ვინ ანგრევდა მეტეხის ტაძარს და რად დაუჯდა შევარდნაძეს წინააღმდეგობის გაწევა

gurianews.com

ისტორია

ვინ ანგრევდა მეტეხის ტაძარს და რად დაუჯდა შევარდნაძეს წინააღმდეგობის გაწევა

2017 დეკ 7 15:36:43

საქართველოს მმართველი ამხანაგი ლავრენტი ბერია იღებს გადაწყვეტილებას – მეტეხის ტაძარი უნდა დაინგრეს, ხოლო მის ადგილას შოთა რუსთაველის ძეგლი უნდა აღიმართოს! დანგრეული ტაძრის მაკეტი კი იქვე აშენებულ მუზეუმში საპატიო ადგილას უნდა მოეთავსებინათ. ამ უგუნურ გადაწყვეტილებას წინ აღუდგა ქართველთა ერთი ნაწილი, მათ შორის მიხეილ ჯავახიშვილი, სანდრო ახმეტელი და გიორგი ჩუბინიშვილი; ისინი ბერიას ეახლნენ. მათ თავკაცობდა გარეგნულად ერთი მოკრძალებული ადამიანი -პროფესიით მხატვარი. დელეგაცია კატეგორიულად მოითხოვდა ამ გადაწყვეტილების გაუქმებას: „ქვეყანა დიდი პოეტის იუბილესთვის ემზადება, თქვენ კი იმ ტაძრის დანგრევას აპირებთ, სადაც ალბათ რუსთაველი ლოცულობდაო“. ბერიამ მათ ყურადღებით მოუსმინა.  ყველა გაისტუმრა, ხოლო დელეგაციის თავკაცს კაბინეტში დარჩენა სთხოვა:_  „თქვენ რა, საზოგადოებრივი აზრი გინდა შემიქმნათ? მეტეხი მაინც დაინგრევა, ოღონდ ამჯერად თქვენი პირადი მოთხოვნით, და ამ საკითხს თქვენ თვითონვე აღძრავთ“-ო.

ტაძარი გადარჩა, მაგრამ მხატვარი დიმიტრი შევარდნაძე სულ მალე დააპატიმრეს.

1885 წლის 1 დეკემბერს გურიის სოფელ ბახვში, მასწავლებლის ოჯახში დაიბადა დიმიტრი შევარდნაძე. მისი ბიოგრაფია კარგად ასახავს იმ ტენდენციას რომელიც XIX-XX საუკუნეების მიჯნაზე ნათლად გამოიკვეთა საქართველოში და რაც შემდეგში მდგომარეობდა: ნიჭიერ ბავშვს განათლების მისაღებად საზღვარგარეთ აგზავნიდნენ, სწავლების პროცესში თვალს ადევნებდნენ, რის შემდეგაც ის სამშობლოს სამსახურში დგებოდა. მოგვიანებით, ეს ტენდენცია კომუნისტებმა ამოძირკვეს. პატარა დიტო შევარდნაძესაც დაუნიშნეს მეურვეობა: ქუთაისის რეალური სასწავლებლის პედაგოგები ზრუნავდნენ მასზე. სწავლების დამთავრების შემდეგ იგი ჭიათურის ქვანახშირის სააქციო საზოგადოების სტიპენდიით გაემგზავრა მიუნხენს, სადაც ჩაირიცხა სამხატვრო აკადემიაში, პროფესორ ოტო ზეიცის კლასში. დანიშნული თანხა სტუდენტს არ ყოფნიდა ატელიეს, მოდელის, საღებავებისა და ყოველდღიური ცხოვრების ხარჯების დასაფარავად, ამიტომ იგი ფოტოგრაფთან მუშაობდა რეტუშორად. თვითონაც მიჰყო ხელი ფოტოსაქმეს და გარკვეულ შედეგებსაც მიაღწია. ის აქვე მუშაობდა ჭიათურის სამთო ტექნიკური სასწავლებლის ეკლესიის კანკელის მოხატულობის ესკიზებზე, ამასთან ქართული იუმორისტული ჟურნალის ,,მათრახი და სალამურის” რედაქციისთვის ხატავდა კარიკატურებს. მიუხედავად ხელმოკლეობისა, დიტო თავდაუზოგავად მუშაობდა, სრულყოფდა საკუთარ ოსტატობას. ერთხელ დრეზდენის სურათების გალერეაში შევარდნაძე კორეჯოს ფერწერული ტილოს ,,წმინდა ღამის” ასლს აკეთებდა, გალერეაში მყოფი რუმინეთის მეფე, ხელოვნების დიდი მოტრფიალე და კოლექციონერი, აღფრთოვანებაში მოიყვანა მისმა ოსტატობამ.

1912 წელს დიმიტრი შევარდნაძემ დაამთავრა სამხატვრო აკადემია, ხოლო ორი წლის შემდეგ ის საქართველოში დაბრუნდა და თბილისში დასახლდა. სამშობლოში დაბრუნებულმა თავის უპირველეს საქმედ ხელოვნების და ქვეყნის მსახურება აირჩია. მას შემდეგ ჩვენი ქვეყნის კულტურულ ცხოვრებაში არ ყოფილა მნიშვნელოვანი მოვლენა, რომლის მონაწილე ან მოთავე დიმიტრი შევარდნაძე არ ყოფილიყო. იგი მოწოდებით ნამდვილი ლიდერი იყო, ნებისმიერი კეთილი საქმის სულისჩამდგმელი და თავკაცი.

