სატაცური ყველაზე ღირებულ ნივთიერებებს შეიცავს

კარმიდამო ჩემი

სატაცური ყველაზე ღირებულ ნივთიერებებს შეიცავს

2013 მაი 14 09:41:11

ჯერ იყო ბროკოლი, ახლა კი სატაცურის ბუმს გვპირდება ერთი ჩვენი ძველი რესპონდენტი, აგრონომი და ბიოფერმერი აკაკი ღლონტი,რომლის აქტიური და ნოვატორული საქმიანობა გურიაში და საქართველოშიც კარგადაა ცნობილი.

სატაცურის შესახებ ბატონმა აკაკიმ ბევრი რამ გვიამბო. სატაცურის (ლათინურად _ ასპარაგუს) სამშობლო ეგვიპტეა და მას ხშირად სამეფო მცენარესაც უწოდებენ. ძირითადად, გვხვდება სამი სახის: თეთრი, მწვანე და იასამნისფერი. მას კამის მსგავსი რბილ წიწვები აქვს და არა ერთ ოჯახს მხოლოდ დეკორატიულ სამშვენისად აქვს შინ. სინამდვილეში კი ეს არის უნიკალური ბოსტნეული კულტურა, რომელიც ყველაზე ღირებულ ნივთიერებებს, კალიუმსა და ასპარაგანის მჟავას შეიცავს. ასევე, მის შემადგენლობაშია სელენიუმი, რომელიც სხვა ბოსტნეულ კულტურებში იშვიათად გვხვდება.

სელენიუმის კიბოს საწინააღმდეგო მოქმედების უნარი, დიდი ხანია, ცნობილია, მაგრამ უშუალოდ სატაცურში კიბოს საწინააღმდეგო უნარი მნიშვნელოვნად იზრდება, რადგან სელენიუმის გარდა, სატაცური შეიცავს ვიტამინ C-ს და კაროტინს.

სატაცურის მიღება მნიშვნელოვნად სასარგებლოა ორგანიზმისთვის, თუნდაც იმიტომ, რომ იგი არ შეიცავს ცხიმებს და ქოლესტერინს. სამაგიეროდ, შეიცავს უამრავ ვიტამინს და ორგანიზმისთვის აუცილებელ მიკროელემენტებს. რკინას, ფოსფორს, კალიუმს, კალციუმს და სხვა სასარგებლო მინერალებს. სატაცური ნატურალური წყაროა ფოლიუმის მჟავისა, რომელიც პასუხისმგებელია სისხლის უჯრედების განვითარებაზე. სატაცურს იყენებენ პროსტატის საწინააღმდეგოდ, რადგან მისი მოქმედება დადებითად აისახება შარდმდენი სისტემის ფუნქციონირებას. ის აძლიერებს ვენებს, კაპილარებს და არტერიებს მთელ ორგანიზმში, არეგულირებს წნევას.

სატაცური გამოიყენება ჭარბ წონასთან საბრძოლველად, რადგან ის დაბალ კალორიულია (100 გრამი სატაცური შეიცავს 88 კილოკალორიას) ამავე დროს, შეიცავს ყველა იმ ნივთიერებას, რომელიც ეხმარება ორგანიზმს დიეტის დაცვის დროს წარმოქმნილი სტრესული მდგომარეობის დაძლევაში.

სატაცური მიეკუთვნება ბოსტნეულ კულტურათა იმ იშვიათ ჯგუფს, რომელთაც არ აღენიშნებათ უკუჩვენებები.

სატაცურისგან მზადდება ბევრი გემრიელი კერძი, საიდანაც ყველაზე ფასეულია ნედლი სატაცურის სალათი, რადგან ის მოხარშვის შედეგად კარგავს ზოგ სასარგებლო თვისებას.

