"ურთიერთპატივისცემისა და ურთიერთგაგების საუკეთესო ნიმუში" _ შალვა მახარაძის მოგონებებიდან

ისტორია

"ურთიერთპატივისცემისა და ურთიერთგაგების საუკეთესო ნიმუში" _ შალვა მახარაძის მოგონებებიდან

8 აპრ. 2019, 15:48:28

სიკვდილამდე რამდენიმე წლით ადრე მამაჩემმა შალვა მახარაძემ რამდენიმე გვერდიანი ნარკვევი გამოსცა, რომელიც ეხებოდა მის მშობლიურ სოფელს ნაღობილევს.

,,შევეცდები აღვწერო სოფელ ნაღობილევის მკვიდრთა და წინაპართა საქმიანობა, რომლის მომსწრე თავად ვიყავი ან მსმენია მშობლების, მეზობლების და საერთოდ ჩვენი სოფლის მკვიდრთაგან.

ჩვენს სოფელში და გურიაში შეძლებისდაგვარად ჰყავდათ ხარები, კარგად გაწყობილი ურემი, კავი, რომელიც შემდეგ შეცვალა რკინის გუთანმა. ფარცხი (ჩელტი) და სხვა ყოველგვარი ხელსაწყოები და ნივთები, რაც საჭირო იყო სოფლის მეურნეობისათვის. ჰყავდათ ძროხები, თხები, ღორები, ინდაურები, ბატები, იხვები. მოჰყავდათ სიმინდი, სოიო, ბრინჯი, ლობიო, ღომი ცერცვი, ხაპი, ცოცხი და ასევე ყოველგვარი ბოსტნეული და ბახჩეული. შემდეგ შემოვიდა ჩაისა და ციტრუსების კულტურები, ხილეულიდან აშენებდნენ ნაცარა ვაშლს, დემირა ვაშლს, მსხალს, ატამს. მიკადოს და სხვა ხილს, მოჰყავდათ თხილი.

სახლის ეზოში გაკეთებული ჰქონდათ ჭა, თუ ოჯახს არ გააჩნდა ასეთი, წყალს იღებდნენ მეზობლის ჭიდან.

მიწაში ჩაფლული ჰქონდათ ჭურები (ქვევრები), რასაც, ძირითადად, იყენებდნენ ხილის, ჭაჭისა და ანწლის ჩასაყრელად შემდგომ ოტკის (რუსული სიტყვიდან водка ) - არყის გამოხდის მიზნით. გააჩნდათ არყის სახდელი ხელსაწყო. საკარმიდამოში ჰქონდათ პატარა ტყე აკაციის, რცხილის თუ სხვა ხეების. ჰქონდათ ვენახი, ხეებზე გაშენებული ადესა, აგრეთვე ცოლიკაური, ციცქა და აგრეთვე ე.წ. დაბალი ვენახი (ნოეს ყურძენი).

ყველა გურულს ჰქონდა საცხოვრებელი სახლი. ამის გარდა სამზარეულო სახლი (იგივე ქუხნა), რომლის შუა ადგილას დადგმული იყო კერია და ინთებოდა შუა ცეცხლი.

კერიის თავზე გაკეთებული იყო ხის სამაგრები, სადაც იფუტებოდა (იბოლებოდა) ღორის ხორცი. სახლის სხვენში ინახავდნენ ახლადდაკრეფილ თხილს, რომელიც შეიბოლებოდა და უაღრესად გემრიელი იყო.

სამზარეულო სახლის უკან მიდგმული იყო საქონლის საზამთრო სადგომი (გურიაში ახორს უძახიან), სადაც ცალ-ცალკე თვასდებოდა საქონელი, რომლისთვისაც ძირითად საკვებად იყენებდნენ თივას, სიმინდის ჩალასა და სოიოს. ჰქონდათ საქონლის საზაფხულო სადგომი (ჩიხი), სადაც შერეკავდნენ საქონელს და ჩიხი იმდენად სრული იყო, რომ პირუტყვს ცალ-ცალკე დაბმა არ სჭირდებოდა.

