უძველესი ჯიშების მაკრო-სამყაროს უცნობი ლიდერი

gurianews.com

კარმიდამო ჩემი

უძველესი ჯიშების მაკრო-სამყაროს უცნობი ლიდერი

2011 ივლ 9 02:20:11
ახლა "მთის მწვერვალზე, ცის მახლობლად" ვიმყოფებით _ ოზურგეთის მუნიციპალიტეტის სოფელ ქაქუთში, სოსო ხინთიბიძის ოჯახში. აქედან, ლამის, მთელი სამყარო ხელისგულივით მოჩანს. უეჭველია, 2-3 წელიწადში, აქ ვაზისა და ხილის ძველი ჯიშების მუზეუმი-ნაკრძალი არა ერთ დაინტერესებულ პირს თუ ტურისტს მიიზიდავს.

ასე სჯერა ამ იდეით შეპყრობილ ოჯახის ერთადერთ წევრს, ახალგაზრდა კაცს, პროფესიით სამთო ინჟინერს, სოსო ხინთიბიძეს, რომელიც, ახლახან, ოჯახში დამზადებული ღვინის მე-4 ფესტივალში მონაწილეობდა და ნომინაციაში _ "საუკეთესო მარანი", სპეციალური დიპლომითა და ფულადი პრემიით (1 000 ლარი) დაჯილდოვდა. თუმცა, ეს ჯილდო ზღვაში წვეთია იმ დანარჩენ ღირსებათა ფონზე, რომლის მატარებელიცაა თვითონ.

სოსო საოჯახო მეურნეობითა და სტუმართმოყვარეობით განთქმული ოჯახის შვილია. მშობლები ცოცხალი აღარ არიან, გასულ წელს ტრაგიკულად დაეღუპა ერთადერთი ძმაც. თუმცა მარტოკაცობის შიშს არ შეუშინებია, ოჯახის შექმნაზეც ფიქრობს და საკუთარი იდეის _ ვაზისა და ხილის უძველესი ჯიშების მუზეუმ-ნაკრძალის სრულყოფაზეც. ერთი შეხედვით, ჩვენს წინაშე, მთის კორტოხზე საოჯახო მეურნეობის დიდი მაკრო-სამყარო იშლება, რომელიც ძალზე მრავალფეროვანია და დაუჯერებელია, რომ ეს ყველაფერი ერთი კაცის ნამუშევარია _ უამრავი ფუტკარი, შინაური პირუტყვი თუ ფრინველი, წლობით ნალოლიავები ვაზის უძველესი ჯიშების "გამოფენა" მრავალ ტალავერსა და ხეებზე, ზედ ჩიტზე სწრაფად რომ აფრენილან ტაკიძურა, საკმიელა, ქაქუთურა, ჩხავერი, კლარჯული, ბათუმურა... რომელი ერთი ჩამოვთვალოთ?

აქეთ-იქით მსხლის უნიკალური ჯიშების: ხეჭეჭურის, კაცისთავას, გონოურას, მსხალგიდელას, ბიამსხალისა თუ ბიავაშლას სანერგეების მიკრო-მოღობილებია; ჭიშკართან ახლოს, ორმოსავალა მოცვის რიდით მდგარი ბუჩქი შეთვალული ნაყოფით კოკობზიკობს. უფრო შორს კი, ტყის მისადგომებთან, ასკილი გათავხედებულა.

სოსო ხინთიბიძის მარჯვენით სტიქიურად განვითარებული საოჯახო მეურნეობა, ამ ტყის მისადგომებთან ელფერს იცვლის. სოსო ბუნების თვალმოუხუჭავი ქომაგია, უხელფასო რეინჯერი. განუკითხაობის წლებში, როცა სისტემატურად ნადგურდებოდა ტყის მასივები, განიცდიდა, მაგრამ ვისთვის უნდა ეთხოვა სამართალი? პასუხად მოღერილ მუშტს ან უარეს შემთხვევაში, მოქნეულ ცულს მიიღებდა. ამიტომ ჩუმად, საგანგებოდ იღვწოდა, წაბლისა და ნიგვზის ნერგები გამოჰყავდა, ტყეში მიჰქონდა და მოჭრილი ხეების ნაცვლად რგავდა. ასე გრძელდებოდა წლების მანძილზე, ასე ხდება დღესაც.

