პესტიციდების გამოყენებისას უდიდესი სიფრხილეა საჭირო

ჩვენი რჩევები

პესტიციდების გამოყენებისას უდიდესი სიფრხილეა საჭირო

2018 დეკ 18 16:23:03

არსებობს უნივერსალური პესტიციდები, რომლებსაც ერთდროულად აქვთ მრავალმხრივი მოქმედება და შეიძლება გამოყენებული იქნან, როგორც მავნებლების, ისე ავადმყოფობების წინააღმდეგ. ნებისმიერ შემთხვევაში, პესტიციდების გამოყენებისას, რაც უკვე ასე აუცილებელი გახდა გურიის სინამდვილეში და რეალობაა, რომ წელიწადის ყოველ დროს, თითოეული თვის მიხედვით, აუცილებელია მისი გამოყენება, პირველ რიგში უნდა მივმართოთ გამაფრთხილებელ ღონისძიებებს.

დავიხსომოთ, რომ პესტიციდების გამოყენებისას, სამუშაოდ არ უნდა დავუშვათ არასრულწლოვნები, თუნდაც, უფროსი კლასის მოსწავლეები. აუცილებელია, ადამიანს, რომელიც შეწამვლით სამუშაოებს აწარმოებს, გავლილი ჰქონდეს სამედიცინო შემოწმება და სპეციალური მომზადება. ეს მომზადება ითვალისწინებს პესტიციდების თვისებების და მათი ხმარების წესების კარგ ცოდნას. ასევე, უნდა ვიცოდეთ პირველი დახმარების აღმოჩენა უბედური ან სახიფათო შემთხვევის დროს.

პესტიციდებთან მუშაობისას უნდა მოვიმარაგოთ ინდივიდუალური დაცვის საშუალებები. ახლა, როცა გურიაში, თხილის და, არამარტო თხილის, სიდამპლის წინააღმდეგ, ყოველთვიურად და ზოგჯერ თვეში ორჯერაც უკვე აუცილებელი ხდება პლანტაციების თუ ხეხილოვანთა ბაღების სპეციალური დამუშავება, უნდა მოვიმარაგოთ ინდივიდუალური დაცვის საშუალებები, სახელდობრ: აირწინაღი ან დოლბანდით სპეციალურად შეკერილი პირბადე, ხელთათმანები, ფეხსაცმელი, დამცველი სათვალეები და რესპირატორები. კარგად დავიხსომოთ ისიც, რომ რესპირატორებით მუშაობა დასაშვებია მხოლოდ დაბალტოქსიკური შენაერთების გამოყენებისას. მაღალტოქსიკურ პრეპარატებთან მუშაობის დროს კი აუცილებელია ჩვეულებრივი აირწინაღების გამოყენება.

დღეისთვის გურიაში ფაროსანას წინააღმდეგ შეწამვლისას ბიფეტრინის ჯგუფის პრეპარატებს ხმარობენ, რომლის გამოყენებისას უდიდესი სიფრთხილეა საჭირო.

სამუშაოს დამთავრებისას სასწრაფოდ საპნით დაიბანეთ ხელ-პირი, გამოიცვალეთ საცვლები და გარეცხეთ ტანსაცმელი, რომელიც მუშაობისას გეცვათ. თუ არ გარეცხავთ და მხოლოდ გაბერტყავთ, ასეთ ტანსაცმელს საცხოვრებელ ბინაში ნუ შეინახავთ. დადეთ სადმე სპეციალურად მიჩნეულ საწყობში. ხმარების შემდეგ კი საგულდაგულოდ გაბერტყეთ, გაამზეურეთ და ხუთ დღეში ერთხელ მაინც კარგად გარეცხეთ საპნით და ცხელი წყლით.

რაც შეეხება აირწინაღებს და რესპირატორებს, გარეცხვის შემდეგ, კარგი იქნება თუ დაამუშავებთ სპირტით.

პესტიციდებთან მუშაობის პროცესში, არ უნდა დავუშვათ საკვების მიღება, სიგარეტის მოწევა თუ წყლის დალევა. ასევე, არ შეიძლება სპეცტანსაცმლის გაუხდელად, საპნით ხელების გულდასმით დაბანის გარეშე ჭამა თუ სხვა საოჯახო საქმის კეთება.

პესტიციდებზე მუშაობის დროს, ჩვეულებრივი სამუშაო დღის ხანგრძლივობა, სასურველია, არ აღემატებოდეს ხუთ სამუშაო საათს. ამასთანავე, თუ ყანის ან პლანტაციის სიღრმეში მუშაობთ, სასურველია, ორჯერ მაინც გამოხვიდეთ ღია სივრცეში, პლანტაციის გარეთ, მოიხსნათ აირწინაღი და ღრმად ჩაისუნთქოთ სუფთა ჰაერი. როცა პესტიციდებთან მუშაობას იწყებთ, ნუ დაგეზარებათ, ყოველდღიურად თქვენს მენიუში იქონიოთ რძე, რძის პროდუქტები.

ძალზე მაღალტოქსიკური და ძლიერმოქმედი პესტიციდები გამოიყენება სპეციალურ მანქანებსა თუ ტრაქტორებზე, იშვიათად თვითმფრინავებსა და ვერტმფრენზე დამონტაჟებული შესასხურებელი ან შესაფრქვევი აპარატურით, ზურგსაკიდი აპარატები კი დასაშვებია მხოლოდ საშუალო და დაბალი ტოქსიკურობის პესტიციდების შემთხვევაში.

პესტიციდების სამუშაო ნაზავის მომზადება და აპარატებში ჩატვირთვა უნდა იყოს მაქსიმალურად უსაფრთხო და მექანიზებული. შესხურება-შეწამვლა უნდა მოვახდინოთ აუცილებლად მხოლოდ დილის ან საღამოს საათებში. ასეთ დროს, უნდა დავაკვირდეთ, რამდენად შესუსტებულია ჰაერის აღმავალი თუ დაღმავალი დენა. საერთოდ დაუშვებელია ქარიან ამინდში შეწამვლა.

პესტიციდებთან მომუშავე თუ მოიწამლა, პირველი დახმარება უნდა აღმოვუჩინოთ _ დაზარალებული გავიყვანოთ ტრიალ მინდორზე, სუფთა ჰაერზე და გავუხსნათ საკინძე. თუ კანზე პესტიციდი აქვს მოხვედრილი, უნდა მოვბანოთ. თუ თვალში მოხვდა წვეთები, სასწრაფოდ უნდა მოხდეს გამორეცხვა სპეციალური ხსნარით. კუჭ-ნაწლავში მოხვედრისას კი უნდა დავეხმაროთ ღებინების გამომწვევი საშუალებებით.

თუ დაზარალებულს კანიდან სისხლი სდის, დავაფაროთ წყალბადის ზეჟანგით დასველებული ტამპონი.

მოწამვლის შემდეგ, სასურველია, ასეთმა პირმა ორი-სამი დღით, თავი შეიკავოს პესტიციდებთან მუშაობისგან.




