"დეკემბერა" საოცარი საშობაო ყვავილია

ჩვენი რჩევები

"დეკემბერა" საოცარი საშობაო ყვავილია

21 იან. 2020, 14:21:49

ალბათ, არც ერთი ყვავილის შესახებ არ მოდის ჩვენი მკითხველებისგან იმდენი კითხვა, რამდენიც "დეკემბერას" მოვლის და განსაკუთრებით მისი აყვავების შესახებ _ "მაქვს, ვუვლი განსაკუთრებით, თუმცა, არასდროს ყვავის"; "რა მოვუხერხო, რომ მალე გაიზარდოს და აყვავდეს?" "ფოთლები გაუყვითლდა, ალაგ-ალაგ ისე გამოიყურება, გეგონება, ჭკნება"; "სამი წლის მანძილზე, მხოლოდ ერთი ყვავილი გამოიღო", _ გვწერენ ჩვენი მკითხველები.

დეკემბერა მართლაც საოცარი ყვავილია და უსაზღვროდ გაგახარებთ, თუ ელემენტარულ მოვლას არ დაამადლით.

მრავალი წელია, ის ჩემი "საყვავილეთის" მშვენებაა და მათ შორის, ყველაზე ნაკლებად მაწუხებს თავისი ამბიციებით.

უმთავრესი, რაც მას უყვარს, არის ნახევრადტენიან გარემოში, ერთ ადგილზე ყოფნა. არ ითხოვს განსაკუთრებულ სასუქებს, ხშირად მორწყვას, ტემპერატურის ცვლილებას. მთავარია, მიაქციოთ ყურადღება, მიწა არ გამოუშრეს და რაიმე დაავადება არ შეეპაროს.

ზამთრის პერიოდში, ოთახში ყოფნისას, თვრამეტ გრადუსზე ნაკლებ ტემპერატურაზე არ ამყოფოთ. დადგით ფანჯარასთან ან განათებულ ადგილთან ახლოს. არ შეაბრუნოთ ქოთანი ხშირად, რადგან ყველაზე ძალიან ეს "უშლის ნერვებს". კვირაში ერთხელ მოაპკურეთ ოთახის ტემპერატურის წყალი. თუ შეამჩნევთ, რომ ქოთანში მიწა ძალიან ჩატკეპნილია, ჩანგლის წვერით ოდნავ მოჩიჩქნეთ ისე, რომ მცენარე არ დააზიანოთ.

ვიმეორებ, ამ ყვავილისთვის საუცხოო "მკურნალია" გაზაფხულზე ეზოში გატანა და ნახევრად ჩრდილში დადგმა, სადაც დღის განმავლობაში მზე ნაწილობრივ მიწვდება. ასე იდგეს შემოდგომამდე. მას ღამის ცვარიც კი ჰყოფნის, რომ მუდამ მხნედ გამოიყურებოდეს. ამიტომ ზოგი სხვა ყვავილის მსგავსად, ხშირად ნუ მორწყავთ. ბუნებაში თუ ოთახში ხშირად გროვდება მტვერი, კარგად გაწურული ჩვარით, კვირაში ერთხელ, ფოთლები ფრთხილად გაუწმინდეთ.

თუ ქალაქის პირობებში ისეთ ბინებში ცხოვრობთ, სადაც მხოლოდ აივანზე გატანაა შესაძლებელი, იმ შემთხვევაში გაიტანეთ იქ, თუ მზე ნახევრად დაანათებს. არაფერი ისე არ წყენს, როგორც მზის პირდაპირ დანათებული სხივები. წინააღმდეგ შემთხვევაში, დატოვეთ მხოლოდ ოთახში და მიხედეთ ისე, როგორც ზემოთ ვთქვით.

რაც შეეხება გამრავლებას, ინტერნეტსივრცეში თუ სხვადასხვა გამოცდილებით, არა ერთ მეთოდზე საუბრობენ. მე ყველაზე კარგად წყალში დაფესვიანებას ვუჭერ მხარს, რაც საკუთარი გამოცდილებით ყველაზე გამართლებული აღმოჩნდა.

