რატომაა წელს ციტრუსის მცირე მოსავალი

კარმიდამო ჩემი

რატომაა წელს ციტრუსის მცირე მოსავალი

31 დეკ. 2011, 07:42:31

ოზურგეთის მუნიციპალიტეტის სოფელ შრომაში დეკემბრის დასაწყისში ჩავედით. ჩვენი ინტერესის საგანი ამჯერად ციტრუსის წლევანდელი მოსავალი იყო. შრომელები დღემდე მსჯელობენ, თუ რამ განაპირობა წელს ასეთი მცირე მოსავალი. ერთ დროს ყველაზე მდიდარი სოფელი, ახლა იქაურებს ყველაზე ღარიბ სოფლად მიაჩნიათ.

სოფლის ცენტრში სამი საშუალო ასაკის ადამიანი და რამდენიმე ახალგაზრდა შეგვხვდა. ჩვენც მათ გავესაუბრეთ;

ომარ ხომერიკი: _ უამინდობის ბრალია, თუმცა, თავისი დროზე უნდა პატრონობა. 300-400 ლარი მაინც სჭირდება სასუქს, მაგრამ ამის საშუალება არ არის, მთავრობა არ გვეხმარება. პრეზიდენტმა რომ ჩამოიაროს, მასაც ვეტყვი ამას. 45 ლარი ღირდა ერთი ტომარა სასუქი. მანდარინის მყიდველი ამ დრომდე მოდიოდა და მიჰქონდა პროდუქტი, ახლა კი არავინ მოსულა.

_ ადრე, როდესაც შრომაში შემფუთავი ქარხანა იყო, 7-8 ათასი ტონა ციტრუსს იღებდა, ახლა მოიშალა ყველაფერი. გლეხის ამბავი არავის არ აინტერესებს და არ აწუხებს, უპატრონოდ ვართ დაყრილი, _ გვითხრა 60 წელს გადაცილებულმა მამაკაცმა.

_ კარგი იქნება, მინერალური სასუქები დაგვირიგონ. ჩვენს მიწაზე სხვა მოჰყავდა საქართველოს პრეზიდენტს მიწის დასამუშავებლად. გურულ, კახელ, მეგრელ გლეხს მისცეს ის თანხა, რაც ბურების ჩამოყვანა დაჯდება და ჩვენ თვითონ მოვუვლით ყველაფერს.

შრომის ცენტრიდან გზა პირდაპირ გავაგრძელეთ. გზაზე სუფსაში მცხოვრები ჯუმბერ ლორია შეგვხვდა, რომელიც შრომაში ნათესავს სტუმრობდა:

_ სუფსაში ციტრუსის არც თუ დიდი ნაკვეთი მაქვს, მაგრამ რაც არის, ისიც არ ვარგა. რა მოხდა წელს, ვერ გეტყვით. ახლა ჩემს ნათესავთან ვიყავი. წელს არც მასთან არის ციტრუსის კარგი მოსავალი, საჭმელი მანდარინიც არ აქვს.

_ თქვენი აზრით, რატომ არის წელს ციტრუსის ასე ცუდი მოსავალი?

_ ციტრუსს სჭირდება მოვლა და პატრონობა, ხალხს კი პურის ფული არ აქვს. პროდუქციის რეალიზაციასაც ვერ ახდენს გლეხი. მოკლედ, ბევრი პრობლემის წინაშე ვდგავართ, ალბათ, ოდესღაც მოგვხედავს ვინმე.

