სამონადირეო ტურიზმზე მეოცნებეები მთას ესტუმრნენ

კარმიდამო ჩემი

სამონადირეო ტურიზმზე მეოცნებეები მთას ესტუმრნენ

2012 დეკ 9 11:47:18

სამონადირეო ტურიზმის განვითარების მოყვარულები გურიას მრავლად ჰყავს. მათ შორის, ერთ-ერთი თავგადაკლული მოტრფიალის, ენვერ კომახიძის შესახებ ჩვენს გაზეთში ერთი წლის წინ ვსაუბრობდით. იგი "გურიის სამონადირეო ტურიზმისა და ბაზიერთა კლუბის" დამფუძნებელია, დიდი ხნის სტაჟის მქონე მონადირე, რომელსაც უდიდესი სურვილის და არა ერთი მცდელობის მიუხედავად, მაინც განუხორციელებელ ოცნებად რჩება სამონადირეო ტურიზმის ამოქმედება. ამის უმთავრესი მიზეზი დაფინანსების არქონაა, ცარიელი თანამოაზრეების იმედად და გვერდში დგომით კი, საქმე მაინც ვერ დაიძრა; მიუხედავად არა ერთი თხოვნისა თუ ოფიციალური განცხადებისა, ვერა და ვერ გაალხო ვერც ერთი ხელისუფლის გული.

ახლა, როცა ქვეყანაში, არჩევნების გზით, ხელისუფლება შეიცვალა და ხალხი იმედით შესცქერის ახალ მთავრობას, ენვერ კომახიძემ და მისმა თანამოაზრეებმა გადაწყვიტეს, სცადონ ბედი და აღნიშნული იდეით ოფიციალურად მიმართონ ადგილობრივ ხელისუფლებას. მანამდე კი, ერთად შეიკრიბნენ ოზურგეთში და გომისმთის სანახები შემოიარეს.

ისინი "ტყის ძმების" სახელით გვეცნობიან და იმ მარშრუტზე გვიამბობენ, რომლითაც გომისმთა დალაშქრეს. როგორც ენვერ კომახიძე ამბობს, ეს მარშრუტი კურორტ გომისმთაზე სწორედ ტურისტების გზა უნდა იყოს. თუ ჩანაფიქრი განახორციელეს, გომისმთის ტყეებში მრავალი ფრინველისა და ცხოველის გაშვებას აპირებენ: _ ეს არ არის ადვილი საქმე, მაგრამ ხელისუფლების კეთილი ნების შემთხვევაში, შეუძლებელი არაფერია. თანხმობის შემდეგ, საქმის კარგი ორგანიზებით, დიდი ხნის ნატვრა აგვიხდება, _ მიიჩნევენ "ტყის ძმები".

მათთან ერთად, ჩვენი ფოტოკორესპონდენტი რევაზ ცქვიტინიძეც იმყოფებოდა და ჭინჭაოს ტბისა და მისი შემოგარენის საინტერესო ფოტორეპორტაჟი მოგვაწოდა.

ჯგუფში იყო აგრეთვე ოზურგეთის მუნიციპალიტეტთან არსებული ა(ა)იპ-ის ერთ-ერთი ხელმძღვანელი ზურაბ ჩხარტიშვილი. როგორც თვითონ ამბობს, მათი ორგანიზაცია სამთო კურორტის განვითარებაზეც ზრუნავს.

"ტყის ძმების" შემადგენლობაში ცხრა კაცია, რომელთა შორის ერთი, გია თავბერიძე, ექიმია. ენვერ კომახიძე ამბობს, რომ მათი წევრი აუცილებლად უნდა იყოს ექიმიც, რადგან ადამიანი, რომელიც მთისკენ იღებს გეზს, შესაძლოა, წინ ათას ფათერაკს გადაეყაროს.