1916 წელს შევარდნაძემ ჩამოაყალიბა ქართველ ხელოვანთა საზოგადოება, მხატვართა პირველი პროფესიული ორგანიზაცია, რომელსაც ხელი უნდა შეეწყო, ,,მხატვართა, მოქანდაკეთა და ხუროთმოძღვართა ურთიერთშორის დაახლოება-შეკავშირებისათვის და ყველა თაობის ხელოვანთა საქმიანობის გეგმიანი წარმართვისათვის”. საგულისხმოა, რომ შევარდნაძემ თავისთვის თავმჯდომარის ამხანაგის მოკრძალებული თანამდებობა აირჩია. ეს გამორჩეული თვისება იყო მისი ხასიათისა, რომელიც სიცოცხლის ბოლომდე გაჰყვება მას. დიტო შევარდნაძის საოცარი თავმდაბლობა მაგნიტივით იზიდავდა ადამიანებს და ქართული ინტელიგენციის წარმომადგენლები მასში ერთგულ მეგობარსა და ქომაგს ხედავდნენ. საზოგადოებამ სტიპენდიები დაუნიშნა ახალგაზრდა ქართველ მხატვრებს ლადო გუდიაშვილს, დავით კაკაბაძეს, ელენე ახლედიანს, შალვა ქიქოძეს, შალვა ხმალაძეს და სხვებს, რათა მათ განათლება საზღვარგარეთ მიეღოთ. იმავე წელს საზოგადოების ინიციატივით  მოეწყო ქართველ მხატვართა ექსპედიცია სოფელ ნაბახტევში, იქაური ეკლესიის მხატვრობის პირების გადმოსაღებად, სადაც დარჩენილი იყო XV საუკუნის დასაწყისის ფრესკები – ამირეჯიბთა საგვარეულოს პორტრეტებით.

დიმიტრი თავის ძმას მიხაკოს სწერდა:_ ,,დღეს საღამოს სხვა მხატვრებთან ერთად მივემგზავრები სოფელ ნაბახტევში ფრესკების გადმოსაღებად, დავით გარეჯას მონასტერში წასვლა გადავდეთ, ნაბახტევის ეკლესია უფრო ცუდ მდგომარეობაშია, სახურავი სულ არა აქვს და კედლებზე წვიმა ფრესკებს რეცხავს”. ეკლესიის მხატვრობის ეს პირები გამოიფინა დიდების ტაძარში და საყოველთაო ინტერესი და მოწონება დაიმსახურა. მოგვიანებით, 1935 წელს, შევარდნაძე მხატვარ შალვა აბრამიშვილთან ერთად ნაბახტევის ფრესკების ნაწილს თბილისში ჩამოიტანს.

ლადო გუდიაშვილი იხსენებდა: _,,ყველაზე მუყაითი, მუდამ დაუღალავი დიმიტრი შევარდნაძე იყო, ექსპედიციის მთავარი მხატვარი, კედლის მხატვრობის კარგი მცოდნე და ქართული ფრესკების დიდი მოტრფიალე”.

საარქივო მასალებიდან ირკვევა, რომ 1917 წელს ტაო-კლარჯეთში ექსპედიციის მოწყობის ინიციატორიც დიმიტრი შევარდნაძე ყოფილა. ხოლო ექვთიმე თაყაიშვილის თაოსნობით განხორციელებულ ამ ექსპედიციაში, შევარდნაძე, სხვა ცნობილ მხატვრებთან ერთად, როგორც რიგითი წევრი ისე მონაწილეობდა.

უდიდესი ამაგი დასდო შევარდნაძემ ნიკო ფიროსმანის სურათების აღმოჩენის, გადარჩენისა და ერთად თავმოყრის საქმეს. თვითონ აკადემიური ტრადიციების მიმდევარი იყო,  მაგრამ მან ერთ-ერთმა პირველმა ამოიცნო ფიროსმანში ნამდვილი ტალანტი. შევარდნაძეს იგი მიაჩნდა ეროვნულ მხატვრად, რომელსაც თანამედროვეთა შორის ყველაზე მეტად ჰქონდა კავშირი ძველ ქართულ კედლის მხატვრობასთან. მხატვარი იხსენებდა: _ ,,საქართველოში ჩამოსვლისთანავე ჩემი ყურადღება მიიქცია სადგურის წინ მდებარე დუქნებში სურათებმა. დაინტერესებულმა გამოვიძიე ავტორის ვინაობა და მითხრეს, რომ ეს ნახატები ეკუთვნის ნიკო ფიროსმანაშვილს. ჩემი აზრით, იგი იყო ერთადერთი მხატვარი, რომელმაც ნამდვილი ხალხური გადმოცემის სიცხოველით მოგვცა მთელი XIX საუკუნის ქართული ყოფა-ცხოვრება. 1916 წელს მან მოაწყო ფიროსმანის ერთდღიანი გამოფენა საკუთარ ბინაში, მოგვიანებით კი საბჭოთა კავშირის მრავალ ქალაქში. სამწუხაროდ, მისი დიდი სურვილისა და მცდელობის მიუხედავად, ვერ მოხერხდა გამოფენის გატანა საზღვარგარეთ.

დიმიტრი შევარდნაძემ სამხატვრო გალერეას უანდერძა სხვადასხვა დროს შეძენილი ფიროსმანის 11 სურათი, რითაც საფუძველი ჩაუყარა მხატვრის ნაწარმოებების დიდ კოლექციას. ფიროსმანის ჩვენთვის კარგად ცნობილი ფოტოც ასევე მისი მოთხოვნით იქნა გადაღებული.

