ვინ იყო "ბატონი არკადინი", რომლის შექმნა უელსს სტალინის ფიგურამ შთააგონა

ისტორია

ვინ იყო "ბატონი არკადინი", რომლის შექმნა უელსს სტალინის ფიგურამ შთააგონა

2017 ივლ 17 11:31:27

ამ რამდენიმე წლის წინ რამდენიმე უმაღლესმა სასწავლებელმა უარი შემომითვალა ჩემს განცხადებაზე წამეკითხა ლექციები კინორეჟისურასა და კინოს ისტორიაში – ცენზი არ გაქვსო, ანუ დოქტორის წოდებაო. როცა გადავხედე თუ ვინ იყვნენ ლექტორები, ბევრ მათგანს სტუდენტებს კი არა, კვატას არ ჩავაბარებდი მოსავლელად.   

c'est quoi la vie როგორც იტყვიან... ამიტომ, ის რაც ვიცი (გულზე ხელის დადებით გაგიმხელთ, რომ კინოს ისტორიაში, განსაკუთრებით ამერიკულში,  რაცხა-რაცხაები გამეგება) ინტერენეტ სივრცეში გამოვამზეურებ.

ახლა კი საქმე: კინოს ისტორიაში მეტ-ნაკლებად ჩახედულ ადამიანს გაგონილი ექნება ამერიკელი რეჟისორისა და მსახიობის ორსონ უელსის სახელი. დღეს მის ბიოგრაფიას არ ჩავუღმავდები, არამედ თქვენს ყურადღებას შევაჩერებ მის ნაწარმოებებზე, რომელიც დაკავშირებულია საქართველოსა და ქართველებთან.

გარდა იმისა რომ უელსი ავტორია კლასკიკად აღიარებული ,,მოქალაქე ქეინისა”, მას სხვა უამრავი მაღალი დონის ნაწარმოები აქვს შექმნილი. ერთი მათგანია ,,ბატონი არკადინი”, რომელიც მოგვითხრობს იდუმალ მილიარდერ გრეგორი არკადინზე, რომელსაც ამნეზია ჰქონდა. ის იქირავებს ერთ ავანტიურისტ ამერიკელს, რათა მან გამოიძიოს მისი წარსული. სინამდვილეში კი მილიარდერს არანაირი ამნეზია არ სჭირდა, ის გეგმავდა ყველა იმ მოწმის, ვისაც დაქირავებული ამერიკელი მიაგნებდა, თავიდან მოშორებას, რათა მისი კრიმინალური წარსულისა და ცოდვების შესახებ არ გაეგო მის ერთადერთ ქალიშვილს. ცოდვები კი წარსულში მას მრავლად ჰქონდა ჩადენილი: ის იყო აფერისტი, ადამიანთა გამტაცებელი, მკვლელი, იარაღით მოვაჭრე, მეორე მსოფლიო ომის დროს თანამშრომლობდა იტალიელ და გერმანელ ფაშისტებთან, რისი მეშვეობითაც უზარმაზარი ქონება დააგროვა.

ფილმის დასაფინანსებლად უელსმა მიმართა თავის ძველ მეგობარს, სოციალისტ ლუი დოლივეს, რომელსაც ფილმების კეთების ამბიცია ჰქონდა.  მართლაც, დოლივე ფულს იშოვნის და 1954 წლის დასაწყისში ფილმის გადაღება დაიწყება.  დოლივეს სურდა რათა ფილმის მონტაჟი 1954 წლის შობამდე დასრულებულიყო. იგი გამოუცდელი პროდიუსერი გახლდათ და შვეიცარელ ფინანსისტებს ფილმის დასრულების არარეალურ გრაფიკს შეპირდა. როცა უელსმა დათქმულ ვადებს გადააცილა, პროდიუსერმა მას პირდაპირ ხელიდან გამოგლიჯა დაუსრულებელი ფილმი და სხვას გადასცა დასამონტაჟებლად.

ამავე დროს დოლივემ მას არაპროფესიონალიზმში დასდო ბრალი და ასევე განაცხადა რომ გადაღებისას ის უზომოდ ბევრს სვამდა (ეს სიმართლეს შეეფერებოდა, უელსი მთელი სიცოცხლის განმავლობაში იყო ბოთლს ჩახუტებული, შესაძლებელია მემკვიდრეობითობამაც იჩინა თავი _ როგორც ამბობენ, უელსის მამა ალკოჰოლიკი იყო). ესეც არ აკმარა და მას სასამართლოში უჩივლა, თუმცა ვერაფერი გააწყო. რეჟისორი ცდილობდა რამენაირად საკუთარი ხედვით წარმართულიყო სამონტაჟო პროცესი, ის საკუთარ მოსაზრებებს უგზავნიდა პროდიუსერს და მემონტაჟეს, მაგრამ მას ყურადღებას არ აქცევდნენ. უელსს სურდა ,,არკადინის” სიუჟეტი, ისევე როგორც ,,მოქალაქე ქეინში”, ფლეშბექების (ფლეშბექი_სცენა, რომლის მეშვეობით ნაჩვენებია წარსულში მომხდარი ამბავი) საშუალებით აეწყო. ხოლო დოლივემ უფრო სწორხაზოვანი თხრობის გზა აირჩია. მათ ასევე ამოჭრეს ზოგიერთი სცენა რომელსაც გადამწყვეტი მნიშვნელობა ენიჭებოდა გრეგორი არკადინის პერსონაჟის განვითარებაში.

თავდაპირველად მთავარი გმირის გვარი იყო არკადიანი, უელსმა ის გადააკეთა და ასო ,,ა” ამოაგდო. ერთ ინტერვიუში ის ამბობდა: ,,არკადინი _ ეროპული სამყაროს წარმომადგენელია, ის შეიძლება ყოფილიყო ბერძენი, რუსი, ქართველი”. ამერიკელ რეჟისორს, მის ბიოგრაფს პიტერ ბოგდანოვიჩს კი უმტკიცებდა, რომ არკადინი ქართველია: ,,მისი სახელიც კი ამას გეუბნება”. ფილმის სიუჟეტის მიხედვით ჩვენ ვგებულობთ, რომ არკადინის ნამდვილი სახელი და გვარია ვასო ათაბაძე.

ერთ ეპიზოდში მასკარადის დროს ის იძახის: ,,ახლა მინდა წარმოვთქვა ქართული სადღეგრძელო. ყოველ ქართულ სადღეგრძელოს კი წინ ისტორია უძღვის... მე მსურს შევსვა მეგობრობის სადღეგრძელო...”

