ზაფხულის ბოლო თვე და სამუშაოები ჩვენს ბაღჩა-ბაღებში

ჩვენი რჩევები

ზაფხულის ბოლო თვე და სამუშაოები ჩვენს ბაღჩა-ბაღებში

29 ივლ. 2016, 17:52:32

ივლისის ბოლოდან ჩვენი ფერმერები უმთავრესი საქმის _ თხილის საკრეფად ემზადებიან. პლანტაციების კარგად დასუფთავებასთან ერთად, ყველას კიდევ ერთხელ შევახსენებთ, რომ აუცილებელ პირობად იქცა თხილის ხარისხი, რაც თითოეულ ადამიანზეა დამოკიდებული, ვისაც კი თხილის კრეფასთან თუ მიღება-ჩაბარებასთან აქვს საქმე. ამიტომ აუცილებელია, გაითვალისწინონ და პასუხისმგებლობით, ხარისხთან შესაბამისობაში შეასრულონ ყველანაირი სამუშაო, რაც თხილს უკავშირდება.

* * *

აგვისტოს დასაწყისში ყანებში მუშაობა შენელებულია და ამ მხრივ ფერმერს მეტი დრო აქვს, სხვა საქმისკენ მიმართოს ყურადღება.

* * *

ახლა კენკროვნებს, ჟოლოს, მოცხარს თუ ხურტკმელს მსხმოიარობა დასრულებული აქვს. უნდა შევაჭრათ ნახევრად ხმელი ტოტები, მიწის ზედაპირიდან 5-7 სმ სიმაღლეზე. ხოლო ნაყარის არსებობის შემთხვევაში _ გამოვხშიროთ. ჟოლო ადვილად მრავლდება და ორი-სამი ტოტის ერთად გაზრდასაც უცებ ახერხებს. თუმცა, მომდევნო წელს ნაყოფს არ მოგვცემს. კარგია გახშირებული ბუჩქების ჩაჭრა და გადარგვაც. გახსოვდეთ, რომ ერთი კილოგრამი ჟოლოს ფასმა აგრარულ ბაზარზე უკვე 6-7 ლარს მიაღწია. მისი გაშენება და მოვლა ადვილია, მარტივად შეიძლება კარგი საოჯახო ბიზნესის აწყობა, რადგან არ საჭიროებს მძიმე შრომას. ჟოლოს ფოთლებიც ძალზე სასარგებლოა ფაღარათის დროს. აქვს ანთების საწინააღმდეგო მოქმედება კუჭისა და ნაწლავების კატარისას. გამოიყენება კანზე გამონაყრის დროსაც. დაკრიფეთ აგვისტოში, გაახმეთ ჩრდილში და შესაბამისი საჭიროების დროს გამოიყენეთ მისი ნაყენი _ დაასხით მდუღარე წყალი, გააჩერეთ ორი საათით და შემდეგ დალიეთ, ასევე მოიბანეთ გამონაყარი.

* * *

აგვისტოს შუა რიცხვებში დათესეთ ნიორი, ოხრახუში, წიწმატი, საფოთლე ხახვი, სალათი და კომბოსტოს ყველა სახეობა (ბროკოლი, კეჟერა). ეს ბოსტნეული კულტურები მომდევნო თვეებშიც ითესება, მაგრამ თუ გვინდა ზამთრისთვის კარგად მოძლიერდეს და გაზაფხულამდე გვქონდეს "მწვანე ზამთრის ბაღი", აუცილებლად დათესეთ 15 აგვისტოდან. კომბოსტოს ჩითილები სექტემბრის ბოლოს გადარგეთ.

* * *

რა მოვუხერხოთ განსაკუთრებით მოდებულ სარეველებს?

სარეველებთან ბრძოლა ერთ-ერთი უძნელესი საქმეა. განსაკუთრებით ძნელად მოსასპობია მრავალწლიანი ფესვურა სარეველები: ამბროზია, ჭანგა თუ გლერტა. ღრმა დაბარვა უნდა დავიწყოთ აგვისტოს შუა რიცხვებიდან. ფესვურები შევაგროვოთ და აუცილებლად დავწვათ, რადგან მიწის ზედაპირზეც კი, დაყრილ მდგომარეობაში, ახერხებს გამრავლებას. ერთ სეზონზე და მხოლოდ აგვისტოში ჩაბარვით არ მოხერხდება მათი სრულად მოსპობა, თუმცა შენელდება გამრავლების პროცესი და მომდევნო სეზონზეც მათ წინააღმდეგ ბრძოლით შესაძლებელია სრული განადგურება, ქიმიური პრეპარატების გამოყენების გარეშე.

