გურიას მარმარა ბაღლინჯო უტევს

ჩვენი რჩევები

გურიას მარმარა ბაღლინჯო უტევს

2017 აპრ 13 12:17:18

დღეისთვის გურიაში შემოჭრილია საშიში საკარანტინო მავნებელი _ მარმარა ბაღლინჯო, რომელიც სერიოზული განადგურებით ემუქრება ჩვენს მრავალფეროვან ფლორას. შავიზღვისპირა სანაპირო ზოლში (აფხაზეთი, სამეგრელო, აჭარა, გურია) შემოჭრილი ამ პოლიგაფისთვის ძალიან ხელსაყრელი აღმოჩნდა ჩვენი მდიდარი ფლორა. ის კარგად ვითარდება სხვადასხვა დეკორატიულ, ტექნიკურ, ბოსტან-ბაღჩის და სხვა ნაყოფმომცემი მცენარეებით გაშენებულ გარემოში.

მავნებელი მარმარა ბაღლინჯო ძალიან ჰგავს ჩვენში გავრცელებულ ე. წ. "სუნიან ბუზს". მისი სამშობლო სამხრეთ-აღმოსავლეთი აზიაა: ჩინეთი, იაპონია, კორეის ნახევარკუნძულის ქვეყნები, ტაივანი და ვიეტნამი.

მარმარა ბაღლინჯო აქტიურად გავრცელდა აშშ ტერიტორიაზე 2014 წელს და უკვე აღნიშნულია 34 შტატში, აგრეთვე კანადის სამხრეთ პროვინციებში. ბაღლინჯო 2010 წელს აღინიშნა შვეიცარიაში და ახალ ზელანდიაში. ინგლისში ის იპოვეს საჰაერო ტრანსპორტის ტვირთებში.

2014 წელს აღნიშნული მავნებელი გამოჩნდა სოჭის რეგიონში და შემდეგ კი, დღეისთვის უკვე შემოაღწია საქართველოში _ აფხაზეთში, სამეგრელოსა და აჭარა-გურიის ტერიტორიაზე.

მარმარა ბაღლინჯოს სხეული მსხლისებური ფორმისაა, ზომით 12-17 მმ. მისი ფერი მოყავისფროა, მუცლის მხრიდან მოთეთრო, ბაცი ყავისფერი, ზოგჯერ ნაცრისფერი ან შავი ელფერით. ფეხები ყავისფერი, ულვაშების ბოლო სეგმენტები თეთრი დაბოლოებებით.

მარმარა ბაღლინჯო აპრილში, უფრო მეორე ნახევარში, გამოდის მეზამთრეობიდან, ეძებს მასპინძელ მცენარეს დამატებითი კვებისთვის, რომელიც გრძელდება ერთი-ორი კვირა. დედალი ბაღლინჯო ფოთლის ქვედა მხარეს დებს თეთრ, ბურთისნაირ კვერცხებს, 20-30 ცალს.

2016 წელს მეცნიერებმა ნ. კარპუნმა და ვ. პროცენკომ თავისი მონაცემებით დაადგინეს, რომ ეს ბაღლინჯო სოჭის რეგიონში სამ თაობას ავითარებს. პირველი თაობა მაისის პირველი დეკადიდან ივნისის მეორე-მესამე დეკადამდე ვითარდება, მეორე თაობა _ ივნისის მეორე-მესამე დეკადიდან აგვისტოს პირველ დეკადამდე, ხოლო მესამე _ აგვისტოს პირველი დეკადიდან ოქტომბრის პირველ დეკადაში. შემდეგ ზრდასრული ფორმა (იმაგო) გადადის ზამთრის დიაპაუზაში (მოსვენება). ამ დროს ის არ იკვებება.

ახალგამოჩეკილი მატლები გაივლის ხუთ ხნოვანებას. ისინი ყველა სხვადასხვა ფერისაა _ მოყვითალო წითელიდან მოშავო ფერამდე. ბოლოს კი მოყავისფრო-მოთეთრო. მათგან მცენარეთა დაზიანების ფორმები სხვადასხვაა. ახლა ჩვენს პირობებში (გურია ) მიმდინარეობს დაკვირვება დაზიანების ხასიათსა და რიცხოვნობაზე, ბიოლოგიის საკითხებზე და მასთან ბრძოლის ღონისძიებებზე.

