როგორ ვკვებოთ ქათამი, რომ საუკეთესო კვერცხი მოგვცეს

ჩვენი რჩევები

როგორ ვკვებოთ ქათამი, რომ საუკეთესო კვერცხი მოგვცეს

15 აპრ. 2019, 13:59:18

სოფლის პირობებში, როცა შინაურ ფრინველს ტრადიციულად ვუვლით, განსაკუთრებული მზრუნველობა სჭირდება გაზაფხულიდან, რომ კარგი რაციონი შევურჩიოთ.

ამ დროს კი, ზოგჯერ პირიქით ხდება, რადგან ბევრ ოჯახში უკვე თავდება ან ნაკლებად აქვთ სიმინდის მარცვალი, რომლის გარეშეც შეჩვეული ფრინველი ძნელად ეგუება სხვა საკვებზე (მაგალითად, ხორბალი, დამბალი პური, სხვადასხვა საოჯახო პროდუქტის ნარჩენი) გადასვლას, რასაც ბევრი მიმართავს ადრე გაზაფხულზე. არადა, ამ დროს შინაურ ფრინველს განსაკუთრებული მზრუნველობა სჭირდება.

გამოცდილი საოჯახო მეურნეობის მცოდნე ქალბატონები, ტრადიციული წესით კვებისას, ამჯობინებენ, საგაზაფხულოდ ფრინველს არ მიაკლდეს სიმინდის მარცვალი. ამასთან ერთად, დავუჭრათ და მივცეთ თეთრი მხალის ("კეჟერას") ფოთლები, რომელიც გურიის რეგიონში თითქმის ყველა ოჯახშია. საოჯახო პროდუქტის ნარჩენებიდან, მაგალითად, ბურღულეულის შემადგენლობით, თუ დაუყრით, სასურველია, მარილიანი არ იყოს. ყველანაირი საკვების მონარჩენს ფრინველს ნუ დაუყრით _ უმჯობესია, პურეულის ნარჩენები.

რაც შეეხება სასმელ სითხეს, ფრინველისთვის განკუთვნილ წყალში ჩაყარეთ დანაყული ან დაქუცმაცებული ნიორი, მრავალძარღვა. ასევე, აუცილებლად დაათვალიერეთ ფრინველის ბუმბული, არ ჰყავდეს ტკიპა, ტილი. გახსოვდეთ, რომ გაზაფხულზე ყველა სახის პარაზიტი აქტიურია, ქათმისთვის კი ამ პერიოდში, როცა აქტიურად დებს კვერცხს, უმთავრესი ხელშემშლელი პირობაა.

კვერცხი ამინომჟავების მნიშვნელოვანი წყაროა. ორი ცალი წარმატებით შეცვლის ერთ ჭიქა რძეს ან ხორცის საშუალო ულუფას. ხოლო კალორიულობითა და შემადგენლობით წინ უსწრებს ახალ ხორცს და აუდუღარ რძეს. კვერცხის გულში არსებული ვიტამინების, ამინომჟავების მინერალური ნაერთების სიმრავლე, რაც ხელს უწყობს ნივთიერებათა ცვლას, მეცნიერებს აძლევს იმის თქმის უფლებას, რომ კვერცხი მიაკუთვნონ დიეტურ პროდუქტს. თუმცა, აუცილებელია, გვქონდეს ხარისხიანი კვერცხი, რასაც შინაურ პირობებში ქათმის კარგად კვებითა და მოვლით მივაღწევთ. ასევე, ვიცოდეთ სწორად და სასარგებლოდ მოხმარების წესი _ კვერცხის ნაწილობრივ მოხარშვა, როდესაც ცილა მკვრივია, ხოლო გული ოდნავ თხევადი. ძალიან მაგრად მოხარშული კვერცხი სასარგებლო თვისებებს კარგავს.