_ არავინ არ კითხულობს ჩვენს ამბებს, არავინ არ მოსულა. ადრე გორიდან ან აზერბაიჯანიდან მოდიოდნენ და მიჰქონდათ ციტრუსი, ახლა კი არავინ არ ჩანს. რამდენიმე დღის წინ ლიმონის ყიდვის მსურველები გამოჩნდნენ. მოთხოვნა ყვითელ ლიმონზეა. სახელმწიფოებრივი მიდგომა არ არის ამ საქმისადმი და არავის არ აინტერესებს, როგორ გავყიდით ციტრუსს. ყოველ წელს იმდენი გვიჯდება სასუქის, წამლის ყიდვა, რომ მოსავლის აღების დროს ვერ ხდება დანახარჯის ამოღება. თხილმა აჯობა ციტრუსს. სააკაშვილი ათ-ათი ლარით გვიზრდის პენსიას, პარალელურად კი, პროდუქტებზეც იზრდება ფასები, _ გვითხრა შრომაში მცხოვრებმა ერთ-ერთმა ქალბატონმა,

რომან ცეცხლაძე: _ როდესაც კოლმეურნეობა არსებობდა _ ვარგოდა თუ არ ვარგოდა ის წყობა, ეს სხვა ამბავია, ციტრუსის მიღება ქარხანაში ხდებოდა, იმ დროს შრომაში და ნატანებში საჩვენებელი ციტრუსი იყო, ყველა საპატიო ადამიანი აქ მოჰყავდათ.

ბოლო წლებში აჭარიდან, სამეგრელოდან მოდიოდნენ და გაჰქონდათ ციტრუსი. ახლა კი თუ ვინმემ გამოიარა, ჩალის ფასად მიაქვს ხალხის ნამუშევარი. რაც ახლა მშენებლობები მიდის, კარგია, მაგრამ ხალხისთვის თუ არის რომელიმე?

ქეთო ბოლქვაძე, 75 წლის: _ შრომა მიყრუებული სოფელი გახდა. ამოვარდება თუ არა ქარი, შუქი ითიშება. ეს ცხოვრება ხომ არ არის?! გულზე ვსკდები, სააკაშვილის რომ ეხუტებიან ეს მლიქვნელები. ჩახუტება კი არა, უნდა გაიგოს პრეზიდენტმა, რომ ხალხს უჭირს.

იუზა ხომერიკი: _ კოლმეურნეობის დროს მილიონერი სოფელი იყო, ახლა ხალხი ფიქრობს, ლუკმა პური როგორ იშოვონ.

შრომაში მოგზაურობის ბოლოს აგრონომს, გივი ხომერიკს ვეწვიეთ, რომელიც სამეურნეო საქმიანობით იყო დაკავებული, თუმცა, ჩვენთვის მოიცალა და საკუთარი მოსაზრება გაგვიზიარა:

გივი ხომერიკი: _ სოფელი შრომა ძალიან მცირემიწიანი სოფელია. გულსატკენია, მაგრამ უნდა ვაღიაროთ, რომ საბჭოთა კავშირის დაშლის შემდეგ აგრარულ სექტორს ყურადღება არ ექცევა. ჩვენს სოფელში რასაც ხედავთ, ეს ჩაის პლატანციებით და ციტრუსით გაკეთდა. 400 ჰექტარი ჩაის პლანტაციიდან, დღეს არც ერთი ჰექტარი არ არის. 4 ათას ტონა ჩაის ვკრეფდით, ახლა არც ერთი კილოგრამი არ იკრიფება. სოფელს ასევე ჰქონდა ავტოპარკი, გვყავდა რამდენიმე ტრაქტორი, რომლითაც ციტრუსებს ვმკურნალობდით. რამდენიმე წელია, თუ ინდივიდუალურად აკეთებს ვინმე, თორემ ციტრუსი არ შეწამლულა. ჩემი მუშაობის პერიოდში, არ მახსოვს ასეთი მცირემოსავლიანი წელი და ასეთი უხარისხო ნაყოფი. ეს განპირობებულია აგროტექნიკის დაბალი დონით, ხალხის ეკონომიკური პირობებით, ვერ შეიძინეს მინერალური სასუქები. შხამქიმიკატებზე ლაპარაკიც არაა, ისეთი ფასი აქვს. გურიაში, და დასავლეთ საქართველოში დაავადებების საწინააღმდეგოდ არაფერი კეთდება. თხილის კულტურა ძალიან კარგი კულტურაა, შემოსავლიანია, კარგი ფასი აქვს, ამიტომ, მასიურად გადავიდა მოსახლეობა თხილის გაშენებაზე, თუმცა, დაავადება თხილის კულტურაზეცაა გაჩენილი, მაგრამ არავინ ყურადღებას არ აქცევს.