მასკარადზე თუ სხვა წვეულებაზე ყოველ სტუმარს წინ ჩოხებში გამოწყობილი, ხმლებით შემართული მამაკაცები ხვდებიან. შესვლისას ყველა სტუმარი ვალდებულია დიდი ,,სტაქნით” არაყი შესვას. ,,ეს ველური ჩვეულებაა”, - იცინის არკადინის ქალიშვილი რაინა. საინტერესოა, რომ ,,ქართულ გარემოსთან” ეს უელსის პირველი შეხვედრა არ ყოფილა: 1943 წელს გადაღებულ ჯაშუშურ თრილერში ,,საშიში მოგზაურობა”, რომელსაც ბევრი უელსის ფილმად მიიჩნევს და სადაც ის თურქეთის საიდუმლო პოლიციის შეფს თამაშობს, მოქმედება იწყება მეორე მსოფლიოს დროინდელ თურქეთში და ვითარდება ბათუმში.

გასაკვირი არ არის, რომ ,,არკადინში” მთავარი უარყოფითი გმირი ქართველია, ანუ დასავლეთელებისთვის იგივე რუსი. მაშინ, ცივი ომის პერიოდში ჰოლივუდურ ფილმებში ,,ცუდი ბიჭები” ერთთავად რუსები (საბჭოთა კავშირის ყოველი მოქალაქე კი რუსად მოიაზრებოდა) ან აღმოსავლეთის ბლოკის ქვეყნების წარმომადგენლები იყვნენ. ჰოლივუდელებს ყოველთვის სჭირდებოდათ მტრის ხატი: კაზაკი, იაპონელი, ჩინელი, სერბი, ჩრდილოეთ კორეელი... ეს ხდებოდა პოლიტიკური სიტუაციიდან გამომდინარე, მაგრამ ყველაზე მეტად კი ,,ცუდი ბიჭების” როლი რუსებს ერგებოდათ. ეს ტრადიცია გრძელდება, გავიხსენოთ თუნდაც ვიკტორ რუსთაველი ბოევიკიდან ,,წითელი სიცხე” (რეჟ. უოლთერ ჰილი, 1988). ეს ჟღერადი სახელი ნარკოტიკებით მოვაჭრე ქართველ კრიმინალს თბილისში დაბადებულმა ფილმის სცენარისტმა ჰარი კლაინერმა შეურჩია. უნდა ითქვას, რომ ტიტრებში ეს გვარი აღნიშნულია როგორც  - როსთავილი, მაგრამ მას, განსკუთრებით რუსი მსახიობები წარმოთქვამენ, როგორც რუსთაველი.

ორსონ უელსი აცხადებდა, რომ ,,ბატონი არკადინის” შექმნაზე ის შთააგონა სტალინის ფიგურამ: ,,ცივმა, პრაგმატულმა, დაუნდობელმა, მაგრამ ამავე დროს რაღაც შემაშინებლად სლავური სიმძლავრის მატარებელმა, რომელსაც შეუძლია ერთდროულად ლმობიერებისა და თვითგანადგურებისაკენ ჟინის გაღვივება”. ასევე ნაწილობრივ შთააგონეს იმ იარაღით მოვაჭრეებმა, ფინანსისტებმა და სპეკულანტებმა, მათ შორის ,,სიკვდილით მოვაჭრე” ბეისილ ზახაროვმა, ვინც უზარმაზარი ქონება დააგროვა და ხელი მოითბო ომისდროინდელ და ომისშემდგომ გაჭირვებულ და განადგურებულ ევროპაში.

არკადინის პერსონაჟის დასახასიათებლად უელსი ბაყაყისა და მორიელის ამბავს ყვება: მორიელს მდინარის გადაცურვა უნდოდა, ის შესკუპდა ბაყაყზე, რომელმაც გააფრთხილა რომ მისთვის არ ეკბინა, რადგან მაშინ ორივე დაიღუპებოდა. შუა მდინარეში მორიელმა მას შხამიანი ნესტარი ჩაასო. მომაკვდავმა ბაყაყმა ჩაძირვა დაიწყო: ,,ეს რა ჰქენი! ეს ხომ ალოგიკურია! ვიცი, უთხრა მორიელმა, მაგრამ რა ვქნა, ეს ჩემი ბუნებაა”.

პერსონაჟის ამგვარი დახასიათება დიდ ინტრიგას შეიცავს, ამბობდა ზოგიერთი კინოკრიტიკოსი, მაგრამ სინამდვილეში არკადინი, რომელსაც თვით უელსი განასახიერებდა, ჯეიმს ბონდის გროტესკულ უარყოფით გმირს უფრო წააგავს დაწებებული წვერ-ულვაშითა და სლავური აქცენტითო. მთლიანობაში ფილმი მართლაც დაუმთავრებელ, ნაჩქარევ და დაგლეჯილ ნაწარმოებს ჰგავს, მაგრამ მიუხედავად ამისა ის დღესაც, ლამის 60 წლის შემდეგ, არ მოძველებულა და მაინც საინტერესო სანახავია. უელსისთვის დამახასიათებელი უცნაური რაკურსები, კადრების ჩქარი მონაცვლეობა, ბრწყინვალე მსახიობური ანსამბლი, უმეტესად აღმოსავლეთ ევროპელი ემიგრანტების – თბილისში დაბადებული აკიმ ტამიროვისა და მიშა აუერის საოცარი თამაში (მხოლოდ არკადინის ქალიშვილის როლის შემსრულებელი, ცხოვრებაში კი მისი მესამე მეუღლე პაოლა მორი, იგივე გრაფინია დი გირფალკო, მოიკოჭლებს), რაც შეეხება დაწებებულ წვერ-ულვაშს, ფილმის ყურებისას დროთა განმავლობაში მას საერთოდ აღარ აქცევ ყურადღებას, რადგან უზადო მსახიობის _ უელსის მაგნეტიზმი და ქარიზმა ყველაფერს გავიწყებს.

ევროპის კინოთეატრებში ,,ბატონი არკადინი” 1955 წელს გამოვიდა (ინგლისში ეკრანებზე გაუშვეს განსხვავებული ვერსია შეცვლილი სათაურით ,,საიდუმლო დოსიე”). ,,ბატონმა არკადინმა” ორსონ უელსის ბევრი სხვა ფილმის ბედი გაიზიარა - ის გაქირავებაში ჩავარდა....

