მდუმარე ხელოვანის ფრთხილად ახმაურებული ხელოვნება

კარმიდამო ჩემი

მდუმარე ხელოვანის ფრთხილად ახმაურებული ხელოვნება

5 აპრ. 2016, 14:20:20

თინათინ ჟღენტის შემოქმედება სახვითი ხელოვნების ტრფიალთათვის, მეოთხედი საუკუნის წინ, 1990 წელს გახდა ცნობილი. მაშინ, როცა ოზურგეთის სამხატვრო გალერეა გაიხსნა და მისი გამოფენა მრავალმა ხელოვანმა იხილა; გაოცებულიც ბევრი დარჩა. გავიდა მრავალი წელი და მიუხედავად იმისა, რომ მხატვარი ქალბატონი დღე და ღამე მუშაობდა, მისი შემოქმედების ძველმა თაყვანისმცემლებმაც კი არ იცოდნენ დანამდვილებით, სად იყო ის და საერთოდ აგრძელებდა თუ არა უნიკალური შედევრების შექმნას.

გონებრივი და ფიზიკური შრომის წარმოუდგენელი ძალისხმევა გამოჩნდა ახლახან მის მიერ გამოფენილ ნამუშევრებში, რომელიც ოზურგეთის მერაბ ბერძენიშვილის სახვითი ხელოვნების ცენტრში ფართო მასშტაბით იხილა გურულმა საზოგადოებამ.

ვინ არის თინათინ ჟღენტი? რა მასშტაბის ხელოვანია ის? როგორ შეეჭიდა სახვითი ხელოვნების ისეთ დარგს, როგორიც გრაფიკაა და რა შეძლო? _ არაერთ ცნობისმოყვარეობით ნაკვებ კითხვას, საუკეთესო პასუხად მხატვარ ვახტანგ მამეიშვილის შეფასება თუ მოერგება: "ეს არის ქალბატონი, რომელიც ჩრდილში ყოფნას ამჯობინებდა. ის არის ნამდვილი მაესტრო, მისი გრაფიკა ძალიან დატვირთულია. მალე მის ფართომასშტაბიან გამოფენაზე სრულ ანშლაგსაც უნდა ველოდოთ და არაჩვეულებრივი გამოფენის არაჩვეულებრივ წარმატებასაც".

მხატვარ-გრაფიკოს ავთანდილ თავართქილაძის თქმით, "ქალბატონ თინათინის ნამუშევრების გამოფენამ მომაჯადოებელი სიტუაცია შექმნა და გრაფიკული ხელოვნების ჭრილში, სიღრმისეულად დაგვანახა ადამიანის შინაგანი სამყაროს განფენილობა".

თინათინ ჟღენტი ოზურგეთის მუნიციპალიტეტის სოფელ ცხემლისხიდში დაიბადა. აქ დაიწყო ხატვა სამი წლის ასაკში და მას შემდეგ, მიუხედავად არაერთი სკოლის გავლისა, საკუთარ თავზე მუშაობით და თვითგანათლებით შეძლო, გრაფიკის ურთულესი ხელოვნება, თავის სამასზე მეტ ნამუშევარში, ისეთი მაღალი კლასით ეჩვენებინა, რომ მნახველი გაოცებისგან მოენუსხა.

_ რვა და-ძმა ვართ, ხელოვანი მშობლების ოჯახში გავიზარდე. ამ გარემომ შემიყვანა სხვა იდუმალ სამყაროში, სადაც საკუთარი თავი ვიპოვე და უწყვეტი ხაზებით დღემდე ვქმნი გრაფიკულ ხელოვნების ნამუშევრებს, რომელსაც, ჯერჯერობით, დასასრული არ აქვს და კვლავ შემოქმედებით ძიებაში ვარ, _ გვეუბნება განსხვავებული ხელწერის მქონე ქალბატონი და საკუთარი ნამუშევრების წრეში დაგვატარებს, გვიამბობს, როგორ შეიქმნა თითოეული მათგანი.