"კარმიდამო ჩემი" ოზურგეთის მუნიციპალიტეტის გამგებლის მოვალეობის შემსრულებლის მოადგილეს ლაშა ღლონტს ესაუბრა.

_ ლაშა, 2010 წელს ციტრუსის მოსავალი რამდენი ტონა იყო?.

_ 11 000 ტონა, აქედან, სარეალიზაციო (ხარისხიანი) 9 000 ტონა.

_ წელს რამდენ ტონა ციტრუსს ელოდებით?

_ 6 400 ტონას, აქედან, სარეალიზაციო 4 500 ტონა იქნება.

_ რამ განაპირობა მოსავლის სიმცირე?

_ ყვავილობის პერიოდში იყო ჭარბი ნალექები, რამაც გამოიწვია ყვავილების დაზიანება და ლპობა, ასევე ვერ მოხდა მწერებისაგან დამტვერვა და ნაყოფის გამონასკვა; გაზაფხული და შემოდგომაც იყო ძალიან ცივი და ნალექიანი, რის გამოც, მცენარე ვერ ჩაეტია სავეგეტაციო პერიოდში და ნაყოფის შეფერილობა კვლავ რჩება მომწვანო-მოყვითალო, ზომაც არასტანდარტულია, რაც შემდგომ მის სარეალიზაციო ფასში უარყოფითად აისახება.

_ მოსახლეობა ამბობს, რომ მათ არ აქვთ საშუალება სასუქი შეიძინონ, არ ხდება ციტრუსის შეწამვლა, დაავადებების მკურნალობა... რას აკეთებს სახელმწიფო ამ კუთხით.

_ ჩვენ შეგვიძლია, ფერმერებსა და გლეხებს დავეხმაროთ შემდეგი მომსახურებით: გავუწიოთ კონსულტაციები, თუ როგორ შეიძლება ოჯახურ პირობებში დაამზადონ ესა თუ ის სასუქი და რაციონალურად მოახდინონ მისი გამოყენება; დავაკვალიანოთ, სად და რომელ კომპანიაში შეიძლება შეიძინონ ხარისხიანი, იაფი პრეპარატები და სასუქები; უფასოდ გავუკეთოთ PH-ის მარტივი ანალიზი. რაიონში ხდება ტექნიკის მობილიზება და მექანიზაციის პარკის მშენებლობა, რომლის საშუალებითაც ყველა ფერმერს შეეძლება, წამლობა ჩაატაროს მაღალხარისხიანად, რაც აამაღლებს ეკონომიკურ ეფექტიანობას.