ამერიკაში ფილმის გამოსვლა ვერა და ვერ ხერხდებოდა. ეს სრულიად შემთხვევით მოხდა. 1961 წელს პიტერ ბოგდანოვიჩი უელსთან ერთად მონგრაფიას წერდა, პარალელურად კი ნიუ იორკის თანამედროვე ხელოვნების მუზეუმში გამართულ მისი ფილმების რესტროსპექტივაზე მუშაობდა. კვლევა-ძიებისას ბოგდანოვიჩი ლოს ანჯელესის ერთი ტელევიზიის საწყობში შემთხვევით ,,არკადინის” ასლს გადააწყდა. ნახვის შემდეგ ის მიხვდა რომ ეს იყო განსხვავებული იმისგან, რასაც 50-იან წლებში ევროპაში უჩვენებდნენ. მოგვიანებით ბოგდანოვიჩი იხსენებდა, რომ ის თავს ტუტენჰამონის აღმომჩენ ჰოუარდ კარტერის მსგავსად გრძნობდა.

ბოგდანოვიჩმა მტკიცედ გადაწყვიტა ეჩვენებინა ეს ფილმი ამერიკაში. პრემიერა 1962 წელს ნიუ იორკში შედგა. უცნობია, ნახა თუ არა ფილმი თავად უელსმა და შეესაბამებოდა თუ არა ის მის პირვანდელ ჩანაფიქრს. ,,მას არც ფიქრი და არც საუბარი არ სურდა მის შესახებ, _ წერდა ავტორი ჯონათან როზენბაუმი, _ ვფიქრობ, ეს მისთვის ძალიან მტკივნეული იყო”.

რაოდენ გასაკვირი არ უნდა იყოს, ორსონ უელსს, ისევე როგორც ბევრ სხვა ნიჭიერ ხელოვანს რეჟისურაში აკადემიის უმაღლესი ჯილდო არ მიუღია. უელსს ოსკარი მხოლოდ 1941 წელს ჯოზეფ მანკიევიჩთან ერთად ,,მოქალაქე ქეინის” სცენარისთვის ერგო, ხოლო 1970 წელს მას საპატიო ოსკარი მიანიჭეს. დაჯილდოების ცერემონიალზე ოსკარი რეჟისორ ჯონ ჰიუსტონს გადასცეს, რომელმაც განაცხადა, რომ უელსი ესპანეთში იმყოფებოდა გადაღებებზე. უელსის წინასწარ ჩაწერილი სამადლობელო სიტყვა კი ეკრანზე გაუშვეს. გამოსვლას ის ასე ასრულებდა: ,,...მაშ შევსვათ ყველამ ერთად ჩვენი გიჟური და საყვარელი პროფესიის სადღეგრძელო. კინოს გაუმარჯოს _ კარგს და ყველა დანარჩენს”.

აკადემია ფეხზე ამდგარი ტაშს უკრავდა, სინამდვილეში კი უელსი არსადაც არ წასულა, ის საკუთარ სახლში, ჰოლივუდში იმყოფებოდა და საზეიმო სადილის შემდეგ ჰიუსტონმა უელსს ოსკარი მიართვა.

როცა უელსი გარდაიცვალა, კრემაციის შემდეგ მისი ფერფლი ყვავილებით მორთულ ძველ მიტოვებულ ჭაში დაასაფლავეს, რომელიც განთავსებული მისი მეგობრის, ტორეადორ ანტონიო ორდონეზის საკუთრებაში მალაგაში, ესპანეთში.

