რა შეუძლია მამა-შვილის მარჯვენას

კარმიდამო ჩემი

რა შეუძლია მამა-შვილის მარჯვენას

2011 ნოე 1 08:10:11
თუ გინდათ, რომ დაუჯერებელი დაიჯეროთ, ოზურგეთის მუნიციპალიტეტის სოფელ ჭანიეთში მამა-შვილს კუკური და კოტე თავაძეებს შრომის პროცესში უნდა წაადგეთ თავს და რატომ ეძახიან მათ თანასოფლელები ხუმრობით "უგრძნობებს", პირველივე შეხვედრით დარწმუნდებით. მათი ოჯახის ტრადიცია შრომისადმი თავდავიწყებულ მიდრეკილებას უკავშირდება, თუმცა, წინაპართა თავგამოდება მამა-შვილმა რეკორდულად დაჩრდილა და ახლა 10 ჰექტარი მიწის ფართობზე გაჩაღებული საქმიანობის მნახველები მხრებს იჩეჩავენ მხოლოდ: _ აქ ორი კაცი შრომობს თუ მთელი ბრიგადა?

თხილის პლანტაცია, რიგთაშორის კი "გალანტუს ვორონოვის" (ჩვენთან თეთრი ენძელას) ბოლქვების ნათესების მწკრივები, გვერდით ახალმოშენებული იაპონური ხურმის ("ხაშია") ნარგავები, მოშორებით სათიბი ფართობი, სადაც სპეციალურ "რაიგრასს" თესავენ და ყოველ თვეში 30 ტონამდე თივას ცელავენ. იქვე სიმინდის ყანა და სპეციალური, საგანგებოდ მომზადებული ნალია, რომელიც 40 ტონა სიმინდს იტევს. სიგრძივ შენობაში _ მარცხნივ ძროხების სადგომი, მარჯვნივ _ უკვე ასამუშავებლად გამზადებული თხილის სატეხი მიკრო-ქარხანა _ ასეთი განლაგება აქვს კუკური და კოტე თავაძეების შრომით შექმნილ ვრცელ ფართობზე გადაჭიმულს ეზო-გარემოს.

ძირითადად აქ კოტე თავაძე შრომობს. "უგრძნობს" "კარმიდამო ჩემი" დილაადრიან სამუშაო ფართობში ეწვია, რადგან მისი მოხელთება თავისუფალ დროს, რომელიც მას არც გააჩნია, ძალიან ძნელია.

_ კოტე, ჯერ შენ მხოლოდ საოჯახო ძალებით მოქმედებ და ვიდრე ადამიანი საკუთარი თვალით არ ნახავს შენს შრომას, დაუჯერებელია, რომ მამა-შვილი "მთებს აბრუნებთ", რას ისახავ საბოლოო მიზნად?

_ აუცილებლად უნდა ვაწარმოოთ მიზანმიმართული საქმე, რასაც ბიზნესი ჰქვია. უნდა დავასაქმოთ ხალხი, მინიმუმ 10 კაცი მუდმივად, სეზონურად _ უფრო მეტი, თუმცა, ჯერ წინა სამუშაო სამზადისი მაქვს. ისე, სამი ოჯახიდან თითო კაცი აქ დროდადრო დასაქმებული მყავს _ მეხმარებიან ცელვაში, პირუტყვის მოვლაში, მე კი აქ მიღამდება და აქ მითენდება.

_ ეს არის წინასამუშაო სამზადისი? თხილის პლანტაციები, თხილის მიკრო-ქარხანა უკვე მზადაა, გყავს პირუტყვი, აქვე თივის ფართობი გაქვს...

_ დიახ, სულ აქ 10 ჰექტარი მიწის ფართობია. თავდაპირველად თხილის პლანტაცია გავაშენე. აგრეთვე, თხილის რიგებს შორის დავთესე "გალანტუს ვორონოვის" ბოლქვები, იცით, ალბათ, გურიაში ადრე გაზაფხულზე ხშირად ტყეებშიც თხრიან და აბარებენ ამ ყვავილის ბოლქვებს. საზღვარგარეთ მიაქვთ, უფრო ჰოლანდიაში. აგვისტოს ომის დროს 15 ტონამდე ვიზარალე, ვერ გავიტანეთ. აქვე მაქვს თივისთვის განკუთვნილი ფართობი, სადაც ვთესავ "რაიგრასს".

