"ჩემი პატარა ვენეცია" მაქვს" _ რას საქმიანობს 80 წლის პურის მცხობელი

კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის მცხობელი

2019 აპრ 15 14:04:50

ამირან პეშკოვი ოზურგეთის მუნიციპალიტეტის სოფელ შემოქმედში ცხოვრობს. პროფესიით პურის ცხობის ტექნოლოგი, როგორც თავად გვიამბობს, 40 წლის მანძილზე მუშაობდა შემოქმედის მექანიზირებული პურის საცხობის წარმოების უფროსად.

 _ ასე გაილია ცხოვრების 80 წელი. მეორე პროფესიაც მაქვს _ მებაღეობის სპეციალისტი ვარ და თუ ადრე პურის ცხობის ტექნოლოგიას ვიყენებდი, ასაკში შესული უფრო კარმიდამოში ვსაქმიანობ. ან როგორ შეიძლება, ეს სპეციალობაც რომ არ მქონდეს, სოფლის კარმიდამოში ვენახი ან ხეხილოვნები არ ვახარო, ბაღჩას არ მივხედო და ცოტა შინაური ფრინველი თუ ცხოველი არ მყავდეს, ჩვენებურად _"საყოლი". ეს თუ არ ქენი, მაშინ კაცი მკვდარი ხარ, _ გვეუბნება აფუსფუსებული ამირან პეშკოვი და მისივე თქმით, ყველაზე "მთავარი გასართობი ცენტრი" რომ გააკეთა საკარმიდამოში, იქეთ მივყავართ.

ამირან პეშკოვის ეზოში ჩამომავალი მდინარე ბჟუჟის შენაკადი, ისევე, როგორც არა ერთი შემოქმედელის ეზოში, საუცხოო საზაფხულო განწყობას ქმნის. ჩვენი მასპინძელი გვიამბობს, რომ ერთხელაც მოიფიქრა, გაეკეთებინა ზომიერი აუზი, შიგ თევზები გაუშვა, შემდეგ კი უფრო გააფართოვა, პატარა ხელნაკეთი ნავიც "შეკერა" და ნიჩბით ხელში წრეზე საცდელი "სვლაც" კარგად გამოუვიდა.

_ მაქვს "ჩემი პატარა ვენეცია", ესეც ჩემი "გონდოლა". ამ ნავზე ხან ბავშვები სხდებიან, ხანაც _ დიდები, ტურისტებიც მსტუმრობენ და ვერთობით ასე. რომ გითხრათ, ფულის "საკეთებელ" საქმიზა ვეცადე,-მეთქი, მოგატყუებთ. როგორც საკუთარი თავის, ისე შვილების, შვილიშვილების, ახალგაზრდების, მასპინძლებისა თუ სტუმრებისთვის, სიამოვნების მინიჭება მსურს. ჩაკეტილი ცხოვრება არ შემიძლია, კი მეუბნებიან, პატარა ბიზნესი წამოიწყეო, მაგრამ რა დროს ჩემი ბიზნესია?! ბუნებრივი ქვის კედლებს ვაკეთებ. ჩემით ვისწავლე და ხან პურის ფულს თუ ავიღებ, ესაა. ისე, ჩემს უბანში, ახლო-მახლო ვაკეთებ, ვალამაზებ გარემოს. ამაში ფულს როგორ მოვთხოვ ვინმეს, _ გვეუბნება მხნე მოხუცი და უხარია, რომ მისივე ფანტაზიით შექმნილ კომპოზიციებს სხვები უწონებენ.

ეზოში, აუზის მიმდებარედ, წყლის წისქვილი აქვს. ახლა მთავარი, რაზეც ზრუნავს, მცირე მიკროჰესის გაკეთებაა:

_ ეზოში რომ ასეთი ბუნებრივი წყალი ჩამოგიდის კაცს, ღვთის საჩუქარია და ყველაფერი უნდა გააკეთო, ყველანაირად უნდა მოიხმარო, რომ გარემო გაალამაზო. ყველაზე მთავარი რაც არის, ეს ყველაფერი სიცოცხლეს ახანგრძლივებს. საკალმახე რომ გავაკეთე, მაშინ ამაზე არ ვფიქრობდი, თუმცა, მერე წისქვილის გაკეთებაც მომინდა. მცირე მიკროჰესზე ფიქრი კი მაშინ დავიწყე, როცა ქვეყანა უკვე განათებული იყო. ბევრს უკვირს კიდეც, ახლა ეს რა საჭიროაო, _ ამბობს ბატონი ამირანი.