1920 წლის 6 აპრილს დიმიტრი შევარდნაძის ინიციატივით საქართველოს რესპუბლიკის ეროვნულმა კრებამ მიიღო დეკრეტი საქართველოს ეროვნული სამხატვრო გალერეის დაარსების შესახებ. მხატვარი გიორგი ერისთავი იგონებდა: ,,დიტომ ძალიან ენერგიულად მოჰკიდა ხელი ნაწარმოებების უმთავრესად ქართული მხატვრობის ნიმუშების შეკრებას. ბევრი ქალაქი და სოფელი მოიარა და მრავალი სურათი შეაგროვა. ზოგ მათგანს საჩუქრად აძლევდნენ, ზოგს ყიდულობდა, ასევე შეკრიბა წიგნები და ბიბლიოთეკა მოაწყო”. მან თავი მოუყარა XIX საუკუნის თბილისური, სპარსული და დასავლური მხატვრობის ბევრ შესანიშნავ ნიმუშს. თანამშრომელთა შტატში სულ რამოდენიმე ადამიანი იყო, არადა გალერეას და მის ფონდს მეთვალყურეობა და დაცვა სჭირდებოდა. მაშინ დიმიტრი შევარდნაძემ დატოვა თავისი ბინა გუნიბის (ახლანდელი ბარნოვის) ქუჩაზე და გალერეის სარდაფში დასახლდა. ყველაფერს თავისი ხელით აკეთებდა, არავითარ სამუშაოს არ თაკილობდა. ერთ დღეს გალერეაში სტუმრად ჩამოსული რუსი მხატვარი მისულა და დირექტორი უკითხავს.  მისი დამხვდური ცოცხიანი კაცი, რომელიც იატაკს გვიდა, სტუმარს დირექტორის კაბინეტში შეუძღვა, მაგიდას მიუჯდა და გაეცნო – შევარდნაძე მე გახლავართო. სხვათაშორის, კოტე მარჯანიშვილის მიერ დადგმულ ფილმში ,,გოგი რატიანი” (1927) თქვენ ნახავთ სამხატვრო გალერეის კიბეებზე მოსაუბრე ტიციან ტაბიძეს, კომპოზიტორ კოტე ფოცხვერაშვილს, ალექსანდრე წუწუნავას და დიმიტრი შევარდნაძეს. რაღაც სასწაულით ეს კადრები გადაურჩა განადგურებას, რადგან ტაბიძე და შევარდნაძე როგორც ხალხის მტრები, შემდეგ დახვრეტილნი იყვნენ. 

ბოლშევიკური დიქტატურის დამყარების შემდეგ საყოველთაო პოლიტიკური ტერორისა და ქაოსის პირობებში დიმიტრი შევარდნაძისათვის ცხადი გახდა, რომ ახალ ხელისუფლებასთან აშკარა კონფროტაცია ეროვნულ ინტერესებს კარგს არაფერს უქადდა. ამიტომ მან, ამ ურთულეს ვითარებაში დაიწყო კომპრომისული გზების ძიება ქართული საქმის საკეთილდღეოდ. იგი ყველანაირად ცდილობდა ქართული კულტურის დაცვას სოციალისტური რეალიზმის მარწუხებისგან. იყო შემთხვევა როცა მოსკოვიდან მოსული დირექტივის თანახმად ყველა რესპუბლიკის ცენტრალურ მუზეუმებს უნდა შეეძინათ დაბალი ხარისხის მხატვრული ნაწარმოებები, რასაც შევარდნაძე კატეგორიულად წინ აღუდგა. ეს კი შემდგომში მის საწინააღმდეგოდ ერთ-ერთ სამხილად იყო გამოყენებული.

დაძაბული მოღვაწეობის გამო შევარდნაძე ნაკლებ დროს უთმობდა საკუთარ შემოქმედებას. 1924 წელს შევსებულ ერთ ანკეტაში მან ჩაწერა:_  „მე პირადად მხატვრობას თავი დავანებე დროის უქონლობის გამო.“ მიუხედავად ამისა, მან მაინც ბევრის გაკეთება შეძლო. შევარდნაძემ შექმნა ქართული შრიფტის ერთ-ერთი ვარიანტი, თბილისის უნივერსიტეტის გერბი, რომელიც პირადად ივანე ჯავახიშვილმა შეუკვეთა, მას ეკუთვნის დამოუკიდებელი საქართველოს ფულის ნიშნებისა და საფოსტო მარკების ესკიზები; იყო წიგნის ილუსტრატორი, აგრეთვე არა ერთი ცნობილი სპექტაკლისა და საოპერო დადგმის მხატვარი. მუშაობდა ისეთ ცნობილ ფილმებზე როგორიცაა ,,ქრისტინე”, ,,ვინ არის დამნაშავე?”, ,,ჯანყი გურიაში”, ,,ელისო”. მისმა მხატვრულმა ხედვამ და ოსტატობამ, პერსონაჟთა სახეებისა და ხასიათების ღრმა ფსიქოლოგიური გახსნისაკენ სწრაფვამ, მნიშვნელოვანი როლი ითამაშა ამ ფილმების პლასტიკური სახის შექმნაში.

შევარდნაძე აქტიურად იღვწოდა ჩვენში სამხატვრო განათლების განვითარებისათვის. მან საფუძველი მოუმზადა საქართველოს პირველი სამხატვრო სასწავლებლის - სამხატვრო აკადემიის დაარსებას.

როდესაც დიმიტრი შევარდნაძე გალერეაში გადასახლდა, თავისი ბინა-სახელოსნო  ცნობილ მხატვარს ქეთევან მაღალაშვილს დაუთმო. მათ ერთმანეთი 1919 წელს გაიცნეს, იმ წლიდან იწყება მათი რომანტიკული და მეგობრული ურთიერთობა. ქალბატონი ქეთევანის სიტყვებით, მუდამ დიტოს ყურადღებითა და მეგობრული ზრუნვით იყო გამთბარი.  

