როგორი ფუტკარი უნდა შეიძინოს დამწყებმა მეფუტკრემ

ჩვენი რჩევები

როგორი ფუტკარი უნდა შეიძინოს დამწყებმა მეფუტკრემ

15 აპრ. 2019, 14:01:52

დღეს უფრო და უფრო მეტი ადამიანი გამოთქვამს სურვილს, გახდეს მეფუტკრე, შეიცნოს მისი საიდუმლოება და გაიუმჯობესოს საკუთარი ეკონომიკა.

ფუტკრის შეძენამდე დამწყები მეფუტკრე უნდა განეწყოს მწერისადმი განსაკუთრებული სიყვარულით, შეისწავლოს მისი ბიოლოგია და კარგად გაეცნოს ფუტკრის ოჯახის ცხოვრებას. თუ სად შეიძენთ ფუტკარს, არ აქვს მნიშვნელობა, ეს შეიძლება საქართველოს ნებისმიერ ტერიტორიაზე. იცოდეთ, რომ საზღვარგარეთიდან ფუტკრის შემოყვანა აკრძალულია _ საქართველო ამ მხრივ ნაკრძალად არის გამოცხადებული, რათა დაცული იქნეს მსოფლიოში აღიარებული ქართული ფუტკრის ხალასი ჯიში.

ფუტკრის შეძენამდე კონსულტაცია გაიარეთ გამოცდილ სპეციალისტთან. მერე შეარჩიეთ საფუტკრე ადგილი ეზოში ან ბაღში. კარგია, თუ საჩრდილობლად ხეები ექნება. არც ერთ შემთხვევაში არ უნდა იყოს ავტოფარეხთან ახლოს ან საქონლის ბოსელთან, ავტომაგისტრალთან და მდინარესთან, მეწყრულ და ზვავსაშიშ ადგილებზე. ახლოს უნდა იყოს სასმელი და სახმარი წყალი, ასევე, გასასვლელი გზა.

ფუტკრის ოჯახების მოყვანამდე წინასწარ გააკეთეთ სადგამები, 40-50 სმ სიმაღლეზე. საფრენები ჰქონდეს აღმოსავლეთით, რათა დილის მზემ ადრე შეხედოს, სკა 2-3 სმ-ით წინ დახრილი დავტოვოთ. ასე ფუტკარს ნაგვის გამოტანა გაუადვილდება და წყალიც უკეთ ჩამოიღვრება სახურავიდან. რიგთაშორის მანძილი 2-3 მეტრამდე უნდა იყოს, სკებს შორის დაშორება კი _ მეტრნახევარი. სკების გარშემო მაღალი ბალახები არ უნდა იყოს, სკის წინა მხარეს დასაფრენ ფიცარზე მივადგათ დამატებითი მისაფრენი ფიცარი, რომ ღალიდან დაბრუნებული, დაღლილი ფუტკარი ძირს არ დაეცეს და უვნებლად დაფრინდეს ფიცარზე. ვიქონიოთ საფუტკრე ჟურნალი და დავნომროთ ფუტკრის ოჯახები _ ნუმერაცია დაგვეხმარება დედების ასაკის, საკვებისა და სხვა ჩასატარებელი სამუშაოების ცოდნაში.

საფუტკრეში ვიყოლიოთ ჯანმრთელი ფუტკრის ოჯახები. ამასთან დროულად, გრაფიკის მიხედვით ჩავუტაროთ სამკურნალო, პროფილაქტიკური ღონისძიებები. ქურდობის თავიდან აცილების მიზნით, დავიცვათ ფუტკრის კვების აუცილებელი წესები. ყოველ ორ წელიწადში მოვახდინოთ დედა ფუტკრის შეცვლა, ბუდის ფიჭების განახლება ხარისხიანი საშენი ფიჭებით. სამკურნალო პრეპარატების შეძენისას, პირველ რიგში, დააკვირდით გამოცემის თარიღს. არ იყოს ვადაგასული და ამასთანავე უნდა იყოს ლიცენზირებული.

წინასწარ შევიძინოთ მეფუტკრისთვის აუცილებელი მოწყობილობები _ პირბადე, ასტამი, საბოლებელი, ჩარჩოები, ასაშენებელი ფიჭები, ჩარჩოში გასაბმელი მავთული, ლურსმანი, ცვილის გამოსადნობი ჭურჭელი, თაფლის საწური, მეფუტკრის დამხმარე ყუთი, ფიჭების გადასატანი ყუთი, გალია და სპეცტანსაცმელი _ სასურველია იყოს თეთრი.

