ცოტაც და ასი წლის თამარ გოლიაძე დამდეგ 2017-ს მოგვილოცავს!

კარმიდამო ჩემი

ცოტაც და ასი წლის თამარ გოლიაძე დამდეგ 2017-ს მოგვილოცავს!

2016 დეკ 29 18:55:15

"დამდგარა თუ არა 1917 წელი, მეც დავბადებულვარ, თუმცა, რევოლუციონერი არ ვარ!" _ გვეუბნება ოზურგეთის მუნიციპალიტეტის სოფელ მაკვანეთში მცხოვრები თამარ გოლიაძე, შვილიშვილი კი ხუმრობს _ ბებიაჩემი რევოლუციონერია, მაგრამ თვითონ არ სჯერაო.

_ თუ ამ უბერებელი ქალბატონის განვლილ ცხოვრებას გადავხედავთ, მან პირად და საზოგადოებრივ ცხოვრებაში, როგორც ოჯახის დედაბოძმა, მართლაც მოახდინა რევოლუცია, ამ სიტყვის საუკეთესო გაგებით. ოჯახის და სოფლის სიძლიერის ქვაკუთხედიაო, სწორედ ასეთ ადამიანებზე ითქმის, _ გვეუბნება სოფელ მაკვანეთის მაჟორიტარი დეპუტატი ოზურგეთის საკრებულოში ნუგზარ კალანდარიშვილი და ასი წლის ქალბატონის ოჯახში მასზე საუბრით მიგვიძღვება, _ ამ ამაგდარმა ქალბატონმა, ახალგაზრდა ასაკში დაქვრივებულმა, ოჯახში კაცობაც ისე შეითავსა. მოწუწუნე თამარი სოფელს არ ახსოვს _ ქვეყანას ხუთი შვილი გაუზარდა, ნახევარ საუკუნეზე მეტი ჩაის მოწინავე მკრეფავი იყო, სოფლის, სამეზობლოს გვერდში მდგომი, ჭირსა თუ ლხინში. არავის ახსოვს, მისი ზედმეტი სიტყვა. ცნობილია იმითაც, ადამიანზე ცუდს ვერ ათქმევინებდი, რომც მოგეკლა! დღეს მას მართლა ყველამ უნდა მოვეფეროთ!

ერთი საუკუნის სიცოცხლის ბოძებისთვის, ქალბატონი თამარ გოლიაძე ღმერთს მადლიერებით თავს უხრის. შესაშური გონიერებით გამორჩეული, გვეუბნება, რომ საკუთარი ასაკი არ ეშლება: "არც "მეტრიკა" გადაუსწორებია არავის და განსაკუთრებით იმიტომ მახსოვს, რომ ხან ხუმრობით, ხანაც თავმოსაწონად მახსენებდნენ, 1917 წელი დადგა თუ არა, შენც დეიბადე, ოქტომბრის რევოლუციაზე უფროსი ხარ, ფეხათ შემოასწარი _ ათი იანვრისთვის მოევლინე ქვეყანასო".

_ სათვალე საერთოდ არ მიხმარია, ყურს არ მაკლია, არც რაიმე სერიოზულ ტკივილს შევუწუხებივარ, ცოტა სიარული მიჭირს, მაგრამ "მესამე ფეხი" აგერ მაქვს და ვარ, ბებია, ასე. სიმწარე შემომესწრო, შვილიშვილი დამეღუპა და ამ სიმწარემ გამანახევრა, თორემ ჩემს წილ წუთისოფელს სულ ვუმკლავდებოდი ჩემი წილი პასუხისმგებლობით. ღმერთს მადლობა, რომ ლოგინად ჩავარდნილი არ ვარ და თავს ვპატრონობ, _ გვეუბნება საუკუნის მომსწრე ქალბატონი და განმარტავს, _ არ დაიჯეროთ, რომ შრომა კლავს ადამიანს. რაც მე მიშრომია, იმას ვინ აღწერს? ქმარი რომ მომიკვდა, უმცროსი შვილი 2 წლის იყო, დანარჩენი ოთხიც მცირეწლოვანი მყავდა. ჩაიში 50 წელზე მეტი ვიმუშავე, ინდაურ-ქათმები და ძროხები სულ მყავდა. ამ ყველაფერს მარტო ვუვლიდი და საქმე არასდროს წამიხდენია, შრომა უნდა გიყვარდეს ადამიანს და საქმეც მაშინ გამოგივა.

