ღვინის დაყენების წესი და ოჯახური მარანი

ჩვენი რჩევები

ღვინის დაყენების წესი და ოჯახური მარანი

2014 ოქტ 30 12:56:03

ჩვენ სხვადასხვა პუბლიკაციებში არაერთხელ გვისაუბრია გურიის მევენახეობის წარსულსა და აწმყოზე, მომავლის პერსპექტივაზე და ამას შემდგომშიც გავაგრძელებთ, ახლა კი მოსავლის აღებისა და ღვინის დაყენების დროა და ამაზე გვინდა მკითხველის ყურადღება შევაჩეროთ. ვფიქრობ, ჩვენი რჩევები მათთვის განსაკუთრებით საჭირო და სასარგებლოა.

მიმდინარე წელი ჩვენი რეგიონის მევენახეობისთვის უმძიმესი იყო _ ჯერ, გაზაფხულზე, ვაზის ახლად გამოსული ყლორტები ყინვამ საგრძნობლად დააზიანა. ზაფხულის დასაწყისში ძლიერმა ქარმა და ალაგ-ალაგ სეტყვამაც სერიოზული ზიანი მოიტანა. ამას ზედ დაერთო სოკოვან ავადობათა და მავნებლების გავრცელებისთვის ხელსაყრელი კლიმატური პირობები. შედეგად, წელს გურიაში ყურძნის მოსავალი საგრძნობლად მცირეა.

ახლა მთავარია, რაც მოვიწიეთ, შემოვიტანეთ სხვა რეგიონებიდან თუ ბაზარზე შევიძინეთ, სწორად, შეძლებისდაგვარად ტექნოლოგიური რეჟიმის დაცვით გადავამუშავოთ და ხარისხიანი ღვინო დავაყენოთ.

მევენახეობის ყველა ქვეყანაში და მათ შორის, საქართველოშიც მეღვინეობის საფუძველს წარმოადგენს ოჯახური მარანი.

გურიაში მევენახეობის კულტურის დაკნინებამ, ადგილობრივი ხარისხიანი ენდემური ჯიშების ჩანაცვლებამ უცხოური დაბალი ღირსების ჰიბრიდებით, მეღვინეობის დონეზეც იქონია მავნე ზეგავლენა. ამას დაემატა ყურძნის რაოდენობრივი სიმცირეც. ამასთან, ოჯახურ მარნებში ხშირად უგულვებელყოფილია ღვინის დაყენება-შენახვა-დავარგების ელემენტარული წესები. ყოველივე ამის შედეგია, რომ სამწუხაროდ, დღეს ბევრ გურულ ოჯახში დაბალი ხარისხის ღვინოს აყენებენ, ხშირია ფალსიფიკაციის შემთხვევები.

მსურს, რამდენიმე რჩევა მივცე ამ საქმით სერიოზულად დაინტერესებულ ადამიანებს.

ყურძენი უნდა დაიკრიფოს მშრალ ამინდში, დილის ნამის შეშრობის შემდეგ. სასურველია, რთველის დაწყების წინა დღეები მზიანი იყოს, რაც თავიდან აგვაცილებს მარცვალში ზედმეტი წვენის დაგროვებას. კრეფის დროს, რამდენადაც ეს შესაძლებელია, მტევანს მაშინვე მოვაშოროთ უმწიფარი, დამპალი, ავადმყოფობისგან, ჩიტებისგან, მწერებისგან და ა. შ. დაზიანებული ნაწილები. კრეფისა და მარნამდე ტრანსპორტირებისას გამოვიყენოთ ხის ან პლასტმასის ჭურჭელი. მეტალის ჭურჭლის გამოყენება უარყოფითად მოქმედებს ღვინის ხარისხზე.

