მოვამზადოთ ფუტკარი დაზამთრებისთვის

ჩვენი რჩევები

მოვამზადოთ ფუტკარი დაზამთრებისთვის

2014 ოქტ 31 12:40:43

ფუტკრისთვის ყველაზე რთული პერიოდი ზამთარია. ამ დროს ფუტკრის ოჯახში წყდება აქტიური ცხოველმოქმედება, ფუტკარი გუნდად იკვრება და საკვების მინიმალური ხარჯვით ინარჩუნებს არსებობისთვის საჭირო ტემპერატურას და ტენიანობას.

ამ დროს ყოველ წამს სიფრთხილე გვმართებს, რათა მეფუტკრის მიერ დაშვებული შეცდომა ზამთარში სანანებლად არ გაგვიხდეს. ამიტომ სეზონის შესაბამისი სამუშაო დროულად და ხარისხიანად უნდა იქნეს შესრულებული.

საშემოდგომო სამუშაოების დროს, ფუტკრის ოჯახის ბუდეების შედგენისას ვხსნით საკუჭნაოებს და კორპუსებს, ბუდიდან ვიღებთ ზედმეტ ფიჭებს. საჭიროა, ყურადღება მიექცეს საზამთრო საკვებ მარაგსა და ხარისხს; ჭეო საკმარისი ოდენობით უნდა იყოს; შევამოწმოთ დედა ფუტკრის ხარისხი, ხნოვანება, ბუდის შუაგულში მოვათავსოთ კარგი ხარისხის თაფლიანი ფიჭები. სასურველია მუქი ყავისფერი, რადგან ასეთი ფიჭები სითბოგაუმტარია.

ბუდის შუაგულში არ უნდა დავტოვოთ ჭეოთი გადატვირთული ფიჭა, რომელზეც ცოტა თაფლი იქნება _ დარჩება ტიხარივით და შეიძლება, ოჯახი ორად გაიყოს. ასევე, საყურადღებოა, არ დავუტოვოთ დაუსრულებელი (ნახევრად აშენებული) დეფორმირებული და უხარისხო, სამამლე უჯრიანი ფიჭები, რომელიც ვერ უძლებს მინიმალურ ტემპერატურას და ზედ მსხდომი ფუტკრების სიმძიმით იწელება და იშლება. ფუტკარი ხშირ შემთხვევაში ასეთ ფიჭებს ვერ ეგუება, მთლიანად შლის და თავიდან ახალს აშენებს (ზოგჯერ სამამლე დიდუჯრიან ფიჭებს დროის მოგების მიზნით). ეს ძალიან მტკივნეული საკითხია და ამაზე ცალკე კონსულტაციები გვექნება.

კარგ, ხარისხიან ფიჭას ფუტკარი სწრაფად და ხალისით აშენებს, ხდება ფიჭების, ბუდის განახლება ახლით, საიდანაც იჩეკება ახალი, ჯანსაღი ფუტკრის თაობა, ისპობა დაავადების კერები...

აღსანიშნავია ისიც, რომ ეკოლოგიურად სუფთა პროდუქტს (კარგ თაფლს), კარგი ჭურჭელი ესაჭიროება, როგორც კარგ ღვინოს _ კარგი ქვევრი. პირველ ეტაპზე ეს ფიჭაა. მაღალი ხარისხის პროდუქციის წარმოება ჩვენი ბიზნესის წარმატებაცაა.

აქვე ისიც უნდა აღინიშნოს, რომ გამოზამთრებისთვის სწრაფი დაშაქრების უნარის მქონე თაფლს ჩვენში სუროს ყვავილი იძლევა. ასევე, საშიშია საზამთროდ მანანა თაფლი, რომელსაც ფუტკარი გვალვიან ამინდში იღებს. არსებობს ორგვარი მანანა თაფლი _ მცენარეული და ცხოველური. ბუდის შედგენისას თუ აღმოჩნდა დიდი ოდენობით თაფლი, ასეთი თაფლიანი ფიჭები ხარისხიანი (სამარაგო) თაფლიანი ფიჭებით უნდა შევცვალოთ, ან გამოვწუროთ და მარაგი შევავსოთ ოდნავ სქელი სიროფით (მაგალითად, სამი კგ შაქარი და ორი ლიტრი წყალი). მანანა თაფლი უვნებელია ადამიანისთვის.