 კითხვაზე, გაიხსენოს, როგორ გაათხოვეს სოფელ შემოქმედიდან მაკვანეთში, როგორ ჩაიარა ნიშნობამ და რამდენკაციანმა მაყრიონმა მოაცილა გოლიაძეებში, წამიერად დუმილით შემოგვცქერის, სახეზე ცხვირსახოციან ხელს იფარებს და ეღიმება:

_ თავამაიშვილის ქალი ვარ. 19 წლის ვიყავი, ფაეტონით წამომიყვანეს. ნიშანი? ნიშანი აფერი, შვამავლობით მოხდა აგი ამბავი, ნიკა გოლიაძე გამაცნეს, მერე კი მოგვეწონა ერთმანეთი. პაწა სუფრა გეიშალა და მეტი აფერი... შევუდექით ცხოვრებას. ადრე გამომეცალა კაი მეუღლე... ხუთი შვილი გამოვზარდე, მგონი, არც მეძინა, იმდენს ვშრომობდი, _ სულ რამდენიმე წინადადებაში ჩატია ერთი საუკუნე ქალბატონმა თამარმა.

საუბარში რძალი, ირინა სიხარულიძე ერთვება:

 _ ბოლო ერთი წელია, ცოტა სიარული გაუჭირდა, თორემ მთელ ეზო-გარემოს პატრონობდა, საკმაოდ ბევრი თხილი გვაქვს _ მარტო არაერთხელ მოუკრეფავს და შეუგროვებია ტონამდე მოსავალი. ყოველივე ამას უენოდ, ზედმეტი სიტყვის გარეშე აკეთებდა მუდამ, ოჯახისთვის თავგანწირული. რომ ვთქვა, მოხუცია და ვუვლით,-მეთქი, ტყუილი იქნება _ დღემდე თვითონ პატრონობს საკუთარ თავს. სათვალე არასოდეს გაუკეთებია, ოღონდ, ბოლო დროს თქმა იცის, ნემსში ძაფს თუ გაუყრით, მე კი მოვკერავ მოსაკერსო.

 ქალბატონი თამარი ყურადღებით უსმენს რძალს და მისი მისამართით კვლავ მოკლედ ამბობს, ძალიან კარგია ჩემი ირინაო.

ყველაზე უმცროსი შვილიშვილი, ბაბუას სეხნია, ნიკა გოლიაძე, რომელიც საუკუნემიღწეულ ბებოს ხუმრობით ხშირად რევოლუციონერს ეძახის, გვეუბნება, რომ ექიმობა აქვს გადაწყვეტილი _ ჯერ ბებოს მკურნალი არ დასჭირვებია და თუ აუცილებელი გახდა, ამასობაში მე მოვუსწრებო...

ასე ურთიერთსიყვარულში, გურული იუმორით ნასაზრდოებ გარემოში ცხოვრობს გურიის ულამაზეს სოფელ მაკვანეთში გოლიაძეების ოჯახი, სადაც 100 წლის ქალბატონი ჯერაც ისე ჭარმაგად დგას, საუკუნე კი არა, თითქოს, ასი ფურცელი ცხოვრების წიგნისა, უმტკივნეულოდ და მსუბუქად გადაეშალოს. მნახველს აკვირვებს ქალბატონი თამარის შინაგანი სიძლიერე, დაუძაბავი, მშვიდი, გონიერი საუბარი, როცა ცდილობს, რაც შეიძლება, ცოტა ილაპარაკოს და მეტად მოგისმინოს.

კიდევ ერთი დეტალი ქალბატონი თამარის რიდით აღსავსე შინაგანი კულტურისა _ როცა ოჯახის დიასახლისმა სუფრასთან ტკბილეული და შინნახადი სანთლის არაყი მოიტანა, ოჯახიდან ისე ნუ გახვალთ, ახალი წლის მოლოდინი და საუკუნის ბებო დაგვილოცეთო, ქალბატონი თამარი, მისივე თქმით, "მესამე ფეხის" (ყავარჯნის) დახმარებით, სასწრაფოდ წამოიწია და ოთახის კუთხეში გადაჯდა, სტუმრებს მიხედეთო.

_ ასეთი მორიდებული ადამიანია. ხომ შეიძლება სუფრის თავში დაჯდეს, არ ეკუთვნის თუ ვინმე დაუშლის? სულ გაგაოცებს თავისი თავმდაბლობით და მოკრძალებით. რაც დრო გადის, უფრო მიყვარს, თითოეული წუთიც კი მისდამი პატივისცემას მმატებს. ჯერ ჩემი დახმარება და მოვლა არ დასჭირვებია. რა უნდა მოხდეს, რომ მისთვის თავი არ გადავდო, _ ამბობს ირინა სიხარულიძე.