რაც შეეხება ერთწლოვან სარეველებს, რომელთა გამრავლება თესლით ხდება, მათ წინააღმდეგაც ბრძოლა ზაფხულის დასასრულისთანავე უნდა დავიწყოთ. სხვადასხვა მოსავლის აღებისთანავე, სასწრაფოდ დავფარცხოთ ნაკვეთი _ ეს ხელს უშლის თესლის გაღვივებას და აღმოცენებას. ხოლო როგორც კი აღმონაცენი გაჩნდება, მაშინვე ჩავბაროთ 15 სმ სიღრმეზე, სადაც გაღვივება ხდება. ასეთ შემთხვევაში თესლი ზედაპირამდე ვერ ამოდის და მიწაშივე იღუპება.

სარეველების მოსპობით ნიადაგი ორგანული სასუქით მდიდრდება. მომშხამველი ჰერბიციდებით ბრძოლას სარეველების წინააღმდეგ, ასეთი ბრძოლა ჯობს. შრომა მეტი სჭირდება, მაგრამ ნუ დაიზარებთ.

სარეველების წინააღმდეგ ბრძოლა ადრე გაზაფხულზეც შედეგიანია, მაგრამ უმჯობესია ახლა, ზაფხულის მიწურულს, გვიან შემოდგომამდე ვებრძოლოთ.

* * *

კიდევ ერთი რჩევა ჩვენს მოსახლეობას, ვის ეზოებშიც ახლა უხვად ყრია მწიფე ხილი და ბევრგან ლპება კიდეც. რატომღაც ბევრი არ ფიქრობს ხილის წვენის გამოხდას და ამ სახით შენახვას ზამთრისთვის. ნებისმიერი ხილის წვენი საუცხოოა, თუ წვენსაწურით გამოვწურავთ და შაქრით თუ შაქრის გარეშე შევინახავთ. აუცილებელია სტერილიზაცია და არა პასტერიზაცია, რომელიც მხოლოდ 70-გრადუსიან დუღილს, უფრო სწორად წამოდუღებას ექვემდებარება. თუმცა, კომპოტს პასტერიზაციის წესითაც ხშირად ინახავენ. ნუ ალპობთ ხილს ეზოებში, მიბრუნდით ბუნებისგან უხვად ბოძებულ სიმდიდრისკენ. სიკვდილიანობის ერთ-ერთი უმთავრესი მიზეზი მთელ მსოფლიოში ინსულტია. მისგან დაცვა კი ყველაზე ძალიან ბოსტნეულით, ხილით და ხილის ნატურალური წვენებითაა შესაძლებელი.

* * *

ასევე, მაყვლით სავსეა გზისპირა, ყანისპირა, ღელისპირა ადგილები. წელს მისი განსაკუთრებულად დიდი მოსავალია. გარდა მურაბისა და წვენისა, შესანიშნავია მაყვლის ღვინო. გააკეთეთ ზუსტად ისეთივე წესით, როგორც მზადდება ყურძნის ღვინო.

* * *

რაც შეეხება ვენახს, ის აგვისტოში ორჯერ მაინც საჭიროებს ბორდოს 1%-იანი ხსნარის შესხურებას, ასევე, გოგირდის შეფრქვევას, ოღონდ წამლობას წინ უნდა უძღოდეს ზედმეტი ყლორტების შეცლა, რაც ითვალისწინებს შტამბზე ამონაყრების მოცილებას (გარდა იმ ამონაყარისა, რომელიც შეიძლება დაგჭირდეთ გადასაწიდნად ან დაზიანებული მხარის შესაცვლელად). ამავე პერიოდში უნდა მოხდეს ყლორტების მიბმა საყრდენზე და ნამხარის შეცლა.

აგვისტოში მუდამ აუცილებელი ღონისძიებაა გამუდმებული თოხნა, მიწის გაფხვიერების მიზნით, სარეველების მულჩებად შემოწყობა ვაზის ძირში, რაც ხელს უწყობს ტენის შენარჩუნებას, საბოლოოდ კი ორგანულ სასუქად ქცევას.

