"ტექნოლოგიების თვალსაზრისით, აბსოლუტური ჩამორჩენაა _ თოხის დონეზე ვართ"

კარმიდამო ჩემი

"ტექნოლოგიების თვალსაზრისით, აბსოლუტური ჩამორჩენაა _ თოხის დონეზე ვართ"

2012 იან 1 04:00:00

საქართველოს პარლამენტმა, 2002 წლის 18 მაისს, გამოსცა კანონი მეფუტკრეობის შესახებ, რომლის ძირითადი მიზანი "მსოფლიოში აღიარებული, უნიკალური ქართული ფუტკრის დაცვა, ხალასჯიშიანი მოშენება და სელექციური სრულყოფა" უნდა გამხდარიყო. ისევე, როგორც ფუტკრის პროდუქციის წარმოების სტიმულირების, სასოფლო-სამეურნეო კულტურებისა და სხვა მცენარეების დამტვერვაში ფუტკრის ეფექტიანად გამოყენების, მეფუტკრეობაში დასაქმებული ფიზიკური ან/და იურიდიული პირის უფლებებისა და კანონიერი ინტერესების სამართლებრივი ხელშეწყობა.

როგორც ბევრი სხვა კანონი, ეს კანონიც მხოლოდ ფურცლებს შერჩა და რეალურად ეს დარგი, რომელსაც ქვეყნისთვის და თავად მწარმოებლებისთვის დიდი სიკეთე შეიძლებოდა მოეტანა, აბსოლუტურად მიტოვებული აღმოჩნდა. არადა, მეფუტკრეობა საქართველოს მოსახლეობისთვის, ერთ-ერთი უძველესი და მაღალშემოსავლიანი დარგი იყო ოდითგანვე.

დარგის სპეციალისტების განმარტებით, საქართველოში, ძირითადად, სამოყვარულო მეფუტკრეობაა განვითარებული. მეფუტკრე, რომელსაც 20 ოჯახამდე ფუტკარი ჰყავს, მოყვარულის კატეგორიაში გადის. თუ ფუტკრის რაოდენობა ოც ოჯახს აღემატება, მეწარმეს შეუძლია, უკვე პროფესიონალურ მეფუტკრეობაში სერიოზული ნაბიჯი გადადგას. ექსპერტების შეფასებით, მსოფლიო გამოცდილებიდან გამომდინარე, ეს მაჩვენებელი სახარბიელო ნამდვილად არ არის. დარგის მაღალი განვითარების ქვეყნებში, პროფესიონალ მეფუტკრედ ითვლება ადამიანი, რომელსაც ფუტკრის 300 ოჯახი ჰყავს.

"პირველად, სამი წლის წინ, სულ სამი ოჯახი სკა შევიძინე. ადვილად მრავლდებიან და ამ დროისთვის 30-მდე მყავს. მთავარია, ზამთარი კარგად გადაიტანონ. შრომა, როგორც ყველაფერს, ამასაც სჭირდება, თუმცა, ოჯახში გარკვეული შემოსავალი გაგვიჩნდა. არ არის ისე, ზოგიერთებს რომ ჰგონიათ _ თოხნა არ სჭირდება და ბარვაო. რაც მთავარია, ფულია საჭირო _ უამრავი სპეციფიური რამეა შესაძენი, რომ ამ საქმიანობას გაგრძელება ჰქონდეს. ჯერჯერობით, საკუთარი ფინანსებით და პროდუქციიდან მიღებული თანხებით ვერევი საჭიროებებს, მაგრამ, მერე რა იქნება, არ ვიცი," _ გვეუბნება მოყვარული მეფუტკრე კარლო ჩაჩიბაია.

მისივე განმარტებით, გარდა მოვლის საშუალებებისა, ხარისხიანი თაფლის მისაღებად, სკების ადგილმონაცვლეობაა საჭირო, რაც ასევე ფინანსურ დანახარჯს და შრომას საჭიროებს.

"ჩვენთან, სამოყვარულო მეფუტკრეობაა უფრო განვითარებული. წლებია, ამ საქმიანობით ვართ დაკავებული და შეიძლება 20-30 მეფუტკრესიყოს, ვისაც 300 ან მეტი ოჯახი სკა ჰყავს," _ ამბობს შპს "მეთაფლიას" დამფუძნებელი კახაბერ ზირაქაშვილი.

