ვებრძოლოთ თხილის მავნებლებს _ ყველაზე საშიში კვირტის ტკიპაა!

კარმიდამო ჩემი

ვებრძოლოთ თხილის მავნებლებს _ ყველაზე საშიში კვირტის ტკიპაა!

2016 აპრ 5 14:34:04

მას შემდეგ, რაც საქართველოში თხილმა კომერციული დატვირთვა შეიძინა და მსოფლიო ბაზარზე მოთხოვნით ქართულ ღვინოს გაუსწრო, ჩვენში თხილის პლანტაციების გაშენება მასობრივად დაიწყეს. ეს, ერთის მხრივ, კარგი ნაბიჯია ქვეყნის ეკონომიკის ასაღორძინებლად, თუმცა, პროცესს ახლავს სერიოზული ხარვეზი, რაც გამოიხატება ნიადაგის სერიოზულ შეუსწავლელობასა და აგროტექნიკური ღონისძიებების სუსტ ცოდნასა თუ ზერელე დაცვაში.

გურიაში, კონკრეტულად ოზურგეთის მუნიციპალიტეტში, უკვე ათეულობით ჰექტარზე გააშენეს თხილის პლანტაციები. დღეისთვის ფერმერთა უმეტესობა თხილის მავნებლების და დაავადებების წინააღმდეგ ბრძოლაში დახმარებას ითხოვს. ამ ეტაპზე ძალზე სერიოზულ მავნებლად გამოვლენილია კვირტის ტკიპა, რაც ადრეც იყო ჩვენში. პლანტაციების ზრდასთან ერთად, გაიზარდა ტკიპას გავრცელების არეალი და ახლა ის ერთ-ერთი ყველაზე საშიში მავნებელია.

ასოციაცია "ელკანას" რეგიონული ოფისის მოწვევით, ფერმერთა დასახმარებლად, ოზურგეთში სოფლის მეურნეობის სამეცნიერო კვლევითი ცენტრის წარმომადგენელი ზურაბ ხიდეშელი ჩამოვიდა. სოფლების: ლიხაურის, გურიანთის და შემოქმედის მეთხილე ფერმერებთან შეხვედრა ძალზე საინტერესოდ და პრობლემურ თემაზე აქტიური დისკუსიით წარიმართა.

ზურაბ ხიდეშელმა ისაუბრა თხილის ძალზე გავრცელებულ მავნებლებსა და დაავადებებზე. დარბაზში მსხდომმა ფერმერებმა ყველაზე მეტი კითხვა კვირტის ტკიპას შესახებ დასვეს.

_ ტკიპას მკვებავი ობიექტია თხილის კვირტები. ის აზიანებს საფოთლე და საყვავილე კვირტებს. ტკიპის წუწნის შედეგად, კვირტის შიგნით წარმოიშობა ღია მწვანე ფერის მასა, რომელიც შემდეგ მოვარდისფრო ხდება, ბოლოს კი მოყავისფრო შინდისფერია. კვირტი განიცდის დეფორმაციას და ჩვეულებრივ კვირტთან შედარებით 15-ჯერ დიდია. ტკიპები ამ დაზიანებულ კვირტებში იზამთრებენ, თებერვალსა და მარტში დებენ კვერცხებს და აპრილში უკვე კვერცხებიდან გამოდიან. ახლა, მარტში, ეს დაავადებული კვირტები ყვავილივითაა გაფურჩქნული, _ თქვა ხიდეშელმა, _ ამის მიზეზია მომეტებული ცხოველმყოფელობა, რაც გამრავლებაში გამოიხატება. ტკიპები შემდეგ გამოდიან ტოტზე. ზოგჯერ ერთი კვირტიდან 100 მატლი გამოდის, რომლის ხილვა მხოლოდ მიკროსკოპულად არის შესაძლებელი. სანამ ერთი კვირტიდან წამოსული მოედება მთელ მცენარეს, უნდა დაიწყოს წამლობა. ზღვრული ოთხი წამლობიდან, ორი მეტად ეფექტურია. უმთავრესია მომენტის დაჭერა, ანუ აგროტექნიკური ღონისძიების სიზუსტეს უდიდესი მნიშვნელობა ენიჭება. გაზაფხულის პირველსავე თვეს, ადრე დილით ან საღამოს (მზიან ამინდში შეწამვლა უნდა გამოვრიცხოთ) შევასხუროთ აკარიციდები: ომაიტი, ვალსარგიტი, საფმაიტი, რომლის დოზას და მოხმარების წესს, შესაბამის სამეურნეო მაღაზიებსა თუ ფერმერულ ცენტრებში ასწავლიან ყველას.