ეზოში ჰქონდათ სასიმინდე (ნალია), ზოგს რამდენიმე, სადაც სიმინდს ინახავდნენ. სოფლის გლეხობას ნალია აგრეთვე ჰქონდა ეზოს გარეთ, იქ სადაც სიმინდი მოჰყავდა და მოყვანილ სიმინდს მარტის თვემდე ადგილზე ინახავდნენ. სასიმინდეს დაკეტვა არ სჭირდებოდა, არავის აზრად არ მოუვიდოდა მისი მოპარვა (სხვათაშორის, ჩემმა ძმამ ბაბუაჩვენის ნალია დაშალა და თბილისში ჩამოიტანა. ახლა ის ბაგების ეზოში დგას-ი.მ.).

ჰქონდათ და ზოგიერთს ამჟამადაც აქვს კოპიტის ხის სქელი ძელებისაგან აშენებული პროდუქტების შესანახი სათავსო  ბეღელი, რომელშიც ვერ შედიოდნენ მღრღნელები. ხშირად ბეღლის წინ დახურულ ადგილას გაკეთებული ჰქონდათ ჩამური, რომლითაც ცეხვავდნენ (კანს აცლიდნენ) ბრინჯს და ღომს.

საკალანდო ღორს ასუქებდნენ ისე, რომ საღორედან გარეთ არ უშვებდნენ (მოძრაობის დროს ღორი კარგად არ სუქდებაო). ასევე სპეციალურად წნელით დამზადებულ სადგომში (გურულად გორძღოში) ამწყვევდნენ ფრინველებს და იმდენ საკვებს აძლევდნენ, რამდენის ჭამაც შეეძლო. ინდაურს აყლაპებდნენ გარჩეულ ნიგოზს, რათა მას ჰქონოდა ყვითელი და სასიამოვნო ხორცი. როცა ღორს დაკლავდნენ, მის ხორცს აწყობდნენ ხის დიდ კასრში, სადაც ჩასხმული იყო მარილიანი წყალი. დაახლოებით სამი კვირის შემდეგ როცა ხორცს ამოიღბდნენ და დაჰკიდებდნენ ქუხნის შუა ცეცხლის თავზე მოწყობილ საკიდზე, ხორცი ნელ-ნელა იფუტებოდა და საუკეთესო გემოსი ხდებოდა. ღორის მუცლის ქონს ადნობდნენ, მოათავსებდნენ ქილებში და ის კარაქის მაგივრობას სწევდა.

მოკრეფილ ხილს ინახავდნენ საცხოვრებელი სახლის სხვენში (ჭერსა და სახურავს შუა), ხოლო ციტრუსებს ინახავდნენ ბეღელში თივიან ყუთში.

მაღალ ხეებზე გაშვებულ ყურძნის მოსაკრეფად ჰქონდათ აგრეთვე გოდორი (გიდელი) და სხვა საჭირო ნივთები. გააჩნდათ ღვინის დასაწურად საწნახელი.

დიასახლისები ამზადებდნენ გურულ ცხარე და გემრიელ კერძებს. ჭადს, პურსა და ხაჭაპურს აცხობდნენ ქვის კეცზე. ამზადებდნენ გემრიელ ღომსა და საცივს...

ჩვენი სოფლის მცხოვრებთ ერთმანეთთან ჰქონდათ კარგი, ჯანსაღი ურთიერთობა, არ იყო ქურდობა, არ იკეტებოდა სახლის კარები.