ბაღლინჯო ადამიანებისთვის იძლევა სერიოზულ დისკომფორტს. ის გამოყოფს ძალზე არასასიამოვნო სუნს, რითაც ადვილი შესაძლებელია, გამოიწვიოს ალერგიული ფონი, ხოლო დაზამთრებისას მიისწრაფის შენობებში შესასვლელად, რათა ზამთარი გაატაროს თბილ გარემოში. ჩვენი დაკვირვებით, ის იმდენად სითბოს მოყვარული მწერია, რომ დიდი რაოდენობით იღუპება არამარტო ბუნებაში, არამედ სახლებში დაბინავების დროსაც, რადგან ოთახში შედარებით კი თბილა, მაგრამ ზამთრის პერიოდში მაინც დაბალია შენობის შიდა ტემპერატურა, რასაც ის ვერ უძლებს.

ზამთრის პერიოდში მზიანი და თბილი საათების პერიოდში, ზოგჯერ ბაღლინჯო გამოდის სათავსოდან და ფანჯრის გასწვრივ მოძრაობს.

მავნებლის რიცხოვნობის ზრდის შემთხვევაში, როცა ხდება მისი მასობრივი "აფუთქარება", აუცილებელია ქიმიური მეთოდის გამოყენება _ კარატე MKC- ათ ლიტრ წყალში 4 მლ ინსექტიციდი, ერთჯერადი დამუშავება ზრდასრულ ფორმებზე; ტოლსტარი KE ან კლიპერი ათ ლიტრ წყალზე 6 მლ ინსექტიციდი, ერთჯერადი დამუშავება ზრდასრულ ფორმებზე.

ბიოლოგიური პრეპარატი _ სოკოვანი შტამი beauveria bassiana ეფექტურია მხოლოდ მატლებსა და იმაგოზე. მისი გამოყენება რეკომენდირებულია ახლა, გაზაფხულის პერიოდში, როცა მისი პირველი თაობა ვითარდება. შესაძლებელია ამან გამოიწვიოს შემდეგი თაობის რიცხოვნობის შემცირება და ამით ავიცილოთ ზედმეტი დანახარჯები.

შენობებში მავნებლის მოსაგროვებლად შეიძლება გამოვიყენოთ მტვერსასრუტი, რომლის დახმარებით ადვილია მათი თავმოყრა, მერე დახოცვა და ბოლოს დაწვა. შესაძლებელია, ასევე, გამოვიყენოთ ცოცხი და სხვა საშუალებებიც, რითაც შევძლებთ, მავნებლების მოგროვებას.

