებრძოლი კადრების შენარჩუნების მიზნით რაზმი დაეშალა. კოტე ცინცაძე წერდა: `...პარტიული ცენტრის დადგენილების თანახმად ბრძოლა შეწყვეტილ იქნა, იარაღი გადამალული მომავალი ბრძოლებისათვის... ჩვენ მიერ იარაღის გადამალვამ უბრალოდ დამორჩილების ხასიათი მიიღო... როცა მთავრობა უძლური იყო, ჩვენ ურტყამდით თავში, და როცა კი ის მოღონიერდა, პარტია მიიმალა. ამან ბევრ ამხანაგებში გამოიწვია ერთნაირი უიმედობა მომავალზე, გულის გატეხა და პერსონალური თავის გამოჩენის, გმირობის მიმართულება (აფრასიონ მერკვილაძე, დათიკო შევარდნაძე და სხვები მრავალნი)~. მერკვილაძე რამდენიმე ერთგულ თანამებრძოლთან ერთად ბათუმში წავიდა. იქ არალეგალურად ყოფნისას მას მოსდიოდა ცნობები, რომ ხალხს აწიოკებდნენ, ყოფილ რაზმელებს იჭერდნენ და ხვრეტდნენ. ამის გამო მერკვილაძე უკან დაბრუნდა. გადარჩენილი რაზმელები შეაგროვა, შეიარაღა და ტერორი გააჩაღა პოლიციის მოხელეების, თავადაზნაურობის წარმომადგენლებისა და ჯაშუშების წინააღმდეგ. 1906 წლის თებერვალ-მარტში მისმა რაზმმა სიცოცხლეს გამოასალმა ივანე მემანიშვილი, ნიკო და ტრიფონ ჭაჭიაშვილები, გალაქტიონ ლოლაძე, მღვდელი გიორგი ფერაძე, პოლიციის აგენტი ეფრემ შალამბერიძე, თავად-აზნაურთა მარშალი ნესტორ ხიდირბეგიშვილი და სხვები.

მერკვილაძეზე ნადირობდა (უკეთესია თუ ვიტყვით, რომ ისინი ერთმანეთზე ნადირობდნენ) ცნობილი ბოქაული ლავრენტი მახარაძე. `მახარაძე უბრალო პრისტავი იყო და ერთი `უჩასტკა~ ებარა. ეს იყო თვით ზესტაფონის `უჩასტკა~, მაგრამ ის მთელ მაზრაში დაძრწოდა და ამის თაობაზე მას და მის "ამხანაგებს" სხვა პრისტავებს უსიამოვნებაც კი შეუდგათ, მაგრამ პრისტავი მახარაძე მაინც თავისას არ იშლიდა. ის სულ ჯარს დაუძღოდა, სოფლებში გლეხების სახლებს ცეცხლს უკიდებდა, ხალხს კლავდა, აწიოკებდა, ქონებას მათსას ანადგურებდა" (პ. საყვარელიძე, შეიარაღებული აჯანყება შორაპნის მაზრაში). რუსეთის სოციალ-დემოკრატიული პარტიის ქუთაისის საგუბერნიო კომიტეტმა მახარაძის განადგურება გადაწყვიტა და მერკვილაძეს და მის თანარაზმელ პორფილე პაიჭაძეს შესთავაზა მისი მოკვლა. რაზმელებმა ერთხელ სცადეს მახარაძე წინასწარ დანაღმულ მღვდლის სახლში შეეტყუებინათ, თითქოს იქ თბილისიდან ჩამოტანილი სტამბა იყო, მაგრამ გამოცდილი მახარაძე დაეჭვდა _ აქ რაღაც `ნომერიაო~ და სახლის ის ოთახი, სადაც ბომბი იყო, შორიდან სროლით ააფეთქებინა...

