საჭიროა თალგამის ხელახალი პოპულარიზაცია

ჩვენი რჩევები

საჭიროა თალგამის ხელახალი პოპულარიზაცია

2015 სექ 8 19:49:54

თალგამი, იგივე ტურნეფსი, ზამთრის პერიოდში შესანიშნავი ნედლი მწვანე საკვებია მსხვილფეხა რქოსანი პირუტყვისთვის, განსაკუთრებით, მეწველი ფურისთვის. ის რძის ხარისხსა და რაოდენობაზე მნიშვნელოვნად მოქმედებს.

თალგამის დათესვის საუკეთესო პერიოდია 15 აგვისტოდან 10 სექტემბრის ჩათვლით. ადრე, კომუნისტურ ხანაში, თალგამი მასობრივად ითესებოდა განკუთვნილ ფართობებზე და მსხვილფეხა პირუტყვის უპირველეს საკვებ საშუალებად მიიჩნეოდა ზამთრის პერიოდში.

_ საზოგადოებრივი ფორმაციის ცვლილების შემდგომ, თალგამის გამოყენება ნაკლებად საჭირო გახდა, რაც სერიოზულ შეცდომად უნდა ჩაითვალოს და წამგებიანი ნაბიჯია ზოგადად მეცხოველეობის დარგის განვითარებაში, _ გვეუბნება აგრონომი აკაკი ღლონტი.

მისი განმარტებით, თალგამი მაღალი წველადობის განმსაზღვრელია და ზამთრის პერიოდში უპირველესი მწვანე მასა-საკვებია ძროხებისთვის. მისი ფოთლები და ძირხვენა თანაბარი ყუათიანობით გამოირჩევა. სასურველი კი არა, აუცილებელია თალგამი დათესონ და მოიყვანონ როგორც მსხვილმა, ასევე საშუალო და წვრილმა ფერმერებმა:

_ თალგამის თესლი დღეისთვის გერმანიიდან შემოაქვთ. ძირითადად, მისი ყიდვა დაკვეთით და გამოწერით შეიძლება და ხელმიუწვდომელი არ არის. მთავარია, დაინტერესება.

ერთ ჰექტარ ფართობზე დასათესად საჭიროა ორი, ორნახევარი კილოგრამი თესლი. საკვები მწვანე მასის და ძირხვენის მოხმარება შეიძლება თანდათანობითი პრინციპით, _ ფართობზე მოვთხრით ან მოვჭრით იმდენს, რამდენიც მოცემულ დროს გვჭირდება. ნიადაგიდან ამოღებულ ძირხვენებს ვასუფთავებთ, ვჭრით ფოთლებთან ერთად და ასეთი სახით ვაწვდით პირუტყვს. არ შეიძლება საქონლისთვის თალგამის დიდი რაოდენობით მიცემა. ის უნდა ვაძლიოთ მცირე რაოდენობით, შავი ფქვილისა და ქატოთი შეზავებული კომბინირებული საკვების შემდეგ.

ფერმერებს შევახსენებთ, რომ თალგამი 10 სექტემბრამდე უნდა დათესონ. შემდგომ დღეებში დათესვა არ შეიძლება, რადგან მცენარე ვეგეტაციას ვერ ასწრებს. თალგამის დათესვა შესაძლებელია ყველგან, სადაც თავისუფალი სამეურნეო მიწა გაქვთ. უნდა გამოიყენოთ ის ფართობი, სადაც აიღეთ საადრეო სიმინდი, სათივე ბალახი ან რომელიმე აგრარული კულტურა. თალგამის კვლავ მასობრივად დათესვა რეალურ სარგებელს მოგიტანთ, ეკონომიკური დანახარჯები კი გაცილებით მცირე იქნება, _ რჩევას გვაძლევს აკაკი ღლონტი.