_ ჩვენც გვიკვირს...

_ ნუ გაიკვირვებთ. ეკონომიას რა სჯობს ოჯახში. მე გავაკეთებ, ერთ ოჯახს ეს ყველანაირად ეყოფა და თუ რაიმე გადასახადს დამიწესებს სახელმწიფო, ჯერ კანონებს არ გავცნობივარ მაგ მხრივ, იმასაც გადავიხდი. ვფიქრობ, მაინც მოგებული დავრჩები. მერე მესტუმრეთ, როცა დავასრულებ და დარწმუნდებით, რომ სწორი არჩევანი გავაკეთე, _ სამომავლოდაც გვეპატიჟება ჩვენი მასპინძელი.

ამირან პეშკოვს ეამაყება, რომ სოფელ შემოქმედში სახელოვანი ლოტბარის _ ვარლამ სიმონიშვილის სახელობის სახლ-მუზეუმის მშენებლობასა და კარმიდამოს კეთილმოწყობაში მნიშვნელოვანი წვლილი შეიტანა. საკუთარი შრომით მოაპირკეთა ჭის თავი, სიგრძივად ამოაშენა და დააგო ბილიკები.

რაც შეეხება საკუთარი სახლის მიმდებარე ტერიტორიას, ახლა გეგმავს უბნისთვის მიკროპარკი გააშენოს.

_ მინდა, ამ ზაფხულისთვის მოვასწრო. აქ უკვე გავაკეთე ჯვარი, პატარა წყარო, ქუჩის გასწვრივ, სადაც ბჟუჟის შენაკადის არხი გადის, ქვის ღობეც ამოვაშენე. ამ ყველაფერს ჩემი სურვილით, უსასყიდლოდ ვაკეთებ. ყველას გამოგვადგება. მსიამოვნებს, რომ ადამიანებს გავახარებ. დაისვენებენ, ერთმანეთს ქვეყნის ამბავს მოუყვებიან. ახალგაზრდები, ბავშვები გაიხარებენ და მომბაძავს კიდევ ვინმე. ვიღაცას ხომ მოეწონება ჩემი საქმე, ჩემი საქციელი? ესაა ჩემი სულის გამოძახილი, რასაც ახლა გეუბნებით და დარჩენილ სიცოცხლეს, ასეთი ფიქრით და საქმიანობით გავატარებ, _ გვეუბნება ბატონი ამირანი და კიდევ ერთხელ გვეპატიჟება, _ როცა სკვერის მოწყობას და მიკროჰესის გაკეთებას დავასრულებ, აუცილებლად მესტუმრეთ, დარწმუნებული ვარ, გაგახარებთ.

დიდხანს სიცოცხლეს, ჯანმრთელობას და საყვარელ საქმიანობაში წარმატებებს ვუსურვებთ ბატონ ამირანს, ჩვენს მხნე და ხალისიან რესპონდენტს.




