ფრთხილად _ შეწამვლა ფუტკარს ვნებს!

კარმიდამო ჩემი

ფრთხილად _ შეწამვლა ფუტკარს ვნებს!

1970 იან 1 04:00:00
ფუტკრის ამოუწურავი შესაძლებლობები მეცნიერებს ბოლომდე არ აქვთ შესწავლილი. იგი 6 სახეობის პროდუქტს იძლევა და ექვსივე გამორჩეულია სასარგებლო თვისებებით. თაფლი, სანთელი, დინდგელი, ფუტკრის რძე, ყვავილის მტვერი და შხამი _ ყველა ამ პროდუქტს გამოყენება აქვს, როგორც ყოველდღიურ მოხმარებაში, ისე მეცნიერებასა და კოსმეტოლოგიაში.

ჭაბუკა ფაცურია მოყვარული მეფუტკრეა, მაგრამ ბევრი რამ იცის ამ საქმის შესახებ და ცოდნას გამუდმებით იღრმავებს.

ახალგაზრდა მეფუტკრე გვიყვება: _ 9 წელია მეფუტკრეობას მივყვები. საქმე ფუტკრის ერთი ოჯახით დავიწყე, რომელიც მაჩუქეს. თავიდან არაფერი ვიცოდი. ამ საქმის შესწავლაში 2 მეგობარი დამეხმარა. საქართველოს მეფუტკრეობის ინსტიტუტში 6-თვიანი კურსები გავიარე. ამ ინსტიტუტის რექტორია საქართველოში ცნობილი პიროვნება ვენერა სტეფანიშვილი. ის დაახლოებით ასორმოცდაათი შრომის ავტორია და ფუტკრის დაავადებების საწინააღმდეგო პრეპარატებს თვითონ ამზადებს.

ამის შემდეგ უკვე პრაქტიკულ საქმიანობას ვეწეოდი ჩემს საფუტკრეში. ეს საქმე საკმაოდ შრომატევადია _ გაზაფხულიდან იწყება ფუტკართან მუშაობა. პირველ რიგში, როცა გავხსნით სკას, ფუტკარი მოწმდება საკვებ მარაგზე, ანუ რა რაოდენობით აქვს თაფლი. ამის შემდეგ მოწმდება დედის ავკარგიანობა, შემდეგ რა სიძლიერისაა ოჯახი _ ითვლება ჩარჩოების რაოდენობა. შემდეგ ხდება ეტაპობრივი განვითარება, მაგალითად, ბუდის გაფართოება _ ძირითადი შევსების შემდეგ ზევიდან ვამატებთ მეორე კორპუსს. მე ვმუშაობ კაშკოვსკის მეთოდით, რომელიც შედარებით ახალი მეთოდია. წინა წლებში ბუდეს ვაფართოვებდი მრავალჯერადად, ახლა ქვედა კორპუსი რომ შეივსება, ზედა კორპუსში ვამატებთ 12 ჩარჩოს. აქედან 6 ხელოვნური ფიჭაა, 6 კი _ წინა წელს აშენებული. პირველად წელს გამოვიყენე ეს მეთოდი და ძალიან გაამართლა _ ერთი ოჯახიდან ერთჯერადად 65 კილოგრამი თაფლი დავწურე. წინა წლებში ერთი ოჯახიდან სეზონზე 50-60 კილოგრამ თაფლს ვიღებდით. ამ მეთოდით მეფუტკრის შრომის დაზოგვაც ხდება და ერთ ადამიანს შეუძლია გაცილებით მეტ სკას მოუაროს. ყოველ თვეში დავდივარ ქუთაისში სემინარებზე. სემინარებს ატარებს ამ დარგის ერთ-ერთი წამყვანი სპეციალისტი საქართველოში იუზა გიგაშვილი. ეს ადამიანი ხელს უწყობს მეფუტკრეობის განვითარებას მთელ საქართველოში. იგი პრაქტიკოსი მეფუტკრეა, თერჯოლაში მეურნეობა აქვს მოწყობილი. ამ სემინარებზე გვაცნობს სიახლეებს, გვაწვდის ისეთ ინფორმაციას, რაც ჩვენს სინამდვილეშია დანერგილი.

