ვაზისა და ვარდების ტანდემი ნაკაიძეების კარმიდამოში

კარმიდამო ჩემი

ვაზისა და ვარდების ტანდემი ნაკაიძეების კარმიდამოში

2015 ივნ 25 21:45:56

_ ვარდების ცქერას რა სჯობს? მუდამ შრომის განწყობას გიქმნის, ცუდზე აღარ ფიქრობ კაცი და სიკვდილიც გავიწყდება! ესაა საოცრება _ ვარდების ფერთა და ჯიშთა მრავალნაირობას ხომ საზღვრები არ აქვს! _ გვეუბნება ვარდების ტრფიალი მამაკაცი, ოზურგეთის მუნიციპალიტეტის სოფელ ნატანების მკვიდრი დურმიშხან ნაკაიძე და გვთხოვს კი არა, ლამის გვეხვეწება, რომ ყველა ადამიანს, ნებისმიერ ფერმერს ვურჩიოთ, სხვადასხვა ხეხილოვნის პლანტაციის ფართობში თუ სადმე ადგილი დარჩათ, ყველგან ყვავილები დარგონ!

მის ეზოში, ჭიშკრიდან საკმაო მანძილით დაშორებული სახლისკენ, ვაზის ტალავერი მაღლარი ფორმითაა გასწორხაზოვნებული. ტალავერს ვარდების ჯგუფური მწკრივი მიუყვება და ეს ვაზისა და ვარდების ერთგვარი ტანდემი, ვიდრე ბატონი დურმიშხანი საუბარს დაიწყებდეს, უკვე აჩვენებს, რომ შრომის ხარისხის და ესთეტიკის მაღალი მგრძნობელობა აქვს ჩვენს მასპინძელს.

დურმიშხან ნაკაიძე წლების მანძილზე ურეკში პანსიონატ "მაგნეტიტს" ხელმძღვანელობდა. როგორც თვითონ ამბობს, ვარდების და მთელი საყვავილეთის სიყვარული მეუღლემ _ ოლღა თოიძემ შეაგრძნობინა, ვაზის სიყვარულით შთაგონება კი მშობლებისგან მოდგამს. ალკოჰოლის ჭარბად მიღება არასოდეს ჰყვარებია, თუმცა, ვენახის გარეშე სიცოცხლე ვერ წარმოუდგენია.

მისი ოჯახი დღესაც 15 ტონამდე ციტრუსს, ასევე კივს, ფეიხოას თუ თხილს კრეფს, მაგრამ შრომის შთამაგონებელ ძალად მაინც ვარდების გირლიანდებს მიიჩნევს. ყველანაირი ყვავილის მოშენება ჯერ კიდევ იმ დროიდან დაიწყო, როცა პანსიონატს ხელმძღვანელობდა. დასასვენებელი სახლის ეზოშიც ისეთივე გულისხმიერებით რგავდა ვარდ-ყვავილებს, როგორც საკუთარ კარმიდამოში. როცა ბევრი ადამიანი ვარდებზე უსაზღვროდ შეყვარებული კაცის შრომას ხედავდნენ, თავადაც მოჰქონდათ ნაირ-ნაირი ნერგები.

_ მაშინდელ დროს ბევრი კარგი მოვლენა ახლდა _ მშრომელი ადამიანები უფასოდაც ისვენებდნენ. უხაროდათ პანსიონატის მშვენიერი გარემო და ბევრს იმდენნაირი ყვავილი მოჰქონდა საჩუქრად, ვერ დათვლიდი. მეც ვრგავდი და ვალამაზებდი ირგვლივ ყველაფერს. სხვა ბევრი უფრო საპასუხისმგებლო და მნიშვნელოვანი საქმე მქონდა, მაგრამ ვარდების ღალატს როგორ დავუშვებდი? _ გვეუბნება ბატონი დურმიშხანი.

მას შემდეგ, რაც ძველი წყობა დაიშალა, ვარდ-ბაღნარად ქცეულ საკუთარ კარმიდამოში საქმიანობს, თუმცა, გული წყდება, რომ პანსიონატში ძველებურად აღარ ჰყვავის ვარდები. იხსენებს ერთ ეპიზოდსაც, როცა პანსიონატის შესასვლელთან ეწერა: "უცხო პირთა შესვლა აკრძალულია".

