გაბრაზებული მონადირის რჩევების დღიური

კარმიდამო ჩემი

გაბრაზებული მონადირის რჩევების დღიური

2 ოქტ. 2014, 13:45:47

_ სამონადირეო დარგს პატრონი არ ჰყავს! საიდან დავიწყო ამ სფეროზე საუბარი, ვის რა ვურჩიო და ვის რა ვუსაყვედურო?! დავთარი არეული მაქვს! თქვენთან საუბარი კარგია, დროული კი არა, იქნებ, დაგვიანებულიც, _ გვეუბნება ბუხუტი ჯინჭარაძე, გურიის რეგიონის მონკავშირის ყოფილი თავმჯდომარე და ახლა მოყვარული მონადირე, მშობლიური მხარის ფლორასა და ფაუნაზე უსაზღვროდ შეყვარებული და ასეთი სიყვარულის უქონელ ადამიანებსა და ზოგადად, ხელისუფლებაზე გაბრაზებული კაცი.

_ თუ ვინმეს ჰგონია, რომ გარემოს დაცვის სამინისტრო ერთი უპირველესი სტრატეგიული უწყება არაა, რომელსაც ქვეყნის ყოფნა-არყოფნის ბედი აბარია, ცუდადაა მისი საქმე. დადის სამი-ოთხკაციანი გარემოს დაცვის ინსპექცია და რაღაცას ამოწმებს... რას _ არ ვიცი. ჯერ კიდევ 90-იან წლებში დაიწყო მონკავშირის განადგურება. მერე შევარდნაძის დროს, მინისტრმა ჩხობაძემ ალპური მგლები შემოგვისია, ტყის სანიტარიაო... სანამ შეგჭამს, სანიტარია, მანამდე მოკვლა აკრძალული გაქვს. რომ დაგაქცევს, თუ დარჩი ცოცხალი, მერე მოკლავ... მითხრას ვინმე გონიერმა, რატომ გადადგა ქვეყანამ ასეთი ნაბიჯი? 26 მილიონი ევრო რომ გამოყო ევროკავშირმა ამ საქმისთვის, ვითომ ვოლიერები აშენდა, ვითომ აცრები ჩაუტარდა მგლებს და ათასი "ვითომ"... სინამდვილეში დიდი გრანტიჭამიობა იყო ეს. ბევრი კარგი საქმე მინახავს გრანტით გაკეთებული, მაგრამ ეს "მგელობანას" თამაში ჩხობაძის გასამართლებით უნდა დამთავრებულიყო. ასეთია ჩემი, როგორც პროფესიონალი მონადირის და ერთი პატრიოტი კაცის აზრი... მონადირეს ათი მცნება ჰქონდა, მშობლის რჩევაზე უკეთესი. ესმის ახლა ვინმეს რაიმე რჩევა და დარიგება?

_ ბატონო ბუხუტი, გასაგებია თქვენი გულისტკივილი. ალპური მგლების თემა საქართველოში ნამდვილად აქტუალურია და ძირითადად, უარყოფითი კონტექსტით იხსენიება. მართლა ასე მავნებლური იყო ეს ნაბიჯი ხელისუფლების მხრიდან და შედეგი ოდნავადაც არ მოუტანია?

_ ერთს გკითხავთ _ საქმე, რომელსაც ერთი პროცენტი შედეგი და ოცი ამდენი ზარალი მოაქვს, შედეგიანად ითვლება? არა, ბატონო, არც ერთ სფეროში არ ჰქვია მეტი ზარალით ნაკეთებ საქმეს წარმატებული. ვის სჭირდებოდა მგელი? ამ საქმეში დავბერდი. ალპური ტყის სანიტარია, ახლა ხან ერთ ოჯახს რომ უგლეჯს მარჩენალ ძროხას და ხან _ მეორეს. ადამიანებსაც ბევრჯერ დაესხა თავს. ცოტაც მოიცადეთ და უფრო შეტევაზე გადმოვა. მთელი საქართველოს ტყეებშია გაშვებული და კარგადაც მრავლდება. წაიკითხონ, გაიგონ, ბატონო, რომ სანამ მგელი არ მოსპეს ან არ შეამცირეს, მესაქონლეობამ ვერ მოიკიდა ფეხი ბრაზილიაში, ვენესუელაში, პარაგვაიში. ასევე, ევროპაშიც, სკანდინავიის ქვეყნებშიც. ამის უამრავი მაგალითია. ამათ კი ამ გაჭირვებულ საქართველოს შემოუსიეს და საცოდავ კაცს თითქოს თავისი არ ჰყოფნიდა, ძლივს გაზრდილი მარჩენალი მგელს შეაჭმევინეს. ჩხობაძეს მგლების შემოყვანის საქმეში ლომის წილი აქვს. რა თქმა უნდა, ზემოდან ეყოლებოდა მთავარი მიმთითებელი.

_ თქვენ როგორ წარმოგიდგენიათ თანამედროვე "მონკავშირი", რა კეთდებოდა ადრე და რას ურჩევდით ახალ ხელისუფლებას თუ თითოეულ მოყვარულ მონადირეს, რაში ხედავთ პრობლემას?