საუბარში ერთვება ჭაბუკას მამა გოგი ფაცურია: _ ინგლისში ცხოვრობს ლანჩხუთელი ახალგაზრდა კოტე კუტალაშვილი. მას დიდი სურვილი აქვს ლანჩხუთის განვითარებაში ჩაიდოს ინგლისური ინვესტიცია.მისი მეშვეობით გავიცანით ინგლისელი ბიზნესმენი იკრამ ლოკატი. იგი დაინტერესდა ჩვენი მეურნეობით, მინისაწარმოთი და გადაწყვიტა ფული ჩადოს ამ საქმეში. 2 კვირის წინ იყო ჩამოსული და შეისწავლა სიტუაცია. სექტემბრიდან ხელი მოეწერება ხელშეკრულებას და შევძლებთ თაფლის გადამამუშავებელი საწარმო გავხსნათ. ინგლისელი ბიზნესმენი მოიხიბლა ჩვენი თაფლის გემოვნური თვისებებით. ამ საქმეში ყველაზე მნიშვნელოვანია ბაზრის ათვისება. მოგეხსენებათ, რომ თაფლის რეალიზაცია რთულია. ლოკატის მეშვეობით ჩვენ მოვახერხებთ ინგლისის ბაზარზე გასვლას და თუ ეს მოხდა, ჩვენი საწარმო რეგიონული მნიშვნელობის გახდება. მან ჩამოიტანა ინგლისიდან თაფლი. არც კი შეიძლება ჩვენებურ თაფლს შევადაროთ. ჩვენთან ბუნებრივი გარემოა ისეთი, რომ ხარისხობრივად უკეთეს თაფლს ვიღებთ.

რაც შეეხება ფუტკრის რძეს, ჩვენ ვერ ვახდენთ მის მიღებას. ჭაბუკამ შეისწავლა მიღების მეთოდი და მომავალი წლიდან ვაპირებთ დანერგვას. ჩვეულებრივი ფუტკარი 3 დღის განმავლობაში იკვებება ამ რძით, შემდეგ იღებს უხეშ საკვებს _ თაფლს და ჭეოს. ფუტკრის სიცოცხლის მაქსიმალური ხანგრძლივობა 40 დღეა. დედა ფუტკარი მთელი სიცოცხლის განმავლობაში იკვებება ფუტკრის რძით და 5 წელიწადს ცოცხლობს. იაპონიაში დააკვირდნენ ამ პროცესს და თავისდა სასარგებლოდ გამოიყენეს _ ატომური დაბომბვის შემდეგ, იაპონელთა სიცოცხლის ხანგრძლივობა ძალიან შემცირდა. იაპონელები ტონობით ყიდულობენ ფუტკრის რძეს და პატარა ასაკიდანვე აჭმევენ ბავშვებს. დღესდღეობით სიცოცხლის ხანგრძლივობა ყველაზე მაღალია იაპონიაში.

უცხოეთში ყველამ კარგად იცის ფუტკრის რძის სასარგებლო თვისებების შესახებ, ჩვენთან კი ინფორმაცია ძალიან ნაკლებია. ამ დარგს ყურადღება სახელმწიფოს მხრიდან თითქმის არ ექცევა. რაც უფრო მეტი ინფორმაცია იქნება, მით უფრო მეტ ცოდნას მიიღებს ხალხი. იმუნიტეტის ასამაღლებლად ფუტკრის რძე შეუცვლელი პროდუქტია. ქართველი მეცნიერი ივანე ნიკოლაძე ამტკიცებს, რომ ქართული ფუტკრის რძეში უფრო მეტი რაოდენობითაა ამინომჟავები და სხვა სასარგებლო ნივთიერებები, ვიდრე სხვა ჯიშის ფუტკრის რძეში. მსოფლიოში ფუტკრის 6 ჯიშია და მათ შორის ერთ-ერთია ქართული ფუტკარი.