_ ჩემთვის ამ ქვეყნის ნებისმიერი მცხოვრები უცხო პირი არ იყო. ამიტომ არ ვუშლიდი შემოსვლას. სხდებოდნენ იქ და რომ ხედავდნენ, რას ვაკეთებდი, სწორედ ამიტომ მეხმარებოდნენ. გინდ დაიჯერეთ, გინდ არა, რაღაცნაირი ჰარმონია იყო, ადამიანებს ერთმანეთისთვის მეტი დრო და მეტი სიყვარული ემეტებოდათ, _ გვეუბნება ჩვენი მასპინძელი და გვიყვება "ჩინური ვარდის" ამბავს, რომელიც მაღალ ბუჩქებად იზრდებოდა მხოლოდ ურეკში და სხვაგან არ რგავდნენ იმ მოტივით, თითქოს, რაღაც ალერგიული და საზიანო თვისებაც ჰქონდა. თუმცა, მერე თვითონაც და ბევრმა სხვამაც საკუთარ ეზოში დარგო ეს მშვენიერი ყვავილი და სილამაზის და სურნელის გარდა, მას არაფერი დაუტყვია გარემოსთვის. უკვირს ისიც, როცა ადამიანები ხშირად ერთმანეთს ყვავილის ნერგებს მხოლოდ იმ მოტივით არ აძლევენ, რომ "ხელს გადაჰყვებაო". არასოდეს ეს არ გაუკეთებია _ პირიქით, ყველას თხოვს, ყვავილები მოამრავლონ საკუთარ ეზოებში. მერე საიდანღაც პატარა ვედრო მოაქვს, შიგ ცოტა წყალს ასხამს და საჩუქრად გამზადებულ ყვავილების ნერგებს ალაგებს, თან დარგვის მისეულ წესებს გვაცნობს _. ყვავილების, განსაკუთრებით ვარდების მოსავლელად ქიმიურ პრეპარატებს ნაკლებად მიმართავს. გვასწავლის, რომ ბუგრებისა და ტკიპების მოსასპობად ძალიან კარგია სარეცხი საპნით ნაზავი წყალი _ როცა კარგად აქაფდება წყალში, აუცილებელი არაა დოზები, დადგამ და საღამო ხანს შეასხურებ. ძალიან კარგი საშუალებაა. თუ სერიოზული საფრთხე დაემუქრა ყვავილებს, მაშინ უკვე ბიოლოგიურ პრეპარატს მიმართავს.

ჩვენი რესპონდენტის ეზო-გარემოში მანდარინის, იაპონური ხურმის, თხილისა და კივის იმდენი პლანტაცია თუ ნარგავია, შესაძლოა, ჩვენს მიერ ვარდებზე გაკეთებული აქცენტი ვინმეს მისი შრომის უგულებელყოფად მოეჩვენოს, მაგრამ ბატონი დურმიშხანი თვითონ მიიჩნევს, რომ ვარდებით აღფრთოვანება მთელი წლის მანძილზე უწყვეტ ენერგიად და განწყობად მიჰყვება, რომელიც შრომის წყურვილს უორმაგებს.

_ დარგეთ და მოეფერეთ ყველანაირ ყვავილს! ყვავილი სიცოცხლის სილამაზესთან ასოცირდება და ზოგჯერ ექიმზე მეტად გკურნავს და გამშვიდებს, დამიჯერეთ, სიკვდილზე აღარ ფიქრობს ადამიანი,_ გვეუბნება და ვარდის დაკალმების მეთოდით გამრავლების ერთ მისეულ ხერხს გვთავაზობს, რომელიც ძალიან ამართლებს.

როგორ გავამრავლოთ ვარდი დაკალმებით:

ერთ ლიტრიანი პლასტმასის ბოთლი (გნებავთ, მინისაც) ავავსოთ წყლით და მასში ჩავდოთ ვარდზე აჭრილი კალამი. ეს კალამი ბოთლს გარეთაც იმავე სიგრძის უნდა დარჩეს, რაც შიგ არის. შემდეგ ბოთლი ჩავფლათ მიწაში, გარეთ დარჩენილი კალმის ნაწილის ნახევარიც კარგად დავმალოთ მიწაში, მომდევნო ნახევარი კი მიწის ზემოთ დავტოვოთ. ნიადაგი კარგად შემზადებული უნდა იყოს. მომდევნო წელს ასე დაკალმებული ვარდი უკვე გადასარგავი იქნება. ვიდრე გახარებულ ნერგს ბოთლის თავთან ჩავჭრით, არ საჭიროებს მორწყვას, რადგან მიწიდან მას უფრო გეგმაზომიერად მიეწოდება წყალი, ვიდრე ჩვენეული მორწყვის მეთოდით.




