რატომ ხმება თხილის ხეების კენწეროები

ჩვენი რჩევები

რატომ ხმება თხილის ხეების კენწეროები

29 ივლ. 2016, 17:50:32

თხილის პლანტაციებში ძალიან ბევრგან შეიმჩნევა წამხმარი კენწეროები და ნაცარმოდებული ფოთლები; თითოეულ ბუჩქზე არის გამხმარი წვრილი ტოტები.

გთხოვთ, დეტალურად აგვიხსნათ და გვირჩიოთ, რა ვიღონოთ წელს, რომ მომავალში თავიდან ავიცილოთ თხილის სერიოზული დაავადება.

თხილის პლანტაციების მფლობელები ოზურგეთის მუნიციპალიტეტის სოფლებიდან _

ნინო სალუქვაძე, ქეთევან მახარაძე, გიორგი შათირიშვილი, ბადრი ქურიძე, ნუგზარ ანთიძე,

ეთერ ლომჯარია, მაია დოლიძე, ნუნუ გირკელიძე, გულნარა ვასაძე, ვალოდია ურუშაძე.

ჩვენ ამ კითხვაზე პასუხის გაცემა ვთხოვეთ მცენარეთა დამცველს, ბიოლოგიურ მეცნიერებათა დოქტორ ანგელინა ნიკოლაიშვილს:

_ თხილნარებში ხშირია მცენარეთა კენწერული კვირტების ხმობა, რომლის გამომწვევი მიზეზები, ჯერჯერობით, დაუდგენელია. მიზანშეწონილად მიგვაჩნია შედგეს კომპეტენტური კომისია მეცნიერ-სპეციალისტთა შემადგენლობით, რომელიც შეისწავლის, როგორც ნიადაგის მექანიკურ შემადგენლობას, ასევე, წყალმართი თვისებების და ფიზიკური შემადგენლობის დადგენით, ნიადაგში საკვები ელემენტების შემცველობას. ამავდროულად მოხდება მცენარის მავნებელი დაავადებების და ჯიშური შემადგენლობის დადგენა ბიოლოგიური თავისებურებების გათვალისწინებით. ზუსტი დიაგნოზის დასმა ასე შეიძლება, რადგან ბოლოჟამს ბევრნაირად უჭირს თხილს.

ბიოფერმერი ბესო მჟავანაძე მიიჩნევს, რომ ამ ეტაპზე ნაცრისგან წარმოქმნილი დაზიანებები მის პლანტაციაშიც აქვს თხილს. თუმცა, ეს ნაკლებად დააზიანებს მას, რადგან მცენარეს აქვს იმუნიტეტი: "მიმაჩნია, რომ ეს არაა კატასტროფული მდგომარეობა, რადგან ნაცარი ყოველ წელს არსებობს და მცენარე ძლევს მის მავნებლობას. ყოველ შემთხვევაში, ამ ეტაპზე წამლობის ეკონომიკური ეფექტის გამო, მიზანშეწონილად არ მიმაჩნია შეწამვლა, რადგან პრეპარატი უფრო ძვირი დაჯდება, ვიდრე მოსავალი, რომელსაც მცენარე მოგვცემს.

მადონა ჩიტაიშვილი, სურსათის ეროვნული სააგენტოს გურიის რეგიონული სამსახურის მცენარეთა დაცვის სპეციალისტი:

"დასახელებული ნიშნების მიხედვით, თხილი დააზიანა კვირტის ტკიპამ. ის ადრე გაზაფხულზე აზიანებს როგორც საყვავილე, ისე _ საფოთლე კვირტებს. ამის შემდეგ, ბუნებრივია, ფოთოლი აღარ გამოვა. ის კი მცენარეს სიცოცხლისუნარიანობას უვითარებს. ამის შემდეგ ხდება წვეროების თუ წვრილი ტოტების წახმობა. აუცილებელია წამლობა, თუმცა, ეს არ შეიძლება მოხდეს უშუალოდ კრეფისას. შეწამვლა დასაშვებია კრეფამდე ოცი დღით ადრეც. ზოგადად კი შეწამვლამდე უნდა მოხდეს მცენარის დათვალიერება. ბაღს სჭირდება სრული მონიტორინგი. თუ ტკიპა გადმოსულია კვირტიდან ფოთოლზე, სწორედ ამის შემდეგ არის წამლობა შედეგიანი. თუ ფოთოლზე არაა მავნებელი, მაშინ წამლობას აზრი არ აქვს. კვირტის ტკიპას აქვს გენერაციის პერიოდი. ერთდროული წამლობა, შეიძლება, ჩატარდეს შემოდგომაზე და ეს დაჭუპრებამდე უნდა მოხდეს. შემოდგომის ბოლოს კომბინირებული შეწამვლა სხვადასხვა მავნებლის განადგურებას ახდენს. ტკიპას და საერთოდ, მავნებლის საწინააღმდეგო საკმაოდ კარგი პრეპარატები იყიდება სამეურნეო მაღაზიებში. სასურველია, თადარიგი სექტემბრიდანვე დაიჭირონ მეურნეებმა.