_ მეფუტკრეები კიდევ ერთი პრობლემის წინაშე ვდგავართ, _ ამბობს გოგი ფაცურია, _ ამერიკული პეპლის საწინააღმდეგო პრეპარატები ფუტკარს ანადგურებს და თითქმის ანახევრებს მის რაოდენობას. არსებობს ბიოლოგიური ხსნარი _ დიპელი, რომელიც კარგად უმკლავდება ამერიკულ მავნებელს და არ მოქმედებს ფუტკარზე. მაგრამ ის უფრო ძვირი ღირს ჩვეულებრივ პრეპარატებთან შედარებით, სოფლის მეურნეობის სამინისტრო კი თავს არ იწუხებს მისი შემოტანით. ხომ შეიძლება ვისაც ფუტკარი ჰყავს, ეს ხსნარი დაურიგდეს, რომ ეს სასარგებლო მწერი არ განადგურდეს?! წელს მაქვს ინფორმაცია, რომ ხუთჯერ უფრო ტოქსიკური ხსნარით მოხდება შეწამვლა, გამოდის რომ ხუთჯერ უფრო მეტი ფუტკარი დაიხოცება. ამ საქმესაც მოვალეობის მოხდის მიზნით ეკიდებიან.

ჩვენ ჩვენი მხრიდან დავამატებთ, რომ ეს ხალხი მნიშვნელოვან საქმეს აკეთებს და სახელმწიფოდან მხარდაჭერას იმსახურებს.