ერთხელ უყვარდა... სხვა სიყვარულზე არც უფიქრია. მოხდა ისე, რომ ოჯახი არ შეუქმნია და ეს სიყვარული თავისსავე ხელოვნებაში იშვიათი ბუნებრიობით გარდაისახა _ "დედაშვილობა" უწყვეტი ხაზით ისე ატვირთა, ძნელია, დაიჯერო, რომ ამ ნამუშევრის შემქმნელი დედა არ არის. თვითონვე განმარტავს, რაც უნდა გამომევლო, ასე შევქმენიო და მიაჩნია, რომ თითოეული ნამუშევარი მისი შვილია.

თბილისის თოიძის სახელობის სამხატვრო სასწავლებლის დამთავრების შემდეგ, 90-იან წლებში, კინოსტუდია "ქართულ ფილმში" მხატვარ-გრიმიორად მუშაობდა. დიდ კორიფეებთან მოუწია შეხვედრა. განსაკუთრებით იხსენებს რეზო ჩხეიძეს, რომლის თითოეული სიტყვა და რჩევა მისთვის ახალი სამყაროსკენ სავალი გზის მეგზური იყო. არ ჩერდებოდა წუთითაც კი _ საკუთარი სახელოსნოდან ხედავდა და გრძნობდა სამყაროს. ჩაკეტვა არც უფიქრია, მაგრამ უხმაუროდ, უჩინოდ მუშაობდა და დღემდე მაინც ცოტამ იცოდა (თუმცა, ხელოვნების ღრმად მცოდნეებმა), რას და როგორ ქმნიდა.

თითოეულ სურათს თავისი დატვირთვა აქვს: "მესაიდუმლე ქალები" მისი დუმილია, რადგან ემოციას, უფრო უარყოფითს, ვერ ატარებს, გულში იკლავს, შესაძლოა, ლოგინადაც ჩავარდეს, მაგრამ სხვას ვერ და არ აწყენინებს; ნამუშევარი "ემოცია", სწორედ მისი ხასიათის გამოხატულებაა _რომ არასოდეს უჩხუბია, მაშინაც კი, როცა გულს სრულიად უსამართლოდ ტკენდნენ. მხოლოდ გრაფიკულ ორ უწყვეტ ხაზში, მდუმარედ გამოსახა თავისი წყენაც და გაკვირვებაც უსამართლოთა მიმართ; "დაისში" ჩანს მისი სიზმარი, ირეალური სამყაროს ხილვა, საიდანაც ღვთიურმა ხმამ მიუთითა: იარე! "ტანგო" ერთ ხაზში ერთი ამოსუნთქვით გამოსახა, ცეკვას უყურა და თითქმის ფუნჯის ხელში აღებამდე იცოდა, ხელის აუღებლად როგორ დაიწყებდა და სად დაასრულებდა უნაკლო ნამუშევარს.

ძირითადად, აბსტრაქციების ბატონობა სუფევს ხელოვანი ქალბატონის ნამუშევრებში _ "ნოსტალგია", "წყაროზე", "ფიქრი სამყაროზე", "ქალი ნიღბით", "ცდუნება", "ჩაკეტილი გზა", "დაჭრილი ფრინველი", "ათინათი," "ურთიერთობა"... ქართული ყოფითი მოტივები იშვიათი გულწრფელობით და სილამაზით გამოირჩევა: "სოფლის ხედი", "რთველი", "მზესუმზირები", "გოგრის ყვავილი", "მქარგავი ქალები", "გაზაფხული".

თინათინ ჟღენტის ხელოვნებაში გრაფიკა მეფობს და სულდგმულობს, თუმცა, ბისერებით ქარგვის ხელოვნება, ქაღალდზე აკვარელით მუშაობა და შხეფებით ხატვა არანაკლები ოსტატობით აოცებს მნახველს.

 ამ გაზაფხულზე, ხელოვანი ქალბატონის 25-წლიანი დუმილი, მისმა სამასზე მეტმა ნამუშევარმა ფრთხილი ხმაურით დაარღვია. ახლა წინ დიდი გზაა, ჯერ თბილისში უნდა მოეწყოს გამოფენა, მერე კი უცხოეთისკენ მიმავალ გზასაც წყნარად და შემართებით დაადგება.