ფერმერმა აკაკი ღლონტმა გამოთქვა საკუთარი მოსაზრება ასე მომძლავრებული კვირტის ტკიპას შესახებ. მან უშედეგო ღონისძიებად მიიჩნია ზოგი რჩევა, რაც გამოიხატება ტოტებზე ტკიპიანი კვირტების შეცლით და პლანტაციიდან გამოტანის გზით: _ ეს კოლოსალურ შრომას მოითხოვს და შეუძლებელია, განსაკუთრებით ასაკოვან ბაღებში. ახალ ნარგავებს კიდევ მოუხერხებ რამეს, მაგრამ დიდ ხეებზე ვერავინ იცოცებს. ამიტომ, დაუყოვნებლივ და დროში განსაზღვრით უნდა მოხდეს შეწამვლა, _ თქვა ღლონტმა.

ზურაბ ხიდეშელმა რჩევებისა და მითითებების კვალდაკვალ ფერმერთა არაერთ კითხვას რჩევითვე უპასუხა. კონკრეტულად, კვირტის ტკიპას საწინააღმდეგო შეწამვლამდე ჯერ პლანტაციის დათვალიერება უნდა მოხდეს. თუ ფართობში ტკიპასგან დაზიანებული კვირტების რაოდენობა არ აღემატება 3-5 %-ს, მაშინ შეფრქვევა ან შესხურება არ არის საჭირო. კვირტის ტკიპა ყოველთვის არსებობდა და მომავალშიც იქნება, როგორც მავნებელი. მას არ უნდა მივცეთ გამრავლების საშუალება და მაქსიმალურად უნდა ვებრძოლოთ.

ფერმერები დაინტერესდნენ დანარჩენი მავნებლებითაც, რომლებიც კვირტის ტკიპას ჩამორჩებიან მავნებლობაში, თუმცა, სერიოზულ საფრთხეს მაინც წარმოადგენენ. ესენია თხილის შავი ხარაბუზა და ქერქიჭამია (იგივე ამბროზიის ხოჭო).

ზურაბ ხიდეშელის განმარტებით, თხილის შავი ხარაბუზა ძირითადად მავნეობს არასწორი აგროტექნიკით დასუსტებულ მცენარეებზე. ამიტომ ის მეორად მავნებლად ითვლება. აზიანებს თხილის გამერქნებულ ორგანოებს. იგი მაისის დასაწყისში თხილის ერთწლიანი ტოტის კანს ღრღნის და იქ დებს კვერცხს. აქვს ორწლიანი ციკლი. ამიტომ უმჯობესია, ხმელი ტოტები ამოვჭრათ ან გადავჭრათ. მავნებელი ზემოდან ქვემოთ მიჰყვება ტოტს. ხარაბუზას წინააღმდეგ საბრძოლველად გადამწყვეტი მნიშვნელობა აქვს მცენარის სწორ გასხვლას და სრულყოფილ კვებას, ფიტოსანიტარიის დაცვას. თხილის შავი ხარაბუზას წინააღმდეგ ყველაზე კარგი საშუალებაა პრეპარატები _ დეციბლუ და დეცისფლუქსი (0,3 _ 4 ლიტი 1 ჰა-ზე.) ზოგადად, ფერმერებმა ხშირად და აქტიურად უნდა მიმართონ საკონსულტაციო და ფერმერული განვითარების ცენტრებს, რომელიც მათი მომსახურებისთვისაა შექმნილი.

