ქათმებთან ერთად ბატის მოშენებაც შესაძლებელია

კარმიდამო ჩემი

ქათმებთან ერთად ბატის მოშენებაც შესაძლებელია

2015 ნოე 27 00:37:00

საქართველოში ძველთაგანვე, შინაურ ფრინველებში ხშირად ერია ბატი. მოგვიანებით ბატისა და იხვის გამოზრდაზე რატომღაც უარი თქვეს, განსაკუთრებით ბატზე აიღეს ხელი.

ოზურგეთის მუნიციპალიტეტის სოფელ დვაბზუს მკვიდრმა ბადრი ქურიძემ გასულ წელს ბატების მოშენება გადაწყვიტა და შედეგით კმაყოფილია.

როგორც თვითონ გვიამბობს, ნაცნობისგან შეიძინა დედალ-მამალი ბატი და ქათმებთან ერთად გაუშვა. ძალიან უყვარს შინაური ცხოველები თუ ფრინველები, "საყოლი", როგორც გურიაში იტყვიან და ამიტომ სურდა, ბატიც ჰყოლოდა. ისეთივე მოვლა-შენახვის პირობებს დაუქვემდებარა, როგორსაც ქათმებისთვის იყენებს.

_ გასულ წელს მოვიყვანე ბატებ., ექვსი უკვე გავაჩუქე, ამდენივე კიდევ მყავს. ძალიან კარგი მოსავლელია, უმეტესად ბალახობს და მარცვლეული გაცილებით ნაკლები სჭირდება, ვიდრე ქათამს. მთავარია, საბალახო მინდორი გქონდეს შემოგარენში. კვერცხს ქათამივით ბევრს არ დებს. გასულ წელს, ალბათ, 20 ცალამდე დადო. მერე ჩემმა მეუღლემ ქათამს გამოაჩეკინა 10 ჭუჭული. კარგად დაიზარდნენ. როგორც გითხარით, რამდენიმე გავაჩუქე. ვისაც ქათამი ჰყავს, აუცილებლად უნდა იყოლიოს ბატი. უწყინარი, საუკეთესო ხორცი აქვს. მისი ბუმბული და თივთიკი მე არ გამომიყენებია, სამომავლოდ ვცდი. ამბობენ, რომ საუკეთესო ხარისხის ბუმბული აქვს, _ გვეუბნება მასპინძელი და ბატებს ერთგვარი "პაროლით ეხმიანება: "სოი" _ სოიი" და ნაცრისფერი ფრთოსნებიც ყიყინით მოქრიან.

კითხვაზე, ხომ არ უნისკარტებენ ერთმანეთს ბატები და ქათმები, ბადრი ქურიძემ გვითხრა, რომ "მსგავსი არაფერი მომხდარა _ ქათმები ერთმანეთს უფრო ერჩიანო ჩვენი რესპონდენტის ნაცრისფერი ბატები, როგორც თავადვე გვიხსნის, ქართული ჯიშისაა:

_  ჭამს მხოლოდ მწვანე ბალახეულს. არ ეტანება ხმელ ბალახს და მოშენების მსურველთ ურჩევს, რაკი ბალახი უყვარს ბატს, ამის გამო, თივას ნუ დაუყრიან. შეიძლება მოწიწკნოს, მაგრამ ბევრს არ შეჭამს, მშიერი დარჩება და საბოლოოდ დაჩიავდება, კვერცხსაც ნაკლებად დადებს.

ბადრი ქურიძე, ბატებიდან ყველაზე მოზრდილს ინტერესის გამო წონის და გვეუბნება, რომ საშუალოდ 3-4 კილოგრამი მაინც გამოდის. ჯერჯერობით, ბატის ხორცი მხოლოდ ერთხელ მიირთვეს მას შემდეგ, რაც ეს ფრინველი მოაშენა და ამბობს, რომ უგემრიელესია.

_ ბევრი არ მყავს ჯერ, მინდა გამრავლდნენ და დასაკლავად ვერ ვიმეტებ. აი, გაჩუქებაზე კი უარს ნამდვილად ვერ ვამბობ. ასე მგონია, ვინც მთხოვს ბატის ჭუკს, ყველას ჩემსავით უყვარს შინაური ფრინველები. ისე კი, ნამდვილად მინდა საკალანდოდ ბატიც დავკლა, კომშითა და ბრინჯით გავაკეთო _ კარგი გურმანიც ვარ! _ გვეუბნება ბადრი და ადრიანად გვპატიჟებს საახალწლო სუფრასთან. თან გვეკითხება, გვსურს თუ არა ბატის მოშენება, რომ სამომავლოდ ჭუკები გვაჩუქოს:

_ შინ მინდა მყავდეს სამყოფად, მაგით ბიზნესის კეთებას, ჯერჯერობით, არ ვაპირებ, _ გვეუბნება მასპინძელი.

