"კეკიობის" პერიოდს და წიწილას სითბო თანაბრად სჭირდება

კარმიდამო ჩემი

"კეკიობის" პერიოდს და წიწილას სითბო თანაბრად სჭირდება

2013 აპრ 30 09:19:32
ახლა ადრიანი გაზაფხულია და საკარმიდამო ბაღჩა-ბოსტანი თუ საოჯახო-სამეურნეო საქმე ერთნაირად საზრუნავია. ბოლო წლებში განზრახ თუ ჭირის ეპიდემიით მუსრგავლებული შინაური ფრინველის კვლავ დახოცვის შიშს ჯერაც არ გაუვლია ჩვენს მხარეში და ყველა სოფელში განსაკუთრებული გულისყურითაც ეკიდებიან ქათმის წიწილას გამოჩეკვის სეზონს.

ამ მხრივ გავრცელებული ფორმაა საინკუბაციო კვერცხის მიღება, მომსახურება და გამოჩეკვა.

აღნიშნულ საქმეში წარმატებით მუშაობს ოზურგეთის მკვიდრი, ინდმეწარმე დიმიტრი შარაძე, მამასთან, თემურ შარაძესთან ერთად. მისი განმარტებით, "შინაურ პირობებში წიწილას გამოჩეკვა, ტრადიციულად ხდება, ჩვენი დიასახლისები ამ საქმისთვის თავგადადებული ზრუნავენ, თუმცა, საკმაოდ ძნელი და შრომატევადია ეს საქმე."

_ წიწილა, დაჩეკვისა და ზრდის პერიოდში, ბავშვივით მზრუნველობას მოითხოვს და მისთვის უპირველესია სითბო, შემდეგ კი _ საკვები. ჩემი გამოცდილებით, წიწილას ზრდა სწორედ სითბოზეა უფრო დამოკიდებული, თუმცა, ასევე აუცილებელია საკვები და სათანადო მკურნალობა. ამ კომპონენტების გარეშე ეს საქმე წინ ვერ წაიწევს, _ ამბობს უმცროსი შარაძე ჩვენთან საუბრისას.

საინკუბაციო საქმიანობა ათიოდე წლის წინ დაიწყო. მართალია, ქალაქის ცენტრალური ნაწილიდან არც ისე შორს, სულხან საბას ქუჩაზე ცხოვრობს, მაგრამ "ქალაქურ პირობებშიც" შესანიშნავად შეძლო დიდი საბუდარის _ საჩეკი ინკუბატორის კეთილმოწყობა, რომელიც ერთი საჩეკისა და სამი კარადისგან შედგება. მასში 45 ათასი ცალი კვერცხი ეტევა და ამდენივე წიწილა იჩეკება. როგორც ბატონი თემური ამბობს, ჩავარდნის შემთხვევაში, დაუყოვნებლივ რეაგირებს და სამაგიერო კვერცხს ამატებს, რაც უდანაკარგო შედეგს აძლევს, საბოლოო ჯამში კი რეგიონში სანდოობით სარგებლობს და კლიენტიც არ აკლია.

_ მოსახლეობისგან საინკუბაციო კვერცხის მიღებას ვახდენთ პერიოდულად. 21 დღის შემდეგ კი დამკვეთს გამოჩეკილ წიწილებს ვაბარებთ. თან რჩევა-დარიგებასაც ვაძლევთ. უმთავრესია, "კეკიობის" (გამოჩეკვის) დროს ინკუბატორში თანაბარი ტემპერატურა იყოს. ეს, ასევე, უპირველესია ახალგამოჩეკილი წიწილებისთვის, ზრდის პერიოდში. ცოტა საკვების მიკლება ისეთ ზიანს ვერ მიაყენებს, როგორც სიცივე, _ ამბობს ბატონი თემური და გვაჩვენებს წიწილების სათავსსაც, სადაც ცალკე ზრდის წიწილებს და შემდეგ, ზაფხულის პერიოდში გაჰყავს სარეალიზაციოდ.