 ახალი ამბები
  • მასწავლებლებისა და მასწავლებლობის მსურველთათვის ონლაინკონსულტაციები გაიმართებამასწავლებლებისა და მასწავლებლობის მსურველთათვის ონლაინკონსულტაციები გაიმართება, _ აღნიშნულის შესახებ ინფორმაცია "გურია ნიუსს" შეფასებისა და გამოცდების ეროვნული ცენტრიდან მიაწოდეს. როგორც ინფორმაციაშია აღნიშნული, ყოველ ხუთშაბათს, 13:00 საათიდან 16:00 საათამდე შეფასებისა და გამოცდების ეროვნული ცენტრის ოფიციალურ ფეისბუქგვერდზე მასწავლებლებსა და მასწავლებლობის მსურველებს შესაძლებლობა ექნებათ, მიიღონ პასუხი მათთვის საინტერესო ყველა კითხვაზე. კონსულტაციები შეეხება რეგისტრაციის პროცესსა და საგამოცდო პროცედურებს. "საგნის გამოცდის, ასევე საგნობრივი და პროფესიული კომპეტენციების დადასტურების ტესტირებისათვის პრაქტიკოს მასწავლებელთა და მასწავლებლობის მსურველთა რეგისტრაცია შეფასებისა და გამოცდების ეროვნული ცენტრი მასწავლებლებისა და მასწავლებლობის მსურველთათვის კონსულტაციებს 30 მარტის 10:00 საათზე დაიწყო და 30 აპრილის 18:00 საათამდე გაგრძელდება. რეგისტრაცია მიმდინარეობს მხოლოდ ელექტრონულად ვებგვერდზე: ონლინე.ნაეც.გე ტესტირებაში მონაწილეობის მიღების უფლება აქვთ: · მასწავლებლის პროფესიული განვითარებისა და კარიერული წინსვლის სქემაში განაწილებულ პრაქტიკოს მასწავლებელს; · ბაკალავრს, მაგისტრს და/ან მათთან გათანაბრებული აკადემიური ხარისხის მქონე პირს. ასევე პირს, რომელიც სწავლობს აღნიშნული საბაკალავრო/სამაგისტრო პროგრამის დამამთავრებელ კურსზე; ან აქვს სამხედრო/სასპორტო პროფესიული განათლება; · მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება, ან სწავლობს აღნიშნული საგანმანათლებლო პროგრამის დამამთავრებელ კურსზე. თუ პირი არ ფლობს რომელიმე ზემოაღნიშნულ კვალიფიკაციას, იგი საგნის გამოცდაზე მიღებულ შედეგს ვერ გამოიყენებს მასწავლებლის საქმიანობის მიზნებისათვის. პედაგოგობის მსურველ პირს მხოლოდ საგნის გამოცდის ჩაბარება შეეძლება", _ ვკითხულობთ ... ...
  • ახლა არ არის პოლიტიკური მატრაკვეცობის დრო _ მამუკა მდინარაძე „ახლა არ არის პოლიტიკური მატრაკვეცობის დრო. კეთილი ინებოს ყველამ და თუკი რამე დახმარება სურს ვინმესთვის, გააკეთოს ეს შესაბამის მუნიციპალიტეტებთან ერთად. მათი დახმარებით და მათი  რეკომენდაციით. წინააღმდეგ შემთხვევაში, როგორც გუშინ, ასევე წარმოიშობა საფრთხე და ეს იქნება არა ჰუმანიტარული, არამედ პოლიტიკური ქულების ჩასაწერად გამართული რაღაც აქცია, რომლის დროც დღეს ნამდვილად არ არის",- ეს განცხადება პარლამენტის ვიცე-სპიკერმა, საპარლამენტო უმრავლესობის ლიდერმა მამუკა მდინარაძემ გუშინ, ზუგდიდის ცენტრში ნაციონალური მოძრაობის მიერ მოქალაქეების შეკრების ფაქტის შეფასებისას გააკეთა. მამუკა მდინარაძის თქმით, მსგავსი აქციების ჩატარებისას, ორგანიზატორებმა შესაბამის ადგილობრივ სტრუქტურებთან უნდა ითანამშრომლონ და გამოიყენონ მათი კარგად გამართული მენეჯმენტი და შესაბამისად  დატრენინგებული ადამიანური რესურსი.  „ყველა უნდა გავუფრთხილდეთ ერთმანეთს და შევასრულოთ ის რეკომენდაციები, რასაც გვაძლევს ჯანდაცვის ორგანიზაცია და რასაც გვირჩევენ ჯანდაცვის ორგანიზაციის წარმომადგენლები და სპეციალისტები. ამიტომ, თუ ვინმეს რამე დასარიგებელი აქვს და  უნდა რამე დახმარება განახორციელოს კონკრეტული ეგიდით, მან უნდა ითანამშრომლოს ადგილობრივ შესაბამის სტრუქტურებთან, მუნიციპალიტეტებთან, სადაც არიან კარგად დატრენინგებული ადამიანები. ეს მენეჯმენტიც საათივით არის აწყობილი და მოხალისეც კი კარგად არის დატრენინგებული", _ განაცხადა მამუკა ... ...
