მეცხვარე ფერმერთა საყურადღებოდ!

ჩვენი რჩევები

მეცხვარე ფერმერთა საყურადღებოდ!

1 ივნ. 2015, 15:13:21

საქართველოში კოღოების და სხვა მწერების გააქტიურებასთან ერთად, ცხვარში (ძირითადად მოზარდი  2-10 თვემდე) თავი იჩინა დაავადებამ, რომელიც კლინიკური ნიშნებით გავს ეპერითროზოონოზს, შეიძლება იყოს ანაპლაზმოზიც, რის დასადგენად სასურველია ლაბორატორიული დიაგნოსტიკა. თუმცა, ხშირად ფერმერები ლაბორატორიულ კონტროლს ნაკლებად მიმართავენ. ამდენად, დიაგნოსტირებამდე გთავაზობთ მკურნალობისა და პროფილაქტიკის გარკვეულ სქემას და რეკომენდაციებს.

ეპერითროზოონოზი სისხლის პარაზიტული დაავადებაა, ხასიათდება მწვავე და ქვემწვავე მიმდინარეობით, ანემიით, წონაში ჩამორჩენით, სიგამხდრით. ახასიათებს პერიოდული ციებ-ცხელება (იგივე ახასიათებს ანაპლაზმოზსაც), ძირითადად ავადობენ მოზარდები. პირველი სიმპტომების დროს ტემპერატურა იწევს 40.5-დან 41.10C- მდე, რომელიც გრძელდება 3-4 დღე მუდმივად ან მონაცვლეობით. შეიძლება ზრდასრული ცხვარიც დაავადდეს.  დაავადებულებს შორის სიკვდილიანობა არის 10%-მდე, თუმცა ზარალი დიდია, რადგან ცხვრის წონა და სანაშენე და სამეურნეო ფასეულობები მნიშვნელოვნად იკლებს. ამასთან, დაავადებაგადატანილები ადვილად ითვისებენ სხვა დაავადებებს. ინფიცირების წყაროა ავადმყოფი ან ნაავადმყოფარი ცხოველი. გადამტანები არიან: კოღოები, ბუზები, ტკიპები. დაავადება ვლინდება გაზაფხულზე, ზაფხულსა და შემოდგომაზე.

ეპერითროზოონოზი ხშრად მიმდინარეობს პნევმონიის, თეთრკუნთოვანი და პარაზიტული დაავადებების თანხლებით. ჰგავს ცხვრის ანაპლაზმოზის, ბაბებიოზის დაავადებას. დაავადების წამყვანი ნიშანია ანემია, სიგამხდრე.

სისხლის დაბინძურების შემთხვევაში, ინკუბაციური პერიოდი გრძელდება 2-5-დან 20 დღემდე. ცხვრის ტანზე ტკიპის გაჩენიდან პარაზიტები სისხლში გამოვლინდება ერთი კვირიდან 2 კვირამდე ან უფრო მეტი ხნის შემდეგ.

მკურნალობის დროს გამოიყენეთ პიროტექსი B12 ან მისი ანალოგი პრეპარატები 3,5 მგ/კგ ც.წონაზე ინტერვალით 24-48 საათი, დამატებით კობალტის შემცველი პრეპარატი. ანაპლაზმოზის მკურნალობისთვის ვაკეთებთ ანტიბიოტიკს, მაგალითად, ოქსიტეტრაციკლინ-200,  პრიმაფულს ან მსგავსი ოქსი და ტეტრაციკლინის ჯგუფის პრეპარატებს. კუნთში პიროტექსი B12-ის შეყვანიდან, 24-48 საათში, სისხლში,  ეპერითროზოონები ქრება. ანაპლაზმოზზე ამ ტიპის პრეპარატები არ მოქმედებენ, ამიტომაც ვაკეთებთ დამატებით ტეტრაციკლინის ჯგუფის პრეპარატებს.

დაავადების რომელიმე ნიშნის გამოვლენისთანავე მიმართეთ ვეტექიმს. დიაგნოსტიკა ტარდება ეპიზოოტიური, კლინიკური და პათმორფოლოგიური მონაცემების საფუძველზე. ზუსტი დიაგნოზის დადგენისათვის სასურველია ლაბორატორიული ანალიზი.