მახსენდება ერთი შემთხვევა. დაახლოებით, 1935-36 წლებში ჩვენს სოფელში გაჰყავდათ მოასფალტებული გზა, რომლითაც ქ. ოზურგეთი  მოკლე მანძილით უკავშირდებოდა სოფელ ნატანებს ჩვენი სოფლის გავლით. კოლმეურნეობის გამგეობის გადაწყვეტილებით, მამაჩემი კირილე დანიშნული იყო ბრიგადირად გზის მშენებლობაზე. ერთხელ სადილის დროს მამაჩემს სახლში მოჰყვა რამდენიმე კაცი. დედაჩემი მათ არ ელოდა და გამოცხობილი ჰქონდა მხოლოდ ერთი კეცი ჭადი, რაც, რა თქმა უნდა, სტუმრებისათვის საკმარისი არ იყო. დრო კი არ ითმენდა. ჩვენს მეზობლად მარცხენა მხარეს ცხოვრობდა ლავრენტი მახარაძის, ხოლო მარჯვნივ გრიგოლ გობრონიძის ოჯახი. მამა გადავიდა მათთან გამომცხვარი ჭადის მოსატანად. სახლში არავინ დახვდა, გამომცხვარი ჭადი კი ქვის კეცზე იდო. მამაჩემმა აიღო ჭადი და სტუმრებს გაუმასპინძლდა. ამის გამო მეზობელს არანაირი წყენა არ გამოუთქვამს. ეს იყო მეზობლობის ურთიერთპატივისცემისა და ურთიერთგაგების საუკეთესო ნიმუში...”