 ახალი ამბები
  • საქართველოში მიწისძვრა მოხდასაქართველოში მიწისძვრა მოხდა. დედამიწის შემსწავლელ მეცნიერებათა ინსტიტუტი-სეისმური  ცენტრის მომაცემებით, .4.4 მაგნიტუდის სიმძლავრის მიწისძვრა დაფიქსირდა ქარელში. მიწისძვრის ეპიცენტრი სოფელ მუხილეთში, 5 კმ-ის სიღრმეზე ... ...
  • "ცოლი და ახლობელი ადგილზე დაიღუპა, ქმარი კი სიკვდილს ამ წუთებშიც ებრძვის"ხობში მომხდარი ავტოსაგზაო შემთხვევის შესახებ, რომელსაც ორი ადამიანი ემსხვერპლა და ერთი მძიმედ დაშავდა, "გურია ნიუსისთვის" ახალი დეტალები ხდება ცნობილი. როგორც სააგენტოს ერთ-ერთი ოჯახის ახლობელი უყვება, გარდაცვლილები ახალგზარდა ქალი და ოჯახის ახლობელია,  ხოლო მამაკაცი, რომელიც საჭეს მართავდა, ამ წუთებში, ქუთაისის საავადმყოფოში სიკვდილს ებრძვის. "გუშინ საშინელი  ტრაგედია დატრიალდა. ფოთიდან თბილისში მიდიოდნენ ცოლ-ქმარი და მათი ახლობელი. სამწუხაროდ, ორივე  ადგილზე გარდაიცვალა, ხოლო მძღოლი ფოთის საავადმყოფოში გადაიყვანეს, მოგვიანებით კი ქუთაისში",- აცხადებს მოქალაქე. შეგახსენებთ, რომ ავტოსაგზაო შემთხვევა გუშინ, ხობის მუნიციპალიტეტში, სოფელ ჭალადიდში მოხდა. შსს-მ მომხდარზე გამოძიება სსკ-ის 276-ე მუხლით ... ...
  • ქალები ახალი კორონავირუსის დროსCOVID-19-მა მსოფლიო ახლი გამოწვევების წინაშე დააყენა. მან მოქალაქეების ცხოვრება საქართველოშიც მკვეთრად შეცვალა. საზოგადოების ძალიან დიდი ნაწილი უსამსახუროდ და შემოსავლის გარეშე დარჩა. გამონაკლისი არც გურიის რეგიონი ყოფილა. ამ ეტაპზე ჩვენ დაბა ლაითურის, ნასაკირალისა და ნარუჯის მცხოვრებლებით დავინტერესდით. სამივე დაბა ოზურგეთის მუნიციპალიტეტს ეკუთვნის და მათი მოსახლეობის უმეტესობა ეკომიგრანტია. ახალ კორონავირუსამდე შემოსავლის საძიებლად ისინი ძირითადად მეზობელ თურქეთში, სეზონურ სამუშაოზე გადადიოდნენ. „მე და ჩემი მეუღლე თურქეთში სეზონურად,  ჩაის საკრეფად გადავდიოდით. ეს ჩვენი ოჯახის ერთადერთი შემოსავალი იყო. 4 შვილი გვყავს, იქედან ჩამოტანილი ფული  წლიდან წლამდე გვყოფნიდა და ახლა სულ უკაპიკოდ დავრჩით. თურქეთში სამუშაო ძალიან მძიმე იყო, მაგრამ მაინც მირჩევნია წავიდე, ვიმუშაო და სახლში მოვიტანო პურის ფული. მართალია, მოცვის კრეფაზე აქაც დაიწყო მუშაობა, თუმცა ეს სამსახურიც სეზონურია და შემოსავალიც არ არის საკმარისი“, - უყვება დაბა ლაითურში მცხოვრები ფატი ვაშაყმაძე “გურია ნიუსს”. ლია კოტრიკაძე, ახალშექმნილი სათემო კავშირის თავმჯდომარეა, რომელიც ფონდ „ტასოს“ ინიციატივით ჩამოყალიბდა. ლიკა ამბობს, რომ დაბა ლაითურსა და დაბა ნარუჯაში მცხოვრები ადამიანები, რომლებიც თურქეთში დადიოდნენ სამუშაოდ, ადგილზე, ჩაისა და მოცვის პლანტაციებში დასაქმდნენ. „საქართველოში უფრო ნაკლები