პროფილაქტიკისთვის აუცილებელია ცხვრის პარაზიტების საწინააღმდეგო გაბანვა, რომ დაავადება არ გავრცელდეს  მექანიკური გზით, სისხლის აღების დროს, ვაქცინაციის ან სხვა ქირურგიული მანიპულაციისას, დაიცავით ასეპტიკისა და ანტისეპტიკის წესები.

დროული მკურნალობის შემთხვევაში გამოსავალი დადებითია.

ეს დაავადება ასევე გვხვდება მსხვილფეხა რქოსან პირუტყვშიც და ღორშიც.

მიხეილ ჭიჭაყუა, ასოციაცია "მომავლის ფერმერის" მთავარი ვეტკონსულტანტი, ბიოლოგიის დოქტორი

დარეკეთ ჩვენს"ცხელ ხაზზე": 597915367




 ახალი ამბები
  • წალენჯიხაში,სავარაუდოდ, ბრმა ტყვიამ ახალგაზრდა მამაკაცი იმსხვერპლაწალენჯიხაში, სავარაუდოდ, ბრმა ტყვიამ ახალგაზრდა მამაკაცი იმსხვერპლა. გავრცელებული ინფორმაციით, უბედური შემთხვევა იმ დროს მოხდა,  როცა მამაკაცი მეგობრებთან ერთად სანადიროდ იმყოფებოდა.  შსს-ს ინფორმაციით,  მომხდარ ფაქტზე გამოძიება  სსკ-ის 116-ე მუხლით მიმდინარეობს, რაც  სიცოცხლის  გაუფრთხილებლობით  მოსპობას გულისხმობს. ამასთან, როგორც უწყებაში განმარტავენ, დაკავებულია ერთი ... ...
  • გალის რაიონში უკანონოდ დააკავეს საქართველოს მოქალაქე- სუს-ისახელმიფო უსაფრთხოების სამსახურის განცხადებით, მიმდინარე წლის 30 სექტემბერს, ოკუპირებული აფხაზეთის, გალის რაიონში უკანონოდ დააკავეს საქართველოს მოქალაქე ირაკლი ბებუა. ფაქტთან დაკავშირებით დაუყოვნებლივ განხორციელდა ევროკავშირის სადამკვირვებლო მისიის ინფორმირება და გააქტიურდა ცხელი ხაზი. უკანონო დაკავების ფაქტთან დაკავშირებით, საქართველოს სახელმწიფო უსაფრთხოების სამსახურმა, მოახდინა ჟენევის დისკუსიების თანათავმჯდომარეებისა და საერთაშორისო პარტნიორების ინფორმირება. მიმდინარეობს აქტიური მუშაობა პირის დაუყოვნებლივ გათავისუფლების მიზნით.  საოკუპაციო რეჟიმის წარმომადგენლებმა დაადასტურეს უკანონოდ დაკავებული პირის ვინაობა; ცხელი ხაზის საშუალებით გაგვიზიარეს ინფორმაცია მისი ამჟამინდელი ადგილსამყოფელისა და ჯანმრთელობის მდგომარეობის შესახებ. არსებული მონაცემებით უკანონოდ დაკავებული პირი იმყოფება ქ. გალში, მისი ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება. საქართველოს ოკუპირებულ ტერიტორიებზე განხორციელებულ ადამინების უკანონო დაკავების ფაქტებზე, მათი ჯანმრთელობის მდგომარეობაზე სრული პასუხისმგებლობა ეკისრება რუსეთის ფედერაციას. საოკუპაციო რეჟიმის მიერ მართული აღნიშნული პროცესი მნიშვნელოვნად აუარესებს საოკუპაციო ხაზს გასწვრივ, ასევე ოკუპირებულ ტერიტორიებზე არსებულ უსაფრთხოების გარემოს და ართულებს ადგილობრივი მოსახლეობის ყოველდღიურობას. აღნიშნულიდან გამომდინარე მნიშვნელოვანია უკანონოდ დაკავებული პირის უპირობო ... ...