 ახალი ამბები
  • ზურაბ ნასარაია ლანჩხუთის მუნიციპალიტეტში მიმდინარე სამუშაოებს გაეცნო (R)რეგიონული განვითარებისა და ინფრასტრუქტურის სამინისტროს, რეგიონებში გასახორციელებელი პროექტების ფონდიდან ლანჩხუთის მუნიციპალიტეტში 5 მილიონ ლარამდე ღირებულების სამუშაოები ფინანსდება. ქალაქის ცენტრალურ ქუჩაზე ტროტუარებისა და საფეხმავლო ბილიკების მოწყობა მიმდინარეობს. პროექტის ფარგლებში მოწესრიგდა სანიაღვრე არხები, მოეწყო ბორდიურები, საფეხმავლო ბილიკები. ასევე, შეიცვლება გარე განათების სისტემა, მიმდინარეობს ორი სტადიონის მშენებლობა ქ. ლანჩხუთში. ღრმაღელე-ომფარეთის გზის 1 კილომეტრამდე მონაკვეთზე ასფალტის საფარი დაიგო. სოფელ ღრმაღელეში დაგეგმილია ასევე 7 კილომეტრი გზის რეაბილიტაცია. სტიქიის სალიკვიდაციო ღონისძიებების ფარგლებში სოფელ მაჩხვარეთში რეაბილიტირდა ხიდი. სამუშაოების მიმდინარეობას გურიის სახელმწიფო რწმუნებული ზურაბ ნასარაია, ლანჩხუთის მერთან ალექსანდრე სარიშვილთან, საკრებულოს თავმჯდომარე ბესიკ ტაბიძესთან და ადგილობრივი ხელისუფლების სხვა წარმომადგენლებთან ერთად გაეცნო. ... ...
  • გენერალი ბენ ჰოჯესი: საქართველო ნატო-ში ახლავე უნდა მივიწვიოთ,,ახლავე მივიწვიოთ საქართველო ნატო-ში“ , _ ამის შესახებ ევროპაში აშშ-ის სახმელეთო ჯარების ყოფილმა მეთაურმა, გენერალმა ბენ ჰოჯესმა ანალიტიკური ორგანიზაცია ,,ჯეოქეისის“ მიერ ორგანიზებულ ონლაინ დისკუსიის დროს განაცხადა. ,,პირველი - ახლავე მივიწვიოთ საქართველო ნატო-ში. ჩვენ გვაქვს პრეცედენტი, დასავლეთ გერმანია ნატო-ს წევრი გახდა, როდესაც აღმოსავლეთ გერმანიაში საბჭოთა ჯარი იდგა. ასე რომ, არსებობს სახელმწიფოს ნატო-ში მიწვევის პრეცედენტი იმ შემთხვევაშიც კი, თუ მისი ნაწილი ოკუპირებულია რუსეთის მიერ“, _ განაცხადა გენერალმა ჰოჯესმა. ამერიკელმა გენერალმა, შავი ზღვის რეგიონის სტრატეგიულ მნიშვნელობაზეც ისაუბრა. ,,ვიმედოვნებ, ახალ ადმინისტრაციას ექნება მრავალმნიშვნელოვანი სტრატეგია, თუ როგორი უნდა იყოს ურთიერთობები რუსეთთან, ჩინეთთან და ამ რეგიონთან. ძალიან ვამაყობ ამერიკის საელჩოს გუნდით თბილისში, ამერიკის საელჩოს გინდით კიევში, ჩვენ დიდებული დიპლომატები გვყავს და ისინი მუშაობენ, რომ წარმოადგინონ ჩვენი ქვეყანა, მაგრამ მათ არ მიეწოდებათ სტრატეგია, რომლითაც ამერიკული  კონტრიბუციის და ძალისხმევის თავმოყრა მოხდებოდა. ეს არის ის, რაც გვაკლია. ამერიკას სჭირდება სტრატეგია შავი ზღვის რეგიონისთვის. ჩვენ არ გვჭირდება სტრატეგია საქართველოსთვის ან სტრატეგია უკრაინისთვის, ჩვენ გვჭირდება პოლიტიკა საქართველოსთვის და პოლიტიკა უკრაინისთვის, რომელიც შავი ზღვის რეგიონის სტრატეგიის ნაწილი იქნება. საქართველომ, უკრაინამ და ამ რეგიონის სხვა სახელმწიფოებმა ძალისხმევა უნდა გააერთიანონ, რათა გაიზარდოს ცნობადობა და მიმზიდველი გახდნენ ეკონომიკური ინვესტიციებისთვის. ეს არის ჩემთვის ყველაზე მნიშვნელოვანი. მნიშვნელოვანია საქართველომ და უკრაინამ სხვადასხვა მიმართულებებით განამტკიცონ ურთიერთობები, თუნდაც გააუმჯობესონ თანამშრომლობა სადაზვერვო ინფორმაციის გაცვლის მიმართულებით, ასევე ეკონომიკური კუთხით“, _ განაცხადა ბენ ჰოჯესმა. ასევე, მან აღნიშნა, რომ ყირიმის პორტიდან გამოსული გემი შავი ზღვის რეგიონის არცერთმა ქვეყანამ არ უნდა შეუშვას საკუთარ პორტში. ,,ამ რეგიონში არცერთმა პორტმა არ უნდა შეუშვას ყირიმის პორტიდან გამოსული გემი რომელიმე პორტში, რადგან ეს არაკანონიერია. ყველა თანხმდება, რომ ყირიმი უკანონოდ არის ოკუპირებული.  