ბროკოლი ჩემს კარმიდამოში

gurianews.com

კარმიდამო ჩემი

ბროკოლი ჩემს კარმიდამოში

2013 მარ 3 09:54:38

გასულ წელს ჩვენს გაზეთში ვწერდით გურიის, კერძოდ, ოზურგეთის ფერმერულ ცხოვრებაში ერთ მნიშვნელოვან სიახლეზე. ცნობილმა მეურნემ, სოფლის მეურნეობის განვითარების ცენტრის მთავარმა აგრონომმა კაკო ღლონტმა ბროკოლის ჯიშის კომბოსტო ჩვენში პირველმა მოაშენა. საკვირველი ისაა, რომ ორიათასწლოვანი ისტორიის მქონე ეს კომბოსტო, აქაურებისთვის სიახლე აღმოჩნდა. მკითხველს შევახსენებ, რომ სხვა სახეობაა ყვავილოვანი კომბოსტო.

პირადად მე ძალიან დავინტერესდი და ალბათ, უფრო საცდელად, გადავწყვიტე ბროკოლის მოშენება, რომლის ნერგიც ბატონმა კაკომ გასული წლის სექტემბერში მისახსოვრა. აღსანიშნავია, რომ დღეისთვის ოზურგეთის აგრარულ ბაზარსა და სუპერმარკეტ "მოდერნში" ერთი კილოგრამი ბროკოლი ოთხი ლარი ღირს!

ის, რომ ბროკოლი ორიათასწლოვანი ისტორიის მქონეა, თავიდან იტალიაში ყოფილა გავრცელებული და ერთ-ერთ უპირველეს დელიკატესადაც ყოფილა მიჩნეული, ბატონმა კაკომ გვიამბო. მერე სხვადასხვა ლიტერატურასაც გავეცანით. _ მალე ჩვენში ბროკოლის ბუმი იქნებაო, _ გვითხრა ბატონმა კაკომ მაშინ და მთლად ვერ დავეთანხმე. ახლა კი დარწმუნებული ვარ, რომ ეს სიახლე მალე ჩვენს მეურნეებს უსაყვარლეს საქმედ ექცევათ.

ბროკოლის ნერგი, რომელიც ძალიან ჰგავს ჩვენში გავრცელებულ "კეჟერას", გასული წლის სექტემბერში დავრგე. რატომღაც, მეგონა რომ მცენარეს ზრდა და გაძლიერება გაუჭირდებოდა. განსაკუთრებული მზრუნველობით ვუვლიდი. დარგვის შემდეგ, ვრწყავდი და თითოეული ძირის ირგვლივ ნიადაგს ვანოყიერებდი. ეს უფრო საცდელი ნაბიჯი იყო. როცა წამოიზარდა, ოჯახში მეხუმრებოდნენ, რას კირკიმალაობ, ეს "კეჟერა" საიდან მოიტანე, მაგის თესლი თუ ნერგი გურიაში ოხრად ყრია და წაიღე, ვიღაცას იქეთ მიეციო.

ჩემი ოჯახის წევრებმა ხუმრობა მაშინ შეწყვიტეს, როცა ბროკოლმა, რას მიქვია კეჟერობაო და ფოთლებს შუა ყვავილოვანი თავი ამოჰყო. როგორც გურულები იტყვიან, მცენარე "დამდიდრდა და გადაირია".

მკითხველს ვერ მოვატყუებ, რომ ნაირ-ნაირი კერძები გავაკეთე. არადა, მისგან, თურმე, შესანიშნავი მწნილი, წვნიანი თუ ნიგვზიანი კეთდება. რადგან მე ბლომად არ მქონდა და არსებული ნარგაობის სათესლედ დატოვება გადავწყვიტე, მხოლოდ სამიოდე ძირს ავაჭერი ყვავილოვანი ნაწილი და "ერთი იჯრა" გავაკეთე _ შევწვი და შევკმაზე ნიგვზით და უცხო სუნელით, რაც ძალიან გემრიელი გამოვიდა.

