ოცნება კივის უნიკალურ პლანტაციაზე ასრულებულია

კარმიდამო ჩემი

ოცნება კივის უნიკალურ პლანტაციაზე ასრულებულია

2011 მაი 28 08:43:40
ოზურგეთის მუნიციპალიტეტის სოფელ ჭანიეთში მცხოვრებ ომარ შავიშვილს საოჯახო მეურნეობა ბავშვობიდან უყვარდა და არაერთი ხელობის, მათ შორის, ბუხრის ამგებ შესანიშნავ ოსტატადაც იცნობენ. თუმცა, ამჯერად მასზე, როგორც მეხილეობის დარგის უსაზღვროდ მოყვარულ კაცზე უნდა ვისაუბროთ.

რაც თავი ახსოვს, რგავს, ამყნობს, ცდის სხვადასხვა სახის კულტურულ, მოსავლიან მცენარეებს და შედეგიც კარგი აქვს: _ ყოველწლიურად 2 ტონა თხილს, 1 ტონამდე ატამს, 2 ტონა თეთრ ვაშლს და ტონანახევარ კივს იწევს. ამ მოსავლის მიღებას იგი სულ ჰექტარნახევარ მიწის ფართობზე ახერხებს.

განსაკუთრებული ინტერესი კივის კულტურისადმი აქვს, რაც 6 წლის წინ გაუჩნდა და საკუთარი უნარისა და ფანტაზიის წყალობით, ამ ხნის მანძილზე მცენარის საოცარი ტალავერი გააშენა. თითქოს კივმაც იგრძნო მზრუნველი ხელი _ ნარგავები, შეთქმულივით, რიტმულად განვითარდა.

ორ სართულად აგებულ ტალავერზე, დაბლა "მშობლებია", ანუ გამერქნებული ქვედა ტანი, მაღლა კი "შვილები" _ ყველა მიმართულებით გადახლართული ლიანები.

ომარ შავიშვილის პლანტაციის სანახავად მოსულ არა ერთ დაინტერესებულ ადამიანს უთქვამს, რომ მსგავსი არაფერი უნახავს და საქართველოში შეიძლება არც ჰქონდეს ვინმეს ასეთი სტილით გაშენებული პლანტაცია, რომელსაც სამერმისოდ მართლაც "კაი პირი" უჩანს. ბევრს სურს გაიგოს, ხომ არ არსებობს კივის მოვლის რაიმე საიდუმლო, რამაც ასეთი შედეგი განაპირობა.

თუმცა, ბატონი ომარი ამბობს, რომ განსაკუთრებული არაფერი გაუკეთებია: თავდადებული შრომა და ისევ შრომა _ აი, ის რაც შედეგს იძლევა. კივს წყალი უყვარს, მიწაც არ უნდა იყოს ურიგო, ნაკელი სულ შეაქვს ფართობში და, ბუნებრივია, კივსაც კვებავს: _ გასხვლაც საკუთარი მოხერხებით "დავამუღამე", _ ამბობს იგი, _ ვიცოდი "ადესას" გასხვლა და დაახლოებით, ამ პრინციპით ვიმოქმედე.

ტალავერქვეშ მიუღებლად მიაჩნია რაიმე ბოსტნეულის დათესვა ან დარგვა _ აქ მხოლოდ კივის სამფლობელოა.

ომარ შავიშვილს კივის პლანტაცია ორ სხვადასხვა, ერთმანეთთან ახლოსმდებარე ნაკვეთებზე აქვს გაშენებული. ოცნება აისრულა და საარაკო პლანტაცია გააშენა, ახლა კი უახლოეს 3 წელიწადში 8 ტონა მოსავლის მიღებას გეგმავს! არანაირი სესხით არასდროს უსარგებლია. სურს კი, არსებობდეს რაღაც შეღავათიანი დაფინანსება, რაც სამეურნეო საქმიანობაში საგრძნობლად დაეხმარება:

_ შეიძლებოდა პროექტი დამეგეგმა, მაგრამ ვიდრე სხვადასხვა ინსტანციებში ვირბენ და ვინმე ყურადღებას მომაქცევს, ჩემს ნარგავებსა და ბაღებს "უჩემობა შეშლის". ამიტომ ასე ვარჩიე შრომა. ჯერ გლეხკაცისთვის ვინმეს სცალია საქართველოში? _ გვკითხა და ჩვენგან პასუხიც ვერ მიიღო _ რა უნდა გვეთქვა?

ომარ შავიშვილს საკუთარი ტრაქტორიც აქვს და ათასი სხვადასხვა ინსტრუმენტიც; მეუღლე და შვილებიც გვერდით უდგანან და შეძლების მაქსიმუმს აკეთებენ, თუმცა, მართლაც რომ საცოდაობაა, ასეთი სულისკვეთების მქონე მეურნე კაცი კადრს მიღმა ფუსფუსებდეს _ დაფინანსების შემთხვევაში ხომ ადვილი შესაძლებელია, მან მძლავრი მეურნეობა შექმნას და არაერთი ადამიანი დაასაქმოს?




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...
ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...