_ ამ დარგში რომ ყველაფერი პრობლემაა, რა მიხვედრა უნდა? არსებობდა მონადირის მოწმობა, მას ჰქონდა თოფის და სამონადირეო დანის ტარების უფლება, გავლილი უნდა ჰქონოდა ატესტაცია. საეგერო სამსახურს ბრაკონიერის გამოვლენა ევალებოდა. ახლა დაიჭერენ თოფს ხელში და საით ისვრის ასეთი "მონადირე", თვითონ არ იცის, სხვას კი კლავს. ნახეთ სტატისტიკა _ სეზონზე ხან 100 კაცია მკვდარი. ადრე ასეთს სად გაიგონებდით, იშვიათი შემთხვევის გარდა? ჯერ სამონადირეო სეზონი არ გახსნილა და გავიგე, ერთ დღეს ოზურგეთის ბაზარში 56 ცალი ნანადირევი მწყერი შემოიტანეს გასაყიდად. ეს ნამუსია? ყველა უნდა დახოცო? ჰქონდა ამას თავისი წესები, როდის რამდენი უნდა მოგეკლა. ხელისუფლებამ უნდა იზრუნოს ამ პრობლემის მოგვარებაზე. იმ დროს არსებობდა მონადირის ათი მცნება, რა უნდა სცოდნოდა: პირველ რიგში, თოფის გამართულობა, როდის უნდა მოეკლა, ძაღლი საბმელით ჰყოლოდა, რა უნდა სცმოდა, რანაირი ტყვია-წამალი შეერჩია და რაც მთავარია, ჰქონოდა პატიოსნება და ზრდილობა _ ტყეში ჩხუბი დაუშვებელია! ახლახან ინადირეს თუ იქეიფეს ოზურგეთის ერთ-ერთ მთაზე, გვარ-სახელს არ ვიტყვი, მერე ერთმა მეორეს თავში კონდახი უთავაზა და ტვინის შერყევით სიკვდილს ძლივს გადაურჩა. ესენი არიან მონადირეები? ესაა საქმე? მთავრობა უნდა დაფიქრდეს იმაზე, რომ თუ "მონკავშირის" ასლს არ შექმნის, უნდა შექმნას რაღაც მსგავსი, სადაც მონადირეს მონადირე ერქმევა და ეგერს _ ეგერი. სისტემაა ჩამოსაყალიბებელი.

_ თქვენი აზრით, კონკრეტულად რა ზარალი გამოიწვია მონადირეთა კავშირის გაუქმებამ და როგორ წარმოგიდგენიათ თქვენი ხედვით, მკვდრეთით აღმდგარი ეს საზოგადოება?

_ ამ ორგანიზაციის გაუქმებას მოჰყვა ის, რომ საქართველოს სანადირო სავარგულები უპატრონოდაა მიტოვებული! თქვენ გჯერათ, რომ გარემოს დაცვის ინსპექციის სამკაციანი ჯგუფი რომ დარბის, რაიმე საქმე გამოუდის? ვინმეს შეუძლია, დათვალოს, რამდენია დენით მოკლული თევზი, ნადირობის სეზონის დაწყებამდე მოკლული ნადირ-ფრინველი? გაფორმებული თოფი რამდენია და გაუფორმებელით რამდენი დარბის, შეამოწმა ვინმემ? ან გაფორმებული რომ აქვს კაცს თოფი, არის კი ის მონადირე? აკინძული უნდა იყოს მონადირეთა ვინაობა, მისამართი... ორლარნახევარი რომ ღირს სეზონის გახსნამდე მოკლული ერთი პატარა მწყერი, ვინმე კითხულობს, ეს რატომ ხდება? გაიხსნას სეზონი, დაიშვას ნორმები და მერე გაყიდოს! ნადირობის კულტურა არ არსებობს! მონადირეს ინსტრუქტაჟი უნდა უტარდებოდეს, ნადირობის წესები საგზაო წესებივით იცოდეს. ოზურგეთში ნორმალური პატრული რომ დაინიშნა, შეხედეთ, ხომ იკადრა ბევრმა "კაი ბიჭმა" ღვედის გადაკვრა? საქმე ჩანს და წესრიგისკენ წინსვლა. თავისუფალ დროს სპეციალური არხით ვუყურებ ფილმებს ბუნებისა და მონადირის ჰარმონიულ თანაარსებობაზე. ვხედავ, დაიჭირა კაცმა უშველებელი კობრი, მოეფერა და... ისევ წყალში გაუშვა! აი, ესაა კულტურა და ბუნების სიყვარული. ფლორას და ფაუნას მიხედვა სჭირდება. ნადირ-ფრინველი ჯერ უნდა მოვამრავლოთ და მერე კი არ უნდა გავჟლიტოთ, უნდა გამოვხშიროთ! აი, ესაა ჩემი კეთილი სურვილები და რჩევები! ჩემთვის ხშირად ვწერ, რა პრობლემებია, რას როგორ უნდა ეშველოს. პროფესიონალი ვარ, ამ საქმის გულშემატკივარი და ასე მგონია, ამ დარგის გასაჭირით, ჩემს საკუთარ ოჯახს უჭირს! რჩევების დღიურიც მაქვს შედგენილი, მაგრამ სჭირდება ვინმეს? მალე ნადირობის სეზონს გავხსნით და იქაც ვიტყვით ჩვენს სათქმელს.

