პოლიტიკისგან შორს და მიწასთან ახლოს

კარმიდამო ჩემი

პოლიტიკისგან შორს და მიწასთან ახლოს

2013 ივნ 7 15:41:12
ლამის ჰორიზონტამდე გაშლილ ველზე, პატრონის ნაცნობ დაძახებაზე, გვერდიგვერდ მოემართებიან ჩანთია, კუდალა, წიქარა, ლამაზა, მასკვიჩა, იმედა, აქლემა, ყირმიზა, პრინცესა...

ნიკორა და ჩანთია ლიდერობენ, _ თითოეული თხუთმეტ ლიტრ რძეს იწველის და "გუნდში" ჯერ ბადალი არ ჰყავთ. ნახირი, რომელიც ჩვენ წინ ძოვს, ოზურგეთის მუნიციპალიტეტის სოფელ შემოქმედის რწმუნებულის ბესო ლომინაძის საკუთრებაა და 20 წლის მანძილზე მატებით ქმნიდა ამ სიმდიდრეს.

სულ ორი წელია, რაც რწმუნებულია. შინ წადიო, არც ახალი ხელისუფლების მოსვლის შემდეგ უთქვამთ მისთვის, რადგან ყველამ იცის, გამორჩეული მუშაკაცია, სიტყვის პატრონი და გარჯაში უშეღავათო, მსოფლიომოვლილი, წარსულში ცნობილი სპორტსმენი, რომელმაც საკუთარი ბიზნესი, რომ იტყვიან, ნულიდან დაიწყო _ ლეკიანის ტერიტორიაზე 6 ჰექტარი მიწა საკუთრებაში პრივატიზაციის დროს აიღო და საქმეს შეუდგა. აქაურობა მისი სამოთხეა და ერთი შეხედვით, სამხრეთამერიკელ კოვბოივით მზის გულზე "პანამა ქუდით" გასულს, უახლოეს წარსულზე საუბარი განწყობას უქმნის და ადვილი მისახვედრია მისი "ნამწყემსარის მოგონება", არამარტო წარსულის მოგონება, დღევანდელი რეალობაცაა.

თავიდან ორი ძროხა და ერთი ცხენი ჰყავდა. მას შემდეგ ოცი წელი გავიდა და დღეს 25 ძროხა და 30 ცხენი ჰყავს, თავისი ხბოებითა და კვიცებით. აქვე აქვს სახნავ-სათესი ფართობი და ძირითადად, აქედან მოწეული სიმინდითა და ჩალით სარგებლობს. შორიახლო ორი კავკასიური ნაგაზი _ ჟელკა და სანდო ჩაცუცქულა და ალმაცერად მიმზერენ, თუმცა, მასპინძელი სტუმრისადმი მათ სანდოობაზე საუბრობს.

_ ცნობენ მტერსა და მოყვარეს. მგელმა უკანასკნელ წლებში 15 ძროხა მაინც შემიჭამა. იძულებული გავხდი, ესენი მომეყვანა. ოთხ თვემდე სახლში ვზრდიდი, მერე აქ ჩამოვიყვანე. რძეს ყოველდღე სვამენ, ასეულ ჰექტარ ფართობზე ძროხებს უკან დასდევენ და სიახლოვეს ვერც ნადირი და ვერც ქურდი გაიჭაჭანებს. იდეალური ძაღლებია, _ გვიამბობს ბატონი ბესო და ჟელკას ანიშნებს, ცხენების მოსაძებნად გავარდეს.

მალე "მაუგლიც" გამოჩნდა, ცხენზე ამხედრებული, 18 წლის ტალიკი ბიჭი, შალვა ღლონტი, ვის შესახებაც ბესო ლომინაძე, როგორც ზღაპრების გმირზე, ისე საუბრობას.

