Zippo

ისტორია

Zippo

2017 აგვ 29 12:26:21

პირველად Zippo ჩემს მეზობელთან, სენია კოლჩინსკისთან ვნახე 70-იანი წლების ბოლოს (ახლა ის საიმონია და ჩიკაგოში ცხოვრობს), რომელსაც ეს სანთებელა ძმამ ამერიკიდან გამოუგზავნა. პირველად მისგან გავიგონე მოგვიანებით მრავალჯერ მოსმენილი სლოგანი, რომ Zippo შეუდარებელია ქარში, წვიმასა და ნებისმიერ უამინდობაში და რომ ის არასოდეს გიღალატებს.

ამ ცნობილი ამერიკული ბრენდის ისტორია დიდი დეპრესიის დროს, პენსილვანიაში დაიწყო. ერთხელ მენავთობეთა ქალაქ ბრედფორდის ერთ პატარა კლუბში მოწყობილ ცეკვებზე ნავთობის მოპოვების ხელსაწყოთა პატარა ფირმის თანამესაკუთრე ვინმე ჯორჯ გრანტ ბლეისდელი მივიდა. ცეკვა და პოლიტიკაზე საუბარი რომ მოსწყინდა, ის მოსაწევად ჰაერზე გავიდა, სადაც თავისი მეგობარი დიკ დრესერი ნახა, რომელიც ქარიან ამინდში ავსტრიული წარმოების სანთებელით სიგარეტის მოკიდებას ცდილობდა. დრესერი საკმაოდ შეძლებული ადამიანი იყო და ჯორჯი მას შეეკითხა, თუ რატომ არ ყიდულობდა ის უფრო ძვირფას სანთებელას? დრესერმა მოუკიდა სიგარეტს და უპასუხა: ,,იმიტომ რომ ეს მუშაობს!” ამ სიტყვებმა გაგონებაზე ჯორჯს დაებადა აზრი, რათა ამერიკელ მწეველთა უზარმაზარი არმიისათვის გამოეშვა ადვილად მოსახმარი და იაფი ამერიკული წარმოების სანთებელა. მაშინ, 30-იან წლებში, არავინ ებრძოდა სიგარეტის კომპანიებს, კოლოფებზე გაფრთხილებებს რომ მოწევა კლავს და იმპოტენციას იწვევს (ძველი ანეგდოტი გამახსენდა ამის თაობაზე – გურული რომ სიგარეტს ყიდულობს და გამყიდველმა კოლოფი მიაწოდა წარწერით ,,სიგარეტი იწვევს იმპოტენციას”. გურულმა თავი გააქნია და ეუბნება ,,მაი არ მინდა, ის მომეცი, რომ კლავს”) ვერ ნახავდით, უფრო მეტიც, მილიონობით მაყურებელთა კერპები, ცნობილი მსახიობები, ამერიკელები და ევროპელები (თუნდაც ჰამფრი ბოგარტი, ლორენ ბექოლი ან ჟან პოლ ბელმონდო, მაგალითისათვის), ეკრანიდან ლამის მოუწოდებდნენ საკუთარ თანამოქალაქეებს თამბაქოს მოწევას.

სანთებელას გამოსაშვებად ყველა ხელსაყრელი პირობა არსებობდა და ბლეისდელი საქმეს შეუდგა. მან ნიმუშად ავსტრიული სანთებელა აიღო და პირველ რიგში ზომაში შეამცირა, რათა ის ხელისგულზე დატეულიყო. შემდეგ შეცვალა მექანიზმი და სანთებელას ანთება უკვე ერთი ხელით გახდა შესაძლებელი. სხვა რაიმე განსაკუთრებული ცვლილება სანთებელას კონსტრუქციაში მას არ შეუტანია. სანთებელას ბლესდელმა ძიპპო დაარქვა. საქმე იმაშია, რომ მას მოსწონდა შესაკრავი ელვის სახელი, ინგლისურად Zipper და აქედან გამომდინარე საკუთარ გამოგონებას, მისი აზრით, ჟღერადი სახელი შეურჩია.