 ახალი ამბები
  • ოზურგეთში ტაძარი გაქურდესოზურგეთში ღვთისმშობლის მიძინების ტაძარი გაქურდეს. ამ წუთებში ტაძარში, სადაც შვიდგზის ზეთისცხება უნდა შესრულებულიყო,  პოლიცია იმყოფება და მიმდინარეობს მამაოების დაკითხვა. ჩვენს მიერ მოპოვებული ინფორმაციით, გატეხილია შესაწირი ყუთები. ზუსტი ინფორმაცია, რა წაიღეს ტაძრიდან ამ დროისთვის უცნობია. „გურია ნიუსი“ მომხდართან დაკავშირებით უფრო დაწვრილებით, დეტალებს ცოტა ხანში ... ...
  • საქართველოში კორონავირუსით ინფიცირების შემთხვევათა რაოდენობა ისევ გაიზარდააქართველოში კორონავირუსით ინფიცირების შემთხვევათა რაოდენობა 131 -მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5550 ადამიანი, ხოლო სტაციონარში მეთვალყურეობის ქვეშ - 281 პირი. ინფორმაციისთვის, 131 ადამიანიდან 26 ... ...
  • “პრემიერ-მინისტრი არ ამბობს, როდის დაიკეტოს მაღაზიები“ ჩოხატაურის მუნიციპალიტეტში სასურსათო მაღაზიებთან და აფთიაქებთან მერიის ზედამხედველობის სამსახურმა საინფორმაციო ფურცლები გააკრა; ტექსტში, ცხადია, აღნიშნულია, რომ ადამიანები სახლში უნდა დარჩნენ, ვაჭრობისას დისტანცია დაიცვან, თუმცა, ამ საინფორმაციო ფურცლებით, სასიცოცხლოდ მნიშვნელოვან სავაჭრო ობიექტებს სამუშაო დრო 19 საათამდე განუსაზღვრეს. “გუშინ, 7 საათზე რომ დავხურე მაღაზია, რამდენიმე ადამიანი გარეთ, ერთმანეთისგან დინსტანცირებით  მელოდებოდა; თხოვნის მიუხედავად, მათთვის უარის თქმა მომიხდა -  შიშში ვიყავი, ვინმემ არ დამაჯარიმოს-მეთქი. მთავარია, ცხრა საათზე სახლში ვიყოთ და შვიდ საათზე დავკეტავ თუ ცხრის ნახევარზე, ეს მგონი არაა კანონდარღვევა“, _ განუცხადა “გურია ნიუსს“ ერთ-ერთი მაღაზიის მეპატრონემ. სასურსათო მაღაზიის კიდევ ერთი მეპატრონე კი წუხს, რომ 7 საათამდე დისტრიბუციას ვერ მოასწრებს, რადგან მომწოდებელს რვა საათზე ელოდება. მისი თქმით, პრემიერ-მინისტრის მიერ კომენდანტის საათის გამოცხადების მერე შეუთანხმდა მომწოდებლებს და გრაფიკი შესაბამისად დაგეგმა. მერიის ზედამხედველობის სამსახურის მიერ 19 საათზე მაღაზიის დაკეტვის მოთხოვნის გამო კი გრაფიკი მთლიანად დაერღვა და ხელი ეშლება. ამგვარი შეზღუდვის დაწესება ადგილობრივი ხელისუფლების უფლებამოსილებას სცდება და დამატებით შეზღუდვებს უწესებს მოქალაქეებს, რაც არაკანონიერია.  მიუხედავად იმისა, რომ ინფორმაცია ამ შეზღუდვის შესახებ “გურია ნიუსში“ გუშინ გამოქვეყნდა, დღეს მდგომარეობა უცვლელი დაგვხვდა და შემზღუდავი საინფორმაციო ფურცლები ისევ გამოკრული იყო, არც მაღაზიის პატრონების ხელახალი ინფორმირება მომხდარა. ჩოხატაურის მუნიციპალიტეტის მერიის ზედამხედველობის სამსახურის უფროსის, ვლადიმერ ლომთათიძის თქმით, მერიაში მიიღეს გადაწყვეტილება, რომ 19 საათიდან დაკეტილიყო მაღაზიები: “ჩვენ გავაფრთხილეთ მაღაზიების მეპატრონეები. თუ მათი თანამშრომლები ცხოვრობენ სოფელში და სამსახურის შემდეგ მიდიან სახლში, რომ არ მოხვდნენ კომენდანტის საათში, 7 საათზე უნდა დაიწყონ მაღაზიების დაკეტვაზე ზრუნვა. შეიძლება 8 საათამდეც გააგრძელონ მუშაობა. არავისთვის გვითქვამს, რომ ამისთვის დავაჯარიმებთ ვინმეს. უბრალოდ, თუ 9 საათზე ისინი არ იქნებიან სახლში, დაჯარიმდებიან კომენდანტის საათის დარღვევის გამო. ჩვენ ყველას ვაფრთხილებთ, რომ ინდმეწარმეები და მაღაზიებში დასაქმებული პირები არ დაჯარიმდნენ“, _ გვითხრა ვლადიმერ ლომთათიძემ. საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელის, თამაზ ტრაპაიძის თქმით, მთავარია, რომ გონივრულ ვადაში დაიკეტოს მაღაზიები, რადგან ღამის ცხრა საათზე მისი მეპატრონეები და იქ მომუშავე პერსონალი სახლში იყვნენ. მისი თქმით, მთავრობის მიერ გამოქვეყნებულ შესაბამის დოკუმენტებში არსად წერია, რომ მაღაზიები 19 საათზე უნდა დაიკეტოს: “პრემიერ-მინისტრი არ ამბობს, როდის დაიკეტოს მაღაზიები. რადგან ქვეყნის მასშტაბით კომენდანტის საათი  იწყება 21 საათზე, თავად მაღაზიის მეპატრონემ უნდა გადაწყვიტოს, როდის დაკეტოს მაღაზია, ოღონდ ეს უნდა მოხდეს ისე, რომ კომენდანტის საათის დაწყებამდე ყველა თანამშრომელი  სახლში იყოს“, _ გვითხრა თამაზ ... ...
  • საქართველოში, კორონავირუსთან დაკავშირებული აპლიკაცია იტესტებასაქართველოში აპლიკაცია იტესტება, რომელიც სხვადასხვა ქვეყანაში კორონავირუსთან ბრძოლის ერთ-ერთ კომპონენტად დაინერგა. ჯანდაცვის მინისტრის ეკატერინე ტიკარაძის გქნცხადებით, აპლიკაციის ამოქმედების შემთხვევაში, მოქალაქეები მიიღებენ ინფორმაციას ჰქონდათ თუ არა მათ კონტაქტი ინფიცირებულ პირთან. მისივე თქმით, ადამიანები მიიღებენ ინფორმაციას იმ ლოკაციებთან დაკავშირებით, სადაც ინფიცირებულ ადამიანებს შეხება ჰქონდათ. „აპლიკაციასთან დაკავშირებით ვგეგმავთ დამატებითი ინფორმაციის მიწოდებას მოსახლეობისთვის. ის ამ ეტაპზე არის მხოლოდ სატესტო რეჟიმში და ჩვენ ვრწმუნდებით ახლა იმაში, რომ აპლიკაცია ნამდვილად იქნება ეფექტური და ასევე, მიმდინარეობს აპლიკაციის შესაბამისობაში მოყვანა ქართული რეალობისთვის და სხვადასხვა საინფორმაციო ბაზებით მისი გამყარება. მას შემდეგ შემდეგ რაც ეს ყოველივე იქნება მზად, ჩვენ შეგვეძლება უკვე მოქალაქეებს გავაცნოთ ამ აპლიკაციის დეტალები, რომ მათ შეძლონ საკუთარ უსაფრთხოებაზე ზრუნვა, რათა ჰქონდეთ ინფორმაცია, თუ სად იმყოფებოდა ინფიცირებული და ჰქონდა თუ არა მას პერსონალურად პოტენციურ ინფიცირებულთან გარკვეული კონტაქტი, რაც დაეხმარება დაავადებათა კონტროლის ცენტრის ეპიდემიოლოგებს შემდგომი და ადრეული კონტაქტების დაიდენტიფიცირებაში“, - განაცხადა ჯანდაცვის მინისტრმა ეკატერინე ... ...
  • ოზურგეთში თვითიზოლაციაში 11 პირი რჩება“ოზურგეთის მუნიციპალიტეტის საზოგადოებრივი ჯანდაცვის ცენტრის“ დირექტორის, მაია ქუტიძის ინფორმაციით, ოზურგეთიდან კარანტინში სულ 45 ადამიანი იყო, აქედან კარანტინის ვადა დაუმთავრდა 21 ადამიანს, ხოლო 24 ადამიანი ელოდება კარანტინის ვადის დასრულებას. მისივე ინფორმაციით, თვითიზოლაციაში ყოფნის ვადა ამოეწურა 69 ადამიანს. ამ ეტაპზე სახლში თვითიზოლაციაში 11 ადამიანი რჩება. მაია ქუტიძის თქმით, თვითიზოლაციაში მყოფ პირებს ყოველდღიურად ... ...

არქივი