დაკრეფის, ჭურჭელში მოთავსების და მარნამდე ტრანსპორტირების დროს ყურძენი გარკვეულწილად ზიანდება. ამ დროს მოსალოდნელია ძმარმჟავა ბაქტერიების გააქტიურება, ამიტომ ყურძენი იმ დღესვე უნდა დაიჭყლიტოს. ადრე ყურძენი ხის საწნახელში ტრადიციულად ფეხითაც იჭყლიტებოდა, დღეს კი უმეტესად ხელის მექანიკური საჭყლეტი გამოიყენება. დაჭყლეტილი ყურძნის მთლიანად ან ნაწილობრივ ჭაჭაზე დადუღების შემთხვევაში, საჭიროა კლერტების მოშორება, რადგან აღმოსავლეთ საქართველოსგან განსხვავებით, დასავლეთ საქართველოში კლერტი ვერ ასწრებს მომწიფებას, რაც საბოლოოდ აუარესებს ღვინის ხარისხს.

ყურძნის დაჭყლეტის შემდეგ საჭიროა, გაიზომოს ტკბილის შაქრიანობა _ იგი არ უნდა იყოს 18 %-ზე ნაკლები. ალკოჰოლური დუღილი უმნიშვნელოვანესი პროცესია. დუღილის პროცესის კონტროლი და სწორად წარმართვა გადამწყვეტია ხარისხიანი ღვინის მისაღებად.

ტკბილის ჭაჭასთან ერთად დუღილის შემთხვევაში საჭიროა მისი დარევა დღეში არანაკლებ სამ-ოთხჯერ. დარევებს შორის შუალედი თანაბრად უნდა იყოს განაწილებული დღე-ღამის განმავლობაში. წინააღმდეგ შემთხვევაში არის საშიშროება, რომ მადუღარი ტკბილის ამოტივტივებულ ჭაჭაზე ძმარმჟავა ბაქტერიები გამრავლდეს, რაც საბოლოოდ უარყოფითად აისახება ღვინის ხარისხზე.

ძალიან მნიშვნელოვანია ტემპერატურული რეჟიმის დაცვა. დღეს ოჯახებში დაწურული ღვინოების დიდი ნაწილი ბოლომდე დაუდუღარია, რაც სხვა ფაქტორებთან ერთად, მნიშვნელოვანწილად სწორედ ტემპერატურული რეჟიმის დარღვევითაა გამოწვეული. დუღილის ოპტიმალურ ტემპერატურად ოჯახურ პირობებში უნდა მივიჩნიოთ 20-24 გრადუსი. დუღილის კონტროლი ხდება მადუღარი ტკბილის ტემპერატურის გაზომვით (და არა ჰაერის!) ანუ უშუალოდ თერმომეტრით. ტკბილის ტემპერატურა უნდა ვაკონტროლოთ. პირველ დღეებში, აქტიური დუღილის დროს, დიდი რაოდენობით გამოიყოფა სითბო და ნახშირორჟანგი. თუ ტკბილის ტემპერატურა "გაგვექცა" და 30 გრადუსს გადასცდა, აქტიურდებიან ბაქტერიული (ე. წ. მანიტის) მიკრობები, რაც მკვეთრად აუარესებს ღვინის ხარისხს.

37 გრადუსი ტემპერატურა საფუვრების მოქმედებას კრიტიკულ მდგომარეობაში აყენებს, ხოლო 40 გრადუსზე საფუვრების ბაქტერიები კარგავენ ქმედუნარიანობას და დუღილი ჩერდება. ოჯახურ პირობებში დუღილის ტემპერატურის დასაწევად საჭიროა სათავსის აერაცია, ასევე ხშირი დარევა, რადგან ზედაპირზე მოტივტივე ჭაჭა ერთგვარი თერმოიზოლატორის როლს ასრულებს და სითბოს ტკბილში "აკავებს."

5-7 დღის შემდეგ, აქტიური დუღილი მთავრდება. თუ გარემოს ტემპერატურა დაბალია, უკვე ტკბილის ტემპერატურის ქვედა ზღვარი უნდა ვაკონტროლოთ. ამისთვის საჭიროა სათავსის დათბუნება. უნდა ვეცადოთ, მადუღარი მასის ტემპერატურა 15 გრადუსის ქვემოთ არ ჩამოვიდეს, თორემ შეიძლება დუღილი შეჩერდეს. ამ დროს ღვინო დაიწმინდება და იქმნება შთაბეჭდილება, რომ დუღილი დამთავრდა. სინამდვილეში კი მასში დარჩენილია სპირტად გარდაუქმნელი შაქრების გარკვეული რაოდენობა. ასეთი ღვინო ბოლომდე არ იწმინდება, მიდრეკილია ავადმყოფობებისკენ და დაბალი გემური თვისებებით გამოირჩევა.