თავდაპირველად  Zippo-ს სანთებელა დოლარი და 95 ცენტი ღირდა. პირველ თვეს 82 ცალი გაიყიდა და საქმეც დაიძრა (ცნობისათვის, მსოფლიოში გაყიდულია 500 მილონზე მეტი სანთებელა). სანთებელამ მაშინვე მოიხვეჭა პოპულარობა. თვით შემქმნელს ისე შეუყვარდა საკუთარი გამოგონება, რომ დაიფიცა, სანამ ცოცხალი ვარ სანთებელას გარეგნული სახე არ შეიცვლებაო. მართლაც, მისი გარდაცვალების შემდეგაც Zippo-მ პირვანდელი სახე შეინარჩუნა, ზოგიერთი მოდელი კი დიზაინრების მეშვეობით უფრო ნატიფი, მდიდრული და თვალწარმტაცი გახდა.

მეორე მსოფლიო ომის დროს Zippo-მ თავისი დანიშნულება ხუთიანზე შეასრულა და ის საღეჭი რეზინის, ღაყ Bან-ის, პრეზერვატივის და ზოგჯერ ჯინსთან ერთად სამხედროების განუყრელ ნივთად იქცა. ისევე როგორც Ray Ban-ის სათვალის პოპულარიზაციაში, აქაც დიდი როლი შეასრულა აქტიურმა მწეველმა გენერალმა დაგლას მაკარტურმა, მას კი, როგორც ხდება ხოლმე, მიბაძეს ათასობით უფრო დაბალი ჩინის მოსამსახურეებმა და Zippo-ს რეპუტაცია გამყარდა.

ძიპპო-ს სანთებელამ გაჩენის პირველი დღეებიდანვე კინოეკრანებზე დაიდო ბინა. ეს ნივთი ვინჩესტერსა და კოლტთან ერთად საოცრად კინემატოგრაფიულია და ასეთ შანსს ჰოლივუდის მესვეურები ხელიდან, რა თქმა უნდა, არ გაუშვებდნენ. Zippo 1500-ზე მეტ ფილმში გამოჩნდა და ეკრანზე ბევრ დამწყებ თუ უკვე ,,გამობრძმედილი” მსახიობის ხელში გაიარა. აი, ზოგიერთი მათგანი: მაიქლ დაგლასი (,,შავი წვიმა”), ბრუს უილისი (,,კერკეტი კაკალი”), რობერტ დე ნირო (,,შუაღამის რბოლა”), მელ გიბსონი და გოლდი ჰოუნი (,,ჩიტი მავთულზე”), ჰარისონ ფორდი და შონ ქონერი (,,ინდიანა ჯონსი და უკანასკნელი ჯვაროსნული ლაშქრობა”) და მრავალი, მრავალი სხვა...
საინტერესოა, რომ უამრავ არამწეველს (მათ შორის მეც ვარ), აქვს ძიპპო ამა თუ იმ წარწერითა და გამოსახულებით. ჩემს სანთებელას ამშვენებს წარწერა ჭილდ ჭესტ -ველური დასავლეთი, რაც დაკავშირებულია ბაფალო ბილსა და მის მიერ შექმნილი ველური დასავლეთის შოუსთან, სადაც სხვებთან ერთად გურული მოჯირითეებიც მონაწილეობდნენ.

აღსანიშნავია, რომ ყველა წარწერა ასეთი უწყინარი არ ყოფილა. მკვლევარ შერი ბუქენენის მიხდვით 1965-1973 წლებში Zippo-ს ამშვენებდა შემდეგი შინაარსის წარწერები:  Fuck Communism, Fuck Democracy, Fuck Ho Chi Minh (xo Si mini), Fuck LBJ (lindon jonsoni), Fuck Santa Claus, Fuck You Too...