_ ბატონო ბუხუტი, თქვენ ისევ ნადირობთ. კონკრეტულად, რა ჯიშის ძაღლები გყავთ და ამ კუთხითაც ხომ არ დაგროვდა პრობლემები? ნათქვამია, "კარგ მონადირეს, კარგი ძაღლი უნდა ჰყავდესო"...

_ ახლა სახლში ორი ძაღლი მყავს _ დრათჰაარი და ირლანდიური სეტერი. ესენი ფრინველსა და კურდღელზე ნადირობენ. ადამიანივით ვუვლი. ჩემთვის მეგობრები არიან და, როგორც მხოლოდ ძაღლებს, ასე არ ვუყურებ. კარგი თუ იქნება მონადირე, კარგ ძაღლს აუცილებლად იშოვის. ამ მხრივ პრობლემას ვერ ვხედავ.

_ ნადირობის სეზონი ახსენეთ. როდის, ვინ და როგორ ხსნის და რა ხარვეზი ან დადებითი ახლავს ამ პროცესს?

_ ამ საქმეს ენთუზიასტები ვახერხებთ მხოლოდ. ვიკრიბებით ასამდე კაცი, ძველი თუ ახალბედა მონადირეები, საკუთარი სურვილით, არავის ვაწუხებთ, ძველებურ წესებს ვიცავთ. ჩვენთან მოდის ოზურგეთის სახელმწიფო ფოლკლორული ანსამბლი "შვიდკაცა", ძირითადად ექვსი სოფლის გამოცდილი და პროფესიონალი მონადირეები, ასევე _ ქალაქიდანაც და ვხსნით ნადირობის სეზონს. ეს სეზონი მარტამდე უნდა გრძელდებოდეს. ახლა 16 აგვისტოდან მომდევნო წლის 15 თებერვლამდეა დაშვებული. ადრე მარტის ბოლომდე გრძელდებოდა და ეს არაფერს უშლიდა ხელს. გარემოს დაცვის სამინისტროს, თავდაცვის სამინისტროზე არანაკლები პასუხისმგებლობა აკისრია ქვეყნის წინაშე. ყველა მონადირეს გვსურს, ახალი ხელისუფლების ყურს მისწვდეს ჩვენი ხმა, კეთილი სურვილები და რჩევები...

ბატონმა ბუხუტი ჯინჭარაძემ ჩვენთან საუბარი სამონადირეო დარგზე, ალპურ მგლებზე საუბრით დაიწყო და ნადირობის სეზონის გახსნაზე საუბრით დაამთავრა. კი იყო ჩვენი მასპინძელი გაბრაზებული, მაგრამ მასში უზარმაზარი იმედი და ენერგია ჩანს, სჯერა, რომ ვიღაც გამოჩნდება, ვიღაც ისევე გადაეფარება მშობლიურ ფლორასა და ფაუნას, როგორც თვითონ და მისი მამა, ვალოდია ჯინჭარაძე, რომელიც 40 წლის მანძილზე დარაჯად ედგა გურიის მონადირეთა კავშირს, მთელი რეგიონის ბუნებას. მისთვის საჩუქრად მირთმეული კავკასიური არწივის, კოლხური დედალ-მამალი ხოხბის, შევარდნის ფიტულები და უფიდან ჩამოტანილი ცხენირმის რქა ამშვენებს ჯინჭარაძეების სახლის პირველი სართულის დარბაზს.

_ ესაა მამაჩემის სიმდიდრე, მეგობრების მიერ სიმბოლურ საჩუქრებად მირთმეული, რომელსაც სიცოცხლესავით ვუფრთხილდები და ვუვლი. სახლში შემოსული სტუმარიც პირველად ამ სიმბოლოებს ხედავს და ხვდება, რომ ეს მხოლოდ ფიტულები კი არა ცოცხალი კავშირია ოჯახის წევრთა უსაზღვრო სიყვარულსა და სამონადირეო დარგს შორის, რომელიც თაობებს უნდა გადაეცეს, როგორც ჯანსაღი, პატრიოტული სულისკვეთება.

რაც შეეხება ბატონ ბუხუტი ჯინჭარაძის მიერ ნინო ჩხობაძის დადანაშაულებას საქართველოში ალპური მგლების შემოყვანის გამო, ჩვენ დავუკავშირდით გარემოს დაცვის ყოფილ მინისტრს, რომელმაც ასეთი კომენტარი გააკეთა:

_ მსგავსი სისულელე ბევრი არ გამიგონია! რა მგლები?! ეს ამბავი ერთ კურიოზულ ფაქტს უკავშირდება _ მაშინ ერთი მეცნიერი ბიოლოგიის ინსტიტუტში მუშაობდა ჯიხვების თემაზე და პროფესორ იასონ ბადრიძეს ედავებოდა, წითელი ალპური მგლები შემოიყვანეთო. ჯერ ერთი, ეს წითელი მგელი კანადურია და სულ 20 ეკზემპლიარია მსოფლიოში, ვინ მოგცემს? მეორეც, ტყეში არის მგელი, მომრავლდა უამრავი ტურა და ერევათ მგლებში. უპატრონო ძაღლებიც ბევრი ველურდება, იღებენ მურა ნაცრისფერს და ხან მგელზე უარესია. ხდება მგლის და ნადირის შემოვარდნა და როცა შემოგივარდება, ის უნდა მოკლა! რა ნებართვა უნდა ამას? რაც შეეხება ჩემ მიერ მგლების შემოყვანის მითს, თუ ჯერ კიდევ ავრცელებს ამას ვინმე, რა ვქნა, გავგიჟდე?! _ გვითხრა ნინო ჩხობაძემ.