_ მოიცათ, მე უნდა გითხრათ ჩვენი ციბრუტივით მბრუნავი თამარ ქალბატონის შესახებ. სამეზობლოს ჭირის და ლხინის "თავიქალი", მისნაირ "სალიანკას" და "კირკვალ ლობიოს" ხომ მაკვანეთში ვერავინ გააკეთებდა _ მთელმა სოფელმა იცის ეს. არ დაილაპარაკებდა, სამაგიეროდ, მარჯვენა ხელი რად გინდოდა კაცს, თუ თამარი გვერდით გეყოლებოდა? ასეთია და ასეთი გვიყვარს უსაზღვროდ. ეს ახალი წელიც განსაკუთრებით იმიტომ გვიხარია, რომ საუკუნის მომსწრე იუბილარი გვყავს სამეზობლოში, ჩვენს ტრადიციულ და ისტორიულ სოფელში. რა სიხარული უნდა მოიტანოს ისეთი ახალმა წელმა, რაც ამ ადამიანს ჩვენთვის უბოძებია თავისი არსებობით? _ გვეუბნება კარის მეზობელი ლია გუჯაბიძე.

ჩვეული მოკრძალებით დაგვემშვიდობა ქალბატონი თამარი, მიულოცეთ მთელ ქვეყანას კალანდობა, ჯანმრთელობა არ მოგკლებოდეთ და საშრომი გქონოდეთო, დაგვიბარა. გვითხრა ისიც, რომ მომავალ ახალ წელსაც აქ, ოჯახში დაგხვდებითო.

კიდევ დიდხანს სიცოცხლეს ვუსურვებთ ჩვენს გამორჩეულ მეკვლეს, ასი წლის თამარ ბებოს, ვისი ცხოვრებაც და არსებობაც უდიდესი შინაგანი ძალის და მაგალითის მომცემია ნებისმიერი ადამიანისთვის, თუ როგორ უნდა მოერიო და გაუმკლავდე უთვალავ ჭირს ისე, სხვამ ვერავინ გაიგოს და მხოლოდ გამარჯვებული გნახონ!




