როგორ ვებრძოლოთ თხილის მავნებლებს

ჩვენი რჩევები

როგორ ვებრძოლოთ თხილის მავნებლებს

1 ივნ. 2015, 14:04:48

ბოლო დღეებში გურიაში ვრცელდება ინფორმაცია, რომ თხილს მეტად საშიში მავნებელი შეესია და მოსალოდნელია მოსავლის განადგურება. რა ხდება სინამდვილეში?

_ ეს მავნებელი ადრეც არსებობდა და ახლაც აზიანებს თხილის ფოთოლს. საქმე იმაშია, რომ თხილის ფასის ზრდასთან ერთად, მოსახლეობა ფრთხილობს, საშიშმა მავნებლებმა არ გაანადგუროს პლანტაციები და მოსავალს საფრთხე არ შეექმნას. ეს ძალიან კარგია და ჩვენც მზად ვართ, შეტყობინებისთანავე მივიდეთ ადგილზე და გავუწიოთ კონსულტაცია, _ ამბობს აგრონომი, ოზურგეთს მუნიციპალიტეტის გამგეობის სოფლის მეურნეობის განვითარების სამსახურის მთავარი სპეციალისტი აკაკი ღლონტი.

მისივე განმარტებით, თხილის მავნებელი ბუგრის წინააღმდეგ მიზანშეწონილია ბიოლოგიური პრეპარატის ტურინგენის გამოყენება:

_ მისი ხმარების წესის შესახებ, შესაბამის მაღაზიებში ყველა ფერმერს აძლევენ ზუსტ განმარტებას, როგორ გამოიყენონ ის. წლევანდელ მოსავალზე ეს მავნებელი საზიანო გავლენას დიდად არ მოახდენს, თუმცა, სიფრთხილეს თავი არ სტკივა და თუ მოსახლეობას სურვილი ექნება, რომ მაინც შეწამლოს თხილის პლანტაციები, აღნიშნული სამსახური კონსულტაციას გაუწევს თითოეულ ფერმერს, დაჟინებული მითითებით, იხმაროს მხოლოდ ბიოლოგიური პრეპარატი.

რაც შეეხება ზამთრის მეგალე ტკიპას, მის წინააღმდეგ ბრძოლა შემოდგომაზე იწყება, რადგან ის ზამთრის განმავლობაში კვირტშია და ახლანდელ მოსავალს ხელს ვერ შეუშლის, თუმცა საწინააღმდეგო ბიოლოგიური საშუალებებით ნებისმიერი მავნებლის წინააღმდეგ ბრძოლა აუცილებელია, მით უფრო, როცა თხილის ფასი და მასზე მოთხოვნა დღითიდღე იზრდება. ტკიპას წინააღმდეგ, ასევე, შედეგიანია ტურინგენის გამოყენება.

საშიში ამბროზიის ხოჭო, რომელიც საკარანტინო მავნებელია და არათუ ფოთოლს, პირდაპირ თხილის ღეროს აზიანებს, ჯერჯერობით,  გავრცელებულია სამეგრელოს რეგიონში და მის წინააღმდეგ ბრძოლა განსაზღვრული ალკალოიდების ჯგუფის მეშვეობით ხდება, თუმცა, ეს არაა ზუსტი საწინააღმდეგო საშუალება და მხოლოდ მცირე ეფექტით განისაზღვრება.

ამ ეტაპზე მოსახლეობა უნდა ერიდოს სამეგრელოდან ნერგის შემოტანას. ამბროზიის ხოჭო პირდაპირ ღეროში შედის და მეცნიერულად მისი საწინააღმდეგო პრეპარატი ჯერ გამოგონებული და დადგენილი არ არის. ამიტომ პირველი შემჩნევისთანავე ხმობაშეპარული ან უკვე გამხმარი ღერო სასწრაფოდ უნდა გამოვჭრათ და დავწვათ. მთავარია, ერთმანეთისგან გავმიჯნოთ ბუგრი, ტკიპა და ამბროზიის ხოჭო, _ გვითხრა აკაკი ღლონტმა.




 ახალი ამბები
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. "ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...

არქივი