_ რა მცენარეა ეს, რამდენს თესავ და რა რაოდენობის თივას იწევთ?

_ 40 კილოგრამი შევიძინე ჩაქვში, ერთ-ერთ მაღაზიაში. ბერძნების შემოტანილია. დავთესე და გაზაფხულზე, მაისიდან დეკემბრის ბოლომდე, ყოველ თვეში 30 ტონა სათივე მასალას ვცელავ. ძალიან მალე ამოდის, მესამე დღეს უკვე საგრძნობლად წამოზრდილია. გაკეთებული მაქვს სპეციალური არხი, მდინარე ჩოლოქიდან გამოყვანილი, რომელიც წრეს არტყამს სათივე ფართობს სამი მხრიდან, შიგადაშიგ კალაპოტს რამდენიმე ადგილზე ჩავკეტავ ხოლმე და ასე მთლიანად ირწყვება. წყლის გარეშე ამ მცენარეს არ შეუძლია იხაროს.

_ რამდენი ძროხა გყავს ამჟამად?

_ ჯერჯერობით, 10 სულია. მომავალში კი ჰოლანდიური ჯიშის ძროხის მოყვანას ვგეგმავ. ახლახან ძროხა მომპარეს და მისი შვილი "ობოლაც" აქ მყავს, განსაკუთრებით ვუვლი.

_ თხილის მიკრო-ქარხანაც უკვე მზად გაქვს. რა წარმადობისაა და როდის აამუშავებთ?

_ ძალიან დიდი არ არის, 5-ტონიანი წარმადობისაა. საკუთარი ხელით დავასხი ცემენტი დაბლა. ყველა საქმე, რაც ხელოსანს, დურგალს თუ ელექტრიკოსს შეუძლია, თავად ვაკეთებ. აბა, იმდენი ფული სად მაქვს, ხელოსანი ვიქირავო? ოქტომბერში მუშაობას ვიწყებ. ალბათ, 10 ადამიანს დავასაქმებ, თანასოფლელებს.

_ თხილის პლანტაციის პარალელურად კიდევ ვხედავთ ნარგავებს.

_ დიახ, ეს იაპონური ხურმაა, ჩვენთან რომ "ხაშიას" ეძახიან. მესამე წელია, რაც დავრგე. სასუქს ვაძლევ, როგორც თხილს, ნაკელსაც ვუყრი.

_ შენ თქვი, რომ ჰოლანდიური ძროხების მოშენებას გეგმავ. შეძლებ მოვლას?

_ ერთ ძროხას 120 კგ. ბალახი სჭირდება. ვიცი, სამეგრელოში უკვე ჰყავთ. მე მაქვს "რაიგრასის" ფართობი და არ მეშინია. შენობასაც ვამზადებ, სადაც 28 სული პირუტყვი უნდა დაეტიოს. ცალკე სათავსოს ვამზადებ ხბოებისთვის, ახლა მუშაობის პროცესში ვარ, რომ სადგომში წყალი და შუქი შევიყვანო.

_ მარტო ძლევ ამდენ საქმეს? უცნაური გამძლეობისა და ამტანობის გამო, ხუმრობით "უგრძნობსაც" გეძახიან.

_ შრომა შემიძლია და რაც უფრო ვმუშაობ, გაჩერება მიჭირს. როგორ არ ვიღლები, მაგრამ ვუძლებ. მერე ენერგია მოდის და რა ვიცი... ღმერთს დიდება და მადლობა!

_ ამ ყველაფერს, რასაც აკეთებ, საკმაო თანხა სჭირდება.

_ ძირითადად, "პროკრედიტ ბანკის" სესხით ვმუშაობ. მაქვს თხილისა თუ მანდარინის რეალიზაციით მიღებული შემოსავალი, რასაც ძირითადად აქაურობას ვახმარ. ძალიან მინდა, კარგი საქმე გამომივიდეს. რამდენიმე სამუშაოს ვასრულებ, თუმცა, ყველა ერთმანეთთან კავშირშია. სისტემა ავაწყვე და უფრო და უფრო უნდა განვავითარო ყველაფერი. გადასახადს პატიოსნად და დროულად ვიხდი, არ მინდა სადმე ვინმე უკმაყოფილო მყავდეს.