გაზაფხულის მოახლოებისას მცენარეს ფრთხილად მოაჭერით ან მოაძრეთ ერთი ან რამდენიმე ტოტი. ჩადეთ წყლით სავსე მომცრო ქილაში. დადგით განათებულ ადგილზე, თბილ ოთახში. ხუთ დღეში ერთხელ გამოუცვალეთ წყალი. ზუსტად ვერ გეტყვით, რამდენ დღეში დაფესვიანდება, თუმცა, ამ პროცესს ერთ თვეზე მეტი არ დააგვიანდება _ ის ხშირ ფესვებს აუცილებლად გამოიღებს. ამის შემდეგ ჩარგეთ კარგად განოყიერებული მიწით ავსებულ ვიწრო, საშუალო ზომის ქოთანში. თავიდანვე დიდი ზომის ქოთანში არ მოათავსოთ. ზოგადად, იცოდეთ, არც ერთ ყვავილოვან თუ არაყვავილოვან მცენარეს არ უყვარს დასაწყისიდანვე დიდი ზომის ქოთანში ჩარგვა. ასე ის განვითარებას სწრაფად ვერ იწყებს. ზოგს კი მიაჩნია, რომ თუ თავიდანვე დიდი ზომის ქოთანში მოათავსებს მცენარეს, ის ნებიერად იქნება და სწრაფად გაიზრდება. არადა, პირიქითაა _ ყვავილს, ზრდის მიხედვით უნდა შეუცვალოთ ქოთანი და გადაიტანოთ უფრო დიდი ზომის სათავსში.

დეკემბერა, იგივე შლუმბერგერა, მართალია, მხოლოდ ზამთარში ყვავილობს და წელიწადის დანარჩენ დროს, როცა ყველანაირ ყვავილი, ბრდღვიალებს, თავად, ასე ვთქვათ, ჩრდილში ექცევა, თუმცა, ზამთარში, საახალწლოდ, როცა აყვავების უნარი დანარჩენებს არ აქვთ, შლუმბერგერა მთელი თვის მანძილზე ყვავის და გარემოში საოცარ განწყობას ქმნის. მან საფუძვლიანად დაიმკვიდრა შობის ყვავილის ტიტული და ეცადეთ, ზემოთ აღწერილი, არც ისე საძნელო გარჯით, მისი გული მოიგოთ. ერთ ადგილზე ყოფნით, ნახევრად ტენიან გარემოში, ხანდახან მორწყვით და ფოთლების ფრთხილად გასუფთავებით, დეკემბერა საახალწლოდ მუდამ იბრდღვიალებს თქვენს სახლში, გულსა და სულში.

ზოგს არც ის სჯერა, რომ ყვავილებს მოფერება სჭირდება. იცოდეთ, ხმაურიან და აზანზარებულ გარემოში ყვავილებს "გული უწუხთ". ამას მეცნიერებიც ამტკიცებენ. ისინი ასკვნიან, რომ დაძაბულ და ხმაურიან გარემოს შედარებით ასაკოვანი მცენარეები უძლებენ. "რკინის ნერვებიანი" არის კაქტუსოვნები. მათ გააჩნიათ კომპიუტერის და ტელევიზორის გამოსხივებასთან შეგუების უნარი.

გახსოვდეთ, ხშირად დაელაპარაკეთ ყვავილებს, ფრთხილად გადაუსვით ხელი, შეაცალეთ დაზიანებული ფოთლები, წაიღიღინეთ კიდეც მათ სიახლოვეს. ამოუცნობი, იდუმალი სამყარო, რომელშიც ვიმყოფებით, ადამიანს და ყვავილს, ზოგადად ერთმანეთთან რაღაც უხილავი ძაფებით აკავშირებს. აყვავებული, კარგად მომზირალი მცენარეები ყველანაირი სტრესის და ტკივილის დაძლევაში საგრძნობლად გვეხმარებიან.