 ახალი ამბები
  • „მინისოდან“ გათავისუფლებული მენეჯერი სამსახურში აღდგა, მას მოცდენილი შრომა აუნაზღაურდება - „ახალგაზრდა ადვოკატები“ თბილისის საქალაქო სასამართლოს სამოქალაქო საქმეთა კოლეგიის 2020 წლის 31 ივლისის გადაწყვეტილებით, გაუქმდა კომპანია „მინისო ჯორჯიას“ დირექტორის 2019 წლის 22 ნოემბრის ბრძანება მაღაზიის მენეჯერის დაკავებული თანამდებობიდან გათავისუფლებისა და შრომითი ხელშეკრულების ვადამდე შეწყვეტის თაობაზე, მენეჯერი 2020 წლის 1 აგვისტოდან აღდგა გალერია თბილისის მაღაზიის მენეჯერის თანამდებობაზე გათავისუფლებამდე არსებული შრომითი ხელშეკრულების პირობებით და კომპანიას დაეკისრა იძულებითი შრომითი განაცდურის ანაზღაურების გადახდა. აღნიშნულის შესახებ განცხადებას მენეჯერის ინტერესების დამცველი ორგანიზაცია „ახალგაზრდა ადვოკატები“ ავრცელებს. „ახალგაზრდა ადვოკატების“ განცხადებით, ბრძანების ბათილობის და სამსახურში აღდგენის ნაწილში, 2020 წლის 28 ივლისის სასამართლო სხდომაზე, კომპანია „მინისო ჯორჯიამ“ სარჩელი ცნო, იძულებითი განაცდურის ნაწილში კი მხარეთა შორის სამართლებრივი დავა გაგრძელდა. კომპანიის წარმომადგენელთა განმარტებით, განხორციელებული რეორგანიზაციისა და ახალი კორონავირუსის პირობებში, ცვლილება განიცადა მენეჯრის თანამდებობრივმა სტატუსმა და სარგომ, კომპანია პანდემიის პირობებში არ საქმიანობდა, არ გაიცემოდა ხელფასი დასაქმებული სხვა პირების მიმართ. შესაბამისად, კომპანია გამოთქვამდა მზადყოფნას, აღნიშნული გარემოებების გათვალისწინებით, გათავისუფლებული მენეჯერის მიმართ გაცემულიყო იძულებითი შრომის განაცდურის ანაზღაურება თანამდებობისთვისთვის დადგენილი ახალი სახელფასო პოლიტიკისა და კომპანიის ფაქტობრივი მუშაობის პერიოდის მიხედვით, რაც არც მოსარჩელის და შემდგომში, არც სასამართლოს მხრიდან არ იქნა გაზიარებული. შესაბამისად, მოსარჩელის მოთხოვნა - დაევალოს შპს „მინისო ჯორჯიას" მენეჯერის სასარგებლოდ იძულებითი შრომითი განაცდუნის ანაზღაურება, გათავისუფლების დღიდან – 2019 წლის 22 ნოემბრიდან  აღდგენამდე, ყოველთვიური ხელზე ასაღები ხელფასის - 1200 ათასი ლარის ოდენობით, სრულად იქნა დაკმაყოფილებული. „ახალგაზრდა ადვოკატები“ აღნიშნავს, რომ კომპანია „მინისო-ჯორჯიას“ მენჯემენტის მიდგომა და გადაწყვეტილება, რომელიც მუშაკის გათავისუფლების ბრძანებისა და სამსახურში აღდგენის მოთხოვნების ცნობას შეეხება, უდავოდ დასაფასებელი ფაქტია და ხაზს უსმევს კომპანიის კორპორაციულ პასუხისმგებლობას და დაშებული შეცდომის აღმოფხვრისკენ სამართლებრივ კულტურას. ამასთან, ორგანიზაცია ყურადღებით აკვირდება სამსახურში აღდგენილ მენეჯერთან მიმართებით მენეჯმენტის ურთიერთობის საკითხს და იმედს გამოთქვამს, რომ ნდობის პირობებში, ორმხრივი თანამშრომლობა, გართულებების გარეშე, შედგება. ორგანიზაცია იმედოვნებს, რომ კომპანია „მინისო-ჯორჯია“ სწორად შეაფასებს დასაქმებულის მიმართ იძულებითი განაცდურის ანაზღაურების დროულობას და სამართლებრივი პერსპექტიულობის თვალსაზრისით, უარს იტყვის სასამართლოს გადაწყვეტილების ამ ნაწილში დამდგარი შედეგის სააპელაციო წესით გასაჩივრებაზე, რაც საზოგადოებისთვის და ყველა დასაქმებულის წინაშე, იქნება კომპანიის პასუხიმგებლობის კარგი მაგალითი. ორგანიზაცია, ამ ნაწილშიც, ადვოკატირებას გააგრძელებს. საქმის მასალებით მიხედვით, დასაქმებულსა და დამსაქმებელს შორის არსებობდა უვადო შრომით-სამართლებრივი ურთიერთობა. 