87 წლის ქალბატონი, მეცხრე სართულზე გაშენებული ბაღიდან გვესალმება

კარმიდამო ჩემი

87 წლის ქალბატონი, მეცხრე სართულზე გაშენებული ბაღიდან გვესალმება

4 ოქტ. 2017, 15:23:42

თბილისში, დიდუბეში, სამტრედიის ქუჩაზე, საცხოვრებელი კორპუსის მეცხრე სართულზე ღიმილიანი და ენერგიული იერით მოსილი ქალბატონი, ლამარა აბჟანდაძე გვესალმება.

იგი ცოტა შორიდან იწყებს სევდიან ისტორიას, რომელიც მის ბავშვობაში რეპრესიული წლებით დაიწყო. ახსოვს იმერეთში, თერჯოლის რაიონში, მშობლიურ სიმონეთში ოდა-სახლი, ნაირფერი ყვავილებით მოჩითული კარმიდამო, საიდანაც ადგილობრივ რადიოკომიტეტში მომუშავე მამა ცნობილ რეპრესიებს ძლივს დაუსხლტა და იქაურობასაც მალე დაემშვიდობნენ.

მძაფრდებოდა სინამდვილე და იზრდებოდა ბავშვობის მეხსიერებაში ჩარჩენილი ყვავილებიანი ეზოს ნატვრა, რომელიც ფერადოვნებით ახალისებდა შავ-თეთრი კადრებით მოსილ სინამდვილეს, ასე უწყვეტად რომ ახლდა მისი ცხოვრებას. თუმცა, სჯეროდა, სადაც მომავალში ბუდეს დაიდებდა, იქაურობას აუცილებლად ყვავილნარის წრე შემოევლებოდა.

_ ჩემი ბავშვობა ფერადი არ ყოფილა იმ მხრივ, რომ მამა იმ რეპრესიების დროს ადგილობრივ რადიოკომიტეტში მუშაობდა და ძლივს გამოასწრო _ დაჭერას ბეწვზე გადაურჩა. ბაბუას ერთი წისქვილი ჰქონდა და მაინც გააკულაკეს, _ ამბობს ლამარა აბჟანდაძე, _ მერე დიდი სამამულო ომის კოშმარი დაიწყო. ათი წლისა ვიყავი და ფერად სამყაროდ მხოლოდ ყვავილებიანი ეზო მახსოვდა.

სკოლა ვერცხლის მედალზე დავამთავრე, უნივერსიტეტში მათემატიკის ფაკულტეტზე ჩავირიცხე, თუმცა, სკოლის დამთავრებისთანავე კომკავშირის რიგები დავტოვე. ეს იყო ჩემი პროტესტი. მერე კი მიკვირდა, ახალგაზრდული სიჯიუტით რომ გავბედე და არ დამსაჯეს.

ახალგაზრდა მასწავლებლად დავბრუნდი თერჯოლაში, სადაც მათემატიკას ათი წლის განმავლობაში ვასწავლიდი, იქედან კი, ოჯახის შექმნის შემდეგ, ქუთაისში გადავედით საცხოვრებლად და 32-ე სკოლაში ვმუშაობდი პენსიაში გასვლამდე.

მოხდა ისე, რომ როცა საცხოვრებლად თბილისში გადმოვედი, მოგვიანებით, მოხუცებულობის ასაკში ავისრულე ბავშვობისგან შემორჩენილი ფერადი ოცნება _ მეცხრე სართულზე ყვავილების ბაღი გავაშენე.

ეს არის ჩემი პატარა ედემი. ასაკში ვარ, მაგრამ ეს ხელს არ მიშლის, რომ ჩვენი საცხოვრებელი ფართის ყველა აივანი ყვავილებით დავფარო. ახლახან ინტერნეტსივრცეს ვეზიარე, გავხდი სოციალური ქსელის წევრი. მიხარია, რომ ფეისბუქზე ახალგაზრდებმა მიმიღეს. ვეცნობი სპეციალურ ყვავილების გვერდებს და ახლა სულ სხვანაირად მინდა, ჩვენი აივნები მოვრთო, _ გვეუბნება 87 წლის ქალბატონი და საკუთარი საქმიანობის სიკეთედ თვლის, ასე დაბინძურებულ გარემოს სუფთა ჰაერი შემატოს და საამო განწყობის შესაქმნელადაც დახმარება გაუწიოს შინაურებს, სტუმრებს, მომსვლელ-წამსვლელს, შვილებისა და შვილიშვილების გარემოცვას.