_ მე, ჩემს ოჯახთან ერთად, ჩართული ვარ ამ საქმეში და ხალხს შეღავათიან ფასში ვემსახურებით. საშუალოდ ზრდასრულ წიწილებს ნისიადაც, თხილის სეზონამდე ვატანთ ჩვენს კლიენტებს. ეს ორმხრივი ხელშეწყობის პრინციპი კარგად მუშაობს და მომხმარებელი კმაყოფილი გვყავს, _ ამბობს თემურ შარაძე

ოჯახის უფროსს, თემურ შარაძეს ოზურგეთში ვეტაფთიაქიც აქვს გახსნილი და აქაც წარმატებულად საქმიანობს. ეს აფთიაქი უფრო ადრე გახსნა, ვიდრე სამეურნეო საქმიანობას მოჰკიდებდა ხელს. პროფესიით ვეტერინარია, შვილთან, დიმიტრისთან ერთად, საქმეს კარგად აუღო ალღო. მომხმარებელი საჭირო მედიკამენტებს მისივე რეკომენდაციით იძენს და წიწილების გამოჩეკვის დამკვეთთა უმეტესობა მასთან შინაურულ, მეგობრულ დამოკიდებულებაშია.

_ ადამიანებთან კარგი ურთიერთობა მაძლებინებს, თორემ ეს ისეთი შრომატევადი საქმეა, შეიძლება, გამჭირვებოდა კეთება. იმდენი შემოსავალი არ აქვს, რამდენიც შრომა და წვალება სჭირდება, მაგრამ ოჯახს ვარჩენ და ლუკმაპური არ გვიჭირს, _ ამბობს ჩვენი მასპინძელი.

თემურ და დიმიტრი შარაძეების მშობლიური სოფელი ჯუმათია. იქ საყანე ფართობი აქვთ და ხუთ ტონამდე სიმინდს იწევენ. შემდეგ კი საკუთარ ოჯახში მოწყობილ საფქვავ და საცრელ საამქროებში ატარებენ ფრინველების საკვების მისაღებად.

_ ყველანაირად მობილიზებული ვარ, სიმინდის ეს რაოდენობა მაინც არ მყოფნის და როცა გამითავდება, ვყიდულობ. უმთავრესი ყურადღება კი ორმაგი კვების მქონე ელექტროგენერატორზე მაქვს გადატანილი, რადგან შუქმა და სითბომ რომ მიმტყუნოს, ზარალს კარგახანს ვერ ავანაზღაურებ, _ ფუსფუსებს მამა მასპინძელი და გული წყდება მამისეულ ოჯახსა და საკარმიდამოზე სოფელ ჯუმათში, რომელსაც მისივე თქმით, სათანადოდ ვერ უვლის.

_ იაფი კრედიტი რომ ეღირსებოდეს ხალხს, აუცილებლად გავაფართოვებდი ჩემს მცირე ბიზნესს და ასე ნანატრ მამულსაც მივხედავდი ჩემს ჯუმათში, იქაურობის სევდა მაწუხებსო, _ ალალად ჩაილაპარაკა და ბოდიშით დაგვემშვიდობა.




