"ხალხმა უნდა მოიხედოს ბიოლოგიური სასუქისკენ"

კარმიდამო ჩემი

"ხალხმა უნდა მოიხედოს ბიოლოგიური სასუქისკენ"

2012 ივლ 7 06:35:55
ამჟამად მსოფლიოში 15% იწარმოება ეკოლოგიურად სუფთა პროდუქტი და საქართველოშიც გარკვეული წინსვლაა ამ მხრივ _ მრავალი ფერმერი უარს ამბობს ქიმიური სასუქის გამოყენებაზე და დაუბრუნდა მამაპაპისეული ბიომეურნეობის მეთოდებს. მსოფლიოში წამყვანმა მეცნიერებმა ლაბორატორიული კვლევებით აღმოაჩინეს უამრავი სასარგებლო ბაქტერიები, რომლებიც ნიადაგში შეყვანით აუმჯობესებს მცენარეთა კვებას და ნიადაგის თვისებებს. რამდენიმე წელია, რაც ბაზარზე გამოჩნდა ქართული წარმოების ეკოლოგიურად სუფთა, თხევადი ბიოსასუქი "ორგანიკა", რომლის საერთაშორისო წარმატებამ კულმინაციას, გასულ წელს, დეკემბრის თვეში, ლონდონში მიაღწია. უნიკალური თვისებების გამო, მას საერთაშორისო ხარისხის "ოქროს გვირგვინი" მიაკუთვნეს.

სემინარის თემა იყო სასოფლო-სამეურნეო კულტურების განოყიერების კლასიკური და ინოვაციური მეთოდების გამოყენების გზები ფერმერულ მეურნეობებში, რის ორგანიზატორიც ააიპ სოფლის მეურნეობის განვითარების და დასაქმების ხელშემწყობი ცენტრი გახლდათ. როგორც ცენტრის ხელმძღვანელმა გიგა ხარაბაძემ აღნიშნა, ასე მრავალრიცხოვანი სპექტრით შეკრება ფერმერთა დაჟინებული მოთხოვნა იყო.

ეს არ იყო ერთი რიგითი ან ჩვეულებრივი შეხვედრა _ ამ დღეს აქ თავი მოიყარა 50-ზე მეტმა ფერმერმა და თითოეული სულგანაბული უსმენდა ან იზიარებდა საინტერესო მოსაზრებებს. ძირითადად აქ საუბარი იყო, თუ რა შესაძლებლობები აქვს ბიოსასუქს, როგორი მოძრაობაა დღეს ამ კუთხით მთელ მსოფლიოში, რომ ბიოპროდუქტი უნდა მივირთვათ, რომ მოსახლეობას ინფორმაცია არ აქვს და მათი უმეტესობა ჯერ კიდევ არაორგანული სასუქით "ჭყიპავს" ნიადაგს, მასში ხარჯავს ათჯერ მეტს და იღებს დაბინძურებულ პროდუქტს, როცა გაცილებით ნაკლებ ფასად შეუძლია მიიღოს იგი. სამაგიეროდ, "ორგანიკას" უცხოელები გამალებით ითხოვენ და აქედან შორს, უცხო ქვეყანაში მისი მოხმარების თანმიმდევრულ წესს ნერგავენ. თუმცა, ჩვენში თანდათან მძლავრობს ინტერესი ამ თხევადი ორგანული სასუქის მიმართ, რომელმაც 2011 წელს დეკემბერში ლონდონის გალა-ცერემონიალზე მსოფლიოს ბევრი წარმომადგენელი გააკვირვა _ იგი მიჩნეული იქნა საუკეთესო ბიოინოვაციად. ოფიციალურად დაშვებულია ეკოლოგიურად სუფთა პროდუქტების მოსაყვანად, როგორც საქართველოში, ასევე, ევროკავშირში.

სემინარის თითოეულ მონაწილეს დაურიგდა ლიტერატურა, სადაც მითითებული იყო კლასიკური და ინოვაციური მეთოდების გამოყენების გზები ფერმერულ მეურნეობებში. "ორგანიკის" შემქმნელი, ექიმი ჰომეოპატი დავით ჩაჩანიძე, რომელიც სპეციალურად იყო მოწვეული ამ სემინარზე, ინოვაციური მეთოდების აღიარებული ლიდერია და ლონდონის გალა-ცერემონიალის გამარჯვებული.