რაც შეეხება ნაცარს, მისი გამომწვევია სოკო. წლევანდელი წვიმიანი ზაფხული უწყობს ხელს მის წარმოქმნას, რადგან სითბო და ნესტი სოკოსთვის ზედგამოჭრილ საარსებო გარემოს ქმნის. მცენარე ამ შემთხვევაში ნაკლებად ზიანდება, ვიდრე კვირტის ტკიპასგან. თხილის დაავადების წინააღმდეგ ბრძოლის მოდუნება არ შეიძლება. აუცილებელია მონიტორინგი, დაავადების დაკონკრეტება, რაც მის წინააღმდეგ ბრძოლას აადვილებს.




 ახალი ამბები
  • აჭარაში კორონავირუსი თურქეთის მოქალაქეს დაუდასტურდააჭარაში კორონავირუსი თურქეთის მოქალაქეს დაუდასტურდა. აჭარის ჯანდაცვის სამინისტროს ინფორმაციით, 50 წლის კაცი სატვირთო ავტომობილის მძღოლია. ვირუსისთვის დამახასიათებელი ჩივილებით ის ბათუმის „ცხელების ცენტრში" მოათავსეს, სადაც კორონავირუსი დაუდგინდა. უწყების ცნობით, ცხელების ცენტრიდან კაცს საკუთარი სურვილით თურქეთში გადაიყვანენ, სადაც მკურნალობას განაგრძობს. აჭარაში, კორონავირუსის დიაგნოზით 7 პაციენტი მკურნალობს, მათი მდგომარეობა სტაბილურია. საქართველოში კორონავირუსის 5 ახალი შემთხვევა გამოვლინდა, 6 ... ...
  • ბებო კახეთიდან, რომელიც ლანჩხუთის ქუჩებში შემწეობას ითხოვდა, უპოვართა სახლში გარდაიცვალამოხუცი ქალბატონი, რომელიც წარმოშობით დედოფლისწყაროს მუნიციპალიტეტის სოფელ მაჩხაანიდან იყო და წლების განმავლობაში ლანჩხუთის ქუჩებში მოწყალებას ითხოვდა, უპოვართა სახლში გარდაიცვალა. ეთერ ნატროშვილის ოჯახი ლანჩხუთში კახეთიდან რამდენიმე წლის წინ ჩამოვიდა შვილთან და მეუღლესთან ერთად. მეუღლე ორიოდ წლის წინ გარდაიცვალა და ლანჩხუთშია დაკრძალული. მოხუცი ქალბატონი შვილთან ერთად ზამთრის ცივ დღეებში, თოვლსა თუ წვიმაში, წლების განმავლობაში ქუჩაში იდგა მოწყალების მისაღებად და თავს სხვადასხვა ნაგებობებსა და მიტოვებულ ავტობუსს აფარებდა. ლანჩხუთის მერიამ მას არაერთხელ შესთავაზა ქირავნობის პროგრამა, მაგრამ სახელმწიფოს მიერ დაქირავებულ სახლებში, გარკვეულ მიზეზთა გამო, დიდხანს არ ჩერდებოდა. სამიოდ თვის წინ კი, პრობლემა ნაწილობრივ იმით მოგვარდა, რომ მოხუცი ქალბატონი საგარეჯოს უპოვართა სახლში გადაიყვანეს. სამწუხაროდ, რამდენიმე დღის წინ, იგი გარდაიცვალა, ლანჩხუთში ჩამოასვენეს და მეუღლის გვერდით ე.წ. "ატეკის სასაფლაოზე" ... ...
  • სპეცოპერაცია ზუგდიდში _ დაკავებულია ბიზნესმენის შვილიზუგდიდში, დადიანის ქუჩაზე, სპეცოპერაციიყო. სამართალდამცავები დაკავებული მოქალაქის ავტომანქანას ჩხრეკენ. არსებული ინფორმაციით, დაკავებული ბიზნესმენ დათო შენგელიას შვილია. შს სამინისტროში აცხადებენ, რომ აღნიშნულთან დაკავშირებით კომენტარს მოგვიანებით ... ...
  • სახლში, რომელიც დაიწვა, არავინ ცხოვრობდა _ ხანძარი შემოქმედშიდღეს, ოზურგეთის მუნიციპალიტეტის სოფელ შემოქმედში საცხოვრებელი სახლის მეორე სართული დაიწვა. ოზურგეთელმა მეხანძრე-მაშველებმა პირველი სართულის გადარჩენა მოახერხეს. "გურია ნიუსის" ინფორმაციით, სახლში წლების მანძილზე არ ცხოვრობდნენ. სახლის მფლობელები მხოლოდ თხილის სეზონზე ჩამოდიოდნენ. ამ დროისთვის უცნობია მიზეზი, რამ გააჩინა ცეცხლი მიტოვებულ ... ...
  • ხანძარი ოზურგეთში - შემოქმედში სახლი დაიწვაამ წუთებში ხანძარი იყო ოზურგეთის მუნიციპალიტეტის სოფელ შემოქმედში. დაიწვა ადგილობრივი მცხოვრებლის სახლი. ამ დროისთვის სახლში არავინ ცხოვრობდა _ პატრონი სხვა ქალაქში ცხოვრობს. ადგილზე მისულმა ოზურგეთის სახანძრო სამსახურის წარმომადგენლებმა ხანძარი ჩააქრეს. დეტალებს „გურიანუსი“ მალე ... ...

არქივი