* * *

არ დაგვავიწყდეს, რომ აგვისტო კვირტში მყნობის დროა. განსაკუთრებით იაქტიურეთ ვარდის გამრავლების მოყვარულებმა _ ყვავილთა დედოფალი ყველაზე ძალიან ამ დროს და კვირტში მყნობით მრავლდება.




 ახალი ამბები
  • უბედური შემთხვევა საგარეჯოში - 70 წლის ქალბატონი საკუთარ თონეში ჩაიწვაუბედური შემთხვევა მოხდა საგარეჯოში - სოფელ  ვერხვიანში 70 წლის ქალბატონი საკუთარ  თონეში ჩაიწვა. ინფორმაცია „გურია ნიუსს“ მერის წარმომადგენელმა აღნიშნულ თემში,  ნოდარ ბეგიაშვილმა  დაუდასტურა. მისი განცხადებით, უბედური შემთხვევა დღეს, დაახლოებით პირველ საათზე მოხდა. არსებული ინფრმაციით, დაშავებული ქალის დახმარება ოჯახის წევრებმა სცადეს, თუმცა  იგი მიღებული დამწვრობით  ადგილზე ... ...
  • სამტრედიაში მარტის ბიუჯეტი 74, 5 პროცენტით, ხოლო აპრილის-63,1 პროცენტით შესრულდა1 ივნისს სამტრედიის მუნიციპალიტეტის საკრებულოს სხდომა გაიმართა, რომელსაც მუნიციპალიტეტის საკრებულოს თავმჯდომარის მოადგილე, კობა ძიძიგური უძღვებოდა. საკრებულოს წევრებმა მხარი დაუჭირეს ,,სპორტული კომპლექსი სამტრედიას" ბიუჯეტში ცვლილებას. კერძოდ გაიზარდა სტადიონის სარემონტო სამუშაოების დაფინანსება და საცურაო აუზში დანადგარების შეძენის ხარჯი. ინფორმაციის სახით გაჟღერდა 2020 წლის მარტისა და აპრილის ბიუჯეტის შესრულების ანალიზი. მარტში ადგილობრივი შემოსავლები 13 357 100 ლარით განისაზღვრა. მათ შორის საგადასახადო შემოსავლები-11 259 500 ლარი, სხვა შემოსავლები-2 900 700 ლარი. არაფინანსური აქტივების ზრდა-87 900 ლარი. მარტის ბიუჯეტი 74, 5 პროცენტით შესრულდა. აპრილის თვეში ადგილობრივი შემოსავლები იგივე დაგეგმარებით იყო, რაც მარტში. ბიუჯეტის შესრულებამ 63, 1 პროცენტი შეადგინა. მომხსენებლის, საფინანსო-საბიუჯეტო საკითხთა კომისიის თავმჯდომარის, შალვა არზუმანიანის თქმით, მარტისა და აპრილის ბიუჯეტის დაბალი მაჩვენებლით შესრულება კოვიდ 19-ის პანდემიას უკავ ... ...
  • ბავშვთა დაცვის დღე "ჯეო ჰოსპიტალსის" სამტრედიის ამბულატორიულ ცენტრშისაზეიმო ვითარებაში აღინიშნა ბავშვთა დაცვის დღე "ჯეო ჰოსპიტალს"-ის სამტრედიის ამბულატორიულ ცენტრში სადაც განსაკუთრებული და სადღესასწაულო გარემო დაახვედრეს კლინიკაში მოსულ ბენეფიციარებს. პატარა პაციენტებს სასიამოვნო სიურპრიზებიც დაახვედრეს და კლინიკის გარემო საყვარელი გმირების ფერადი ნახატებით, ბუშტებით გააფორმეს და ტკბილეულით გაუმასპინძლდენენ. ამ ფორმით "ჯეო ჰოსპიტალსის" ადგილობრივმა სამედიცინო პერსონალმა და მენეჯმენტმა COVID 19 დაკავშირებული შეზღუდული რეგულაციების ფონზე მათთვის დღესასწაულის გახალისება ... ...