მამა-შვილ თავაძეებს სალაპარაკოდ არ სცალიათ და რამდენიმე სატელეფონო ზარით და პირადი თხოვნით, ძლივს დავითანხმეთ, რომ ვსტუმრებოდით.

თუმცა, ამ თავშეკავების მიზეზი გულწრფელად გვითხრეს _ საქმეს ბოლომდე მივიყვანთ, მერე გვესტუმრეთ, გადაგვიღეთ და დაწერეთ, საკადრისადაც გაგიმასპინძლდებით, გურულები კი ვართ, მარა, ასე ნაუცბათევი სტუმრობა ჩვენში სად გაგიგიათ, ფართობში რომ გვეწვიეთ, სახლში არ უნდა წამობრძანდეთო?

პატიჟის საშუალება ამჯერად ჩვენ აღარ მივეცით მამა-შვილ თავაძეებს, ძალ-ღონე ვუსურვეთ და მომავალ შეხვედრამდე დავემშვიდობეთ.

 

 

 




 ახალი ამბები
  • ვლადიმერ იმნაძემ იუნკერთა ხსოვნას პატივი მიაგო (R)ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ, ტაბახმელაში, 1921 წლის 25 თებერვალს, საქართველოს თავისუფლებისა და დამოუკიდებლობისთვის, რუსული აგრესიისა და ოკუპაციის წინააღმდეგ ბრძოლის ველზე გმირულად დაღუპულ იუნკერთა ხსოვნას პატივი მიაგო და მათი სახელობის მემორიალი გვირგვინით შეამკო. "დღეს მთელი საქართველო იხსენებს იმ ახალგაზრდებს, რომლებიც ერთ-ერთი პირველნი შეეწირნენ რუსეთის აგრესიას და იმ წლებში, საქართველოსთვის თავი გასწირეს. სამწუხაროდ, იმ იუნკერებს მიმდევრები ჰყავთ 1992/93 წლებში და მით უმეტეს, 2008 წელს. ყველას უნდა მოგონება და პატივისცემა. ეს ერთიანობის დღე უნდა იყოს, იმიტომ რომ ხალხმა თავი გასწირა."- განაცხადა ვლადიმერ იმნაძემ. სამშობლოს დამოუკიდებლობისათვის გმირულად დაღუპულ იუნკერთა ხსოვნას პატივი მიაგეს საქართველოს თავდაცვის მინისტრმა, ირაკლი ღარიბაშვილმა, საქართველოს თავდაცვის ძალების მეთაურმა, გენერალ-ლეიტენანტმა, ვლადიმერ ჩაჩიბაიამ, პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა, პირველმა მოადგილემ, კობა კობალაძე, პარლამენტის წევრებმა, საქართველოს შეიარაღებული ძალების მოქმედმა და თადარიგის ოფიცრებმა. 1921 წლის თებერვალში, რუსეთის წითელ არმიასთან უთანასწორო ბრძოლას, იუნკერთა დიდი ნაწილი ემსხვერპლა. ბრძოლების ძირითადი ნაწილი კოჯრისა და ტაბახმელას მიდამოებში გაიმართა. 25 თებერვალს, საბჭოთა რუსეთის მე-11 წითელმა არმიამ, თბილისი დაიკავა და საქართველოს დემოკრატიული რესპუბლიკის ოკუპაცია მოახდინა. საქართველოს პარლამენტის 2010 წლის 21 ივლისის დადგენილების თანახმად, ყოველი წლის 25 თებერვალი საბჭოთა ოკუპაციის დღედ არის გამოცხადებული და საქართველოს მთელ ტერიტორიაზე სახელმწიფო დროშები ეშვება. ... ...
  • კობა კობალაძე: „ქვეყნისთვის სამსახური არ არის მხოლოდ გულში მჯიღის ცემა"პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა და კომიტეტის თავმჯდომარის პირველმა მოადგილემ, კობა კობალაძემ საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკეს.  „დღევანდელი დღე არის ნაკრები თავდადების, ტკივილის, პატრიოტიზმის და ამავე დროს უპასუხისმგებლობის - ყველაფერი ერთად აღებული. ეს არის მაგალითი იმის, რომ ალბათ უნდა ვისწავლოთ და უფრო მეტად აზრობრივად უნდა ვიყოთ მზად იმისთვის, რომ ქვეყნის დაცვა და ქვეყნისთვის სამსახური არ არის მხოლოდ გულში მჯიღის ცემა", - აღნიშნა კობა კობალაძემ. საბჭოთა ოკუპაციის დღესთან დაკავშირებით, პარლამენტის შენობაზე სახელმწიფო დროშა დაეშვა. საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული. ... ...