2019 წლის 22 ნოემბრის გადაწყვეტილებით (შეტყობინებით), კომპანიამ დასაქმებული მაღაზიის მენეჯერის თანამდებობიდან გაათავისუფლა. გათავისუფლება დაეფუძნა საქართველოს შრომის კოდექსის 37-ე მუხლის 1-ელი პუნქტის "ზ" ქვეპუნქტის საფუძვლებს. კომპანიის გათავისუფლების გადაწყვეტილებაში აღნიშნულია, რომ შრომითი ხელშეკრულების შეწყვეტის საფუძველს წარმოადგენს დასაქმებულის მიერ შრომითი ხელშეკრულებისა და შინაგანაწესის უხეში დარღვევა, რაც გამოიხატა დასაქმებულის ქმედებაში. კერძოდ, 2019 წლის 20 ნოემბერს, დასაქმებული მის დაქვემდებარებაში მყოფ ოთხ თანამშრომელთან ერთად, სამუშაო ადგილზე, აღნიშნული თანამშრომლების სამუშაო საათებში იკეთებდა მაკიაჟს და ისწორებდა თმას. სინამდვილეში, დასაქმებულს, 2019 წლის 20 ნოემბერს, კომპანიის მენეჯმენტთან წინასწარი შეთანხმებით, გააჩნდა 1-დღიანი შვებულება (Day Off), ვინაიდან მეჯვარის სტატუსით უნდა დასწრებოდა მეგობრის ქორწილს. მენეჯერი სამსახურეობრივ ადგილას მოსვლის შემდგომ არ ყოფილა ჩართული სამსახურეობრივი უფლებამოსილების შესრულებაში. პროცესს ხელი არ შეუშლია მაღაზიის ფუნქციონირებისთვის. კომპანიამ დაიწყო მუშაკის მიმართ თანამდებობიდან გათავისუფლების დისციპლინური წარმოება, თუმცა ქმედება ღიად და აშკარად არ ქმნიდა მისაღები გადაწყვეტილების საფუძვლებს. ცნობისთვის: სარჩელით სასამართლოს 2019 წლის 6 დეკემბერს მიემართა, დაზუსტდა ცალკეული მოთხოვნები და წარმოებაში იქნა მიღებული 2020 წლის 27 იანვარს. კომპანიამ 7 თებერვალს სარჩელზე წარმოდგენილი შესაგებლით მენეჯერის სასარჩელო მოთხოვნები - გათავისუფლების ბრძანების ბათილად ცნობა, სამსახურში აღდგენა, იძულებითი განაცდურის ანაზღაურება, არ ცნო და მხარესთან მორიგების შესაძლებლობაც გამორიცხა. ოფიციალური ინფორმაციით, იაპონური მაღაზიათა ქსელი „მინისო“ მსოფლიოს 79 ქვეყანაში, 3,500-ზე მეტი ფილიალითაა წარმოდგენილი, საქართველოში კი 2016 წლიდან საქმიანობს და ამჟამად 15 ფილიალითაა წარმოდგენილი. საქმე მოსამართლე: ია ლაბაძემ განიხილა. მენეჯრის კანონიერ ინტერესებს: „ახალგაზრდა ადვოკატების“ ხელმძღვანელი, არჩილ კაიკაციშვილი, იურისტები: ანა ფუტკარაძე და თამარ ციხიშვილი წარმოადგენენ, კომპანიის ინტერესებს კი იურისტები: დავით ფუხაშვილი და მარიამ დვალიშვილი ... ...
  • წვიმა, ელჭექი, სეტყვა- გაფრთხილება ამინდის შესახებგარემოს ეროვნული სააგენტოს ინფორმაციით, 10 აგვისტოს დღის ბოლოდან 14 აგვისტომდე საქართველოში (ძირითადად დასავლეთ საქართველოში და აღმოსავლეთ საქართველოს მთიან რეგიონებში) მოსალოდნელია დროგამოშვებით წვიმა, ზოგან ძლიერი, შესაძლებელია აღინიშნოს ელჭექი, სეტყვა, ქარის გაძლიერება და ზღვაზე 2-3 ბალიანი ღელვა. მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე და მშრალ ხევებში წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება ... ...