  • GGF და თიბისი ლიზინგი ენერგოეფექტური პროექტების ადგილობრივ ვალუტაში დაფინანსების ხელმისაწვდომობას აფართოვებენლუქსემბურგის ფონდს “Green For Growth Fund”  (GGF) და თიბისი ლიზინგს შორის 5 მლნ აშშ დოლარის მოცულობის სასეხო ხელშეკრულება გაფორმდა, რომელიც ლარის ექვივალენტში გაიცემა. შეთანხმების მიზანია მცირე და საშუალო მეწარმეების ენერგოეფექტური პროექტების დაფინანსების ხელშეწყობა. აღნიშნული ფინანსური რესურსი წარმოადგენს პირველ სესხს, რომელიც ფონდის ახლად შექმნილი აქციების კლასიდან გაიცემა.  ფინანსური რესურსის ლარში გამოყოფით, პარტნიორები მიზნად ისახავენ მეწარმეებს გაცვლით კურსთან დაკავშირებული რისკები შეუმცირონ, ამავდროულად, დაეხმარონ მათ პანდემიასთან დაკავშირებული ეკონომიკური გამოწვევების გამკლავებაში. 2017 წლიდან თიბისი ლიზინგი GGF-ის სტრატეგიული პარტნიორია. მან მნიშვნელოვანი ვალდებულება იკისრა ენერგო რესურსების დაზოგვის ხელშეწყობის კუთხით, რასაც უზრუნველყოფს მცირე და საშუალო ბიზნესის საჭიროებაზე მორგებული მწვანე ლიზინგის დაფინანსებით. GGF-ის ახალი დაფინანსება კომპანიის კლიენტებს საშუალებას მისცემს განახორციელონ ენერგოეფექტური ინვესტიციები და წვლილი შეიტანონ ქვეყნის ეკონომიკის მწვანე აღდგენაში. ინვესტიციების შედეგად წლიურად დაახლოებით  13,380 მგვტ/სთ ოდენობის ენერგო რესურსები დაიზოგება და 2,863 ტონა CO2-ის ემისიის თავიდან აცილება მოხდება. ლარში დენომინირებული ფინანური რესურსის გამოყოფა მოხდა GGF-ის ახლად შექმნილი აქციების კლასიდან, რომლის მიზანი ადგილობრივი ვალუტის მერყეობის შემცირებაა. აღნიშნული აქციების კლასი ცნობილია, როგორც „L shares“ და მისი დიდი ნაწილის კონტრიბუტორს წარმოადგენს ევროკავშირი, ინიციატივის „ევროკავშირი ენერგიისთვის“ (EU4Energy) ფარგლებში და გერმანიის ეკონომიკური თანამშრომლობის და განვითარების ფედერალური სამინისტრო (BMZ). “მოხარულები ვართ, რომ ვაგრძელებთ წარმატებულ თანამშრომლობას თიბისი ლიზინგთან. ეს ინვესტიცია თიბისი ლიზინგს საშუალებას მისცემს, გაზარდოს მწვანე პორტფელი მცირე და საშუალო ბიზნეს სექტორში და შესაბამისად, წვლილი შეიტანოს საქართველოს მწვანე და უფრო მდგრად ეკონომიკურ განვითარებაში. რაც კიდევ უფრო მნიშვნელოვანია, ამ მიზნობრიობით ლარში გაცემული ლიზინგები უზრუველყოფენ ბიზნესისა და გარემოს დაცვას. როდესაც მსესხებელს წვდომა აქვს ლიზინგზე, რომელიც დენომინირებულია იგივე ვალუტაში, რა ვალუტაშიც მისი შემოსავალია, ისინი დაცულები არიან გაცვლითი კურსის მერყეობასთან დაკავშირებული რისკებისგან. აღნიშნული განსაკუთრებულ მნიშვნელობას იძენს მაშინ, ოდესაც მეწარმეები კოვიდ-19 დაკავშირებული  ეკონომიკური გამოწვევების წინაშე დგანან,“ - განცხადა GGF-ის თავმჯდომარემ ოლაფ ზიმელკამ. „ჩვენთვის სასიხარულოა, რომ გავაგრძელეთ ფონდთან წარმატებული თანამშრომლობა 5 მლნ აშშ დოლარის ოდენობის სასესხო ხელშეკრულების გაფორმებით. თანხის ათვისება მთლიანად ადგილობრივ ვალუტაში მოხდება. ეს საშუალებას მოგვცემს ჩვენს მცირე და საშუალო ბიზნეს კლიენტებს ბევრად უფრო ხელმისაწვდომი მწვანე პროდუქტები შევთავაზოთ და რაც ყველაზე მთავარია, ყველა მათგანი ლარში იქნება შეთავაზებული, რაც ასევე თავიდან ააცილებს მათ კურსთა ცვალებადობით გამოწვეულ რისკებს. ჩვენი სტრატეგიული მიმართულება მოიცავს ჩვენს პორტფელში ენერგოეფექტური პროექტების წილის ზრდას, რაც მიღწევადია მხოლოდ ღირებულებათა ჯაჭვის ყველა მონაწილესთან წარმატებული პარტნიორობით, განსაკუთრებით კოვიდ 19-ის პანდემიიდან გამომდინარე გამოწვევების პერიოდში,“ - განაცხადა თიბისი ლიზინგის ფინანსურმა დირექტორმა ნუგზარ ლოლაძემ. GGF-ის შესახებ ფონდი მწვანე ზრდისთვის (GGF) ინვესტირებას ახორციელებს მსოფლიოს 19 ქვეყანაში, სამხრეთ-აღმოსავლეთ ევროპის, კავკასიის, უკრაინის, მოლდოვას, ახლო აღმოსავლეთისა და ჩრდილოეთ აფრიკის რეგიონებში. ფონდის მიზნობრივი ინვესტიციები მიმართულია ენერგო რესურსების დაზოგვაზე, CO2 -ის ემისიის შემცირებაზე და რესურსების ეფექტიანობის გაუმჯობესებაზე. ფონდი აღნიშნულ ინვესტიციებს ახორციელებს პირდაპირ, კომპანიებისა და მუნიციპალიტეტების განახლებადი ენერგიის პროექტების დაფინანსებით, ან არაპირდაპირ, შერჩეული ფინანსური ინსტიტუტების საშუალებით. GGF-ის ტექნიკური დახმარების მექანიზმი მაქსიმალურად ზრდის ფონდის ინვესტიციების ეფექტიანობას, ადგილობრივ ფინანსურ ინსტიტუტებსა და პარტნიორებში პოტენციალის შექმნით. GGF დაარსდა 2009 წლის დეკემბერში გერმანიის განვითარების ბანკისა (KfW) და ევროპის საინვესტიციო ბანკის მიერ, ევროკომისიის, გერმანიის ეკონომიკური თანამშრომლობისა და განვითარების ფედერალური სამინისტროს, ევროპის რეკონსტრუქციისა და განვითარების ბანკისა და ავსტრიის განვითარების ბანკის (OeEB) ფინანსური მხარდაჭერით. ფონდის ინვესტორთა მზარდი  ბაზა მოიცავს დონორ ორგანიზაციებს, საერთაშორისო საფინანსო ინსტიტუტებს და ინსტიტუციონალურ კერძო ინვესტორებს, მათ შორის საერთაშორისო საფინანსო კორპორაციას (IFC), ჰოლანდიური განვითარების ბანკს (FMO), გერმანიის ეთიკურ ბანკს (GLS) და შვედეთის ეკლესიას. GGF-ის მრჩეველია Finance in Motion GmbH.  