Zippo-ს დაბადების ადგილას, ქალაქ ბრედფორდის მუზეუმში ინახება კომპანიის მიერ გამოშვებული ყველა სანთებელას ეგზემპლარი და რაც მთავარია, ყოველი მათგანი მუშაობს. ამერიკელები ამაყობენ იმით, რომ სანთებელას ისევ შეერთებულ შტატებში ამზადებენ და არა აზიის რომელიმე ქვეყანაში იაფი მუშახელის მეშვეობით. კომპანია უამრავ ფულს ხარჯავს ქველმოქმედებასა და სპონსორობაზე. მისი ერთ-ერთი სლოგანი ასეთია ,,თუ ჯერ კიდევ არ გაქვს Zippo, გადი და იყიდე!”




 ახალი ამბები
  • ლაითურის, ნარუჯას და ანასეულის მოსახლეობასთან შეხვედრა გაიმართა (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები ოზურგეთში, ლაითურის, ნარუჯასა და ანასეულის მოსახლეობას შეხვდნენ. მათ ადგილობრივების საჭიროებები მოისმინეს და რეგიონში მიმდინარე პროექტებზე დეტალური ინფორმაცია მიაწოდეს. ადგილობრივ მოსახლეობასთან შეხვედრაზე განსაკუთრებული ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე, ასევე, მუნიციპალურ და სახელმწიფო სერვისებზე გამახვილდა. ანასეულის მოსახლეობამ ერთ-ერთ პრიორიტეტულ საკითხად კანალიზაციის რეაბილიტაცია დაასახელა. ასევე, სრულ რეაბილიტაციას საჭიროებს მე-5 საჯარო სკოლაც. იქ არსებულ პრობლემას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი პირადად გაეცნო. დაბა ლაითურისა და ნარუჯის მოსახლეობამ ძირითად მოთხოვნად დასაქმებისა და შიდა გზების მოწესრიგების საკითხები დააყენა. მოსახლეობასთან შეხვედრებს პარლამენტის წევრები გიორგი ვოლსკი, თემურ ჭკუასელი, გია გაჩეჩილაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე, საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები ესწრებოდნენ. ამჟამად, დაბა ლაითურში წყალმომარაგების ქსელის სარეაბილიტაციო სამუშაოები დასკვნით ეტაპზეა. დაბა ნარუჯაში მიმდინარეობს 7 280 მ. სიგრძის საავტომობილო გზის მშენებლობა, რომელიც მუნიციპალური განვითარების ფონდიდან 3 777 936 ლარით დაფინანსდა. ანასეულში გაერთიანებული წყალმომარაგების კომპანიამ წყლის სისტემის მშენებლობა დაიწყო. პროექტის ღირებულება - 6 799 998 ლარს შეადგენს. ... ...
  • ბახმაროში საცხოვრებელი სახლები დაიწვაგასულ შაბათს, ჩოხატაურის მუნიციპალიტეტის დაბა ბახმაროში, მახარაძის ქუჩაზე, ეკლესიის მიმდებარედ, ორი საცხოვრებელი სახლი დაიწვა. ხანძრის შედეგად არავინ დაშავებულა. როგორც გვითხრეს, არსებობდა ცეცხლის გავრცელების საშიშროება, თუმცა, მეხანძრეებმა, ცეცხლის დროულად ლოკალიზება შეძლეს. _ ღამის საათებში ერთ-ერთ საცხოვრებელში გაჩნდა, შემდეგ გადავიდა მეორე სახლზეც. არავინ დაშავებულა, კარგად იმუშავა სამაშველო სამსახურმა. მათი დამსახურებაა, რომ ხანძარი გვერდით მდგომ სახლებზე არ გავრცელდა, _ აღნიშნა ჩვენთან საუბრისას ა(ა)იპ "ბახმაროს დირეტქორმა დავით საჯაიამ. ამ დროისთვის უცნობია ხანძრის გამომწვევი მიზეზი. მომხდარზე გამოძიებაა ... ...