მისივე განმარტებით, პრობლემას ერთიანი ბაზის არარსებობა ქმნის, რასაც შეეძლება, ინფორმაციის შეგროვება და საექსპორტო პოტენციალის გაზრდა: "ერთიანი ინფორმაციული ბაზის არარსებობა ხელს უშლის პროდუქტის გატანას ექსპორტზე. თითოეულ რეგიონში უნდა შეიქმნას ცენტრები, საექსპორტო სახლები, რომელიც შეიძლება მხოლოდ მეფუტკრეობას არ ეხებოდეს _ ისეთი ცენტრები, სადაც ადამიანი, სოფლის მეურნეობის, ან სხვა სახის პროდუქციას წარმოადგენს. ეს ხელს შეუწყობს შეიქმნას ერთიანი ბაზა, რომელიც დაეხმარება ფერმერებს პროდუქციის ექსპორტზე გატანაში," _ ამბობს ზირაქაშვილი.

თავად შპს "მეთაფლიას" თავისი პროდუქცია, სხვადასხვა მსხვილ სავაჭრო ქსელში შეაქვს, ზირაქაშვილის განმარტებით, მომხმარებელმა ქართული პროდუქტი კარგად მიიღო: "საქმიანობა სამი წლის წინ, ფაქტობრივად, ჯიბის ფულით დავიწყეთ, მაგრამ საქართველოს ბაზარზე ფეხის მოკიდება უკვე შევძელით," _ ამბობს კახაბერ ზირაქაშვილი.

მიუხედავად ამისა, ფინანსური სიძნელეები მაინც არსებობს. თაფლი, არ არის სწრაფგაყიდვადი პროდუქტი, გარკვეული რისკების გათვალისწინებით კი, კომერციული ბანკები ამ დარგის დაკრედიტებას ერიდებიან, ისევე, როგორც სოფლის მეურნეობის სხვა დარგებისას. არადა, კახაბერ ზირაქაშვილის განმარტებით, მეფუტკრეობის განვითარება, თანამედროვე ტექნოლოგიების გარეშე, ფაქტობრივად, შეუძლებელია, ტექნოლოგიურ გადაიარაღება კი, ფინანსებს საჭიროებს.

"მეფუტკრეობა რომ განვავითაროთ, ამისთვის საკმაოდ ძვირადღირებული ტექნოლოგიებია საჭირო. ტექნოლოგიების თვალსაზრისით, აბსოლუტური ჩამორჩენაა _ თოხის დონეზე ვართ," _ ასე ფიქრობს ზირაქაშვილი.

დარგის სწრაფად განვითარებას ისიც აფერხებს, რომ მეფუტკრეობა, სხვა დარგებისგან განსხვავებით, პროდუქციის რეალიზაციის შემდეგ თანხებს თითქმის არ ტოვებს, რადგან შიდა ბაზარზე თაფლის საბითუმო ფასები საკმაოდ მაღალია. როცა მეწარმე საბოლოო პროდუქტს მომხმარებელს დაფასოებული სახით აწვდის, სარეალიზაციო ხარჯები იმდენად მაღალია, რომ მას მცირე მოგება რჩება. მაგრამ როცა პროდუქტს თავად აწარმოებს, მოგება უკვე სოლიდურია. ამის გამო, ჩვენთან სამოყვარულო მეფუტკრეობა უფრო განვითარებულია, ვიდრე მსხვილი წარმოება.

კახაბერ ზირაქაშვილს მიაჩნია, რომ მეფუტკრეობას უფრო დიდი პერსპექტივა აქვს საქართველოში, ვიდრე სხვა დარგს, რადგან ძალიან ადვილად გასავითარებელი დარგია: "საქართველო, ჯერჯერობით, არ არის ეკოლოგიურად დაბინძურებული ქვეყანა, რადგან ძალიან მცირე მიწიანია და არც მომავალში არ იქნება, რადგან გეოგრაფიულად სხვა მდებარეობა აქვს. ამიტომ, პროდუქციის ხარისხი საუკეთესოა. უბრალოდ, საჭიროა ერთიანი ბაზის შექმნა. არადა, თუნდაც გურიის რეგიონს ძალიან დიდი პერსპექტივა აქვს მეფუტკრეობაში".