რაც შეეხება მავნებელ ქერქიჭამიას ანუ ამბროზიის ხოჭოს, ის შედის მცენარის ქერქში, აკეთებს ხვრელებს, დებს კვერცხს, იჩეკება იქვე და მერე მრავლდება. ერთ ბუდეში ერთდროულადაა შესაძლებელი, ვნახოთ, როგორც კვერცხი, ჭუპრი, მატლი და იმაგო. ამიტომ, გაზაფულზე, ქერქიჭამიას წინააღმდეგ რეკომენდირებულია მინერალური ზეთის გამოყენება (ოვიპრონი). ქერქიჭამიას მექანიკური ხერხითაც უნდა ვებრძოლოთ, დავათვალიეროთ პლანტაცია, გამხმარი ტოტები გადავჭრათ და აუცილებლად დავწვათ.

ზურაბ ხიდეშელმა ისაუბრა ზოგად საკითხებზეც _ რომ ჩვენს ქვეყანას გააჩნია მდიდარი ბუნებრივი და გეოგრაფიული არეალი, სადაც მავნებელიც ადვილად მრავლდება. ამიტომ, ვიდრე მომრავლებულ მავნებელს და სხვადასხვა დაავადებას შევებრძოლებით, უნდა ვეცადოთ, სხვა ნორმები დავიცვათ ასე პოპულარული თხილის პლანტაციის გაშენების დროს. კონკრეტულად: ვიდრე თხილი დაირგვება, უპირობოდ უნდა მოხდეს ნიადაგის ლაბორატორიული შემოწმება. გურიაში ჩაის ნამყოფი მჟავე ნიადაგებია, რასაც თხილი ვერ ეგუება. აუცილებელია ნიადაგის მოკირიანება. არანაკლებ აუცილებელია აგროტექნიკური ღონისძიებების დაცვა უკვე გაშენებულ პლანტაციაში, რაშიც შედის შემობარვა, სასუქების შეტანა, გასხვლის ვადების დაცვა, ამონაყრების მოშორება; მოუგვარებელი სადრენაჟო სისტემა ვაკე ადგილებში გაშენებულ პლანტაციებში, განსაკუთრებით დასავლეთ საქართველოში, სადაც კარგი გარემოა მღიერების და ხავსების გასაჩენად.

რაც შეეხება თხილის ფართობში შეგროვებული ნარჩენების _ ფოთლების თუ მონაფხეკი ქერქისგან მომზადებულ კომპოსტს, ზურაბ ხიდეშელმა ურჩია ფერმერებს, რომ ასეთი კომპოსტით, უმჯობესია, გაანოყიერონ სხვა ხეხილის ბაღი და ისევ თხილის პლანტაციაში ნუ შეიტანენ.