დუღილის დამთავრებისთანავე ან ცოტა უფრო ადრეც, ღვინის ჭურჭელი ბოლომდე უნდა შევავსოთ, რათა თავიდან ავიცილოთ ჟანგვითი პროცესები. როდესაც იგი დაიწმინდება, უნდა გადავიღოთ. პირველი გადაღება _ როგორც წესი, ნოემბერში ან დეკემბრის პირველ რიცხვებში ხდება. ამის შემდეგ ღვინო უნდა მოთავსდეს რაც შეიძლება დაბალ ტემპერატურაზე, რათა გამოილექოს მასში არსებული ღვინომჟავასა და სხვა მჟავების გარკვეული რაოდენობა. ამით ღვინო თავისუფლდება ზედმეტი სიმჟავისგან და უმჯობესდება მისი გემური თვისებები.

გარდა ამისა, ახლადდადუღებული ღვინო გაჯერებულია დუღილის პროცესში გამოყოფილი ნახშირორჟანგით, რომელიც გადაღებისას შორდება და ხდება მისი დოზირებულად ჩანაცვლება ჟანგბადით, რაც აუმჯობესებს მის თვისებებს.

მესამე გადაღება უნდა გახორციელდეს ადრე გაზაფხულზე, აუცილებლად სითბოს დადგომამდე. წინააღმდეგ შემთხვევაში ჭურჭლის ფსკერზე და კედლებზე გამოლექილი მჟავების კრისტალები სითბოს მოქმედებით ისევ გაიხსნებიან ღვინოში და გააუარესებენ მის ხარისხს.

საჭიროების შემთხვევაში (მაღალი მჟავიანობა, ზედმეტი სიმღვრიე და სხვა) ოჯახურ პირობებში დასაშვებია გაზაფხულამდე ანუ მესამე ძირითად გადაღებამდე მოვახდინოთ ე. წ. შუალედური გადაღება. გაზაფხულის გადაღების შემდეგ სასურველია, ღვინო-მასალა შევინახოთ სიგრილეში, სარდაფის პირობებში, 15 გრადუს სითბოში ან ქვემოთ. დაძველების შემთხვევაში შემდეგი გადაღებები ხდება წელიწადში ერთხელ, სექტემბერში.

ოჯახურ მარნებში ხშირად უგულვებელყოფილია გოგირდის დიოქსიდის გამოყენება, რაც დაუშვებელია. გოგირდის ზომიერი ხრჩოლება ღვინის ჭურჭელში ჯერ ერთი, საჭიროა მისი დეზინფექცირებისათვის. ასევე მნიშვნელოვანია, რომ იგი ხელს უწყობს ღვინის სტაბილიზაციის პროცესს და აუმჯობესებს მის გემურ თვისებებს.

დღეს სპეციალიზირებულ მაღაზიებში იყიდება პირდაპირ ღვინოში გასარევი გოგირდის შემცველი ნივთიერება ფხვნილების ან თხიერი სახით. ამ მაღაზიებში დაინტერესებული პირები მიიღებენ კონსულტაციასაც მისი გამოყენების, დოზების და ა. შ. შესახებ. ტრადიციულად ხრჩოლების შემთხვევაში კი უნდა გამოვიყენოთ სუფთა (წყალში უხსნადი და არა კოლოიდური) გამდნარ გოგირდში ამოვლებული ქაღალდის ფილები _ სამი გრამი 100 ლიტრი ტევადობის ჭურჭელზე. ხრჩოლება უნდა მოხდეს ჭურჭლის გარეცხვისთანავე, მისი შიდა ზედაპირის გაშრობამდე.