,,თქვენ ეცადეთ თქვენი ჯანმრთელობისათვის, დანარჩენი კი ჩემი საქმე იყოს. ისე მოგაწყობთ სამუშაოდ, რომ არაფერი გაგიჭირდეთ. მინდა მოგაშველოთ ხუთი ათასი მანეთი, თუ ნებას მომცემთ, გამოვაგზავნით ფოსტით,” – წერდა შევარდნაძე ქეთევანს ერთ-ერთ წერილში.

ქეთევან მაღალაშვილი იგონებდა: ,,თანდათანობით დიტომ ექსპონატების ისეთი რაოდენობა შეკრიბა, რომ ისინი უკვე ვეღარ ეტეოდნენ გალერეაში. აუცილებელი შეიქნა ახალი დიდი შენობის გამოძებნა. შესაფერის სამუზეუმო ადგილად შეირჩა ყოფილი მეტეხის სიმაგრე, სადაც იმ დროს ციხე იყო. დიტოს მცდელობის და ზრუნვის შედეგად, ციხე ორთაჭალაში გადაიტანეს და მეტეხის სიმაგრე მთლიანად მუზეუმს გადაეცა. ამ საზეიმო დღესთან დაკავშირებით, 1933 წლის 18 ნოემბერს, დიდი მიტინგი ჩატარდა, რესპუბლიკის პრესა მხოლოდ ამ ფაქტს აშუქებდა. მიტინგზე მეტეხის ციხის ყოფილმა კომენდანტმა ციხის გასაღები ახალი მეტეხის დირექტორს - დიმიტრი შევრადნაძეს გადასცა. აქედან დაიწყო საქართველოს ხელოვნების მუზეუმის შექმნის ახალი ეტაპი. ,,ეს ისტორიული ძეგლი უნდა ვაქციოთ ახალ ლუვრად”, - ამბობდა დიმიტრი შევარდნაძე. მუზეუმის დირექტორად თავად დაინიშნა. მან გაარემონტა ერთ-ერთი კორპუსი რათა დროებით დაებინავებინათ ექსპონატთა ნაწილი და მუზეუმის მომავალი შენობისთვის პროექტზე ზრუნვას შეუდგა.

ერთ დღესაც მუზეუმში გახურებული მუშაობისას მოულოდნელად გამოეცხადა ბრიგადა ბერიას სახელით. დიმიტრი შევარდნაძემ დაუპატიჟებელი სტუმრები უკანვე გაისტუმრა. სულ მალე შევარდნაძე დაკავებული თანამდებობიდან გაათავისუფლეს, დაიწყო მიზანდასახული კამპანია მის წინააღმდეგ პრესაში, სადაც სხვა გამოჩენილ ადამიანებთან ერთად ამხელდნენ ხალხის მტრის - შევარდნაძის ძირგამომთხრელ და მავნებლურ საქმიანობას. აი, რას წერდა იმდროინდელი პრესა:_ ,,ყველა ორატორის სიტყვა გამსჭვალულია ღრმა სიყვარულით და ერთგულებით საბჭოთა ქვეყნისადმი და უსაზიზღრესი მძულვარებით ხალხის მტრებისადმი, მათ შორის მუზეუმის ყოფილი დირექტორის გარეწარ შევრდნაძისადმი, რომელიც მთელი თავისი მოღვაწეობის მანძილზე შენიღბულ შხამიან გესლს ანთხევდა ჩვენი ქვეყნის წინააღმდეგ, დევნიდა მუზეუმიდან საბჭოთა თემატიკას და მის მაგივრად არქაული სიძველეების იდეალიზაციას ახდენდა.

,,ერთ ღამეს დიტომ ჩემს კარებზე დააკაკუნა, მივხვდი რომ ცუდად იყო საქმე. მან დამიბრუნა ძმის სამკურნალოდ გადადებული ორი ათასი მანეთი, სეიფში შესანახად რომ მივაბარე, გადმომცა ასევე თავისი ჯიბის საათი,“ -იხსენებდა ქალბატონი ქეთევანი, როცა მან გაიგო იმ ხალხის დაჭერა რომელიც გაზეთში მასთან ერთად ,,დაამუშავეს” მან თქვა; ,,არაფრის მეშინია, ვინაიდან უმწიკვლო ვარ და არავითარი დანაშაული არ მიმიძღვის”.

შევარდნაძე მალე დააპატიმრეს. დაპატიმრებისთანავე მეტეხის იმჟამინდელი დირექტორის განკარგულებით დიმიტრი შევარდნაძის არასამუზეუმო ფასეულობად მიჩნეული ნივთები მეტეხის ეზოში საჯაროდ დაწვეს. მუზეუმის იმდროინდელმა ახალგაზრდა სპეციალისტმა და შეძლო მოეპარა დასაწვავად გამზადებული ნივთების ნაწილი და გადაენახა.

დიმიტრი შევარდნაძე 1937 წლის დეკემბერში დახვრიტეს.