პრეზიდენტმა პოროშენკომ ყველა პორტი დახურა ყირიმში, მაგრამ რუსეთი კვლავ განაგრძობს მათით სარგებლობას.  საქართველომ აქ უნდა შეასრულოს წამყვანი როლი, მაგალითად სევასტოპოლიდან გამოსულ გემებს არ უნდა შეეძლოთ ბათუმში ან ფოთში შესვლის საშუალება, ან თურქეთში შესვლა“ - აღნიშნა გენერალმა ბენ ჰოჯესმა . მან, ასევე, განაცხადა, რომ მნიშვნელოვანია  უფრო მეტი და მასშტაბური სამხედრო წვრთნების ჩატარება და საქართველოში სამხედრო ინფრასტრუქტურაში ინვესტიციების ... ...
  • „მე ვხედავ“ _ ახალგაზრდა შემოქმედი, რომლის ფიქრებიც მის ასაკს წინ უსწრებდა18 წლის ბეგი მამალაძე თბილისში ნუცუბიძის ფერდობზე ვერაგულად მოკლეს. ახალგაზრდა შემოქმედი 2015 წლის 25 მაისს  სისასტიკემ, გაუტანლობამ, გულქვაობამ და გულგრილობამ შეიწირა, თუმცა, მან თავისი შემოქმედების ირგვლივ არაერთი ახალგაზრდის გაერთიანება  და საზოგადოების მახსოვრობასა და გულში ადგილის დამკვიდრება გარდაცვალების შემდეგაც შეძლო. ბეგი წერდა სიმღერებს, ლექსებს, რეპით იყო გატაცებული. კარგად მღეროდა. არაჩვეულებრივად ხატავდა. წელს, ახალგაზრდა შემოქმედი ოცდაოთხი წლის გახდებოდა. „სიკეთით შემოდგა ფეხი ამ სამზეოში ბეგიმ 1996 წლის 2 დეკემბერს. სანამ გაჩნდებოდა, ჩემთან, სამშობიაროს ეზოში, ექიმი მოვიდა და სისხლის ჩაბარება მთხოვა. ბეგის დედას,  მარიკას საკეისრო კვეთას უკეთებდნენ. ძალიან ვნერვიულობდი. სისხლი გავიღე, თუმცა, არც მარიკას და არც ბეგის არ დასჭირვებიათ,  მაგრამ იმავე დღეს სხვას დასჭირდა და გადაუსხეს კიდეც ბეგისთვის დაუშურვებლად გაღებული სისხლი. მთელი ცხოვრებაც ასე გაატარა. დაუღალავად შეეძლო სიკეთის კეთება, ადამიანების გვერდში დგომა და დახმარება. პატარაობიდან უცნაური იყო ბეგი. განსხვავებული თავისი დამოკიდებულებებით. აღქმის და ფანტაზიის საოცარი უნარით დაჯილდოებული“,_ იხსენებს ბეგის დეიდა, ქალბატონი ნინო ზედელაშვილი. წელს, ქვეყანაში შექმნილი ეპიდვითარების გამო, ახალგაზრდა შემოქმედის იუბილეს აღსანიშნავად  კულტურული ღონისძიებები არ გაიმართა, თუმცა, დაიბეჭდა ბეგის რიგით მეორე წიგნი _ „მე ვხედავ“. როგორც ბეგი მამალაძის ოჯახის წევრები ამბობენ,  წიგნს სახელი შემთხვევით არ შეურჩიეს _  თავისი ასაკისთვის შეუფერებლად ბევრს ხედავდა ბეგი.  „ხანდახან მგონია, რომ საქართველოს ისტორიამ მის თვალწინ გაიარა. ყველა ტკივილი მის გულზე აღიბეჭდა. ბეგის ძარღვებში დაუდიოდა საქართველოს სიყვარული. სულ პაწაწინა იყო, მოვიდოდა თუ არა,  ეზოდან  მეხვეწებოდა: „ნინო დეიდა, ჩოხას ჩამაცმევ? „აზიასკებსაც“ ჩამაცმევ?