ფუტკრის შეძენა ყოველთვის შეიძლება, მაგრამ უკეთესია კარგად გამოზამთრებული, მარტ-აპრილის თვეში, როცა წინაა მთავარი ღალიანობა. ოჯახი ჩქარა გაძლიერდება და კარგი ღალიანობის პირობებში, თაფლსაც უხვად გამოვიღებთ.

სასურველია, ფუტკრის შეძენამდე ვიფიქროთ, ვისგან ვყიდულობთ. ზოგ საფუტკრეში ფუტკარი დაავადებულია, მოძველებულია ბუდის ფიჭები, არ უვარგათ საფუტკრეში სანიტარული მდგომარეობა. ვურჩევ დამწყებ მეფუტკრეს, დახმარებისთვის მიმართოს გამოცდილ სპეციალისტს ან სულაც მივიდეს უახლოეს მეფუტკრეთა კავშირში. ასევე, შესაძლებელია, იაროთ მეფუტკრეთა კურსებზე.

გავითვალისწინოთ, რომ ღალიანობის პერიოდში, 4-5 კმ-ზე ახლო მანძილიდან, ფუტკრები ძველ ადგილზე დაბრუნდებიან. ამიტომ გადაყვანა გვიან საღამოს უნდა მოხდეს და დავიცვათ გადაყვანისთვის საჭირო ყველა წესი.

გადაყვანის შემდეგ, ნახევარი საათი ვადროვოთ და საფრენები მერე გავხსნათ. სკების ტრანპორტირება შეიძლება, როგორც საავტომობილო, ისე _ საჰაერო გზით, ოღონდ რკინიგზით სარგებლობის შემთხვევაში, ფუტკრის ოჯახი უნდა დავდგათ ისე, რომ სკის ჩარჩოები მოძრაობის მიმართულებით, მოძრაობის პარალელურ მდგომარეობაში იყოს. საფრენი მხარე კი წინ ან უკან მხარეს უნდა მოვაქციოთ.

ხშირად უნდა გაეცნოთ მეფუტკრეობის ახალ ლიტერატურულ წყაროებს, გაიღრმავეთ ცოდნა. თეორია და პრაქტიკა განუყოფელია ერთმანეთისგან. აუცილებელია აგრეთვე ბევრი ისეთი რამის ცოდნა, რაც შეიძლება წვრილმანად მოგვეჩვენოს. მაგალითად, ფუტკარი იმდენად მგრძნობიარე არსებაა, არ უყვარს ალკოჰოლური სასმელებისა და ოფლის სუნი. ასევე თქვენც გაბრაზებული ნუ მიბრძანდებით სკასთან. საფუტკრეში სირბილი, ხელების ქნევა და ყვირილი არ შეიძლება. მას სიმშვიდე, სიჩუმე და მუყაითი შრომა უყვარს და გარემოსაც ასეთს შეიგრძნობს.

პერიოდულად მოვახდინოთ სკების ინვენტარის დეზინფექცია. გვახსოვდეს, ფუტკართან კეთილგონივრული თანამშრომლობით, თქვენ გახდებით წარმატებული მეფუტკრე. გისურვებთ წარმატებებს.