ნახვა: 872


 ახალი ამბები
  • საქართველოს გაერთიანებული წყალმომარაგების კომპანია რეორგანიზაციას იწყებსსაქართველოს გაერთიანებული წყალმომარაგების კომპანია რეორგანიზაციას იწყებს, _ ამის შესახებ განცხადება გაერთიანებული წყალმომარაგების ვებგვერდზეა განთავსებული. როგორც განცხადებაშია აღნიშნული, საქართევლოს გაერთიანებული წყალმომარაგების კომპანია განვითარების ახალ ეტაპზე გადადის, რომელიც პროექტებთან ერთად, წყალმომარაგების დარგის კომპლექსურად განვითარებას გულისხმობს. ახალი გამოწვევების წარმატებით დაძლევის მიზნით, კომპანია სტრუქტურული და ორგანიზაციული ცვლილებების განხორციელებას იწყებს. ცვლილებების მიზანია მმართველობის ეფექტური სისტემის შექმნა, მათ შორის კადრების ოპტიმიზაცია, მაღალკვალიფიციური და კონკურენტუნარიანი პერსონალის მოზიდვა, რომელთა ჩართულობაც მნიშვნელოვანია კომპანიის ამბიციური გეგმების განხორციელებისთვის. რეორგანიზაციის ფარგლებში, ასევე გამოცხადდება ვაკანსიები სხვადასხვა პოზიციის დასაკავებლად. პროცესი ხელს შეუწყობს გამჭირვალობის პრინციპით, ახალგაზრდა და პროფესიონალი კადრების შერჩევას, რომლებიც  ფლობენ წყალმომარაგების სფეროში ახალი ტექნოლოგიების საერთაშორისო სტანდარტებით მართვის გამოცდილებასა და ... ...
  • საკრებულოს ხმაურიანი სხდომა და “ნაცმოძრაობის“ წევრების გარეშე დამტკიცებული საკითხები“ბატონი დავით დარჩია გაურბის პასუხისმგებლობას და ის ამიტომ არ არის საკრებულოს სხდომაზე. ჩვენ დავაფიქსირებთ ჩვენს აზრს და შემდეგ გადავწყვეტთ, დავრჩეთ თუ არა დღევანდელ სხდომაზე. მე მაინტერესებს, ამ შენობაში რაც გახორციელდა _ ბესო ქათამაძეზე მოხდა თავდასხმა, ამ ფაქტზე იღებთ თუ არა პოლიტიკურ პასუხისმგებლობას თქვენ და თქვენი პარტია“, _ ეს განცხადება ოზურგეთის მუნიციპალიტეტის საკრებულოს ოპოზიციონერმა წევრმა დავით მჟავანაძემ საკრებულოს თავმჯდომარის მოადგილის მისამართით სხდომის დასაწყისში გააკეთა. “მე შემიძლია გაგცეთ პასუხი, რატომ არ ესწრება სხდომას საკრებულოს თავმჯდომარე, ის  თბილისში,  ღია მმართველობის პარტნიორობის მეხუთე გლობალურ სამიტს ესწრება. განცხადებები კი გააკეთეთ სხდომის დასასრულს, ამის საშუალება მოგეცემათ“, _ უპასუხა დავით მჟავანაძეს გიორგი ღურჯუმელიძემ. საკრებულოს წევრმა “ერთიანი ნაციონალური მოძრაობიდან“  ბესო ქათამაძემ სხდომაზე თქვა, რომ მას ინციდენტისას არა ტარიელ აროშიძე, არამედ დავით ჭაკნელიძე მიეპარა. “ფრაქციის თავმჯდომარეს ააღებინეს თავზე დანაშაული და დავით ჭაკნელიძეს ხელი დააფარეს. ჭაკნელიძე მომეპარა და ჩამარტყა თავში. დამნაშავეები სხედან დარბაზი. კეთილი ინებეთ და აიღეთ პასუხისმგებლობა მომხდართან დაკავშირებით“, _ თქვა ბესიკ ქათამაძემ. არც თუ დიდი კამათის და დაპირსპირების შემდეგ დარბაზი პროტესტის ნიშნად “ერთიანი ნაციონალური მოძრაობის“ წევრებმა დატოვეს. “ჯერ იყო და გადადეს საკრებულო სხდომა და ახლა დარჩია არ არის საკრებულოს სხდომაზე, მათ არ უნდათ დისკომფორტი შეექმნათ. საკრებულოს თავმჯდომარემ ვერც გაბედა აქ მოსულიყო. ერთი თვეა, ვითხოვთ აიღონ პასუხისმგებლობა, მაგრამ ყველამ კარგად დაინახა, რაც მოხდა. ეს იყო ორგანიზებული თავდასხმა და არავინ იღებს ამაზე პასუხისმგებლობას“, _ თქვა მედიის წარმომადგენლებთან დავით მჟავანაძემ. „ნაციონალური მოძრაობის“ წევრების მიერ სხდომის დატოვებას არაკონსტრუქციული უწოდა საკრებულოს თავმჯდომარის მოადგილე გიორგი ღურჯუმელიძემ. “ნაცმოძრაობის დეპუტატებმა არაკონსტრუქციული გზა აირჩიეს. დღეს მათი პროტესტი გაუგებარი იყო, ძალიან მნიშვნელოვანი, მოსახლეობისთვის აქტუალური საკითხები განიხილებოდა საკრებულოს დღევანდელ სხდომაზე და მათ არ მიიღეს ამ განხილვაში მონაწილეობა“, _ თქვა გიორგი ღურჯუმელიძემ საკრებულოს სხდომის დასასრულების შემდეგ. “ქართული ოცნება - დემოკრატიული საქართველოს“ ფრაქციის წევრებმა თქვეს, რომ ემიჯნებიან ყოველგვარ ძალადობას. ისინი მოუწოდებენ „ნაცმოძრაობის“ წევრებს „უარი თქვას პოლიტიკაში პროვოკაციული და ძალადობრივი