კითხვაზე, რატომ არ ჩანდა დღემდე აქტიურად, ხომ არ იყო ამის მიზეზი დაბალი თვითშეფასების განცდა და რა შეუძლია თქვას იმის შესახებ, რომ მისი შემოქმედება საკმაოდ სიღრმისეულად მოიხსენიეს, გვპასუხობს, რომ ყველაფერი წინაა და ახლა უკვე აქვს სურვილიც და უდიდესი შემოქმედებითი სიმდიდრეც გააჩნია ასობით ნამუშევრის სახით, რომ უფართოესი აუდიტორიების წინაშე წარდგეს.

_ ჩემს ნამუშევრებში გამოვსახე ჩემეული ხედვა სრულიად სამყაროზე. ახლა კი მინდა, სადაც ფეხს დავდგამ და ჩემი ხელოვნებით გამოვჩნდები, ჩემი მშობლიური გურია, ჩემი საქართველო ვასახელო, _ გვეუბნება მხატვარი, ხელოვანი ქალბატონი, რომლის შემოქმედებას, მისივე თქმით, ჯერ შემოდგომა არ სწვევია და კვლავ ბევრი აქვს გასაკეთებელი.

წარმატებები ვუსურვოთ ოზურგეთელ ხელოვან ქალბატონს, ვინც წლევანდელ გაზაფხულთან ერთად, ქალთა დღის სიმბოლოდ გამოჩნდა გურიის სინამდვილეში და პროფესიონალ მხატვართა თუ მოყვარულთა სამყარო ერთნაირად აღაფრთოვანა.