წარმატებულ საქმიანობას ვუსურვებთ ჩვენს გულღია და ღიმილიან მასპინძელს, რომელსაც ბატების გარდა, ბევრად მეტი ქათამი, ინდაური და იხვი ჰყავს.




 ახალი ამბები
  • მართვის მოწმობის აღების ასაკი იცვლება17 წლის მოქალაქე მართვის მოწმობას ვეღარ აიღებს. კანონში დაგეგმილი ცვლილებების მიხედვით, მოქალაქე 18 წლის უნდა იყოს, რათა მოტოციკლისა და მსუბუქი ავტომობილის მართვის უფლება მოიპოვოს. „საგზაო მოძრაობის შესახებ“ კანონში ცვლილებების შეტანის ინიციატივა შინაგან საქმეთა სამინისტროს ეკუთვნის. „მთავარი ის კი არ არის, 17 წლისა აიღებს მართვის მოწმობას ადამიანი, 37 წლისა თუ 57-ის, არამედ ის, თუ რა ცოდნის საფუძველზე იღებს ის მართვის მოწმობას. დღეს ჩვენ გვაქვს პრობლემა, რომ ე.წ. ავტოსკოლებში მოქალაქეებს კოდირების გზით მართვის მოწმობის აღებას ასწავლიან. გამოცდაზე ადამიანები გადიან ცოდნის გარეშე, დაზეპირებული კოდებით, რის გამოც მართვის მოწმობას იღებს ადამიანი, რომელმაც საგზაო მოძრაობის შესახებ საერთოდ არაფერი იცის“, - ამბობს „ტრანსპორტისა და გზების ასოციაციის“ თავმჯდომარე დავით ... ...
  • "2020 წელს ვინ გაიმარჯვებს, ამას მოსახლეობა გადაწყვეტს და არა გიგა ბოკერია" _ კალაძე2020 წელს ვინ გაიმარჯვებს, ამას გადაწყვეტს ჩვენი ქვეყნის მოსახლეობა და არა გიგა ბოკერია, - ასე ეხმიანება დედაქალაქის მერი კახა კალაძე „ევროპული საქართველოს“ ერთ-ერთი ლიდერის, გიგა ბოკერიას განცხადებას. მისივე თქმით, ქვეყანაში პოლიტიკური კულტურის ნაკლებობაა და ამის ნათელი მაგალითი ოპონენტების განცხადებებია. „მე შემიძლია კიდევ ერთხელ მოვიშველიო ჩვენი პარტიის ლიდერის, ბიძინა ივანიშვილის განცხადება, რომ ჩვენ მოვექცევით ჩვენს ოპონენტებს ისე, როგორც ჩვენს ქვეყანას ეკადრება და არა ისე, რასაც ისინი იმსახურებენ. თუმცა, ამ წლების განმავლობაში ისინი შეეცადნენ, რომ ეს მიდგომა, ეს დამოკიდებულება ჩვენ წინააღმდეგ გამოეყენებინათ“, - განაცხადა კახა ... ...
  • „ტურიზმის განვითარების მიმართულებაში მთავარი „ჩაის გზაა“ _ კარლ ჰარცელი გურულ სოფელშიევროკავშირის ელჩმა კარლ ჰარცელმა, ევროპის დღეებთან დაკავშირებული ვიზიტის   ფარგლებში, ოზურგეთის მუნიციპალიტეტის სოფელ წითელმთაში მეწარმე ლიკა მეგრელაძის საოჯახო სასტუმრო „კომლი“ დაათვალიერა. სახლის მფოლობელმა ლიკა მეგრელაძემ  ევროკავშირის მხარდაჭერილი პროექტის, “მონაწილეობითი პრონციპები გურიის ტურიზმის განვითარების სტრატეგიისთვის”, მიერ გაცემული გრანტის ფარგლებში, მოახდინა ჩაის პლანტაციის რეაბილიტაცია და გაფართოება, განაახლა ტრადიციული ჩაის ჯიშები. საპატიო სტუმართან ტურიზმის განვითარების მიმართულებებში ერთ-ერთ უმთავრესზე, „ჩაის გზის“ შესახებ, ოზურგეთის მუნიციპალიტეტის მერიის ეკონომიკის სამსახურის უფროსმა ალეკო მამეშვილმა ისაუბრა: _  ბევრი ვიფიქრეთ, რა უნდა ყოფილიყო ისეთი, რაც გურიას  საქართველოს სხვა  რეგიონებისგან განასხვავებდა და ეს არის სწორედ, „ჩაის გზა“. ასე დავიწყეთ ამ პროექტის შექმნა.  