 ახალი ამბები
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...
  • ხელისუფლების წარმომადგენლები მოსახლეობას შეხვდნენ (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები, ოზურგეთის მუნიციპალიტეტის სოფლებში: ურეკის, შრომის, ნატანების, ზემო ნატანების მოსახლეობას შეხვდნენ და არსებულ საჭიროებებზე ინფორმაცია მიიღეს. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს.შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა. საუბარი შეეხო მუნიციპალურ და სახელმწიფო პროგრამებს. მოსახლეობამ მთავარ საჭიროებად წყალმომარაგებისა და შიდა გზების პრობლემების მოგვარება დაასახელა. ასევე, ჭაბურღილების, გარე განათების, ტროტუარების მოწყობა და მცირე ბიზნესის ხელშეწყობა. შეხვედრას ესწრებოდნენ პარლამენტის თავმჯდომარე არჩილ თალაკვაძე, პარლამენტის წევრები გიორგი ვოლსკი, თემურ ჭკუასელი, ირაკლი ხახუბია, გია გაჩეჩილაძე, საგარეო საქმეთა მინისტრის მოადგილე ალექსანდრე ხვთისიშვილი, გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის ხელმძღვანელი თენგიზ კალანდაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები. ... ...
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...
  • ოზურგეთის ბაზარში ძაღლმა სოფელ მელექედურის მცხოვრები დაკბინადღეს ოზურგეთის აგრარულ ბაზარში ძაღლმა მოქალაქე დაკბინა. მელექედურელი მამაკაცი ბევრს ეცადა, ძაღლი მოეშორებინა, თუმცა, ცხოველის მოსაგერიებლად  ვერც ირგვლივ შემოკრებილი ხალხი აღმოჩნდა საკმარისი და სამაშველო სამსახრური გამოიძახეს. ბაზარში მომუშავე ქალბატონი მანანა ფერცულიანი ამბობს, რომ ახლახან ის დაკბინა მიუსაფარმა ძაღლმა და დღემდე მკურნალობას გადის. _ ამ მიუსაფარ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა მანანა ფერცულიანმა. ოზურგეთის სერვისცენტრის უფროსმა თენგიზ ქუტიძემ „გურია ნიუსთან“ თქვა, რომ ძაღლი, რომელმაც მოქალაქე დაკბინა, იდენტიფიცირებულია და მალე გადაიყვანენ თავშესაფარში. _ ბაზარი კერძო ტერიტორიაა  და თუ იქედან ოპერატიულად მოგვმართავენ ასეთ დროს, ჩვენ რეაგიებას არ დავაყოვნებთ, _ გვითხრა მან. ვრცლად ოზურგეთში მოხეტიალე მიუსაფარი ძაღლების, მათ მიერ მიყენებული დაზიანებების და მათზე ზრუნვის შესახებ,  სტატიას უახლოეს საგაზეთო ნომერში ... ...
  • „გალტ ენდ თაგარტმა“ კვლავ წარმატებით განათავსა „საქართველოს სალიზინგო კომპანიის“ 10 მილიონი აშშ დოლარის 2-წლიანი ობლიგაციები...სს „გალტ & თაგარტმა“ კიდევ ერთხელ უზრუნველყო შპს „საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების წარმატებით გამოშვება. ეს „საქართველოს სალიზინგო კომპანიისთვის“ რიგით მეოთხე ემისიაა, რაც კომპანიის სტაბილურობაზე, ინვესტორების მხრიდან ნდობის მაღალ ხარისხზე და ზოგადად, კომპანიის მზარდ ტენდენციებზე მეტყველებს.  „საქართველოს სალიზინგო კომპანია“ მომხმარებელს უკვე მეოთხედ აძლევს შესაძლებლობას, დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს, უახლოეს მომავალში კომპანია გეგმავს აღნიშნული ფასიანი ქაღალდების დაშვებას ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა შეადგენს 2 წელს და მისი სრულად დაფარვა მოხდება 2021 წლის 9 აგვისტოს. განთავსების აგენტი, როგორც ყველა წინა შემთხვევაში, აქაც „გალტ & თაგარტია“.  „მოხარულები ვართ, რომ “საქართველოს სალიზინგო კომპანიამ“ კიდევ ერთხელ, უკვე მეოთხედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა რადგან ეს, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვემაყება ის ფაქტიც, რომ ჩვენი და „გალტ & თაგარტის“ თანამშრომლობა უკვე წლებია ასე წარმატებულად გრძელდება“ , - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.  „მოხარული ვარ, აღვნიშნო „გალტ & თაგარტის“ როლი „საქართველოს სალიზინგო კომპანიის“ ობლიგაციების წარმატებით განთავსებაში. კიდევ ერთი წარმატებული განთავსება მეტყველებს, როგორც „საქართველოს სალიზინგო კომპანიის“ სანდოობაზე, ისე, ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო „გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში“, - განაცხადა „გალტ & თაგარტის“ მმართველმა დირექტორმა - ოთარ შარიქაძემ. ... ...

არქივი

კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...
ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...