ბროკოლი ყვავილოვანი კომბოსტოსგან განსხვავდება იმით, რომ უფრო მუქი ფერისაა და ე. წ. თავთავი გაცილებით წვრილი ყვავილედებისგან შედგება. დავრწმუნდი, რომ "ბროკოლის" მოშენება არ იქნება საძნელო საქმე, რადგან ყველა ჩითილმა, რომელიც დავრგე, უპრობლემოდ გაიხარა. ახლა ჩემი სურვილია, ამ ბოსტნეულის ჩითილების გაზაფხულზე გამოყვანა, რასაც თესლი სჭირდება. სათესლე მასალა კი ისევ შინაურ პირობებში უნდა მივიღო. რჩევისთვის არა ერთხელ დავუკავშირდი ბატონ კაკოს. მისი თქმით, ეს მცენარე მალე ისევე იყვავილებს, როგორც კომბოსტოს ნაირსახეობა "კეჟერა" ყვავილობს ჩვენში. ოღონდ სათესლე მასალას, ვიდრე ის მცენარის ნაწილია და ზედვე მომწიფდება, სერიოზული დაცვა სჭირდება ფრინველებისგან. დამცავი მექანიზმიც ცნობილია შინაურ პირობებში _ უნდა შემოვახვიოთ ბადიანი, გამჭვირვალე ქსოვილი, რომელიც თესლის მომწიფებას ხელს არ შეუშლის და ფრინველისთვისაც მიუწვდომელი იქნება.

გასულ წელს კაკო ღლონტმა "ბროკოლის" ჩითილი დახურულ გრუნტში გამოიყვანა. როგორც ჩემი ცდით მივხვდი, ღია გრუნტში არანაირად არ უჭირს ამ მცენარეს. იგი ჩემს საკარმიდამო ნაკვეთში, ზამთრის პირობებში, ღია ცის ქვეშ გახდა ზრდასრული და შევიდა კიდეც სიმწიფის ფაზაში, ანუ მოხდა ყვავილოვანი ნაყოფის მიღება. რაც შეეხება სათესლე ყვავილს, მცენარე ამას აწი გაიკეთებს. გაზაფხულზე უნდა მოხერხდეს თესლის აღებაც და დათესვაც, რათა ამ შემთხვევაში შემოდგომისთვის მცენარემ ნაყოფი მოგვცეს. ჩემი აზრით, იგი გაზაფხულზე ორჯერ უნდა დაითესოს _ მარტში და მაისის ბოლოს. პირველი ნათესის ჩითილისგან, სავარაუდოდ, შემოდგომაზე მივიღებთ მოსავალს. მეორე ნათესის ჩითილებს კი ზაფხულში დავრგავთ და მომდევნო გაზაფხულამდე მოგვცემს ნაყოფს. ასე რომ, ჩემი დაკვირვებით, ჩვენში "ბროკოლმა" წელიწადში ორჯერ უნდა მოგვცეს ნაყოფი, თუ არ დაგვეზარება და ორჯერ დავთესავთ და გამოვიყვანთ ჩითილებს _ გაზაფხულსა და შემოდგომაზე. დარწმუნებული ვარ, ერთი წლის შემდეგ, მნიშვნელოვანი შედეგი მექნება.

რაც შეეხება ბროკოლს, როგორც ყუათიან და სამკურნალო საკვებ პროდუქტს, გამოირჩევა სასარგებლო თვისებებით. შეიცავს მრავალ ვიტამინს. არა ერთი ლიტერატურა გვამცნობს, რომ მასში შემავალი ნივთიერებები კიბოსა და ათეროსკლეროზის საწინააღმდეგო თვისებებით გამოირჩევა. ჩვენში მასზე მოთხოვნა დღითი დღე მატულობს, როცა არც ისე დიდი ხნის წინ, კომბოსტოს ამ სახეობის შესახებ, ბევრი არაფერი ვიცოდით.

ასე რომ, ნაწირნასწარმეტყველები "ბროკოლის ბუმიც", სავარაუდოდ, ერთ წელიწადში გაჩაღდება.