ქურდობის თავიდან აცილების მიზნით, დავიცვათ ფუტკრის კვების აუცილებელი წესები. საფუტკრეში უნდა ვიყოლიოთ ძლიერი და ჯანმრთელი ოჯახები. სუსტ ოჯახებს ვაერთებთ და ვტოვებთ უფრო ახალგაზრდა ხარისხიანი დედით ან ვათბუნებთ ორმხრივად, ე. ი. ფუტკარს ვათავსებთ სკის შუაგულში, ორივე მხრიდან ვუდგამთ ტიხარს და დასათბუნებელ ბალიშებს, როგორც ზემოდან, ისე _ გვერდებიდან. ასევე, აუცილებელია საიმედოდ იყოს დაცული მავნებლებისგან და წყლისგან. ფუტკარს სიცივე არ აშინებს, ხოლო სინესტე ფუტკრის ოჯახში ყველაზე საშიში სენისა და გართულებების გამომწვევი ფაქტორია.

მეფუტკრეობის ამ უნიკალური დარგის რენტაბელობაზეც და მის განვითარებაზე ლაპარაკი ზედმეტია, თუ არ ვიცნობთ ფუტკრის დაავადებებს და არ ვართ დაუფლებული მათთან ბრძოლის ღონისძიებებს.

ამ ბოლო ხანს, ფუტკრის დაავადებების საწინააღმდეგო მრავალი ახალი პრეპარატი გამოვიდა. პრაქტიკამ დაგვარწმუნა, რომ შემოთავაზებულ პრეპარატებს შემოწმება (გამოცდა) სჭირდება, რაც დიდ დროს არ მოითხოვს. სხვა ქვეყანაში, სხვა კლიმატში გამოყენებული პრეპარატი ჩვენს პირობებში ხშირად მიუღებელია ან სრულად არ ამართლებს. ამდენად, ბოლო გამოცდა ჩვენ და ჩვენი ფუტკარია. ამიტომ, პირველად სასურველია ახალი პრეპარატი გაისინჯოს ერთეულ ოჯახებზე და არა კომპლექსურად მთელ საფუტკრეში. პრეპარატის შეძენის დროს ყურადღება უნდა იყოს გამახვილებული, რეგისტრირებული და სერთიფიცირებულია თუ არა პრეპარატი, შემთხვევითი პირებისგან ნუ შევიძენთ.

საფუტკრეში ვიყოლიოთ ძლიერი და ჯანმრთელი ფუტკრის ოჯახები. ამისთვის ოპტიმალურ დროში უნდა ჩატარდეს სამკურნალო პროფილაქტიკური ღონისძიებები. შემოდგომით მკურნალობასა და პროფილაქტიკას ვატარებთ იმავე წესითა და გრაფიკით, როგორც გაზაფხულზე.

მკურნალობასა და პროფილაქტიკურ ღონისძიებებს ძირითადად ვატარებთ ბარტყის სხვადასხვა სახის სიდამპლეებზე. ვიყენებთ შემდეგ პრეპარატებს: ბიოვეტინი (ფხვნილი), ბაქტოფოლი (ფხვნილი), ნოლსუფაზონატრი (ფხვნილი), ბაქტოფოლი, ტეტრაციკლინი და სხვა. მათი გამოყენება ხდება მონაცვლეობით. ასევე, უნდა გამოვიყენოთ ვარუატოზი, ვაროსტოპი, ეკოსტოპი, ვარაკომი, მავრილი.

ნოზემატოზის საშემოდგომო დამუშავება: ნოზესტატი, ფუმაგილინი, აპიმაქსი, ნოზალი. კარგად დაზამთრებული ფუტკრის ოჯახები ზამთრის პერიოდში დიდ მოვლა-პატრონობას არ მოითხოვენ, მაგრამ გასათვალისწინებელია ის გარემოება, რომ ამ პერიოდში მათ ესაჭიროებათ სრული სიმშვიდე.