 ახალი ამბები
  • კომენდანტის საათის დარღვევა - კახეთში გოგოს ხელის თხოვნა 27 000 ლარი დაჯდაცოტა ხნის წინ,  კომენდანტის  საათის დარღვევისთვის, 9 პირი 3 000-3 000 ლარით დააჯარიმეს თელავში, სოფელ ყარაჯალაში. როგორც "გურია ნიუსს" ერთ-ერთი დაჯარიმებულის ახლობელმა განუცხადა, თანასოფლელი ბიჭი  მის მეგობრებთან ერთად, გოგოს ხელის სათხოვნელად მიდიოდა. აღნიშნული ინფორმაციის გადამოწმებას "გურია ნიუსი" მერის წარმომადგენელთან, შალვა ახმედოვთან შეეცადა, თუმცა, მან ეს ფაქტი არ დაადასტურა. "არ ვიცი,ინფორმაციას არ ვფლობ",_ ამბობს ... ...
  • ჯანდაცვის სამინისტრო 60 წელს გადაცილებულთა პნევმოკოკზე აცრას გეგმავსსახელმწიფო მსჯელობს გეგმაზე, რომლის მიხედვითაც 60 წელს გადაცილებულები და ასევე, ქრონიკული დაავადებების მქონე მოქალაქეები, შესაძლოა, პნევმოკოკის ვაქცინით აიცრან - ამის შესახებ ჯანდაცვის მინისტრმა „რუსთავი-2“-ის ეთერში განაცხადა. ეკატერინე ტიკარაძის განმარტებით, არის ვერსია, რომ ეს აცრა შევიდეს საქართველოში სავალდებულო ვაქცინაციის ჯგუგში და მოხდეს ყოველწლიურად, შესაბამისი მონაკვეთების გავლის შემდეგ ვაქცინის განახლება ამ მოქალაქეებში. „ყოველდღიურად ვუფრთხილდებით იმ მოწყვლად ჯგუფებს, რომლებიც არიან ხანდაზმულები და, რა თქმა უნდა, პარალელურ რეჟიმში არიან მრავლობითი ქრონიკული დაავადების მატარებლები. ჩვენი სპეციალისტების მხრიდან მოხდა გაანალიზება საქართველოში ძირითადი წამყვანი დაავადებების და სიკვდიალინობის გამომწვევი რა მიმართულებებია, სადაც ჩვენ ცალსახად დავინახეთ, რომ სწორედ ამ მოწყვლად ჯგუფებში, მრავლობითად არის განვითარებული პნევმონიები და ჩვენს ევროპელ კოლეგებთან კომუნიკაციის შედეგად, ასევე საუკეთესო ქვეყნების პრაქტიკის გამოყენების მაგალითზე მივიღეთ გარკვეული რეკომენდაციები, რის განხორციელებასაც ვგეგმავთ საქართველოში. ეს კონკრეტულად არის ევროპის ქვეყნებში მიღებული პრაქტიკა, როდესაც ისინი 60 წელზე ზევით მოსახლეობას და მოწყვლად ჯგუფებს ცრიან პნევმოკოკის ვაქცინით. სწორედ ამასთან დაკავშირებით არის ეს ინიციატივა, რასაც ჩვენ დეტალურად ვამუშავებთ“, - განაცხადა ... ...
  • რა ეკონომიკური გამოწვევების წინაშეა ქვეყანა და რაშია გამოსავალიპანდემიასთან ბრძოლამ ადამიანების ნაწილი დროებით უმუშევრად აქცია, ნაწილი კი დისტანციურ რეჟიმში მუშაობს. ჩაკეტილი საზღვრები, დაკეტილი სხვადასხვა ობიექტები, ბლოკპოსტები სხვადასხვა ქალაქში და რიგი სუპერმარკეტებთან, ბანკებთან თუ აფთიაქებთან_ ეს ის სურათია, რაც დღეისთვის საქართველოში პანდემიასთან ბრძოლის გამო, დგას. რა ეკონომიკური გამოწვევების წინაშე დადგა ქვეყანა_ ამ საკითხზე „გურია ნიუსი“ ეკონომისტ აკაკი ცომაიას ესაუბრა. აკაკი ცომაია ჩვენთან საუბარში  