 ახალი ამბები
  • „თხილის ფასს არ ეხება ომი და წაბლისას აფარჩაკებს? “ : ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • სტოლტენბერგი: საქართველო ჩვენი ერთ-ერთი ყველაზე მნიშვნელოვანი პარტნიორია"მე ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს, საქართველო  ჩვენი ერთ-ერთი ყველაზე მნიშვნელოვანი პარტნიორია", - ამის შესახებ ნატოს გენერალურმა მდივანმა, იენს სტოლტენბერგმა, ბრიუსელში, საქართველოს პრემიერ-მინისტრთან შეხვედრის შემდეგ, ერთობლივ პრესკონფერენციაზე განაცხადა. როგორც ნატოს გენერალურმა მდივანმა აღნიშნა, საქართველო უნდა ამაყობდეს იმ წვლილის გამო, რომელიც შეაქვს ნატოს უსაფრთხოებაში და ნატოს მისიების წარმატებაში. „ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს. ჩემთვის დიდი სიამოვნებაა, რომ მივესალმები საქართველოს საგარეო საქმეთა სამინისტროს, ნატოს სათაო დაწესებულებაში. ეს იმას ადასტურებს, რომ პოლიტიკურად მნიშვნელოვანია ჩვენი პარტნიორობა თქვენთვის და ჩვენთვის. საქართველო  ჩვენი ერთ-ერთი ყველაზე მნიშვნელოვანი პარტნიორია. ჩვენ უსაფრთხოების სფეროში და ბევრი სხვა მიმართულებით ძალიან მჭიდროდ ვთანამშრომლობთ, მათ შორის, სწავლებებში, ავღანეთის მისიაში. ჩვენ ყველას შეგვიძლია ვიამაყოთ ერთად და თქვენც შეგიძლიათ ამაყობდეთ იმ წვლილის გამო, რომელიც შეგაქვთ ნატოს უსაფრთხოებაში და ნატოს მისიების წარმატებაში", - განაცხადა იენს ... ...
  • "ევროპულმა საქართველომ" საპარლამენტო არჩევნებისთვის პარტიის სია წარადგინა"ევროპულმა საქართველომ" საპარლამენტო არჩევნებისთვის პარტიის სია წარადგინა. სია წარადგინა ევროპული საქართველოს ახალგაზრდა სპიკერმა, თათია ვახტანგაძემ. ვახტანგაძის თქმით, სია არ არის რიგითობით და შეადგენს და როგორც წარდგენაზე განაცხადეს, ეს იმ გუნდის სიაა, რომელიც ქვეყანას მოუტანს გარდამტეხ ცვლილებებს. სია შემდეგნაირია: გიგი უგულავა,   ტარიელ ლონდარიძე, ლევან თარხნიშვილი, გოჩა გურგუჩიანი, არსენ კარაპეტიანი,  ზურაბ ჩილინგარაშვილი,  ირინე აფხაზავა, აჰმედ იმამკულიევი, ზურაბ ჭიაბერაშვილი,  გიორგი კანდელაკი,გიორგი ღვინიაშვილი, მაია კაციტაძე, ელენე ოზაშვილი, სერგო რატიანი, ირაკლი კიკნაველიძე,  მალხაზ პატარაია, ოთარ კახიძე, მარიამ რამინაშვილი, ლელა ქებურია, ირაკლი აბესაძე, აკაკი ბობოხიძე,  გიგა ბოკერია, ზაზა კედელაშვილი, ნინო გოგუაძე, ირმა ნადირაშვილი, ზურაბ ბუცხრიკიძე, სერგი კაპანაძე,  გიგი წერეთელი, ტარიელ ნაკაიძე,  ხათუნა გოგორიშვილი, ელენე ხოშტარია, არმაზ ახვლედიანი, დავით ბაქრაძე,  შალვა შავგულიძე.  შიდა კონკურენციის შედეგად დეპუტატი გახდება ის, ვისაც გადაწყვეტს „ევროპული საქართველოს“ აქტივი და ამომრჩეველი.​ ჯერჯერობით თანმიმდევრობას და არც პრემიერობის კანდიდატს არ ... ...