 ჯანვერდ ცეცხლაძე,
გურიის მეფუტკრეთა კავშირის თავმჯდომარე




 ახალი ამბები
  • როგორია კახი კავსაძის ჯანმრთელობის მდგომარეობა„კახი კავსაძე ჩვენთან გუშინ, დაახლოებით 14:00 სთ-ზე შემოიყვანეს. შემოყვანისას მდგომარეობა კრიტიკული იყო. ჩატარდა ყველა ღონისძიება. დადასტურებულია კოვიდინფექცია, მაგრამ მინდა გითხრათ, რომ კოვიდინფექციის მძიმე ხარისხი ამ ეტაპზე არ იკვეთება. კლინიკურად მასთან სახეზე იყო ძირითადი დაავადება, რომელიც დააპროვოცირა კოვიდ ინფექციამ და მისმა გართულებამ. მინდა გითხრათ, რომ ამ ეტაპზე დადებითი დინამიკა გვაქვს. გემოდინამიკა უფრო სტაბილური გახდა. სუნთქვის პარამეტრები გაუმჯობესებულია. ვიმედოვნებთ, ღონისძიებები, რომელიც უკვე ჩატარდა და მომავალში ჩაუტარდება, პაციენტის გამოჯანმრთელებას გამოიწვევს“, - განაცხადა ჟურნალისტებთან საუბრისას თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა,   ლევან ... ...
  • აკრძალული ეკონომიკური საქმიანობის ფაქტზე 2 ობიექტი დაჯარიმდა, 2 309 ობიექტს კი საქმიანობა შეუჩერდაშრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა ქვეყნის მასშტაბით, იმ დაწესებულებების შემოწმება განახორციელა, რომლებიც საქართველოს მთავრობის 2020 წლის 23 მაისის N322-ე დადგენილებით აკრძალულ საქმიანობას ახორციელებდნენ. შემოწმების შედეგად დადგინდა, რომ ქ. ბათუმში შპს ,,ონლაინ მეჯიქ" ე. წ "რეფორმერი ფიტნესი" აკრძალულ ეკონომიკურ საქმიანობას ახორციელებდა, ფაქტის ადგილზე დაფიქსირების შემდეგ, დარღვევების შესაბამისად, იურიდიული პირი 10 000 ლარის ოდენობით დაჯარიმდა. თუმცა, მიუხედავად ამისა, სპორტული დარბაზი საქმიანობას კვლავ განაგრძობდა. შრომის ინსპექციამ განმეორებითი დარღვევის ფაქტის დაფიქსირების შესახებ ინფორმაცია შინაგან საქმეთა სამინისტროს მიაწოდა. N322-ე დადგენილებით დამტკიცებული "იზოლაციისა და კარანტინის წესების" მოთხოვნების განმეორებით დარღვევაზე პასუხისმგებლობა გათვალისწინებულია საქართველოს სისხლის სამართლის კოდექსის 248 I მუხლის შესაბამისად. ასევე, აკრძალული საქმიანობის გამო 10 000 ლარით დაჯარიმდა ქ. ბათუმში რესტორანი შპს "დიანა" - ე.წ. "კიდობანი". ობიექტი N322-ე დადგენილებით აკრძალულ ეკონომიკურ საქმიანობას ახორციელებდა. გარდა ამისა, შრომის ინსპექციის მიერ ქ. თბილისში ღამის კლუბების შემოწმებაც განხორციელდა. შემოწმების შედეგად, დადგინდა, რომ 10 000 ლარით დაჯარიმებული ობიექტი შპს ,,და ჰაუს რეკორდს”აკრაძალულ ეკონომიკურ საქმიანობას კვლავ განაგრძობდა. აღნიშნულის შესახებ შრომის ინსპექციამ შემდგომი რეგირების მიზნით, შინაგან საქმეთა სამინისტროს დაუყოვნებლივ აცნობა. ბოლო ორი დღის განმავლობაში შრომის ინსპექციამ გაფრთხილება 2738 ობიექტს მისცა, 2  დააჯარიმა და 2309 ობიექტს საქმიანობა შეუჩერა. შეგახსენებთ, რომ შექმნილი ეპიდემიოლოგიური ვითარებიდან გამომდინარე, შრომის ინსპექცია ქვეყნის მასშტაბით გამკაცრებულ კონტროლს ... ...
  • უბედური შემთხვევა ჩოხატაურში _ ბიჭი ე.წ. "დრაბილკაში" ჩავარდაუბედური შემთხვევა მოხდა ჩოხატაურში. "გურია ნიუსის" ინფორმაციით, მდინარე სუფსის ნაპირზე მდებარე ქვის სატეხი საამქროს ე.წ. დრაბილკაში ბიჭი ჩავარდა. იგი მძიმე დაზიანებებით ჩოხატაურის "მედალფას" სამედიცინო ცენტრში გადაიყვანეს. სადაც ჩვენივე ინფორმაციით ოპერაცია ჩაუტარდა. თუმცა ახალგაზრდის გადარჩენა ვერ მოხერხდა. „პაციენტს ჰქონდა მუცლის და გულ-მკერდის ძლიერი ტრავმა ჰქონდა. მუცლის დახურული ტრავმა. დიდი რაოდენობით სისხლი ჰქონდა დაკარგული. ოპერაციები ჩაუტარდა, მაგრამ, სამწუხაროდ, ეს დაზიანებები შეუთავსებელი იყო სიცოცხლესთან“, _ გვითხრა მედალფას ჩოხატაურის ცენტრის ხელმძღვანელმა ანტონ ხუნდაძემ. დაღუპული ჩოხატაურის მუნიციპალიტეტის სოფელ გოგოლესუბანში ცხოვრობდა. ის 37 წლის ... ...