ამ დრომდე მოუგვარებელია ქართული თაფლის სერტიფიცირების საკითხი. ამ კუთხით არა ერთი ორგანიზაცია მუშაობს, თუმცა, საერთაშორისო სტანდარტების სერტიფიკატის მიღება სიდიდდან თანხა ღირს. გამომდინარე აქედან, ზირაქაშვილი ეჭვს გამოთქვამს, რომ უახლოეს მომავალში, გადასახადების სოლიდურობიდან გამომდინარე, საკითხი ისევ ღიად დარჩება.

ისტორიულ წყაროებზე დაყრდნობით, ჯერ კიდევ ძველი წელთაღრიცხვის მე-4 საუკუნეში, კოლხეთში, ქართველთა ტომები უკვე სარგებლობდნენ შინაური მეფუტკრეობის პროდუქტით.

ახლო წარსულში, მე-20 საუკუნეში, ქართულმა ფუტკარმა არა ერთხელ მიიპყრო მსოფლიო საზოგადოების ყურადღება. კერძოდ, როგორც ყველა სხვა ჯიშის ფუტკართან შედარებით გრძელხორთუმიანმა და თვინიერმა, პროდუქტიულობაც არ დათმო _ 1961 წელს გერმანიაში საერთაშორისო გამოფენაზე, 1965 წელს ბუქარესტში მეფუტკრეობის XX საიუბილეო საერთაშორისო კონგრესზე და 1970 წელს მოსკოვში მეფუტკრეობის საერთაშორისო გამოფენაზე.

სამეცნიერო ლიტერატურა გვეუბნება, რომ ქართული (კავკასიური) ჯიშის დედა ფუტკარზე მოთხოვნა დიდი იყო. ის ათიათასობით იგზავნებოდა საექსპორტოდ მსოფლიოს ყველა კონტინენტის 48 ქვეყანაში. განსაკუთრებულ ყურადღებას იპყრობდა მთის რუხი ქართული ფუტკარი, რომელიც სხვა ჯიშის ფუტკრებისგან განსხვავდება თვინიერებით, ნაკლებ ნაყრობით, ხორთუმის სიგრძით და მაღალპროდუქტიულობით. ამის გამო, მას იყენებენ როგორც ხალასად მოშენებისთვის, ისე სელექციაში სხვა ჯიშის ფუტკრის ზოგიერთი თვისების გასაუმჯობესებლად. მაგალითად, აშშ-ში, ქართული ფუტკრის ნაჯვარით და შემდეგი სელექციით მიიღეს ერთ-ერთი ყველაზე მაღალპროდუქტიული ხაზი _ "მიდნაით". ამ ხაზის დედა ფუტკარზე დღესაც დიდი მოთხოვნაა.

ქართულ დედა ფუტკარზე დიდი მოთხოვნილებისა და მოსაზღვრე რაიონებიდან დაბალპროდუქტიული ფუტკრის შემოდინების გამო, ზემოხსენებული კანონის შესაბამისად, საქართველოში აიკრძალა სხვა ქვეყნებიდან ფუტკრის შემოყვანა და ქვეყანა გამოცხადებულია მთის ქართული ფუტკრის ნაკრძალად.