 ახალი ამბები
  • რომელი საწარმოები და ობიექტები გააგრძელებენ მუშაობას კარანტინის დროსრომელი საწარმოები და ობიექტები გააგრძელებენ მუშაობას ჩვეულ რეჟიმში - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ტელეკომპანია „იმედის“ გადაცემა „ქრონიკაში“ ისაუბრა. „აუცილებლად იმუშავებენ სააფთიაქო ქსელები და სურსათის მაღაზიები. რა თქმა უნდა სრული ხელმისაწვდომობა ექნება ჩვენს მოსახლეობას სამედიცინო მომსახურებაზე. იმუშავებენ მობილური კავშირგაბმულობის კომპანიები, ტელევიზიები, ბენზინგასამართი სადგურები ასევე საფოსტო მომსახურება იქნება ხელმისაწვდომი. ყველა ის მუნიციპალური სერვისი, როგორიც არის წყალი, დენი, გაზი. იმუშავებს სურსათის მომარაგების მთელი ჯაჭვი, რომელიც საჭიროა მაგალითად პურის საცხობები და თონეები“ - განაცხადა ცქიტიშვილმა. მინისტრის თქმით მზა კვების ობიექტები დისტანციური მიწოდების რეჟიმით იმუშავებენ, ასევე ფუნქციონირებას გააგრძელებენ მიტანის სერვისებიც. „ყველაფერი ის, რაც გარდაუვალი და აუცილებელია ჩვენი ფუნქციონირებისთვის, მასთან დაკავშირებული საქმიანობა, როგორიც არის თუნდაც სადისტრიბუციო მანქანების მოძრაობა, რომელიც არის საჭირო სასურსათო მაღაზიების უზრუნველყოფისთვის, ესეც ბუნებრივია იმუშავებს. გარდა ამისა, როდესაც უკვე ვსაუბრობთ ეკონომიკის სხვა მიმართულებებზე, სადაც შესაძლოა კითხვის ნიშნები არსებობდეს, ეს თუ ის საწარმო რამდენად სტრატეგიული მნიშვნელობისაა. ამ შემთხვევაში ასევე ჩვენ, მაგალითისთვის თუნდაც ბოლნისის და მარნეულის მუნიციპალიტეტებში, სადაც უფრო მკაცრი საკარანტინო პირობები იქნა შემოღებული, იქაც კი სოფლის მეურნეობის და ეკონიმიკის სამინისტროს მიერ იყო განსაზღვრული ის ობიექტები, მაგალითად კონცერნი „მარნეული“ რომელიც საკონსერვო პროდუქციას აწარმოებს დ აგრძელებს მუშაობას“ - განაცხადა ცქიტიშვილმა. ... ...
  • ხობის მუნიციპალიტეტში მცხოვრები 1000 ოჯახი საკვები პროდუქტების პაკეტს მიიღებს ხობის მუნიციპალიტეტში მცხოვრები სოციალურად დაუცველი 1000 ოჯახი საკვები პროდუქტების პაკეტს მიიღებს,- ამის შესახებ ინფორმაციას ხობის მუნიციპალიტეტის მერია ავრცელებს. მათივე ინფორმაციით, სამომხმარებლო პროდუქტების შესაძენად ადგილობრივ ბიუჯეტიდან 50 000 ლარამდე დაიხარჯება. ხობის მუნიციპალიტეტის მერის წარმომადგენლები სოციალურად დაუცველ ოჯახებს პროდუქტებს სახლში ... ...
  • დედაქალაქში დამატებითი შეზღუდვები წესდებაქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო. როგორც დედაქალაქის მერიის მიერ გავრცელებული ინფორმაციით, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება. აკრძალვა, როგორც თბილისის მუნიციპალიტეტის, ასევე, ქვეყნის დანარჩენ ტერიტორიაზე იმოქმედებს. „აღნიშნულ პერიოდში, დედაქალაქის მასშტაბით გადაადგილება დასაშვები იქნება მხოლოდ მსუბუქი ავტომობილით, მათ შორის ტაქსით, იმ შემთხვევაში, თუ ჯანდაცვის სამინისტროს რეკომენდაციები სრულად იქნება გათვალისწინებული - ავტომანქანაში, მძღოლის ჩათვლით, უნდა მოთავსდეს მხოლოდ სამი ადამიანი. მათგან ორი ადამიანი, უნდა მოთავსდეს ავტომანქანის უკანა სავარძელზე, გარკვეული დისტანციის დაცვით. კიდევ ერთხელ შევახსენებთ ჩვენს მოქალაქეებს, განსაკუთრებით კი ტაქსის მძღოლებს, რომ მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. წინააღმდეგ შემთხვევაში, შესაბამისი ორგანოები კანონის ფარგლებში იმოქმედებენ“,_ ნათქვამია დედაქალაქის მერიის მიერ გავრცელებულ ... ...