“ გამოეწყობოდა, ხანჯალსაც დაიკიდებდა და საბრძოლო ყიჟინით დარბოდა სახლში“, _ იხსენებს ბეგის შესახებ საუბრისას ქალბატონი ნინო. ქართველი პოეტი, პროზაიკოსი, საქართველოს პარლამენტის ეროვნული ბიბლიოთეკის გენერალური დირექტორი, გიორგი კეკელიძე ბეგის შესახებ ამბობს, რომ პატარა ბიჭის ფიქრები მის ასაკს წინ უსწრებდა. „ბეგი მამალაძე დიდი სევდის ავტორია. ერთი დაუკვირვებელი შეხედვით, ცოტა წარმოუდგენელიც კი არის, როგორ მოასწრო ასე პატარა ბიჭში ამხელა დარდმა ასე ღრმად ჩაბუდება. მაგრამ დაკვირვება, რომელსაც  სწორედ მისი პოეზიის გაცნობა გვაიძულებს, იოლად დაგვანახებს, რომ ბეგის ფიქრები მის ასაკს შორს უსწრებდა. ბეგის სული სხეულს ისედაც არ ეკუთვნოდა. ის სხვა სივრცეებს ელოდა და ამიტომაც, ასე წინასწარმეტყველურად, მაგრამ მსუბუქად შეეგება სიკვდილს, რომელიც, რუსთაველისა არ იყოს, თამაშად და მღერად უჩანდა. „სიკვდილის შიში სულაც არ მთრგუნავს და არც დედას ვთხოვ, ჩემზე იტიროს და სიკვდილის წინ სულ ერთს ვთხოვ უფალს: სახეზე სიომ გადამირბინოს! ჩვენ აქ დავრჩებით წვიმის წვეთებად, დავრჩებით ბოლო სტროფის ნაკვესში. კაცად გვეცხოვროს, არა ღმერთებად, ამოისუნთქეთ... ვიყოთ ნათელში!“ ბეგი დარჩა. ის დიდ და მნიშვნელოვან მაგალითად დარჩა და ეს კრებულიც ამის ნიშანია“,_ ამბობს კეკელიძე. მწერალი  დათო ტურაშვილის აზრით,  ბეგი მამალაძეს რომ ეცოცხლა, კარგი მწერალი გახდებოდა. მას დრო სჭირდებოდა, რომ მაქსიმალურად გამოეყენებინა ნაბოძები ნიჭი. „ვისაც  უნახავს ბეგი მამალაძის ნახატები, ან წაუკითხავს მისი ლექსები და მოთხრობები,  ალბათ, ჩემსავით გაბრაზდება ამ ფაქტით და ყოველთვის ექნება საშინელი სინანულის განცდა უდროოდ შეწყვეტილი სიცოცხლის გამო. არადა, სწორედ დრო იყო მთავარი, რაც ბეგის ესაჭიროებდა, რომ მაქსიმალურად გამოეყენებინა ეს უხვად ნაბოძები ნიჭი და ჩანაწერებისგან შეექმნა ნამდვილი პროზა და ლექსებისგან  კი  ნამდვილი პოეზია. ბეგი მამალაძე რომ ძალიან კარგი მწერალი გახდებოდა, როგორც მისი მკითხველი, დარწმუნებული ვარ და მისი ნახატები კი, ახლაც ისეთი მომაჯადოებელია ჩემთვის, რომ ამ შთაბეჭდილების გადმოცემა მიჭირს. მეტიც, ისიც კი დაუჯერებელია და აუხსნელია ჩემთვის, თუ როგორ შეიძლება რომ ამ ასაკში, ასეთ სამყაროს ქმნიდე ან ხედავდე ასე და ნახატებს, მგონი, ცალკე კვლევა და სხვა ანალიზი ესაჭიროება და არა, უბრალოდ, აღფრთოვანება“, _ წერს ტურაშვილი. ბეგის ლექსებსა თუ ნახატებში იგრძნობა ახალგაზრდა შემოქმედის საფიქრალი და სატკივარი. „დილას ცა შეტიალდა. მამალმა მეორედ იყივლა. თბილისში მზე რომ ამოდის, ცუდ ხასიათზე ვდგები, მაგრამ აქ გურიაში ჩოხატაურის სოფელ ხევში დღე ხალისიანად იწყება“, _ ასე იწყებს ბეგი მამალაძე მოთხრობას „ჩემი სოფელი“, საიდანაც ვიგებთ, რომ  თბილისი  ბეგისთვის იყო ქალაქი, სადაც სიყვარულის და სიკეთის დანახვა სურდა. პოეტი მანანა ჩიტიშვილი ეხმაურება ლექსების კრებულს „მე ვხედავ“. ჩიტიშვილის თქმით, ყოველი წიგნი ავტორის ხელახალი დაბადებაა.  „ეს ჯერ კიდევ ყრმა და თავის ასაკისთვის უჩვეულო სიღრმით მოფიქრალი ჭაბუკი ავტორიც ხელახლა დაიბადება, ოღონდ უკვე   მკითხველთა გულებში, მათ სიყვარულში.  