_ პატარა ბიჭი იყო, როცა აქ, საძოვრებზე მამამისს ჩამოჰყვა. შორიახლო მომიცუცქდა და პირუტყვს ცნობისმოყვარეობით უმზერდა. შევატყვე, ძალ-ღონის პატრონი და სულით სპეტაკი, მშრომელ ოჯახში წამოჩიტული ბიჭი იყო. 15 წლის რომ იყო, მას შემდეგ აქ არის. ახლა 18 წლისაა და აბა, ჰკითხეთ, როგორ ხედნის ცხენებს, მარტო უვლის ნახირს და ას ლიტრამდე რძეს თვითონ წველის, მერე კი ყველი ამოჰყავს. მაგის შემშინებელი ვინაა? ნახე, ქარს თუ არ გაასწროს, _ მიმანიშნა ბატონმა ბესომ და თვალი ძლივსღა მოვკარი ცხენზე ამხედრებულ შაკო ღლონტს, რომელიც სადღაც გაუჩინარდა და მალე ცხენების რემა ჰაერში ქამანდის ტრიალით მორეკა. შიშმა კვლავ მძლია და ისიც ვიფიქრე, აქ რამ წამომიყვანა, ამ გაგიჟებულმა, გაუხედნავმა ცხენებმა არ გადაგვქელოს,-მეთქი. ახალგაზრდა მხედარი მწყემსი კი სახეგაბადრული ზემოდან დაგვცქერის და უშიშრად ყოფნას გვირჩევს, თან გვიხსნის, რომ ცხენების ბიზნესიც სარფიანი საქმეა _ ერთი წლის კვიცი 500 ლარი ღირს, ორი წლის მუშა ცხენი კი _ ათასი ლარი.

ბესო ლომინაძე, წარსულში წარმატებული სპორტსმენი, მძლეოსნობაში საბჭოთა კავშირის ნაკრების წევრი, ათლეტურ აღნაგობასა და ჯანის სიმრთელეს სპორტს უმადლის, რამაც შემდგომში უსაზღვრო შრომა შეაძლებინა. არა ერთ თანასოფლელს მისმა მაგალითმა ანალოგიური საქმიანობა დააწყებინა და ახლა ძროხების გაზრდითა და მომრავლებით არიან დაინტერესებული. ბესო ლომინაძის საოჯახო ბიზნესი იმდენად წელგამართულია, ახლა ოზურგეთსა და ქობულეთს ხორცით, ყველითა და რძით ამარაგებს. მყიდველები ძირითადად ადგილზე მოდიან. ქობულეთიდან სპეციალური მანქანა მოდის და რძე მიაქვს. საშუალო წლიური მოგება წელიწადში, თითო ძროხიდან ერთი ნამატი და ორი ათასი ლიტრი რძეა. ახლა სესხის ასაღებად ემზადება, რომ საქმიანობა გააფართოვოს. პირველ რიგში, რძის გადამამუშავებელი მიკროფაბრიკის ყიდვას აპირებს. მაისის ბოლოს, მთაში გარეკავენ ნახირს და გვიან შემოდგომამდე იქ დარჩებიან. მერე კი ისევ ბარს მოაშურებენ და ჯერ კიდევ პრიმიტიულად ნაგებ მოზრდილ ბოსელსა და თავლას სხვა იერს მისცემენ. წინ დიდი გეგმებია.

ბესო ლომინაძის მეუღლე, პროფესიით ექიმი ანუკა მაისურაძე ზნაურელია, სოფელ ავნევიდან. 2008 წლის ომამდე ბესოს, როგორც თვითონ გვიამბობს, იქედან იაფად და ბლომად ჩამოჰქონდა ხორბალი, ქატო, თივა.

_ მარწყვის ბაღებში ჩემი მეგობრები ჯორკოთი ჩადიოდნენ, დასხდებოდნენ და მიირთმევდნენ, ახლა კი იქაურობის ტკივილიანი მოგონება შემომრჩა, _ გვეუბნება ის.

ბესო სიხარულს ვერ ფარავს იმის გამო, რომ ახლახან ახალგაზრდა ბაბუა გახდა.

_ ჩემი სურვილია, რაც შეიძლება მეტი ადამიანი მიუახლოვდეს მიწას, მოაშენონ შინაური პირუტყვი და გააძლიერონ საკუთარი ოჯახი. მძიმე პერიოდი გავიარეთ, მაგრამ, სამწუხაროდ, სიზარმაცემაც გაიმარჯვა გლეხზე. ამას ხელი უმეცარმა პოლიტიკამაც შეუწყო, მაგრამ საქმეს მაინც პერსონალურად უნდა მიუდგე, ბოლომდე დაიხარჯო და წარმატება მოვა. ყველა რომ იმუშავებს, საქმეს რა წაახდენს? პოლიტიკოსობას უნდა დაანებონ თავი და მიწას მიუახლოვდეს ყველა, _ ამბობს წარსულში წარმატებული სპორტსმენი და აშკარად ეტყობა, რომ საკუთარი პროფესიის ნოსტალგიას თავს არ აჩაგვრინებს: _ ახლა შემოქმედში ნორჩ მოჭიდავეთა ორი სექცია გავხსენით. სპორტის გარეშე ახალგაზრდობას ფიზიკური რეგრესი დაემუქრება. ხვნა-თესვა იწყება და ესეც უპირველესი საზრუნავია. სოფელში სამი ტრაქტორი გვყავს, გარედან არავის შემოვიყვან, ადგილობრივებმა უკეთ იციან აქაურობის მუღამი, _ შემოქმედელთა სახნავ ფართობებსაც გვაჩვენებს რაიონში "ყველაზე მშრომელი გამგებლის" იმიჯის მატარებელი ბესო ლომინაძე. გასულ წელს ზარალიც ბლომად ნახა _ 12 ღორი, ჭირის გამო, დაეხოცა და ახლა თავიდან ცდილობს საქმიანობის აღდგენას. საეჭვოდ მიიჩნევს ღორების მასიური სიკვდილიანობის ფაქტს და თითქმის, დარწმუნებულია, რომ ეს განზრახ გაკეთებული ბოროტი საქმე იყო, რითაც გარკვეულმა ვიწრო წრემ საკუთარი ბიზნესით იხეირა.

მალე მაისიც გაიფრენს და "მაუგლის ფერმა" გომისმთას მიაშურებს. ბესო და მისი უმცროსი მეგობარი შაკო, რამდენიმე საყურადღებო რჩევას გვთავაზობენ პირუტყვის სამკურნალოდ და მთაში მიმავალ მესაქონლეებს სიფრთხილეს ურჩევენ.

_ ვეტერინარული სამსახური სულს ღაფავს. მისი გაძლიერებაა საჭირო. აუცილებელია, ვიცოდეთ არა ერთი ხალხური საშუალება, რითაც პირველ დახმარებას და შესაძლოა, სერიოზულსაც, გავუწევთ პირუტყვს. "ძუის დაყრა" (ევკარის დაავადება ჰქვია), მთის იალაღზე ყოფნის პერიოდში ემართება პირუტყვს. ბეჭების ადგილებში წყალი უდგება, ერთგვარი ბალახი იწვევს ამას. მესაქონლე კაცს აუცილებლად უნდა ჰქონდეს შენახული ხარისძირას გამხმარი ფესვები. მკერდქვეშ გაუსერავენ ტყავს სიგრძივად, ალაგ -ალაგ გაუჩხვლეტენ და როგორც ფეხსაცმელში ზონარს, ასე ამოაცვამენ და გაკვანძავენ. 15-20 დღის განმავლობაში წყლისგან დაიწრიტება და თან განიკურნება. ხარისძირას გააჩნია ეფექტური სამკურნალო საშუალება, _ გვეუბნება ბატონი ბესო.