 ახალი ამბები
  • შსს-მ ფონიჭალაში 11 ნარკორეალიზატორი დააკავაშინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და მთავარი პროკურატურის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, ფონიჭალის დასახლებაში 11 ნარკორეალიზატორი დააკავეს. მოსამართლის განჩინების საფუძველზე დაკავებულები არიან: 1986 წელს დაბადებული ნ.ა., 1973 წელს დაბადებული ი.ა., 1987 წელს დაბადებული კ.ა., 1996 წელს დაბადებული ა.გ.,1967 წელს დაბადებული დ.ფ., 1976 წელს დაბადებული ს.გ., 1999 წელს დაბადებული ვ.მ., 1979 წელს დაბადებული ვ.ა., 1971 წელს დაბადებული ფ.ა., 1985 წელს დაბადებული რ.ნ. და 1999 წელს დაბადებული ე.გ. დაკავებულებს ნარკოტიკული საშუალების უკანონო შეძენა-შენახვა-გასაღება ედებათ ბრალად. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულები ნარკოტიკულ საშუალებებს სისტემატურად ყიდდნენ. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალება „ჰეროინის“ საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა. პოლიციამ, დაკავებულების პირადი და საცხოვრებელი სახლების ჩხრეკისას, ნარკოტიკული საშუალება „ჰეროინი“, ფული და მობილური ტელეფონები ამოიღო. გამოძიება საქართველოს სისხლის სამართლის კოდექსის 260-ე მუხლის პირველი ნაწილით, მე-3 ნაწილის "ა" და "ბ" ქვეპუნქტებით, მეოთხე ნაწილით, მე-5 ნაწილის "ა" და"ბ" ქვეპუნქტებით და მე-6 ნაწილის "ა" ქვეპუნქტით მიმდინარეობს, რაც წინასწარი შეთანხმებით, ჯგუფის მიერ, განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღებას ... ...
  • დაბა ლაითურის სკოლა დისტანციურ სწავლებაზე გადავიდადღეიდან ოზურგეთის მუნიციპალიტეტის, დაბა ლაითურის საჯარო სკოლა ორი კვირით დისტანციურ სწავლებაზე გადავიდა. ოზურგეთის საგანმანათლებლო რესურსცენტრის უფროსის ლელა იმედაშვილის თქმით, ეს იყო ჯანდაცვის სამინისტროს რეკომენდაცია და აქედან გამომდინარე დაბა ლაითურის მოსწავლეები გადავიდნენ დისტანციურ სწავლებაზე. „გურია ნიუსის“ ინფორმაციით, ამ დროისთვის დაბა ლაითურში სამი მოსწავლეს და ერთი მასწავლებელს აქვს კორონავირუსი. აქედან ორი ბავშვი სკოლის კლასტერი არ არის, რადგან მათ ახალი სასწავლო წელის დაწყების დროს სკოლაში არ ... ...
  • „ჩახედვით და არა გატეხვით“: თხილის ფასის დადგენის ახალი „ფორმულა“ ოზურგეთშიდღეს, დილიდან, ოზურგეთში, ნარევ თხილს, ერთ კილოგრამს 5 ლარად იბარებდნენ. _აბა,   თხილის შეფასება  მხოლოდ ჩახედვით  და არა გატეხვით, გარედან არ უნდა გამოიყურებოდეს ცუდად, რაც მთავარია,  ღიმილს და კილოგრამში 5 ლარს, ერთად  ვარიგებ, _    გვითხრა გ. ეპისკოპოსის ქუჩაზე მდებარე,  თხილის  მიმღებ პუნქტში მომუშავე დათო ტუღუშმა და თან განმარტა,  კი ვხუმრობ, მაგრამ გურულის   „კოდექსის“ თანახმად, წესია ასეთი ჩვენში. ისე, კი ნაღდ სიმართლეს გეუბნებითო. მართლაც,  ბოლო დღეების განმავლობაში, ოზურგეთში  ნარევ  თხილს, რომელსაც ზოგჯერ „ნაგერად“ მონათლავდნენ, თუ ფერი აქვს  ბუნებრივი, ერთ კილოგრამს ხუთ ლარად უყოყმანოდ  იბარებენ.  თხილის  გატეხვის პროცედურა, ახლა მხოლოდ „ბერძნულა“ ჯიშის თხილს ეხება. _ოო, ბერძნულა არა მხოლოდ გატეხვით, გულის გაჭრითაა, ხარისხს ისე ვერ ვენდობით, - ამჯერად კიდევ უფრო გაიბადრა დათო ტუღუში და მართლაც, მოიმარჯვა ჩაქუში და ჯიბის პატარა დანა. _თუ კარგია, ერთ  ცალში 75-80 თეთრს ვანგარიშობთ. ნუ, ერთი კილოგრამი კი გამოდის 8 ლარი. თუმცა, მაგფერი  არ არსებობს, ათი ცალიდან ათივე საღი რომ იყოს,  თან „ბერძნულა“, _ კვლავ გააკეთა განმარტება ტუღუშმა. თავის მხრივ, რიგითი მოქლაქეები საუბრობენ თხილის მიმღებთა  წესების უცნაურ სახეცვლილებებზე: "ერთი თვის წინ,  „ტახა-ტუხში“ იყვნენ, თან ერთ ცალში 35-40 თეთრს იხდიდნენ   და კილოგრამს სამი ლარი ძლივს გამოუდიოდა.  ახლა რომ ასე შეცვალეს   „ფორმულა“,  ან მაი ფასის დამდგენია აბდალი უხარსხო თხილშიც რომ 5 ლარს იხდიან,  ან  უფრო აბდლები  ჩვენ ვართ, რადგან ამათი თამაშის საიდუმლო და „სენთი“, ამდენი წელიწადია , ვერ ... ...
  • საბაჟო საზღვარზე თურქეთის მოქალაქე დააკავესსაქართველოს საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტზე თურქეთის მოქალაქე დააკავეს. როგორც ფინანსთა სამინისტროს საგამოძიებო სამსახური იუწყება, გამოძიებით დადგენილია, რომ ბრალდებულმა, საბაჟო გამშვები პუნქტი „სარფის“ გავლით, საბაჟო კონტროლისაგან მალულად შემოიტანა განსაკუთრებით დიდი ოდენობით არადეკლარირებული ოქროს ნაკეთობები, რა დროსაც მოხდა მისი მხილება. საგამოძიებო მოქმედებების შედეგად ამოღებულია 299 გრამი ოქროს ნაკეთობები, რომლის საერთო  საბაჟო ღირებულება  35 000 ლარს აღემატება. გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 5-დან 7 წლამდე ... ...
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...