ელემენტების შემოტანაზე“. “ფრაზა "იმდენი შეგვიძლია, რამდენიც ვიცით", კარგად ასახავს "ნაციონალური მოძრაობის" წარმომადგენლის ბოლოდროინდელ პროვოკაციულ ქმედებებს. მან პოლიტიკურ პროცესებში მონაწილეობის ერთადერთ გზად დესტრუქციული მეთოდები აირჩია. დაგეგმილ ცილისმწამებლურ, ღირსების შემლახავ კამპანიას და საჯარო სივრცეში მიყენებულ სიტყვიერ შეურაცხყოფას მოჰყვა ინციდენტი, რომელიც, სამწუხაროდ, ფიზიკურ დაპირისპირებაში გადაიზარდა. ჩვენ, რა თქმა უნდა, ვემიჯნებით ყოველგვარ ძალადობას და მაღალი პოლიტიკური პასუხისმგებლობიდან გამომდინარე, ჩვენი ხელწერა იქნება მხოლოდ კანონიერი პასუხი ყველა პროვოკაციაზე. ფრაქცია "ქართული ოცნება-დემოკრატიული საქართველო" ყოველთვის იდგა და დღესაც დგას პოლიტიკური პლურალიზმის სადარაჯოზე. შეუძლებელია, აიძულო ადამიანი თავის შესაძლებლობაზე მეტი გააკეთოს, თუმცა, მოვუწოდებთ ინციდენტის ინსპირატორს, უარი თქვას პოლიტიკაში პროვოკაციული და ძალადობრივი ელემენტების შემოტანაზე. მეგობრებო, იქნებ დაემსგავსოთ კვალიფიციურ ოპოზიციას“, _ თქვეს ფრაქცია “ქართული ოცნება - დემოკრატიული საქართველოს“  წევრებმა. ოპოზიციონერი დეპუტატების მიერ პროტესტის ნიშნად სხდომათა დარბაზის დატოვების შემდეგ ტრიბუნასთან სამანდატო, საპროცედურო, იურიდიულ საკითხთა და ეთიკის კომისიის თავმჯდომარე ეროდი გორდელაძე მივიდა. “მინდა გაცნობთ, რომ საკრებულოს სხდომაზე ფრაქცია „ერთიანი ნაციონალური მოძრაობის“ თავმჯდომარის ცვლილებაზე გაკეთდა განცხადება. თორნიკე გოგუაძე დავით მჟავანაძემ შეცვალა. კი, მინდოდა, ეს ინფორმაცია გაეგო, მაგრამ პროტესტის ნიშნად დაგვტოვა“, _ თქვა ეროდი გორდელაძემ. საკრებულოს სხდომაზე შვიდი საკითხი განიხილეს. სხდომაზე გახდა ცნობილი, რომ განისაზღვრა ქალაქ ოზურგეთში მართვის მოწმობის პრაქტიკული გამოცდისთვის მომზადებულ 3 (სამ) სამარშუტო ტრასაზე დასაყენებელი საგზაო ნიშნების რაოდენობა და მარკირება. როგორც სხდომაზე აღინიშნა, ამისთვის სულ 605 ერთეული საგზაო ნიშანი დამონტაჟდება. გარდა ამისა, საპროექტო გზის ერთ მონაკვეთზე, დოლიძის და გაბრიელ ეპისკოპოსის ქუჩების გადაკვეთასთან, სამარშრუტო და სატრანსპორტო საშუალებების მოძრაობის დარეგულირების მიზნით, მოეწყობა შუქნიშანი. ოზურგეთის საკრებულომ მიმდინარე სხდომაზე სხდომაზე, ოზურგეთის მუნიციპალიტეტში დასახლებული ტერიტორიის დასუფთავებისათვის მოსაკრებლის ოდენობის შემოღებისა და გადახდის ინსტრუქციის დამტკიცების შესახებ“ - საკრებულოს დადგენილება მიიღო. დადგენილების დამტკიცებამდე, ნორმატიული სამართლებრივი აქტის პროექტში, საჯარო ადმინისტრაციული წარმოების პროცესში ცვლილება შევიდა. საკრებულოს ინიციატივით, პროექტით წარმოდგენილი მოსაკრებლის რაოდენობის შემცირება მოხდა და დადგენილების პროექტი აღნიშნული სახით დამტკიცდა. უკვე მიღებული დადგენილების მიხედვით _ ერთ სულ მოსახლეზე მოსაკრებლის ოდენობა განისაზღვრა 0.40 ლარით თვეში; ერთ სულ მოსახლეზე „სოციალურად დაუცველი ოჯახების მონაცემთა ერთიან ბაზაში“ 0-დან 150 001-მდე ქულის მქონე პირებისათვის მოსაკრებლის ოდენობა განისაზღვრა 0,20 ლარით თვეში; ორივე შემთხვევაში ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვრა 4 სულით. დაწესებულებებისთვის, ორგანიზაციებისთვის, იურიდიული პირებისათვის და ინდივიდუალურ მეწარმეთათვის მოსაკრებლის ოდენობა ერთ კუბურ მეტრ ნარჩენებზე განისაზღვრა 14 (თოთხმეტი) ლარი და 30 თეთრი. ოზურგეთის საკრებულომ, ,,ოზურგეთის მუნიციპალიტეტის ადმინისტრაციულ საზღვრებში სატრანსპორტო საშუალებების პარკირების რეგულირების წესისა და პარკირების საფასურის დადგენის შესახებ“, საკრებულოს დადგენილების მისაღებად, საჯარო ადმინისტრაციული წარმოების დაწყების თაობაზე გადაწყვეტილება მიიღო. "საკითხს აუცილებლად განიხილავენ კომისიები, ფრაქციები, ბიურო. სხდომებზე დასწრება თავისუფალია და ნებისმიერ დაინტერესებულ პირს შეუძლია ჩაერთოს განხილვის პროცესში. საკრებულო საკითხზე საზოგადოებრივ დარბაზთან ერთადაც იმსჯელებს. საზოგადოების მაღალი ინეტერესიდან გამომდინარე, აუცილებლად დაიგეგმება საჯარო განხილვა, რათა გადაწყვეტილების მიღება მოქალაქეთა ინტერესებიდან გამოდინარე მოხდეს", _ განაცხადა საკრებულოს თავმჯდომარის მოადგილემ გიორგი ... ...