ირაკლი მახარაძე




 ახალი ამბები
  • მართავს თუ არა თალაკვაძე უმრავლესობას "ვოთსაფით" _ "არც მითხოვია ურთიერთობაში რაიმე პრივილეგია"გავრცელებული ინფორმაციით, საპარლამენტო უმრავლესობის ლიდერი მალე თანამდებობას დატოვებს და ვიცესპიკერად გადავა. ამბობენ იმასაც, არჩილ თალაკვაძეს ირაკლი კობახიძე არ „წყალობს“ და ამ დრომდე უმრავლესობის ლიდერის პოსტის შენარჩუნება, სუს-ის უფროსის მოადგილის, მისი მეუღლის ბიძის, გრიგოლ ლილუაშვილის მფარველობით მოახერხა. დეპუტატები „გურია ნიუსს“ იმასაც უყვებიან, რომ თალაკვაძეს უმრავლესობის მართვა უჭირს და მათთან ძირითადად „ვოთსაფით“ ურთიერთობს. ჩვენ დეტალების გადამოწმება საპარლამენტო უმრავლესობის ლიდერთან ვცადეთ. არჩილ თალაკვაძესთან ინტერვიუ ერთ-ერთი ყველაზე აქტუალური თემით, მოსამართლეთა სიაზე საუბრით დავიწყეთ. _ ბატონო არჩილ, ქვეყანაში ბოლო დროის ერთ-ერთი მნიშვნელოვანი თემა მოსამართლეთა სიაა, რომელზეც განცხადებების გაკეთებას ერიდებით. რატომ? _ სამართლიანი სასამართლო ჩვენი ქვეყნის განვითარების ერთ-ერთი უმთავრესი პირობაა. ახალ კონსტიტუციაში სწორედ ჩვენ ჩავდეთ სასამართლოს დამოუკიდებლობის უფრო ძლიერი გარანტიები. კანონმდებლობით, უზენაესი სასამართლოს მოსამართლეთა შერჩევისა და წარდგენის უფლებამოსილება იუსტიციის უმაღლეს საბჭოს ეკუთვნის და საბჭომ კანდიდატურები პარლამენტს წარუდგინა. პარლამენტმა კანდიდატურები უნდა განიხილოს და მიიღოს გადაწყვეტილება თითოეულზე. როგორც იცით, ამ პროცესთან დაკავშირებული აზრთა სხვადასხვაობის გამო, ჩვენმა პოლიტიკურმა გუნდმა ორი თანმიმდევრული გადაწყვეტილება მიიღო _ პირველი: საკითხის განხილვა საგაზაფხულო სესიისთვის გადაიდო და მეორე: მოსამართლეთა შერჩევისა და წარდგენის პროცედურა ცალკე საკანონმდებლო აქტით განისაზღვროს. შესაბამისად, ახლა იწყება მუშაობა რეგულაციებზე, რომლის საფუძველზეც, პარლამენტში კანდიდატურების შერჩევა და დასახელება მოხდება. პარლამენტი გადაწყვეტილებას მხოლოდ ამის შემდეგ მიიღებს. _ თქვენ ხართ იმ უმრავლესობის ლიდერი, სადაც დიდი ხანია განხეთქილებაა. დეპუტატები ჩვენთან პირად საუბრებში ამბობენ, რომ თქვენ მართვა გიჭირთ და მათთან ძირითადად „ვოთსაფით“ ურთიერთობთ, რაც გამართლებული არ არის. რატომ ამჯობინებთ კოლეგებთან ონლაინ ურთიერთობას? _ ადვილი საქმე არასოდეს მქონია და ამდენი გამოცდილი, თავისი სფეროს მცოდნე და არჩეული პოლიტიკოსების  ლიდერობა რაღა თქმა უნდა, დიდი პასუხისმგებლობაა და დიდ ძალისხმევას მოითხოვს. ყველასთან ღია და პატივისცემაზე დაფუძნებული ურთიერთობა მაქვს. მიუხედავად იმისა, რომ დრო უმრავლესობის თითოეულ წევრს და ფრაქციას უნდა დავუთმო, ასევე, საკმარისი ენერგია უნდა დავუთმო ოზურგეთს _ ოლქს სადაც ამირჩიეს. უმრავლესობის წევრებთან ურთიერთობისთვის ყოველთვის ვიტოვებ დროს, ზოგჯერ ეს არის სტუმრობა, ზოგჯერ სპორტი ან რეგიონებში მოგზაურობა. რაც შეეხება “ვოთსაფს”, ტექნოლოგიებს პატივს ვცემ, მაგრამ ამას ძირითადად საორგანიზაციო საკითხებისთვის ვიყენებთ. ამ ორი წლის განმავლობაში იყო რთული საკითხები, რომელზეც აზრთა შეჯერება 115 ადამიანს შორის არ იყო ადვილი, მაგრამ არ მახსენდება არც ერთი საკითხი, რომელზეც საბოლოოდ გუნდმა გადაწყვეტილების მიღება ვერ შეძლო. პარლამენტი მთავარი პოლიტიკური ორგანოა და არც ერთ დემოკრატიაში ის კომფორტის ზონას არ წარმოადგენს. _ თქვენი კოლეგები იმასაც გვიყვებიან, რომ პარლამენტის თავმჯდომარე არ "გწყალობთ“ და ამის ერთ-ერთ არგუმენტად ისიც მოჰყავთ, რომ უმრავლესობის შეხვედრაზე არც ერთხელ არ დაგსწრებიათ ირაკლი კობახიძე. მასთან რაიმე პრობლემა გაქვთ? _ ირაკლი კობახიძე განათლებული და სახელმწიფოებრივად მოაზროვნე ადამიანია, კარგი მეგობარი და საიმედო მოკავშირეა. მას თანაგუნდელებთან “მოწყალებითი” დამოკიდებულება არასოდეს ჰქონია და არც მე მითხოვია ურთიერთობაში რაიმე პრივილეგია. დღემდე გვაქვს ძალიან კარგი ურთიერთობა, მეგობრობა და თანამშრომლობა. უმრავლესობის სხდომებს, როგორც წესი ყოველთვის ესწრება და ეს სხდომების დროს გავრცელებულ არაერთ ვიდეო თუ ფოტომასალაში ადვილად შეგიძლიათ გადაამოწმოთ. _ ბატონო არჩილ, როგორ ფიქრობთ, თქვენი ადგილი არის პარლამენტში თუ საკუთარ თავს უფრო აღმასრულებელ ხელისუფლებაში ხედავთ? _ აღმასრულებელ ხელისუფლებაში 2012 წლიდან 4 წელი ვიმუშავე. ვფიქრობ, საქმის გაკეთება შევძელი, რომელიც ადამიანებს და ქვეყანას გამოადგა. რაც შეეხება პარლამენტს _ საპარლამენტო გამოცდილება პოლიტიკოსისთვის ფასდაუდებელია _ ხალხთან ურთიერთობა, მედია, დებატები და პოლიტიკურ გუნდთან ერთად მუშაობა. მინდა ვინც ამირჩია იმ ადამიანების წინაშე აღებული პასუხისმგებლობა, ამ პარლამენტში ბოლომდე