  • აგვისტოს ომში დაღუპული მეომრები კახეთში გაიხსენეს (R)2008 წლის ომის მე-12 წლისთავზე, სამშობლოსათვის დაღუპული მებრძოლები გაიხსენეს კახეთის რეგიონის ყველა მუნიციპალიტეტში, სადაც ვეტერანების საქმეთა სახელმწიფო სამსახურის რეგიონული მართვის დეპარტამენტის კახეთის სამმართველოს წარმომადგენლებმა, ომისა და თავდაცვის ძალების ვეტერანებმა, დაღუპულთა ოჯახის წევრებმა, სამხარეო ადმინისტრაციისა და ადგილობრივი ხელისუფლების წარმომადგენლებმა, საქართველოს ტერიტორიული მთლიანობისათვის დაღუპულ გმირთა მემორიალები და ჯარისკაცთა საფლავები გვირგვინებითა და ყვავილებით შეამკეს და ქვეყნის ერთიანობისთვის ბრძოლის ველზე დაცემული მებრძოლების ხსოვნას პატივი კიდევ ერთხელ მიაგეს. გურჯაანში ჩატარდა აგვისტოს ომში დაღუპული ალექსი ნატროშვილის სახელობის საფეხბურთო ტურნირი, რომელშიც მონაწილეობას იღებდნენ თავდაცვის სამინისტრის 3 და გურჯაანის მუნიციპალიტეტის სოფლების 7 გუნდი. გაიმარჯვა სოფელ კალაურის გუნდმა, რომელმაც ფინალურ ორთაბრძოლაში სძლია მე-4 მექანიზირებული ბრიგადის გუნდს და გადაეცა ააიპ ''გურჯაანის სპორტული გაერთიანების'' მიერ დაწესებული ალექსი ნატროშვილის სახელობის გარდამავალი თასი. ალექსი ნატროშვილის სახელობის ტურნირი გასულ წელს დაარსდა და ყოველწლიურად ჩატარდება. უფროსი ლეიტენანტი ალექსი ნატროშვილი გურჯაანის რაიონის სოფელ შრომაში გაიზარდა. იგი IV ქვეითი ბრიგადის მებრძოლი იყო. 9 აგვისტოს, გამთენიას, თანამებრძოლებთან ერთად, დაზვერვაზე იყო წასული; უკან დაბრუნებულს, უთქვამს, რომ დიდი ხაფანგები იყო და ბრიგადის მეთაურთან ერთად, უკან დახევაზე შეთანხმებულან. სწორედ ამ დროს მომხდარმა აფეთქებამ იმსხვერპლა. სიკვდილის შემდეგ, დაჯილდოვდა ვახტანგ გორგასლის I ხარისხის ორდენით. კახეთის რეგიონიდან, 2008 წლის რუსეთ-საქართველოს ომს, ალექსი ნატროშვილის გარდა, კიდევ 15 მებრძოლი შეეწირა; გიორგი ანწუხელიძე _ საქართველოს ეროვნული გმირი! ბესიკ მამიაური _ რიგითი; 8 აგვისტოს, ერედვში, დაბომბვის შედეგად დაიღუპა; დაჯილდოვებულია ვახტანგ გორგასლის II ხარისხის ორდენით; ზურაბ ბალაშვილი_კაპრალი; 9 აგვისტოს, ნიქოზში, დაბომბვაში მოყვა და კასეტური ბომბის ანასხლეტის მიერ მიყენებული ჭრილობით გარდაიცვალა. დაჯილდოვებულია მედლით ''მხედრული მამაცობისათვის''. პოლკოვნიკი დათო ელიზბარაშვილი შილდელი იყო; იგი, საქართველოს ტერიტორიული მთლიანობისთვის, აფხაზეთშიც იბრძოდა; შემდეგ სამხედრო სამსახური გააგრძელა_თავდაცვის სამინისტროში საინჟინრო სამმართველოს უფროსის მოადგილედ მუშაობდა, შემდეგ კადეტთა კორპუსში მოღვაწეობდა, ბოლოს გორის ბატალიონის საინჟინრო ნაწილის გამნაღმველთა ბრიგადის მეთაური იყო; დათო ელიზბარაშვილი, 11 აგვისტოს, სოფელ ფხვენისთან , რუსული ''მი-24''ის შემოტევას ემსხვერპლა. დაჯილდოვებულია მედლებით:''უმწიკვლო სამსახურისთვის''; მედლით ''საბრძოლო დამსახურებისთვის'' და ვახტანგ გორგასლის I ხარისხის ორდენით. (სიკვდილის შემდეგ). სერჟანტი ზურაბ ტურაშვილი ყვარლის რაიონის სოფელ ალმატიდან იყო. სნაიპერი ზურაბ ტურაშვილი, ზუსტად არავინ იცის, რა ვითარებაში დაიღუპა, მაგრამ მისი მეგობრები ამბობენ, რომ კაზაკ სნაიპერ ქალს მისთვის მაშინ უსვრია და მხარში დაუჭრია, როცა ცხინვალში, სკოლის ეზოში გამოსულან. 4 წლის განმავლობაში უგზო-უკვლოდ დაკარგულად ითვლებოდა; 2012 წელს, შვილის დნმ-ის დახმარებით იპოვეს. იმ უცნობ ჯარისკაცებს შორის ერთ-ერთი იყო, რომლებიც საქართველოს კათალიკოს-პატრიარქის დახმარებით, ბრძოლის ველიდან გამოიყვანეს და მუხათგვერდის ძმათა სასაფლაოზე დაკრძალეს.. კაპრალი გიორგი კირაკოზაშვილი სოფელ ჩაილურიდან იყო. ჯარში 15 წელი იმსახურა. მსახურობდა გვარდიაში, სპეცრაზმში, თავდაცვის სამინისტროს დაქვემდებარებაში მყოფ პირველ ბრიგადაში. ბოლოს – მეოთხე ბრიგადაში, იყო ბატალიონის დაზვერვის უფროსი. 