  • საქართველოს ბანკი 4B-ის წევრ მცირე და საშუალო ბიზნესებებს ახალ პროექტს სთავაზობსსაქართველოს ბანკი, როგორც საიმედო პარტნიორი ბიზნესების არამხოლოდ ფინანსურ მხარდაჭერაზე, არამედ მათ სამომავლო განვითარებაზე ზრუნავს.  ბანკმა სპეციალურად 4B-ის წევრი მცირე და საშუალო ბიზნესების გაძლიერების მიზნით შექმნა სივრცე, სადაც მათ მათთვის საჭირო და საინტერესო მომსახურებაზე სპეციალური შეთავაზებების ნახვა და ექსკლუზიურად მათთვის განკუთვნილი უფასო საკონსულტაციო სერვისებით სარგებლობის შესაძლებლობა აქვთ. ბანკმა მის პარტნიორ  კომპანიებთან ერთად მცირე და საშუალო ბიზნესების წინსვლისა და განვითარებისთვის სპეციალური შეთავაზებები შემდეგ სფეროებსა და მიმართულებებზე გააკეთა: • ბიზნეს საკონსულტაციო მომსახურება • საბუღალტრო მომსახურება • საგადასახადო კონსულტაციები • მარკეტინგული კამპანიები • იურიდიული მომსახურება • შრომის უსაფრთხოება • ბიზნეს ტრენინგები • IT მომსახურება • კვლევა • თიმბილდინგი „საქართველოს ბანკისთვის ბიზნესების მხარდაჭერა ერთ-ერთ მთავარ პრიორიტეტს წარმოადგენს. ჩვენ ვზრუნავთ მცირე და საშუალო ბიზნესებს დავუდგეთ გვერდით არამხოლოდ ფინანსურად ან ინტელექტუალურად, იმ ტრენინგების ორგანიზებით, რომელსაც მათი სამომავლო განვითარების მიზნით ვახორციელებთ, არამედ მათთვის ახალი შესაძლებლობების შექმნითაც. ამჯერად გვსურდა 4B-ის წევრი ბიზნესების გაძლიერების პროცესში ჩაგვერთო ჩვენი პარტნიორი კომპანიები, რომლებიც შეძლებდნენ კონსულტაციის გაწევითა და ექსკლუზიური შეთავაზებებით მნიშვნელოვანი წვლილი შეეტანათ ბიზნესების  წინსვლასა და სამომავლო  განვითარებაში. ვფიქრობთ, ამ ინიციატივით ბიზნესებს მივცემთ დიდ სტიმულს კიდევ უფრო გაძლიერდნენ და გახდნენ ეკონომიკურად სტაბილურები“,- განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა. 4B-ის წევრი მცირე და საშუალო ბიზნესის წარმომადგენლები, რომლებსაც სურთ საქართველოს ბანკის მიერ მათთვის შექმნილი შესაძლებლობებით ისარგებლონ, ინფორმაციის მისაღებად უნდა ეწვიონ ბმულს: https://bankofgeorgia.ge/ka/business/business-services/4b#offers, სადაც ისინი შეძლებენ მათ საჭიროებებსა და ინტერესებზე მორგებულ სპეციალურ შეთავაზებებს გაეცნონ.   დაინტერესებულმა კომპანიებმა კი, რომლებსაც სურთ საკუთარი კომპეტენციით დაეხმარონ მცირე და საშუალო ბიზნესს გაუმკლავდნენ კრიზისს, მოახდინონ პროცესების ოპტიმიზაცია და განაგრძონ ზრდა - განვითარება, უნდა შეავსონ სარეგისტრაციო ბმული  ... ...

არქივი


free polls