კეთილი გზა და დიდი სიცოცხლე ვუსურვოთ კრებულს, ცრემლთან ერთად სიხარულს რომ მოგვრის მკითხველთ“. გამოვა თუ არა გაყიდვაში „მე ვხედავ“, იქნება თუ არა შესაძლებელი წიგნის შეძენა, მანამდე ვიდრე პანდემიის გამო დაწესებული შეზღუდვები მოიხსნება და ლიტერატურული მაღაზიები მუშაობას გაანახლებენ? _  ამ კითხვებს „გურია ნიუსთან“ ბეგის დედა, ქალბატონი მარიკა ზედელაშვილი პასუხობს. _ წიგნი დაიბეჭდა ნოდარ დუმბაძის გამომცემლობა და ლიტერატურულ სააგენტოში  ბეგი მამალაძის სახელობის კულტურულ-საგანმანათლებლო ფონდის („ჩემი საქართველო“) დაფინანსებით. სამწუხაროდ, პანდემიის გამო დაწესებული შეზღუდვების მოხსნამდე წიგნი ვერ გამოჩდება ლიტერატურული მაღაზიების თაროებზე, მაგრამ ფონდმა შეიძლება ორგანიზება გაუკეთოს ონლაინ გაყიდვას. პანდემიის გამო ვერ აღვნიშნეთ ბეგის დაბადების დღე მასშტაბური ღონისძიებით, მაგრამ ამ წიგნის დაბადებამ მაინც ახალი ფურცელი გადაშალა ბეგის ბიოგრაფიაში, რაშიც დიდი წვლილი მიუძღვის  ბეგის პირველი წიგნის შემდგენლებს _ ჩემს დას, ნინო ზედელაშვილს და მის ქალიშვილს, თაკო კერესელიძეს. მათმა დაუღალავმა შრომამ  სურვილი აუხდინა ბეგის გულშემატკივრებს, რაც მისი გარდაცვალების შემდეგ დღემდე არ განელებულა. იმედი მაქვს, პანდემიის გამო დაწესებული შეზღუდვების გაუქმების შემდეგ წიგნის პრეზენტაცია შედგება თბილისსა და ჩოხატაურში და ეს წიგნი ღირსეულ ადგილს დაიკავებს ბეგის თაყვანისმცემლების წიგნების ... ...
  • ნაგავსაყრელად ქცეული მერია-კონჭკათის გზა ოზურგეთის მუნიციპალიტეტის სოფლების, მერია-კონჭკათის  გზაზე,  ცენტრალურ ადგილზე,  უამრავი  საყოფაცხოვრებო და  სამშენებლო ნაგავია დაყრილი.  ძნელი ამოსაცნობი არაა, რომ ეს ადგილობრივ მცხოვრებთა ნამოქმედარია.  გასაკვირი ისაა, რომ აქედან არც ისე შორს, არაერთგან არის სანაგვე ურნა  განთავსებული. „გურია ნიუსი“ ოზურგეთის მუნიციპალიტეტის  მერიის სერვისცენტრის  დირექტორს, თენგიზ ქუტიძეს ესაუბრა. _ არაერთხელ ხდება ასე. ადგილობრივი მოსახლეობის ნამოქმედარია, აბა, ოზურგეთიდან არ შეიტანს ვინმე კონჭკათში ნაგავს. ერთხელ ასეთი ფაქტიც გვქონდა _ ვინც დაყარა ნაგავი, თვითონ დარეკა მერიაში „შეშფოთებულმა“, ეს რა ხდებაო. მერე თავად გამოვიჭირეთ ფაქტზე... მე დღესვე გავუშვებ  ჩვენს თანამშრომლებს, რომ ნაგავის გატანა მოხდეს. გასაკვირი ისაა, რატომ აკეთებენ ამას ადამიანები, როცა სანაგვე ურნები ყველგან არის, _ გვითხრა  მან. ქუტიძემ ცალკე ისაუბრა მყარ სამშენებლო ნარჩენებზე, რომელიც სპეციალურად განკუთვნილ  ადგილზე, ანასეულის სიახლოვეს  უნდა მიიტანონ. _ მინიმალური თანხის გადახდას არიდებენ   თავს და იმიტომ არ  მიაქვთ მყარი ნარჩენები სპეციალურად განკუთვნილ ადგილზე, - თქვა ... ...