 ახალი ამბები
  • რეჟისორი ზაზა ურუშაძე გარდაიცვალარეჟისორი ზაზა ურუშაძე 53 წლის ასაკში გარდაიცვალა. ინფორმაციას რეჟისორის ახლობლები ადასტურებენ. ურუშაძის გარდაცვალების სავარაუდო მიზეზად გულის შეტევა სახელდება.  მან დაამთავრა შოთა რუსთაველის სახელობის თეატრალური ინსტიტუტის კინოფაკულტეტი 1987 წელს. 1988-1999წწ. კინოსტუდია "ქართული ფილმი", დამდგმელი რეჟისორი; 1999-2000წწ. სააქციო საზოგადოება "ქართული ფილმი", სამეთვალყურეო საბჭოს თავმჯდომარის მოადგილე; 2002-2004წწ. საქართველოს ეროვნული კინოცენტრის დირექტორი. დამდგმელი რეჟსორია ფილმების: "მათთვის, ვინც მამამ მიატოვა" (1989), "აქ თენდება" (1998), "სამი სახლი" (2008), "დარჩი ჩემთან" (2011), "ბოლო გასეირნება" (2012), "მანდარინები" (2013); სცენარის ავტორია ფილმების: "მათთვის, ვინც მამამ მიატოვა"(1989), "აქ თენდება" (1998), "სამი სახლი"(2008), "მანდარინები" (2013); პროდიუსერია ფილმების: "სამი სახლი" (2008), "მანდარინები" (2013); გადაღებულია ფილმში: "მე მოვედი" ... ...
  • ზვიად ქორიძე “საერთაშორისო გამჭვირვალობა- საქართველოს“ გუნდს შეურთდაჟურნალისტი ზვიადი ქორიძე “საერთაშორისო გამჭვირვალობა- საქართველოს“ გუნდს შეურთდა. ის რეგიონული ოფისების მენეჯერი გახდა. ცნობისთვის, ზვიად ქორიძე 2019 წლის 1 იანვრიდან ნოემბრამდე აჭარის საზოგადოებრივი მაუწყებლის კონსულტანტის ფუნქციებს ასრულებდა. აჭარის ტელევიზიასთან ხელშეკრულების შეწყვეტა თავად ზვიად ქორიძემ ისურვა. ზვიად ქორიძე დაიბადა 1968 წლის 10 ოქტომბერს, თბილისში. დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1992 წელს. 1986-1987 წლებში იყო გაზეთ "ახალგაზრდა კომუნისტის" კორესპონდენტი; 1989-1990 წლებში რადიოპროგრამა "პიკის საათის" რედაქტორი; 1990-1991 წლებში გაზეთ "7 დღის" კორესპონდენტი; 1991-1996 წლებში "7 დღის" დამფუძნებელი და სარედაქციო კოლეგიის წევრი; 1996-1997 წლებში მთავარი რედაქტორი; 1997-1998 წლებში ტელეკომპანია "რუსთავი 2"-ის საინფორმაციო სამსახურის უფროსი; 1998 წლიდან "საქართველოს გაზეთის" მთავარი რედაქტორი. გამოქვეყნებული აქვს მრავალი სტატია. 2014 წლის 4 ივლისიდან პრეზიდენტ გიორგი მარგველაშვილის წარდგენით შეწყალების კომისიას თავმჯდომარეობდა. აღნიშნულ თანამდებობას ის 2018 წლის 31 დეკემბრამდე ... ...
  • პრემიერ-მინისტრი ბათუმში ე.წ. მუყაოს ქალაქში მოსახლეობას შეხვდასაქართველოს პრემიერ-მინისტრი გიორგი გახარია, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან ერთად, ბათუმში ე.წ.  მუყაოს ქალაქში მოსახლეობას შეხვდა. მთავრობის მეთაური ადგილობრივების მძიმე საცხოვრებელ პირობებს გაეცნო, მათ შორის სოციალურად დაუცველი და მრავალშვილიანი ოჯახები არიან. პრემიერმა აღნიშნა, რომ მათი საცხოვრებელი პირობები მალე გაუმჯობესდება, ვინაიდან 2020 წლის ბიუჯეტში გათვალისწინებულია ფინანსური რესურსი პირველ ეტაპზე 580 ბინის მაქსიმალურად მოკლე ვადაში ასაშენებლად. უკვე გამოცხადებულია ტენდერი, გამარჯვებული კომპანიის გამოვლენის შემდეგ კი დაიწყება შესაბამისი სამუშაოები, რომელიც 18 თვეში დასრულდება. მშენებლობის შემდეგ ეტაპზე აშენდება სკოლა, საბავშვო ბაღი და სათამაშო მოედნები. პრემიერმა ადგილობრივ მოსახლეობასთან შეხვედრისას განაცხადა, რომ მთავრობა მოწოდებულია, მაქსიმალურად სწრაფად გადადგას ყველა საჭირო ნაბიჯი, იმისთვის, რომ ადგილობრივებისთვის უზრუნველყოფილი იყოს ნორმალური საცხოვრებელი პირობები. ე.წ მუყაოს ქალაქში მცხოვრებმა მოსახლეობამ აღნიშნა, რომ პრემიერ-მინისტრის სტუმრობა მათთვის განსაკუთრებული მხარდაჭერის ... ...