მეორე ასევე საინტერესო რჩევაა იელის ჭამით მოწამლული საქონლის მკურნალობა, რაც ხშირი შემთხვევაა მთაში. პირუტყვი მოიწყენს, უმადობა ეწყება და სასწრაფოდ თუ არ უშველე, მოკვდება. ამ დროს საჭიროა იელის ღეროების და ფესვის ნამწვავის, ნახშირის ჩაყრა რძეში _ ერთ ლიტრში 100 გრამი, შევანჯღრიოთ და დავალევინოთ.

ბესო ლომინაძის ნატვრა, მთელი საქართველოსთვის ეკოლოგიურად სუფთა, ნატურალური პროდუქტის მიწოდებაა, რაც ჩვენს ღვთით კურთხეულ ქვეყანაში დღემდეც იყო შესაძლებელი, მიუხედავად ბევრნაირი გასაჭირისა.

_ მიწას თუ არ მიუბრუნდა გლეხი, მაღალი ღმერთიც ვერაფერს გვიშველის, ჯანმრთელ ადამიანს სხვა გზა არ აქვს, თუ საკუთარი თავი და ქვეყანა ეცოდება და უყვარს _ ასეთია ჩემი, ბესო ლომინაძის, როგორც ფერმერისა და მიწათმოქმედის ფილოსოფია, _ გვითხრა მან და საზაფხულოდ მთის საძოვრებზე მიგვიპატიჟა, სადაც სიურპრიზით შეგებება აღგვიქვა.