მართალია, სემინარს ჰქონდა დღის წესრიგი, რომლის მიხედვითაც წარიმართა კიდეც, თუმცა ეს უფრო დისკუსია და პოლემიკა იყო, ინოვაციურ აზრთა გაცვლა-გამოცვლა, რასაც დამღლელად არ უმოქმედია ფერმერებზე და ღონისძიების დამთავრებამდე დარბაზიდან ფეხი არავის მოუცვლია.

შპს "ცეო-ტორფის" ტექნოლოგმა რევაზ შავიშვილმა ადგილობრივი ორგანული და მინერალური სასუქების შესახებ კიდევ ერთხელ შეახსენა ფერმერებს, რომ ჩვენ უნიკალური სიმდიდრის პატრონებს დასაკარგი არაფერი გვაქვს და კონკრეტული, მოზრდილი ექსკურსით შემოიფარგლა: _ იყო დრო, როცა ოზურგეთი საქართველოში ახალი ტექნოლოგიების განვითარების ცენტრად იყო მიჩნეული, ამ კუთხით ყველა სიახლე აქედან ინერგებოდა. აქაც მხედველობაში მიღებული იყო ძირითადად ტორფი და ორგანული სასუქი ნაკელი, რომელიც სოფელ მერიის ტერიტორიაზე განთავსებული ფერმებიდან შემოდიოდა და ტორფთან არეული მიეწოდებოდა კოლმეურნეობებს. შემდეგ ეს ყველაფერი დავიწყებას მიეცა ცნობილი მოვლენების გამო. ახლა დრომ გვიჩვენა, რომ, თურმე, ბევრი რამ კეთდებოდა ეკოლოგიურად სუფთა პროდუქტის მისაღებად. საჭიროა, არაერთ ტექნოლოგიას კვლავ მივუბრუნდეთ, გამოვიყენოთ ჩვენი სიმდიდრე.

2000 წლიდან, როცა ოზურგეთში თანმიმდევრულად ჩამოვიდნენ კივის თუ თევზის კონსულტანტები, ჩამოყვანილი იქნა ადგილობრივი ორგანული და მინერალური სასუქის სპეციალისტი ლუდი ვოლგნერი, რომელიც ჩაერთო ადგილობრივი ორგანულ-მინერალური სასუქების ტექნოლოგიაში ანასეულის მეცნიერებთან ერთად, შემუშავებული იქნა ადგილობრივი ორგანულ-მინერალური რეცეპტურა, რაც შემდეგ სახელმწიფო სტანდარტით დამტკიცდა და 2004 წელს შეიქმნა აგროსაწარმო "ცეოტორფი", რომელიც აწარმოებდა ორგანულ მინერალურ სასუქებს, რომლის ძირითადი კომპონენტი არის ტორფი და ცეოლიტი. ცეოლიტს მეცნიერება აფასებს, როგორც მომავლის მინერალს, რომელსაც გააჩნია საოცარი აკუმულირების უნარი _ ნიადაგიდან შეიწოვოს მინერალური სასუქები ან სხვა ნივთიერებები, არ ჩარეცხოს იგი ნიადაგში და ყოველივე მერე ნელ-ნელა მისცეს მცენარეს! მეცნიერება ამტკიცებს, რომ ნიადაგში შეტანილი სასუქებიდან, 50-60% ვერ მიდის ფესვებთან _ ირეცხება, ან ორთქლდება ცეოლიტი კი აკავებს მას და მაკროელემენტებს ნელ-ნელა გასცემს მცენარეზე და 7-8 წლის განმავლობაში მოქმედებს მასზე. კიდევ ერთი კომპონენტი, რომელიც ამ სასუქში იყო გამოყენებული, არის წყალტუბოს რაიონში მდებარე გოდოგნის ფოსფორიტის ფქვილი, რომლის დიდი საბადოები გაგვაჩნია. განსხვავება ფოსფორსა და ფოსფორიტის ფქვილს შორის არის ის, რომ ფოსფორი სუპერფოსფატების ქიმიური დამუშავების შედეგად არის მიღებული, ფოსფორიტის ფქვილი კი ბუნებაში მიღებული სასუქია.