 ახალი ამბები
  • საირმის საკარანტინო ზონა მოქალაქეთა მორიგმა ჯგუფმა დატოვაიმერეთში, საირმის საკარანტინო ზონა დღეს მოქალაქეთა მორიგმა ჯგუფმა დატოვა. სასტუმროს დატოვებამდე მათ სამედიცინო შემოწმება გაიარეს. მათი წასვლის შემდეგ საკარანტინო ზონის ტერიტორიაზე, ჯანდაცვის სამინისტროს რეკომენდაციების შესაბამისად,  სრულფასოვანი სადეზინფექციო სამუშაოები ჩატარდა. საკარანტინო ზონები როგორც იმერეთში, ასევე საქართველოს სხვა მხარეებში ტურიზმის ეროვნული ადმინისტრაციის ორგანიზებითაა მოწყობილი. საკარანტინო სივრცეებში  არსებული განთავსების პირობები სრულ შესაბამისობაშია საერთაშორისო ჯანდაცვის ორგანიზაციისა და ეროვნული კანონმდებლობით გათვალისწინებულ ნორმებთან საკარანტინო სივრცეების მოწყობის შესახებ. ... ...
  • რომელი საწარმოები და ობიექტები გააგრძელებენ მუშაობას კარანტინის დროსრომელი საწარმოები და ობიექტები გააგრძელებენ მუშაობას ჩვეულ რეჟიმში - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ტელეკომპანია „იმედის“ გადაცემა „ქრონიკაში“ ისაუბრა. „აუცილებლად იმუშავებენ სააფთიაქო ქსელები და სურსათის მაღაზიები. რა თქმა უნდა სრული ხელმისაწვდომობა ექნება ჩვენს მოსახლეობას სამედიცინო მომსახურებაზე. იმუშავებენ მობილური კავშირგაბმულობის კომპანიები, ტელევიზიები, ბენზინგასამართი სადგურები ასევე საფოსტო მომსახურება იქნება ხელმისაწვდომი. ყველა ის მუნიციპალური სერვისი, როგორიც არის წყალი, დენი, გაზი. იმუშავებს სურსათის მომარაგების მთელი ჯაჭვი, რომელიც საჭიროა მაგალითად პურის საცხობები და თონეები“ - განაცხადა ცქიტიშვილმა. მინისტრის თქმით მზა კვების ობიექტები დისტანციური მიწოდების რეჟიმით იმუშავებენ, ასევე ფუნქციონირებას გააგრძელებენ მიტანის სერვისებიც. „ყველაფერი ის, რაც გარდაუვალი და აუცილებელია ჩვენი ფუნქციონირებისთვის, მასთან დაკავშირებული საქმიანობა, როგორიც არის თუნდაც სადისტრიბუციო მანქანების მოძრაობა, რომელიც არის საჭირო სასურსათო მაღაზიების უზრუნველყოფისთვის, ესეც ბუნებრივია იმუშავებს. გარდა ამისა, როდესაც უკვე ვსაუბრობთ ეკონომიკის სხვა მიმართულებებზე, სადაც შესაძლოა კითხვის ნიშნები არსებობდეს, ეს თუ ის საწარმო რამდენად სტრატეგიული მნიშვნელობისაა. ამ შემთხვევაში ასევე ჩვენ, მაგალითისთვის თუნდაც ბოლნისის და მარნეულის მუნიციპალიტეტებში, სადაც უფრო მკაცრი საკარანტინო პირობები იქნა შემოღებული, იქაც კი სოფლის მეურნეობის და ეკონიმიკის სამინისტროს მიერ იყო განსაზღვრული ის ობიექტები, მაგალითად კონცერნი „მარნეული“ რომელიც საკონსერვო პროდუქციას აწარმოებს დ აგრძელებს მუშაობას“ - განაცხადა ცქიტიშვილმა. ... ...
  • ხობის მუნიციპალიტეტში მცხოვრები 1000 ოჯახი საკვები პროდუქტების პაკეტს მიიღებს ხობის მუნიციპალიტეტში მცხოვრები სოციალურად დაუცველი 1000 ოჯახი საკვები პროდუქტების პაკეტს მიიღებს,- ამის შესახებ ინფორმაციას ხობის მუნიციპალიტეტის მერია ავრცელებს. მათივე ინფორმაციით, სამომხმარებლო პროდუქტების შესაძენად ადგილობრივ ბიუჯეტიდან 50 000 ლარამდე დაიხარჯება. ხობის მუნიციპალიტეტის მერის წარმომადგენლები სოციალურად დაუცველ ოჯახებს პროდუქტებს სახლში ... ...