აღნიშნავს, რომ რთულია პროგნოზირება, პანდემიის შემდეგ რამდენად გაღარიბდება მსოფლიო, მაგრამ ეკონომიკის რეცესია და უმუშევრობის მატებაა მოსალოდნელი. ეკონომისტი ასევე აღნიშნავს, რომ სახელმწიფოს გაუჭირდება იმ მდგომარეობის დაბრუნება, რაც პანდემიამდე ჰქონდა. „რეალურად პროგნოზირება და თქმა,  რამდენად გაღარიბდება მსოფლიო, ძნელია. რაც უფრო მეტად გრძელდება კარჩაკეტილობა, მით უფრო მეტად ზარალდება ქვეყნების ეკონომიკა და შევა რეცესიაში. უმუშევრობის დონე გაიზრდება მსოფლიოში ამ პანდემიის დასრულების შემდეგ და მათ შორის გაიზრდება საქართველოშიც. რისი პროგნოზირებაც შეგვიძლია არის ის, რომ საქართველოს ეკონომიკა ხანგრძლივი დროის განმავლობაში ვერ დაუბრუნდება საწყის ეტაპს. ტურიზმის სექტორი ვერ დადგება იმ წერტილში რა წერტილშიც იყო პანდემიამდე. რატომ? ამის ბევრი ობიექტური და სუბიექტური მიზეზი არის. მათ შორის ის, რომ საქართველო ვერ მიიღებს ასე სწრაფად ვიზიტორების იმ რაოდენობას, რომელსაც  იღებდა. ადამიანებმა ჯერ კაპიტალი უნდა დააგროვონ, უნდა დაიწყოს შემოსავლების ფორმირების პროცესი.  ეს ხანგრძლივი პროცესია. ტრანსპორტის სფეროს განვითარება ტურიზმზეა დამოკიდებული და  ვითარდებოდა მაშინ როცა ტურიზმი ვითარდებოდა. იგივე ეხება მშენებლობას, კაფე-ბარებს. ეკონომიკის შემოსავლების ზრდის ტემპი ვერ იქნება ისეთი, როგორიც ის იყო პანდემიანდე. ჩვენი შემოსავლები ვერ აღდგება საწყის წერტილში“,_ ამბობს ცომაია. ეკონომისტის თქმით, აღნიშნული საფრთხეების დანახვასთან ერთად ქვეყანამ ის შესაძლებლობა უნდა გამოიყენოს, რომელიც პანდემიის შემდეგ მსოფლიო ბაზარზე თავის დამკვიდრებაში შეუწყობს ხელს. აკაკი ცომაიას თქმით, ეკონომიკის ახალი ძრავის ჩართვა და ქვეყნის ახალ რელსებზე გადაყვანა ანაკლიის პორტს შეუძლია. „გლობალურ საფრთხეებთან ერთად, ასევე, უნდა დავინახოთ შესაძლებლობა და გამოვიყენოთ, რაც უკავშირდება მსოფლიო ბაზრის გადანაწილებას და საერთაშორისო ბაზარზე შევიტანოთ ჩვენი კონკრეტული წვლილი და დავიკავოთ გარკვეული ნიშა. გაცილებით რთული იყო ამის გაკეთება, როცა ეს ყველაფერი იყო გადანაწილებული და განსაკუთრებით შესაძლებლობა ჩნდება ახალი მიმართულებებით. ყველაზე მეტად აქტუალური არის ანაკლიის პორტის საკიხი, რომელსაც ნამდვილად შეუძლია გარკვეული ლოკომოტივის თამაში და ეკონომიკის დაქოქვა ანუ საქართველოს ეკონომიკის ახალი ძრავის ჩართვა და ახალ რელსებზე გადაყვანა“,_ ამბობს ... ...