ღვინის შესანახად ოჯახურ პირობებში, როგორც წესი, გამოიყენება თიხის, ხის, მინის ან მომინანქრებული ჭურჭელი. უნდა მოვერიდოთ პლასტმასს. ყველას ტრადიციული ქვევრი სჯობს, მაგრამ ეს ცალკე თემაა და მის შესახებ მომავალში ვისაუბრებთ.

ანდრო ვაშალომიძე,
ა(ა) იპ ფერმერული მეურნეობის განვითარების ცენტრის სპეციალისტი, ასოციაცია "გურული ვაზის" გამგეობის თავმჯდომარე




 ახალი ამბები
  • მერი შავაძე: "როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები"“რეპრესირებული ოჯახის შვილი ვარ, მაგრამ არასდროს დავცემულვართ სულიერად. ძალიან მშრომელი მშობლებში ოჯახში გავიზარდე და მეც მათგან ვისწავლე დაუღალავი შრომა“, _ გვიყვება თავის შესახებ ოზურგეთის მუნიციპალიტეტის სოფელ უკანავას (მთისპირი) მცხოვრები მერი შავაძე. მერი შავაძე მეუღლესთან, ჯემალთან და შვილთან _ თამუნასთან ერთად სოფლის ბოლოს, მთის ძირას ცხოვრობს. ქალაქიდან მოშორებით, შეიძლება ითქვას, სხვა სამყაროში. ჯემალს და მერის კიდევ ჰყავს ერთი შვილი, რამაზი, რომელიც ოჯახთან ერთად ბათუმში ცხოვრობს. დღეს მხოლოდ ქალბატონი მერის შესახებ მოგითხრობთ. ვთვლი, რომ ის ჩვენი დროის გმირია და თუ რატომ ვფიქრობ ასე, ამას წერილიდან შეიტყობთ. მერის ამბები სპონტანურად ჩავწერეთ. ხან _ ბოსტანში, ხან _ სამზარეულოში და ხან კიდევ ეზოში მოგვიწია მასთან გასაუბრება. ბავშვობა “ჩოხატაურის მუნიციპალიტეტის სოფელ ზოტში ვცხოვრობდით. ვიდრე ცოცხალი იყო ბებიაჩემი და ბაბუაჩემი გადასახადს იხდიდნენ, რადგან რეპრესირებული ოჯახის წევრები ვიყავით. ბაბუაჩემი 1941 წელს წაიყვანეს  ომში, ბებიაჩემი მარტო დარჩა ორ შვილთან ერთად. ჩვენს ოჯახს შუა აზიაში უპირებდნენ გადასახლებას, მაგრამ ბებიაჩემა იმდენი მოახერხა, დატოვეს. მამაცი ქალი იყო, წერა-კითხვა არ იცოდა. შვილებთან ერთად მუშაობდა ყოველდღე. მისი ნამუშევარის დიდ ნაწილს ხარკის სახით სახელმწიფოს უხდიდა. წლების შემდეგ გაირკვა, რომ ბაბუაჩემს ცოლად გერმანელი ქალი შეურთავს. ბაბუაჩემმა მითხრა, ომში სიცოცხლე გერმანელმა ქალებმა შეგვინარჩუნესო. გერმანიაში ორი შვილი შეეძინათ, შემდეგ ბაბუაჩემი შვილებთან ერთად ჩამოვიდა ზოტში. ბავშვები ბებიაჩემმა და მამიდაჩემმა გაზარდეს. რაც შეეხება ჩემს ბავშვობას, არანაირი გასართობი არ იყო ბავშვებისთვის... მახსოვს კვირაში ერთხელ კინო იყო სოფელში. ბავშვობიდან ვიყავი ბოსტანში, ყანაში, ვუვლიდი შინაურ ცხოველებს და ფრინველებს“. პირველი სიყვარული და ოჯახი... „მამაჩემის ბიძაშვილმა ცოლი მოიყვანა უკანავიდან. როდესაც სოფელში მოიყვანეს პატარძალი, იქ დავინახე ჯემალი და დაიწყო ჩვენი სიყვარულის ამბავი. წელიწადში ერთხელ ვნახულობდით ერთმანეთს. გაცნობიდან სამ წელში გავთხოვდი. მეათე კლასში ვიყავი, საგამოცდო ბილეთები მქონდა ხელში, როდესაც დავინიშნე ჯემალზე. პედაგოგიურზე ვაპირებდი ჩაბარებას, მაგრამ ოჯახის შექმნა გადავწყვიტე. შეგვეძინა ორი შვილი _ რამაზი და თამუნა". მერი შავაძე 2006 წელს „გურია ნიუსის“ რედაქციაში მოვიდა და თავისი მთავარი გასაჭირის გასაცნობად სახლში მიგვიწვია. „ყველაზე მძიმე პერიოდი გამოვიარეთ, ვიდრე თამუნა ეტლით მოსარგებლე გახდებოდა, ათასი პრობლემა იყო სოფელში და ეს ჩვენს ოჯახსაც შეეხო. 