  • სოციალური პროექტი _ იუსტიციის სახლი განცხადებას ავრცელებს იუსტიციის სახლი განცხადებას ავრცელებს და აღნიშნავს, რომ მათი სოციალური პროექტის წინააღმდეგ ნეგატიური კამპანია აგორდა. „იუსტიციის სახლი განცხადებას ავრცელებს ერთ-ერთი სოციალური პროექტის წინააღმდეგ აგორებულ ნეგატიურ კამპანიასთან დაკავშირებით. როგორც ცნობილია, იუსტიციის სახლი სს „გეფასთან“ ერთად 2016 წლიდან სოციალურად დაუცველი ოჯახებისთვის ახორციელებს პროექტს „კეთილი იყოს შენი მობრძანება“. პროექტის ფარგლებში სოციალურად დაუცველ მშობლებს დაბადების მოწმობასთან ერთად, რომელიც ახალშობილის პირველი დოკუმენტია, იუსტიციის სახლიდან საჩუქრად ატანენ სხვადასხვა ნივთებს და ფულად ვაუჩერს. იუსტიციის სახლი წუხილს გამოთქვამს, თუკი ვინმესთვის ჩვილის დაბადების ამ ფორმით მილოცვა, არსებული დემოგრაფიული მდგომარეობის გათვალისწინებით, დასაცინი გახდა. კიდევ უფრო სამწუხარო და სამარცხვინოა ეს პროცესი მაშინ, როდესაც საქმე ეხება სოციალურად დაუცველ ახალშობილებს, რომლებისთვისაც უკვე მეოთხე წელია, იუსტიციის სახლი „გეფასთან“ ერთად გასცემს საჩუქრებს. დღემდე, მოქმედი პროექტით 15 000 პირმა უკვე ისარგებლა. გუშინ კი, იუსტიციის სახლმა სს „გეფასთან“ განაახლა მემორანდუმი და პროექტი, რომელიც 2016 წლიდან დღემდე მხოლოდ სოციალურად დაუცველ ოჯახებში დაბადებული ახალშობილებისთვის იყო განკუთვნილი, საყოველთაო გახდა. აღნიშნული ინფორმაცია სოციალურ ქსელში სხვადასხვა ინტერპრეტაციით გავრცელდა და ერთ-ერთი ტელეკომპანიის ხელმძღვანელმა და სხვა დაინტერესებულმა პირებმა იმ პროექტის დისკრეტიდაცია სცადეს, რომლითაც 2016 წლიდან დღემდე 15 000 პირმა უკვე ისარგებლა. იუსტიციის სახლი კიდევ ერთხელ განმარტავს, რომ 25 ლარიანი ვაუჩერი, არის ერთ-ერთი კომპონენტი სასაჩუქრე პაკეტთან ერთად და ის არის არა დახმარება, არამედ საჩუქარი კერძო სექტორისა და იუსტიციის სახლისგან იმ მშობლებისა და ბავშვებითვის, ვინც იუსტიციის სახლში დაბადების მოწმობის ასაღებად მივა. ინფორმაციისთვის, პროექტი „კეთილი იყოს შენი მობრძანება“ ახალშობილებს ორ განსხვავებულ პაკეტს სთავაზობს: . სოციალურად დაუცველ ოჯახებში დაბადებული ახალშობილების მშობლები, შვილის დაბადების მოწმობასთან ერთად, ჩვილის ტანისამოსისა და ჰიგიენური საშუალებების გარდა, ბავშვთა მოვლისა და კვების პროდუქტებზე 25-ლარიან ვაუჩერებს მიიღებენ; ბავშვის საფენების, კვებისა და მოვლის ბრენდებზე კი, ერთი წლის განმავლობაში 30-40-პროცენტიანი ფასდაკლებით ისარგებლებენ. ამასთან, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ. . სოციალურად დაუცველი ოჯახების გარდა, სასაჩუქრე ნაკრები გადაეცემა ყველა მშობელს, რომლებიც პირველად იღებენ ბავშვის დაბადების დამადასტურებელ მოწმობას. მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტული ბრენდების შეძენას 10-20-40%-იანი ფასდაკლებით შეძლებენ. პროექტის ბენეფიციარები ვაუჩერების გამოყენებას სს „გეფას“ სააფთიაქო ქსელებში − „ფარმადეპოსა“ და „ჯპს“-ის ფილიალებში შეძლებენ, რომლებიც საქართველოს ყველა რეგიონში ფუნქციონირებს“, – აცხადებენ იუსტიციის სახლში. გუშინ გავრცელდა ინფორმაცია, რომ ახალშობილთა მშობლებს, რომლებიც იუსტიციის სამინისტროს ბავშვის დაბადების რეგისტრაციისთვის მიმართავენ, სპეციალური სასაჩუქრე ვაუჩერი ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...