მარშრუტი, რომელიც ახლა მასპინძლებმა გაიარეს და მომავალში სტუმარმა უცხოელებმა უნდა "დაკეცონ", გომისმთაზე გადის და მშვენიერი ჭინჭაოს ტბის იქეთ, 12 კილომეტრ მანძილზე გრძელდება. კითხვაზე, განსაკუთრებით ახლა, მთავრობისგან ყურადღების მოპყრობის მიზნით მოაწყვეს უცხოელ ტურისტთა გასავლელი მარშრუტით სვლა თუ ეს უბრალოდ, ექსტრემალური სურვილი იყო, ენვერ კომახიძემ გვიპასუხა, რომ ახლა ტყეში სიარული უფრო დასაშვებია, ვიდრე "კეკიობის" ჟამს. ჩიტი, ზოგადად ფრინველი, ასეთ დროს არ უნდა დააფრთხო. ბატონი ენვერი საგანგებოდ აღნიშნავს, რომ მართალია, ისინი ნებადართული სანადირო თოფებით იყვნენ მთაში, მაგრამ ერთხელაც არ გაუსვრიათ: "სანადიროდ წასვლა კი არ იყო ჩვენი მიზანი, არამედ კარგად დავათვალიერეთ და ჩვენს გარემოში ვიმსჯელეთ იმ მთავარ ნიუანსებზე, რაც ჩვენი პროექტის გახორციელებას უნდა მოჰყვეს.

კურორტ გომისმთის მიმდებარე ტერიტორიაზე გავრცელებული არაერთი ფრინველი თუ ცხოველი, კავკასიური როჭო, შურთხი, გნოლი, შველი, ირემი, არჩვი თუ დათვი წითელ წიგნშია შეტანილი და სამონადირეო მეურნეობის მოწყობის შემთხვევაში, ეს ყველაფერი გათვალისწინებული უნდა იყოს".

მეოცნებე "ტყის ძმების" ლიდერს ჩვენი მკითხველისთვის საინტერესო რამდენიმე კითხვით მივმართეთ.

_ ბატონო ენვერ, ვიდრე თქვენს მიზანს ბოლომდე მიიყვანთ და სამონადირეო ტურიზმისთვის აუცილებელ სამონადირეო მეურნეობას შექმნით, რა უნდა იცოდეს თქვენს მარშრუტზე მოსიარულე სტუმარმა? აქ ხომ სპეციფიკური რელიეფია და კლიმატური პირობებიც ცვალებადი.

_ იქამდე მივიდეთ და მერე საქმე უპრობლემოდ წაიწევს წინ. ისე ჩვენს მთებში წამოპარული ნისლი ნადირზე უარესია. ყველაფერი როცა მოგვარდება, ამ საქმეს გიდი მიხედავს.

_ მაინც როგორი სამონადირეო მეურნეობა გახდება ტურისტების მოწვევის ადგილი?

_ როგორც არაერთხელ მითქვამს, სამონადირეო მეურნეობის შექმნას სჭირდება სპონსორი. ჯერჯერობით, ეს საქმე ჰაერშია გამოკიდებული. ძირითადად გვსურს ხოხობისა და გარეული ღორის გაშვება, გამრავლება. ამას სამი წელი მაინც დასჭირდება. მერე კი, უცხოელი რა ყოფილა, ჩვენს მონადირეებსა თუ ექსკურსიის მოყვარულებსაც ისეთივე შესვლის უფლება ექნებათ, როგორც სხვას.

_ ამ მარშრუტის გავლის შემდეგ, თემატურ გზამკვლევს ან მსგავს ლიტერატურას თუ შექმნით? ალბათ, სჭირდება ეს ყოველივე მოსამზადებელ სამუშაოებს.