სემინარის მონაწილეთა შორის, ციტრუსისა და თხილის მოსავლის გაუმჯობესებაზე, ისევე, როგორც სხვა დროს, ახლაც დაისვა კითხვები, თუმცა, ორგანიზატორთა მხრიდან მწვავე ირონიული ქვეტექსტიც მოჰყვა: _ ერთადერთია გურია, სადაც თხილს არ სხლავენ, არ წამლავენ, ფესვთან სასუქი არ მიაქვთ, დარგავენ ჩაის ნამყოფ ფართობზე და "უბრძანებენ", რომ, რაც შეიძლება მაღალი მოსავალი მოიტანოს, მოისხას ბევრი! ასეთ ნიადაგს კირით და დოლომიტით განოყიერება სჭირდება, რამაც შემდგომში მცენარე ისე უნდა კვებოს, როგორც დედამ შვილი.

მარინე სუნგულიამ გამოთქვა მოსაზრება, რომ დღეს გლეხი ნაკლებად ინფორმირებულია, არ აქვს ინფორმაცია, ამიტომ კარგი იქნება, თითოეულ სოფელს ჰქონდეს საცდელი ნაკვეთი, სადაც პრაქტიკულად დარწმუნდება ბიოსასუქების სიკეთეში.

_ როცა მე ათეული წლის მანძილზე მხოლოდ ბიოსასუქს ვხმარობ, "ორგანიკა" მოვასხურე და ადამიანი მაინც მეკითხება, აზოტი რამდენი მიეციო, ამას რა ჰქვია? თუ არ მოვმართეთ ტვინი ისე, რომ აუცილებლად ეკოლოგიურად სუფთა პროდუქტით უნდა ვიკვებოთ, არაფერი გამოვა, _ უკმაყოფილება, როგორც ყოველთვის, ახლაც მკვეთრად გამოხატა ცნობილმა ფერმერმა კაკო ღლონტმა, _ ხალხმა უნდა მოიხედოს ბიოლოგიურისკენ, მცენარის შენებისთვის ძირითადი კონკურენტები არის ფოსფორი, აზოტი და კალიუმი. ამ სამი ელემენტის გარეშე მისი წარმატებული განვითარება შეუძლებელია. ყველაზე ეფექტური არის ფოსფორიტის ფქვილი. ის ბიოლოგიურად სუფთაა და ფოსფორის გამამდიდრებელი. ამით ხდება ნიადაგის სწრაფვა განეიტრალებისკენ. ბუნებრივად ეს არის ნაცარი. ზედმეტი ბალასტი კი რყვნის ნიადაგს. ჩემი აზრით, კარგია, ქიმიური სასუქის გაძვირება, რადგან ხალხი უფრო მოიხედავს ბიოლოგიურისკენ. ბუნებაში ხომ არაფერი ხდება კანონზომიერების გარეშე? ღვინოში დუღილის ბაქტერიას მისივე წარმოშობილი სპირტი ახშობს, ასევე ჩაახშობს ქიმია საკუთარ თავს, თავისივე ფასების მატებით.

სემინარის მთავარმა ფიგურამ, ექიმმა-ჰომეოპატმა, ბიოტექნოლოგმა, თხევადი ორგანული სასუქის "ორგანიკას" შემქმნელმა დავით ჩაჩანიძემ, ალბათ, უფრო თავმდაბლობის გამო, აღნიშნა, რომ ნაკლებად აპირებდა სასუქზე საუბარს, რადგან თუ არ შეიძენს ვინმე "ორგანიკას," წავა ადამიანი, ნაკელს ფერმენტაციას გაუკეთებს და მოიხმარს. თუმცა, მან თქვა, რომ უკვე სახელმწიფო პოლემიკაა ამ ორგანული სასუქის გარშემო, უნდათ დუბაიში, სომხეთში, თურქეთში. სომხეთის პრეზიდენტმა გასცა დავალება, რომ მათი ქვეყანაში შეიძინონ "ორგანიკა" მთელი სავარგულებისთვის.