90-იანი წლები ყველას ახსოვს. მე და ჩემმა მეუღლემ სოფლის მეურნეობას მივყევით ხელი _ წელიწადში მარტო ათას ძირ ლობიოს ვუვლიდი, სიმინდის ყანა გვქონდა, შინაური ცხოველები. როდესაც ოჯახი შევქმენით უკანავაში დავსახლდით. ტყის პირას ქოხში ვცხოვრობდით. წლების შემდეგ პატარა სახლი ავაშენეთ. შემდეგ მოხდა უბედური შემთხვევა _ თამუნას ოთხივე კიდური პარალიზებული ჰქონდა (მოჭრილი ხის დაცემის შედეგად). მოტეხილი ჰქონდა კისერი, კერძოდ, მეხუთე და მეექვსე მალა. ქუთაისში ჩატარებული ოპერაციის შედეგად გადარჩა. ამის შესახებ ყველამ კარგად იცის. ახლაც სჭირდება დახმარება და რეაბილიტაციისთვის თურქეთში წასვლა, მაგრამ ამის საშუალება არ გვაქვს. წამებში შეიცვალა ჩემი ცხოვრება. ერთი თვე დამჭირდა გამეაზრებინა თამუნას ამბავი და შემდეგ შევუდექი აქტიურობას. 2006 წლიდან დღემდე ყველას შეძლებისდაგვარად ვაწუხებდი და ვაწუხებ. როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები და ეს გრძნობა ენით აღუწერელი არის. იყო დრო, როდესაც ხელისუფლების წარმომადგენელს ვხვდებოდი, ფეხსაცმელიც არ მქონდა მთელი, შიგნით ცელოფანი მქონდა ჩაფენილი და ისე მივდიოდი სოფლიდან ქალაქში. რამდენჯერ ცხვირწინ მოუხურავთ ჩემთვის კარი, ამის გამო მიტირია, მაგრამ ეს ამბავი სახლში არ მითქვამს. ბევრჯერ დაგვხმარებია ხელისუფლება, პოლიტიკოსები, საზოგადოების წევრები. კეთილი ადამიანები არსებობენ და ამით გადავრჩით. ხშირად მქონია უიმედობის შეგრძნება, მაგრამ ისევ კეთილი ადამიანებს გამოვუყვანივარ მდგომარეობიდან". “როგორია ქალის ცხოვრება სოფლად?“ „იშვიათად მცალია მეზობელთან გადავიდე და ყავა დავლიო. დილა იწყება ჩემთვის 6 საათზე და არც ვიცი, როდის ვიძინებ. დილით ყავას დავლევ და შემდეგ, როდის ვჭამ საჭმელს, არ ვიცი. ბოსტანი მაქვს, ვუვლი ყვავილებს, ზაფხულიდან დღემდე ზამთრისთვის შესანახებს ვინახავ. მეტი, რა უნდა გავაკეთო, ერთმა ქალმა. ასეთია სოფლად მცხოვრების ქალის ბედი. მთავარია, ჯანმრთელობა და სხვას მე არაფერს ვნატრობ“. რაზე ოცნებობს მერი შავაძე? “თამუნიას ჯანმრთელობაზე ვოცნებობ, რომ ეტლით აღარ დადიოდეს. ჩემი ოცნება ეს არის. მინდა წავიყვანო თურქეთში და ჯანმრთელად მყავდეს ჩემი გოგო. მეტს არაფერს ვთხოვ ღმერთს, ყველაფრისთვის მადლობელი ვარ“. 15 ოქტომბერი სოფლად მცხოვრები ქალების საერთაშორისო დღეა! საქართველოში დასაქმებული ქალების 36% სოფლის მეურნეობითაა დაკავებული. გაეროს ქალთა ორგანიზაციის ინფორმაციით, მათი უმრავლესობა მცირე საოჯახო მეურნეობებში მუშაობს. მცირე მეურნეობების მხარდაჭერა სოფლად ქალების გაძლიერებას ... ...