ნახვა: 5193


 ახალი ამბები
  • ჩოხატაურში სალომე ზურაბიშვილთან შეხვედრა დახურულ კარს მიღმა მიმდინარეობსჩოხატაურის ხელოვნების სასახლეში :ქართული ოცნების: მხარდაჭერილი კანდიდატის სალომე ზურაბიშვილის შეხვედრა დახურულ კარს მიღმა მიმდინარეობს. ხელოვნების სასახლის თანამშრომელი კარს გასაღებით კეტავს და დარბაზში მხოლოდ იმ ადამიანებს უშვებს, რომლებზეც მითითებას შტაბის წევრები აძლევენ. კითხვა _ რატომ დაკეტეს იმ შეხვედრის კარი, სადაც სალომე ზურაბიშვილი იმყოფებდა და რატომ არ უშვებენ ადამიანებს თავისუფლად, უპასუხოდ რჩება. სავარაუდოდ, ამის მიზეზი ლანჩხუთსა და სხვა ქალაქებში განვითარებული მოვლენებია _ ზურაბიშვილს "ნაციონალური" მოძრაობის წევრები აქციებით ხვდებიან და ხშირია ფაქტები, როცა დაპირისპირება დარბაზშიც ... ...
  • სოფელ სალხინოში საპილოტო პროექტის ფარგლებში ჩატარებული სამუშაოების შემაჯამებელი შეხვედრა გაიმართა (R)მიწის სისტემური რეგისტრაციის საპილოტო პროექტის წარმომადგენლები ვანის მუნიციპალიტეტის სოფელ სალხინოს მოსახლეობას შეხვდნენ და საპილოტო არეალზე ჩატარებული სამუშაოები შეაჯამეს. მათ  პროექტით გათვალისწინებული პროცედურები განმარტეს და სტატისტიკური მონაცემები მიმოიხილეს. სოფელ სალხინოს გამგეობის შენობაში გამართულ შეხვედრაზე პროექტის წარმომადგენლებმა ადგილობრივი მოსახლეობის კითხვებსაც უპასუხეს და მათი მოსაზრებები მოისმინეს.  სალხინოს არეალზე იდენტიფიცირებულია 2900 მიწის ნაკვეთი, რომელთაგან უკვე რეგისტრირებულია 1665. 963 მიწის ნაკვეთზე განცხადება განსახილველად გადაგზავნილია ვანის მუნიციპალიტეტის თვითნებურად დაკავებულ მიწაზე აღიარების კომისიაში. დარჩენილ მიწის ნაკვეთებზე მიმდინარეობს დოკუმენტაციის მოძიება და დამატებითი ინფორმაციის შესწავლა.  აღსანიშნავია, რომ სალხინოს საპილოტო არეალზე ქალი და კაცი მესაკუთრეების რაოდენობა თითქმის იდენტურია.  კერძოდ, დარეგისტრირებული  1657 მესაკუთრის უფლებიდან,  ქალ მესაკუთრეთა რაოდენობა 852-ია, ხოლო კაც მესაკუთრეთა 986-ია.  ვანის მუნიციპალიტეტის სოფელი სალხინო ერთ-ერთია იმ 12 დასახლებიდან, რომლებშიც მსოფლიო ბანკის ფინანსური მხარდაჭერით, მიწის სისტემური რეგისტრაციის საპილოტო პროექტი მიმდინარეობს.   მიწის სისტემური რეგისტრაციის საპილოტო პროექტი  მიწის რეგისტრაციის რეფორმის ნაწილს წარმოადგენს და წინასწარ შერჩეულ გეოგრაფიულ არეალებზე სისტემურად და პროაქტიულად მოპოვებული და დამუშავებული მონაცემების საფუძველზე,  მიწის ნაკვეთების რეგისტრაციას ითვალისწინებს. პროექტის ფარგლებში, საპილოტო არეალებზე სრულად აიზომება და დარეგისტრირდება კერძო, სახელმწიფო და მუნიციპალურ საკუთრებაში არსებულ მიწის ნაკვეთები; შეიქმნება მონაცემთა ერთიანი ბაზა;  მესაკუთრები, რომლებიც მიწის ნაკვეთებს სათანადო საბუთების არქონის, დოკუმენტებში არსებული ხარვეზების, სამეზობლო დავების, საკადასტრო აზომვითი ნახაზისთვის საჭირო საფასურის  თუ  სხვა მიზეზების გამო ვერ ირეგისტრირებდნენ,  ნაკვეთების რეგისტრაციას უფასოდ, მარტივად და ყოველგვარი დაბრკოლების გარეშე შეძლებენ; ადმინისტრაციული წარმოების პროცესში ყველა დაინტერესებული მხარე ჩაერთვება. (R)   ... ...