 ახალი ამბები
  • ვინ არის კორონავირუსით მეორე ინფიცირებულიინფექციური საავადმყოფოს დირექტორის, თენგიზ ცერცვაძის ინფორმაციით, საქართველოს მოქალაქე, რომელსაც დღეს კორონავირუსი დაუდგინდა, 31 წლის ახალგაზრდა ქალბატონია.როგორც ცერცვაძე აცხადებს, კორონავირუსით ინფიცირებული მოქალაქის ჯანმრთელობის მდგომარეობა სტაბილურია და მასზე დაკვირვება მიმდინარეობს.“ინფიცირებულია 31 წლის ქალი, რომელიც ქართველ ახალგაზრდებთან ერთად იმყოფებოდა იტალიაში, იმ ქალაქებში, სადაც ეპიდემიის მაღალი რისკი არაა. როგორც ჩანს, მას აღმოაჩნდა ახალი ვირუსი. მისი მდგომარეობა ამ დროისთვის კარგია. არანაირი ჩივილი და ტემპერატურის მატება არ აქვს. მაგრამ ლაბორატორიულად დადასტურებულია, რომ ის დაავადებულია ამ ვირუსით”,-აცხადებს ცერცვაძე.ცერცვაძის თქმით, “მიუხედავად იმისა, არსებობს წარმოდგენა, რომ კორონავირუსი აუცილებლად სასიკვდილო ინფექციაა, სიმართლეს არ შეესაბაება”.მიისვე თქმით, კორონავირუსი გართულებებს 20% შემთხვევში იწვევს, დანარჩენი შემთხვევები სტაბილურად მიმდინარეობს.საქართველოში ახალი კორონავირუსის მეორე შემთხვევა დაფიქსირდა.ინფიცირებული ადამიანი საქართველოში იტალიიდან ჩამოვიდა.პირველი შემთხვევა, 26 თებერვალს დაფიქსირდა. ახალი კორონავირუსის ინფექცია დაუდასტურდა საქართველოს მოქალაქეს, 50 წლის მამაკაცს, რომელიც ქვეყნის ტერიტორიაზე, აზერბაიჯანის გავლით, ირანიდან შემოვიდა. ... ...
  • ამირან გამყრელიძე: არ გამოვრიცხავ, კიდევ გვქონდეს კორონავირუსის შემთხვევა„დღეს გვაქვს აღებული 24 სინჯი, აქედან მაღალი ალბათობით არ გამოვრიცხავ, რომ გვქონდეს კიდევ დადებითი შემთხვევა. მაგრამ ჩვენ ამან არ უნდა დაგვაფრთხოს“, - ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ პრესკონფრენეციაზე განაცხადა. „მოგახსენეთ, რომ მიმდინარეობს სერიოზული ზრდა ევროპაში კორონავირუსული ინფექციის. დღეს მთლიანად მსოფლიოში დადასტურებული შემთხვევა არის 51 ქვეყანაში, გუშინდელი დღიდან დღემდე დაემატა 6 ქვეყანაში ახალი შემთხვევების რაოდენობა - ლატვია, ნიგერია, ნიდერლანდები, ესტონეთი, ახალი ზელანდია, ბელარუსი. აქედან გამომდინარე ფრენების მკაცრი აკრძალვა, თუ მკაცრი რეჟიმები საზღვრებზე თანდათანობით დიდ შედეგს არ იძლევა, რამეთუ ინფექციას საზღვრების კონტროლით ვერ შეაჩერებ და უფრო მეტი ყურადღება გადადის ადამიანთა სავარაუდო შემთხვევათა იზოლიაციასა და თვითიზოლაციაზე. თუ საჭიროა სამკურნალო სამედიცინო დახმარების ღონისძიებებზე“, - განაცხადა ამირან გამყრელიძემ. საქართველოში კორონავირუსის პირველი შემთხვევა 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც 26 აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება. მეორე შემთვევა კი - 28 ... ...
  • საქართველოს ბანკის მხარდაჭერით Social Impact Award 2020 იწყება28 თებერვალი-2020 - საქართველოს ბანკის და UNDP საქართველოს მხარდაჭერით Impact Hub Tbilisi იწყებს საერთაშორისო სტუდენტურ პროგრამა Social Impact Award-ს. სოციალური მეწარმეობის მიმართულებით ყველაზე მასშტაბური სტუდენტური პროგრამა 25 ქვეყანაში ერთობლივად ხორციელდება და ორიენტირებულია სტუდენტების განათლებაზე სოციალური მეწარმეობის დარგში. პროგრამა ახალგაზრდებს სთავაზობს ათთვიან საგანმანათლებლო კურსს საკუთარი ბიზნესიდეების განსახორციელებლად. პროგრამის განმავლობაში სტუდენტები გადიან მთელ პროცესს იდეის გენერირებიდან, ბიზნესგეგმის შედგენამდე, რაც მათ აძლევს შესაძლებლობას რეალურად წამოიწყონ სოციალური ბიზნესი. Social