_ პენსიაში 50 წლისა გავედი. 37 წელი გავიდა მას შემდეგ და ერთი წუთით არ შემიწყვეტია, როგორც ამ ყვავილებთან, ისე საკუთარ თავზე მუშაობა. მართალია, სკოლაში არ ვმუშაობდი, მაგრამ მყავდა მოსწავლეები, ვეხმარებოდი ყველას, როგორც შემეძლო, ყვავილებთან კი ჩემი სასაუბრო ენა მქონდა. ვერ ვძლებდი უჟურნალოდ, უგაზეთოდ, უწიგნოდ. სიახლე თუ რამ იქნებოდა, აუცილებლად მოვიძიებდი და ბოლოს ჩემი უსაზღვრო ინტერესი გარე სამყაროსადმი ფეისბუქვერდზე, სოციალურ ქსელში გაწევრიანებით დავასრულე. დამიმეგობრეს ახალგაზრდებმაც. იცით, ეს ჩემს ასაკში რამხელა თანადგომაა? ყოველი დილა ყვავილებთან მითენდება, შვიდ საათზე ფეხზე ვარ და ასე მგონია, ჩემ გარეშე მოწყენილები არიან _ რაღაც აკლიათ. რძალსა და შვილიშვილებს ძალიან უყვართ, მეხმარებიან, მაგრამ მე ისე მიყვარს ეს ჩემი პატარა სამყარო, თუ არ დავხედე, რომელს რა უჭირს, მოუსვენრობა მჩემდება, _ ამბობს ქალბატონი ლამარა და აღნიშნავს იმასაც, რომ ყვავილების გამორჩევა არ უყვარს:

_ ოღონდ ყვავილი ერქვას და არ ვარჩევ _ ყველას ერთი საზომით ვუდგები, თითოეულს თავისი პეწი აქვს. შეიძლება, ეს ჩემი პედაგოგიური ცხოვრებიდან დამჩემდა _ ბავშვებს არასდროს ვარჩევდი ერთმანეთისგან. ისინი მაცოცხლებდნენ და დღეს, ამ ასაკში რომ ჩემი ყოფილი მოსწავლეები ფეისბუქით მეხმიანებიან, დაბადების დღეს თუ კალენდარულ დღესასწაულებს მილოცავენ, ჩემი სიხარული ამ მეცხრე სართულს კი არა, მეცხრე ცას სცილდება, ჩემი ორი შვილისა და შვილიშვილების სიყვარულთან მიიგივდება და ხელმეორედ ვიბადები, მგონია.

ჩვენი წერილის 87 წლის გმირს სამომავლო ჩანაფიქრი ასეთი აქვს _ სურს ხვიარა ვარდებით შემოფარგლოს აივნები და ფერადი ფარდებივით ჩამოუშვას. ახლა ისეთი ჯიშის ხვიარა ვარდების შეძენა სურს, რომელიც ხანგრძლივად ყვავილობს. ნაირ-ნაირი კაქტუსოვნები, ხავერდოვნები და ხალიჩოვნები და ზოგი ისეთიც, რომელთა სახელი და ჯიში სულაც არ იცის ჩვენმა მასპინძელმა, თავს ისე კარგად გრძნობენ მზრუნველი ბებოს აივანზე, ზამთრის მოლოდინი არც აწუხებთ:

_ შემოდგომის სიგრილე მეც და ჩემს ყვავილებსაც საამოდ დაგვეტყო. რა მინდა, იცით? ყველას ჰქონდეს აივანზე ყვავილებისთვის ადგილი. სილამაზეა, კი, მაგრამ სიცოცხლე და ჰაერი _ აი, ამ განწყობით ვმოქმედებ და ვცოცხლობ. ყველას დავუფესვიანებ, ვაჩუქებ, შესაძლებლობის ფარგლებში, ოღონდ ისურვონ და მორთონ საკუთარი აივნები. ზოგს მივეცი, ძალიან ბევრი მსურველიც არ მოსულა, სიმართლე რომ გითხრათ. ადამიანები უდროობას იმიზეზებენ, თუმცა, მთავარი სურვილია, თორემ რა დრო ამას უნდა? ყველაფერს მოასწრებ, როცა გულით აკეთებ რაღაცას, _ ასე სჯერა ქალბატონ ლამარას და გვიზიარებს დიდ სიხარულს შვილიშვილის დაქორწინების შესახებ:

_ ახლახან შექმნა ოჯახი, რძალს ძალიან უყვარს ყვავილები და ახლა მათთვის ვამზადებ, მალე ახალ ბინაში გადავლენ და უკეთეს საჩუქარს ვერაფერს მოვუმზადებ. სურთ, იქ ჰქონდეთ, მეც ძალიან გამახარებენ და საკუთარ თავსაც, _ გვემშვიდობება და ჩვენც ყვავილებს გვპირდება, სურვილის შემთხვევაში.