  • სესიაშვილი: "თითქმის ერთი საუკუნის შემდეგ, კიდევ გვიწევს ბრძოლა"საბჭოთა ოკუპაციიდან 99 წელი გავიდა. 1921 წლის 25 თებერვალს ბოლშევიკურმა წითელმა არმიამ საქართველოს დამოუკიდებელი რესპუბლიკის ანექსია მოახდინა. საქართველოს დამოუკიდებლობისთვის ერთ-ერთი გადამწყვეტი ბრძოლა კოჯორ-ტაბახმელას მისადგომებთან გაიმართა, სადაც დამოუკიდებელი საქართველოს გვარდიის ჯარისკაცებთან ერთად ახალგაზრდა იუნკერები იბრძოდნენ. პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა და კომიტეტის თავმჯდომარის პირველმა მოადგილემ, კობა კობალაძემ საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკეს. „25 თებერვალი ჩვენი ქვეყნის ისტორიაში ტრაგიკული დღეა. 1921 წლის 25 თებერვალს რუსეთის არმიამ ჩვენი ქვეყნის ოკუპირება მოახდინა. სამწუხაროდ, თითქმის ერთი საუკუნის შემდეგ, ჩვენ კიდევ გვიწევს ბრძოლა, იმისთვის რომ რუსეთმა დეოკუპაცია განახორციელოს. მაგრამ განსხვავებით 1921 წლისა, საქართველო დღეს არის შემდგარი ქვეყანა და მას გვერდში უდგას ცივილიზებული სამყარო და საერთაშორისო საზოგადოება. ჩვენი ძალა ჩვენი ქვეყნის სიყვარულში მდგომარეობს, ამ გმირი იუნკერების სულში და რა თქმა უნდა, ჩვენი ქვეყანა მიაღწევს თავის სანუკვარ თავისუფლებას და მოახდენს ტერიტორიების დეოკუპაციას. ამას ვერანაირი წითელი ან სამფეროვანი რუსეთი წინ ვერ აღუდგება", - განაცხადა ირაკლი ... ...
  • ჩოხატაურელი იუნკერის, მაკარ ბურჭულაძის ხსოვნას პატივი მიაგეს ჩოხატაურის მუნიციპალიტეტში ოკუპაციის დღესთან დაკავშირებით გმირ მაკარ ბურჭულაძის ხსოვნას მიაგეს პატივი. აღევლინა გმირის ხსოვნისადმი მიძღვნილი პანაშვიდიც, რასაც ჩოხატაურის მუნიციპალიტეტის ხელმძღვანელი პირები,  სოფელ სამების, ამღლების, შუა ამაღლების, ხიდისთავის, ბუკისციხის, გოგოლესუბნის, ყოვლადწმიდა ღვთისმშობლის სახელობის სამრევლო სკოლის, ნიკო მარის სახელობის  N1  სკოლის მასწავლებლები და მოსწავლეები ესწრებოდნენ. ცნობისთვის, ჩოხატაურელი იუნკერი, მაკარ ბურჭულაძე სოფელ სამების მკვიდრი იყო. ის  საბჭოთა ოკუპაციის დროს კოჯორში ... ...
  • ოკუპაციის დღე ლანჩხუთშიოკუპაციის დღესთან დაკავშირებით ლანჩხუთის  ,,ოკუპაციის მუზეუმში" ჩატარდა ექსკურსიები და საქართველოს ოკუპაციის ამსახველი კადრები უჩვენეს. გარდა ამისა, მუზეუმში პირველი საჯარო სკოლის მოსწავლეებმა წარმოადგინეს კომპოზიცია თემაზე ,,1921 წლის 25 თებერვალი- საქართველოს ოკუპაცია". „ოკუპციის მუზეუმში“ სხვადასხვა სკოლების მოსწავლეებიც ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...