_ მე მსურს ერთ ძალზე საინტერესო საკითხზე გესაუბროთ _ ეს არის დაცვის საშუალებები, რის გამოც ამერიკის შეერთებულ შტატებს მივმართეთ, თუმცა, მისი შემოტანა იმდენად ძვირი აღმოჩნდა, რომ უარი ვთქვით. სოფლის მეურნეობის სამინისტროს დეპარტამენტში აღმოჩნდა ერთი ადამიანი, რომელსაც გენიალური აზრი გაუჩნდა და იკითხა: _ ხალხო, რას ეძებთ უცხოეთში? საქართველოში იყო ძალიან ბევრი ბრწყინვალე სპეციალისტი და მეცნიერი, ვინც მუშაობდა ბიოკონტროლზე; ასევე თბილისში, ტაბახმელაში იყო ბიოლოგთა უზარმაზარი კომბინატი. ჩვენ ვიპოვეთ ეს ხალხი _ ლაპარაკია საკმაოდ ასაკოვან ადამიანებზე, რომელთა სიხარულს საზღვარი არ ჰქონდა. მათ ათეული წლების წინ, "დაწყევლილ კომუნისტების დროს" რომ ვუწოდებთ, შექმნეს ბრწყინვალე ტექნოლოგიები. სოფლის მეურნეობის პროდუქციის, მინიმუმ, 30% იყო ეკოლოგიურად სუფთა, რაც ამ ხალხის ხარჯზე ხდებოდა. როცა მივაკითხეთ, ვერ წარმოიდგენთ, რაც ვნახეთ _ მაცივრებში საჭმელთან ერთად ჰქონდათ ეს ყველაფერი შენახული. თქვეს, ვფიქრობდით, რომ ვიღაც მოიკითხავს, ვიღაცას დასჭირდება, რაც არავითარ შემთხვევაში არ უნდა დაკარგულიყოო. ახლა ჩვენ გვაქვს ორი ფირმა _ ერთი, რომელიც აწარმოებს ორგანულ სასუქს, მეორე კი _ ბიოპესტიციდებს. მესამე ფირმაც შევქმენით _ შევძელით და დავიწყეთ ბიოკოსმეტიკის გამოშვება.

დარბაზიდან წამოსულ რეპლიკას, რომ ბიოლოგიური პრეპარატების ჯერადობა მეტია, ვიდრე ქიმიურისა, ჩაჩანიძემ სიმართლე იქვე შეაგება _ ეს მხოლოდ საწყობში!

ფერმერებმა იქვე გადაიანგარიშეს, რომ ერთ ჰექტარ ფართობზე სიმინდს თუ 240 ლარის ღირებულების აზოტოვანი ანუ ქიმიური სასუქი სჭირდება, 65 ლარის "ორგანიკაა" საკმარისი, რომელიც ბიოსასუქია!

სემინარის დასასრულს, ფერმერებს დაშლაც არ უნდოდათ, იმდენად შევიდნენ დისკუსიაში. ინოვაციურმა წიაღსვლამ თავისი ჰქნა: _ ფერმერსა და გამომგონებელს, უკვე მეცნიერულ დონეზე აქვს ინფორმაცია და უფრო უნდა გაძლიერდეს პრაქტიკული ქმედება. ეს კი მოიტანს შედეგს, რომ მეცნიერები და პრაქტიკოსები თანდათან სწორ, პრაქტიკაში გაჯერებულ ინფორმაციებს გაუცვლიან ერთმანეთს. ეს კი, საბოლოოდ, ისევ ფერმერისავე ჯიბეზე ძალზე დადებითად აისახება, _ განაცხადა გიგა ხარაბაძემ და უახლოეს მომავალში კვლავ ასეთი ცოცხალი, ინოვაციური თემებით დატვირთული შეხვედრა ისურვა.