შევასრულო. მომავალში ჩემს თავს ისევ აღმასრულებელ ხელისუფლებაში ვხედავ. _ „ქართულ ოცნებაში“ ცვლილებები უკვე დაანონსდა... ერთ-ერთი ცვლილება თქვენც გეხებათ და როგორც გვითხრეს, მალე, შესაძლოა, პარლამენტის ვიცესპიკერის ადგილი დაიკავოთ... ეს ის ადგილია, რომელსაც მმართველი გუნდი შავი დღისთვის ინახავს, რომელიც ბესელიას შესთავაზეს, თუმცა, ბოლო მოვლენების გამო გადაიფიქრეთ... რამდენად შესაძლებელია, რომ ეს სავარძელი თქვენ დაიკავოთ? _ თანამდებობა ჩემთვის თვითმიზანი არასოდეს ყოფილა, ყოველთვის იყო საშუალება, რომ საქმე მეკეთებინა, ადამიანებს დავხმარებოდი და რაიმე ღირებული და უკეთესი შემექმნა. რაც შეეხება თქვენს შეკითხვას _ ეს ვარაუდი არ შეესაბამება სიმართლეს და არ ვადასტურებ. 2 წელი ისეთი რთული პოლიტიკური პოზიციისთვის, როგორიც საპარლამენტო უმრავლესობის ლიდერია _ საკმაოდ დიდი დროა, თუმცა, მზად ვარ კიდევ ორი წელიც ვიმუშაო. _ მართალია, რომ უმრავლესობის ლიდერად თქვენი კანდიდატურა გიორგი კვირიკაშვილმა დაასახელა და ერთ-ერთი მიზეზი იმისა, რომ თქვენი შეცვლა სურთ, სწორედ ესაა? _ ორივე ადამიანი, რომელმაც უმრავლესობის ლიდერის პოზიცია შემომთავაზა და წარმადგინა _ დღესაც პარტიის ხელმძღვანელ პოზიციებზე არიან, _ აღნიშნა თალაკვაძემ, თუმცა კონკრეტული გვარები არ დაგვისახელა. უმრავლესობის ლიდერი, სავარაუდოდ, ირაკლი კობახიძეს და კახი კალაძეს გულისხმობს, თუმცა, როგორც აღვნიშნეთ, დეტალებზე არ საუბრობს. აკონკრეტებს იმას, რომ კარიერა არავის დახმარებით არ შეუქმნია და არც მომავალში აპირებს ვინმეს შეწუხებას. „საპარლამენტო გუნდმა დამამტკიცა ამ თანამდებობაზე და თუ ჩათვლის გუნდი, რომ ჩემს საქმეს ვერ ვაკეთებ _ გადაწყვეტილების მიღება ყოველთვის შეუძლია“, _ გვითხრა თალაკვაძემ. _ ბატონო არჩილ, როგორც უკვე ვთქვით, თქვენი კოლეგები პირად საუბრებში თქვენი მმართველობით უკმაყოფილებას არ მალავენ და ეს დღეს და გუშინ დაწყებული თემა არ არის. გვეუბნებიან იმასაც, რომ თქვენ შეცვლაზე საუბარი გაცილებით ადრე, გაზაფხულზე დაიწყო, თუმცა, თქვენი მფარველის, სუს-ის უფროსის მოადგილის, თქვენი მეუღლის ბიძის, გრიგოლ ლილუაშვილის მფარველობით მოახერხეთ ამ დრომდე თანამდებობის შენარჩუნება... ამაზე რას იტყვით? სარგებლობთ ლილუაშვილის ნათესაობით? _ უმრავლესობის ლიდერის პოზიცია რთული პოზიციაა ნებისმიერ პარლამენტში. როგორც უკვე აღვნიშნე, საპარლამენტო გუნდმა დამამტკიცა ამ თანამდებობაზე და თუ ჩათვლის გუნდი, რომ ჩემს საქმეს ვერ ვაკეთებ, გადაწყვეტილების მიღება ყოველთვის შეუძლია. ილუზია არასოდეს მქონია, რომ ყველა კმაყოფილი იქნება ჩემი მუშაობით. არავისთან ნათესაობით არ შემიქმნია ჩემი კარიერა და არც მომავალში ვაპირებ ვინმე ამის გამო შევაწუხო. გრიგოლ ლილუაშვილს მინდა მივულოცო დაწინაურება და წარმატებები ვუსურვო ქვეყნის სამსახურში. რა თქმა უნდა, მისი წარმატებები ძალიან გამეხარდება. _ გარდა იმისა, რომ ხართ უმრავლესობის ლიდერი, ასევე, წარმოადგენთ ოზურგეთს საქართველოს პარლამენტში. როგორც მაჟორიტარმა, რა გააკეთეთ თქვენი ოლქისთვის ამ ორი წლის განმავლობაში? _ მეამაყება, რომ წარმოვადგენ ჩვენს ოზურგეთს, მხარეს სადაც დავიბადე და გავიზარდე, თავისუფლებისმოყვარე და განათლებულ ხალხს, უნიკალურ კულტურას და ტრადიციებს. უკვე ორი წელია, რაც ოზურგეთის მაჟორიტარი დეპუტატი ვარ. პირველ რიგში, რასაც ვაკეთებ, ეს არის ხშირი კავშირი ხალხთან, სოფლებსა თუ ქალაქში. ვხვდები ახალგაზრდებს, ვმონაწილეობ საჯარო შეხვედრებში, მივდივარ სოციალურად შეჭირვებულ ოჯახებში, წლის განმავლობაში ბევრ ადამიანს იურიდიული, სოციალური, სამედიცინო თუ განათლების საკითხების გადაჭრაში ვეხმარები. ჩემი უშუალო ჩართულობით და მთავრობის მხარდაჭერით შენდება და სრულად განახლდება ოზურგეთის პირველი საჯარო სკოლა, სადაც ჩვენი სახელოვანი წინაპრები სწავლობდნენ; ოზურგეთისთვის კეთდება პრაქტიკულად ახალი მუზეუმი; ქალაქში შენდება ახალი წყალსადენი, რომელიც მოსახლეობის საკმაოდ დიდი ნაწილის წყალმომარაგებას (ანასეული) უკავშირდება; შენდება ყველაზე დიდი სოფლების _ ბახვის, ვაკიჯვრის და ცხემლისხიდის წყალმომარაგების ახალი სისტემა; იგეგმება ახალი სპორტული ბაზის მშენებლობა; შენდება და რემონტდება სამედიცინო ამბულატორიები; ჩვენი ჩართულობით მომზადდა სამეწარმეო პროექტები, რომელმაც შემდგომ დაფინანსება მოიპოვა; ოზურგეთში მაქვს ძალიან აქტიური ბიურო და მყავს გულისხმიერი, განათლებული და ეფექტური ადამიანები ოფისში. _ „ქართული ოცნების“ ოზურგეთის ორგანიზაციის წევრები ხშირად გსაყვედურობენ, აღნიშნავენ, რომ დაპირებებს არ ასრულებთ, რომ მათთან კომუნიკაციას ერიდებით... ზოგადად, „ქართული ოცნების“ წევრები, ოზურგეთში, მმართველი გუნდით უკმაყოფილებას ხშირად გამოთქვამს... ბოლო ერთი წლის მოვლენებს, "ოცნების" ოზურგეთის მერის მიერ გათავისუფლებულ  მხარდამჭერების საქმეებს თუ გადავხედავთ, თქვენც ჩართულობას ნაკლებად დავინახავთ, რაც, ბუნებრივია მათი მხრიდან წყენის და საყვედურის საბაბია... რას გვეტყვით ამასთან დაკავშირებით? _ ოზურგეთში ხშირად ჩავდივარ. ასევე, დიდ დროს ვატარებ საარჩევნო კამპანიების დროს და როგორც წესი საარჩევნო შტაბის მუშაობაში სრულფასოვნად ვარ ჩართული. საკრებულოში ჩვენს გუნდთან ხშირი კომუნიკაცია მაქვს. თუ ვინმე მსაყვედურობს, ამასაც ვცდილობ ყურადღებით მოვეკიდო და გავითვალისწინო. მერიიდან გათავისუფლებულ თანამშრომლებთან მქონდა არაერთი შეხვედრა _ მათ მიმართეს სასამართლოს და აქვთ დავები მერიასთან, იმედი მაქვს სამართლიანი გადაწყვეტილებები დადგება. დაპირებებს ძალიან მოზომილად და იშვიათად გავცემ, მაგრამ ვცდილობ ყოველთვის შევასრულო. _ ამ დროისთვის „ქართული ოცნების“ უმრავლესობის ლიდერი ხართ. იმ გუნდის, რომელიც ბევრი დაპირებით მოვიდა ხელისუფლებაში, თუმცა, მათი დიდი ნაწილი არ ასრულებულა _ განახევრებული ტარიფები, გაიაფებული ბენზინი, აგუგუნებული საწარმოები და ბედნიერი მოსახლეობა რომ არ არის ფაქტია... ისიც ფაქტია, რომ მოსახლეობას ძალიან უჭირს და პრაქტიკულად, შუა ფენა არ არსებობს... დოლარის კურსი, გაძვირებული პროდუქტები და მხოლოდ დაპირებები... რა პასუხი გაქვთ ამ ყველაფერზე და თუ გაქვთ პრობლემების მოგვარების კონკრეტული გეგმა? _ მიუხედავად იმისა, რომ ქვეყანაში რეალურად შეიცვალა ადამიანის უფლებების დაცვის მდგომარეობა, დავნერგეთ საყოველთაო ჯანდაცვის პროგრამა, მივიღეთ ევროპასთან უვიზო რეჟიმი, ეკონომიკა იზრდება წელიწადში 4-6%-ით, მივიღეთ ახალი კონსტიტუცია, 10 000-ზე მეტ დევნილს გადავეცით ბინები, შევამცირეთ პატიმრების რაოდენობა და გავაუმჯობესეთ მათი პირობები, გავაკეთეთ მოგების გადასახადის რეფორმა, შემოვიღეთ დაგროვებითი პენსია, გავზარდეთ სოციალური დახმარებები, ავაშენეთ 48 ახალი სკოლა და გავარემონტეთ 53, ტურისტების რაოდენობა 4-დან 8 მილიონამდე გავზარდეთ, ორჯერ მეტი გზა დავაგეთ ვიდრე წინა ხელისუფლებამ შეძლო, ავაშენეთ 21 ელექტროსადგური, ავაშენეთ 50-ზე მეტი იუსტიციის საზოგადოებრივი ცენტრი, ღვინის ექსპორტი 30-დან 80 მილიონ ბოთლამდე გავზარდეთ, მოხდა ვალების განულება სოციალურად დაუცველი მოსახლეობისთვის, პირდაპირი სავაჭრო ხელშეკრულებები გავაფორმეთ ევროკავშირთან და ჩინეთთან.... ჯერ კიდევ არაერთი ოჯახი რჩება, ვინც სახელმწიფოსგან ქმედით დახმარებას, დასაქმებას და კეთილდღეობას ელოდება. რჩება მნიშვნელოვანი გამოწვევები - ოკუპაცია, სიღარიბე, შრომის უსაფრთხოება, გაზი და წყალი არაერთ სოფელში. ერთად უნდა შევძლოთ ამ პრობლემების მოგვარება. მე იმედიანად ვარ და მჯერა ჩვენი ხალხის, მჯერა ჩვენი ქვეყნის მომავლის. _ იმ ფონზე, როცა ქვეყანაში უამრავი პრობლემაა, ინფრასტრუქტურის სამინისტრომ ვერ მოახერხა მილიონობით ლარის ათვისება, მილიონობით ლარი დაუხარჯავი დარჩა განათლების სამინისტროს. სახელმწიფო აუდიტის სამსახურის მონაცემებით, ლარის გაუფასურების გამო, სახელმწიფო ვალის ნაშთი 2018 წლის განმავლობაში 211 მლნ ლარით არის გაზრდილი. ამ ფონზე, შეგიძლიათ გვითხრათ, რომ „ქართული ოცნება“ ქვეყანას კარგად მართავს? _ ჩვენ საკმაოდ მძიმე მემკვიდრეობა ჩავიბარეთ 2012 წელს. ადვილი არ იყო ამ პრობლემებთან გამკლავება და, პარალელურად, ქვეყნის წინსვლის უზრუნველყოფა. მიმაჩნა, რომ ბევრი მიმართულებით შევძელით პროგრესისთვის მიგვეღწია, თუმცა, არა ერთი მიმართულებით გვაქვს გამოწვევები. ბიუჯეტის ხარჯვით ნაწილში პრობლემების ანალიზი ჩატარებულია და 2019 წელს მაქსიმალურად შევეცდებით შევცვალოთ სურათი. _ კრიმინალის გაზრდილ მაჩვენებელზეც მინდა გკითხოთ _ დღისით, მზისით სროლები და მკვლელობა ქუჩებში, გახშირებული ყაჩაღობისა და ქურდობის ფაქტები... ამ ყველაფერს რითი ხსნით? _ კრიმინალის მაჩვენებლების შესახებ მონაცემები გამჭვირვალე და ყველასთვის ხელმისაწვდომია. ადამიანის სიცოცხლის წინააღმდეგ მიმართული მძიმე დანაშაული 2018 წელს შემცირებულია, თუმცა გაზრდილია საკუთრების წინააღმდეგ მიმართული დანაშაული. დანაშაულთან ბრძოლა მუდმივი ამოცანაა _ ის არასოდეს არ არის დასრულებული. მინდა მადლობა გადავუხადო ჩვენს პოლიციელებს _ ისინი დილიდან დილამდე იცავენ საზოგადოების უსაფრთხოებას _ აქვთ რთული და დაძაბული სამსახური. მთავარია, რას უპირისპირებს დანაშაულს სახელმწიფო. დღეს შსს რეფორმებს ავითარებს ორი ძირითადი მიმართულებით: 1. მომხდარ დანაშაულზე ეფექტური რეაგირება 2. დანაშაულის პრევენცია. სწავლება და მომზადება, ვიდეომონიტორინგის სისტემები