ანაზღაურებაა, ვიდრე თურქეთში, მაგრამ ჩაისა და მოცვის პლანტაციები საუკეთესო გამოსავალი იყო ამ ადამიანებისთვის. პრაქტიკულად მათი სიცოცხლის გადამრჩენელად იქცა. არიან ისეთებიც, რომლებმაც პარალელურად სოფლის მეურნეობის განვითარება, მწვანილისა და ბოსტნეულის მოყვანა და გაყიდვა დაიწყეს“, - ამბობს ლია და დასძენს, რომ ქალებისთვის საოჯახო საქმეები კორონავირუსმა კიდევ უფრო გაზარდა. „პარალელურ რეჟიმში ქალებს საოჯახო საქმეების კეთება და ბოსტნის მოვლა უწევთ. ზოგი ბავშვებს ონლაინსწავლაში ეხმარება“, - გვიყვება ლია. თურქეთში მუშაობდა დაბა ნარუჯაში მცხოვრები ნადეჟდა კახაძეც. განსაკუთრებით ის ფაქტი აწუხებდა, რომ მცირეწლოვანი შვილის დატოვება უხდებოდა. ახლა მან კალმახა სოკოს სასათბურე მეურნეობის გაკეთება გადაწყვიტა, რისთვისაც ფინანსური მხარდაჭერა ფონდ „ტასოსგან“ მიიღო.  „ახლა უნდა დავიწყო სასათბურე მეურნეობის მოწყობა, თუმცა ფონდიდან ჩამორიცხულ თანხას ჩემი წილიც უნდა დაემატოს, რამაც ისევ ჩიხში მიმიმწყვდია და კიდევ ერთხელ ვიფიქრე, რომ თურქეთი ამ პრობლემას მარტივად გადამაწყვეტინებდა. მე მაინც მგონია, რომ გამოსავალი თურქეთი არ არის. ჩვენი ქვეყნის მთავრობამ ყველაფერი უნდა გააკეთოს იმისთვის, რომ ქვეყნის შიგნით გაჩნდეს სამუშაოები, არ დაგვჭირდეს საზღვარგარეთ, მძიმე პირობებში, ოჯახს მოწყვეტილებს, მიზერულ ხელფასზე მუშაობა და ეს პირობები უნდა გვაკმაყოფილებდეს და უფრო მეტიც, გვახარებდეს. ალბათ დაცულად ვიგრძნობ თავს მაშინ, როდესაც შევძლებ ვიყო დასაქმებული ჩემს ქვეყანაში, ჩემს ოჯახთან და შვილთან ერთან ახლოს და ოჯახის ეკონომიკური მდგომარეობისთვის არ დამჭირდეს დავტოვო შვილი, გავწირო ჯანმრთელობა და ჩემი ცხოვრების მნიშვნელოვანი დრო, ახალგაზრდობა  არ გავატარო სხვის სამსახურში“, - ამბობს ნადეჟდა. საიდა ხოსაძე ხუთ შვილთან და ქმართან წლებია დაბა ნასაკირალში ცხოვრობს. ამ ეტაპზე უმუშევარია და ახლა არაერთი პრობლემის წინაშე დგას. „ყველა ველოდებით სახელმწიფოსგან დახმარებას. ამ კორონავირუსის დრო, როგორც მრავალშვილიანი დედა დამეხმარნენ, მაგრამ ის პროდუქტები, რაც გვქონდა, დაგვიმთავრდა და ახლა ისევ კეთილი ადამიანების იმედად ვარ. თურქეთში გადავდიოდი ხოლმე სეზონზე მე და ჩემი მეუღლე, მაგრამ ახლა საზღვრები ჩაკეტილია და არც ვიცი, წინ რა გველოდება”, - გვითხრა საიდა ხოსაძემ. კორონავირუსის დროს რა პრობლემების წინაშე დადგნენ ქალები და რა დახმარება გაუწია მათ სახელმწიფომ? - ამ კითხვებზე  ოზურგეთის მუნიციპალიტეტის საკრებულოში „გენდერული თანასწორობის საბჭოს” წევრმა ლელა საჯაიამ გვიპასუხა. „COVID 19 - ის კრიზისმა ძალიან მძიმედ იმოქმედა საზოგადოების ყოველდღიურ ყოფაზე, ჯანმრთელობასა და