  • რისი "სიგნალი" გახდა აგრარული ბაზრების დახურვა მსოფლიო პანდემიას ებრძვის. კორონავირუსის გავრცელების თავიდან აცილების მიზნით, დაწესებულ სხვა შეზღუდვებთან ერთად აგრარული ბაზრების დახურვის გადაწყვეტილებაც იქნა მიღებული. როგორც ეკონომისტი აკაკი ცომაია "გურია ნიუსთან" საუბრისას აღნიშნავს, რომ აგრარული ბაზრების დახურვა სუპერმარკეტებისთვის პროდუქციაზე ფასების ზრდის შესახებ გაკეთებული სიგნალია. „აგრარული ბაზრის დაკეტვა მომხმარებლებს დააზარალებს. ეს სუპერმარკეტებისთვის არის სიგნალი, რომ გააძვირონ პროდუქცია. სწორი იყო თუ არა ეს გადაწყვეტილება, ვერ შევაფასებ, იმიტომ, რომ საკმაოდ რთული სიტუაციაა და არ ვიცით, უსაფრთხების რისკის ფაქტორიდან გამომდინარე, რამდენად გაიზარდა ამ გადაწყვეტილებით უსაფრთხოების მასშტაბი. ამის შეფასება მე არ შემიძლია“,_ გვპასუხობს ცომაია. შეკითხვაზე _ მოსალოდნელია თუ არა, რომ ფასის ზრდა მარკეტებში იმ პროდუქტებსაც შეეხოს, რომლის ღირებულების ზრდის რისკის დაზღვევის შესახებაც გარემოს დაცვისა და სოფლის მეურნეობის სამინისტრო საუბრობდა, ეკონომისტი გვპასუხობს, რომ მარკეტინგის პრინციპის გათვალისწინებით, ფასები აღნიშნულ პროდუქტებზე შეიძლება, არ გაიზარდოს გარკვეული დროის განმავლობაში, მაგრამ გაიზრდება სხვა პრუდუქტებზე. „სამინისტრო აწესებს ზედა ზღვარს კონკრეტულ ფასებზე, რაღაცა დროის განმავლობაში, ფასები ამ ტიპის პროდუქტებზე, შეიძლება, არ გაიზარდოს, მაგრამ გაიზრდება სხვა პროდუექტებზე. ეს მარკეტინგის პრინციპია. სუპერმარკეტები ორიენტირებულები იქნებიან, გაყიდონ იმავე რაოდენობის პროდუქცია მაღალ ფასად, რადგან კონკურენტების რაოდენობა მცირდება და ბიზნესი, როგორც წესი, ამ ნაბიჯით პასუხობს“, _ ამბობს აკაკი ... ...
  • ოზურგეთის მერიის განმარტება პრემიების გაცემასთან დაკავშირებითოზურგეთის მერია  პრემიების გაცემასთან დაკავშირებით განცხადებას ავრცელებს. როგორც მერია განმარტავს, დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,,. "ოზურგეთის მუნიციპალიტეტის მერიის განმარტება - მასობრივი ინფორმაციის საშუალებების მიერ ოზურგეთის მუნიციპალიტეტის მერიის მიერ გაცემულ სახელფასო დანამატებთან დაკავშირებით მიგვაჩნია, რომ საინფორმაციო საშუალებებით მოსახლეობისათვის მიწოდებული ინფორმაცია ხშირ შემთხვევაში არასრულია, ასევე გაჯერებულია არასწორი შეფასებებით და ინტერპრეტაციით. გაცნობებთ, რომ დანამატები გაცემულია ახალი კორონავირუსის (COVID-19) გავრცელების თავიდან აცილების მიზნით განხორციელებული საქმიანობის გათვალისწინებით ა.(ა).ი.პ. „ოზურგეთის ჯანდაცვის საზოგადოებრივი ცენტრის“ თანამშრომლებზე დადგენილი კანონმდებლობის სრული დაცვით. კორონავირუსის გავრცელების თავიდან აცილების მიზნით განხორციელებული საქმიანობაში ჩართული იყო ოზურგეთის მუნიციპალიტეტის მერიის 3 თანამშრომელი, რომელებიც 24 საათიან რეჟიმში კოორდინაციას უწევდნენ და უწევენ ახალი კორონავირუსის (COVID-19) გავრცელების რისკების შემცირების მიზნით განხორციელებულ სამუშაოებს. დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,, (ამონარიდი