  • დედაქალაქში დამატებითი შეზღუდვები წესდებაქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო. როგორც დედაქალაქის მერიის მიერ გავრცელებული ინფორმაციით, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება. აკრძალვა, როგორც თბილისის მუნიციპალიტეტის, ასევე, ქვეყნის დანარჩენ ტერიტორიაზე იმოქმედებს. „აღნიშნულ პერიოდში, დედაქალაქის მასშტაბით გადაადგილება დასაშვები იქნება მხოლოდ მსუბუქი ავტომობილით, მათ შორის ტაქსით, იმ შემთხვევაში, თუ ჯანდაცვის სამინისტროს რეკომენდაციები სრულად იქნება გათვალისწინებული - ავტომანქანაში, მძღოლის ჩათვლით, უნდა მოთავსდეს მხოლოდ სამი ადამიანი. მათგან ორი ადამიანი, უნდა მოთავსდეს ავტომანქანის უკანა სავარძელზე, გარკვეული დისტანციის დაცვით. კიდევ ერთხელ შევახსენებთ ჩვენს მოქალაქეებს, განსაკუთრებით კი ტაქსის მძღოლებს, რომ მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. წინააღმდეგ შემთხვევაში, შესაბამისი ორგანოები კანონის ფარგლებში იმოქმედებენ“,_ ნათქვამია დედაქალაქის მერიის მიერ გავრცელებულ ... ...
  • რა მნიშვნელოვანი შეზღუდვები წესდება ქვეყანაშისაქართველოში ხვალიდან საყოველთაო კარანტინი და ე.წ. კომენდატის საათი ამოქმედდება. ამის შესახებ განცხადება პრემიერ-მინისტრმა ცოტა ხნის წინ გააკეთა. რას ითვალისწინებს აღნიშნული მდგომარეობა ქვეყანაში, რა მნიშვნელოვანი შეზღუდვები უნდა გაითვალისწინოს მოსახლეობამ_ ამ საკითხზე „გურია ნიუსი“  ილიას სახელმწიფო უნივერსიტეტის სამართლის სკოლის ასოცირებულ პროფესორს, კონსტიტუციონალისტ კოტე ჩოკორაიას ესაუბრა. „პრემიერ-მინისტრის განცხადებას ვუსმინე, რაც გულისხმობს პირველ რიგში შეზღუდვებს გადაადგილებასთან დაკავშირებით, ანუ მნიშვნელოვანი შეზღუდვებია. იკრძალება ყველა ტიპის სატრანსპორტო გადაადგილება ქალაქებს შორის, გარდა ავტომობილისა, მათ შორის თბილისში მეტროთი და ავტობუსით მგზავრობა. გადაადგილება მხოლოდ ავტომობილით არის შესაძლებელი და იქაც თავისი წესებია. 3 ადამიანზე მეტი არ შეიძლება, რომ იყოს ავტომობილში. მნიშვნელოვანი შეზღუდვა, რაც აქამდე არ იყო 3-ზე მეტი ადამიანის შეკრების შეზღუდვაა და ასევე მნიშვნელოვანი შეზღუდვა ეხება  70 წელზე მეტი ასაკის მქონე ადამიანებს, რომელთაც პრინციპში ეკრძალებათ გამოსვლა და მეოთხე, ესაა ე.წ. კომენდატის საათი. ეს არის უბრალოდ გადაადგილების შეზღუდვა, საკარანტინო შეზღუდვის კომპონენტი, როდესაც ადამიანებს ეკრძალებათ საღამოს 9-დან დილის 6-ამდე გამოსვლა. იმისთვის, რომ უფრო მარტივი აღსაქმელი ყოფილიყო ამიტომ თქვეს ე.წ. კომენდატის საათი. კომენდატის საათი ცოტა სხვა რაღაცებს მოიცავს თავის თავში, თუმცა, შინაარსით ამას ჰგავს. ე.წ. კომენდატის საათი, ნიშნავს იმასაც, რომ ადამიანებმა მგზავრობა ისე უნდა დაგეგმონ, რომ გადაადგილება არ გახორციელდეს 9 საათის მერე“,_ გვითხრა ჩოკორაიამ. საქართველოში საგანგებო მდგომარეობის რეჟიმის კიდევ უფრო მკაცრი სახით ამოქმედება კორონავირუსთან ბრძოლას ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...