  • უსუფაშვილისა და მარგველაშვილის ალიანსი_ ,,გუნდის ფორმირების პროცესი დაწყებულია“"შენების მოძრაობის“ ლიდერ დავით უსუფაშვილსა და საქართველოს პრეზიდენტს შორის მოლაპარაკება შედგა. საპრეზიდენტო არჩევნებში გაერთიანება და ერთ გუნდად ჩამოყალიბება_ ეს არის ის მთავარი საკითხები, რომლებზეც დახურულ კარს მიღმა პოლიტიკოსებმა  გუშინ იმსჯელეს. ,,გურია ნიუსი“ ,,შენების მოძრაობის“ ლიდერს, დავით უსუფაშვილს დახურულ კარს მიღმა წამოჭრილ ძირითად თემებსა და აქცენტებზე ესაუბრა: _ შეხვედრა შედგა, ვისაუბრეთ იმ საჭირბოროტო საკითხებზე, რომელიც მიმართვაშიც იყო და რომელზეც არა ერთხელ გვისაუბრია. ჯერ კონკრეტული გადაწყვეტილებები არ არის მიღებული. შეხვედრა იყო საინტერესო და სასარგებლო. მე ზომიერად ოპტიმისტურად ვარ განწყობილი, რომ  შევძლებთ ერთად პოლიტიკური საქმიანობის გაგრძელებას, მაგრამ, ასევე, ძალიან მნიშვნელოვანია  პრინციპულ საკითხებზე ერთ აზრამდე მისვლა, კერძოდ, ის, რომ მომავალი საპარლამენტო არჩევნებისთვის  პოლიტიკური ახალი ძალა ასპარეზზე არის გამოსასვლელი და ვთავაზობ გიორგი მარგველაშვილს  მოვხმარდეთ ამ საქმეს“, _ გვითხრა უსუფაშვილმა. _ ბატონო დავით, შეხვედრის შემდეგ როგორი შთაბეჭდილება დაგრჩათ, როგორ ფიქრობთ, მიიღებს მარგველაშვილი თქვენს წინადადებას გაერთიანებასთან დაკავშირებით? _ არ ვიცი, ჩემი განწყობა გამოვხატე იმით, რომ ზომიერად ოპტიმისტურად ვარ განწყობილი. დანარჩენს მომავალი გვიჩვენებს. _ თუკი მარგველაშვილი თქვენს წინადადებას დათანხმდება და მეტიც, ის საპრეზიდენტო არჩევნებში იყრის კენჭს, მზად ხართ, თქვენი კანდიდატურა მოხსნათ და მას დაუჭიროთ მხარი? _ რა თქმა უნდა, მაგრამ აქ არის ძალიან მნიშვნელოვანი საკითხი. გიორგი იქნება თუ სხვა, საპრეზიდენტო კანდიდატი, ჩემი ღრმა რწმენით, უნდა იყოს ჩვენი პოლიტიკური გუნდის ამოცანებით გამსჭვალული. მე ცალკე აღებულ საპრეზიდენტო არჩევნებს არ და ვერ ვხედავ. არ მაინტერესებს ისეთი კანდიდატი, რომელიც ამ არჩევნებში მონაწილეობს და იმას იქით,  მეორე და მესამე დღეს საკუთარ პოლიტიკურ გეგმებს არ უკავშირებს ამ პროცესებს. ეს არის კონტექსტი, მთავარი ის კი არ არის, ვინ იქნება კანდიდატი, მთავარია, კანდიდატს  პოლიტიკური გუნდის ფორმირება მიაჩნდეს პრიორიტეტად. _ გარდა მაგველაშვილისა, სამომავლოდ ვის მოიაზრებთ თქვენს გუნდში? _ მე საპრეზიდენტო არჩევნებისთვის გუნდზე არ ვფიქრობ. გუნდზე საპარლამენტო არჩევნებისთვის ვფიქრობ. ამ გუნდის მნიშვნელოვანი ნაწილი კი  საპრეზიდენტო კამპანიის  პროცესში გამოჩნდება. ზუსტად საპრეზიდენტო კამპანიის დროს ერთ-ერთი მთავარი ამოცანა გუნდის ფორმირება იქნება.  ჩვენ გვჭირდება 100-150 თანალიდერი, რომლებიც იქნებიან პარლამენტის წარმატებული წევრები. როგორც ცნობილია, გიორგი მარგველაშვილი საბოლოო გადაწყვეტილების მისაღებად ერთკვირიან ვადას ითხოვს. შეძლებენ თუ არა პოლიტიკოსები ერთ გუნდად ჩამოყალიბებას დროის მოცემულ ვადაში გახდება ... ...
  • საპრეზიდენტო კანდიდატი_,,დარწმუნებული ვარ ივანიშვილი დასახელდება“ვინ იქნება მმართველი გუნდის საპრეზიდენტო კანდიდატი _ ,,ქართულ ოცნებას“ საპრეზიდენტო კანდიდატი, ჯერჯერობით, არ დაუსახელებია, თუმცა მმართველ გუნდში დარწმუნებულები არიან, რომ მათ კანდიდატს საპრეზიდენტო არჩევნების მოგება პირველივე ტურში არ გაუჭირდება. პარლამენტის თავმჯდომარის თქმით, კონსულტაციები თვის ბოლოს პოლიტსაბჭოსა და უმრავლესობის ფორმატში დაიწყება, სადაც საპრეზიდენტო კანდიდატის ვინაობა გამოიკვეთება.   ,,ჩვენს პოლიტიკურ გუნდში არის რამდენიმე კანდიდატი, რომელსაც უმარტივესად შეუძლია პირველ ტურში ამ არჩევნების მოგება, თუმცა, რა თქმა უნდა, ყველაფერი უნდა გადაწყდეს კონსულტაციების საფუძველზე და ამ კონსულტაციებით გაირკვევა, თუ როგორ წარვდგებით  საპრეზიდენტო არჩევნებში“, _განაცხადა პარლამენტის თავმჯდომარემ. საზოგადოებრივი ორგანიზაცია ,,სამოქალაქო რეფორმაციის“ დამფუძნებელი, ანდრო ბარნოვი დარწმუნებულია, რომ მმართველი გუნდის საპრეზიდენტო კანდიდატი ,,ქართული ოცნება-დემოკრატიული საქართველოს“ თავმჯდომარე, ბიძინა ივანიშვილი იქნება. მისი თქმით, ,,ქართული ოცნების“ მიერ დასახელებულ სხვა კანდიდატს, საპრეზიდენტო არჩევნებში გამარჯვების ალტერნატივა არ გააჩნია. ,,დარწმუნებული ვარ, რომ საპრეზიდენტო არჩევნებში ივანიშვილი დაასახელებს საკუთარ თავს. სხვა შანსი ,,ქართულ ოცნებას“, უბრალოდ, არ აქვს. ეს არის ერთადერთი თეორიული შანსი, როდესაც შეიძლება, დღევანდელი ხელისუფლების წარმომადგენლებმა გაიმარჯვოს. სხვა ნებისმიერი  კანდიდატი, რომელიც აქამდე დაუსახლებიათ ან შეიძლება მომავალში დაასახელონ, იმდენად უფერულია, რომ, მერწმუნეთ, აუცილებლად დამარცხდებიან. სალომე ზურაბიშვილი წარმოუდგენლად კომიკური ფიგურაა, არა მხოლოდ ჩემთვის, არამედ ზოგადად, ჩვენი მოსახლეობისთვის“, _გვითხრა ბარნოვმა ,,გურია ნიუსი“ მომავალ საპრეზიდენტო კანდიდატის შესახებ  მმართველი გუნდის წარმომადგენელს, კახაბერ ოქრიაშვილს ესაუბრა. ოქრიაშვილის თქმით, ბიძინა ივანიშვილი საუკეთესო საპრეზიდენტო კანდიდატი იქნება.  _ ადრეც მქონდა ნათქვამი, რომ თუ ბატონი ბიძინა სრულად დაბრუნდება პოლიტიკაში, არა მარტო პარტიის ხელმძღვანელად, არამედ პრემიერ-მინისტრად, საზოგადოებისთვის კარგი იქნება. კი ბატონო, საპრეზიდენტო კანდიდატადაც საუკეთესო კანდიდატი იქნება თუ თვითონ მოისურვებს“, _ გვითხრა ოქრიაშვილმა. _ ბატონო კახაბერ, როგორ ფიქრობთ, სურს ივანიშვილს საპრეზიდენტო არჩევნებში მონაწილეობა? _ არ ვიცი, ვერ გეტყვით, არანაირი ინფორმაცია არ გამაჩნია ამასთან დაკავშირებით. ვისაც ,,ქართული ოცნება“ დაასახელებს, ჩემს საარჩევნო ოლქში იმ კანდიდატს დავუჭერ მხარს და ვიმუშავებ, როგორც მისი შტაბის წევრი. არა აქვს მნიშვნელობა ვინ დასახელდება. _ სალომე ზურაბიშვილის კანდიდატურას მხარს დაუჭერთ? _ კი, რა თქმა უნდა, ქალბატონ სალომეს ძალიან დიდ პატივს ვცემ. ჩვენი ინფორმაციით, პარლამენტის დამოუკიდებელი დეპუტატი, სალომე ზურაბიშვილი საპრეზიდენტო არჩევნებში მონაწილეობის მიღებას გეგმავს, თუმცა, ამ დრომდე გაურკვეველია დაუჭერს თუ არა მას მხარს ,,ქართული ოცნება“. მმართველი გუნდის ერთ-ერთი სავარაუდო საპრეზიდენტო კანდიდატი, რომელზეც გადაწყვეტილება, ჯერჯერობით, მიღებული არ არის, ბიძინა ივანიშვილია. საპრეზიდენტო კანდიდატის შესახებ ოფიციალური ინფორმაცია თვის ბოლოს გახდება ... ...
  • სხვისი სასაქონლო ნიშნის მართლსაწინააღმდეგო გამოყენების ორი ფაქტი გამოავლინეს საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, სხვისი სასაქონლო ნიშნის მართლსაწინააღმდეგო გამოყენების ორი  ფაქტი გამოავლინეს. გამოძიებით დადგინდა,  რომ ქვემო ქართლის და იმერეთის რეგიონებში, მობილური ტელეფონებითა და მისი აქსესუარებით მოვაჭრე ორი მეწარმე სუბიექტი  ჩინური წარმოების იაფფასიანი მობილური ტელეფონების ნიშანდებას NOKIA-ს სასაქონლო ნიშნით ახდენდა და მის რეალიზაციას ბრენდირებული ტექნიკის სახით  ახორციელებდა. გატარებული საგამოძიებო მოქმედებების  შედეგად, ჯამში ამოღებულია NOKIA-ს სასაქონლო ნიშნით უკანონოდ ნიშანდებული 3 791 მობილური ტელეფონი. გამოძიება მიმდინარეობს საქართველოს სისხლის სამართლის კოდექსის 196-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 2 წლამდე ვადით.  ... ...

არქივი

ზაფრანი

მარსის საიდუმლო

ყველას დაგვბადებია კითხვა ვართ თუ...

გამქრალი ტბა

2007 წლის მაისში, ჩილეში პატაგონიაში,...

ცხოველთა სამყაროც ირჩევს

გასული საუკუნის 30–იან წლებში, როდესაც...

საინტერესო ფაქტები ცისარტყელაზე

ცისარტყელა უძველესი დროიდან იპყრობდა ადამიანის...

პატარა ეშმაკობა შოპინგის დროს

მაღაზიებში ცდუნებისგან თავს ვერ იკავებთ...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...