  • საქართველოს ბანკის პარტნიორობით „უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ იმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით 15-16 ოქტომბერს „უძრავი ქონებისა და სასტუმრო ბიზნესის საერთაშორისო ყოველწლიური ფორუმი „მდგრადი და მედეგი ქალაქების მშენებლობა“ იმართება. ფორუმის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაცია. ფორუმზე განიხილება  ისეთი საკითხები, როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრა, რომლებიც, თბილისთან ერთად, საქართველოს რამდენიმე რეგიონს მოინახულებენ. სტუმრობის მიზანია, ინვესტორები გაეცნონ უძრავი ქონებისა და ტურიზმის საუკეთესო შეთავაზებებს მთელი ქვეყნის მასშტაბით. ღონისძიებას საერთაშორისო მედიაპარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედიასაშუალებები: BBC, CNN, Bloomberg. „მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები, რომლის მიზანიცაა, ხელი შეუწყოს  საქართველოს მსოფლიო რუკაზე პოზიციონირებას, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა, რომ ფორუმის ფარგლებში  50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს  და ტურიზმს.  ვფიქრობ, ეს არის ძალიან კარგი შესაძლებლობა, როგორც მათთვის, ისე ჩვენთვის, ქვეყნისთვის, რაც მნიშვნელოვნად გაზრდის საქართველოს ცნობადობას. ფორუმის მიმართ არის ძალიან დიდი ინტერესი, რაც  სასიხარულოა. მსგავსი ღონისძიებები  მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და  მეტ ინვესტორს,  არსებულსა თუ პოტენციურს, გავაცნოთ ის რეალური შესაძლებლობები, რაც ჩვენს ქვეყანას აქვს“, - განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ... ...
  • ოზურგეთში საყოველთა ჯვრისწერა გაიმართაქალაქ ოზურგეთში, ღმრთისმშომბლის მიძინების საკათედრო ტაძარში საყოველთაო ჯვრისწერა გაიმართა. ეს ღონისძიება საქართველოს კათოლიკოს-პატრიარქის კურთხევითა და საქართველოს ჩოხოსანთა ორგანიზაციის ორგანიზებით შედგა. ოზურგეთში საყოველთა ჯვრისწერა ჩოხოსანთა ორგანიზაციის წევრების თემურ სირაძისა და თამარ გიორგაძის ხელმძღვანელობით გაიმართა. ამჯერად, ჯვარი დაიწერეს წყვილებმა: ბადრი კვირკველიამ და ნანა სიხარულიძემ; გერონტი გიორგაძემ და სოფიო ტარიელაძემ; ჯემალ და ლენა შუკაკიძეებმა;  ავთანდილ ცეცხლაძემ და ნანული სურგულაძემ; გიორგი  და  მედეა მაღლაკელიძეებმა. მოქალაქეებს ჯვარი დეკანოზმა ერმოლაუსმა დაწერა. ორგანიზატორის თამუნა გიორგაძის თქმით, საყოველთა ჯვრისწრა მომავალშიც ... ...
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...

არქივი

ზაფრანი

ყავა სიკვდილის რისკს ამცირებს

ცოტა ხნის წინ ესპანეთის ქალაქ...

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...