1907 წლის თებერვალში მახარაძემ ხელში ჩაიგდო მერკვილაძის რაზმელი ცერცვაძე, რომელსაც წამების შემდეგ ყველაფერი ათქმევინა. მახარაძის რაზმმა ალყა შემოარტყა სოფელ სვერში ერთი გლეხის სახლს, სადაც, ცერცვაძის ცნობით, მერკვილაძე უნდა ყოფილიყო, მაგრამ იმ დღეს ის მეზობელ სახლში ათევდა ღამეს. დილით ადრე აფრასიონს და მის ორ რაზმელს, დუგლაძეს და გაჩეჩილაძეს, ხმაური შემოესმათ, ისინი იარაღასხმულები გარეთ გამოცვივდნენ. რაზმელებმა ახლომდებარე სახლის ეზოში მახარაძეს და მაზრის უფროსს მოჰკრეს თვალი. თავის დაუძინებელი მტრის დანახვაზე მერკვილაძემ მისი მოკვლა გადაწყვიტა. ამხანაგებმა სცადეს, მისთვის გადაეთქმევინათ _ შორსაა და ვერ მოარტყამო, მაგრამ აფრასიონმა არ დაიშალა და ესროლა. სროლის ხმაზე მახარაძემ ბრძანა, ცეცხლი გაეხსნათ. რაზმელები გაიქცნენ, მაგრამ გაჩეჩილაძე ბარძაყში დაიჭრა. მერკვილაძემ ის არაფრის დიდებით არ დატოვა, აიკიდა ეს დიდი ტანის კაცი, რომლის ტარება თურმე ცხენსაც კი უჭირდა და სროლით იკვლევდა გზას. ერთი გლეხის ოჯახში სთხოვდნენ, ქვევრში დაგმალავთო, მაგრამ მან უარი განაცხადა _ თუ გაგიგეს, დაგაწიოკებენო, არც დაჭრილის დატოვებაზე დათანხმდა და როგორც ამბობდნენ, `გადაყვა დაჟინებულ რაინდობას~. ერთ ხევში ისინი დიდ ქვებს ამოეფარნენ, ტყვიითა და ბომბებით დიდხანს იგერიებდნენ მომხდურებს, მაგრამ ბოლოს ორმა სტრაჟნიკმა შორიდან შემოუარა და სამივე სიცოცხლეს გამოასალმა. მოკლულები სოფელ ცხრუკვეთის ძველი ეკლესიის ეზოში დამარხეს. პოლიციამ მერკვილაძის ჩანთაში სამგზავრო ბიბლიოთეკა აღმოაჩინა: მარქსის `კაპიტალი~, `კლასობრივი ბრძოლა საფრანგეთში~, ლენინის `მოხსენება სოციალ-დემოკრატთა გაერთიანებულ ყრილობაზე~, პლეხანოვის `ჩვენი უთანხმოებანი~ და სხვა, ასევე მისი სისხლით მოთხვრილი ანდერძი, სადაც ის სთხოვს წითელრაზმელებს, რომ ისინი მძარცველებად არ გადაიქცნენ. ამას გარდა, ნახეს უბნის წიგნაკი, სადაც აღწერილი იყო მაზრაში მომხდარი ყაჩაღობის ფაქტები და მონაწილეთა (მათ შორის ყოფილი რაზმელების) ინიციალები წარწერით: `გადაეცეს შემდეგში გამარჯვებულ ხალხის სასამართლოს".