_ რა თქმა უნდა, ჩვენ სურვილი გვაქვს, აღვწეროთ კონკრეტული მარშრუტი, რომელიც ჩვენ გავიარეთ, თორემ ისე მთაში უამრავი გზა და ბილიკია. გადავიღეთ უამრავი ფოტო, ვიდეო-მასალა. ყოველივე ამაზე დაყრდნობით, ვაპირებთ მაღალ პოლიგრაფიულ დონეზე მომზადებული ლიფლეტის გამოცემას. მასში აღწერილი იქნება ძირითადი მარშრუტი. კიდევ მრავალი იდეა გვაქვს, ვნახოთ, ზოგი გამოვა, ზოგი - არა. უმთავრესი პირველი სერიოზული ნაბიჯის გადადგმაა, რასაც მთავრობის ან სპონსორის გარეშე ვერ შევძლებთ.

_ თქვენი არასამთავრობო ორგანიზაციის ტიტულში "ბაზიერთა კლუბიც" იკითხება. გურიაში, კონკრეტულად ჩოხატაურში ამ საქმეს დიდი ტრადიცია აქვს. თქვენ რისი თქმა გსურთ?

_ ბაზიერთა კლუბზე საუბარი შორს წაგვიყვანს. ეს ცალკე თემაა. მიმინოსა თუ შევარდენის გაწვრთნა საკმაოდ რთული ხელოვნებაა, ძვირი სიამოვნება, ასე ვთქვათ. სამწუხაროდ, ოზურგეთში პროფესიონალ ბაზიერთა უმრავლესობა ძველი თაობიდან, ცოცხალი აღარაა. მე საგანგებოდ შევადგინე მათი სია, 25-მდე კაცი: გივი ცქვიტინიძე, ავთო ურუშაძე, ხარიტონ გოგიბერიძე, კუკა ხავთასი, ანდრო კვაშალი, ლეო გიორგაძე, რობერტ ჟღერია, ფაკუ მახარაძე და არაერთი სხვა. გვყავდა აგრეთვე შესანიშნავი ქალი ბაზიერი ასმათ მახარაძე. ამ ადამიანების ხსოვნას პატივის მიგება უნდა. გვყავს ძველი თაობის ცოცხალი ბაზიერები _ ბიჭიკო და ზაურ მეფარიშვილები, მიხო გიორგაძე, ქალბატონი კლარა თავართქილაძე, მიტო ქობულაძე... ეს სია უბრალოდ არ შემიგროვებია. ბაზიერთა კლუბი ცალკე თემაა, ამ საკითხზეც ვაპირებთ თავყრილობას. აუცილებლად მოგიწვევთ, თქვენი გაზეთი ძალზე სერიოზულ საქმეს აკეთებს და იმედია, გააშუქებთ.

_ ბატონო ენვერ, თქვენ ამბობთ, რომ ლიტერატურითა თუ ვიდეომასალით არაერთი ქვეყნის გამოცდილებას ეცნობით. რომელიმეს გაზიარებას ხომ არ ფიქრობთ მომავალ პრაქტიკაში?

_ ნამდვილად მომეწონა ბულგარეთის გამოცდილება. უფრო მეტიც, ეს ჩვენი იდეის იდენტურია. ვიდეომასალით გავეცანი და თუ საქმე გამოგვივიდა, მათ პრაქტიკას გამოვიყენებთ.

_ და მაინც, კონკრეტული ნაბიჯების გადადგმას როგორ აპირებთ? ვთქვათ და მთავრობა ვერ დაგეხმარათ, ამ ეტაპზე მაინც.

_ ჩვენ ოპტიმისტი ხალხი ვართ. ნამდვილად ვაპირებთ ასეთი ფორმის დანერგვას, _ "ტყის ძმები", წესდების გათვალისწინებით, საწევრო შემონატანს დავაწესებთ, რომელსაც ნებაყოფლობითი წევრები გადაიხდიან. შერჩეული გვაქვს ადგილები, სადაც საცდელად, მცირე რაოდენობით, მაგრამ მაინც გავუშვებთ ხოხობს, გარეულ ღორს. სად, ამას ჯერ ვერ ვიტყვით. სათხოვარი, რა თქმა უნდა, მუდამ გვექნება მთავრობასთან, _ უნდა გამონახოსსაშუალება და დაგვეხმაროს. ასეთ საქმეს როცა წარმატება მოჰყვება, ის ქვეყნის ბიუჯეტშიც საკმაო შემოსავალს შემოიტანს.





