"გლეხს, ჩვენს მიერ მოპოვებულ ინფორმაციას კი არ მივყიდით, ვაჩუქებთ"

კარმიდამო ჩემი

"გლეხს, ჩვენს მიერ მოპოვებულ ინფორმაციას კი არ მივყიდით, ვაჩუქებთ"

2011 თებ 16 22:53:15
"გლეხისთვის სწორი მიმართულების მიცემა, ინფორმაციის მიწოდება  თუ რჩევა ჩვენი საქმეა. ინფორმაცია რომ აქვს ადამიანს და სწორად დაამუშავებს, ძალიან ბევრი შემოსავალი შეიძლება მიიღოს. არავის  ახსოვდა სოფლის მეურნეობა, თუმცა, დღეს დაინახეს, რომ აუცილებელია. გლეხი მართლაც თავისით ირჩენს თავს _ მას ჩვენ შრომას ვერ ვასწავლით," _ ამბობს არასამეწარმეო-არაკომერციული იურიდიული პირს, ე.წ. აიპ-ის "სოფლის განვითარების ცენტრის" დირექტორი გიგა ხარაბაძე.
_ ბატონო გიგა, რა არის თქვენი აიპ-ის ჩამოყალიბების ძირითადი მიზანი?
_ ჩვენი ცენტრი ადგილობრივი თვითმმართველობის მიერ ჩამოყალიბდა და შესაბამისად, ხელისუფლებამ უნდა გასცეს ამ კითხვას პასუხი. ჩემი ხედვით, ეს გაკეთდა იმიტომ, რომ რაღაცნაირად აღდგეს კავშირი ფერმერს, გლეხს, თვითმმართველობასა და ხელისუფლებას შორის. დამეთანხმებით, ამ ხაზით წყვეტაა. დღეს, როცა სხვადასხვა სახის სამომხმარებლო პროდუქტზე კატასტროფულად გაიზარდა ფასები, უპირველესად, ყურადღება უნდა მიექცეს სოფლის მეურნეობაში დასაქმებულ ადამიანებს, გლეხს შრომა დაუფასდეს, მიეცეს ფერმერს სტიმული და იგრძნოს, რომ მათზე ფიქრობს ადგილობრივი და ცენტრალური ხელისუფლება. მათ თავი მიტოვებულად აღარ უნდა იგრძნონ. ჩვენ დავეხმარებით რჩევით, ინფორმაციით და თუნდაც, ბაზარზე გამოტანილი პროდუქტის უკეთ რეალიზაციაში.
_თქვენც ხომ არ ფიქრობთ, რომ "გლეხმა კეთილი უნდა ინებოს და თავის მიწას თუ შემოსავალს თავადვე მიხედოს"?
_ ვთქვათ ის, რაც რეალურია. არანაირი ყურადღება არ ექცეოდა სოფლის მეურნეობას, იყო ბლეფი სუბსიდიები მეჩაიეობაში, გაიყიდა ჩაის პლანტაციები და მოკვდა მეჩაიეობაც. სამარცხვინო ციფრი _ 11%-ია ბაზარზე ქართული ჩაის პროდუქცია, მაგრამ ეს ხომ დღეს არ დაწყებულა? ამ კუთხით გამოცოცხლებაა. ხელმძღვანელობიდან მოდის დადებითი მუხტი, რომ გლეხს მიეცეს საშუალება, აწარმოოს პროდუქცია, ჩვენ კი მივცეთ მიმართულებები, რა არის ბაზარზე პრიორიტეტული და ორიენტირება მან გააკეთოს. არის ახალი კულტურები, რომელიც უნდა დაინერგოს. დიდი პრობლემები იყო კივის კულტურასთან დაკავშირებით და დღეს კივი ერთ-ერთი წამყვანი კულტურაა ჩვენთან. ვფიქრობ, რომ გლეხისთვის სწორი მიმართულების მიცემა, ინფორმაციის მიწოდება თუ  რჩევა საკმარისია. ინფორმაცია რომ ექნება ადამიანს და მიწას სწორად დაამუშავებს, ძალიან ბევრი შემოსავალი შეიძლება მიიღოს. წელს თუ იყო გლეხი უკმაყოფილო სიმინდის და  ციტრუსის მოსავლით, ეს კლიმატის ბრალია.
ხაზგასმით ვამბობ, რომ გლეხის საშველი იქნება. მიუხედავად სიღატაკისა, ყოველგვარი გაჭირვებისა, გლეხი ყოველთვის შრომობდა.  ჩვენ მას ნამდვილად ვერ ვასწავლით შრომას. თუ ადამიანი იშრომებს, ის ყოველთვის მიაღწევს წარმატებას. გლეხმა უნდა დაინახოს, რომ აგროტექნიკური ღონისძიებები აუცილებელია. ჩვენ მათ გავაცნობთ პირობებს, შემდეგ ვეტყვით, ეს ღონისძიება გაატარე, ასე გააკეთე და თუ დაგვიჯერებენ, მოსავალსაც მიიღებენ. ახალი კულტურებია წამოსული, რასაც წინააღმდეგობები ახლავს. ამიტომ, აგრონომის ინსტიტუტმა უნდა ითამაშოს დადებითი როლი. მე მიმაჩნია, რომ სოფლის მეურნეობას უფრო გაძლიერება უნდა. ახლა გლეხი დამოუკიდებელია, სოფლის მეურნეობის დარგი კი უყურადღებოდაა დარჩენილი. ამიტომაც შექმნეს ახალი აგრონომიის ინსტიტუტი.  შეხვედრა გვქონდა გუბერნიაში და გვყავდა მოწვეული ფერმერები, გვაქვს ახალი საინტერესო იდეები. არავის არ ახსოვდა სოფლის მეურნეობა, დღეს დაინახეს, რომ აუცილებელია.
იცით, სოფელში რა მდგომარეობაა? ადამიანები ფიქრობენ, რომ მათი გამოკვება არავის არ აინტერესებს. თუმცა, ვერ დავეთანხმები _ გვაინტერესებს! დიახ, ხელისუფლებას აინტერესებს! ჩვენი პროდუქცია ეკოლოგიურად სუფთაა. რატომ უნდა შემოდიოდეს თურქეთიდან კივი, კარტოფილი და სხვა პროდუქტები? მთავარია, იყოს დაინტერესებული მხარე და ყველაფერი იქნება. 5 წელი მაინც უნდა, რომ რაღაც შედეგი მივიღოთ. მთავარია, გამოვაცოცხლოთ გლეხები.
_ როგორ მოხდა ორგანიზაციის თანამშრომლებით დაკომპლექტება და როგორ შეირჩა თქვენი კანდიდატურა დირექტორის პოსტზე?
_ მე, ბოლო პერიოდში, ოზურგეთშიც არ ვცხოვრობდი, ძირითადად, თბილისში ვიყავი. ადგილობრივმა ხელისუფლებამ ჩათვალა, რომ მე ვარ ის სპეციალისტი, ჩემი გამოცდილებით და პროფესიონალიზმით, რომ ამ დარგს ვუხელმძღვანელო. მართალი გითხრათ, მე არც ერთ პოლიტიკურ პარტიაში არ ვარ ამ ეტაპზე, არცერთ არჩევნებში არ მიმიღია მონაწილეობა(?!) მაგრამ რომ ვნახე, სერიოზული საკრებულოა და გუნდი მიზანმიმართულია, დავთანხმდი ამ თანამდებობას. მე სიძნელეებს არასდროს შევუშინებივარ, ყველაზე რთულ პერიოდში მიმუშავია. ყველა თანამშრომელს კარგად ვიცნობ და დარწმუნებული ვარ მათ პროფესიონალიზმში. ჩემთან უსაქმურად არავინ გაჩერდება _ ფაქტობრივად, ყველა ფერმერია. მე ეს გადაწყვეტილება ცალსახად, ერთპიროვნულად მივიღე.
_ თქვენი კონკრეტული გეგმების  შესახებ რას გვეტყვით?
_ საგაზაფხულო სამუშაოების ჩატარებასთან დაკავშირებით, ხალხთან შეხვედრებს ვაპირებთ, მივცემთ რჩევებს. ჩვენ ინფორმაციას გლეხებს კი არ მივყიდით, ვაჩუქებთ. გლეხმა იცოდეს, რომ ის მიტოვებული არაა და ყველაფერი კარგად იქნება _ ერთად გავაცოცხლოთ მკვდარი კაპიტალი!
ჩვენის მხრივ, ბატონ გიგას ინფორმაციის გასავრცელებლად, შესანიშნავი საშუალება _ "კარმიდამო ჩემი" შეგვიძლია შევთავაზოთ. ვნახოთ, როგორია გზა სურვილებიდან _ რეალობამდე!