  • "საქართველოს გული იწვის ამაზონის ტყესთან ერთად" - ზურაბიშვილისაქართველოს გული იწვის ამაზონის ტყესთან ერთად, – ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერში“ წერს. „ჩვენ ვუერთდებით ჩვენი პლანეტის გადარჩენის ძალისხმევას და მოვუწოდებთ ქმედებისკენ ამაზონის გადასარჩენად“, – აღნიშნავს სალომე ზურაბიშვილი. ამაზონის ტყეში მასშტაბური ხანძარი უკვე მესამე კვირაა მძვინვარებს. „დედამიწის ფილტვებად“ წოდებული ამაზონის ტყეში ხანძრის ათასობით კერაა ... ...
  • სოფელ საყავრესთან ხანძარი ლოკალიზებულიასაგანგებო სიტუაციების მართვის სამსახურის მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. ამ დროისთვის შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის სალიკვიდაციო სამუშაოები მიმდინარეობს. ამ მომენტისათვის ადგილზე ღია ცეცხლის კერა აღარ არის. მიმდინარეობს ცალკეული მონაკვეთების დამუშავება, როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. სოფელ საყავრესთან ხანძარი 22 ... ...
  • საზარელი მკვლელობა კახეთში - ცხედარი, სავარაუდოდ, დაანაწევრეს და მდინარეში გადააგდესგურჯაანის რაიონის სოფელ ვეჯინში 34 წლის ვ. მ-შვილი, სავარაუდოდ, მოკლეს, ცხედარი დაანაწევრეს და მდინარე ალაზნის სარწყავ არხში გადააგდეს. პოლიციას არავინ ჰყავს დაკავებული და ვერც გვამი იპოვეს, _ ინფორმაციას reginfo ავრცელებს. ვ. მ-შვილი სოფელ ძირკოკის მკვიდრია. ოჯახის წევრებს ის 2 აგვისტოს შემდეგ აღარ უნახავთ, თუმცა შინაგან საქმეთა სამინისტროში „რეგინფოს“ უთხრეს, რომ ახალგაზრდის გაუჩინარების შესახებ შეტყობინება 16 აგვისტოს მიიღეს. პოლიციამ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. „რეგინფომ“ გამოარკვია, რომ ბოლოს ვ. მ-შვილი მეზობელ სოფელში, ვეჯინში, ერთ-ერთ ოჯახში ნახეს, სადაც ის ხშირად მიდიოდა. ახალგაზრდები ნასვამ მდგომარეობაში იმყოფებოდნენ და ჩხუბი მოუვიდათ. ერთ-ერთი პირი პოლიციისთვის მიცემულ ჩვენებაშიც აღნიშნავს, რომ ვ. მ-შვილი მოკლეს, ცხედარი დაანაწევრეს, ტაქსი გამოიძახეს, საბარგულში მოათავსეს და მდინარე ალაზნის სარწყავ არხში გადააგდეს. პოლიციამ ტაქსის მძღოლი დააკავა, თუმცა მალევე გაათავისუფლეს. „რეგინფოს“ შინაგან საქმეთა სამინისტროში უთხრეს, რომ დაკავებული არავინ ჰყავთ. გვამის პოვნის მიზნით, 21 და 22 აგვისტოს მდინარე ალაზნის სარწყავ არხში წყალიც დაწყვიტეს, მაგრამ ცხედარი ვერ ... ...

არქივი

ზაფრანი

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...

დაუჯერებლად თავხედი 3 ქალი ზოდიაქოს ნიშნის მიხედვით

ალბათ, ოცდამეერთე საუკუნეში ქალის სითამამე...

ასტროლოგია და ასაკობრივი კრიზისი ბავშვებში

საყოველთაოდ ცნობილი ფაქტია, რომ ადამიანის...

ასტროლოგია ბავშვების სწორად აღზრდის შესახებ

ამბობენ - "მშობლებს არ ირჩევენ"...

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...