  • "არც ერთი ხმა მოღალატეს" _ "ნაციონალებმა" სალომე ზურაბიშვილო სასტვენებით გააცილესხმაურით დასრულდა "ქართული ოცნების" მხარდაჭერილ კანდიდატთან სალომე ზურაბიშვილთან შეხვედრა ლანჩხუთში. გარეთ გამოსულ დეპუტატს "ნაციონალური მოძრაობის" წევრები სასტვენებით და პლაკატებით დახვდნენ. _ არცერთი ხმა მოღალატეს, აფხაზეთი განგრენა არ არის, _ ეწერა პლაკატებზე. აღსანიშნავია, რომ ზურაბიშვილის საწინააღმდეგო აქციაში "ნაციონალური მოძრაობის" ჩოხატაურის ორგანიზაციის წევრებიც მონაწილეობდნენ. აქციასთან დაკავშორებით კომენტარი გააკეთა სალომე ზურაბიშვილმაც. _ ეს არის კომუნიზმი დროიდნელი გადმონაშთი, _ აღნიშნა ... ...
  • სალომე ზურაბიშვილს ლანჩხუთში აქციით ხვდებიანხმაურია ამ წუთებში ლანჩხუთის კულტურის სახლთან, სადაც "ქართული ოცნების" მხარდაჭერილი კანდიდატი სალომე ზურაბიშვილი შეხვედრას მართავს. კულტურის სახლის წინ "ნაციონალური მოძრაობის" აქტივისტები არიან შეკრებილნი: _ ზურაბიშვილი ქვეყნის მოღალატეა,_ აღნიშნავენ აქციის მონაწილეები და დარბაზში შესვლას ითხოვენ, რის საშუალებასაც მათ პოლიცია არ აძლევს. მას შემდეგ, რაც პრეზიდენტობის კანდიდატი შენობაში შევიდა, კარები ჩაიკეტა და შიგ შესვლის საშუალება აღარავის ... ...
  • „ხელისუფლება პირდაპირ დაბოლებაზე გადავიდა“ _ გია ხუხაშვილიპარლამენტი მარიხუანის კულტივაციის შესახებ კანონპროექტის გაწვევას, ჯერჯერობით, არ ჩქარობს.  როგორც ირაკლი კობახიძე აცხადებს,  საზოგადოებამ კანონპროექტის შინაარსი კარგად ვერ გაიგო, ამიტომ პარლამენტის თავმჯდომარე კანონპროექტის ეფექტიანობაში საზოგადოების დარწმუნებას თავად აპირებს. _ დიდი საპროტესტო ტალღის შემდეგ, როგორ აპირებს ხელისუფლება საზოგადოების გადარწმუნებას? _ სადავო კანონპროექტზე  ,,გურია ნიუსთან“ პოლიტიკის ექსპერტი გია ხუხაშვილი საუბრობს. _ არ ვიცი, როგორ შეიძლება საზოგადოების გადარწმუნება, მაგრამ, როგორც ჩანს, ხელისუფლების წარმომადგენლებმა რაღაც იციან. თუ ხელისუფლება ამბობს, რომ ჯერ დაარწმუნებენ საზოგადოებას კანონპროექტის ავკარგიანობაში და შემდეგ მიიღებენ გადაწყვეტილებას,  ცივილიზებული გზაა. მართალია, ხელისუფლებისგან კანონპროექტთან დაკავშირებით დამაჯერებელი არგუმენტები ჯერ არ წარმოუდგენიათ და ერთი ტყლაპოდან მეორეში ხტებიან, მაგრამ კი, ბატონო, აგვიხსნან, რაშია პრობლემა. _ ბატონო გია, საზოგადოებას კარგად ესმის, რომ ხელისუფლება მარიხუანის წარმოებას სამედიცინო და კოსმეტიკური საშუალებების დასამზადებლად გეგმავს, რაც მათთვის მიუღებელია. რის ახსნას აპირებს ხელისუფლება?  _ კანონპროექტს არავინ იცნობს,  დარწმუნებული ვარ, რომ ინიციატორების გარდა, კანონს არცერთი დეპუტატი არ კითხულობს. ისინი სმს-ით იღებენ ბრძანებას, რომელ ღილაკს დააჭირონ  ხელი. კანონების კითხვით თავს არ იწუხებენ. მიმაჩნია, რომ  კანაფის კულტივაცია გარკვეულ რისკებს უკავშირდება. მარიხუანის მოყვანაზე ქვეყნის ეკონომიკური აღმავლობის დაფუძნება  სასაცილო და არასერიოზულია. როგორც ჩანს,  ხელისუფლება პანიკაშია. კანაფით უნდათ ქვეყნის აშენება, იცით, ეს რას ნიშნავს? პოლიტიკური დაბოლებიდან, ნელ-ნელა პირდაპირ დაბოლებაზე გადადიან. ზოგიერთები კანაფის წარმოებიდან მისაღებ მილიარდობით ლარის შემოსავალზე რომ საუბრობენ, არასერიოზულია. უნდა გვესმოდეს, რაც უფრო გაფართოვდება კანაფის კულტივაცია,  კონტროლი უფრო და უფრო  ძნელი იქნება, პრაქტიკულად, შეუძლებელი გახდება. _ ბატონო გია, ,,გურია ნიუსთან“ ერთ-ერთ ინტერვიუში განაცხადეთ, რომ კანონპროექტის მომზადებაში ბიძინა ივანიშვილის ბიზნესინეტერესები არ იკვეთება. როგორ ფიქრობთ, ივანიშვილის შეთანხმების გარეშე გადაწყდებოდა აღნიშნული კანონპროექტის შემუშავება? მიზეზს ვერ ხედავთ, თუ რატომ შეიძლება ლობირებდეს ივანიშვილი ამ ინიციატივას? _ არ ვამბობ, რომ ბიძინა ივანიშვილის თანხმობის გარეშე მიიღეს გადაწყვეტილება.  ვამბობ, რომ მისი პირადი ბიზნესინტერესები არ იკვეთება. ვფიქრობ, არსებობს ლობისტური ჯგუფი, რომელმაც ჩათვალა, რომ მარიხუანის წარმოებისთვის საქართველოში ძალიან  ნოყიერი ნიადაგია. არ გამოვრიცხავ, რომ ეს კონკრეტული ლობისტური  ჯგუფი დაკავშირებული იყოს საერთაშორისო ნარკომოვაჭრეებთან, იმიტომ, რომ საერთაშორისო ნარკომოვაჭრეები ძალიან დიდი ყურადღებით აკვირდებიან სხვადასხვა ქვეყანაში მიმდინარე პროცესებს. ხედავენ, რომ საქართველოში ნარკოლიბერალიზაციის მოთხოვნით 30 ათას კაციანი მიტინგი იმართება, საკონსტიტუციო სასამართლომაც გამოიტანა ნარკოტიკების ლიბერალიზაციის სასარგებლოდ გადაწყვეტილება, ამიტომ ჩათვალეს, რომ საქართველოში საინტერესო ნიადაგია. კონკრეტულად, ვისი მეშვეობით დაიწყეს ამ კანონპროექტის ლობირება, ეს ტექნიკური საკითხია. ფაქტია, რომ ლობისტურმა ჯგუფმა აშკარად იმუშავა“, _ გვითხრა ხუხაშვილმა. საკანონმდებლო ორგანოს კანონპროექტზე მუშაობა ამჟამად შეჩერებული აქვს. იმ შემთხვევაში, თუ პარლამენტი კანონპროექტს მხარს დაუჭერს, საქართველოში მარიხუანის წარმოება ლეგალური ... ...

არქივი

კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...
ზაფრანი

ცეკვის რომელი სახეობაა ყველაზე სასარგებლო

ცეკვა ერთდროულად გართობისა და კარგ...

ქათამი დინოზავრის ახლო მონათესავე ყოფილა

ამერიკელი მეცნიერების მტკიცებით, ქათამი მფრინავი...

სიზმრის საიდუმლო, რატომ ვხედავთ სიზმარს

მიჩნეულია, რომ ყველა ჩვენგანი ყოველ...

ზოდიაქოს ნიშანი და კვების რაციონი

ზოდიაქოს ნიშნის მიხედვით  ამა თუ...

იურული პერიოდის დინოზავრების კლდე ბოლივიაში

ბოლივიის დედაქალაქთან ახლოს, სალ კლდეზე...

არაჩვეულებრივი გამოგონება

"Lifestraw" არაჩვეულებრივი გამოგონებაა, მან დიდი...