9 აგვისტოს, დილას, ცხინვალში, დაღუპული თანამებრძოლის გადმოსვენების დროს, სნაიპერის ტყვიამ იმსხვერპლა... დაჯილდოვებულია მედლით ''მხედრული მამაცობისათვის''; ''უმწიკვლო სამსახურისთვის'' (III ხარისხი) და ვახტანგ გორგასლის I ხარისხის ორდენით (სიკვდილის შემდეგ). რიგითი გოჩა ილურიძე დედოფლის წყაროს რაიონის სოფელ ზემო ქედიდან იყო; 18 წლისა წავიდა სამშობლოს დასაცავად; სპეცრაზმში ირიცხებოდა. მისი მეთაური იხსენებს, რომ სამაგალითო ჯარისკაცი იყო; 9 აგვისტოს, ერედვში, რუსების მიერ ჩამოგდებული კასეტური ბომბის აფეთქებას ემსხვერპლა. დაჯილდოვებულია ვახტანგ გორგასლის II ხარისხის ორდენით;(სიკვდილის შემდეგ) ლეიტენანტი რეზო მამისაშვილი _ საგარეჯოს მუნიციპალიტეტის სოფელ მარიამისჯვრიდან იყო; სამხედრო აკადემიაც დაამთავრა და ვაზიანში, მეოთხე ქვეით ბრიგადაში, 42-ე ბატალიონში მსახურობდა. 8 აგვისტოს, ფრონტის წინა ხაზზე, ''დუბოვი როშჩაში'' დაიღუპა; მისი ცხედარი საკმაოდ გვიან, 26 აგვისტოს გადმოასვენეს, 42 გმირის ცხედართან ერთად; ამოცნობა ვერ მოხერხდა, მხოლოდ მოგვიანებით, დეენემის პასუხის წყალობით გახდა ცნობილი, რომ ის მუხათგვერდში განისვენებდა. ოჯახის გადაწყვეტილებით, რეზო მამისაშვილი, მშობლიურ სოფელში, მარიამისჯვარში გადაასვენეს. სიკვდილის შემდეგ დაჯილდოვებულია ვახტანგ გორგასლის I ხარისხის ორდენით;' უმცროსი სერჟანტი გელა მებაღიშვილი ყვარლის მუნიციპალიტეტის სოფელ გავაზიდან გახლდათ. IV ქვეითი ბრიგადის მებრძოლი იყო. 10 აგვისტოს, ცხინვალის მისადგომებთან, დაღუპული ჯარისკაცის ბრძოლის ველიდან გამოყვანისას, ნაღმზე აფეთქდა... 2008 წლის ნოემბერში, დეენემის პასუხით დადგინდა, რომ გადმოსვენებულ 11 მებრძოლთა შორის გელა მებაღიშვილიც იყო. დაჯილდოვებულია ვახტანგ გორგასლის I ხარისხის ორდენით ( სიკვდილის შემდეგ) რიგითი გიორგი აბიათარი დედოფლის წყაროს მუნიციპალიტეტის სოფელ ჯაფარიძეში იზრდებოდა. დედისერთა ბიჭს სავალდებულო სამხედრო სამსახური არ ეხებოდა, თუმცა, 18 წლის გახდა თუ არა, ჯარში წავიდა. ძალიან უნდოდა, რომ სამხედრო ბილეთი მალე აეღო და სასაზღვრო პოლიციაში დაეწყო მუშაობა, მაგრამ 8 აგვისტოს, ერედვში, მტრის ჩამოგდებულმა კასეტურმა ბომბმა იმსხვერპლა. სიკვდილის შემდეგ, დაჯილდოვებულია ვახტანგ გორგასლის II ხარისხის ორდენით. 10. კაპრალი თეიმურაზ ბერიძე_ დედოფლის წყაროში გაიზარდა; II ქვეით ბრიგადაში ირიცხებოდა. თეიმურაზი ერთ-ერთია იმ 17 გმირიდან, რომლებმაც 2008 წლის 11 აგვისტოს, შინდისში, უთანასწორო ბრძოლაში დაასრულეს სამშობლოსათვის შეწირული სიცოცხლე. დაჯილდოვებულია მედლით ''მხედრული მამაცობისათვის''. 11. გიორგი მარსაგიშვილი _ დედოფლის წყაროდან იყო; იგი განსაკუთრებულ დავალებათა მესამე სამმართველოს სწრაფი რეაგირების მოიერიშე ათეულის მეთაურის მოადგილე გახლდათ; გიორგი მარსაგიშვილს შს სამინისტროში მუშაობა სამი თვის დაწყებული ჰქონდა. მისი კვალი ცხინვალში იკარგება... გიორგის ცხედარი აღმოჩენილი ვერ იქნა და მისი გაუჩინარებაც ბურუსითაა მოცული. ითვლება უგზო-უკვლოდ დაკარგულად. 