  • უწყლობა ხიდისთავში- როდის მიეწოდება მოსახლეობას წყალიჩოხატაურის მუნიციპალიტეტში ხიდისთავის მოსახლეობას წყალი არ მიეწოდება. სოფელში უწყლობის პრობლემა წყალსადენი მილის დაზიანებას უკავშირდება. ამის შესახებ „გურია ნიუსს“ ჩოხატაურის მერის წარმომადგენელმა ხიდისთავის თემში, ზურა მათითაიშვილმა განუცხადა. „დილიდან ამ პრობლემის მოგვარებით ვარ დაკავებული. უკვე მესამეჯერ მივდივარ გორთაფონში. ხვალ დილისთვის სოფელს წყალი ექნება“,_ გვითხრა მერის ... ...
  • შსს-ს მომსახურების სააგენტო გარკვეული სერვისების მიწოდებას დროებით აჩერებს საქართველოს მთავრობის უწყებათშორისი საკოორდინაციო საბჭოს მიერ მიღებული გადაწყვეტილებისა და რეკომენდაციების შესაბამისად, ქვეყანაში კორონავირუსის გავრცელების პრევენციის მიზნით, შინაგან საქმეთა სამინისტროს მომსახურების სააგენტო 30 ნოემბრიდან გარკვეული სერვისების მიწოდებას დროებით აჩერებს და მუშაობის განსხვავებულ რეჟიმზე გადადის. "ახალი რეგულაციების თანახმად, მოქალაქეები დროებით ვერ შეძლებენ სატრანსპორტო საშუალების მართვის უფლების მისაღებ თეორიულ და პრაქტიკულ გამოცდაზე გასვლას, გარდა იმ პირებისა, ვისაც დაჯავშნილი ჰქონდათ თეორიული გამოცდის დღე ან ჩაბარებული აქვთ თეორიული და აბარებენ პრაქტიკულ გამოცდებს. მათ საშუალება ეძლევათ ყოველდღე, შაბათ-კვირის გარდა, ისარგებლონ შესაბამისი მომსახურებით. ასევე, ის პირები, რომლებსაც შეჩერებული აქვთ სატრანსპორტო საშუალების მართვის უფლება, მისი აღდგენის მიზნით, გამოცდებზე დაიშვებიან ელექტრონული რიგის დაჯავშნის გარეშე. დროებით ჩერდება ცეცხლსასროლი იარაღის რეგისტრაციასთან დაკავშირებული პროცედურებიც. გარდა ამისა, 30 ნოემბრიდან იზღუდება მომსახურების სააგენტოს სტრუქტურული ერთეულის ფარგლებს გარეთ მექანიკური სატრანსპორტო საშუალებების დათვალიერების პროცედურის განხორციელება, გარდა საბაჟო საწყობის ზონისა და სატრანსპორტო საშუალების მწარმოებლის ოფიციალური წარმომადგენელი (დილერი/ ცენტრი) კომპანიების ტერიტორიაზე. ასევე, მოქალაქეები დროებით ვერ ისარგებლებენ ახალქალაქისა და ამბროლაურის სერვისცენტრებში სასურველი მომსახურებით. ახალი სამუშაო გრაფიკის თანახმად, მომსახურების სააგენტოს შეგიძლიათ მიმართოთ სატრანსპორტო საშუალების განბაჟების, რეექსპორტის, ექსპორტისა და რეგისტრაციის პროცედურების განსახორციელებლად მხოლოდ ორშაბათს, ოთხშაბათს, პარასკევსა და შაბათს. რაც შეეხება მომსახურების სააგენტოს მიერ გასაცემ ცნობებს, განაცხადის მიღება შესაძლებელია მხოლოდ ელექტრონული წესით, მომსახურების სააგენტოს ვებგვერდის საშუალებით (sa.gov.ge). მზა დოკუმენტის გაცემა მოხდება განაცხადის შევსებისას მითითებულ სტრუქტურულ ერთეულში მხოლოდ ორშაბათს, ოთხშაბათს, პარასკევსა და შაბათს. ამასთანავე, კიდევ ერთხელ მოგიწოდებთ, გადაუდებელი აუცილებლობის გარდა, ნუ მიმართავთ მომსახურების სააგენტოს სერვისცენტრებს, ხოლო მიმართვის შემთხვევაში, თავი შეიკავეთ გარეშე პირების ... ...

არქივი