ქალაქებში და გზებზე, საპატრულო პოლიციის სისტემური განახლება, მართლწესრიგის ოფიცრის ინსტიტუტი და სხვა ინიციატივები. _ სამომავლო გეგმებზე რას გვეტყვით. საპრეზიდენტო არჩევნებზე გაცემული დაპირებების შესრულებას როდის აპირებთ? _ საპრეზიდენტო არჩევნები იყო ძალიან დაძაბული, თუმცა, მეორე ტურში დიდი სხვაობით გაიმარჯვა ჩვენს მიერ მხარდაჭერილმა კანდიდატმა ქალბატონმა სალომე ზურაბიშვილმა. მან უფლებამოსილების გახორციელება ძალიან აქტიურად დაიწყო. ვიზიტი ბრიუსელში და მაღალი დონის შეხვედრები არის კარგი მაგალითი, თუ რატომ იყო სალომე ზურაბიშვილი სწორი არჩევანი _ ის საქართველოს საუკეთესოდ წარადგენს საერთაშორისო ასპარეზზე. ჩვენი გეგმები 2019 წლისთვის ძალიან მნიშვნელოვანი და ამბიციურია _ რეგიონებს ექნებათ მეტი დაფინანსება, დაგეგმილია მსხვილი ინფრასტრუქტურული პროექტები, ვმუშაობთ ახალი ინვესტიციების მოზიდვაზე. ოზურგეთში არა ერთი მნიშვნელოვანი პროექტი განხორციელება. _ 2020 წელს საპარლამენტო არჩევნებია... გეგმავთ, რომ ოზურგეთელების ნდობა ისევ მოიპოვოთ? _ სადაც არ უნდა ვიყო, პარლამენტში თუ აღმასრულებელ ხელისუფლებაში - ოზურგეთი ყოველთვის იქნება ჩემი საზრუნავი. 2020 წლის საპარლამენტო არჩევნების საკითხზე მალე დავიწყებთ მუშაობას და მაქსიმალურად მომზადებული შევხვდებით ... ...
  • ეკა ბესელია: მე სად ვიქნები, ეს მეორე ხარისხის, მეათე ხარისხის კითხვამე სად ვიქნები ეს არის მეათე ხარისხის კითხვა _ ასე უპასუხა ეკა ბესელიამ ჟურნალისტების მიერ დასმულ შეკითხვას - დატოვებს თუ არა საპარლამენტო უმრავლესობას იმ შემთხვევაში, თუ "ქართული ოცნების" თავმჯდომარე და სხვა ლიდერები, მის პოზიციებს არ გაიზიარებენ.  "ქართული ოცნების" ოფისში საპარლამენტო უმრავლესობის შეხვედრა იწყება. სხდომას, სადაც გუნდში არსებულ დაპირისპირებაზე და უვადო მოსამართლეების გამწესების საკითხზე იმსჯელებენ, ბიძინა ივანიშვილი უხელმძღვანელებს. პარტიის თავმჯდომარე როსტომ მეფის სასახლეში უკვე მივიდა.  სავარაუდოდ, დღევანდელს სხდომაზე უნდა გადაწყდეს ე.წ. ამბოხებული დეპუტატების ბედიც.   ეკა ბესელია შეხვედრის დაწყებამდე ამბობს, რომ მსჯელობა საქმიანი იქნება და მოხდება მთავარი საკითხის - მოსამართლეების შერჩევისა და სასამართლოს რეფორმის დასრულების საკითხის განხილვა. დეპუტატი პარტიიდან მის გარიცხვას გამორიცხავს, თუმცა არ ამბობს, თავად დატოვებს თუ არა მმართველ გუნდს.  „მთავარი კითხვა რა არის, მე წავალ უმრავლესობიდან თუ რა ეშველება სასამართლო სისტემას, რომელია მთავარი კითხვა? ჩემთვის გულწრფელად გეუბნებით, მთავარი კითხვა არის ჩვენი ქვეყნისთვის, ჩვენი მომავლისთვის, ჩვენი შვილების მომავლისთვის ჩვენ შევძლებთ დავტოვოთ ქვეყანაში გამართული მართლმსაჯულება თუ არა. მე სად ვიქნები, ეს მეორე ხარისხის, მეათე ხარისხის კითხვა,“-განაცხადა ეკა ბესელიამ. ... ...
  • „სისტემა მურუსიძეებით არის სავსე, გვინდა ასეთი სასამართლო?!“ _ გიორგი მშვენიერაძე„საქართველოს დემოკრატიული ინიციატივის“  თავმჯდომარე გიორგი მშვენიერაძე  სასამართლო სისტემაში არსებულ კლანურ მმართველობასთან დაკავშირებით „გურია ნიუსთან“ საუბრობს. მშვენიერაძე მიიჩნევს, რომ უზენაესი სასამართლოში უვადოდ გასამწესებელ კანდიდატთა მიერ თვითაცილების შესახებ გაკეთებული განცხადება კიდევ ერთხელ ადასტურებს, რომ სასამართლო სისტემა კლანურად იმართება. „ათი მოსამართლის ერთობლივი განცხადება სასამართლო სისტემაში კლანური მმართველობის არსებობას კიდევ ერთხელ ადასტურებს. აღნიშნული მოსამართლეების სიის ჩაგდება წარმატებაა, თუმცა კრიტერიუმების გაწერის შემდეგ, უზენაესი სასამართლოს მოსამართლეობის კანდიდატებად იგივე ადამიანების დასახელების საფრთხე კვლავ არსებობს. იმ ადამიანებმა, რომლებმაც ამ სიას მხარი დაუჭირეს, იუსტიციის უმაღლესი საბჭო უნდა დატოვონ. სხვა შემთხვევაში, სასამართლო სისტემაში მდგომარეობის გაუმჯობესების საშუალება არ გვექნება. სასამართლო ჩინჩალაძისა და მურუსიძის კლანის ხელში დარჩება, რომლებიც კვლავ შეეცდებიან, რომ ერთადერთ ორგანოს, რომელსაც დღეს ვერ აკონტროლებენ, დაეპატრონონ “,_ აღნიშნა მშვენიერაძემ. მისივე თქმით, მართლმსაჯულების რეფორმირების სამუშაო ჯგუფის ფორმატიდან გამომდინარე, ცალსახად ჩანს, რომ პარლამენტის გარკვეული ნაწილი სასამართლო სისტემაში არსებული, ე.