12. კაპრალი შმაგი ნოზაძე_ ლაგოდეხის მუნიციპალიტეტის სოფელ ნინიგორიდან იყო. ჯარისკაცის ფორმა ბავშვობიდან უყვარდა. IV ქვეით ბრიგადაში მსახურობდა; ცხინვალის მისადგომებთან იბრძოდა, ერთხელ დაბომბვას გადაურჩა, თუმცა, შემდეგ ისევ შებრუნდა ბრძოლის ველზე, სადაც როგორც მისი მეგობრები ამბობენ, სნაიპერის ტყვიამ იმსხვერპლა; მისი ცხედარი დღემდე არაა ნაპოვნი... 13. ექიმი გოგა აბრამიშვილი სიღნაღელი იყო. მისთვის აგვისტოს ომი საქართველოს ტერიტორიული მთლიანობისთვის პირველი ბრძოლა არ იყო. ჯერ კიდევ სამედიცინო ინსტიტუტის სტუდენტი იყო, აფხაზეთის ომში რომ წავიდა. 2008 წლიდან, გორის ჰოსპიტალში ტრამვატოლოგად მუშაობდა და არაერთი დაჭრილის სიცოცხლე იხსნა და ჰოსპიტალი უკანასკნელ ამოსუნთქვამდე არ დატოვა.. გოგა აბრამიშვილი, 11 აგვისტოს, ჰოსპიტლის ტერიტორიაზე, ნაღმის ანასხლეტმა იმსხვერპლა... 14. კაპრალი სოსო ღვინიაშვილი გურჯაანელი იყო. IV ქვეით ბრიგადაში ირიცხებოდა; სამშობლოს 20 წლის ჯარისკაცი 9 აგვისტოს, ''შანხაის'' ტერიტორიაზე, ორმხრივი ცეცხლის დროს დაიღუპა, მაგრამ როგორ, არავინ იცის... სიკვდილის შემდეგ, დაჯილდოვდა ვახტანგ გორგასლის I ხარისხის ორდენით. ... ...
  • როგორ უნდა მოიქცნენ სვანეთში, ბოლო ორი კვირის განმავლობაში, ნამყოფი მოქალაქეებიმთავრობის ადმინისტრაციაში გამართულ ბრიფინგზე, საკოორდინაციო საბჭოს თავმჯდომარემ, ალექსანდრე ხოჯევანიშვილმა განაცხადა, რომ მოქალაქეები, რომლებიც ბოლო ორი კვირის განმავლობაში სვანეთში იმყოფებოდნენ, კორონავირუსის ნებისმიერი სიმპტომის გამოვლენის შემთხვევაში ცენტრებს უნდა მიმართონ ან დაუკავშირდნენ 112-ს. „მოვუწოდებთ მოქალაქეებს, რომლებიც ბოლო ორი კვირის განმავლობაში იმყოფებოდნენ უშგულში, დაბა მესტიასა და სოფელ ლენჯერში, ნებისმიერი სიმპტომების გამოვლენის შემთხვევაში, ტესტირების მიზნით, მიმართონ ცხელების ცენტრებს ან დაუკავშირდნენ 112-ს“,_ განაცხადა ... ...
  • რა შეზღუდვები წესდება სვანეთშიუწყებათაშორისმა საკოორდინაციო საბჭოს გადაწყვეტილებით, დაბა მესტიასა და მესტიის მუნიციპალიტეტის სხვა სოფლებში, დამატებითი შეზღუდვები წესდება, - ამის შესახებ მთავრობის ადმინისტრაციაში გამართულ ბრიფინგზე განაცხადეს. შეზღუდვები გულისხმობს შემდეგს: უშგულსა და ლენჯერში, საზოგადოებრივი ჯანდაცვის კანონის ფარგლებში მოქმედ რეგულაციებს, მათ შორის - საკარანტინო შეზღუდვებს. იზღუდება გადაადგილება როგორც მესტიის მუნიციპალიტეტის მიმართულებით, ისე - მესტიის მუნიციპალიტეტიდანაც. ასევე, წესდება შეზღუდვები გადაადგილებაზე დაბა მესტიასა და დაბა მესტიის სოფლებს შორის. დაბა მესტიაში, უშგულსა და ლენჯერში იფუნქციონირებს მხოლოდ აფთიაქები, საბანკო დაწესებულებები, სასურსათო მაღაზიები და ღია ტიპის საკვები დაწესებულებები. თავშეყრის ადგილებზე მკაცრად გაკონტროლდება დისტანციის დაცვა, დახურულ სივრცეებში ნიღბების გამოყენება და ხელის ჰიგიენა. მესტიის მუნიციპალიტეტში ჩატარდება ინტენსიური ეპიდემიოლოგიური კვლევები და ტესტირება, შესვლა-გასვლას კი პოლიცია გააკონტროლებს. გარდა ამისა, შესაბამისი უწყებები ტურისტების საკარანტინო ზონებში განთავსებას უზრუნველყოფენ. ყველა მოქალაქე, რომელიც დატოვებს მესტიის მუნიციპალიტეტს, გაივლის სავალდებულო კარანტინს. ცნობისთვის, დღეს, კორონავირუსის 25 ახალი შემთხვევიდან 17 სამეგრელო-ზემო სვანეთში ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...