შევიძინოთ და დავამზადოთ საჭირო ინვეტარი, მოწყობილობა, დავრგოთ, გავახაროთ თაფლოვანი მცენარეები და გავაჯანსაღოთ გარემო, ნუ დავზოგავთ ფინანსებსა და დროს _ ყველაფერი ხუთმაგად აგინაზღაურდებათ.

გახსოვდეთ, ქართული ფუტკრის მოვლა ეროვნული საქმეა!

ჯანვერდ ცეცხლაძე, გურიის მეფუტკრეთა კავშირის თავმჯდომარე




 ახალი ამბები
  • გაზრდილი ბზარები და სპეციალისტების მოწვევის ხელახალი იმედილანჩხუთში, ნინოშვილის ადმინისტრაციულ ერთეულში მცხოვრები ნათელა მოისწრაფეშვილი მიიჩნევს, რომ მისი საცხოვრებელი სახლი სიცოცხლისთვის საფრთხის შემცველია, ვინაიდან ის მეწყერსაშიშ ზონაში მდებარეობს და იქ ბზარების რაოდენობა თანდათან  მატულობს. ნათელა მოისწრაფეშვილის ინფორმაციით, ვითარება განსაკუთრებულად გასული წლის ნოემბერში მომხდარი  სტიქიის შედეგად დამძიმდა. "ადრე იყვნენ მოსული გეოლოგები და აქაურობა შეამოწმეს, თუმცა, ამ შემოწმების  შემდეგ მდგომარეობა უფრო გართულდა _ მიწა ჩამოიშალა და  ბზარებიც უფრო გაიზარდა. ვთვლი, რომ აქ ცხოვრება სიცოცხლისთვის საფრთხის შემცველია,  აუცილებელია, ხელახლა მოხდეს აქაურობის შემოწმება და შესწავლა", _ ამბობს  სახლის მეპატრონე. როგორც ირკვევა, ნათელა მოისწრაფეშვილის საცხოვრებელ სახლთან არსებულ პრობლემებთან დაკავშირებით, საქმის კურსშია ადგილობრივი ხელისუფლება, სადაც ამბობენ, რომ ტერიტორიის დეტალური შესწავლის მიზნით, სპეციალისტების მოწვევა იგეგმება, რომლებიც შესაბამის დასკვნას დადებენ. ნინოშვილში ნათელა მოისწრაფეშვილის საცხოვრებელი სახლის ადგილზე მოსანახულებლად იმყოფებოდა კიდეც საკრებულოს თავმჯდომარე ბესიკ ტაბიძე,  მერიის ინფრასტრუქტურის სამსახურის უფროსთან და საკრებულოს შესაბამისი კომისიის თავმჯდომარესთან ... ...
  • ივანიშვილი თქვენი ასე მარტივად სახსენებელი არ არის _ წულუკიანი ოპოზიციასთეა წულუკიანმა ოპოზიციას ბიძინა ივანიშვილის კრიტიკაზე უპასუხა. იუსტიციის მინისტრის თქმით, ოპოზიციისგან განსხვავებით, მან კარგად იცის ბიძინა ივანიშვილის ფასი. „როდესაც თქვენ "ნაციონალური მოძრაობა" ბედავთ ჩემს გადადგომაზე საუბარს. მე რა ვუთხარი ბახტაძეს, რა მიპასუხა, რა შენიშვნა მომცა ბახტაძემ, იმან რა მითხრა, მე რა ვუთხარი ივანიშვილს, ეს ივანიშვილი თქვენი ასე მარტივად სახსენებელი არ არის. თქვენ ბევრჯერ მკითხეთ ქალბატონო თეა რა იცით თქვენ ბატონ ბიძინაზე?- მე ვიცი ძალიან ბევრი კარგი რამ. ის სიკეთეები ვიცი, რაც მას უკეთებია და მე ვიცი მისი ფასი. მე არსად გახტომას და გამოხტომას არ ვაპირებ, არ ვიქნები ამ საზოგადობისთვის მისაღები არაა პრობლემა, მე ვიქნები ამ გუნდის წევრი და "ქართული ოცნების" წევრობა არ არის ამისთვის საჭირო,“-განაცხადა თეა წულუკიანმა. თეა წულუკიანის განცხადებით მან იუსტიციის სამინისტროს დაუბრუნა ფუნქცია და დღეს უწყება მუშაობს ისე, როგორც უნდა ემუშავა თავის დროზე.  შეგახსენებთ, რომ თეა წულუკიანს პარლამენტში მინისტრის საათის ფორმატში ... ...