დიდხანს სიცოცხლეს, უთვალავ შვილთაშვილს და ყვავილთა სიმრავლეს ვუსურვებთ 87 წლის ქალბატონს, რომელსაც მეცხრე სართულიდან მეცხრე ცამდე ოცნებისა და ყვავილების გზით სიარული, ამ ასაკშიც არ განელებია.




 ახალი ამბები
  • კოლეჯ „ჰორიზონტში" საშემოდგომო მიღება მიმდინარეობსკოლეჯ „ჰორიზონტ“-ში საშემოდგომო მიღება მიმდინარეობს. პროფესიული განათლების მიღების მსურველებს შესაძლებლობა აქვთ დაეუფლონ შრომის ბაზარზე მოთხოვნად შემდეგ პროფესიებს: ელექტროობა, თმის მომსახურება, კულინარიის ხელოვნება, სამკერვალო წარმოება, სკოლამდელი აღზრდა (მისანიჭებელი კვალიფიკაცია - უმაღლესი პროფესიული კვალიფიკაცია სკოლამდელ აღზრდაში), ბუღალტრული აღრიცხვა (მისანიჭებელი კვალიფიკაცია - უმაღლესი პროფესიული კვალიფიკაცია ბუღალტრულ აღრიცხვაში). პროფესიულ განათლებაში  მიმდინარე რეფორმის ფარგლებში, საშემოდგომო მიღებიდან, კოლეჯი „ჰორიზონტი“ ინტეგრირებული პროგრამების განხორციელებით, სწავლების ახალ შესაძლებლობას სთავაზობს საბაზო განათლების მქონე პირებს. აღნიშნულ პროგრამებზე სწავლის დასრულების შემდეგ, კურსდამთავრებულები სრული ზოგადი განათლების ატესტატთან გათანაბრებულ დიპლომს მიიღებენ, რაც მისცემთ შესაძლებლობას, სურვილის შემთხვევაში სწავლა განაგრძონ უმაღლეს სასწავლებლებში. 2020 წლის მიღებაზე, კოლეჯი შემდეგ ინტეგრირებულ პროგრამებზე სწავლებას სთავაზობს სტუდენტებს: ელექტროობა, რესტორნის მომსახურება, კომპიუტერული ქსელები და სისტემები. კოლეჯი „ჰორიზონტი“ 2020 წლის შემოდგომას უამრავი სიახლით ხვდება, მათ შორის ახალი ინტეგრირებული და V დონის პროფესიული პროგრამებით. კოლეჯში ყოველწლიურად 300-მდე სტუდენტი სწავლობს, კურსდამთავრებულთა დასაქმების საშუალო მაჩვენებელი 77%-ს შეადგენს. საშემოდგომო მიღებაზე რეგისტრაცია III, ინტეგრირებულ (IV) და V დონის პროგრამებზე 10 აგვისტომდე გაგრძელდება. სწავლის მსურველებს, ასევე, შესაძლებლობა აქვთ გაიარონ ელექტრონული რეგისტრაცია ვებგვერდზე https://vet.emis.ge/#/. სწავლა სრულად ფინანსდება სახელმწიფოს მიერ. ... ...
  • წელს ბახმაროში დოღი არ ჩატარდებაწელს, ბახმაროში ფერისცვალების დღესასწაულზე ტრადიციული დოღი არ ჩატარდება, _ ამის შესახებ განცხადებას ჩოხატაურის მერია ავრცელებს. "კორონავირუსის გავრცელების მაქსიმალური პრევენციისთვის, უწყებათაშორისი საკოორდინაციო საბჭოს რეკომენდაციის შესაბამისად, ბახმაროში დოღი არ ჩატარდება. იმედს გამოვთქვამთ, მომდევნო წელს ქვეყანაში იქნება ისეთი ეპიდემიოლოგიური ვითარება, რომ შესაძლებელი გახდება ბახმაროში ტრადიციული დოღის და სახალხო დღესასწაული გამართვა", _ ნათქვამია მერიის ... ...
  • ავტოსაგზაო შემთხვევა ჩოხატაურში _ დაღუპულია ერთი პიროვნებაავტოსაგზაო შემთხვევა მოხდა ჩოხატაურში, ავტომანქანა, რომელსაც რ. ბ. მართავდა, ხეს შეეჯახა. მძღოლი ადგილზე გარდაიცვალა. როგორც "გურია ნიუსისთვის" ხდება ცნობილი, სატვირტო მიკროავტობუსი, ჩოხატაური-ოზურგეთის ცენტრალურ გზაზე, კონკრეტულად კი, სოფელ გორაბერეჟოულთან, მოცურდა და ხეს შეეჯახა. საქმეზე შსს-მ გამოძიება უკვე დაიწყო. უწყების ცნობით, გამოძიება 276-ე მუხლის მე-6 ნაწილით ... ...