  • ვიდეოჩანაწერების შექმნა და დაარქივება სახელმწიფო ინსპექტორმა კანონიერად მიიჩნია (R)სახელმწიფო ინსპექტორის სამსახურმა 2020 წლის 3 მარტის N გ - 1/100/2020 გადაწყვეტილებით შეაფასა სპეციალური პენიტენციური სამსახურის მიერ 2020 წლის 21 იანვარს იუსტიციის მინისტრის მიერ პარლამენტში გასაჯაროებული ვიდეოჩანაწერების შექმნის, მოპოვების, შენახვისა და გამჟღავნების კანონიერება. საქმე ეხება 2020 წლის 21 იანვარს საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე სახალხო დამცველის სპეციალური ანგარიშის საპასუხოდ გასაჯაროებულ ვიდეომასალას.  გადაწყვეტილებაში აღნიშნულია, რომ მოქმედი კანონმდებლობით, სპეციალური პენიტენციური სამსახურის შესაბამისი სტრუქტურული ქვედანაყოფი უფლებამოსილია ბრალდებულის/მსჯავრდებულის სხვა პირებთან შეხვედრას დააკვირდეს ვიზუალურად, ტექნიკური საშუალებით დისტანციური დაკვირვებისა და ჩაწერის პირობებში, მაგრამ მოსმენის გარეშე. მოცემული დასკვნით, გამოირიცხა ყოველგვარი კითხვის ნიშნები ჩანაწერის დამზადების კანონიერებასთან დაკავშირებით. ასევე, ინსპექტორის გადაწყვეტილების თანახმად, პენიტენციური სამსახურის მიერ ვიდეოჩანაწერების დაარქივება/შენახვისას არცერთ შემთხვევაში არ ჰქონდა ადგილი კანონმდებლობით გათვალიწინებული მოთხოვნების დარღვევას. ინსპექტორის გადაწყვეტილებაში ასევე ცალსახად არის მითითებული, რომ სპეციალურ პენიტენციურ სამსახურს, როგორც პატიმრობისა და თავისუფლების აღკვეთის აღსრულებაზე პასუხისმგებელ უწყებას, სპეციალური პენიტენციური სამსახურის რეპუტაციის, მასში დასაქმებული პირების ინტერესების დაცვისა და სახალხო დამცველის სპეციალურ ანგარიშში მითითებული გარემოებების უსაფუძვლობის დადასტურების მიზნით, გააჩნდა საზოგადოებისთვის საპასუხო არგუმენტებისა და შესაბამისი მტკიცებულებების წარდგენის უფლება.  ამით ინსპექტორის აპარატმა გაიზიარა სპეციალური პენიტენციური სამსახურის პოზიცია იმასთან დაკავშირებით, რომ ვიდეოჩანაწერების გასაჯაროებისას სამსახურის მიზანს წარმოადგენდა პენიტენციურ სისტემაში დასაქმებული თითოეული თანამშრომლის ინტერესის დაცვა, რომლებიც საკუთარი სიცოცხლისა და პირადი ღირსების შელახვის ფასად ახერხებენ მსჯავრდებულებზე ზრუნვას და დაწესებულებებში უსაფრთხოების უზრუნველყოფას. ამ პირობებში სახალხო დამცველის ანგარიში, რომელიც რეალობაზე მეტად ასახავდა არსებულ ნაკლოვანებებს არნახული მასშტაბით და უმეტეს შემთხვევაში ცდილობდა არარსებული რეალობის წარმოჩენას, საჭიროებდა სამსახურის მხრიდან შესაბამის ქმედებას. სწორედ პენიტენციურ სამსახურში და პენიტენციურ დაწესებულებებში მომუშავე პირების კანონიერი ინტერესების, სამსახურის რეპუტაციის დაცვისა და რეალური სურათის ჩვენებით მაღალი საზოგადოებრივი ინტერესის დაკმაყოფილების მიზნით (რაც გამოწვეულია პენიტენციურ სისტემაში 2012 წლამდე არსებული უმძიმესი მდგომარეობით, რადგან პატიმრებზე ძალადობა ქართული საზოგადოებისთვის არის მეტად სენსიტიური და მნიშვნელოვანი საკითხი) მიიღო სამსახურმა ზემოთხსენებული ჩანაწერების გასაჯაროების გადაწყვეტილება. სპეციალური პენიტენციური სამსახურის მიერ ვიდეოჩანაწერების ჩაწერა/დაარქივების და გასაჯაროების კანონიერების შესწავლის მიზნით სახელმწიფო ინსპექტორის აპარატს საქართველოს ახალგაზრდა იურისტთა ასოციაციამ მიმართა. თუმცა, არასამთავრობო ორგანიზაციის არგუმენტი იმასთან დაკავშირებით, რომ სპეციალური პენიტენციური სამსახურის მიერ ჩანაწერების ჩაწერა/დაარქივებასთან არსებობდა კითხვის ნიშნები, სახელმწიფო ინსპექტორის მოცემული გადაწყვეტილებით არ იქნა გაზიარებული და ჩანაწერების როგორც შექმნა, ისე მათი შენახვა და დაარქივება კანონიერად იქნა მიჩნეული. სახელმწიფო ინსპექტორის გადაწყვეტილება, რომელიც გუშინ ოფიციალურად მიეწოდა სპეციალურ პენიტენციურ სამსახურს, იხილეთ აქ: http://www.sps.gov.ge/images/temp/2020/03/27/a766c47ed8fc2d8c6a7c566c3075f581.pdf  ... ...