 ანგელინა ნიკოლაიშვილი,
ბიოლოგიურ მეცნიერებათააკადემიური დოქტორი




 ახალი ამბები
  • ოზურგეთში ტაძრის გაქურდვაში 2 პირია მხილებულიოზურგეთში ღვთისმშობლის მიძინების ტაძრის გაქურდვაში 2 პირია მხილებული. შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, არასრულწლოვანი ძმები - 2005 წელს დაბადებული გ.კ. და 2007 წელს დაბადებული ი.კ. ოზურგეთში ქურდობის ფაქტზე გამოავლინეს. გამოძიებით დადგინდა, რომ მხილებულებმა მიმდინარე წლის 2 აპრილს, 18:00 საათზე, ოზურგეთის საკათედრო ტაძარში ფარულად მას შემდეგ შეაღწიეს, როცა ტაძრის წინამძღვარმა საღამოს წირვის შემდეგ ეკლესია დატოვა. არასრულწლოვნებმა ტაძრის შესასვლელ კართან მდებარე შესაწირავის ხის ყუთები დააზიანეს, მათში მოთავსებული ფული მოიპარეს და შემთხვევის ადგილიდან მიიმალნენ. სამართალდამცველებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, არასრულწლოვნები დანაშაულის შესაძლო ჩადენაში მალევე ამხილეს. სადგომში ან სხვა საცავში უკანონო შეღწევის გზით ჩადენილი ქურდობის ფაქტზე გამოძიება საქართველოს სსკ-ის 177-ე მუხლის მე-2 ნაწილის „ბ“ ქვეპუნქტით ... ...
  • რუსეთის საპატრიარქო : თვითიზოლაციის პირობებში აღსარების ჩაბარება ტელეფონით და skype-ით იქნება შესაძლებელირუსეთის საპატრიარქოს განცხადებით, თვითიზოლაციის პირობებში აღსარების ჩაბარება ტელეფონითა და Skype-ით იქნება შესაძლებელი, ამის შესახებ ადგილობრივი მედია წერს. მოსკოვის საგარეო კავშირის განყოფილების ხელმძღვანელის, მიტროპოლიტი ილარიონის განცხადებით, მორწმუნეები მზად უნდა იყვნენ, რომ სააღდგომო მსახურების ნახვა დისტანციურად მოუწევთ. როგორც მიტროპოლიტმა აღნიშნა, გასცემს რეკომენდაციას, თუ როგორ უნდა განხორციელდეს მსახურება ვნების კვირასა და აღდგომის დღეს. „პატრიარქი კირილი აღდგომამდე მრევლს მიმართავს და პანდემიის პირობებში ღვთისმსახურების ჩატარების შესახებ დეტალებს უამბობს. თვითიზოლაციის პირობებში კი აღსარების ჩაბარება ტელეფონითა და Skype-ის საშუალებით იქნება შესაძლებელი" - განაცხადა მიტროპოლიტმა ილარიონმა.   ... ...
  • "ახლა ჭრელი პეპელა არ ვარ" _ პაატა იმნაძემე რომ ვამბობდი, სწრაფ ტესტებზე ჯერ თავი შევიკავოთო, მსაყვედურობდნენ, რატომ არ არისო. რომ ვთქვი არისო - რატომ არისო, რა ვქნა ახლა - ჭრელო პეპელა, ნურც გაფრინდები, ნურც მოფრინდებიო, - ასე უპასუხა სწრაფი ტესტების ხარისხზე შეკითხვას დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ საკოორდინაციო საბჭოს დარსულების შემდეგ გამართულ ბრიფინგზე. „ვამბობ და ვიძახი ველოდებით ხარისხიან სწრაფ ტესტებს, დღეს ვაკეთებთ იმით, რაც არის ოქროს სტანდარტი, იმას ვაკეთებთ სწრაფად, რასაც სხვა ქვეყნებში დღეები სჭირდება და ახლა ჭრელი პეპელა არ ვარ“, - განაცხადა ... ...
  • განმეორებითი ტესტის პასუხი ცნობილია _ როგორია ჩოხატაურელი ბიჭის ჯანმრთელობის მდგომარეობაგუშინ ცნობილი გახდა, რომ ჩოხატაურის მუნიციპალიტეტის ერთ-ერთ სოფელში მცხოვრები 26 წლის ახალგაზრდა კორონავირუსზე ტესტის ჩასატარებლად ეკიპირებული მანქანით გადაიყვანეს. როგორც "გურია ნიუსს" უთხრეს, ახალგაზრდა სამხედრო სავალდებულო სამსახურს ბათუმში იხდის და სოფელში დასაფლავებაზე იყო მისული, როდესაც ცხელება დაეწყო. გუშინვე გაირკვა, რომ პირველადი ტესტის პასუხი უარყოფითი იყო. ჩოხატაურელები მოუთმენლად ელოდნენ განმეორებითი ტესტის პასუხს და ოპტიმისტურად უყურებდნენ _ რადგან პირველადი ტესტით საეჭვო არაფერი იყო, განმეორებითი ტესტიც უარყოფით პასუხს აჩვენებდა. ტესტის პასუხის გასაგებად, "გურია ნიუსი" ჩოხატაურის მუნიციპალიტეტის ა(ა)იპ ჯანდაცვის ცენტრის დირექტორს ნატო ჯიბუტს დაუკავშირდა, რომელმაც ყველა ჩოხატაურელისთვის სასიხარულო ინფორმაცია მოგვაწოდა. "ჩვენდა სასიხარულოდ, განმეორებითი ტესტის პასუხიც უარყოფითია", _ გვითხრა ცენტრის ... ...
  • მარნეულში საველე ჰოსპიტალი დაშალესსაკოორდინაციო საბჭოს გადაწყვეტილებით, შინაგან საქმეთა სამინისტროს საგანგებო სიტუაციების მართვის სამსახურმა ქალაქ მარნეულში არსებულ საველე ჰოსპიტალს დეზინფექცია ჩაუტარა და მისი დემონტაჟი განახორციელა. გამომდინარე იქიდან, რომ მარნეულში არსებულ სამედიცინო ცენტრ "ჯეო ჰოსპიტალში" კარანტინის რეჟიმი მოხსნილია და კლ ინიკა საჭიროების შემთხვევაში, რეგიონში პაციენტების მიმღები მთავარი დაწესებულება იქნება, მარნეულში 100 პაციენტზე გათვლილი საველე ჰოსპიტალი ფუნქციონირებას წყვეტს. საველე ჰოსპიტალი ქალაქ მარნეულში მიმდინარე წლის 23 მარტს, საკარანტინო ზონის გამოცხადებასთან დაკავშირებით გაიხსნა. გახსნიდან - დღემდე ჰოსპიტალში შემოწმება 200 მდე პაციენტმა ... ...

არქივი