აკაკი ღლონტს, დიდი ხანია, რაც მწვანე ჯიშის სატაცური საკარმიდამო ნაკვეთში აქვს, როგორც ყვავილოვანი მცენარე. როცა მისი წარმომავლობა გაიგო, როგორც ბოსტნეული მცენარისა, გადაიტანა ძირითად ნაკვეთში და გაამრავლა. ის ფესვურის დაყოფით კარგად მრავლდება. ახლახან კი აღმოსავლეთ საქართველოდან გამოუგზავნეს თესლი და შარშანდელი ნათესებიდან უკვე მიღებული აქვს გადასაჩითილებელი თესლ-ნერგი. მისი რჩევით, თესლით გამრავლებაც კარგია. მცენარე იკეთებს კურკის მსგავს სათესლე პარკუჭს, რომელშიც რამდენიმე პაწია მარცვალია მოთავსებული. დათესვიდან 25 დღეში, პირველი უსუსური ამონაყარი მიიღება, რომელიც ზამთარში ხმება და გაზაფხულზე ამოიყრის. აი ეს ამონაყარი, რომელიც ზუსტად წელიწადის ამ დროს, გაზაფხულზე ამოდის და სამი-ოთხჯერ არის შესაძლებელი შეტეხვა, არაჩვეულებრივი ბოსტნეული კერძია. მისგან უგემრიელესი ფხალეული კეთდება. თბილისის სუპერმარკეტებში კი კილოგრამი 20-25 ლარამდე ღირს. მისი მომრავლება ერთ აუცილებელ საქმედ უნდა აქციონ ჩვენმა მეურნეებმა. მისი ჩვილი ყლორტები, როცა გადატეხვა შეიძლება, მაშინაა საკვებად ვარგისი. როცა გადაიზნიქება, უკვე გაუხეშებულია.

აკაკი ღლონტი აღნიშნავს იმასაც, რომ ინტერნეტში მოიპოვება ინფორმაცია ამ მცენარის შესახებ, თუმცა, ბევრი რამ არაზუსტად წერია: _ დასავლეთის პირობებს სხვა გამოცდილება სჭირდება. ეს მცენარე გაყოფილ სქესიანია და ორივე სქესი ყვავილობს. მდედრობითი გამოიყენება გასამრავლებლად. ფესვურით გამრავლების შემთხვევაში სასურველია, მისი დაყოფა ვეგეტაციის დაწყებამდე. პლანტაციები შენდება ძირთა შორის 50-70 სმ დაშორებით, მწკრივთა შორის, ერთიდან 1,5 მეტრამდე. გაზაფხულზე სამჯერ, ოთხჯერ გადაკრეფა შეიძლება. ზედმეტი შეტეხვითაც არ უნდა მოვახდინოთ ძირეული მცენარის დაკნინება, რომ ზედ დარჩეს ტოტები საასიმილაციოდ. გარდა საკვებისა, სატაცურის ზრდასრული ტოტები გამოიყენება მეყვავილეობაში ყვავილების მოსართავად, მისი დეკორატიულობიდან გამომდინარე.

გურიის პირობებში, სადაც ნალექი ჭარბობს, სასურველია, დაშორება მოვახდინოთ, გამოვიყვანოთ ტალავერქვეშ, რადგან ვენახის თუ კივის ვეგეტაციის დაწყებამდე, ეს მცენარე ასწრებს მოსავალს.

ევროპული და განვითარებული ქვეყნების რესტორნების მენიუში თუ სატაცურის კერძი არ მოიპოვება, ის დაბალი კატეგორიის რესტორნად მიიჩნევა, _ გვეუბნება ბატონი აკაკი და სახელდახელოდ დაკრეფილი სატაცურის შეკვრას გვატანს, წაიღეთ და გააკეთეთ, გემოს იგრძნობთო. მართლაც შესანიშნავი კერძი მივიღე, რომელიც გამზადებული ფორმით ძალიან წააგავს სოკოს. მისგან მჟავეც კარგი მზადდება. თუ სატაცურს ყველა ოჯახი დარგავს თავის საკარმიდამო ნაკვეთზე, ამ პერიოდში, ადრიან გაზაფხულზე, ექნება ვიტამინებით სავსე უგემრიელესი ფხალეულის მომზადების საშუალება.

აკაკი ღლონტთან საუბრის შემდეგ, ჩემს სამეზობლო-სამეგობროში "ექსკურსია" მოვაწყვე. არა ერთგან აღმოვაჩინე სატაცური, ზოგთან ქოთნებში, ზოგთან _ ღია ცის ქვეშ. თუმცა, არც ერთმა არ იცოდა მისი, როგორც ბოსტნეულის შესახებ. ამ მცენარე-ბოსტნეულით, ადრე გაზაფხულზე, ცერცვის შემოსვლამდე (პირადად მე, ცერცვი 6 აპრილს მოვკრიფე ჩემს საკარმიდამოში და უფრო ადრე ეს შეუძლებელია, მისი ვეგეტაციიდან გამომდინარე) თქვენ საშუალება გექნებათ, საოჯახო სუფრაზე სხვადასხვანაირად მომზადებული სატაცურის კერძი მიიტანოთ. სატაცური მიწიდან თავს მაშინ ამოჰყოფს, როცა ჯონჯოლი და სხვა ადრიანად მოყვავილე მცენარე გაფურჩქვნას იწყებს.




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...
ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...