 ახალი ამბები
  • სალომე ზურაბიშვილი - დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები...დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები ან გამოვიყენოთ სარეკლამო ბანერები, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა განაცხადა. სალომე ზურაბიშვილი გამოეხმაურა გიორგი ვაშაძის ბრალდებას, რომ დედაქალაქში მხოლოდ ოპოზიციის პრეზიდენტობის კანდიდატების პლაკატები ირეცხება. როგორც ზურაბიშვილმა აღნიშნა, მისი გადაწყვეტილებით, თბილისში არც ერთი მისი საარჩევნო პლაკატი არ არის. როგორც პრეზიდენტობის დამოუკიდებელმა კანდიდატმა აღნიშნა, ის სარეკლამოდ მხოლოდ ბანერებს იყენებს. „ჩემი გადაწყვეტილებით, ჩემი არც ერთი პლაკატი არ არის თბილისში, ვიყენებ მხოლოდ დიდ ბანერებს. დიდი ხანია ვფიქრობ ამაზე და მომხრე ვარ, რომ ჩვენი ქალაქი ასეთი პლაკატებით არ დავაბინძუროთ. დროა, რომ გადავიდეთ ევროპულ ფორმატზე, რაც გულისხმობს პლაკატებისთვის სპეციალურ ადგილებს ან ბანერების გამოყენებას“, – განაცხადა სალომე ზურაბიშვილმა. ... ...
  • სალომე ზურაბიშვილი სენაკში ამომრჩევლებს შეხვდა (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...
  • “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს” (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...
  • ხულოში ხანძარს 2 ადამიანი ემსხვერპლახულოში სოფელ ჭახაურში, საცხოვრებელ სახლში გაჩენილ ხანძარს ორი ადამიანის სიცოცხლე ემსხვერპლა. გარდაცვლილია 18 წლის გოგონა და 72 წლის მამაკაცი. ამის შესახებ ინფორმაციას საგანგებო სიტუაციების მართვის სამსახური ავრცელებს. მეხანძრე - მაშველები ამ წუთებში, ხანძრის სალიკვიდაციო სამუშაოებს აწარმოებენ. ადგილზე მუშაობს 4 სახანძრო-სამაშველო ჯგუფი. მომხდარზე შინაგან საქმეთა სამინისტრომ საქმე სისხლის სამართლის კოდექსის 187-ე მუხლის მე-4 ნაწილით აღძრა, რაც გულისხმობს ნივთის დაზიანებას ან განადგურებას,  ჩადენილს ცეცხლის წაკიდებით, რამაც გაუფრთხილებლობით ორი ან მეტი ადამიანის სიცოცხლის მოსპობა ... ...
  • 28 ოქტომბრის არჩევნების შუალედური ანგარიში (R)ცენტრალური საარჩევნო კომისიის (ცესკო) თავმჯდომარე თამარ ჟვანიამ ადგილობრივ სადამკვირვებლო და საერთაშორისო ორგანიზაციებს, ასევე მედია წარმომადგენლებს 2018 წლის 28 ოქტომბრის არჩევნების შუალედური ანგარიში წარუდგინა. ანგარიში საქართველოს საარჩევნო ადმინისტრაციის მიერ პირველი აგვისტოდან პირველ ოქტომბრამდე  განხორციელებულ საქმიანობას ასახავს.  თამარ ჟვანიამ პრეზენტაციაზე მოწვეულ სტუმრებს 28 ოქტომბრის არჩევნებისთვის გაწეული საქმიანობა გააცნო. 2018 წელს ცესკომ გაზარდა ონლაინ რეგისტრაციების პროგრამის შესაძლებლობები და გარდა პარტიების წარმომადგენლებისა და საარჩევნო კომისიებში წევრების დანიშვნისა, პირველად, საქართველოს პრეზიდენტის არჩევნებისთვის რეგისტრირებულ დამკვირვებელ ორგანიზაციებს მისცა ალტერნატიული, გამარტივებული შესაძლებლობა, დამკვირვებლები დანიშნონ ონლაინ, ელექტრონული პროგრამის მეშვეობით. ცესკოს თავმჯდომარემ დეტალურად ისაუბრა ამომრჩეველთა ინფორმირების კამპანიის, საარჩევნო ადმინისტრაციის წევრთა კვალიფიკაციის ამაღლების, საარჩევნო პროცესის ორგანიზების, საარჩევნო და სამოქალაქო საგანმანათლებლო პროგრამების, ინკლუზიური საარჩევნო გარემოს, საარჩევნო პროცესში ჩართულ მხარეებთან თანამშრომლობის და სხვა მნიშვნელოვანი საკითხების შესახებ.  „ჩვენი საქმიანობა შეეხება ყველა იმ სასწავლო და სატრენინგო პროგრამას, საორგანიზაციო საკითხს, რომელიც უკავშირდება პრეზიდენტის არჩევნების ჩატარებას საქართველოში. ანგარიში მოიცავს ყველა იმ სატრენინგო პროგრამას რომელიც განახლებული მეთოდოლოგიით ემსახურება სწორედ საარჩევნო ადმინისტრაციის კვალიფიკაციის ამაღლებას, ასევე ჩართული მხარეების მომზადებას. წელს განსაკუთრებული აქცენტი იყო ახალგაზრდა ამომრჩეველზე და მათ აქტიურობაზე. ამავდროულად ანგარიშში ასახულია შშმ პირებისთვის მიწოდებული სერვისები, ასევე ეთნიკური უმცირესობების და სხვა ჩართული მხარეებისთვის, თითოეული ამომრჩევლისთვის მიწოდებული ყველა ის ინფორმაცია და სერვისი, რომელიც მათ თავისუფალ გარემოში არჩევნებში მონაწილეობის მიღებას შეუწყობს ხელს“, - აღნიშნა თამარ ჟვანიამ ჟურნალისტებთან საუბრისას. (R)   ... ...

არქივი

ზაფრანი

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...

რა დაგიცავთ ავი თვალისგან

ვერძმა სამოსში აუცილებლად უნდა შეიტანოს...

რატომ ტირიან მამაკაცები საკუთარ ქორწილში

მამაკაცები ხშირად მალავენ გრძნობებს, ალბათ...

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?