  • ადა მარშანია: რაც თავში მომივა იმას ვიტყვი _ თქვენ საცოდავებო, თქვენ უბადრუკებობატონო კობახიძე, გულის სიღრმეში მართლა გგონიათ, რომ პარლამენტის თავმჯდომარის სავარძელი დაიმსახურეთ და გეკუთვნით? – ამ კითხვით მიმართა „პატრიოტთა ალიანსის“ წევრმა, დეპუტატმა, ადა მარშანიამ პარლამენტის თავმჯდომარე ირაკლი კობახიძეს დღევანდელ პლენარულ სესიაზე. ადა მარშანია დღეს გამოეხმაურა ირაკლი კობახიძის გუშინდელ განცხადებას, რომ „მარშანია „ნაციონალური მოძრაობის“ წევრებს – რომან გოცირიძეს და ნიკა მელიას თვალს უპაჭუნებდა“. ამასთან, როგორც ადა მარშანიამ აღნიშნა, ღმერთმა დაიფაროს „ქართულ ოცნება“ იმისგან, რომ „პატრიოტთა ალიანსი“ „ნაციონალურ მოძრაობას“ შეუერთდეს. „გამოვედი ამ ტრიბუნასთან და პირველად ჩემს ცხოვრებაში, იცით, არაერთი წლის პარლამენტის წევრი ვარ, არც კი ვიცი, როგორ დავიწყო ჩემი გამოსვლა. უბრალოდ, რაც თავში მომივა იმას ვიტყვი, ისე ვარ ემოციებით გადავსებული და გადატვირთული. ბატონო კობახიძე, პარლამენტის თავმჯდომარე რომ ბრძანდებით თქვენ, გულის სიღრმეეში მაინც მართლა გგონიათ, რომ პარლამენტის თავმჯდომარის სავარძელი დაიმსახურეთ და გეკუთვნით? აი, გულის სიღრმეში მაინც? თქვენს სინდისთან მარტო რომ დარჩებით, მართლა გგონიათ ეს თქვენს თავზე? რა გაბედეთ თქვენ გუშინ და რა მითხარით აქ. მართლა ცუდი სმენადობაა ამ პარლამენტში და გუშინდელი დღიდან უკვე უბადრუკ და სამარცხვინო სხდომებს ყურსასმენით ვუსმენ. რაღაც თვალის ჩაპაჭუნებაზე ბრძანეთ, მე ყურადღებაც არ მიმიქცევია, მართლაც არ უნდა მიმექცია, მაგრამ თურმე, რა გითქვამთ თქვენ ამ ხმაურში. ღმერთმა დაგიფაროთ თქვენ, „ქართულ ოცნებას“, ე.წ, პოლიტიკურ ორგანიზაციას, რომ გაგიჟდეს „საქართველოს პატრიოტთა ალიანსი“, შეუერთდეს „ნაციონალურ მოძრაობას“. მერე თქვენ რა გეშველებათ, თქვენ საცოდავებო, თქვენ უბადრუკებო. მართლა რა გეშველებათ მერე თქვენ, ეს ერთი. მეორე – უფრო მძიმე სათქმელი მელის წინ და თქვენ უფრო მძიმე ტექსტის მოსმენა გელით პატივცემულო კოლეგებო“, – მიმართა ადა მარშანიამ ... ...