  • სამეგრელო-ზემო სვანეთის რეგიონში საზოგადოებრივი ტრანსპორტის მოძრაობა აიკრძალადღეიდან სამეგრელო-ზემო სვანეთში საზოგადოებრივი ტრანსპორტის მოძრაობა აიკრძალა. რეგიონის შესასვლელებში ბლოკ -პოსტები განთავსდა. გაძლიერებული საპოლიციო ძალები მკაცრად გააკონტროლებენ ავტომობილით გადაადგილებას. რაც იგულისხმობს, რომ ერთ ავტომობილში არაუმეტეს სამი ადამიანის, მძღოლიs და ორი პირზე მეტის ყოფნა (მგზავრი უკან უნდა ისხდნენ) იკრძალება. პოლიცია განახორციელებს პატრულირებას მთელი რეგიონის მასშტაბით, რათა ეს წესი ყველგან იყოს დაცული. მკაცრად გაკონტროლდება სატვირთო ავტომობილების გადაადგილებაც. აღნიშნული გადაწყვეტილება მთავრობამ მას შემდეგ მიიღო, რაც ცნობილი გახდა, რომ აფხაზეთის რეგიონში ეპიდემიოლოგიური ვითარება გართულებულია. როგორც ცნობილია გალის რაიონში გამოცხადებულია ე.წ. კომენდანტის საათი. საქართველოში კორონავირუსის 97 შემთხვევა დადასტურდა, 18 ადამიანი კი  განიკურნა. ... ...
  • დავითაშვილი: მოსახლეობას პურის მიწოდების კუთხით პრობლემები არ ექნებაგარემოს დაცვისა და სოფლის მეურნეობის მინისტრი ლევან დავითაშვილი და მინისტრის პირველი მოადგილე გიორგი ხანიშვილი პურის მწარმოებელი მსხვილი კომპანიების - შპს ,,პურის“ (იფქლი დიღომი) და „იფქლის“ საწარმოო სიმძლავრეებს და არსებული მარაგების შესახებ ინფორმაციას ადგილზე გაეცნენ. „დღევანდელ რთულ ვითარებაში, მოსახლეობისთვის ერთ-ერთი ყველაზე მნიშვნელოვანი საკითხი პურის ინდუსტრიის შეუფერხებელი ფუნქციონირება და პურზე ფასის შენარჩუნებაა. ამ კუთხით ჩვენ უწყვეტ მონიტორინგს ვახორციელებთ. ასევე, აქტიური შეხვედრები გვაქვს მწარმოებლებთან, ფქვილისა და სხვა ინგრედიენტების იმპორტიორებთან, რათა წარმოებას პრობლემები არ შეექმნას. დღეისათვის მარაგები საკმარისზე მეტია, წარმოების პროცესი შეუფერხებლად მიმდინარეობს. მოსახლეობას პურის მიწოდების კუთხით პრობლემები არ ექნება“, - აღნიშნა ლევან დავითაშვილმა. პროდუქციის მიწოდების უწყვეტად განხორციელებისთვის,  პურის მწარმოებელი საწარმოები 24 საათიან რეჟიმში მუშაობენ. წარმოებული პროდუქციის რეალიზაცია საქართველოს მასშტაბით  ხორციელდება. შპს  „პური“, დღიურად, 14 სახეობის 120 000 ცალ პურს აწარმოებს. საწარმოში დასაქმებულთა რაოდენობა, დაახლოებით, 300  ადამიანის შეადგენს. კომპანია „იფქლი"  37 სახეობის პურის წარმოებას ახორციელებს. ქარხნის წარმადობა დღეში 180 000 ცალი პურია. კომპანიაში, დაახლოებით, 450 ადამიანია დასაქმებული. საწარმოები აღჭურვილია ევროპული წარმოების მანქანა-დანადგარებით. მაქსიმალურად არის დაცული დაავადებათა კონტროლის და საზოგადოებრივი ჯანმრთელობის ეროვნული ცენტრისა და სურსათის ეროვნული სააგენტოს რეკომენდაციები და სანიტარიულ-ჰიგიენური ნორმები. საგანგებო მდგომარეობის პერიოდში, თანამშრომელთა ტრანსპორტირებას კომპანიები თავად უზრუნველყოფენ. საქართველოში ახალი კორონავირუსის გავრცელების პრევენციის მიზნით, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, სასურსათო მარაგების მართვაზე, ლოგისტიკასა და ტრანსპორტირებაზე ზედამხედველობას გარემოს დაცვისა და სოფლის მეურნეობის მინისტრი ლევან დავითაშვილი ... ...

არქივი