წერილიდან); ხოლო მერიის თანამშრომელთაგან ორ პირზე დანამატის გაცემის საფუძველი გახლავთ თბილისის მერიის მიერ გადმოცემული ავტობუსებისა და სხვა ტექნიკის ჩამოყვანა და მასთან დაკავშირებული პროცედურები. „TV-პირველზე“ გასულ სიუჟეტში გამოქვეყნებული ორი პირისათვის მერიის მიერ დანამატის ჩარიცხვის საფუძველი წარმოიშვა მიმდინარე წლის თებერვალში ხოლო ჩარიცხვა განხორციელდა მარტის თვის ბოლოს. ხსენებულმა პირებმა უზრუნველყვს თბილისის მერიის მიერ გადმოცემული 4 სატრანსპორტო საშუალების ჩამოყვანა ოზურგეთში, ხოლო გადმოცემული ორი სპეცდანიშნულების ტექნიკა მომზადებული იქნა გადმოსაყვანად, რის გამოც მათზე გაიცა 60%-ი (და არა 80%იანი დანამატი). სულ გაცემულია 12 930 ლარი; „TV-პირველზე“ გასულ სიუჟეტში მითითებულ სხვა პირებზე, კერძოდ, ოზურგეთის მუნიციპალიტეტის მერიის თანამშრომლებზე დანამატები არ გაცემულა ქვეყანაში არსებული სტუაციიდან გამომდინარე და ყველა ინტერპრეტაცია, რომელიც ამ საკითხან გახლავთ დაკავშირებული არის არასწორი; ოზურგეთის მუნიციპალიტეტის ა.(ა).ი.პ. „საზოგადოებრივი ჯანდაცვის ცენტრი“ ახალი კორონავირუსის (COVID-19) გავრცელების თავიდან აცილების მიზნით საქმიანობას ახორციელებს 24 საათიან უწყვეტ რეჟიმში. ოზურგეთის მუნიციპალიტეტის მერიის მიერ ახალი კორონავირუსის (COVID-19) გავრცელების თავიდან აცილების მიზნით განსახორციელებლი საქმიანობის ფარგლებში მოხდა მოსახლეობის საჭიროებების კვლევა და იმ პირების იდენტიფიცირება, რომლებიც საჭიროებს სასურსათო და სხვა სახის დახმარებას. კორონავირუსის (COVID-19) გავრცელების თავიდან აცილების მიზნით ოზურგეთის მერიაში შექმნილი ჯგუფის მიერ ამ დროისათვის:- უკვე 180 ოჯახს დაურიგდა სურსათი.- უახლოეს დღეებში დმატებით 500 ოჯახზე გავცემთ პროდუქტებს. გამომდინარე იქედან, რომ მოცემულ შემთხვევაში დადასტურდა დასაქმებული პირების შესახებ პერსონალური ინფორმაციის (პირის საიდენტიფიკაციო მონაცემების, მათი ანგარიშის ნომრების და მათთვის ჩარიცხული თანხების შესახებ ინფორმაცია) ოზურგეთის მერია ბოდიშს უხდის მათ და აცხადებს, რომ ამ დროისათვის ხდება პერსონალური ინფორმაციის გაცემასთან დაკავშირებული ფაქტებისა და საკითხების სამართლებრივი ანალიზი (ასეთი ქმედება შეიცავს სისხლის სამართლის დანაშაულის ნიშნებს) რის შედეგებზე დაყდრნობითაც განვახორციელებთ შემდგომ სამართლებრივ რეაგირებას. დამატებით ვაცხადებთ, რომ ოზურგეთის მერია უზრუნველყოფს ყველა დაინტერესებული პირისათვის საჯარო ინფორმაციის მიწოდებას და ასევე ითანამშრომლებს ყველა სპეციალური კომპეტენციის ორგანოსთან საკითხის სამართლებრივ ფორმატში გარკვევის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...