 ახალი ამბები
  • "ასეთი სოფელი რომ გაქვს და შაურმების ქუჩაზე ცხოვრობ"_ ფოტოები აცანადანგურიის თითოეული სოფელი განსაკუთრებული სილამაზით გამოირჩევა, თუმცა, სოფელ აცანას ზღაპრული ხიბლი აქვს. აცანა  მდებარეობს გურიის ქედის სამხრეთით, მდინარე აცაურას ნაპირებზე, ზღვის დონიდან 150 მ-ის სიმაღლეზე ლანჩხუთის მუნიციპალიტეტში. სახელწოდება აცანა არის ლაზურ-ჭანური წარმოშობისაა და  მოიხსენიება ანტიკური ხანიდან. ცნობისთვის, აცანაში აღმოჩენილია უნიკალური, ანტიკური, სპორტული ინვენტარი _ საჯილდაო ქვა, რომელიც სოფლის განაპირად თინა გუგუშვილის ეზოში ინახებოდა, ეს იყო ვაჟკაცთა ქვა. აგრეთვე დავით ქინქლაძის ოჯახში ინახებოდა გოთიკური ტიპის გასაღები, ოქონის ბეჭედი, რომელიც მან გადასცა აცანის მამათა მონასტერს. "ასეთი სოფელი რომ გაქვს და შაურმების ქუჩაზე ცხოვრობ"_წერს სოციალური ქსელის მომხმარებელი ამო ქინქლაძე და აცანის ფოტოებს აქვეყნებს, რომელსაც „გურია ნიუსი“ გთავაზობთ. ... ...
  • ბიომრავალფეროვნების კანონპროექტთან დაკავშირებით არასამთავრობოების მოთხოვნები დააკმაყოფილესგარემოს დაცვისა და სოფლის მეურნეობის სამინისტრომ გარემოსდაცვითი არასამთავრობო ორგანიზაციების - მწვანე ალტერნატივას, „საბუკოსა“ და „ნაკრესის“ მოთხოვნები  „ბიოლოგიური მრავალფეროვნების შესახებ“ კანონპროექტთან დაკავშირებით დააკმაყოფილა. კერძოდ, პროექტის არსებული ვერსია, რომელიც, ორგანიზაციების მითითებით, მნიშვნელოვან ხარვეზებს შეიცავდა, პარლამენტს აღარ წარედგინება. ასევე, ორგანიზაციების მოთხოვნის საპასუხოდ, კანონპროექტზე მუშაობა გაგრძელდება და მისი დამატებითი განხილვებისთვის სამუშაო ჯგუფები შეიქმნება, სამინისტრო საჯარო შეხვედრასაც ჩაატარებს. მეტი გამჭვირვალობისთვის, ასევე ორგანიზაციების მოთხოვნით, სამინისტრო წარმოადგენს დეტალურ განმარტებასაც იმის შესახებ, თუ რომელი შენიშვნები აისახება და არ აისახება კანონპროექტში და - რატომ. 30 იანვარს გარემოს დაცვისა და სოფლის მეურნეობის მინისტრისადმი მიმართვაში გარემოსდაცვითი ორგანიზაციები ითხოვდნენ, კანონპროექტის არსებული ვერსია არ წარედგინათ პარლამენტისთვის, რადგან ის მნიშვნელოვან გადამუშავებას საჭიროებდა. პროექტის გასაუმჯობესებლად ორგანიზაციები სამინისტროს  თანამშრომლობასაც სთავაზობდნენ. განცხადებაში აღნიშნული იყო, რომ მიუხედავად იმისა, რომ პროექტზე მუშაობა რვა წლის განმავლობაში მიმდინარეობდა, სამინისტროს მიერ დასრულებულ ვერსიად წარმოდგენილი დოკუმენტი მაინც გაუმართავი იყო სამართლებრივი და ტერმინოლოგიური თვალსაზრისით. მასში სათანადოდ არ იყო გათვალისწინებული საერთაშორისო ვალდებულებები და პრაქტიკულად არ იყო მოცემული რეგულაციების განხორციელების მექანიზმები. შესაბამისად, კანონპროექტი „ვერ უზრუნველყოფდა ევროპის ბუნების დაცვის პოლიტიკასთან საქართველოს კანონმდებლობის ჰარმონიზებას“. ამის მიზეზი კი, ორგანიზაციების თვალსაზრისით, პროექტის გაუმჭვირვალედ, დაინტერესებული მხარეების არასათანადო ჩართულობით, ექსპერტთა შენიშვნების დიდი ნაწილის გაუთვალისწინებლობით და ფორმალური, ზედაპირული საჯარო განხილვების ფონზე მომზადება ... ...