  • 38 წლის ოზურგეთელი მედიკოსის, ალექსანდრე თავართქილაძის რევოლუციური ნაბიჯები ქართულ მედიცინაშიონკოლოგი და გენეტიკოსი, პერსონალიზებული მედიცინის ინსტიტუტის კლინიკური დირექტორი, თბილისის სახელმწიფო სამედიცინო უნივერსიტეტის პროფესორი , ოზურგეთელი ალექსანდრე თავართქილაძე , ჯერ მხოლო 38 წლისაა, თუმცა მან თბილისის სახემწიფო სამედიცინო ინსტიტუტის დამთავრების და ევროპული განათლების მირების შემდეგ, უზარმაზარი კლინიკური და სამეცნიერო გამოცდილების გზა გაიარა.  ჩვენთან ინტერვიუში,  რომელსაც მალე შემოგთავაზებთ, მისი  ძალიან ტევადი ევროპული სამედიცინო გზის მიუხედავად , ალექსანდრე თავართქილაძე  ყველაზე მნიშვნელოვან ფაქტორად მიიჩნევს იმას,  რომ ის არის საქართველოს იმ კუთხის წარმომადგენელი, რომელსაც გურია ქვია, კერძოდ ამბობს, რომ  ქალაქი ოზურგეთი, მის მოგონებებში უმნიშვნელოვანეს ადგილს იკავებს. „დიახ, წარმოშობთ ვარ ოზურგეთიდან, ძალიან მიყვარს გურია და შემიძლია, თამამად ვთქვა, რომ იქ გავატარე ბავშობის საოცარი წლები და იქედანვე დავიმუხტე საოცრად თბილი ენერგიით. ალბათ და რა თქმა უნდა ყველა ადამიანს თავისი ფესვები უყვარს, მაგრამ მე შემიძლია ვთქვა, რომ გურია არის მართლა საქართველოს გული.  როგორც ცოცხალ ორგანიზმში გული ყველაზე „ცოცხალი“ ორგანოა, შეიძლება ითქვას, რომ ასევეა გურია საქართველოში და შესაბამისად  შეუძლებელია, რომ იქ ადამიანმა თავი  „ყოვლისშემძლედ“ არ იგრძნო.  ეს, რა თქმა უნდა, ხუმრობით, თუმცა ვინც გურიაში ერთხელ მაინც მოხვდება ის აუცილებლად შეიგრძნობს „ჭეშმარიტი თავისუფლების არსს“ ... მე მყავდა არაჩვეულებრივი ბაბუა, სამამულო ომის ვეტერანი, მე მის სახელს ვატარებ, მის მოყოლილ ზღაპრებსა და მეორე მსოფლიო ომის საოცარ ისტორიებზე გავიზარდე, რომლებიც დღემდე ზეპირად მახსოვს.  მყავს  საოცარი ბებია, რომელთანაც, როგორც იტყვიან, უხილავი ძაფებით ვარ კავშირში. ალბათ, მუდმივად, მას აქვს იუმორის საოცარი გრძნობა, რაც გარკვეულ ჩუმ მელოდიასავით გამოჰყვა მთელს ჩემს შემდგომ ცხოვრებას... ბებიაჩემი პროფესიით ექთანი, ლამის 50 წლიანი სამუშაო გამოცდილებით, მე ხშირად დავდიოდი ბებიასთან სამსახურში ასევე დავყვებოდი პაციენტებთან ბინაზე (მაშინ ძალიან პატარა ვიყავი), საოცრად საიტერესოა სნეულ ადამიანებზე ზრუნვა და თუ ეს სურვილში გადაიზარდა, რომ შენ ეს საქმე მოგწონს და ხვდები, რომ „ეს შენია“ აუცილებლად ადამიანი აირჩევს იმ პროფესიას, რომელსაც ექიმობა ქვია, მე უკვე ეს სკოლამდელ ასაკში გადავწყვიტე და სრულად ვუკავშირებ ბებიაჩემის - თინა მდინარაძის მიერ ჩემს, ასე ვთქვათ, „პატარა ბავშვის“ ჩართვას სნეულთა დახმარებაში.  მედიცინის აკადემიური დოქტორი, რომლის დოსიეც, ლამის ქაღალდზე არ ეტევა, ონკოლოგიასთან ბრძოლის საქმეში მსოფლიოს აკვირვებს _ ახლახან მან უნიკალური ოპერაცია გააკეთა პერსონალიზებული მედიცინის ინსტიტუტში, რაც უდიდესი გარდატეხაა ქართულ მედიცინაში _ მან პირველმა ჩაატარა თ ლიმფოციტების გადანერგვა და დღეისათვის სახეზეა სიმსივნისგან სრულიად განკურნებული პაციენტი! „გურია ნიუსი“ მალე შემოგთავაზებთ ინტერვიუს სახელგანთქმულ ახალგაზრდა მეცნიერთან, რომლის გიგანტურ წინვლას სამედიცინო სფეროში, თვალს ადევნებს მშობლიური ოზურგეთი. ალექსანდრე თავართქილაძის მშობლები და ბებია სოფელ ნაგომარში ცხოვრობენ და მასთან შეხვედრა, როგორც ჩვენი მკითხველებისთვის, ისე ოჯახის წევრებისთვის, თან მშობლიურ გურიაში, განსაკუთრებით საინტერესო ... ...
  • თავდასხმა ლაგოდეხში- ნიღბიანმა პირებმა ცოლ-ქმარი სცემესლაგოდეხის მუნიციპალიტეტში, ნიღბიანმა პირებმა 70 წლამდე ასაკის კაცი და მისი მეუღლე სცემეს, სახლიდან ოქროს ბეჭდები და მობილური ტელეფონი წაიღეს. თავდასხმა სოფელ უზუნთალაში სადიკოვ აბასალის ოჯახზე ღამით მოხდა. მიყენებული დაზიანებების გამო  კაცი საავადმყოფოშია მოთავსებული, ქალი კი პოლიციის განყოფილებაში იმყოფება. მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...

საპარლამენტო არჩევნების რომელ მოდელს უჭერთ მხარს