  • რუსული ნარატივის საუკეთესო მაგალითი სალომე ზურაბიშვილის შემდეგ _ წულუკიანის პასუხი მარშანიასქალბატონო ადა, თქვენი გამოსვლა რუსული ნარატივის საუკეთესო მაგალითი იყო სალომე ზურაბიშვილის განცხადების შემდეგ _ ეს განცხადება იუსტიციის მინისტრმა თეა წულუკიანმა სესიაზე გააკეთა. მან ადა მარშანიას მიმართა და სთხოვა, საპარლამენტო ტრიბუნიდან რუსული ნარატივით არასოდეს ესაუბრა. წულუკიანმა მარშანიას იმ განცხადებას უპასუხა, სადაც პატრიოტთა ალიანსიდან პარლამენტის დეპუტატმა მინისტრს მოუწოდა მათთან საუბრისას ტონი შეეცვალა. „არა ქალბატონო ადა, მე თქვენ აღარ დაგელაპარაკებით, არც ამ ტონით არც იმ ტონით, საერთოდ არანაირი ტონით,  იმიტომ რომ იმ პარტიას ვცემ და ქალბატონ ირმას პატივს, ვისთან ერთადაც მიბრძოლია. მაგრამ, ძალიან გთხოვთ, ქალბატონო ადა, რუსული ნარატივით ამ ტრიბუნიდან ნუ საუბრობთ. საუკეთესო მაგალითი იყო რუსული ნარატივის სალომე ზურაბიშვილის შემდეგ თქვენი გამოსვლა,“-განაცხადა იუსტიციის ... ...
  • წულუკიანი ბოკუჩავას: ახლა ვითხოვ, რომ დამიცვათ მომავალში, როდესაც სააკაშვილი თავს დამესხმება გენდერული ნიშნით"თქვენ ხართ ლამაზი ქალი და ხართ განათლებული ქალი. ვასწორებ ჩემს გამოსვლას,"- ასე მიმართა იუსტიციის მინისტრმა "ნაციონალური მოძრაობის" წევრს, თინათინ ბოკუჩავას საპარლამენტო ტრიბუნიდან. თეა წულუკიანს გუშინ გაკეთებული იმ განცხადების შესწორება მოუწია, როდესაც მან აღნიშნა, რომ თინა ბოკუჩავა ძალიან ბევრ უსაფუძვლო განცხადებებს აკეთებს და ამავე დროს ის ძალიან ლამაზი ქალია.  წულუკიანის თქმით, მან და თინა ბოკუჩავამ კულუარებში ისაუბრეს და ერთგვარად შეთანხმდნენ კიდეც. მინისტრის თქმით, შეთანხმების მიხედვით, თუ ის განცხადებას გამოასწორებდა, მაშინ როდესაც მიხეილ სააკაშვილი მასზე გენედერული ნიშნით უარყოფით კომენტარს გააკეთებდა, ბოკუჩავა მას დაიცავდა.  იუსტიციის მინისტრი მომავალში ოპოზიციონერი დეპუტატისგან პირობის შესრულებას ითხოვს. "ჩვენ ხელი ჩამოვართვით ერმანეთს და შევთანხმდი, რომ გავასაჯაროებდი, რაზეც ჩამოვართვით ხელი ერთმანეთს. იმაზე, რომ მე ვთქვი, რომ თქვენი გუშინდელი განცხადებები იყო ზედაპირული, თქვენ მითხარით, რომ თუ ამას იტყვით ტრიბუნიდან, მე თქვენ დაგიცავთო, ვასაჯაროებ, რაზე ვილაპარაკეთ, თორემ მე თქვენთან კულუარებში სასაუბრო არაფერი მაქვს. მე თქვენზე ვთქვი, რომ თქვენი განცხადებები იყო ზედაპირული, მაგრამ თქვენ ლამაზი ქალი ხართ. ეს არ არის კარგი განცხადებ, ვაღიარებ ამ ტრიბუნიდან. მაგრამ თქვენ ხართ ლამაზი ქალი და ხართ განათლებული ქალი. ვასწორებ ჩემს გამოსვლას. მაგრამ ამის სანაცვლოდ, თქვენ დამპირდით, წეღან იქ მითხარით, რომ ჩემმა ლიდერმა თქვენზე უხამსობები თქვა გენდერული ნიშნითო, დიახ, სააკაშვილი უხამსი კაცია, რომელმაც ჩემზე უხამსობით და გენდერული ნიშნით ანეკდოტები მოყვა. თქვენ თქვით, რომ როდესაც ჩემი ლიდერი თავს დაგესხმებათ, დაგიცავთო. ახლა ვითხოვ, რომ დამიცვათ მომავალში, როდესაც სააკაშვილი თავს დამესხმება გენდერული ნიშნით,“- განაცხადა თეა ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...