Impact Award 2020 მოიცავს ვორქშოფების სერიას თბილისსა და საქართველოს სხვადასხვა რეგიონში: რუსთავი, ოზურგეთი, ზუგდიდი და ამბროლაური. პროგრამის მეორე ეტაპზე, ჟიურის მიერ შერჩეული ფინალისტი გუნდები გაივლიან ორთვიან ინკუბაციის პერიოდს, რის შემდეგადაც გამოვლინდებიან გამარჯვებულები. გამარჯვებული გუნდების ფინანსურ მხარდაჭერას საქართველოს ბანკი უზრუნველყოფს. გარდა ამისა, გამარჯვებულები გაემგზავრებიან Social Impact Award-ის საერთაშორისო სამიტზე  დასასწრებად, რომელიც წელს  პრაღაში გაიმართება. „Impact Hub Tbilis-მა პროგრამა Social Impact Award-ის განხორციელების ლიცენზია 2017 წელს მიიღო და უკვე მეოთხე წელია ახალგაზრდებს აძლევს შესაძლებლობას წამოიწყონ სოციალური ბიზნესი. ამ ხნის განმავლობაში გვაქვს ძალიან კარგი შედეგები. პროგრამაში საერთო ჯამში ჩაერთო 500+ სტუდენტი საქართველოს სხვადასხვა რეგიონიდან; ინკუბაცია გაიარა 60-მა ახალგზრდამ და გამოვლინდა 9 გამარჯვებული გუნდი. ყველა პროექტი აქტუალურ სოციალურ პრობლემას ეხმაურება და მათი გადაჭრის ინოვაციურ გზებს გვთავაზობს.“ - აღნიშნა Impact Hub Tbilisi-ის თანადამფუძნებელმა ქეთი ებანოიძემ.  „საქართველოს ბანკი როგორც კორპორაციული სოციალური პასუხისმგებლობის მქონე კომპანია უკვე მეოთხე წელია მხარს უჭერს საქართველოში სოციალური მეწარმეობის განვითარებისთვის საჭირო ამ მნიშვნელოვან პროექტს. საქართველოს ბანკისათვის სოციალური მეწარმეობა და ბიზნესის ხელშწყობა ერთ-ერთ პრიორიტეტულ მიმართულებას წარმოადგენს და მოხარული ვართ რომ პროგრამისადმი ინტერესი წლიდან წლამდე იზრდება. მნიშვნელოვანია, ახალგაზრდებს დავანახოთ ახალი გამოწვევები, ხელი შევუწყოთ მათ ახალი მიზნების, იდეების დასახვასა და განხორციელებაში, პრაქტიკული გამოცდილების მიღებაში.  მივცეთ მათშესაძლებლობა,  გამოცდილი მენტორების დახმარებითა და  ბანკის დაფინანსებით განახორციელონ საკუთარი ინოვაციური პროექტები“,- აცხადებენ საქართველოს ბანკში. (R) ... ...
  • საქართველოს და უკრაინის პორტებს შორის საკონტეინერო გემის მიმოსვლა გაუმჯობესებული პირობებით ხორციელდება (R)... ...
  • ამირან გამყრელიძე: ზოგიერთ სააღმზრდელო დაწესებულებაში ადგილი აქვს დისკრიმინაციულ საკითხებსდაავადებათა კონტროლის ეროვნული ცენტრის დირექტორის ამირან გამყრელიძის თქმით, სკოლების და ბაღების დახურვის რეკომენდაცია არ გაუციათ ჯერ. “ამის საჭიროება ჯერ არ დგას და დაავადებათა კონტროლის ეროვნულ ცენტრს სკოლებისა და ბაღების დახურვის რეკომენდაცია არ გაუცია ჯერ. ასევე, მინდა, შევეხო ერთ საკითხს. მაქვს ინფორმაცია, რომ ზოგიერთ სააღმზრდელო დაწესებულებაში ადგილი აქვს დისკრიმინაციულ საკითხებს იტალიაში ნამოგზაურებ ბავშვებსა და მათი ოჯახის წევრებთან დაკავშირებით. ეს დაუშვებელია, რომ სადმე ჩვენ გვქონდეს მსგავსი დისკრიმინაციული მიდგომა, ვისაც აქვს სინგაპურში, კორეაში, იტალიაში ან სხვაგან მოგზაურობის ისტორია“, – აღნიშნა ჟურნალისტებთან საუბრის დროს ამირან გამყრელიძემ. რამდენიმე წუთის წინ მედიასაშუალებების მიერ გავრცელდა ინფორმაცია, რომ საქართველოში კორონა ვირუსის მეორე ფაქტი დაფიქსირდა. ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

ყველაზე ნიჭიერი ზოდიაქოს ნიშნები

მორიელი - ზოდიაქოს ამ ნიშნის...

როგორია ქალის იდეალური სხეული

ცოტა ხნის წინ, აშშ-ის ტეხასის...

როგორ ვიპოვოთ ცხოვრების ერთგული მეგზური

ბედნიერება ჰგავს პეპელას. მან ზუსტად...

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...