 ახალი ამბები
  • მასწავლებელთა გამოცდის შედეგების აპელაციის დაწყებისა და დასრულების თარიღები ცნობილია მასწავლებელთა შემოდგომის გამოცდის შედეგების აპელაცისთვის განაცხადის შეტანის თარიღი ცნობილია. ამისთვის პედაგოგებს შეფასებისა და გამოცდის ეროვნული ცენტრი 3 დღეს აძლევს. საგამოცდო ცენტრის ცნობით, სააპელაციო განაცხადები მიიღება 9 დეკემბრის 10:00 საათიდან 11 დეკემბრის 18:00 საათამდე მხოლოდ ელექტრონულად ვებგვერდებზე: online.naec.ge და naec.ge. საგნის გამოცდასთან, საგნობრივი და პროფესიული კომპეტენციების დადასტურების ტესტირებასთან დაკავშირებული სააპელაციო განაცხადის შევსებამდე აპლიკანტმა უნდა გადაიხადოს აპელაციის საფასური. ერთი საგნის შედეგის გასაჩივრების საფასურია 50 ლარი (ქულის ცვლილების შემთხვევაში თანხა უკან ბრუნდება).გადახდის დანიშნულებაში უნდა ჩაიწეროს აპლიკანტის პირადი ნომერი და საჭიროების შემთხვევაში - გვარი და სახელი. იმ შემთხვევაში, თუ აპლიკანტი უცხო ქვეყნის მოქალაქეა, მან უნდა მიუთითოს პირადობის (ბინადრობის) მოწმობა/პასპორტის სერია და ნომერი. სააპელაციო განაცხადის შევსების ინსტრუქცია:სააპელაციო განაცხადის შესავსებად უნდა ეწვიოთ ვებგვერდს და აპელაციისათვის განკუთვნილ ღილაკზე დაჭერის შემდეგ შესაბამის ველებში შეიყვანოთ პირადი ნომერი და საგამოცდო საიდენტიფიკაციო (ცხრანიშნა) ნომერი.მითითებული სიმბოლოების შეყვანის შემდეგ აჭერთ ღილაკს „შესვლა“და იწყებთ თქვენთვის სასურველი საგნის შერჩევას ჩამონათვალიდან (თუ აპელაციის საფასური არ გაქვთ გადახდილი, სისტემა არ მოგცემთ არჩევნის გაკეთების საშუალებას). საგნის არჩევის შემდეგ უთითებთ იმ დავალებებს, რომელთა გასაჩივრებაც გსურთ. შეგიძლიათ აირჩიოთ ყველა დავალება.გაითვალისწინეთ: ორი (საგანი, პროფესიული უნარები) სააპელაციო განაცხადის  არსებობის შემთხვევაში, სისტემიდან გამოსვლის გარეშე უნდა შეავსოთ ორივე და მხოლოდ ამის შემდეგ გააგზავნოთ იგი.ამ აღნიშვნების შესრულების შემდეგ სისტემა თქვენს განაცხადს ინახავს, როგორც დროებითს. დროებით განაცხადში არაერთხელ შეგიძლიათ ცვლილებების შეტანა. გახსოვდეთ, დროებითი განაცხადი გაუქმდება, თუ არ გამოიყენებთ ღილაკს „გაგზავნა“.აპელაციის წარმატებით განხორციელების შემთხვევაში აპლიკანტი დაინახავს განაცხადისათვის მინიჭებულ ნომერს. გაგზავნის შემდეგ მასში ცვლილებებს ვეღარ შეიტანთ. წყარო: ... ...
  • მოუხადა თუ არა ბოდიში რუსეთს ნინო ბურჯანაძემ გავრილოვის გამო„ერთიანი საქართველო-დემოკრატიული მოძრაობის“ ლიდერმა, ნინო ბურჯანაძემ გავრილოვის ღამის გამო,  რუსეთის ფედერაციის საბჭოს საგარეო საქმეთა კომიტეტის თავმჯდომარესთან, კონსტანტინ კოსაჩოვთან შეხვედრისას ბოდიში მოიხადა. აღნიშნულ ინფორმაციას TASS ავრცელებს. „არ მეშინია, ბოდიში მოვიხადო აბსოლუტურად ამაზრზენი ინციდენტის გამო. უკაცრავად,რომ საუბარს გაწყვეტინებთ, მაგრამ გაგრძელების საშუალებას არ მოგცემთ, ვიდრე ბოდიშს არ მოვიხდი. მივიჩნევ, რომ ეს პირველ რიგში ქართველი ხალხისა და ქართული სახელმწიფოს შეურაცხყოფა იყო,“_ განაცხადა ბურჯანაძემ. კოსაჩოვმა კი ბოდიშისთვის ბურჯანაძეს მადლობა გადაუხადა. რუსული სააგენტოს მიერ აღნიშნული ინფორმაციის გავრცელებას, ნინო ბურჯანაძის პრესსამსახური გამოეხმაურა. როგორც მათ მიერ გავრცელებულ განცხადებაშია ნათქვამი, ნინო ბურჯანაძეს რუსეთში ბოდიში არავისთვის მოუხდია. "ერთიანი საქართველო-დემოკრატიული მოძრაობის" ლიდერი ყველა თავის გამოსვლაში, როგორც საქართველოში, ასევე რუსეთის ფედერაციაში ყოველთვის აცხადებდა, რომ სერგეი გავრილოვი საქართველოს პარლამენტის თავმჯდომარის სავარძელში თავისი ნებით არ ჩამჯდარა და ის საქართველოს ხელისუფლებამ ჩასვა აღნიშნულ სავარძელში, სიტუაციის გამწვავებისას კი მთავრობამ სტუმრის დაცვაც ვერ უზრუნველყო. სწორედ ეს გაიმეორა ქალბატონმა ნინომ კოსაჩოვთან შეხვედრისას - ფაქტს უწოდა სამწუხარო, თუმცა, მას მომხდარზე ბოდიში არ მოუხდია,"_ნათქვამია განცხადებაში.  ცნობისთვის, რუსეთის დუმის დეპუტატმა სერგეი გავრილოვმა 20 ივნისს, მართლმადიდებლური ასამბლეის გაძღოლა სცადა და საქართველოს პარლამენტის თავმჯდომარის სავარძელი დაიკავა. ფაქტს მოქალაქეების პროტესტი მოჰყვა - აქცია ღამით სპეცდანიშნულების რაზმმა დაშალა. აქციის დაშლისას არაერთი ადამიანი დაშავდა, მათ შორის, ... ...
  • 9 კრიტერიუმი _ რა უნდა იცოდეს მასწავლებლებმა მაქსიმალური ქულის მისაღებადგარე დაკვირვების ჩატარების პროცესი უკვე დაწყებულია და სასწავლო წლის ბოლომდე გაგრძელდება. ამ ეტაპზე გარე დაკვირვებაზე რეგისტრაცია 4 166 პედაგოგი დარეგისტრირდა. მასწავლებლის შეფასება ხდება: გაკვეთილის შეფასების სქემით მასწავლებლის მიერ ჩატარებული გაკვეთილის შეფასებისა და მასწავლებლის რეფლექსიის შეფასების საფუძველზე. გაკვეთილის შეფასების მაქსიმალური ქულაა 36. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 27 ქულას. რაც შეეხება სპორტის გაკვეთილის შეფასებას მაქსიმალური ქულაა 32. გაკვეთილი დადებითად შეფასებულად ჩაითვლება, თუ ის დააგროვებს ქულათა ჯამური რაოდენობის 75%-ს, ანუ მინიმუმ 24 ქულას. აღსანიშნავია ის, რომ გარე დაკვირვებისას ყურადღება მხოლოდ მოსწავლის მიერ საგნის კარგად ცოდნას ან კლასში დისციპლინას არ ექცევა, მასწავლებლის შეფასება ხდება კომპლექსურად, მათ შორის მოსწავლეებთან დამოკიდებულებისა თუ მიმართვის ფორმის, დროის სწორად გადანაწილების და კიდევ სხვა ფაქტორების გათვალისწინებითაც. იმისთვის, რომ მასწავლებლებს გარე დაკვირვების პროცესი გაგიმარტივდეთ, გთავაზობთ, გარე დაკვირვების პროცესში გასათვალისწინებელ შეფასების მნიშვნელოვან კრიტერიუმებს. დაკვირვების პროცესში ყურადღება ექცევა: კლასში ურთიერთპატივისცემისა და ურთიერთგაგების ხელშემწყობი გარემოს არსებობას; კლასის მართვის პროცესს; სასწავლო რესურსის ეფექტიანი (მიზნობრივი) გამოყენება; მასწავლებლის საგნობრივი კომპეტენცია სასწავლო მიზნების განმარტება და შინაარსობრივი გამართულობას; მოსწავლეებთან კომუნიკაციასა და ინსტრუქციები აქტივობებისთვის; სწავლების სტრატეგიებს; მოტივაციასა და ჩართულობას; სწავლების დროს შეფასების გამოყენებას; რეფლექსია ჩატარებულ გაკვეთილზე. გარე საგაკვეთილო შეფასების რუბრიკის დეტალური ინსტრუქცია მასწავლებლის შეფასების სტანდარტიზებული ინსტრუმენტების შესახებ კანონშია გაწერილი. ბრძანების სრული ვერსია შეგიძლიათ იხილოთ ბმულზე, დოკუმენტში გარე დაკვირვების გაკვეთილის რუბრიკის შეფასება ოცდამეორე გვერდზეა მოცემული. წყარო: ... ...