  • რა მნიშვნელოვანი შეზღუდვები წესდება ქვეყანაშისაქართველოში ხვალიდან საყოველთაო კარანტინი და ე.წ. კომენდატის საათი ამოქმედდება. ამის შესახებ განცხადება პრემიერ-მინისტრმა ცოტა ხნის წინ გააკეთა. რას ითვალისწინებს აღნიშნული მდგომარეობა ქვეყანაში, რა მნიშვნელოვანი შეზღუდვები უნდა გაითვალისწინოს მოსახლეობამ_ ამ საკითხზე „გურია ნიუსი“  ილიას სახელმწიფო უნივერსიტეტის სამართლის სკოლის ასოცირებულ პროფესორს, კონსტიტუციონალისტ კოტე ჩოკორაიას ესაუბრა. „პრემიერ-მინისტრის განცხადებას ვუსმინე, რაც გულისხმობს პირველ რიგში შეზღუდვებს გადაადგილებასთან დაკავშირებით, ანუ მნიშვნელოვანი შეზღუდვებია. იკრძალება ყველა ტიპის სატრანსპორტო გადაადგილება ქალაქებს შორის, გარდა ავტომობილისა, მათ შორის თბილისში მეტროთი და ავტობუსით მგზავრობა. გადაადგილება მხოლოდ ავტომობილით არის შესაძლებელი და იქაც თავისი წესებია. 3 ადამიანზე მეტი არ შეიძლება, რომ იყოს ავტომობილში. მნიშვნელოვანი შეზღუდვა, რაც აქამდე არ იყო 3-ზე მეტი ადამიანის შეკრების შეზღუდვაა და ასევე მნიშვნელოვანი შეზღუდვა ეხება  70 წელზე მეტი ასაკის მქონე ადამიანებს, რომელთაც პრინციპში ეკრძალებათ გამოსვლა და მეოთხე, ესაა ე.წ. კომენდატის საათი. ეს არის უბრალოდ გადაადგილების შეზღუდვა, საკარანტინო შეზღუდვის კომპონენტი, როდესაც ადამიანებს ეკრძალებათ საღამოს 9-დან დილის 6-ამდე გამოსვლა. იმისთვის, რომ უფრო მარტივი აღსაქმელი ყოფილიყო ამიტომ თქვეს ე.წ. კომენდატის საათი. კომენდატის საათი ცოტა სხვა რაღაცებს მოიცავს თავის თავში, თუმცა, შინაარსით ამას ჰგავს. ე.წ. კომენდატის საათი, ნიშნავს იმასაც, რომ ადამიანებმა მგზავრობა ისე უნდა დაგეგმონ, რომ გადაადგილება არ გახორციელდეს 9 საათის მერე“,_ გვითხრა ჩოკორაიამ. საქართველოში საგანგებო მდგომარეობის რეჟიმის კიდევ უფრო მკაცრი სახით ამოქმედება კორონავირუსთან ბრძოლას ... ...
  • როდის ჩატარდება გამოცდა სპეცმასწავლებლებისთვის და იგეგმება თუ არა მათი ხელფასების ზრდაქვეყანაში შექმნილი სიტუაციის მიუხედავად, განათლების სამინისტრომ, პრაქტიკოსი მასწავლებლებისთვის და მასწავლებლობის მსურველებისთვის,ზაფხულში ორგანიზებული საგნობრივი და პროფესიული კომპეტენციების დადასტურების ტესტირებისთვის, რეგისტრაცია გამოაცხადა. დაპირების მიუხედავად,  იმედგაცრუებული დარჩნენ სპეციალური მასწავლებლები. ბუნებრივია, ამან კიდევ ერთხელ გამოიწვია მათი გულისწყრომა, სოციალურ ქსელში გაფიცვასაც კი აანონსებდნენ… ნაწილი, სავარაუდოდ, გადაუმოწმებელ ინფორმაციას ავრცელებდა იმის შესახებ, რომ მართალია, გამოცდა არ დაინიშნა, მაგრამ სპეციალური მასწავლებლის სახელფასო ზრდა იგეგმებაო… მოკლედ, გაურკვევლობაში მყოფი სპეცმასწავლებლების ინტერესებიდან გამომდინარე, ვცადეთ გაგვერკვია – ჩატარდება თუ არა წელს გამოცდა სპეცმასწავლებლებისთვის და იგეგმება თუ არა ხელფასების ზრდა? როგორც ირკვევა, ამჯერადაც, ისინი კიდევ ერთხელ უნდა ენდონ სიტყვაზე ამ სფეროს კომპეტენტურ ადამიანებს – საქმე არც თუ ისე ცუდადაა. როდის დამტკიცდება სპეცმასწავლებლის სქემა? როდის დაინიშნება მათთვის გამოცდა? ვინ გახდება უფროსი სპეციალური მასწავლებელი და როდის გაეზრდებათ სპეცმასწავლებლებს ხელფასი? – ამ კითხვებზე მასწავლებელთა პროფესიული განვითარების ეროვნული ცენტრის ინკლუზიური განათლების ხელშეწყობის პროგრამის მენეჯერი სალომე ჩარკვიანი გვიპასუხებს: _ რა ეტაპზეა ახლა სპეცმასწავლებლის სქემა და ჩატარდება თუ არა ზაფხულში სპეცმასწავლებლებისთვის გამოცდა? სქემაზე მუშაობა დასრულებულია და დასამტკიცებლად არის გადაცემული, ასევე, უნდა დამტკიცდეს სტანდარტიც. გამოცდის დასანიშნად საჭიროა საკანონმდებლო ცვლილებები. რადგან ასეთ ფორსმაჟორულ სიტუაციაში ვართ, სავარაუდოდ, ალბათ, ეს მინისტრის ბრძანების დონეზე მოხდება. ბრძანების დამტკიცებისთანავე, ნაეკი შეძლებს დადოს პროგრამა, რომელიც, პრინციპში, უკვე დიდი ხანია, გამზადებული აქვს. როგორც კი პროგრამა დაიდება, სპეცმასწავლებლებისთვის