სოციალურ დაცვაზე. ვირუსის შესაკავებლად მკაცრი ზომები იქნა მიღებული, გამოცხადდა საგანგებო მდგომარეობა, შეიზღუდა ეკონომიკური და სხვა ტიპის აქტივობები. ბევრი ადამიანი დარჩა შემოსავლის ან სამუშაოს გარეშე, საგანმანათლებლო დაწესებულებები დაიხურა და მოსახლეობა იზოლაციაში მოექცა კვირებისა და თვეების განმავლობაში. ყოველივე ამან სხვადასხვა საჭიროება და პრობლემა წარმოქმნა. ყველაზე მოწყვლადი ჯგუფების მხარდასაჭერად დამატებითი სოციალური დახმარება იყო აუცილებელი. ქალები იმ მოწყვლად ჯგუფებს შორის არიან, რომელზეც კრიზისმა მნიშვნელოვანი გავლენა იქონია სხვადასხვა მიმართულებით. ერთი მხრივ, ქალები, რომლებიც დასაქმებულები იყვნენ არაფორმალურ ეკონომიკაში იმ სამუშაო ადგილებზე, რომლითაც ან არ იყო უზრუნველყოფილი ან მცირედით იყო უზრუნველყოფილი მათი სოციალური დაცვა, დღესდღეობით დარჩნენ ეკონომიკურად დაუცველები და შეზღუდული/მცირე არჩევანის წინაშე. ასევე, ხანშიშესულები დამატებით წნეხს განიცდიან არარსებული ან მცირე ოდენობის პენსიის გამო. მეორე მხრივ, ქალები ასრულებენ მთავარ როლს ვირუსთან წინააღმდეგ ბრძოლაში, რადგან ჯანდაცვის მუშაკთა და მედდების დიდ ნაწილს სწორედ ქალები წარმოადგენენ. ის ზრდის მენტალურ სტრესს ჯანდაცვის მუშაკებისთვის. კრიზისის განმავლობაში წინა ხაზზე მყოფი პერსონალი, შესაძლოა, ოჯახებშიც დამატებითი სტრესის ქვეშ მოქცეულიყო სხვადასხვა მზრუნველობით პასუხისმგებლობიდან გამომდინარე, როგორიცაა მაგალითად, ბავშვების საჭიროებები, რომელთა სკოლები დაიხურა და უწევდათ დისტანციურ გაკვეთილებზე დასწრება, ან მათ ოჯახებში მცხოვრებ მოწყვლად ადამიანებთან ფიზიკური დისტანცირების საჭიროებიდან გამომდინარე”, - ამბობს ლელა. ფოტოები "გურია ... ...
  • სუს-ი : ოკუპანტების მიერ კასპში დაკავებული საქართველოს მოქალაქე დაჭრილიაოკუპანტების მიერ კასპის მუნიციპალიტეტში დაკავებული საქართველოს მოქალაქე დაჭრილია, - ინფორმაციას სახელმწიფო უსაფრთხოების სამსახური ადასტურებს. „მიმდინარე წლის 11 ივლისს, რუსეთის საოკუპაციო ძალების წარმომადგენლებმა, კასპის მუნიციპალიტეტში არსებული სხვილოს ციხის მიმდებარე ტერიტორიაზე, უკანონოდ დააკავეს კასპის მუნიციპალიტეტის სოფელ ქვემო ჭალაში მცხოვრები ერთი პირი. უკანონო დაკავების პროცესში, რუსეთის საოკუპაციო ძალების წარმომადგენლებმა აღნიშნული პირი ცეცხლსასროლი იარაღის გამოყენებით დაჭრეს ფეხის არეში და აღნიშნულის შემდეგ უკანონოდ აღუკვეთეს თავისუფლება. რუსეთის საოკუპაციო ძალების მიერ ჩადენილი ზემოაღნიშნული მძიმე ინციდენტის ფაქტზე, დაუყოვნებლივ გააქტიურდა ცხელი ხაზი და ინფორმირებულ იქნა როგორც ევროკავშირის სადამკვირვებლო მისია, ასევე, ჟენევის საერთაშორისო დისკუსიების