  • დაპირისპირება ვაკიჯვარში ჰესის აშენების მომხრეებსა და მოწინააღმედეგეებს შორისდღეს, ოზურგეთის მუნიციპალიტეტის, სოფელ  ვაკიჯვარში, მდინარე  ნატანებზე ჰესის მშენებლობასთან  დაკავშირებით,  სოფლის მოსახლეობა ინვესტორის წარმომადგენლებს შეხვდა. შეხვედრის დასაწყისშივე გამოიკვეთა წინააღმდეგობა,  რაც დარბაზში მყოფ  ვაკიჯვრელთა შორის სიტყვიერ დაპირისპირებასა და ურთიერთ  შეურაცხყოფაშიც  კი გადაიზარდა. ინვესტორის წარმომადგენლები, სოფლის მოსახლეობასთან, როგორც თავად  თქვეს, გაცნობითი ხასიათის შეხვედრას ატარებდნენ. მათი განმარტებით, ჰესის აშენების შემთხვევაში, გარდა დასაქამებისა, ადგილობრივებს სთავაზობენ ინვესტირებას სოციალურ პროგრამებში, რაც სოლიდური ფულადი თანხით  იქნება გამოხატული.  გარდა ამისა, თუ  შეიქმნება საინიციატივო ჯგუფი,   250 ოჯახს გადაუხდიან 200 კილოვატ საათის დენის თანხას მანამ, სანამ ჰესი იარსებებს. თუმცა, ეს  ადგილობრივებმა  სარწმუნოდ არ მიიჩნიეს. ზოგმა ისიც თქვა,  ასეც რომ იყოს,  ჰესს მაინც არ ავაშენებინებთო.  _ ვინ მოგიწვიათ,  რატომ მოხვედით? არ გაგაჩანაგებინეთ, „რა არის ეს „სკოპინგი“ და გეზეშე“ ჯერ ეს აუხსენით ხალხს, თქვენთვის საუბრობთ?  _ ისმოდა ინვესტორის წარმომადგენელთა მისამართით. მოსახლეობის მომხრე-მოწინააღმდეგეებმა ერთმანეთს არაერთხელ მიაყენეს შეურაცხყოფა. ბოლოს ერთმა ნაწილმა პროტესტის ნიშნად,  დარბაზი დატოვა. _ვინც წინააღმდეგი ვართ, გავიდეთ, _ ამ მოწოდებაზე  დარბაზი ნახევრად დაიცალა. ამ საკითხის შესახებ „გურია ნიუსი“ უახლოეს საგაზეთო სტატიაში ვრცლად ... ...
  • მთავრობის ბრძოლა გარემოს დამცველებთან2019 წლის ანგარიშში „სახიფათო სამუშაო - ბრძოლა გარემოს დამცველების წინააღმდეგ“, რომელიც სხვადასხვა ქვეყნის გარემოს დამცველთა უფლებადარღვევებს და მათ საფრთხეებს მიმოიხილავს, მოხვდა „მწვანე ალტერნატივას“ მაგალითიც, სადაც, საერთაშორისო ორგანიზაციების აზრით,  გარემოს დამცველთა დისკრედიტაციის მცდელობა იკვეთება.  კვლევა ერთობლივად რამდენიმე საერთაშორისო, გარემოსა და უფლებადამცველმა ორგანიზაციამ ჩაატარა, მათ შორის „Crude Accountability-მ“, რომელიც შავი და კასპიის ზღვის რეგიონებში მუშაობს,  “FracTracker Alliance-მა”, რომელიც გარემოსა და ადამიანის უფლებებს აშშ-ში იკვლევს და ყაზახეთის გარემოსდაცვითი ორგანიზაციების ქსელმა “EcoForum”.   ანგარიშში შესწავლილია 40-მდე შემთხვევა აშშ-დან და პოსტსაბჭოთა ქვეყნებიდან, სადაც მთავრობები და კორპორაციები გარემოს დამცველებზე ძალადობენ, ან ემუქრებიან და აკრიტიკებენ მათ იმის გამო, რომ ისინი: იცავენ ბუნებას, ითხოვენ სუფთა ჰაერს და წყალს, ამხელენ კორუფციას, მოითხოვენ ინფორმაციის გამჭვირვალობას ინვესტიციებისა და პროექტების შესახებ. მაგალითები საქართველოდან „მწვანე ალტერნატივას“ მიმართ საქართველოს მთავრობის სხვადასხვა წარმომადგენლის შეურაცხმყოფელ და დისკრიმინაციულ ქმედებებს ეხება.  