ტექნიკურ კონსულტაციებს კი  MACS Management and Consulting Services GmbH, ფრანკფურტი,  უზრუნველყოფს. GGF-ის შესახებ დეტალური ინფორმაცია  შეგიძლიათ იხილოთ ვებ-გვერდზე: www.ggf.lu და ტვიტერზე: @GreenGrowthFund  თიბისი ლიზინგის შესახებ თიბისი ლიზინგი თიბისი ჯგუფის წევრი კომპანიაა, რომელიც 2003 წელს დაარსდა. თიბისი ლიზინგი საქართველოში წამყვანი სალიზინგო კომპანიაა და ბაზარზე მისი წილი 70%-ს შეადგენს. თიბისი ლიზინგის მართვაში არსებული მთლიანი პორტფელი 300 მლნ ლარს აღემატება. თიბისი ლიზინგი შემდეგ დარგებს აფინანსებს: მშენებლობა, წარმოება, ვაჭრობა, სოფლის მეურნეობა, მრეწველობა, განახლებადი ენერგიის პროექტები, ტექნოლოგიები, ჰორეკა (რესტორნები, სასტუმროები და კვების ინდუსტრია) და სხვა მრავალი. კომპანია ქვეყნის მთელ ტერიტორიაზე ოპერირებს, აქვს 5 ფილიალი და ჰყავს 120 თანამშრომელი. ... ...
  • საქართველოს ბანკის მხარდაჭერით კასპში სასათბურე ბიზნესი ფართოვდებასაქართველოს ბანკი აგრომეურნეობის მხარდაჭერას განაგრძობს. სწორედ ამ მიზნით, ბანკის მხარდაჭერით კასპის სოფელ ხოვლეში ბოსტნეულის 2 სათბური აშენდა. პროექტის ფარგლებში ასევე მოეწყო ჭაბურღილი. მეწარმე სათბურში სეზონურად  აწარმოებს ბოსტნეულს  (ზაფხულში პომიდორი, ზამთარში მწვანილი), რის რეალიზაციასაც ძირითადად თბილისის სუპერმარკეტებსა და სავაჭრო ობიექტებში ახდენს. სათბური 2018 წლიდან ფუნქციონირებს, იმ ინვესტიციით, რომელიც ბანკის მხრიდან იყო გამოყოფილი, სასათბურე ბიზნესი კიდევ უფრო განვითარდა. აღნიშნული სათბურის  მშენებლობის საინვესტიციო მოცულობა 27 000 ლარია. ბანკის მხრიდან გამოყოფილი თანხა კი 20 000 ლარს შეადგენს. ამ ეტაპზე სათბური  5 ადამიანს ასაქმებს. „საქართველოს ბანკი აქტიურად უჭერს მხარს ბიზნესების რეგიონში განვითარებას, მათ შორის აგრომეურნეობის მიმართულებით. ამჯერად ჩვენი ფინანსური მხარდაჭერით კასპის სოფელ ხოვლეში სასათბურე ბიზნესი გაფართოვდა. ჩვენ მუდმივად მზად ვართ წავახალისოთ ისეთი ინიციატივები, რომელიც მიმართულია ეკონომიკის განვითარებისკენ“, - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ყურძნის ქურდობის მცდელობის ფაქტზე 4 პირი დააკავესყვარლის მუნიციპალიტეტში, ვენახებიდან ყურძნის ქურდობის მცდელობის ფაქტზე 4 პირი დააკავეს. სხვისი ქონების ქურდობის მცდელობის ბრალდებით დაკავებული არიან: 1993 წელს დაბადებული ვ.ზ. 1996 წელს დაბადებული ნ.ხ. 1986 წელს დაბადებული ბ.მ. და 1956 წელს დაბადებული მ.ბ. დანაშაული 1-დან 7 წლამდე ვადით თავისუფლების აღკვეთას ითვალისწინებს. სამართალდამცველებმა ბრალდებულები იმ დროს დააკავეს, როდესაც მათ ღამით სხვის საკუთრებაში არსებულ ვენახებში ფარულად შეაღწიეს და საფერავის ჯიშის ყურძენს იპარავდნენ. პოლიციამ, დაახლოებით, ნახევარი ტონა საფერავის ჯიშის ყურძენი ნივთმტკიცებად ამოიღო. დაკავებულები ჩადენილ დანაშაულს აღიარებენ. ქურდობის მცდელობის ფაქტზე გამოძიება საქართველოს სისხლის სამართლის კოდექსის 19-177-ე მუხლის 1-ლი და მე-3 ნაწილის "ა" ქვეპუნქტით ... ...

არქივი


free polls