 ახალი ამბები
  • საქართველოს ბანკის მხარდაჭერით რიგით მესამე გრანდიოზული „სტარტაპ ექსპო“ გაიმართა (R)საქართველოს ბანკის მხარდაჭერით 14-15 დეკემბერს რიგით მესამე, გრანდიოზული „სტარტაპ ექსპო“ გაიმართა. ღონისძიებაზე „ექსპო ჯორჯიას“ საგამოფენო სივრცეში წარმოდგენილი იყვნენ ახალგაზრდა მეწარმეები საკუთარი პროდუქციით. დამწყები მეწარმეების ინსპირაციისა და მოტივაციისთვის მოძრავ მარკეტში მონაწილეობდნენ გამოცდილი და წარმატებული კომპანიებიც. სწორედ მათ გაუზიარეს საკუთარი გამოცდილება ადამიანებს, რომლებმაც უკვე გადაწყვიტეს ან მომავალში აპირებენ ნაბიჯის გადადგმას სპარტაპერობისკენ. ასევე, გამოიყო სივრცე, სადაც ნებისმიერ მსურველს ჰქონდა შესაძლებლობა, დაესვა თავისი ბიზნესისთვის საინტერესო კითხვები და 10 წუთის განმავლობაში მიეღო პასუხები და სასარგებლო რჩევები უკვე წარმატებული სტარტაპერებისგან. სტარტაპერებს „სტარტაპ ექსპომ“ ყველაზე დიდ და განსხვავებულ სავაჭრო საგამოფენო სივრცით ორი დღის განმავლობაში უმასპინძლა. ღონისძიების ფარგლებში, სხვადასხვა ინდუსტრიაში მოღვაწე 130-მდე მეწარმე გაერთიანდა. ღონისძიების მიზანი ადგილობრივი მცირე მეწარმეების ხელშეწყობა და ქართული პროდუქციის  პოპულარიზაცია იყო. „სტარტაპ ექსპოს“ სახელწოდებით ასეთი მასშტაბური ღონისძიება პირველად 4 წლის წინათ ჩატარდა და სტარტაპერებისა და მომხმარებლებისგან მიღებული დადებითი გამოხმაურებების გამო, ღონისძიება ყოველწლიურ ტრადიციად იქცა. მეტიც, სტარტაპერების განვითარებისთვის აუცილებელი სივრცის შექმნამ „სტარტაპ ექსპოს“ წლის შემაჯამებელი ღონისძიების როლი შესძინა. სტარტაპ მარკეტი მოძრავი ივენთების პლატფორმაა, რომლის მთავარი მიზანი თავიდანვე უნიკალური პლატფორმის შექმნა და განვითარება იყო, რომელიც ერთ ჭერქვეშ გააერთიანებდა ახალგაზრდა მეწარმეებს და მათ დამოუკიდებელ ბრენდად ჩამოყალიბებაში შეუწყობდა ხელს.  დროთა განმავლობაში სტარტაპ მარკეტი განვითარდა და რამდენიმე თემატური მარკეტით დაწყებულ პლატფორმას ინტეგრირებული მარკეტების მიმართულება დაემატა. ... ...
  • ,,მშვიდობით, ვანიჩკა; შეხვედრამდე, შეფ!"- ივანე ხუხუნაიშვილი გარდაიცვალა47 წლის ასაკში, გულის შეტევით, მოულოდნელად გარდაიცვალა სამტრედიის მუნიციპალიტეტის საკრებულოს აპარატის უფროსი, ივანე ხუხუნაიშვილი. 1996 წლიდან ის იკავებდა საკრებულოს აპარატის უფროსის თანამდებობას. 2017 წლიდან იყო სამტრედიის მუნიციპალიტეტის საკრებულოს პირველადი სტრუქტურული ერთეულის ხელმძღვანელი. ივანე ხუხუნაიშვილი ლანჩხუთელია, სადაც  დედასთან და მეუღლესთან ერთად ცხოვრობდა. ივანე ხუხუნაიშვილის მამა, ლუდვიგ ხუხუნაიშვილი წლების განმავლობაში მუშაობდა სამტრედიის სამხედრო კომისრად. დღეს მთელი დღეა, საკრებულოს თანამშრომლები სამძიმარს იღებენ და უდიდეს გულისტკივილს გამოთქვამენ არაჩვეულებრივი ადამიანის, განათლებული და კეთილშობილი ხელმძღვანელი პირის გარდაცვალების გამო. სოციალურ ქსელში ადამიანები ივანე ხუხუნაიშვილს მოსაფერებელი სახელით ემშვიდობებიან: ,,მშვიდობით, ვანიჩკა, შეხვედრამდე, ... ...