ერთ-ერთი შემთხვევა 2013 წელს ხუდონის ჰესის მშენებლობის წინააღმდეგობას ასახავს, რომელიც ორი სოფლის დატბორვას და 2000-მდე ადამიანის გადასახლებას ითვალისწინებდა და „მწვანე ალტერნატივას“ შეფასებით, ასევე, საფრთხეს უქმნიდა ბიომრავალფეროვნებას. ამის გამო, მაშინდელმა ენერგეტიკის მინისტრმა კახა კალაძემ და მისმა მოადგილემ „მწვანე ალტერნატივას“ საჯაროდ “რა­დი­კა­ლუ­რი ჯგუ­ფი” უწოდეს და მას ცილი დასწამეს, თითქოს ორგანიზაცია “ეწი­ნა­აღ­მ­დე­გე­ბოდა ქვეყ­ნის ეკო­ნო­მი­კის გან­ვი­თა­რე­ბას“.   კვლევაში, ასევე, შესულია სხვა ხელისუფლების დროინდელი, 2012 წლის მაგალითიც, როდესაც „მწვანე ალტერნატივამ“ საკანონმდებლო და აღმასრულებელი ორგანოების მიერ მიღებული გადაწყვეტილება გააკრიტიკა; საქმე ეხებოდა კანონს, რომელიც გარემოს მსხვილ დამბინძურებლებს სახელმწიფოს წინაშე ვალდებულებებს და პასუხისმგებლობას უმცირებდა. კრიტიკის საპასუხოდ, მაშინდელმა გარემოს დაცვისა და ბუნებრივი რესურსების მინისტრმა გოგა ხაჩიძემ არასამთავრობო ორგანიზაციები „ფარისევლურ დამოკიდებულებაში“ დაადანაშაულა და განაცხადა, მისი მიზანი „საშინელი სურათის“ დახატვა და სკანდალის შექმნა იყო.   საგულისხმოა, რომ 2012 წლის ბოლოს, განახლებული მთავრობის ერთ-ერთი პირველი საკანონმდებლო ინიციატივა სწორედ იმ მოთხოვნების გაუქმება იყო, რომელსაც „მწვანე ალტერნატივა“ აკრიტიკებდა. ზემოაღწერილი შემთხვევები საერთაშორისო უფლებადამცველმა ორგანიზაციებმა შეაფასეს, როგორც „მცდელობები, დისკრედიტაცია გაუწიონ არასამთავრობო ორგანიზაციებს, რომლებიც მთავრობის და პარლამენტის გადაწყვეტილებებს ეწინააღდეგებიან“. კვლევაში აღნიშნულია, რომ „მწვანე ალტერნატივის“ მსგავსად, სხვა ქვეყნის გარემოს დამცველი ორგანიზაციების რეპუტაციის შელახვის და დისკრედიტაციის პრაქტიკა საკმაოდ გავრცელებულია: “სულ უფრო და უფრო მეტი ქვეყნის მთავრობა აბრალებს საკუთარ შეცდომებს და საზოგადოების ჩართულობის ნაკლებობით მიღებულ შედეგებს  არასამთავრობო ორგანიზაციებს და მათ ბრალს სდებს რადიკალიზმში, ზოგჯერ კი გარემოს დამცველებს ღიადაც ადანშაულებს რომ „სხვა ქვეყნების სასარგებლოდ მოქმედი“ აგენტები არიან“. პუბლიკაციის ბოლო მონაცემებით, გარემოსთვის, მათ შორის, მიწაზე უფლებებისთვის ბრძოლაში, 2018 წელს მსოფლიოში 164 ადამიანი გარდაიცვალა, 2017 წელს - 207.  ამ მონაცემებში არ შედის ძალადობისა და მუქარების ის მაგალითები, რომლებიც ფატალურად არ დასრულდა.   წყარო: პუბლიკაცია „Dangerous Work: Reprisals Against Environmental Defenders“ https://crudeaccountability.org/wp-content/uploads/Report_DangerousWork_compressed_for_web.pdf ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...

საპარლამენტო არჩევნების რომელ მოდელს უჭერთ მხარს