 ახალი ამბები
  • ჩიჩილაკის კულტურულ მემკვიდრეობის ნუსხაში შეტანის საკითხი ჩქარი ტემპით იწყებაჩიჩილაკისა და კალანდობის კულტურულ მემკვიდრეობის ნუსხაში შეტანის საკითხი ჩქარი ტემპით იწყება. “სალომე ზურაბიშვილმა სურვილი გამოთქვა, მუდმივად იყოს ჩართული პროცესებში და აღგვითქვა დახმარება, მუდმივად იქნება ამ საკითხების მხარდამჭერი, რომ პროცესები უფრო სწორად და სწრაფად წარიმართოს“,_ აღნიშნული განცხადება საქართველოს პრეზიდენტთან შეხვედრის შემდეგ საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორმა, ნიკოლოზ ანთიძემ, გააკეთა. პრეზიდენტის ფეისბუქის გვერდზე ვრცელდება ინფომაცია, რომ შეხვედრაზე საუბარი იყო ჩიჩილაკისა და გურული კალანდობის არამატერიალური კულტურული მემკვიდრეობის ძეგლად გამოცხადების საკითხის შესახებ. „პრეზიდენტთან დეტალურად გავიარეთ, თუ როგორ უნდა მომზადდეს საკითხი. ჩვენ დავიწყეთ კიდეც საჯარო განაცხადის შევსება,“ _ აცხადებს ნიკოლოზ ანთიძე. ინიციატივა ჩიჩილაკისა და გურული კალანდას არამატერიალური კულტურული მემკვიდრეობის ძეგლად გამოცხადების შესახებ საქართველოს პრეზიდენტს, სალომე ზურაბიშვილს, ეკუთვნის და 13 იანვარს სოფელ დვაბზუში ... ...
  • სასამართლომ "რუსთავი 2"-ის საქმეზე დვალის და აქიმიძის სარჩელი განუხილველად დატოვათბილისის საქალაქო სასამართლომ დღეს, 17 იანვარს, გაავრცელა ინფორმაცია, რომლის მიხედვითაც, სასამართლომ 2020 წლის 10 იანვარს განუხილველად დატოვა ჯარჯი აქიმიძისა და დავით დვალის (წარმომადგენელი – კახა კოჟორიძე) სარჩელი, მოპასუხეების, ქიბარ ხალვაშისა და პაატა კარსანიძის მიმართ ტელეკომპანია “რუსთავი 2-ის” წილის ნასყიდობის ხელშეკრულების ბათილად ცნობის, საჯარო რეესტრში წილის რეგისტრაციის გაუქმებისა და შპს-ს წილის მესაკუთრედ ცნობის მოთხოვნის თაობაზე. სასამართლომ ზეპირი მოსმენის გარეშე განიხილა საქმის მასალები და მიიჩნია, რომ მოსარჩელე მხარემ ვერ უზრუნველყო სამოქალაქო საპროცესო კოდექსით გათვალისწინებული მოთხოვნის დაცვა, კერძოდ, სარჩელისა და თანდართული მასალების მოპასუხისთვის ჩაბარება და კანონით დადგენილ ვადაში ჩაბარების ან/და ჩაუბარებლობის დამადასტურებელი დოკუმენტების  სასამართლოში წარმოდგენა. როგორც სასამართლო აცხადებს, მოსარჩელის მხრიდან კანონით დადგენილი ნორმის მოთხოვნის შეუსრულებლობის გამო, სასამართლომ  მოცემულ საქმეზე გააუქმა თბილისის საქალაქო სასამართლოს სამოქალაქო საქმეთა კოლეგიის 2019 წლის 18 ოქტომბრის განჩინებით გამოყენებული სარჩელის უზრუნველყოფის ღონისძიება, რომლის საფუძველზეც ყადაღა დაედო შპს “სამაუწყებლო კომპანია რუსთავი 2-ის” პარტნიორის, ქიბარ ხალვაშის კუთვნილ 60% წილს. სასამართლოს განჩინება შეიძლება გასაჩივრდეს კერძო საჩივრით მხარისათვის მისი ჩაბარებიდან 12 დღის ვადაში თბილისის სააპელაციო სასამართლოს სამოქალაქო საქმეთა პალატაში.  ამავე თემაზე: "რუსთავი 2"-ის 60 % დაყადაღებულია _ სასამართლომ აქიმიძის და დვალის სარჩელი წარმოებაში მიიღო ნიკა გვარამიას „რუსთავი 2“-ის საქმეზე ახალი ბრალი წაუყენეს სამხარაულის ექსპერტიზის ბიურო: დოკუმენტზე ქიბარ ხალვაშის ხელმოწერა არაა ... ...