ახლა ცაცხვის ტყის გაშენებაზეც ოცნებობს: _ ამ ჩვენს მიმდებარე ტყეებში რვა ძირი დიდი ცაცხვია. ახლო-მახლო ეკალ-ბარდი და და თხმელა შემოვჭერი. ყველას ვაფრთხილებ, რომ ამ ცაცხვებს არ შეეხონ. 1 ჰექტარ ტყის ფართობზე 15-20 ძირი ცაცხვი ეტევა, საიდანაც ფუტკარს შეუძლია 1 ტონა თაფლი გაჩუქოს. იცით, ეს რა სიმდიდრეა? ცაცხვის ნერგები ძნელი საშოვარია. ვეძებ, მინდა, მწყურია, ცაცხვის ტყე გავაშენო. თუ ცაცხვის ტყე გაშენდება, ყველას ფუტკარი ეყოლება და სოფელიც და ქვეყანაც ფუტკარივით ძლიერი იქნება, _ გვეუბნება ბატონი სოსო.

ახლა, როცა საქართველოს სოფლის მეურნეობის მინისტრმა მოცვისთვის მოიცალა, სოსო ხინთიბიძე, გაცილებით ადრე, ორმოსავლიანი ჯიშის მოცვის კორომებს უვლიდა უდაბურ ტყეებში, ახლაც უვლის და ნაყოფის კრეფასთან ერთად, ჩაისაც ამზადებს: _ მხოლოდ წელს არ გამიკეთებია მოცვის ჩაი, ვერ მოვასწარი. მეორედ აგვისტოში ყვავის. ნოემბერში ვკრეფ, დეკემბერშიც ბევრჯერ მომიკრეფია, დროში ვერ ვეტევი, რა ვქნა? _ ამბობს იგი.

საინტერესოა კი, დროში ვერ ეტევა თუ დროს გაუსწრო ამ კაცმა?

როგორც თვითონ გვიმხელს, პროცენტიანი სესხის გამოტანას ერიდება, თორემ შესანიშნავ საქმეს გააკეთებდა: _ თუმცა, გავრისკე და ვალი ავიღე, 3-4 ადამიანს ვიხმარ, უნიკალური ჯიშების მუზეუმ-ნაკრძალი უნდა შევქმნა!

შებრუნებულ კითხვაზე, ოჯახის შექმნას თუ აპირებს და რატომ აგვიანებს, სასწრაფოდვე გვპასუხობს: _ ერთ გოგონას მირიგებდნენ კეთილისმსურველები. უთხრეს, ამდენი პირუტყვი ჰყავსო, იმდენი ფუტკარიო, დიდი მეურნეობა აქვს და პლანტაციებიო. და იცით, რა თქვა იმ გოგომ? აუ, მაგას მოჯამაგირე ნდომებიაო..., _ ხმაშეწყობილად ვიცინეთ ამ ნამდვილ ამბავზე.

ეზოში ერთი ძველი "ვილისი" დგას, რომლის ახალი ტრანსპორტით შეცვლა, უპროცენტო სესხი თუ სხვა დახმარება, რასაც ნორმალურ ქვეყნებში ხელისუფალნი სთავაზობენ საკუთარ ფერმერებს, მოკლე დროში სოსო ხინთიბიძესაც ძლიერ ფერმერად აქცევს, ის კი მერე ათეულობით ადამიანს დაასაქმებს.

მართალია, სოსო ხინთიბიძე უკვე "იპოვეს", მაგრამ მაინც უნდა ვთქვათ ამა ქვეყნის ძლიერთა გასაგონად _ გამოუცხადეთ თანადგომა, გაიკითხეთ ჩიტის მოტანილი ამბავი, დაინახეთ ეს კაცი და დაინახავთ საქართველოს! განა ბევრია ჩვენს გვერდით ასეთი უსახელო გმირი?!