  • მწვრთნელს მძლეოსნობაში, მარინა კოტრიკაძეს დამსახურებული მოღვაწის წოდება მიენიჭასაქართველოს განათლების, მეცნიერების, კულტურისა და სპორტის სამინისტრომ, საქართველოს სპორტის დამსახურებული მოღვაწის წოდება მიანიჭა ოზურგეთის მუნიციპალიტეტის სპორტულ - გამაჯანსაღებელ დაწესებულებათა გაერთიანების მწვრთნელს მძლეოსნობაში, მარინა კოტრიკაძეს. ინფორმაციას ამის შესახებ ოზურგეთის მუნიცილალიტეტის სპორტულ-გამაჯანსაღებელ დაწესებულებათა გაერთიანების პრესსამსახური ... ...
  • ტყემალაძე: "ვთხოვ ყველას, თავი შეიკავონ"საკრებულოს თავმჯდომარის განცხადებით, კუხიანიძის პოსტი იყო არაკორექტული, ხვალ გაიმართება უმრავლესობის სხდომა, რომლის შემდეგ გახდება ცნობილი, თუ რა გადაწყვეტილება იქნება მიღებული. „ეს განცხადება იყო ემოციური, არაკორექტული და შესაბამისად, მე მინდა ვთხოვო ყველას, თავი შეიკავონ, განსაკუთრებით ამ პერიოდში, ზოგადად ასეთი განცხადებების გაკეთება არის მიუღებელი. ჩვენ გვექნება უმრავლესობის სხდომა, კონსულტაციები და რა გადაწყვეტილებები იქნება მიღებული, ამას შეიტყობთ", - განაცხადა ტყემალაძემ. შეგახსენებთ, რომ ერეკლე კუხიანიძის ,,ფეისბუქ პოსტის"გამო ოპოზიციის წევრებმა და მოქალაქეებმა საკრებულოსთან აქცია გამართეს დეპუტატის თანამდებობიდან გადადგომის ... ...
  • მოჭენავს მერაბ ბრძენიშვილის ცხენი გურიაში? _საიუბილეო დაპირება ოზურგეთელებს_ვანდალური აქტი როცა  მოხდა ქუთაისში და მერაბ ბერძენიშვილის ქანდაკება დაშალეს, ეს იყო მისი ძალიან დიდი ტკივილი, რომელიც თან გაჰყვა დიდ ხელოვანს, _ თქვა ოზურგეთის სახვითი ხელოვნების ცენტრის 30 წლის  საიუბილეო ღონისძიებაზე, სამხატვრო გალერეის დირექტორმა, ავთანდილ თავართქილაძემ და ანონსის სახით  გააცნო ზეიმის მონაწილეებს სამომავლო ჩანაფიქრი. _თქვენ იცით, რომ ჩვენი სახვითი ხელოვნების ცენტრი მერაბ ბერძენიშვილის სახელს ატარებს. მინდა,   გითხრათ, რომ მომავალ წელს მერაბ ბერძენიშვილის ქანდაკება დაიდგმება ოზურგეთში, გალერეის წინ. როცა მისი ქნდაკება ისე დაშალეს, რომ მისი დემონტაჟიც არ მოხერხდა, მაშინ გვქონდა საუბარი, ძალიან კარგი ლაპარაკი იმის  შესახებ, რომ მერაბის ქანდაკება უნდა  დადგმულიყო აქ. „მზეჭაბუკი“ ჰქვიოდა ამ ქანდაკებას. მახსოვს, მაშინ  მითხრა: „ მე მგონია, ავთოია, ბიჭო, ჩემი ცხენი მოჭენავს გურიაშიო“... მერე ის პროექტიც ჩავარდა. სირცხვილია, რომ ასეთი ხელოვანის, დიდი გურულის ქანდაკება არ იყოს ოზურგეთში.  მართალია,  ასე ვთქვათ, ეს ცხენი რომ გამოჭენდეს გურიაში,  თანხები და მობილიზება სჭირდება,  თუმცა,  ეს მოხერხდება და ძალიან კარგი.  ასეთი  დიდ გურულის ძეგლი რომ არ იყოს გურიაში, სირცხვილიცაა,_  თქვა მან და დასძინა, რომ ბერძენიშვილის ქანდაკება განსაკუთრებით დაამშვენებს ფოლკლორის ქალაქს. საიუბილეო ღონისძიები მონაწილეები ტაშით და ოვაციით შეხვდნენ ავთანდილ თავართქილაძის ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...