  • "ბოლომდე იხმართ და დააგდებთ" _ მეუფე იაკობიბოდბელი ეპისკოპოსი მეუფე იაკობი პეტრე ცაავას მიერ მისი მისამართით გაგეთებულ განცხადებებს ეხმაურება და აცხადებს, რომ სინოდის დასრულების შემდეგ გახდება ყველაფერი ცნობილი. "დაეკოდეთ სინოდს...სახის ფერზე დააკვირდით ხოლმე, შეხედეთ ვინ არის ვისი იარაღი. მე სამართლიანად მივიღე ის, რაც მივიღე. ეგენი თავს თვითონ ისჯიან, ღმერთი კი არ სჯის, არც ჩვენ არ ვსჯით. ჩვენ სასჯელები არ გვაქვს, ჩვენ შეიძლება ეპიტამია დავადოთ ხოლმე, როცა ვეღარ ხვდებიან მერე ღმერთს, რომ თვითონ მიატოვებენ. მადლის გარეშე რჩებიან საწყლად და ცოტა ხანში გამოიყენებთ, ყველაფერს ათქმევინებთ, გამოწურავთ, ბოლომდე იხმართ, თქვენ თუ სხვები და დააგდებთ, მერე აღარც გაგახსენდებათ, - ამბობს იგი. ბოდბელმა მიტროპოლიტმა, კომენტარი გააკეთა სუს-ის განცხადებაზეც, სადაც ცალკეული ჯგუფების მიერ ეთნიკური შუღლის გაღვივებაზე იყო საუბარი. ბოდბელი ეპისკოპოსის შეფასებით, ამ ჯგუფებში სასულიერო პირები არ მოიაზრებიან და ეკლესია პირიქით, შერიგებისკენ არის მოწოდებული. "მე როგორ უნდა გამანეიტრალოს საპატრიარქომ, როდესაც თვითონ საპატარიარქოს წარმომადგენელი ვარ, რისთვის?! ჩემი შიშები აქვთ სხვა რამის გამო, იმიტომ, რომ ასე თუ გააგრძელეს, მე ვთქვი, სათითაოდ, ყველაზე, ვინც გამოჩნდება ყველაზე ყველაფერს ფაქტებით ვიტყვი, ისე კი არა პეტრე რომ ჭორაობს ქალივით. ჩემი ეშინიათ", - აღნიშნავს მეუფე ... ...
  • „ისე ნუ იზამთ, იმ ველზე შემოხვიდეთ, სადაც არაფერი გაგეგებათ" _ გუბაზ სანიკიძე თენგიზ ცერცვაძესსახელს გაუფრთხილდით, არ არის პოლიტიკა თქვენი საქმე, იფიქრეთ ძალიან დანაღმულ ველზე შემოდიხართ, – ასე მიმართა გუბაზ სანიკიძემ „მთავარ აქცენტებში“, ინფექციური საავადმყოფოს დირექტორს თენგიზ ცერცვაძეს. სანიკიძემ თენგიზ ცერცვაძეს, ამ სიტყვებით მას შემდეგ მიმართა, რაც გადაცემის წამყვანმა ეთერში ცერცვაძის სიუჟეტი გაუშვა. სიუჟეტში ცერცვაძე საუბრობს ზუგდიდის ბოტანიკური ბაღის რეაბილიტაციასა და სხვადასხვა კულტურული ძეგლების აღდგენის შესახებ. „ისე ნუ იზამთ, იმ ველზე შემოხვიდეთ, სადაც არაფერი გაგეგებათ და აუცილებლად შარში გაეხვევით. თუ გავითვალისწინებთ იმ ვერაგი კაცის არსებობას, როგორიცაა ბიძინა ივანიშვილი, ძალიან ცუდად გამოგიყენებთ. ასაკოვანი კაცი ხართ, მე ვერც უნდა გიბედავდეთ ამას, მაგრამ უმცროსი მეგობრის რჩევად მიიღეთ, დაანებეთ ამ საქმეს თავი, ძალიან ძვირად დაგიჯდებათ ჯანმრთელობის კუთხით, ბევრს ინერვიულებთ და მერე საქმე საქმეზე რომ მიდგება, ბიძინა რომ წავა ხელისუფლებიდან… ჩვენ უფრო ვუფრთხილდებით მე მგონი თქვენს სახელს, ვიდრე თქვენ. დაანებეთ თავი, არ არის პოლიტიკა თქვენი საქმე. ვინმე მოვიდა, ჩაერია, გასწავლათ ეპიდემიას როგორ უნდა ებრძოლოთ? დაგეთანხმეთ, დაგიჯერეთ მაგრამ ეკონომიკურად ექიმები ვერ დააყენებთ ფეხზე ამ ქვეყანას”, – განაცხადა სანიკიძემ ... ...

არქივი


რას ფიქრობთ სოფლის მეურნეობის დახმარების პროგრამაზე?