  • აქცია პარლამენტთან_ "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის"დღეს დილიდან პარლამენტთან ოპოზიცია მხარდამჭერებთან ერთად საპროტესტო აქციას მართავს. პარლამენტის შენობასთან იმყოფებიან „ევროპული საქართველოს" და „ლელო საქართველოსთვის" წარმომადგენლები, ასევე სამოქალაქო აქტივისტები. „ქართული ოცნების" რამდენიმე დეპუტატს აქციის მონაწილეების შეძახილების ფონზე მოუწია პარლამენტში შესვლა. როგორც ოპოზიცია აცხადებს პარლამენტის პიკეტირების მცდელობები და აქციები მშვიდობიანი ფორმით გაგრძელდება, თუ საჭირო გახდა საპარლამენტო არჩევნების დღემდე. საპარლამენტო უმრავლესობის ლიდერი მამუკა მდინარაძე, ერთ-ერთი პოლიტიკოსია, რომელსაც პარლამენტის შენობაში შესვლა დღეს შეძახილების ფონზე მოუწია.  როგორც მან ჟურნალისტებთან  განაცხადა,  "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის და ეს უკვე უხერხულია". მდინარაძის თქმით, დღეს პარლამენტში ერთ-ერთი მთავარი თემა არჩილ თალაკვაძის ანგარიშია, ირაკლი შოთაძის კენჭისყრა კი დღეს იქნება თუ ხვალ, ჯერ გადაწყვეტილი არ ... ...
  • ფულადი თანხის მოტყუებით დაუფლების მცდელობის ფაქტზე ერთი პირი დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა,  ჩატარებული ოპერატიულ - სამძებრო ღონისძიებებისა და  საგამოძიებო მოქმედებების  შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს.  გამოძიებით დადგინდა, რომ ბრალდებული,  დაუკავშირდა საქართველოს ოკუპირებული ტერიტორიებიდან იძულებით გადაადგილებულ პირს და მოტყუებით დაარწმუნა იგი, რომ შესაბამისი თანხის გადახდის შემთხვევაში, თითქოსდა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლების მეშვეობით, დაეხმარებოდა მას, ზუგდიდში, საცხოვრებელი ფართის საკუთრებაში გადაცემაში. აღნიშნული თაღლითური განზრახვით,  ბრალდებულმა, მოქალაქეს მოსთხოვა და გამოართვა 10 000 ლარი, რა დროსაც მოხდა მისი დაკავება. გამოძიება მიმდინარეობს  საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...
  • ჩოხატაურში მსუბუქი ავტომობილი ხეს შეეჯახაჩოხატაურში მსუბუქი ავტომობილი ხეს შეეჯახა.  შემთხვევის შედეგად მძღოლმა მსუბუქი დაზიანება მიიღო და საავადმყოფოში გადაიყვანეს.  როგორც „გურია ნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ს 276-ე მუხლის მეორე ნაწილით ... ...

არქივი

კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...