 ახალი ამბები
  • მონადირეთა ჯგუფი "ძამა" სოციალურად შეჭირვებული ოჯახების დასახმარებლად აქციებს მართავს სულ ცოტა ხანია, რაც სოციალურ ქსელში მონადირეთა ჯგუფი _ "ძამა" გამოჩნდა. ჯგუფი ლიცენზირებულ მონადირეებს აერთიანებს. ისინი დაკავებული არიან ბუნებიდან იმ მტაცებელი ცხოველების ამოღებით, რომლებიც დიდ ზიანს აყენებენ მოსახლეობას. ჯგუფში გაერთიანებულმა მონადირეებმა მიზნად დაისახეს სოციალურად შეჭირვებული ადამიანების დახმარება. ისინი უკვე დაეხმარნენ ჩოხატაურის მუნიციპალიტეტის სოფელ სამებაში მცხოვრებ ჯიმშერაძეების სამშვილიან ოჯახს. 28 ივლისს მონადირეები სოფელ ერკეთში მცხოვრებ ჯინჭარაძეებს ესტუმრებიან. ჯგუფი ქველმოქმედებას მომდევნო თვეებშიც გააგრძელებს. _ ჩვენი მიზანი, მავნებელი მტაცებლის ბუნებიდან ამოღებასთან ერთად, ქველმოქმედებაცაა. ჯერჯერობით, ამას მხოლოდ ჩვენი მცირერიცხოვანი ჯგუფი აკეთებს, მაგრამ იმედი გვაქვს, რომ საზოგადოება შემოგვიერთდება და ერთად ვაკეთებთ სიკეთეს, _ ამბობენ მონადირეთა ჯგუფის ადმინისტრატორები: ვახო სიხარულიძე და გაგა ყაჭეიშვილი. დაინტერესებული პირები ჯგუფის წევრებს შეუძლია დაუკავშირდნენ ფეისბუქგვერდზე _ მონადირეთა ჯგუფი "ძამა" ან დარეკონ ტელეფონის ნომერზე: (577) 957048.   ... ...
  • ხანძარი ოზურგეთშიოზურგეთში, ჯორჯიაშვილის ქუჩაზე მელუების საცხოვრებელ სახლს ცეცხლი გაუჩნდა. ოჯახის უფროსი ვახტანგ მლუა ამ დროს სახლში არ იმყოფებოდა და სამაშველო ბრიგადა მეგობარმა გამოიძახა. როგორც სამაშველო სამსახურის უფროსმა, პაატა ლომთაძემ "გურია ნიუსთან" განაცხადა, ამ დროისთვის ხანძარი ... ...
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...

არქივი

კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...
ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...