  • თბილისში 1 პირი მაღაზიის გაქურდვის მცდელობის დროს დააკავესშინაგან საქმეთა სამინისტროს საპატრულო პოლიციის ისანი-სამგორის სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, ქურდობის მცდელობის ბრალდებით, 1987 წელს დაბადებული ჯ.ს. თბილისში დააკავეს. ჩადენილი დანაშაული 3-დან 5 წლამდე ვადით თავისუფლების აღკვეთას ითვალისწინებს. საპატრულო პოლიციის თანამშრომლებმა ბრალდებული იმ დროს დააკავეს, როდესაც მან სამგორის ქუჩაზე მდებარე ერთ-ერთ მაღაზიაში უკანონოდ შეაღწია და სავაჭრო დაწესებულებიდან ფულისა და ლეპტოპის მოპარვას ცდილობდა. ქურდობის მცდელობის ფაქტზე გამოძიება საქართველოს სსკ-ის 19-177-ე მუხლის მე-2 ნაწილის „ა" და „ბ" ქვეპუნქტებით ... ...
  • მიკროავტობუსის მძღოლს 15 წლის გოგოსთან გარყვნილი ქმედებისთვის 6 წელი მიუსაჯესხელვაჩაურში მცხოვრები 29 წლის კაცი 15 წლის გოგოსთან გარყვნილი ქმედებისთვის, ასევე პირადი ცხოვრების ამსახველი საიდუმლოს ხელყოფის მუხლით გაასამართლეს. პროკურატურა მას გოგოს გაუპატიურებასაც ედავებოდა, თუმცა ეს სასამართლომ არ დაადასტურა. განაჩენის მიხედვით, შემთხვევა ღამის საათებში, ჭოროხის სანაპიროზე მოხდა. 29 წლის ბრალდებულმა დაზარალებულად ცნობილი 15 წლის მოზარდი თავის კუთვნილ მიკროავტობუსში გაიცნო და მასთან კომუნიკაცია სოციალურ ქსელში გააგრძელა. დაზარალებული გოგოს ჩვენებით, მას ბრალდებულმა სახლში საღამოს მიაკითხა და დალაპარაკება სთხოვა. მიკროავტობუსი ჭოროხის სანაპიროზე გაჩერდა. დაზარალებულმა გოგომ მოსამართლე ნუგზარ მგელაძეს უთხრა, რომ მას ბიჭი მანქანიდან გარეთ აღარ უშვებდა, კოცნიდა და სექსუალურ კონტაქტს აიძულებდა. მოგვიანებით, გოგოს ხელები ბრალდებულმა მანქანის ღვედით შეუკრა. გოგომ სახლში დაბრუნება დილის 6 საათზე შეძლო. მას მშობლები ეძებდნენ და პოლიციისთვის უკვე მიმართული ჰქონდათ. პროკურატურამ ბრალდებულს გაუპატიურების და გარყვნილი ქმედების ჩადენის მუხლით წაუყენა ბრალი, თუმცა ჩხრეკის შედეგად აღმოჩნდა, რომ ბრალდებულს საკუთარ მობილურ ტელეფონში 15 წლის გოგოსთან კოცნა ვიდეოთი ჰქონდა გადაღებული და პროკრატურამ ბრალდებულს პირადი ცხოვრების საიდუმლოს ხელყოფის მუხლითაც წაუყენა ბრალი. გაუპატიურება ამ საქმეზე სასამართლომ არ დაადასტურა და აღნიშნა, რომ მხოლოდ დაზარალებულად მიჩნეული გოგოს ჩვენება საკმარისი არ არის. „სასამართლოს მიაჩნია, რომ მხოლოდ მისი ჩვენება საკმარისი არ არის გამამტყუნებელი განაჩენის გამოსატანად, რადგან სასამართლო სხდომაზე გამოკვლეული დანარჩენი მტკიცებულებები  ეჭვქვეშ აყენებს მათ უტყუარობას. ბრალდებულის მიერ ძალადობით სხეულში სექსუალური ხასიათის შეღწევის შესახებ სასამართლოს ინფორმაციას აწვდის მხოლოდ თვით დაზარალებული, სხვა რაიმე პირდაპირი მტკიცებულება, ექსპერტიზის დასკვნა, ან სხვა მტკიცებულება, რომელიც ერთმნიშვნელოვნად დაადასტურებდა ძალადობის ფაქტს, საქმეში არ მოიპოვება და მხოლოდ აღნიშნული ჩვენება არ შეიძლება გახდეს გაუპატიურების ნაწილში მსჯავრდების საფუძველი,“ – აღნიშნულია განაჩენში. ბრალდებულმა დანაშაული უარყო. მან მოსამართლეს უთხრა, რომ გოგოს მოეფერა, მაგრამ ეს მისი თანხმობით გააკეთა და ვიდეოც მისი თანხმობით გადაიღო. ბრალდებულმა ასევე თქვა, რომ არ იცოდა, თუ გოგო 16 წლის არ იყო. გარყვნილი ქმედებისთვის და პირადი ცხოვრების საიდუმლოს ხელყოფისთვის ფ.-ს 6 წლით თავისუფლების აღკვეთა მიუსაჯეს. ჯაბა ანანიძე ... ...
  • 20 წლის დედა ახალშობილის მკვლელობისთვის გაასამართლესხელვაჩაურის ერთ-ერთ სოფელში მცხოვრები ქალი ახალშობილის განზრახ მკვლელობის მუხლით გაასამართლეს. მას მოსამართლე ნუგზარ მგელაძემ 4 წლით თავისუფლების აღკვეთა შეუფარდა, რაც ჩაეთვალა პირობით გამოსაცდელი ვადით. შემთხვევა 2018 წლის თებერვალში მოხდა – 20 წლის გოგომ სახლში იმშობიარა. გამოძიების ვერსიით, საძინებელ ოთახში „მშობიარობის შემდეგ უმალვე კისრის ორგანოებზე დაწოლით მან განზრახ მოკლა მამრობითი სქესის ახალშობილი…“, – აღნიშნულია განაჩენში. ადგილზე მისულ პოლიციელებს ახალშობილი უკვე გარდაცვლილი დახვდათ, ქალი კლინიკაში გადაიყვანეს. ბრალდებულმა დანაშაულის ჩადენა აღიარა და უდავოდ მიიჩნია ყველა მტკიცებულება, რაც პროკურორმა მის წინააღმდეგ წარმოადგინა. „სასამართლო მიიჩნევს, რომ ბრალდებული, რომელიც ადრე არ არის ნასამართლევი, აღიარებს, ინანიებს და მძიმედ განიცდის ჩადენილ დანაშაულს, სასჯელი უნდა დაენიშნოს იმ ზომით, რაც შეესაბამება მსჯავრდებულის ქმედების სიმძიმეს, მის პიროვნებას და დანაშაულის შემდგომ ქცევას და რაც არ იქნება მკაცრი და უსამართლო, რაც სასამართლოს აზრით უფრო მეტად შეუწყობს ხელს სამართლიანობის აღდგენას და მის საზოგადოებაში ინტეგრაციას,“ – წერია განაჩენში. 20 წლის ქალი სისხლის სამართლის კოდექსის 112 -ე მუხლის შესაბამისად გაასამართლეს. ეს მუხლი გულისხმობს  „დედის მიერ ახალშობილის განზრახ მკვლელობას მშობიარობისას ან მშობიარობის შემდეგ უმალვე“. დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე. წყარო: ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

იუმორი და ასტროლოგია

ვერძი - მუშაობს პრობლემური სესხების...

ცოცხის „მაგიური“ ძალა

ბევრ ქვეყანაში არსებობს გარკვეული "ცრურწმენები",...

"წიწაკიანი" ქალები ზოდიაქოს ნიშნის მიხედვით

მორიელი _ ქალი მორიელის გამოხედვა ხერხს...

არსებობს თუ არა ერთი ნახვით სიყვარული

ოდესმე თქვენს ცხოვრებაში მომხდარა ისე,...

ყავის მომზადების რეცეპტები მსოფლიოში

ვიეტნამი - ყავის მომზადების დროს...

როგორ შევინარჩუნოთ მამაკაცი

არასდროს უყვიროთ მას - ის...