ნახვა: 2017


 ახალი ამბები
  • ტრენინგები საჯარო მოხელეებისთვისსაქართველოს იუსტიციის სამინისტროს სსიპ „მონაცემთა გაცვლის სააგენტოსა“ და ამავე სამინისტროს სსიპ „სახელმწიფო სერვისების განვითარების სააგენტოს“ წარმომადგენლები საქართველოს ყველა მუნიციპალიტეტში ტრენინგების ციკლის ჩატარებას იწყებენ. მსგავსი ტრენინგი მიმდინარეობს ოზურგეთის დემოკრატიული ჩართულობის ცენტრში.  სატრენინგო კურსი მიზნად ისახავს ადგილობრივი თვითმმართველობის ორგანოთა წარმომადგენლებისთვის ინფორმაციის მიწოდებას „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით გათვალისწინებული ვალდებულებების, კვალიფიციური ელექტრონული ხელმოწერის-შტამპისა და ელექტრონული სერვისების ერთიან პორტალზე (MY.GOV.GE) ხელმისაწვდომი ელექტრონული სერვისების გამოყენების პრაქტიკული ასპექტების შესახებ.  „აღსანიშნავია, რომ ხსენებული საკანონმდებლო ვალდებულების შესრულება საჯარო სექტორის მხრიდან გარკვეულ მომზადებას საჭიროებს, რაც გულისხმობს ტექნიკური მხარდაჭერის აუცილებლობას, ცნობიერების გაზრდას ამ სფეროში და საჯარო სექტორში დასაქმებული პირების შესაბამის კომპეტენციას, რომელიც გარკვეულ დროსა და ძალისხმევას, ასევე საჯარო უწყების მხრიდან კოორდინირებულ მართვას მოითხოვს. სწორედ ამ პროცესის მიზანმიმართულად წარმართვისა და ადმინისტრაციული ორგანოების მიერ კანონის იმპლემენტაციის პროცესის მხარდასაჭერად არის გამიზნული ტრენინგების ციკლის ჩატარება.  ამასთან, „მონაცემთა გაცვლის სააგენტომ“ ახლახან ელექტრონული სერვისების ერთიანი პორტალის (MY.GOV.GE) განახლებული ვერსია გაუშვა, რომელიც არაერთ ისეთ სერვისს აერთიანებს, სადაც საჭიროა ელექტრონული ხელმოწერის/შტამპის გამოყენება“, _ თქვა  ნიკოლოზ გაგნიძემ, საქართველოს იუსტიციის სამინისტროს სსიპ „მონაცემთა გაცვლის სააგენტოს“ თავმჯდომარემ. ... ...
  • ოზურგეთში 2-7 წლის ბავშვებში სისხლში ტყვიის შემცველობას შეამოწმებენკვლევის ჩატარებამდე საქართველოს 10 რეგიონში, მათ შორის ოზურგეთში საინფორმაციო კამპანია დაიწყო. კამპანიას  სამოქალაქო განვითარების სააგენტო (სიდა) ახორციელებს. ხოლო შეხვედრას ორგანიზება გურიის ახალგაზრდულმა რესურს-ცენტრმა გაუკეთა. როგორია ქალთა და ბავშვთა მდგომარეობა საქართველოში და რამდენად დაცულია მათი ჯანმრთელობა, გურიის ახალგაზრდული რესურს-ცენტრის ორგანიზებით საქართველოს სტატისტიკის ეროვნული სამსახურმა  და  გაეროს ბავშვთა ფონდმა საინფორმაციო შეხვედრა გამართა, სადაც მთავარი აქცენტი აღნიშნული კვლევის მნიშვნელობაზე გაკეთდა. მრავალინდიკატორული კლასტერული კვლევა (MICS) შინამეურნეობათა ერთ-ერთი უდიდესი კვლევაა, რომელსაც გაეროს ბავშვთა ფონდი სხვადასხვა ქვეყანაში ახორციელებს ბავშვებისა და ქალების მდგომარეობის შესაფასებლად. კვლევა  ხელს შეუწყობს მონაცემებზე დაფუძნებული პოლიტიკის დაგეგმვასა და შემუშავებას.  კვლევის ფარგლებში,  2-7 წლის  ბავშვებში სისხლში ტყვიის შემცველობის განსაზღვრა და წყლის სინჯების აღებაცაა გათვალისწინებული. კვლევის შედეგები, მათ შორის ტყვიის შემცველობის შესახებ, ხელმისაწვდომი, სავარაუდოდ, 2019 წლის გაზაფხულზე გახდება. საინფორმაციო შეხვედრები ქალაქ ოზურგეთის ცენტრალურ ბიბლიოთეკის დარბაზში ... ...