 ახალი ამბები
  • "გავრცელდა ცრუ ინფორმაცია“ - ირაკლი ლომაძის დედა მედიასთან კომენტარს აკეთებსდაკავებული ირაკლი ლომაძის დედა, თამარ მორჩილაძე, მედიის წარმომადგენლებთან საუბრის დროს არ ადასტურებს, რომ მისმა შვილებმა მეგობრებთან ერთად ადამიანი გაიტაცეს. "გავრცელდა ცრუ ინფორმაცია, თითქოს მიტოვებულ სახლში მიიყვანეს ეს ბიჭი და აწამეს და ახლა საავადმყოფოში წევს. ეს არის სიცრუე, რადგან ვიცი ის არ წევს საავადმყოფოში. სინამდვილეში, მიტოვებულ სახლში არ მიუყვანიათ. მიიყვანეს იმ ოჯახში, ვისაც შეურაცხყოფა მიაყენა. შემდეგ ამ ბიჭს ტაქსი გამოუძახეს და გაუშვეს. დღემდე ფეხით დადის, არანაირი საავადმყოფო და ნაწამები არაა,"- თქვა ჟურნალისტებთან საუბრის დროს თამარ ... ...
  • ქობულეთში მაშველმა 21 წლის მამაკაცი დახრჩობას გადაარჩინაცოტა ხნის წინ, ქობულეთში 21 წლის მამაკაცი მაშველმა დახრჩობას გადაარჩინა. როგორც  ადგილიდან ჩვენი კორესპონდენტი იტყობინება, მამაკაცმა  ზღვაში შორს შეცურა, დაიღალა და შველას ითხოვდა. მაშველმა  მას პირველადი დახმარება ადგილზევე გაუწია, შემდეგ კი სასწრაფო სამედიცინო დახმარების ბრიგადამ საავადმყოფოში ... ...
  • ოზურგეთელ ვიცე-ჩემპიონს ორთვიანი წინასწარი პატიმრობა შეუფარდესევროპის ვერცხლის მედალოსანსა და საქართველოს ჩემპიონს, ბერძნულ-რომაულ ჭიდაობაში, იური ლომაძეს ორ თვიანი წინასწარი პატიმრობა შეეფარდა. ბათუმის საქალაქო სასამართლოში სხდომა რამდენიმე წუთის წინ დასრულდა. მოსამართლემ არ გაითვალისწინა დაცვის მხარის შუამდგომლობა გირაოს თაობაზე, ლომაძეს, მის ძმასა და კიდევ სამ პირს, ორ თვიანი წინასწარი პატიმრობა შეუფარდა. იური ლომაძეს, თავის ძმასთან და კიდევ სამ პირთან ერთად, გამოძიება ადამიანის გატაცებასა და წამება ედავება. გამოძიებით დადგინდა, რომ ბრალდებულებმა 1988 წელს დაბადებულ ნ.ძ.-ს ქალაქ ბათუმში, შურისძიების მოტივით, თავისუფლება უკანონოდ აღუკვეთეს, კერძოდ, ძალის გამოყენებით ჩასვეს მ.ბ.-ს მართვის ქვეშ მყოფ ავტომობილში, წაიყვანეს ოზურგეთის მუნიციპალიტეტის სოფელ ბოხვაურში, ერთ-ერთი მოქალაქის საცხოვრებელ სახლში, სადაც ფიზიკურად გაუსწორდნენ. წინასწარი შეთანხმებით ჯგუფის მიერ თავისუფლების უკანონო აღკვეთისა და ჯგუფური ძალადობის ფაქტზე გამოძიება საქართველოს სისხლის სამართლის კოდექსის 143-ე მუხლის მესამე ნაწილის „ა“ ქვეპუნქტით და 126-ე მუხლის პირველი პრიმა ნაწილის „ბ“ ქვეპუნქტით მიმდინარეობს”, – ნათქვამია შინაგან საქმეთა სამინისტროს მიერ გავრცელებულ განცხადებაში. დანაშაული 2- დან 10 წლამდე ვადით თავისუფლების აღკვეთას ითვალისწინებს. წინასასამართლო სხდომა 28 აგვისტოს ... ...
  • გურიაში წელს საგამოცდო ცენტრში 460 აბიტურიენტს ელოდებიანხვალ, ერთიანი ეროვნული გამოცდები იწყება. გურიაში საგამოცდო ცენტრი ოზურგეთში #2 საჯარო სკოლის შენობაშია განთავსებული. ოზურგეთის საგამოცდო ცენტრის ადმინისტრატორის, ლელა იმედაშვილის თქმით, გურიიდან წელს 460 აბიტურიენტია დარეგისტრირებული. “ცენტრი სრულ მზადყოფნაშია აბიტურიენტების მისაღებად. ჯანდაცვის რეკომენდაციები გათვალისწინებულია სრულად. ხვალ ველოდებით აბიტურიენტებს და საგამოცდო დღეები ქართული ენისა და ლიტერატურის გამოცდით იწყება“, - აღნიშნა „გურია ნიუსთან“ საუბრის დროს ლელა ... ...
  • ახალი დეტალები ოზურგეთში ადამიანის გატაცების ბრალდებით დაკავებულებზეგავრცელებული ინფორმაციით, ადამიანის გატაცების ბრალდებით დაკავებული ხუთი პირიდან ორი ერთი ოჯახის წევრია _ ევროპის ვიცე-ჩემპიონი და მისი ძმა _ ირაკლი და ლუკა ლომაძეები. ხუთივე ბრალდებული გადაყვანილია ბათუმში და სწორედ დღეს გაიმართება სასამართლო პროცესი. სწორედ დღეს გახდება ცნობილი, გადაიყვანენ თუ არაა დაკავებულებს წინასწარი დაკავების იზოლატორიაში. ამავე თემაზე: ადამიანის გატაცების ბრალდებით ოზურგეთელი სპორტსმენი, ევროპის ვიცეჩემპიონია დაკავებული ... ...

არქივი