ცალკე გამოცხადდება რეგისტრაციაც და დაორგანიზდება გამოცდა. სამწუხაროდ, ჯერ არ ვიცით გამოცდის კონკრეტული თარიღი, თუმცა, შემიძლია გითხრათ, როცა მასწავლებელთა კომპეტენციის დასადასტურებელი გამოცდები ჩატარდება, სპეცმასწავლებლის გამოცდაც იმ პერიოდში მოიაზრება. _ რამდენსაფეხურიანია სქემა და შეძლებენ თუ არა მასწავლებლები, გამოცდის გარეშე, რომელიმე საფეხურზე გადასვლას? ამ ეტაპზე, სპეციალური მასწავლებლის პროფესიული განვითარების სქემა სამსაფეხურიანია – პრაქტიკოსი, უფროსი და წამყვანი, ჯერჯერობით არ გვეყოლება მენტორი. სქემის დამტკიცებისთანავე, პრაქტიკოსის სტატუსი მიენიჭება სისტემაში მოქმედ ყველა სპეცმასწავლებელს, ხოლო უფროსი მასწავლებელი ავტომატურად გახდება ის სპეცმასწავლებელი, რომელსაც მაგსიტრის ხარისხი აქვს. დანარჩენი პრაქტიკოსები კი, სტატუსის ამაღლებას გამოცდის ჩაბარებით შეძლებენ. რაც შეეხება წამყვანი მასწავლებლის სტატუსის მინიჭებას, წამყვანის გამოცდა მომავალ წელს იგეგმება და მას, თავისთავად, უფროსი მასწავლებლები ჩააბარებენ. _ რამდენ გამოცდის ჩაბარება მოუწევს სპეცმასწავლებელს? _ სპეცმასწავლებელს მხოლოდ ერთი გამოცდის ჩაბარება მოუწევს, ვინაიდან ის საგანს არ ასწავლის, შესაბამისად, იქნება სპეციალური განათლების გამოცდა – საგამოცდო ტესტები ნაეკმა ჩვენ მიერ მიწოდებული მასალების საფუძველზე მოამზადა. _ ხელფასის მატებაზე რას გვეტყვით – მართალია თუ არა მათ მიერ გავრცელებული ინფორმაცია, რომ ხელფასი ეზრდებათ? სამწუხაროდ, ახლა არ ვართ იმ ეტაპზე, რომ ხელფასები გაიზარდოს, კორონავირუსით გამოწვეულმა პრობლემებმა ძალიან ბევრ რამეს შეუქმნა პრობლემა და ბევრი რამ გადავადდა კიდეც. მათ შორის, სქემაც, რომელიც, რომ არა ეს პროცესები, უკვე დამტკიცებული იქნებოდა. რაც შეეხება სპეცმასწავლებლის ხელფასის მატებას, განვმარტავ, რომ ის აუცილებლად მიბმული იქნება სქემაზე, მომზადდება შესაბამისი ბრძანება სპეცმასწავლებლის დაფინანსების შესახებ.   როგორც იცით, ახლა ყველა მასწავლებელს სტანდარტული ანაზღაურება აქვს, მინისტრის მოადგილის დაკვეთა კი, ასეთია: შეიცვალოს არსებული წესი და ანაზღაურება იყოს ინდივიდუალიზირებული. თუმცა, როგორც გითხარით ჯერ შეცვლილი არაფერი არ არის, ეს პროცესიც დაწყებული იყო, მაგრამ განვითარებული მოვლენების გამო, სამწუხაროდ, შეჩერდა. იმედია, ყველაფერი მალე დასრულდება და ამ მიმართულებით დაწყებული პროცესებიც დასრულდება, შესაბამისად, სქემის ამოქმედების შემდეგ, აღნიშნული ბრძანებაც გვექნება. - სპეცმასწავლებლის გამოცდის ჩაბარების უფლება, მოქმედი მასწავლებლების გარდა, ექნებათ თუ არა მსურველებს და რა საკვალიფიკაციო მოთხოვნები დაწესდა მათთვის? იქნება თუ არა მათთვის განსხვავებული ბარიერი? _ დიახ, რასაკვირველია, გამოცდის ჩაბარების უფლება მიეცემათ მსურველებსაც, მაგრამ ექნებათ თუ არა განსხვავებული ბარიერი, ამაზე საბოლოო გადაწყვეტილება არ გვაქვს მიღებული. სავარაუდოდ, განსხვავებული ბარიერი არ დაწესდება, არც 1-4 კრედიტი იქნება, როგორც ახლა  აქვთ მასწავლებლებს სასერტიფიკაციო გამოცდებზე. საკვალიფიკაციო მოთხოვნად კი, სპეცმასწავლებლობის მსურველებისთვის, ამჟამად მასწავლებლის კვალიფიკაციაა. თუმცა, ზოგადი განათლების შესახებ კანონში უნდა აისახოს ცვლილება, რაც საშუალებას მისცემს სხვა პროფესიის ადამიანებს, სურვილის შემთხვევაში, შემოვიდნენ პროფესიაში. _ დაბოლოს, ბევრი გვყავს სისტემაში მაგისტრის ხარისხის მქონე სპეცმასწავლებელი, ანუ ის ადამიანები, რომლებიც გამოცდის გარეშე, სქემის ამოქმედებისთანავე, გახდებიან უფროსი სპეციალური მასწავლებლები? _ ზუსტი რიცხვი არ ვიცი, მაგრამ ასეთი მასწავლებელი ძალიან ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...