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. შეგახსენებთ, რომ მეუფე იოსები "ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს სინანულისკენ მოუწოდებს და აღნიშნავს, რომ მისი "პრეზიდენტობა არ შეიძლება". "კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით _ თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია, თქვენი გაპრეზიდენტების შემთხვევაში, თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ, თურმე, ეპისკოპოსები და სამღვდელოება უსახურ ტაძრებს ვაშენებთ და იქვე დaსძენთ, რად გინდათ ამდენი ტაძრების აშენება როცა უამრავი გაჭირვებულია საქართველოში და ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ეს და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს, ხმა მას მიეცითო. მაგრამ რაც შეეხება იმ მოვლენებს, მოწოდებებს. ფუჭ დაპირებებს, ქართველი ერის დეგრადაციას, მათი მოთხოვნების უგულებელყოფას, ამაზე ჩვენ ვერ გავჩუმდებით, თვალს ვერ დავხუჭავთ. გამხილებთ სიყვარულით და მოგიწოდებთ სინანულისკენ. იმიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ", _ აღნიშნულია განცხადებაში, რომელიც შემოქმედელმა მიტროპოლიტმა მეუფე იოსებმა გაავრცელა. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...
  • სიაში აღმოჩენილი პრემიერის ხელმოწერა _ საქმეს პროკურატურა იძიებსპროკურატურა ,,მოძრაობა სახელმწიფო ხალხისთვის“ მიერ  ცესკოში წარდგენილ საპრეზიდენტო კანდიდატის მხარდამჭერთა სიაში აღმოჩენილ დარღვევებს სწავლობს.   ცენტრალური საარჩევნო კომისიის ინფორმაციის მიხედვით, სიაში დაფიქსირებულია პრემიერ-მინისტრის მონაცემები და ხელმოწერა, რომელიც სრულიად განსხვავდება ცესკოში არსებულ და საჯაროდ ცნობილი ხელმოწერისგან. ასევე, ამავე პარტიის მხარდამჭერთა სიასთან დაკავშირებით  ცესკოში შესულია მოქალაქის განცხადება,  რომელშიც პირი აღნიშნავს, რომ მისი მონაცემები არაკანონიერად არის გამოყენებული. როგორც ,,გურია ნიუსს“ პროკურატურაში განუცხადეს, გამოძიება ამ ეტაპზეც მიმდინარეობს და კანონდარღვევის აღმოჩენის შემთხვევაში, პროკურატურა შესაბამის სამართლებრივ რეაგირებას მოახდენს.   „გამოძიება მიმდინარეობს და  ჯერჯერობით, დეტალებზე ვერ ვისაუბრებთ. იმ შემთხვევაში, თუ დადგინდება დანაშაული, მიღებული იქნება  შესაბამისი სამართლებრივი გადაწყვეტილება“, _ გვითხრეს პროკურატურაში. საკითხთან დაკავშირებით კომენტარი გააკეთა პარლამენტის თავმჯდომარემ. როგორც ირაკლი კობახიძემ განაცხადა, პარტიამ სიები გააყალბა, რასაც შესაბამისი პასუხი გაეცემა. ,,ეს ყველაფერი, ასევე, მიუთითებს იმაზე, რომ ,,ნაციონალური მოძრაობა“ ძალიან მძიმე და მწარე მარცხს იწვნევს ამ არჩევნებზე, რაზეც ჩვენ ვართ პასუხისმგებელი, შეგვიძლია ეს დაპირება შევასრულოთ. ფაქტი, რომ პრემიერის ხელმოწერა არის გამოყენებული სიებში, ეს მიუთითებს გაყალბების ხარისხზე. ჩვენ მივმართეთ ამ საკითხზე უწყებათაშორის კომისიას და კანონიდან გამომდინარე, ველოდებით უმკაცრეს რეაგირებას“, _ აღნიშნა კობახიძემ. ჯერჯერობით, უცნობია, დარღვევებთან დაკავშირებით, რა რეაგირება ექნება უწყებათაშორის კომისიას.   ... ...

არქივი

კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...
ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...