  • როგორი ამინდია მოსალოდნელი უახლოეს დღეებში- გაფრთხილება ამინდის შესახებგარემოს ეროვნული სააგენტოს ინფორმაციით, 3 აგვისტოს, დღის მეორე ნახევრიდან საქართველოს ტერიტორიის უმეტეს ნაწილზე გამოიდარებს. 9 აგვისტომდე მხოლოდ ცალკეულ რაიონში შესაძლოა მცირე ხანმოკლე წვიმა აღინიშნოს. ჰაერის ტემპერატურა დაბლობსა და ბარში 4 - 6 აგვისტოს +27, +32 გრადუსი იქნება, ხოლო 7 - 8 აგვისტოს +30, +35 გრადუსამდე მოიმატებს. თბილისში უმეტესად უნალექო ამინდია მოსალოდნელი. ჰაერის ტემპერატურა 4 – 6 აგვისტოს +29, +31 გრადუსი იქნება, ხოლო 7 – 8 აგვისტოს +32, +34 გრადუსამდე ... ...
  • პოლიციამ მასშტაბური ნარკორეალიზაციის სქემა გამოავლინაშინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ფონიჭალის დასახლებასა და გარდაბანში ორგანიზებული ჯგუფის 4 ნარკორეალიზატორი დააკავეს. მოსამართლის განჩინების საფუძველზე დაკავებულები არიან: 1976 წელს დაბადებული ფ.ბ., 1978 წელს დაბადებული დ.ჯ., 1982 წელს დაბადებული შ.ვ. და 1977 წელს დაბადებული ა.მ. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულებს შემუშავებული ჰქონდათ ნარკოტიკების რეალიზაციის დანაშაულებრივი სქემა, რომლის საშუალებითაც ისინი ფინანსურ რესურსებს მართავდნენ ინტერნეტ ტოტალიზატორის გამოყენებით. დანაშაულებრივი ჯგუფის წევრები ნარკოტიკული საშუალებების რეალიზაციას კი  ე.წ. „დადების“ მეთოდით ახდენდნენ. კერძოდ, დ.ჯ. და ფ.ბ. დაინტერესებულ პირებს სატელეფონო კომუნიკაციის საშუალებით, გარკვეული თანხის სანაცვლოდ სთავაზობდნენ ნარკოტიკების  შეძენას, აწვდიდნენ ონლაინ ტოტალიზატორის ანგარიშის ნომრებს,  თანხებს არიცხვინებდნენ, ხოლო ამის შემდეგ აწვდიდნენ ლოკაციების მისამართებს, სადაც ორგანიზებული ჯგუფის ერთ-ერთი წევრის მიერ უკვე განთავსებული იყო  ნარკოტიკული საშუალებები. გამოძიებით ასევე დადგინდა, რომ მიმდინარე წლის მანძილზე, ონლაინ ტოტალიზატორის ანგარიშის გამოყენებით ნარკოტიკული საშუალებების რეალიზაციის შედეგად მიღებულმა თანხამ ორ მილიონამდე ლარი შეადგინა. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალება „ჰეროინის“ საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა. პოლიციამ, დაკავებულების საცხოვრებელი სახლების და ავტომანქანის ჩხრეკისას, ნარკოტიკული საშუალება „ჰეროინი“, დიდი ოდენობით თანხა, ასევე, მათი კუთვნილი მობილური ტელეფონები და საბანკო ბარათები ნივთმტკიცებად ამოიღო. წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და გასაღების ფაქტებზე გამოძიება საქართველოს სისხლის სამართლის კოდექსის 260-ე მუხლის მე-3 ნაწილის „ბ“ ქვეპუნქტით, მე-5 ნაწილის „ბ“ ქვეპუნქტით და  მე-6 ნაწილის „ა“ და „ბ“ ქვეპუნქტებით მიმდინარეობს. ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ყველაზე, ყველაზე...

იცი თუ არა გეოგრაფია

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...