ჩვენი ერთ-ერთი წარმატებული ნაბიჯი არის ის, რომ ტურისტების 70% ყოფილი საბჭოთა კქვეყნებიდან შემოდის და  კარგად ახსოვთ ქართული ჩაის გემო. ამიტომ ნაკლები რეკლამა სჭირდება ამ საქმეს. გვაქვს ოთხი ძირითადი ლოკაცია. ასევე, ტურიზმის განვითარების სტრატეგიაში ერთ-ერთი საინტერესო მიმართულებაა ბალნეოლოგიური ტურიზმი, _ უთხრა სტუმრებს მამეშვილმა და გააცნო მათ ინფორმაცია ნასაკირალის სამკურნალო წყლების შესახებ,  უთხრა, რომ აქ 1930 წელს გაიხსნა ბალნეოლოგიური კურორტი. კარლ ჰარცელმა ინტრესით   დაათვალიერა იქვე, სახელდახელო მოწყობილი გამოფენა, სადაც ვიზუალურად, ფოტოებით იყო ნაჩვენები 1930 წელს ნასაკირაში ბალნეოლოგიური კურრორტის გახსნა და თანმხლები ... ...
  • სისხლიანი გარჩევა ლისის ტბაზე - ექიმებმა ვეფხვაძის გადარჩენა ვერ შესძლესგოჩა ვეფხვაძე დღეს საავადმყოფოში გარდაიცვალა, მძიმე დაზიანებებით 41 წლის მამაკაცი საავადმყოფოში 6 ოქტომბერს მოათავსეს, თუმცა ერთ კვირიანი მცდელობის მიუხედავად ექიმებმა მისი გადარჩენა ვერ მოახერხეს. ვეფხვაძეს გულ-მკერდის მარცხენა მხარეს, ასევე ბარძაყის ქვედა კიდურზე და წვივებზე 4 მძიმე ჭრილობა ჰქონდა მიყენებული. 41 წლის მამაკაცს ქირურგიული ოპერაცია 3 საათის განმავლობაში უტარდებოდა. არსებული ინფორმაციით, ვეფხვაძეს დაპირისპირება, სავარაუდოდ, ძველ მეგობრებთან – ძმებ ფეიქრიშვილებთან და ნოდარ ნიშნიანიძესთან მოუვიდა, რომლებთანაც კონფლიქტი წლების განმავლობაში ჰქონდა. ვეფხვაძე 6 ოქტომბერს ლისის ტბაზე დაჭრეს, თუმცა, დაჭრილი კაცი შარტავას ქუჩაზე, მის საცხოვრებელ სახლთან მანქანით ... ...
  • რა „უთხრა“ ელჩს „ნატვრის ხემ“ და რა უმღერეს მას საქველმოქმედო ასოციაცია „გურიას“ ბენეფიციარებმაოზურგეთში ევროპის დღეების აღნიშვნის პროცესში, ევროკავშირის ელჩი საქართველოში, კარლ ჰარცელი საქველმოქმედო ასოციაცია „გურიას“ ეწვია. შეხვედრა ამაღელვებელი იყო. საპატიო სტუმარს აქ საგანგებო მადლობა გადაუხადეს უდიდესი თანდგომისთვის. კარლ ჰარცელმა დაათვალიერა ბენეფიციართა  დაწესებულება, გაეცნო მათ ნამუშევრებს. _ რას ამბობს „ნატვრის ხე“? _ იკითხა ელჩმა იმ საგამოფენო ოთახში,  სადაც გამოფენილი იყო ბენეფიციართა თვითშემოქმედების ნიმუშები, მათ შორის „ნატვრის  ხე“, რომელზეც  ბავშვების სურვილები ლამაზი ფერადი ქაღალდებით იყო მიმაგრებული. „ჩვენ გვსურს ვიმოძრაოთ თავისუფლად“, „მსურს მქონდეს აიფონი“, „მე პლანშეტი მინდა“... _  უთარგმნეს ელჩს „ნატვრის ხეზე“  მიბნეული სურვილები. შეხვედრის დასასრულს, ბენეფიციარებმა კარლ ჰარცელს მადლობის ნიშნად საკუთარი მუსიკალურ-ქორეოგრაფიული შემოქმედება წარუდგინეს _ „არ წახვიდე, არ დაგვტოვო, შენი სუნთქვა ჩვენთვის ყველაფერია...“ _ იმღერეს მათ. თან უთხრეს, რომ ეს  სიმღერა ახლა აქ ყველაზე პოპულარულია და საპატიო სტუმარს უძღვნეს. ელჩმა ბენეფიციარებთან  ერთად სამახსოვრო ფოტოები ... ...

არქივი

კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...
ზაფრანი

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...

კივის დიეტა

საუზმე მოამზადეთ სალათი, მწვანე ხახვით,...

ჩვილი ბავშვების საოცარი თვისებები

ჩვილები არ ტირიან სინამდვილეში ჩვილები...

ყურძნის კურკის სამკურნალო თვისებები

ყურძნის კურკებში დიდი რაოდენობით E...

რატომ უნდა ვსვათ სტაფილოს წვენი?

ძირითადი მიზეზი, რატომ ითვლება სტაფილო...