თანათავმჯდომარეები. აღნიშნული ფაქტი წარმოადგენს სახიფათო პრეცედენტს. კიდევ ერთხელ დასტურდება, რომ უკანონო დაკავებების საშიში პრაქტიკა ქმნის მძიმე ინციდენტებისა და ვითარების ესკალაციის ნიადაგს. საოკუპაციო ძალების მიერ განხორციელებული უკანონო აქტივობები არის დესტრუქციული და კრიტიკულად აზიანებს ადგილზე არსებულ უსაფრთხოების გარემოს“, - წერია სუს-ის მიერ გავრცელებულ ... ...
  • ნასაკირალის საჯაროს სკოლის ყოფილმა დირექტორმა სასამართლო პროცესი მოიგო4 წლის და  რამდენიმე თვის შემდეგ საქართველოს სასამართლოს სამივე ინსტანციაში დასრულდა ნასაკირალის საჯარო სკოლის დირექტორის, სპარტაკ გოგიტიძის სასამართლო პროცესი. სპარტაკ გოგიტიძის ადვოკატის, ემზარ ურუშაძის თქმით, ქუთაისის სააპელიცაო სასამართლოს გადაწყვეტილება საქართველოს უზენაესმა სასამართლომ ძალაში დატოვა და ის აღდგენილია სკოლის დირექტორად.  „თითქმის ხუთი წელი გავიდა, რაც უსამართლოდ იქნა განთავისუფლებული სპარტაკ გოგიტიძე სკოლიდან და ახლა დადგა დრო, რომ ის დაუბრუნდეს დირექტორად სკოლას. მინდა გითხრათ, რომ ჩემი დაცვის ქვეშ მყოფისთვის ეს ხუთი წელი იყო ძალიან რთული, რადგან ამ ხნის განმავლობაში ბევრს ქონდა კითხვის ნიშნები მის გათავისუფლებაზე. რაც მთავარია, სპარტაკის ამბავი უკვე დასრულებულია და ახლა ველოდებით სრულად მოხდეს სასამართლოს გადაწყვეტილების აღსრულება“, -  გვითხრა ემზარ ურუშაძემ. განათლების  სამინისტრო  სპარტაკ გოგიტიძეს საბუთების გაყალბებას ედავებოდა და აქედან გამომდინარე, ის თანამდებობიდან განათლების და მეცნიერების მაშინდელმა მინისტრმა, თამარ სანიკიძემ გაათავისუფლა. როგორც საზოგადოებისთვის არის ცნობილი გოგიტიძის გათავისუფლებას წინ უძღოდა შიდა აუდიტის სამსახურის დასკვნა. სწორედ ამ დასკვნის საფუძველზე მოხდა მისი გათავისუფლება. ემზარ ურუშაძე ჩვენთან საუბრის დროს ამბობს, რომ ამ დასკვნაში არის რამდენიმე ეპიზოდი, რომელიც სპარტაკ გოგიტიძეს არ ეხება. სპარტაკ გოგიტიძე “გურია ნიუსთან“ საუბრის დროს ამბობს, რომ ბრძოლას სამართლიანობისთვის ყოველთვის აქვს აზრი. “ველოდებოდი ამ გადაწყვეტილებას, რადგან არაფერი უკანონო და უსამართლო არ გამიკეთებია. ამ ხნის განმავლობაში უამრავი ადამიანი მედგა გვერდში და ისინიც ჩემსავით ელოდებოდნენ სასამართლოს გადაწყვეტილებას“, - გვითხრა სპარტაკ გოგიტიძემ. “გურია ნიუსი“ განათლების სამინისტროს კომენტარს ამ საკითხთან დაკავშირებით ჩაწერისთანავე შემოგთავაზებთ. ამავე თემაზე: ოზურგეთის რაიონული სასამართლოს გადაწყვეტილებას განათლების სამინისტრო გაასაჩივრებს ოზურგეთის სასამართლოში სკოლის ყოფილი დირექტორის პროცესი იწყება ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...