წ. მოსამართლეთა კლანური ჯგუფისთვის აპირებს მხარდაჭერას. „ერთი მხრივ, ბატონი ირაკლი კობახიძე თავის რამდენიმე აბსოლუტურ თანამოაზრესთან ერთად სასამართლო სისტემასთან დაკავშირებული პრობლემების განსახილველად გვეპატიჟება, სადაც წარმოდგენილი იქნება მამუკა მდინარაძე თუ დავით მათიკაშვილი, რომლის მეუღლე სასამართლოში გამოსაცდელი ვადით არის არჩეული. მერე მხრივ, რეფორმირების ჯგუფში გვეპატიჟებიან იმისთვის, რომ ბატონი ირაკლი კობახიძის კურსელ მიხეილ ჩინჩალაძესთან და მის კლანთან განვიხილოთ საკითხები. ასეთი სახის ფორმატში, ამ თემის განხილვა სასამართლოს სისტემასთან დაკავშირებული პრობლემების დაკნინების მცდელობაა. ცალსახად ჩანს, რომ დიახ, ისინი აპირებენ, რომ კლანს მიემხრონ“,_ამბობს მშვენიერაძე. გიორგი მშვენიერაძე ტელეკომპანია „იმედის“ ეთერში,  მასსა და თბილისის სააპელაციო სასამართლოს ადმინისტრაციულ საქმეთა პალატის მოსამართლე ლევან მურუსიძეს  შორის, გამართულ დებატებს აფასებს. „ლევან მურუსიძის მიმართ ჩემი შთაბეჭდილებები არ შეცვლილა. ბატონო მურუსიძე არის ადამიანი, რომლის მიმართ, ფაქტობრივად, არ დარჩა ევროკონვენციის მუხლი, რომლითაც მის მიერ მიღებულ გადაწყვეტილებებზე არ უმსჯელიათ და საქმე არ წაუგია. ეს არის სამართლიანი სასამართლოს უფლების დარღვევა, ევროსასამართლოს გადაწყვეტილებით არის დადასტურებული, რომ წინა ხელისუფლების დროს, სასამართლო სისტემაში მოსამართლეების დევნა სწორედ ლევან მურუსიძის ხელით ხორციელდებოდა. დღეს სასამართლო სისტემა მურუსიძეებით არის სავსე. მოსამართლეები თავადაც ამბობენ, რომ მურუსიძეები არიან და ამით ამაყობენ. გვინდა თუ არა ასეთი სასამართლო?!  მინდოდა, ეს საზოგადოებას კარგად დაენახა და ვფიქრობ, დაინახა კიდეც“, _ აღნიშნა ... ...
  • „მნიშვნელოვნად მოქმედებს ბავშვთა ფსიქიკურ ჯანმრთელობაზე“ _ UNESCOუსაფრთხო, პოზიტიური სკოლა და საკლასო გარემო, ეფექტური მონიტორინგის სისტემები, მტკიცებულებებზე დაფუძნებული პროგრამები და ინტერვენციები, მასწავლებელთა მომზადება და მხარდაჭერა, დაზარალებული მოსწავლეების მხარდაჭერა და  რეფერაცია, მოსწავლეების გაძლიერება და მონაწილეობა, უკეთესი პოლიტიკური ხელმძღვანელობა, ძლიერი სამართლებრივი და პოლიტიკური ჩარჩოები_ეს ის რეკომენდაციებია, რასაც UNESCO სასწავლო გარემოს გაუმჯობესებისთვის და სკოლებში ბულინგის შესამცირებლად იძლევა. UNESCO სკოლებს მოუწოდებს, რომ იყოს უსაფრთხო და ინკლუზიური ყველა ბავშვისთვის. როგორც ბულინგის შესახებ ანგარიშშია ნათქვამი, რეგიონებში დიდ პრობლემას ფიზიკური ბულინგი წარმოადგენს, მაგრამ ჩრდილოეთ ამერიკასა და ევროპაში ყველაზე მეტად გავრცელებული ფსიქოლოგიური ბულინგია, რასაც სქესთან დაკავშირებული ბულინგი მოჰყვება. ასევე გაზრდილია ონლაინ და სმარტფონ  ბულინგი. ანგარიშის მიხედვით ფიზიკური ბულინგი ბიჭებს შორის არის უფრო გავრცელებული, ხოლო ფსიქოლოგიური გოგოებს შორის. UNESCO-ს თქმით, ბულინგი აუცილებლად უნდა აღმოიფხვრას, რადგან ის მნიშვნელოვნად მოქმედებს ბავშვთა ფსიქიკურ ჯანმრთელობაზე, ცხოვრების ხარისხზე და აკადემიურ ... ...
  • „ქართული ოცნება“ ბიძინა ივანიშვილის გაპრემიერების შემთხვევაში გადარჩება“_ ვახტანგ ძაბირაძე „თუკი  ბიძინა ივანიშვილი პრემიერ-მინისტრის პოსტზე არ დაბრუნდება, 2020 წლისთვის ქვეყანაში საშინელი მდგომარეობა შეიქმნება და  სამოქალაქო დაპირისპირებამდეც მივალთ“,_ აღნიშნა „გურია ნიუსთან“ პოლიტოლოგმა და კონსტიტუციონალისტმა ვახტანგ ძაბირაძემ.  ძაბირაძე მიიჩნევს, რომ  ბიძინა ივანიშვილის გაპრემიერება სახელმწიფო სისტემის კანონზომიერად მართვასაც გამოიწვევს.   „ქვეყანაში პრობლემები დღითიდღე ყველა სფეროში ჩნდება, მოსახლეობა კატასტროფულად ღატაკდება, მცირე ჯგუფი კი მდიდრდება. ამ დროს, ბიძინა ივანიშვილი სახელმწიფოს სამართავად მისთვის კომფორტულ ადგილზეა მოკალათებული. მხოლოდ ბიძინა ივანიშვილის გაპრემიერების შემთხვევაში გაჩნდება შანსი იმისა, რომ 2020 წლის საპარლამენტო არჩევნები მშვიდობიანად ჩატარდეს, თუმცა  არ გეგონოთ, რომ მხოლოდ ბიძინა ივანიშვილის გაპრემიერებაა საკმარისი, ქვეყანაში აუცილებელია ეფექტური რეფორმების გატარება. სახელმწიფო სისტემის მართვას საკუთარი კანონზომიერება აქვს და როდემდე უნდა ირღვეოდეს მართვის სისტემის სადავეები?! თუ „ქართულ ოცნებას“ გადარჩენა სურს, ბიძინა ივანიშვილის გაპრემიერების შანსი ხელიდან არ უნდა გაუშვას“, _ აღნიშნა ძაბირაძემ. ... ...

არქივი

ზაფრანი

საინტერესო ფაქტები შავი ზღვის შესახებ

ერთი ვერსიის მიხედვით, სახელი მას...

8 ფაქტი ადამიანის კანის შესახებ

კანი ჩვენი სხეულის ყველაზე დიდი...

მეცნიერებმა სამუშაო დღის დაწყების დრო დაადგინეს

სამუშაო დღის დაწყება 10 საათამდე,...

რატომ ვანიჭებთ უპირატესობას ბრენდულ პროდუქციას?

ბრენდინგი არის ცნობილი მარკეტინგული სტრატეგია,...

30 ფაქტი ტყუილზე, რომლის შესახებაც უნდა იცოდეთ

"ყველა იტყუება" – ამტკიცებდა ექიმი...

ყველაზე ძვირფასი ღვინო

საფრანგეთში არსებული მამულის, რომელსაც სახელად...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...